Dan Roodt, Author at praag.co.za

Mutasie in varkgriepvirus gevind

Die Wêreld Gesondheidsorganisasie het gister gesê dat ‘n mutasie gevind is in monsters van die varkgriepvirus wat geneem is na die eerste twee sterftes van die pandemie in Noorweë.

Hulle het egter beklemtoon dat dit nie voorkom asof die mutasie ‘n meer aansteeklike of gevaarlike vorm van A(H1N1)-griep veroorsaak nie en dat sommige ander, soortegelyke gevalle wat elders waargeneem is, matig was.

“Die Noorweegse Instituut vir Openbare Gesondheid het die WGO in kennis gestel dat ‘n mutasie bespeur is in drie H1N1-virusse,” het die WGO in voorligtingaantekeninge gesê.

“Die virusse is geïsoleer van die eerste twee noodlottige gevalle van die pandemiese griep in dié land en een pasiënt met ernstige ongesteldheid,” het hulle gesê, alhoewel hulle bygevoeg het dat geen verdere voorvalle in toetse opgespoor is nie.

“Noorweegse wetenskaplikes het monsters van meer as 7 pasiënte met kliniese siekte ontleed en geen verdere voorvalle van die mutasie is bespeur nie. Die bevinding dui aan dat die mutasie nie wydverspreid in die land is nie,” het die VN se gesondheidsagentskap verduidelik. Die WGO is van mening dat die mutasies nie ‘n groot uitwerking op die koers van die pandemie wêreldwyd sal hê nie.

Die WGO beraam dat tussen 250,000 en 500,000 mense elke jaar van standaard seisoenale variasies van varkgriep sterf.

casino free games

Meer as ‘n oorwinning vir die Springbokke

Net na gister se toets kry ek ‘n teksboodskap van ‘n vriend: “Hierdie Smit-outjie het ‘n toekoms op haker. Waar was hy die hele tyd?”

Wel, hy was oop en bloot versteek, as vasskopstut net regs van die een Springbokhaker na die ander. Smit se veldtog op stut is ‘n Pieter de Villiers-eksperiment wat gou vergeet maar lank onthou sal word. My ou wetenskaponderwyser het gesê ‘n eksperiment misluk nooit nie. Dit verskaf die feite wat die wetenskaplike op die uitkyk voor is. Maar die wyse navorser besluit binne ‘n redelike tyd of die eksperiment vir hom genoeg data gegee het om die eksperimentele oor te dra na die praktiese. Hoe lank hierdie “redelike tyd” is, word bepaal deur die aard en die doel van die betrokke eksperiment. De Villiers se eksperiment met Smit het ‘n volle agtien maande geduur.

In daardie tyd het die Springbokskrumkreet verander van iets soos “moor hulle!” tot “o gaats!” Hulle voorpak is in die bind-en-stootfaset deur sulke liggewigeenhede soos Australië en Skotland op ‘n knop gedruk. Gister was dit weer sulke tyd, met ‘n voorry bestaande uit die nat-agter-die-ore Wian du Preez, Adriaan Strauss op haker en dáárdie Smit-outjie op vaskopstut, wat ‘n nuwe trurat ontdek het teen ‘n Italiaanse voorlinie wat die monster Martin Castrogiovanni ingesluit het.

In die laaste kwart van die wedstryd is die Springbok-voorry hersaamgestel met die Ondier, Mtawarira, op loskop, die bonkige buksie BJ Botha terug uit die rugbykoue op vaskop en die rooikopoutjie, John Smit, op haker. Die verskil was so verstommend dat ‘n mens suspisieus rondgekyk het vir iets wat soos kriptoniet lyk. Castrogiovanni, wat verlede week nog ‘n paar All Black-kopvelle teen sy totempaal vasgespyker het, se gesig was soos dié van ‘n booswig in ‘n komiese opera wanneer sy vrou hom by die diensmeisie vang. En as hy nog nie mooi verstaan het wat so pas gebeur het nie, was Heinrich Brüssouw daar in die bouvalle van die Italiaanse skrum om hom te verduidelik. En wat gebeur het is dat die Springbokskrum deur die Italianers geplons het soos ‘n tiener deur ‘n kleuterswembad.

‘n Mens moet aanvaar dat John Smit in 82 toetse iets en die ander van skrumwerk geleer het, en dit was duidelik sigbaar in daardie een skrum. Ons hoop een van daai dinge is dat hy geen vaskopstut is nie.

Dié skrumvertoning het ‘n hele nuwe toga oor die Springbokke se voorspelbare en saaklike oorwinning van 32-10 gehang. Bryan Habana het sy gebruiklike drie gedruk na die gebruik nadat Ryan Kankowski uiteindelik deur ‘n gaping gegalop en vir Bryan Habana met ‘n binneaangee gevind het vir dié om sy gebruiklike drie te gaan druk.

Nie lank daarna nie was dit die Springbokke wat met ‘n toeswaaihekbeweging wyd geslaan het, ‘n maneuver wat ‘n seepgladde, dodelik akkurate aangee van Heinrich Brüssouw ingesluit het. Habana het die verdedigers kantlyn toe getrek en hy het die bal binnetoe gewip vir Jaque Fourie om te vang en onder die pale te gaan druk.

Italië het self gewys hulle kan ‘n swakplek raakslaan en senter Gonzalo Garcia het vir Adrian Jacobs op ‘n knop gejaag en homself toe deur die gevolglike gaping gestuur vir ‘n drie wat mooi op die oog was. Die halftydtelling was 12-7.

Die patroon was in die tweede helfte voortgesit met Italië wat gemaak en breek – maar hoofsaaklik breek – het in die skrums terwyl die Springbokke ‘n amperse monopolie op lynstaanbesit gehad het. Die Bokke het nog twee mooi drieë gedruk, eers toe Danie Rossouw op die buitekant veldafgerammel het en met hekelfynhande ‘n aangee agter sy rug vir Habana gegee het. Dié het binnekant toe gesypel en vir Fourie du Preez gevind wat skuins oor die veld gesuiker het vir die doellyn.

Die laaste Bok-drie was Du Preez se werk toe hy ‘n bal uit die lynstaan ontvang en gebreek het. Die begunstigde van sy bresslaanwerk was Wynand Olivier wat sy eerste toetsdrie ooit gaan druk het.

Tot dusver was die Springboktoer ‘n amperse Götterdämmerung, maar met hierdie oorwinning het daar tog ‘n skynseltjie hoop opgegaan, al is dit net met die kennis dat die einde van ‘n geklike eksperiment ‘n ou Springbokbate, die skrum, in glorie kan herstel. Ons kan net hoop dat ander ewe rampspoedige Pieter de Villiers-proewe tot ‘n einde sal kom, die vernaamste daarvan om van Adrian Jacobs, ‘n liggewigbuitesenter, as liggewigbinnesenter in te span, en om vir Ryan Kankowski wat ‘n legendariese impakspeler kan wees, as beginarbeider te kies.

En miskien is dit ook hoogtyd dat die mees desperate eksperiment in Suid-Afrikaanse rugby, Pieter de Villiers as afrigter, ook einde kry.

mositaldent Данильченко

Uhuru Guru se gruwelfoto’s

Die afgelope week of twee het in die teken gestaan van die arrestasie van die webmeester van Zasucks, ‘n webwerf wat daaraan gewy is om die gruweldade wat in die ANC-geterroriseerde Suid-Afrika plaasvind, bloot te stel. Eweneens was die reaksies op LitNet besonder intens na aanleiding van die plaasing van ‘n internetkoppeling van Zasucks se skokfoto’s, in so ‘n mate dat LitNet se webmeester dit nodig geag het om hierdie koppeling te verwyder.

Kort ná die plasing van hierdie foto’s het sommige skrywers oorgegaan na ‘n al te bekende strategie in die wêreld van politiek en propaganda, te wete ontkenning. Ewe skielik was die webwerf van onbetroubare aard en die ware oorsprong van die foto’s kon nie bevestig word nie. Ondertussen is daardie foto’s van die webwerf verwyder en bly slegs die teks oor. Spekulasie oor die aanhouding van Uhuru Guru het gewissel van wit polisieagente wat hul werk wou behou deur hul gedienstigheid aan Suid-Afrika se georganiseerde misdaadregering te toon, tot die FIFA-wêreldbekersokkerorganiseerders wat nie aan die res van die wêreld die indruk wou skep dat Suid-Afrika ‘n gevaarlike land is om in te wees nie. Die ANC se woede oor die uitgeweke Suid-Afrikaner na Kanada, Brandon Huntley, wat asielstatus aldaar verkry het, is ook genoem as moontlike oorsaak van hierdie histeriese reaksie.

Ek het van ‘n ervare joernalis verneem dat daardie foto’s inderdaad outentiek is. Hulle is afkomstig uit polisiedokumente wat deur staatsaanklaers ingedien was as bewysstukke vir regsake. Die tersaaklike joernalis het selfs die name van die slagoffers beskikbaar gehad maar kon dit weens etiese en veiligheidsoorwegings nie prysgee nie. Hierdie foto’s is openbare dokumente wat as bewyslas ingedien was by regsake van die afgelope drie maande en kan dus deur lede van die publiek geraadpleeg word.

Desondanks sal daar vanuit diverse oorde geprobeer word om die ware motiewe van hierdie moorde te ontken of ontkrag deur weereens die slagoffers voor te stel as daders of iets dergliks. Die welbekende stereotipe van verdrukte swartes en rassistiese blankes sal sorg dat alle vorme van geregtelike dwalings gekortwiek word om aan hierdie beeld van Rassemarxisme te voldoen. Die Reitz-insident dien hier as ‘n uitstekende voorbeeld. Vir die oningewydes oor die Reitz-insident haal ek net gou die volgende aan uit die Nederlandse joernalis Bram Vermeulen se boek: “Help ik ben blank geworden: Bekentenissen van een Afrika-correspondent” (bl.70):

“‘Heb jij de hele film eigenlijk gezien?’ vroeg hij [Ewoud Potgieter, die koshuisprimarius] samenzweerderig, terwijl hij de tafels en stoelen aan de kant schoof. Volgens Potgieter gaven de dertig seconden die al de hele dag op de internationale televisiezenders te zien waren een erg vertekend beeld. ‘Kijk maar.’

Op de tien minuten durende homevideo die hij op zijn computer had staan, kon ik zien dat de vier huishoudsters veel lol beleefden aan het maken van het filmpje. Lachend dronken ze pintjes aan de bar. Lachend speelden zij rugby, de sport van de blanken, met de jongens, en lachend liepen ze een rondje op de atletiekbaan. Toen de beruchte plasscène langskwam, zette Potgieter de computer op slow motion.

‘Kijk daar,’ zei hij en wees op de waterfles die de student in de wc uit zijn broek haalde. ‘Dat is geen urine. Dat is mineraalwater,’ grinnikte Potgieter. Heel Zuid-Afrika gefopt.

[…]

De universiteit van de Vrijstaat was in dezelfde week veranderd in een slagveld. Politici riepen om het aftreden van het voltallige universiteitsbestuur. Zwarte studenten dreigden de Reitzresidentie in brand te steken, blanke jongens te vermoorden, blanke meisjes te verkrachten. De rector schorste de makers van de film. Ze moesten voor de rechter verschijnen.”

Hierdie insident word deur die ANC-bandiete – met Julius Malema voorop – voorgehou as ‘n totale verskrikking, terwyl Uhuru Guru se gruwelfoto’s as ‘n leuen en ‘n onbetroubaarheid uitgebeeld word. Die Reitz-insident sal nog jare lank in aankomende swart en wit studente gebreinspoel word en beskou word as blankes se inherente slegtheid wat slegs deur intense ingrype van die universiteitsowerhede reggestel kan word. Tegelykertyd word bedreigings van moord, verkragtings en brandstigting beskou as ‘n “verstaanbare” reaksie hierop.

As iemand nog getwyfel het oor die ewewigtigheid van Suid-Afrika se sin vir geregtigheid behoort hierdie insidente duidelik aan te gee wat werklik aan die gang is. Jare lange indoktrinasie oor onreg het veroorsaak dat nugtere denke nie meer aan die orde is nie, en dat geregtigheid nou onderworpe geword het aan gepeupelreg. Daardie gruweldade wat selfs nekrofilie insluit, is alles ‘n gesonde reaksie op ‘n vermeede onreg in die verlede.

Aangesien die gruwelfoto’s nou “uit en gedaan” is, maar die Reitz-insident kennelik nog lank nie, kan ons sonder veel nadenke konkludeer dat die ANC liewer vir hul ideologie leef as vir die mense wat hulle veronderstel is om te dien. Immers, as iemand nog hieraan getwyfel het, sal Essop Pahad hierdie siening vinnig regstel. Hy sê ten minste eerlik dat blankes beter daaraan toe is sonder hom.

Inderdaad. Ek dink ook blankes is beter daaraan toe sonder hom.

online casino

Volksblad kry bruin redakteur

Die oudste Afrikaanse koerant in die land, Die Volksblad, kry van aanstaande jaar af ‘n bruin redakteur, mnr. Ainsley Moos. Hy sal vanaf Januarie 2010 die leisels by mnr. Jonathan Crowther oorneem wat ná 36 jaar in die joernalistiek aftree.

Crowther was tien jaar lank Die Volksblad se redakteur. Die koerant behoort aan die land se grootste mediagroep, Nasionale Pers, wat ‘n beleid van regstellende aksie en transformasie toepas.

Moos is slegs 31 jaar oud en waarskynlik een van die jongste redakteurs in die land. Hy is tans redakteur van Die Landbouweekblad, wat insgelyks ‘n Nasperspublikasie is.

Van die vier groot Nasperskoerante in Afrikaans (die ander is Beeld, Die Burger en Rapport), was Die Volksblad tot dusver die koerant wat konserwatiefste politieke beleid gevolg het en ook heelwat kritiek teen die ANC van lesersbriewe en gasrubriekskrywers toegelaat het.

Dis tans nog onduidelik of Moos hieraan gaan verander en die blad dalk in ‘n meer liberale en ANC-simpatieke rigting gaan stuur.

Die Volksblad bestaan reeds sedert 1904, toe dit deur die Nederlandse drukker Hendrik die Graaf in Potchefstroom in Nederlands as “Het Westen” opgerig is. Die naam is in 1917 na Die Volksblad verander, waarna die koerant ook in Afrikaans begin verskyn het.

Ainsley Moos is oorspronklik van Oudtshoorn in die Weskaap. ‘n Ander Kaapse bruine, prof. Jonathan Jansen, is onlangs as rektor van die Vrystaatse Universiteit aangestel, wat beteken dat Kapenaars nou twee van die invloedrykste posisies in Bloemfontein beklee.

euro online casino

Optog in Boshof ruk hand uit

Die polisie se misdaadbekampingseenheid moes skokgranate en rubberkoeëls Donderdag in Boshof gebruik toe ’n protesoptog gewelddadig geraak het, het die Volksblad berig.

Die gemeenskap eis dat die munisipale bestuurder, burgemeester en al die raadslede onmiddellik bedank.

Polisielede het op ’n skare losgebrand toe hulle die Tokologo-munisipale kantore op die dorp met klippe bestook het. Die skare het daarna die ingangspad na die Seretse-woonbuurt met klippe en brandende motorbande versper en die polisie moes weer ingryp.

Die oproer het gevolg nadat ’n protesoptog teen swak dienslewering.

Die optog is deur besorgde gemeenskapslede en die dorp se belastingbetalersvereniging gereël.

Johan Bezuidenhout, voorsitter van die belastingbetalersvereniging, sê die doel van die optog was om die aandag te vestig op die verval van strate, tekort aan geskikte behuising en die swak diens by die munisipale kantore.

Volgens Bezuidenhout is munisiple personeel byna nooit beskikbaar nie, poste word gevul word sonder dat dit geadverteer word en die meubels van die stadsaal het alles verdwyn.

Vier mense is in hegtenis geneem en het later in die Boshofse landdroshof verskyn op aanklagte van openbare geweld en saakbeskadiging.

free gambling

Koerantwese in Nederland steeds in owerheidsvisier

‘n Vorige Belgiese premier, Yves Leterne, het by geleentheid die vrye pers die vierde, maar nie-amptelike, been van die demokrasie genoem.

Dat koerante te midde van die ekonomiese klimaat, maar ook ander veranderende omstandighede, noustrop trek, het dus by verskeie Wes-Europese lande die bewindhebbers aan die dink gesit.

Dit was veral om opnuut ‘n leeskultuur, en spesifiek ‘n koerantleeskultuur, by jonges te herstel wat die kopkrappery aan die gang gesit het.

Kort na mekaar het die Nederlandse en Franse staatshoofde die gedagte geopper om reëlings in te stel wat daarop sou neerkom dat jong mense vir ‘n bepaalde tyd gratis ‘n koerant van hulle keuse sou ontvang. So is gehoop, sou die leeskultuur reeds gevestig wees, en die jong mense darem minstens weet wat aangaan.

(In Suid-Afrikaanse terme, sou ‘n mens in die versoeking wees, sou die kiesers darem weet wat in die werklike wêreld buite die sepie-wêreld aangaan).

Die jongste inisiatief van die Nederlandse minister van Mediasake, mnr. Plasterk, is om koerante ‘n subsidie te betaal om jong joernaliste “aan te neem.” Jong joernaliste kry moeilik werk, en is ook gou om die trekpas te kry as afleggings plaasvind.

Sy planne pla ander sterk en hy kry die wind van alle oorde behalwe Groen-Links.

Die vrese is dat gevestigde en gesoute joernaliste in die slag kan bly om plek te maak vir staatsgesubsidieerde jonges.

cluedo online

Kop op die Blok: Môre wen die Bokke nie, al kry hulle meer punte

O, die telbord sal môreaand in die strakste terme rapporteer dat die Springbokke hulle toets teen die Azzuri – die Bloues van Italië – gewen het. Maar die Springbokke sal van die veld afstrompel met die gegiggel van die wyer rugbywêreld wat besig is om in ‘n geskater uit te swel, soos die finale ensemble in ‘n komiese opera. Want die Springbokke gaan spoorstawe kou in ‘n paar voorspelerfasette van die spel.

Neem nou maar vir Wian du Preez, die debutant. Hy is ‘n goeie, gewillige skrumwerker. Hy is ook ‘n lam ter slagting, of dan, ter arena waar ‘n bul op hom wag in die omtrekke van die vaskopstut Martin Castrogiovanni. Dit is dieselfde kruiptrekker van ‘n stut wat in die Bokke se eerste mistroostige uitstappie van hulle huidige toer teen Leicester Tigers, die Springbok-voorry verbrysel het. Du Preez beter sy kepsontvangsseremonie gate uit geniet, want hy gaan sukkel om na die wedstryd, met sy kop tussen sy skouers ingeskrum, enige tekens van uitgelatenheid te toon. En dit is nie eers heeltemal sy eie skuld nie, nie eers vernaamlik sy skuld nie. Die probleem is dat die Springbokke ophou skrum sodra die bal gehaak is, want dan wil hulle gaan voetbal speel. Dit is juis dán wat die Europeërs lekker begin stoot. So, in die skrums gaan dit knetter, en dit is die arme Du Preez op wie se kop die katedraal van Springbokrugby gaan ineenstort.

Victor Matfield kan bly wees dat hy die uitstappie se aanvanklike brutaliteit gespaar is. Hy en Tendai “Onwettige Immigrant” Mtawarira het ‘n vakansie na die reserwebank gewen. Saam met hulle op die dennehout sal twee nuwe Springbokke, Francois Hougaard en Jean Deysel wees. Schalk Burger en Bismarck du Plessis is op siekverlof en Danie Rossouw sal op die buitekant van die skrum wees en Adriaan Strauss sal op haker uitdraf. Andries Bekker, besig om sy eie Springbok-CV saam te stel, sal maak of hy Victor Matfield langs Bakkies Botha is.

Die Springbokke, so tam soos ‘n Friesbul na ‘n maand tussen ‘n honderd koeie, gaan nie lus wees vir enige fraai nuwe spelplanne nie. Daarom gaan dit ‘n skop-en-stormstryd wees, een wat die Springbokke ongetwyfeld teen die stokkerige skakels en driekwarte van die Italianers gaan wen. Nie dat ons veel drieë kan verwag nie. Die Italianers is nie die skerpste spiese op die aanval nie, maar hulle verdedig so dodelik soos landmyne en so knaend soos winter. Vra maar die All Blacks. Maar op die verdediging maak hulle foute en Morné Steyn sal vir hulle die driemaaltafel leer met al die strafskoppe waaruit hy gaan punte maak.

So, verwag dat die Springbokke ‘n slordige, frustrerende foutverslonste wedstryd gaan wen.

Die Springbokke het ‘n uitmuntende jaar gehad, maar môre sal die Italianers onderstreep dat dit verby is.

Soos Canio die nar aan die einde van I Pagliacci kreun: “La commedia é finita!”

Die komedie is verby.

Oprah hou op klets…

Slegte nuus vir verveelde kykers wat die vermoë verloor het om vir hulleself te dink: Die kletskoningin en mediamagnaat, Oprah Winfrey kondig vandag aan dat sy haar wêreldberoemde kekkelprogram gaan staak. Die laaste aflewering sal op 9 September 2011, na 25 jaar opgeneem word.

Winfrey, ‘n swartvrou van Chicago, het haar eie kletsprogramstyl met sappige stories, goeie navorsing en ‘n uitspattige, affektiewe, soms histeriese manier van aanbieding ontwikkel. Sy het hierdie sukses gebruik om haar eie produksiemaatskappy, Harpo, op te rig. Deesdae word sy as een van die magtigste persone in die uitsaaiwese beskou, ‘n status wat gebaseer is op ‘n lojale kykerspubliek wat haar onbeskaamde selfpromovering verslind.

Kykers het toenemend haar produkaanbevelings slaafs nagevolg. Enige toestel met die Oprah-endossement van goedkeuring, was oombliklik ‘n groot sukses. Selfs groot, ikoniese maatskappye was by tye dankbaar vir haar ondersteuning. Apple, byvoorbeeld, was ekstaties toe Winfrey ‘n onmiddellike topverkoper van die I-pod gemaak het met die aankondiging dat sy haar musiek daarop luister. Dit word die Oprah-effek genoem.

Tog is daar aanduidings dat Winfrey se ster aan die verskiet is, veral na sy die onkonvensionele stap geneem het om haar objektiwiteit te versaak en haar volle steun aan Barack Obama as president toe te sê. Obama se presidentskap is besig om in ‘n verleentheid te ontaard en Winfrey se kwynende kykersgetalle is die bewys daarvan.

Volgens ‘n woordvoerder van haar maatskappy gaan sy voortaan op die ontwikkeling van haar eie kabeltelevisiekanaal, OWN, die Oprah Winfrey Netwerk, konsentreer. Sy doen dit in samewerking met Discovery Communications.

Winfrey se gewildheid het , na ‘n hoogtepunt in die laat negentigerjare, skerp gedaal in Suid-Afrika, veral na ‘n debakel waarin sy die sogenaamde “Engel van Soweto” met groot vertoon ondersteun het. Die “Engel” is later ontmasker as ‘n swendelaar wat voorgegee het om na weeskinders om te sien. Sy het ook die Oprah Winfrey Meisiesakademie in Gauteng begin, ‘n peperduur privaatskool vir hoofsaaklik swart meisies wat die een verleentheid na die ander opgelewer het.

In konserwatiewe kringe word gevra of die kwyning van Oprah Winfrey se gewildheid ‘n kentering in die houvas van liberales op die openbare media aandui.

спб

Skenkers waarsku oor hulp aan korrupte Tanzanië

Skenkers het Tanzanië, wat van internasionale skenkings afhanklik is, gister gewaarsku dat stygende korrupsie en swak verantwoording volgende jaar se skenkings aan die land in die gedrang bring.

In die fiskale jaar tot Junie 2010, word 11,4 persent van Tanzanië se begroting, of $831-miljoen regstreeks deur ‘n poel van 14 donateurs bygedra. Dit is onder die hoogste per capita bydra wat deur Afrika-lande ontvang word.

Maar toenemende kommer oor die regering se swak bestuur, ekonomiese beleid en versuim om by ooreenkomste te bly het skenkers daartoe gelei om die afgelope paar jaar minder by te dra as wat hulle onderneem het.

“Swak openbare finansiële bestuur, sowel as korrupsie gaan voort om ekonomiese en sosiale vooruitgang te knelter,” het Pieter Dorst, medevoorsitter van die Ontwikkelingsvennotegroep, tydens ‘n jaarlikse beleidsvergadering met ministers, skenkers en gemeenskapsleiers gesê.

Nederland weerhou tans 30-miljoen euros in algemene begrotingsondersteuning tydens hierdie finansiële jaar.

“My minister het vertroue in die regering van Tanzanië se implementering van beleid verloor,” het hy gesê.

Die toerismeafhanklike land se ekonomie het met ‘n jaarlikse gemiddeld van sewe persent gegroei in die jare van 2001 tot 2008 en tog het armoedvlakke in die land van 40-miljoen skaars gedaal, sê Dorst.

детский сайты

Oormoeg Springbokke speel vir die Barbarians

Wêreldbekerwenners Bryan Habana, Victor Matfield en Fourie du Preez sal volgende maand vir die Barbarians aantree vir dié uitnodigingspan se wedstryd teen Nieu-Seeland. Ander bekende spelers sluit Australië se Matt Giteau en Rocky Elsom, Wallis se Jamie Roberts en Andy Powell en All Black-vleuel Joe Rokocoko in.

Dit is die laaste westryd van Nieu-Seeland se Europese toer.

Daar heers kommer in Suid-Afrikaanse voetbalkringe dat die drie sleutelspelers van Suid-Afrika ernstig afgemat is na ‘n intense en uitgerekte seisoen wat in Februarie met die Super 14 begin het. Matfield, byvoorbeeld, was op die veld vir elke minuut van elke wedstryd totdat hy teen Frankryk die veld met ‘n bloedbesering verlaat het.

Die voetbalseisoen begin weer in Februarie met die Super 14. Springbokke sal ‘n karige twee weke rus gegun word voordat hulle weer begin oefen.

жадеит свойства для