Dan Roodt, Author at praag.co.za

Kerk vertoon gay pornografie

‘n Pastoor wat Oeganda se anti-gay veldtog wil uitbrei, het gay pornografie in ‘n stampvol kerk in Kampala gewys in ‘n poging om nog ondersteuners te werf.

Sowat 300 ondersteuners het in die kerk bymekaar gekom nadat hul groot beplande optog deur die polisie weens veiligheidsredes verhoed is.

Eksplisiete pornografiese prente is in die kerk gewys.

“Is dit wat Obama Afrika toe wil bring?” het Martin Ssempa in die kerk gevra.

Amerika het verlede jaar Oeganda se grondwet gekritiseer wat maatreëls teen homoseksualiteit verder wou verstewig.

Homoseksualiteit in Oeganda kan in sekere gevalle met lewenslange tronkstaf gestraf word.

Die grondwet het van meet af aan politieke ondersteuning in Oeganda gekry, maar het sterk kritiek van Barack Obama, president van die VSA, uitgelok wat dit “afskuwelik” genoem het.

Demokrasie in aksie en verkiesingsbeloftes

In die praktyk is die nakom van verkiesingsbeloftes nie altyd so maklik nie. Selfs die Amerikaanse president, Barack Obama wat op ‘n golf van euforie die Wit Huis ingeseil het, voel die hamerhoue van realiteit, en op die oomblik kom daar in die praktyk dadels van ondernemings oor die terugroep van Amerikaanse soldate uit konflikgebiede. Trouens, in Afganistan moet die soldate eers vermeerder word om te kan verminder.

Die VSA is egter nie die enigste Navo-land wat met hierdie taai toffie en verkiesingsbeloftes opgesaal sit nie. In Nederland dreig die koalisieregering om hieroor uitmekaar te spat.

Die Nederlandse kontingent is in die Afgaanse provinsie Uruzgan ontplooi. Die afgelope aantal jare het Uruzgan in Nederland so ‘n huishoudelike naam soos Friesland geword, en die pers vind dit baie selde nodig om by te voeg dat dié plek in Afganistan is.

Juis noudat ‘n fase aanbreek waar konvensionele militêre stratege meen die oorlog kan konvensioneel beëindig en die situasie bestendig word, sit verskeie lande met verkiesingsbeloftes opgeskeep dat hul magte onttrek sal word. Hierdie beloftes is ook mildelik in Nederland aan die kiesers gemaak, en nou breek die oomblik van waarheid aan.

Die Nederlandse koalisie bestaan uit drie partye – die Christen-Demokratiese Appèl wat die grootste is, die Partij van de Arbeid (PvdA), wat met die Britse Arbeidersparty eerder as tradisionele Europese Sosialistepartye vergelyk kan word, en die kleiner ChristenUnie. Die PvdA skop nou vas teen planne om die onttrekking uit Uruzgan met ‘n jaar uit te stel – iets wat nodig is om die huidige militêre suksesse teen die Taliban te bestendig, maar ook onontbeerlik vir die heropbou van Afganistan.

Die PvdA se besluit is nie noodwendig gewild nie. Die militêre vakbond daag die PvdA uit om aan naasbestaandes van gevalle soldate en aan soldate wat in Afganistan gewond is te kom verduidelik dat dié opofferings vrugteloos was.

Die PvdA, onder die vaandel van die nakom van verkiesingsbeloftes, spreek sy verbasing uit oor sy koalisievennote se verbasing dat hy by sy verkiesingsbeloftes wil bly. Die koalisievennote is op hul beurt weer verbaas dat die PvdA nie die realiteit in die praktyk kan beoordeel en daarop reageer nie.

Deur die Taliban nou te laat ontsnap, gaan eenvoudig beteken dat die Weste binnekort weer die wrang vrugte gaan pluk.

Aan die ander kant, ‘n oorlog met diep ideologiese en religieuse wortels, word ook selde op die slagveld beslis. Juis daarom, beoordeel die stryders, is die heropbou van Afganistan nodig om die harte van die mense te wen. Hierdie opsie is ook nie die produk van teoretici agter hul lessenaars duisende kilometer van die toneel af nie, maar van bevelvoerders wat al jare lank aan die realiteite op die Afgaanse voetsoolvlak blootgestel is.

куплю бра лобановский харьков

Dianne se gekruide parlementêre taal

Dat politici nie op hul monde geval is nie, is nie ‘n geheim nie.

Trouens, die Britse lords het gemeen hulle is sulke ysters as kommunikators dat hulle nie nodig het om kundiges met verkiesingsveldtogte te gebruik nie. Toe doen Margaret Thatcher se Tories dit, en uit die amperse bloute verskyn die ystervrou op die toneel.

Nou het die DA se Dianne Kohler-Barnard in dingetjie in die parlement kwytgeraak wat haar vyf dae se skorsing deur haar eie party op die lyf laat loop het, en sy moet nog die parlement vir dié geturksvyde woorde om verskoning vra ook.

Oud-Minister Hendrik Schoeman, indertyd Minister van landbou, is volgens oorlewering een nag wakkergebel deur ‘n boer wat kla oor die mieliepryse of iets. Volgens hierdie oorlewering het Hendrik vir die boer in geen onduidelike taal nie laat verstaan hy moet gaan &*&.

Dis reg, dis hoe my minister met my moet praat.

Alles volgens oorlewering.

Beloftes maak het ministers ook al reputasies en byname besorg, soos Piet Promises. Maar, so lyk dit ook, is Piet se “rekord” soos wyle Hendrik s’n, lankal verpletter. As hedendaagse “promises” nie donkievye geblyk te gewees het nie, smaak dit my sou daar nie meer ‘n arm mense in Afrika gewees het nie, en sou die strate en paaie al ‘n goudlagie gehad het. Nou het die paaie ‘n skrootlagie soos goed deur die slaggate uit die rygoed uitgeruk word.

Politici wat groen blaartjies opsoek, is ook nie iets heeltemal nuuts nie. Maar ook hier, meen ek, is alle rekords ook nou al herskryf.

Iemand wat natuurlik vir Dianne lesse sou kon gee oor parlementêre kwinkslae, was Neelsie Langenhoven. Maar ek het net ‘n spesmaas as iemand vandag iets sou herhaal wat Langenhoven volgens oorlewering kwytgeraak het, naamlik daai een dat die helfte van die lede ‘n klomp ape is, sal die poppe veel erger dans as destyds.

Volgens oorlewering het Langenhoven daarmee weggekom toe hy die beswaarde agbare lede in sy terugtrekking verseker het die helfte van die lede is nié ‘n spul ape nie.

Trouens, ‘n hele rits opmerkings, selfs onskuldig bedoel, sal waarskynlik veel meer as vyf skorsingsdae en ‘n terugtrekking tot gevolg hê. Om so ‘n paar te noem: “Dit lyk of Kaapstad se dieretuin verhuis het.” Of: “Die sirkus is in die stad.”

‘n Opmerking soos: “Die ooievaar sit op die dak,” kan dalk ook groot teenspoed beteken.

So fyngevoelig is die mense in die praathuis nou dat gebaretaal onverwags teenspoed gekry het. ‘n ANC-lid het glo vir Zuma se prosessie op pad parlement toe gewuif, maar is gearresteer en van crimen injuria aangekla oor dié vingertaal. Hy het na bewering net met sy middelvinger gewaai.

Ja-nee, dinge sal nooit weer dieselfde wees nie. Ek bedoel, nie lank gelede nie het Johnny de Lange nog ‘n gedoktorde NNP-lid binne die parlement so hard gemoker dat die agbare lid op sy agbare agterent beland het. So hard, hy is heeltemal binne-in die ANC ingemoker is.

Ek meen, dié insident sal nou seker maak dat Dianne nou ook ‘n vurige kampvegter vir Afrikaans word. Het sy maar, soos ‘n bekende Afrikaanse tennisspeler vir die skeidsregter in Afrikaans gesê het is ‘n &8&huis, haar ding in Afrikaans gedoen, het sy weggekom daarmee.

Hoewel, ek dink daai spesifieke woorde sou die agbare verontregde lid ook verstaan het al was dit in Afrikaans gebesig.

Maar niemand sal stry nie. Dianne het as kommunikator soos min ontpop. Net twee woorde en sy het meer aandag op haar gevestig en is ernstiger opgeneem as ‘n prez met twee spietse.

Reaksie op die 2010/2011 begroting

Mnr. Pravin Gordhan het daarin geslaag om te midde van baie moeilike finansiële omstandighede ‘n gebalanseerde begroting voor te hou.

Die afgelope week was ‘n belangrike week vir Suid-Afrika deurdat die President in sy repliek aangedui het dat die nasionalisering van myne nie die regering se beleid is nie en dat minister Gordhan in sy begrotingsrede aangedui het dat die reserwebank onafhanklik moet bly met spesifieke inflasieteikens. Hopelik sal dit die raserige ekonomiese debat binne die regerende alliansie stil maak en buitelandse beleggers se vertroue in Suid-Afrika herbevestig.

Die VF Plus verwelkom die verhoging in ouderdomspensioen en die feit dat persoonlike inkomstebelasting nie verhoog is nie. Deurdat die Minister R70 miljard minder as verwagte inkomste kry, was daar wye bespiegeling dat daar geen verhoging van toelaes gaan wees nie en dat persoonlike inkomstebelasting sal moet verhoog.

Die 25% verhoging van belasting op brandstof is ‘n fout wat groot druk op reeds swaar belaste motoriste en die inflasiekoers gaan plaas. Hierdie belasting gaan gebruik word om ‘n brandstofpypleiding te bou. Die vraag is of die motoriste werklik enige voordeel hieruit gaan kry. Dit is dieselfde verkeerde benadering as wat deur Eskom gebruik word waar tariewe verhoog word om ‘n kapitaalprojek te finansier.

Die VF Plus verwelkom die groenbelasting op motoruitlaatgasse as ‘n eerste ernstige stap van die regering om ‘n werklike bydrae tot besoedeling en aardverhitting te maak.

Vir sewentien jaar het Suid-Afrika nie ‘n resessie ondervind nie en was daar telkens ‘n oorskot belastinginkomste vir die staat. Vir die eerste keer word daar nou in die nuwe finansiële jaar van staatsamptenare verwag om ernstig te besnoei en meer te doen met minder geld. Die groot vraag is of die staatsdiens, wat vir dekades nie in so ‘n situasie was nie, hierin sal kan slaag. Met volgende jaar se begroting sal ons weet tot watter mate hierin en met die nuwe korrupsie-maatreëls geslaag is.

Dan Roodt op Classic FM 102.7

Dr. Dan Roodt, skrywer, aktivis en uitgewer van praag.co.za, sal vanaand om 7-uur ‘n gas wees van David Gleason se State of the Nation-program op die Johannesburgse radiostasie, Classic FM wat vanaf 102.7 regstreeks uitsaai.

Die program bestaan uit vier segmente van 15 minute elk en dr. Roodt sal tydens die segment oor politiek aan die woord wees, tesame met die swart rubriekskrywer Aubrey Matshiqi. Die onderwerp is “Suid-Afrika sedert Mandela se vrylating”.

Luisteraars wat buite die Gautengse uitsaaigebied van Classic FM val, kan lewendig op die internet daarna luister by http://www.classicfm.co.za/

Môreaand vlieg dr. Roodt na Washington waar hy die tweejaarlikse konferensie van American Renaissance, ‘n pro-blanke dinkskrum en aktivistiese beweging onder leiding van mnr. Jared Taylor, sal toespreek oor die onderwerp: “The white man’s burden: how the colonial mentality brought down European civilization”. Die konferensie is byna-byna gekanselleer nadat linkse groepe in Washington doodsdreigemente aan die hotelbestuur naby die lughawe gerig het. Ter elfder ure is die konferensie na ‘n ander hotel naby die Capitol in Washington verskuif. Die Capitol Skyline Hotel by 10 I Street Southwest, Washington, DC 20024, het hom bereid verklaar om die konferensie te huisves, ongeag dreigemente en moontlike betogings deur militante linkse groepe.

Mnr. Craig Bodeker, die maker van ‘n suksesvolle dokumentêre film, A Conversation about Race, sal insgelyks die American Renaissance-konferensie toespreek oor sy wedervaringe tydens en ná die vervaardiging van die film.

entertaining games Александр Фильчаков

Wapen van massavernietiging

{jathumbnail off}

Dwelms vir wapens

Volgens die Verenigde Nasies word kokaiën wat na Wes-Afrika deur Latyns-Amerikaanse dwelmbase vervoer word, vir wapens geruil.

Die ruilhandel in die arm en politiese onstabiele lande in Wes-Afrika is hoogs gevaarlik aangesien die area glo toenemend deur Al-Kaida terroristegroepe bewoon word.

Volgens die VN se Antonio Maria Costa is daar bewyse van ‘n verhouding tussen dwelmsmokkelaars en terroristegroepe.

Kokaiën van Suid-Amerika beweeg al jare lank deur die kus van Wes-Afrika en deskundiges glo die dwelms word dan aan smokkelaars oorhandig wat die kokaiën noord stuur.

Een beweerde roete kruis dele van die Saharawoestyn wat deur rebelle beheer word.

‘Solidariteit mislei SA met briewe’

Die presidensie sê die vakbond Solidariteit mislei die publiek oor die 23 000 briewe oor Suid-Afrikaners se kommer oor misdaad.

In reaksie op die vakbond se bewering dat die presidensie weier om die briewe te aanvaar, het die presidensie gesê die vakbond het nie die nodige reëlings getref voor die briewe afgelewer is nie, het Vincent Magwenya, ‘n woordvoerder, gesê.

“Daar was nie amptelike planne om te briewe af te haal nie.”

Die vakbond het glo nie hulself identifiseer nie, en het met ‘n junior personeellid in die president se kantoor gepraat. Die vakbond het glo net gesê dat hulle dokumente wil aflewer.

Die personeellid het hulle toe gesê waar om die briewe af te lewer.

“Daar was niks buitengewoon aan die versoek nie, omdat ons gereeld dokumente kry,” het Magwenya gesê.

Данильченко

Moord enkele dae voor Fifa-byeenkoms

Colleen van Eyk, Sun City se bestuurder van openbare betrekkinge, is Sondagnag enkele dae voor ‘n Fifa-byeenkoms by dié hotel, vermoor.

Beeld berig sy is verwurg aangetref in haar woonstel by die oord.

Dié grusame moord is ontdek enkele dae voor die aanvang van ’n internasionale konferensie van die sokkerbeheerliggaam Fifa.

Die Fifa-konferensie begin hierdie Vrydag. Fisioterapeute van al 32 deelnemende sokkerspanne is in Suid-Afrika om deel te neem.

Die konferensie word opgevolg deur van die nasionale spanne se afrigters se byeenkoms.

Fifa wou nie Dinsdagaand kommentaar op die moord lewer nie.

Steeds volstruispolitiek oor misdaad

Dit is steeds onduidelik waar pres. Jacob Zuma sy handboek gekry het oor hoe om ‘n land nié te regeer nie. Hy wend dit egter klaarblyklik steeds mildelik aan.

Terwyl nog ‘n uiters grusame plaasmoord in die Oos-Kaap, te midde van ‘n dawerende swye in al elf amptelike tale deur die regering, aan die lig kom, word ‘n parlementslid gedwing om ‘n opmerking terug te trek dat die regering wetteloosheid bevorder. Buite die parlement was meer as twintigduisend protesbriewe van die publiek om beswaar oor misdaad te maak, maar die regering weier om dit in ontvangs te neem.

Dié protesbriewe was die gevolg daarvan dat pres. Jacob Zuma in sy staatsrede slegs enkele futlose sinne aan misdaad en die bekamping daarvan afgestaan het.

Aan die vooraand van hierdie staatsrede het ver skeie aanvalle op gesinne in veiligheidskomplekse plaasgevind, was daar lewensverlies en is die vrou van ‘n gospelsanger verkrag. Minstens vyf boere of hul gesinslede is vanjaar reeds in plaasaanvalle vermoor, die meeste uiters grusaam.

Onlangs het die Nederlandse koerant Trouw ‘n artikel geplaas waarin met taamlike grusame detail oor Suid-Afrika se plaasmoorde berig word. Sedertdien het minstens nog drie sulke moorde plaasgevind.

Om tot die gevolgtrekking te kom dat die regering wetteloosheid aanmoedig is dus nie te moeilik nie, en ‘n eis om so ‘n opmerking wat onder parlementêre privilegie gemaak is terug te trek sonder om opposisiebetoë hieroor aan te hoor, laf.

Vrye mark ekonome is dit eens dat die staat se rol in die ekonomie beperk moet wees tot die verskaffing van ‘n veilige omgewing waarbinne markkragte optimale spierkrag kan toon. Al is almal nie ewe oortuig dat die staat se rol so beperk kan word nie, beteken dit nie dat iemand die veilige omgewing as voorvereiste betwis nie. Dat die regering juis nou, aan die vooraand van die nasionale begroting volstruispolitiek oor misdaad aan die dag lê druis in teen landsbelang, net soos die onwilligheid om nasionaliseringspraatjies behoorlik nek om te draai.

Te midde hiervan het die Minister van landelike Ontwikkeling en Grondhervorming weer die opmerking gemaak dat die beginsel van vrywillige verkoper, gewillige verkoper, nie bekostigbaar is nie, en daarom ‘n groot bedreiging vir die land se veiligheid inhou. Die verwagtinge wat die regering op hierdie wyse wil paai, is in ‘n land met marginale landboustoestande egter nog gevaarliker, aangesien betreklike groot plase nodig is om ‘n inkomste gelykstaande aan die regering se minimumlone te verseker. Tog hou die regering vol met stellings dat hy landelike armoede wil teenwerk deur die grootskaalse vestiging van kleinboere. Enige landbou-ekonoom sal uitwys dat hierdie beleid armoede skep en voedselsekuriteit na die maan stuur – juis die grondslag vir geweld.

free slot games