Engeland sonder Engelse

Onlangs het twee voorste Engelse sokkerspanne teen mekaar gespeel. Wat dié wedstryd besonders gemaak het, is dat dit die eerste keer was dat beide spanne nie ‘n enkele gebore Engelsman op die veld gehad het nie. Die spanne was Arsenal en Portsmouth. Arsenal het wel ‘n Engelsman op die plaasvervangersbank gehad, Craig Eastmond, maar sy twee gereelde Engelse plaasvervangers, Wallcott en Gibbs, was beide beseer.

Die probleem, is, verduidelik die BBC, dat daar nie genoeg goeie Engelse spelers is sodat almal kan hê nie, veral nie met die dat Chelsea en United “almal” het so snoep is en nie van sy rariteite wil verkwansel nie.

Op die oomblik speel Engeland kriekettoetse in Suid-Afrika, met drie gebore Suid-Afrikaners wat in sy toporde kolf. Een is boonop die huidige kaptein, en ‘n ander was al kaptein. En hulle volg in die voetspore van ander gebore Suid-Afrikaners wat al Engeland aangevoer het – Tony Greig en Basil D’Olivereira. Net om sake bietjie meer af te rond, Omar Henry het ook al die Skotte aangevoer.

Pas is berig dat die All Black-losskakel, Carlos Spencer, die Lions (hoekom moet ons spanne hier Engelse name hê en dan teen die Britse en Ierse Leeus speel?) in die Super 14 beskikbaar gaan wees, terwyl die plaaslike losskakel van die Leeus weer vir die Western Force gaan uitdraf.

Onlangs het iemand, op die vooraand van ‘n provinsiale rugbywedstryd, gaan koppe tel om te kyk hoeveel spelers van elke span het werklik bande met die spanne waarvoor hulle speel. Aan beide kante was dit ‘n halwe handjievol.

Daar word graag gespot oor besoekende spanne wat teen die Vrystaat kom speel, en die besoekers se spelers dan ewe gerieflik by hul ouerhuise tuisgaan. Die Cheetahs staan egter self agter die deur.

Geldrugby is ‘n gegewe, en so ook die behoefte van spelers wat nog voel hulle het woema maar word stief deur die “keurders” behandel, wat dan na die buiteland uitwyk om ‘n behoorlike “pensioen” te gaan opbou.

In die proses is die toeskouers die verloorders. Saterdag na Saterdag word van hulle verwag om spanne wat eintlik grootliks uit huursoldate bestaan, aan te moedig.

Dikwels is die spelers weinig meer as prima donnas. Om darem van ‘n hoogs-betaalde speler te verwag om op Kimberley se harde veld ‘n speler wat baie minder verdien te moet lak …

Tong in die kies is al voorgestel dat Suid-Afrikaanse spanne verplig word om kwotas eie spelers te gebruik. As elke span verplig word om minstens sewe spelers in te sluit wat darem minstens twee seisoene rugby, anders as vir die senior provinsiale span, in ‘n bond te gespeel het, sal die Vrystaat darem kan aanspraak maak om die Vrystaat genoem te word, die WP die WP, en die Haaie iets wat met die kus verband hou. Plattelandse bonde kan as kwalifiserende hinterland aan die topbonde toegewys word.

Kortom, eie talent sal beter bestuur word, want daar sal ‘n aanvraag wees.

Of Suid-Afrikaanse spanne dit nodig behoort te vind om buitelandse spelers in te sluit, is ‘n ander vraag. Spelers van Namibië is een saak, maar om Argentyne, Suidsee-eilanders, Franse of wat ook al in te voer, is ‘n heel ander saak.

Of dit regtig onvermydelik is dat ‘n Springbokspan in Engeland ‘n “opwarmingswedstryd” teen ‘n klubspan gaan speel en hom dan vasloop in ‘n oud-Springbokspan, is nog ‘n vraag wat kopkrap verdien.

Is daar in die beroepsera dan geen ruimte vir minstens ‘n element van tuisgemotiveeerdheid nie? Al is dit bloot terwille daarvan om die skare nie vir die gek te hou nie?

Is dit nie bietjie laf as stringe WP-ondersteuners die lang pad aandurf om te kom kyk hoe “hul” span teen die Vrystaat speel nie, maar van heelagter Frikkie Naudé af via Dawie Snyman, Morné du Plessis, Theuns Stoffberg tot Henning van Aswegen is daar 13 spelers in die span wat Vrystaatse bande het nie?

Selfs die vermaarde dr. Danie Craven het uit die Vrystaat gekom.

Die hartseer is dat die WP ontsettend baie eie talent het. Toe Rassie Erasmus (ja, ook uit die Vrystaat) Kaap toe is om af te rig het hy hom voorgeneem om plaaslike talent te identifiseer en te ontwikkel. Met sy jaarlikse inkopielys lyk dit nie of dit werklik gebeur nie. Dit lyk of slegs ‘n “kwotastelsel” sal verseker dat plaaslike talent in elke bond nie verlore sal gaan nie.

Baie faktore maak dat talent nie raakgesien word nie. So hoor die oom van ‘n blink skolespeler hoe iemand vir ‘n keurder sê hy moet tog dié nefie dophou wat uithalerspel lewer. Maar hy hoor ook die keurder sê: “Maar hy kom nie van Grey af nie.”

Miskien het so iets ‘n rol gespeel dat Morné Steyn nou vir die Bulle die Vrystaat so uitmekaar speel.

Of hy speel vir ‘n kleiner skool uit sy beste posisie omdat die skool dalk nie ‘n beter speler vir die posisie het nie.

Of hy pas nie in die afrigter se spelpatroon nie.

Of sy beste posisie is dieselfde as die span se ras-kwotaspelers.

Is daar nog ruimte vir sportmansgees ook?

Maar die Arsenal – Portsmouth-wekker herinner aan wyle oom Jurie se wysheid toe hy hoor die Britse Eilande is gedurende ‘n swaar ystydperk weens die gewig van ys op die Noordpool onder die see uitgedruk.

“Dis darem die slegste ding wat die ys nog onder die see uitgedruk het.”

Maar moenie wharrie nie, een van die dae is daar nie meer plek vir Engelse nie.

 

 

casino slotФильчаков прокуратура харьков

Man in selle verkrag

‘n 37-jarige man is na bewering deur drie mans in die polisieselle in Graaff-Reinet verkrag, volgens die polisie.

Insp. Mornay Van Eck het gesê die verkragting het glo Donderdagoggend plaasgevind, kort nadat vier mans in hegtenis geneem is omdat hulle dronk was in die openbaar.

“Hulle was al vier saam in die sel waar die verkragting plaasgevind het toe polisielede die slagoffer gevind het.”

Van Eck het gesê die man is uit die sel verwyder en die ander drie mans is steeds in aanhouding.

“Die slagoffer is nie na die hospitaal geneem nie,” het van Eck gesê.

‘n Ondersoek na die verkragting duur voort.

 

какое пуско зарядное устройство выбратьФільчаков Олександр Васильович прокурор

Krieket eindig gelykop

Engeland se krieketspan dit weereens reggekry om vas te byt vir ‘n gelykopuitslag teen die Proteas op Nuweland, nadat die Suid-Afrikaners belowend gekolf het. Teen uitskeityd was die Engelse op 296 – 9.

Hulle kan nou nie die reeks meer verloor nie al sou Suid-Afrika die laaste toets wat op 14 Januarie in Johannesburg begin, wen.

Engeland het reeds ‘n 1 – 0 reeks-voorsprong.

 

паркетФильчаков прокурор харькова

Godsdiensspanning lei tot skietery voor kerk

‘n Skare Christene in die suide van Egipte het met die polisie gebots na ‘n skietery buite ‘n Christelike Koptiese Kerk ses tieners en een polisieman se lewens geëis het.

Die skare het buite die hospitaal se lykhuis geprotesteer omdat van die slagoffers se begrafnis vertraag is.

Die lyke is uiteindelik oorgehandig en begrawe waarna die betogers bedaar het.

Die skietery wat aanleiding gegee het tot dié protesoptog het Woensdagaand buite ‘n Koptiese Kerk in Nagaa Hamadi plaasgevind.

Ses Koptiese tieners en een polisieman, wat die kerk bewaak het, is doodgeskiet toe die gemeente met middernag uit die kerk gestap gekom het.

Koptiese Christene vier Kersfees op 7 Januarie.

Gemeentelede het blykbaar dreigemente ontvang die aand voor die skietery en polisie is gevra om die kerk te bewaak.

Verhoudinge tussen die verskillende godsdiensgroepe verkeer onder geweldige druk sedert Moslems ‘n protesoptog gehou het nadat ‘n Moslemvrou glo deur ‘n Christenman verkrag is.

 

silver earringstopcargo отзывы

Koperdiewe by myn gewond

Twee vermeende koperdiewe is tydens ’n skietery by die Lonmin myn, waar platinum vervaardig word, in Middelkraal, Noordwes gewond.

Die gewondes en nog vier verdagtes is Woensdag in hegtenis geneem, het Supt. Kebaakae Junior Metsi in ‘n verklaring gesê.

“Personeellede en sekuriteitswagte van die myn het in een van die verlate skagte ingegaan nadat hulle voetspore opgemerk het en rook geruik het.

“Hulle het op ‘n groep mans afgekom.

“Die verdagtes het reeds ‘n groot hoeveelheid koperdraad gestroop.”

“Toe die verdagtes die personeellede sien, het hulle begin skiet,” het Supt Metsi gesê.

Die sekuriteitswagte het teruggeskiet en twee van die verdagtes is gewond.

 

форма 063данильченко юрий брониславович прокурор

Eerste plaasmoord vanjaar?

Die Christen-Demokratiese Alliansie CDA het die arrestasie van ‘n verdagte in verband met die jongste plaasmoorde verwelkom, en die polisie geluk gewens.

“Ons pleit by die regering om die probleem van plaasmoorde as iets buitengewoons vierkantig in die oë te kyk en deurgaans skerp te veroordeel. “

So vra die leier van die Christen-Demokratiese party (CDP) en waarnemende voorsitter van die CDA, ds. Theunis Botha.

Hy het gereageer op waarskynlik vanjaar se eerste plaasmoord in Suid-Afrika, dié op ‘n ouerige egpaar op hul Vrystaatse plaas. Hulle was die sieklike 63-jarige mnr. Koos van Zyl en sy 66-jarige vrou, Retha.

“Die toneel is deur paramedici as ‘n slagting beskryf,” sê Botha.

“Hoeveel sulke gevalle nóg voor die regering sy plig nakom en die boodskap duidelik maak dat so iets nie in orde is nie?

“Daar is niks normaal aan as die moordsyfer onder boere en hul gesinslede bykans drie keer die Suid-Afrikaanse moordnorm is, wat reeds onder die hoogste ter wêreld tel nie, en persentasiegewys vergelykbaar is met ongevalle in Chinese steenkoolmyne en meer as Britse ongevalle in die oorlog in Afganistan is nie.

“Ons spreek ons innige medelye teenoor die naasbestaandes uit.”

 

в банеданильченко юрий брониславович прокурор

Plaasmoord ‘bloedbad’

In ’n toneel wat deur paramedici as ’n “bloedbad” beskryf is, is ‘n egpaar dood op hul plaas in die Vrystaat aangetref.

“Paramedici het op ‘n bloedbad afgekom toe hulle gisteraand na ‘n plaas ontbied is,” het Chris Botha, woordvoerder vir Netcare 911, gesê.

Botha het gesê dit blyk dat die moord op die plaas, Plaas Poortje, wat tussen Senekal en Steynsrus geleë is, laat Dinsdagaand plaagevind het.

“Die man, 65, en sy 60-jarige vrou is as gevolg van ernstige trauma dood.”

Sers. Majang Mosupa het gesê geen verdagtes is nog in hegtenis geneem nie.

Mosupa het gesê die kragopwekker van die plaas het gaan staan en die vrou het gaan ondersoek instel, waarna sy met ‘n mes gesteek is.

Die vrou én haar man is geskiet.

Mosupo het gesê ‘n Chevrolet wat aan die vermoorde egpaar se dogter behoort het, is vroeër op die plaas gesteel.

 

турецкая баня чтоФильчаков Харьков

Matriekslaagsyfer daal met 2%

Angie Motshekga... 'teleurgestel en bekommerd'

Ongeveer 60,7 persent van matrieks het die 2009-eksamens geslaag, wat ‘n daling van effens minder as twee persent teenoor 2008 se syfer verteenwoordig, het die ANC-minister vir basiese onderwys, Angie Motshekga, vanmôre gesê.

Motshekga meen dat, hoewel die daling redelik klein is, dit “baie teleurstellend” is.

In 2008 het 62,5 persent van matrieks geslaag.

“Om te sê dat ons ongelukkig is, is om dit sagkens te stel. Ons het slapelose nagte gehad en ons daaroor bekommer.”

Sy het gesê die departement sal maatreëls in werkings stel om te sorg dat die stelsel verbeter.

Volgens haar het vakke soos wiskunde, natuurwetenskap en rekeningkunde meer aandag nodig.

Alle uitslae vir al die provinsies, Mpumalanga inkluis waar vraestelle uitgelek het, is bekendgemaak en beskikbaar aan studente.

Maandag het Umalusi gesê dat die goedkeuring van die Mpumalanga-uitslae vertraag sou word, na aanleiding van ‘n ondersoek. Dié uitslae is egter ook vandag vrygestel.

укладка ламинатлобановский александр отзывы

Slovo gedenk

Lede van die Suid-Afrikaanse Kommunisteparty, SAKP, het Woensdag ‘n gedenkdiens vir hul ontslape leier, Joe Slovo, by die Avalonbegraafplaas in Soweto bygewoon.

Jeremy Cronin, die adjunksekretaris van die SAKP, was ook teenwoordig terwyl Blade Nzimande, SAKP-leier, gaste tydens die diens toegespreek het.

“Vandag gaan ons die Joe Slovo-stigting bekend stel wat sy nalatenskap die toekoms sal indra”, het Solly Mapaila, SAKP-lid, gesê.

Die Jong Kommunisteliga sal na verwagting ‘n toekenning aan die Slovofamilie oorhandig.

Slovo is in 1995 aan kanker dood.

Hy was ‘n anti-apartheidsaktivis, stigter van Umkhonto we Sizwe, die ANC se militêre vleuel, asook leier van die SAKP gedurende die tagtigerjare.

 

casino onlineФильчаков Александр Васильевич