Dan Roodt, Author at praag.co.za

SA kry nuwe geld

Tito Mboweni, president van die Reserwebank, het Donderdag in Pretoria tydens sy presidentsrede by die bank se 89ste algemene jaarvergadering gesê die vervalsing van note en munte bly ’n risiko vir Suid-Afrika se ekonomie asook die bank self.

Hy het aangekondig dat Suid-Afrika sal oor vier jaar ’n nuwe geldreeks hê.

Die Reserwebank het begin om ’n nuwe reeks banknote en munte met verbeterde veiligheidseienskappe bekend te stel. Die note en munte sal ook nuwe temas hê.

Mboweni het gesê maatreëls om vervalsing te keer en die integriteit van geld in omloop te verseker, word deurlopend ingestel, het hy gesê.

яхтенные туры Лобановский

Kriegler gaan GDK hof toe vat

Oud-regter Johann Kriegler, voorsitter van die Freedom Under Law, FUL, ’n onafhanklike regsorganisasie sonder winsbejag, gaan 'n aansoek in die hooggregshof bring om die Geregterlike Dienskommissie, GDK, se besluit oor regterpresident John Hlophe te hersien.

Dokumente sal na verwagting volgende week by die hof ingedien word.

FUL het Donderdag in 'n verklaring gesê die GDK het nie op 'n brief wat aan hulle gestuur is, reageer nie.

Die brief versoek skriftelike redes waarom die GDK die saak teen Hlophe laat vaar het.

"FUL het nog geen reaksie van die GDK ontvang nie, en gaan oor tot die volgende stap," het FUL gesê.

Die brief is op 10 September aan Lex Mpati, waarnemende voorsitter van die GDK, gestuur en die GDK is tot 15 September kans gegee om op die brief te reageer.

Kriegler het verlede week in 'n onderhoud met Mail & Guardian gesê die GDK het ‘n vraagteken oor John Hlophe laat hang deur hom nie onder kruisverhoor te plaas nie.

“Die aanklagtes teen Hlophe is van die ergste wat jy teen ‘n regterlike amptenaar kan maak – om die integriteit van die hoogste hof in die land te ondermyn,” het Kriegler, voormalige regter van die konstitusionele hof en ‘n stigterslid van FUL, aan die koerant gesê.

“Ek weet nie of die aanklagtes waar is of nie.

“Al wat ek weet is dat die RDK dit nie wou ondersoek nie en dit was die basiese fout.”

“Dit los ‘n vraagteken bo sy kop en ek weet nie hoe hy sy kollegas in die oë sal kan kyk nie,” het Kriegler gesê.

Sy opmerkings verwys na die aanklag deur die GDK dat Hlophe wou inmeng in ’n uitspraak van die konstitusionele hof rakende Jacob Zuma voordat hy president geword het.

Hlophe het weer beswaar gemaak teen die feit dat die regters hul aantygings publiek gemaak het nog voordat hy daarop kon reageer.

Na ‘n voorlopige verhoor het die RDK besluit om die saak daar te laat, en Hlophe het na ‘n tydperk van spesiale verlof sy werk hervat.

online free slots

Is daar geregtigheid?

Suid-Afrika se regstelsel ly aan chroniese verstopping. Die Nasionale Vervolgingsgesag se jaarverslag toon dat daar oor die laaste vyf jaar ‘n 26,5 persent toename in agterstallige sake in die howe was. Dit beteken dat daar tans 276978 sake in die howe vassit.

Lees ook: 'Ek het nie lugtyd nie'.

Daar is in die laaste boekjaar 18 persent minder sake opgelos en afgehandel as in 2004/2005.

Wat verder kommerwekkend is, is dat al meer sake buite die howe deur arbitrasie opgelos word. Dit is goed dat daar nou sulke prosesse is, maar dit beteken dat die howe in wese nog slegter doen.

Die Nasionale Vervolgingsgesag sê een van die redes is dat daar al meer sake aanhangig gemaak word en dat daar meer aangeklaagdes en klagtes per saak is. Die enigste afleiding wat daaruit gemaak kan word, is dat die misdaad in die land redelik dramaties toegeneem het en dat daar al meer sindikate betrokke is by die misdaad.

Die Demokratiese Alliansie sê in sy reaksie dat dit waarskynlik verklaar waarom die misdaadsyfers weer eens teruggehou is. Die syfers moes kort voor die verkiesing vrygestel word, maar is teruggehou tot later dié maand.

Dit sal interessant wees om die misdaadsyfers en die hofsake met mekaar te vergelyk.

Op TLU SA se kongres het ‘n voormalige polisiekommissaris, generaal Johan van der Merwe, daarop gewys dat net 12 persent van alle moordenaars wat in 2007/2008 gemoor het, deur die hof skuldig bevind en gevonnis is.

Daar word gesê dat uitgestelde geregtigheid geen geregtigheid is nie. Ons wonder hoeveel sake in Suid-Afrika sommer net vir altyd verdwyn. Daar word nie vertel hoeveel sake net nooit die hof haal vanweë dossiere wat verdwyn het of ondersoekbeamptes wat nie hulle werk doen nie.

As dit bygetel word, sal die prentjie nog swarter lyk.

Natuurlik is een van die grootste probleme die kwessie dat swart bevoordeling ook in die regstelsel tot die uiterste gedryf word. Die vorige minister van justisie het verlede jaar erken dat honderde poste vir drie jaar lank nie gevul is nie, omdat die departement nie sy demografiese teikens kon bereik nie.

Dit is met ander woorde vir die ANC-regering belangriker om swart aanklaers en landdroste te sien as om misdadigers agter tralies te kry. Die regstelsel is dus net soos munisipale bestuur, onderwys en gesondheid ‘n slagoffer van die politieke doelwitte van ‘n regering wat uit ‘n rewolusie gebore is. Ons is in ‘n land wat steeds ly onder rewolusionêre doelwitte.

Dit sou natuurlik beter gegaan het in die howe as daar minder misdaad was, maar dit is ook die erfenis van die rewolusie en die voorbeeld wat deur die topleiers in die regering gestel word.

Dit bring ons weer terug by die punt dat ons as volk net geregtigheid kan verwag as ons ‘n eie regstelsel het. Daar moet net so hard gewerk word aan hierdie struktuur as aan strukture soos onderwys en gesondheid.

курна для хамама цена

Ek het sommer net gewonder…

Volgens statistieke is dames se belangstellingvlak ingestel op modes, skindernuus en eie- en gesinsbelange. Dis dalk waar … maar partykeer dink ons ook. Dis nou waar die "wonder" inkom.

Tydskrifprogramme op televisie is my gunsteling – daar kry mens mos sommer so bietjie van alles en nog wat. Om in ons geliefde taal, Afrikaans, ook nog te kan "kyk" moet gekoester word, want van oral klink die basuin vir Engels so hard dat die min Afrikaans wat daar nog is, 'n kleinood is. (Dit sluit nou nie programme soos "Kompleks" in wat die Afrikaner se IK onderskat nie).

En so kom ek toe by die "wonder" uit. Die aanbieders gebruik goeie Afrikaans (of probeer darem) maar die medewerkers (dalk voel hulle belangrik om op die televisie te wees) se taal laat veel te wense oor. Die "Afrikaanse" tydskrifprogram het talle uitdrukkings in soos: "die cherry op die koek; amazing, style en cool". Ek wonder toe wat dit in Engels sou wees?

Ek kyk gereeld na die Engelse tydskrifprogram en soek na Afrikaanse woorde om hulle program mee op te "kikker" maar ek hoor net goeie Engels. Nou wonder ek, waar lê die probleem – dalk by die Afrikaanssprekende persone wat so lief is vir hulle taal …

Klippie in die skoen

Dit lyk my ek steek vandag by die taal vas. Is daar nie iemand wat lus het om so bietjie navorsing te doen oor die woord "huidiglik" nie? Ek het … en het by 'n belangrike persoon in die politiek uitgekom, wat nie meer met ons is nie. Waarskuwing: (lees op die blikkie) Huidiglik was gisterlik nog nie 'n woord nie, maar as ons vandaglik aanhou om dit so te misbruik, gaan dit môrelik in die nuwe woordeboek opgeneem word as 'n woord! So wees gewaarsku en hou buite bereik van kinders.

Moet asseblief vir niemand vertel nie! "San-Marie" (Amalia Uys) van 7de Laan is aangewys as een van die besgeklede vroue in Suid-Afrika. Nou wonder ek net, sou hulle so besig gewees het met haar klere dat hulle skoon van haar hare vergeet het?

Op note

Dink julle ook dat Nianell en Dozi 'n goeie kombinasie as sangpaar is? Hulle kan gerus aan 'n volgende duet-laserskyf dink en miskien Andrew Lloydd Webber se musiek gebruik.

'n Sagte antwoord

Ek het jare gelede hierdie kosbare kleinood raakgelees en wil dit graag deel.

Twaalf jaar lank het Beuhla, die gewoonte gehad om op haar kinders te skree. In die klaskamer by die Christelike skool waar sy onderwyseres was, het sy ook die kinders verskree om hulle in toom te probeer hou. Haar keel kon dit later nie meer hou nie.

Die kinders het hulle uiterste bes gedoen om haar geduld te beproef en haar gesag te ondermyn. Sy het dit 'n saak van gebed gemaak.

Hulle hoof was een oggend onvermydelik laat vir die weeklikse opening met godsdiens in die saal. Die kinders het al luidrugtiger begin raak. Toe die hoof later opdaag het hy in die deur bly staan en gewag totdat hulle hom sien en die geraas het dadelik stil geword. Hy vra toe sag of hulle vergeet het waarvoor hulle daar byeen is en het die godsdiens gelei asof daar niks gebeur het nie. Beuhla kon net in verwondering toekyk.

'n Paar dae later kom sy af op Spreuke 15:1: "'n Sagte antwoord keer die grimmigheid af, maar 'n krenkende woord laat die toorn opkom." Dit is goed en wel, het sy gedink, maar die kinders sal nie vir haar luister as sy sagter praat nie.

By die huis het die patroon maar dieselfde gebly en haar keel het al seerder geword van die gegil op haar kinders en ook by die skool. Sy het dit begin oorweeg om op te hou met skoolhou, sodat haar keel kon regkom. Sy was baie bekommerd en het gewonder of daar nie iets ernstig verkeerd is met haar keel nie.

Toe sy later die aand vir haar kinders wou skree dat hulle die TV moet afsit omdat dit tyd is vir huisgodsdiens, was haar stem weg. Sy stap toe na hulle toe en fluister haar opdrag. Groot was haar verbasing toe hulle dadelik geluister

het sonder om eens teë te praat. Sy het gedink hulle voel maar net jammer vir haar.

Die volgende oggend het sy aangehou om heel sag te praat, sodat sy haar keel kon laat rus. Die kinders het alles gedoen wat sy gevra het. By die skool moes sy na elke leerder se bank toe loop wanneer sy iets wou bespreek, alles in 'n fluisterstem. Daar het 'n ongewone kalmte in die klaskamer geheers.

Dit het haar laat wonder waarom sy al die jare so geskree het. Was dit makliker om te skree as om na die kinders toe te loop en in 'n sagte stem te praat?

Dit het haar geleer om vooraf mooi te dink wat sy wou sê en dan het sy dit sag maar beslis gesê. Dinge het drasties verander. Haar kinders het 'n plesier vir haar geword en daar was wedersydse respek.

Die klaskamer by die skool was ook aansienlik stiller. Die kinders het beter werk gelewer – en haar keel het heeltemal genees.

O, Heer, skenk my die gemoedskalmte om te aanvaar wat ek nie kan verander nie, moed om te verander wat ek kan en die wysheid om die verskil te ken. Amen.

постройка бани на

‘Ek het nie lugtyd nie’

Clinton Basson se twee moordenaars het hom eers aangerand en hom gedwing om op sy knieë vir sy lewe te pleit voordat hulle hom in die kop geskiet het.

'n Hele 108 dae na die grusame moord op die 32-jarige konstruksiekonsultant oorkant 'n kroeg in Honeydew, noordwes van Johannesburg, sê die polsiebeampte wat die saak moet hanteer hy kon nog niks doen nie, want hy het nie 'n selfoon in sy motor nie.

Sy bevelvoerder by die Honeydewpolisiestasie weier verder om te verduidelik waarom Basson se lyk na vyf dae nog nie uitgeken was nie ten spyte daarvan dat sy bestuurderslisensie in sy sak was.

Inspekteur Gabriel Nonyana het erken dat hy nie Basson se outopsieverslag by die Roodepoortse lykshuis gaan haal het nie, nie die koeëls vir ballistiese toetse gestuur het nie en ook nie twee ooggetuies ondervra het nie, want "hulle het 'n hulpbronprobleem".

"Ek kan niemand bel nie want ek het nie lugtyd nie," het hy gesê.

Die dagblad The Star het ook uitgevind dat Nonyana nie Basson se klere, met die moordenaar se bloed bevlek, ingestuur het vir analise nie, maar dit in direkte sonlig agter sy lessenaar gebêre het.

Toe die koerant hom nader oor die Basson-moordsaak, het Nonyana eers voorgegee dat hy nie van so 'n saak weet nie.

Sy hoof, kaptein Kalani, se reaksie was nog meer vyandig en nadat hy herhaaldelik gesê het hy gaan niks verduidelik nie, het hy die foon neergegooi.

Basson se familie is getraumatiseer deur die moord en die polisie se houding.

Sy vader Dave het reeds duisende rande bestee om 'n privaatondersoek te laat doen en is oorweldig deur emosie as hy van die saak praat.

"Ek weet nie wat ek nog kan doen nie… Ek kan nie die staat baklei nie," het hy gesê.

Kalani sê die polisie kan nie die privaatgetuienis gebruik nie, want die ondersoeker "is nie 'n lid van die gesin nie".

веник из прокурор Фильчаков

Gewettigde onreg

Ek verwys na Nico Smith, Chris Moerdyk en Andries Cornelissen se onlangse belaglike standpunte in Beeld. Met inagname van die stelsel van gewettigde diskriminasie, kan mens nie anders as om hierna as propganda te verwys nie. Propaganda met redelik min oortuigingskrag, moet ek byvoeg. By die lees daarvan, besef jy weereens in watter bisarre situasie ons ons vandag in die Nuwe Suid-Afrika bevind. Daar kan onmoontlik nog so ŉ ras-obsessiewe samelewing op aarde wees. Enige persoon, blank of nie-blank wat vandag die woord "rassis" uiter met verwysing na ŉ blanke persoon, is seker die grootste huigelaar op aarde. Dit is werklik onmoontlik vir ŉ blanke om meer rassisties te wees as wat die regering, sy instansies en sy propagandiste is. Daarmee saam word honderde ander liggame soos skole en besighede gedwing om rassistiese maatreëls toe te pas, wat almal net met een doel ingestel is, naamlik diskriminasie op grond van ras.

Verblydend is egter dat die man op straat se sentiment nou na homself verskuif het, en dat dit wat hy aan sy eie bas voel, belangriker raak as die probleme waarmee die "ander" gekonfronteer word. In die laaste loopgraaf, lê lojaliteit egter by jouself, jou gesin en jou onmiddellike gemeenskap binne ŉ radius van 10 kilometer om jou. Daarna lê dit by ander gemeenskappe wat dieselfde waardes as jy aanhang. Dis te betwyfel of mense enige lojaliteit teen gemeenskappe voel wat ander waardes aanhang. Dit word weerspieël deur die wêreldkaart met duidelike grense, waar mense met gedeelte waardestelsels verkies om hulself te regeer.

ŉ Stelsel soos dié wat ons nou beleef, bestaan slegs omdat ons almal op een of ander manier daaraan erkenning verleen. Wanneer ŉ mense egter uitsprake in hul gedagtes, in hul huise, en in hul gemeenskappe teen die stelsel lewer, en diegene wat dit ondersteun word openlik uitgelag, stort so ŉ stelsel, wat geen simbiose vir ons inhou nie, net so vinnig in duie. Wat ons in die volgende paar jaar nodig gaan hê, is dat daar elke dag, op elke straathoek, in elke dorp en stad oor hierdie onregte gepraat word, geskryf word en betoog word. Die naarstiglike pogings wat leiers regoor die spektrum aanwend om argumente ten gunste van die status quo daar te stel, dui aan dat hulle benoud is en voel dat die openbare mening besig is om teen hulle draai.

Om die stelsel van buite af te kritiseer is egter nie genoeg nie. Dit is aanvanklik maklik om die vyand op ŉ afstand buite die stadsmure besig te hou. As ŉ paar van sy trawante hulsef vermom, die stad binnesypel en vyandelike idees verkondig, raak dit veel moeiliker . Ons moet dus toenemend probeer om op watter slinkse manier ookal onsself teen die stelsel te verset. Ons moet slu word, soms op die oog af ons samewerking gee, vriendelik glimlag, en dan agteraf konkel. Dit vereis baie, dalk 'n verandering in ons mentaliteit…

Al kan ons onsself nie noodwendig geheel en al geografies afsonder nie, moet ons ons geestelik, finansieel, taalkundig en opvoedkundig isoleer en herontdek . ŉ Periode van afsondering is suiwerend en vernuwend van aard en soos die Israeliete in die woestyn van dooie hout ontslae geraak het, gaan ons ook van ondermynende gedagterigtings en slegte invloede ontslae raak. Hopelik vind ons in ons afsondering uit wie en wat ons werklik is…en dalk kom ons agter dat ons kollektiewe idealisme en organisatoriese vaardighede ongeëwenaard op die kontinent is…dalk ook die rede hoekom ons op alle lewensterreine aangeval word?

free bet

‘n Nuwe kop

топкарго

Plaasmoordslagoffers se name vandag uitgelees

Solidariteit Radio gaan vandag die name van sowat 1 650 slagoffers van plaasaanvalle oor hul internet-radiodiens uitlees. Dit sal na verwagting agt uur neem om al die name uit te lees.

Bekendes wat aan die program gaan deelneem is onder meer Marius Weyers, Bok van Blerk, Brümilda van Rensburg, Shaleen Surtie-Richards, Sean Else, Lianie May, MD Greyling, Gerrie Pretorius, Ghapi, Mel Botes, Elizma Theron, Allan Boesak en Pieter Mulder.

Naasbestaandes van slagoffers sal ook help lees.

Kort beskrywings van hoe die aanvalle en moorde plaasgevind het, sal ook voorgelees word.

Die naamlys is deur die TLU-SA opgestel. Dirk Hermann, adjunk-uitvoerende hoof van die vakbond Solidariteit, het aan Beeld gesê daar is waarskynlik tussen 2 000 en 3 000 slagoffers wat weens swak misdaadstatistieke nie opgeneem is nie.

Die uitsending kan vanaf 8:30 tot sowat 16:30 op www.solidariteitradio.co.za gevolg word.

topcargo отзыв

Oegandese krieketspelers sny ‘n lyn

Sewe krieketspelers van die 0.19-Oegandese krieketspan is steeds soek nadat hulle ná hulle wedstryd in Kanada vermis geraak het.

Latimer Mukasa , woordvoerder van die Oegandese Krieketvereniging, het gesê die spelers het Saterdag die kamp in Toronto verlaat en is nooit weer gesien nie.

Die groep sou twee dae later terugkeer huis toe.

Die span het aan 'n toernooi ter voorbereiding vir die Wêreldbeker volgende jaar deelgeneem, maar het nie gekwalifiseer nie. Die wêreldbekertoernooi gaan volgende jaar in Nieu-Seeland gehou word.

Mukasa het gesê die Kanadese polisie is opsoek na die spelers wat sonder hul reisdokumente verdwyn het.

"Ons is in kontak met die Kanadese owerhede en het hulle opdrag om die spelers na Oeganda te deporteer sodra hulle gevind is."

Onder die vermiste spelers is die kaptein van die span, Ahmed Yakub, Andrew Ochan, Emmanuel Nakaana, Ahmed Sangau, Moses Okwera, Geoffrey Nyero en Michael Abala.

Dit is nie die eerste keer dat Oegandese krieketspelers in die buiteland verdwyn nie.

Twee jaar gelede het ná 'n toernooi wat in Darwin gespeel is, het Jimmy Okello en Patrick Ochan in Australië agtergebly.

как строит баня

Chinese inkursie in Indi

Chinese inkursies in Indië is besig om ongemak by die Indiese bevolking te skep. Woensdag het Indiese nuusagentskappe China se troepe se bewegings oor die grens tussen die twee lande probeer minimaliseer en as 'n nietigheid afgemaak.

Nieu-Delhi het Dinsdag berigte ontken dat twee Indiese soldate deur Chinese oortreders gewond is in 'n skietgeveg in Sikkim. Minister van buitelandse sake, Vishnu Prakash, het gesê die berigte is feitelik nie korrek nie.

Maar gemoedere veral langs die grens in die streek van Chumar, oos van Leh, loop hoog.

Volgens 'n intelligensie-offisier wil die regering nie graag hê die insident moet rugbaar word nie. Sekere groepe in Indië is reeds daarvan oortuig dat China kwaadwillig optree

Een so 'n groep is die Gorkha Janmukti Morcha-party wat aangedui het dat hulle die grens gaan bewaak. Die GJM-hoof, Bimal Gurung, sê sy party gaan 'n spesiale eenheid op die been bring en dat hulle dit met federale befondsing wil doen.

Die spesiale eenheid sal bekend staan as Saheed Durga Malla en Gurung sê indien China Indië aanval, sal die eenheid 500 man in die veld stoot.

Amptelike bronne het intussen bevestig dat Chinese troepe ten minste 1,5km in Indië inbeweeg het naby Mount Gya en hulle het die woord "China" in Kantonees met rooi spuitverf op rotse en kranse aangebring.

шорты для девочки