Dan Roodt, Author at praag.co.za

Clinton vererg haar bloedig vir student

Hillary Clinton het haarself Maandag bloedig in die openbaar vererg toe 'n student haar om haar eggenoot se mening gevra het.

By 'n openbare forum vir jongmense in Kinshasa het 'n student die mikrofoon geneem om te vra wat Bill Clinton dink van China en die Wêreldbank se betrokkenheid by die DRK. "Wat dink mnr Clinton daarvan?" het hy gevra tot die gehoor se verbasing.

Clinton het met 'n harde stem geantwoord "Wil jy weet wat my man dink?

"My man is nie die minister van buitelandse sake nie, ek is. As jy my mening wil hoor, sal ek my mening gee. Ek gaan nie my man raadpleeg nie."

Bill Clinton, Hillary se man, was president van die VSA tussen 1993 en 2001. Sy het verledejaar die benoemingstryd teen Obama om Amerika se eerste vroulike president te word, naelskraap verloor.

Bill Clinton het tot dusver probeer om uit sy vrou se kalklig te bly, maar het nietemin verlede week na Noord-Korea gereis om die vrylating van twee Amerikaanse joernaliste wat daar aangehou word, te onderhandel.

Voormalige president Clinton het nie sy vrou vergesel op haar Afrikatoer van sewe lande nie, alhoewel hy aktief bedrywig is met die bevordering van ontwikkeling van die kontinent.

Hillary Clinton het vroueregte een van die hoofprioriteite van haar besoek gemaak. Sy sal Dinsdag na Goma reis om die slagoffers van stygende seksuele geweld in die DRK te ontmoet.

Clinton het gesê sy sal president Laurent Kabila onder druk plaas om die lede van sy weermag wat vir massaverkragtings verantwoordelik is, aan die pen te laat ry.

"Ons is nou in die 21ste eeu. Dit is nie meer aanvaarbaar dat daar geweld teen vroue tuis of in die gemeenskap is nie," het sy aan die studenbte gesê.

"Mense moet daarteen saamstaan. Ek hoop daar sal 'n gekoördineerde poging wees om geregtigheid vir vroue wat gewelddadig aangerand word, te eis en seker gemaak word dat die aanvallers gestraf word."

free casino online no download

Willem de Klerk was deel van die probleem

Met die dood van dr Willem De Klerk kom daar sekere gedagtes onwillekeurig op.

Veral dink ons aan sy verligte leiersgenote soos Piet Koornhof, Nico Smith, Allan Boesak en natuurlik immer teenwoordige Pik Botha en baie ander waarvan sommige reeds vooruit gegaan het. Betekenisvol en tragies die brief in Rapport van Cas de Villiers wat meer soos ‘n klagstaat lyk as ‘n huldeblyk wanneer dr Willem lof toegeswaai word oor sy bewondering vir Nietszche die aartsateïs bekend vir sy beskrywing van Godverlatenheid as die "verskriklike leegheid".

‘n Rampgedrewe lewe ipv ‘n doelgerigte lewe en selfmoord ipv wedergeboorte…

Baie tragies…en baie leeg as mens op die pad van geestelike bevryding / ontvoogding nie Calvyn se riglyne volg nie. Dan is "verligtheid" baie donker.

Met Vrouedag vandag sien ons die gevolge van die ontvoogding van die Afrikanervrou agv die seksuele bevryding wat die wetenskap teweeggebring het. Voorbehoedmiddels en wettige aborsies het die laaste 50 jaar die lewe van die vrou totaal verander – bevry is die man (!) van enige aanspreeklikheid. En ons lees met verleentheid hoedat die beskawingsnorme en menslikheid agteruitgaan. Omdat die basiese verskil tussen mens en dier nie seks is nie maar die huwelik. Met ontvoogding raak die vroue al meer primitief soos hoenders en bokke wat hulle aanteel alleen grootmaak en mans soos teelramme en saadskenkers – wat nie hul eie kinders ken en geken word nie.

Ongelukkig was die oorledene deel van die probleem en tragies nie die oplossing vir die voortbestaan van sy volkie nie.

депутат лобановский

Nuwe volkslied

Me Lizeka Mda van City Press skryf dat ons swart landgenote eerder dood sal gaan as om die Stemgedeelte van die Volkslied te sing.

Ek het weer 'n broertjie dood aan die nasionale vlag.

Dit het 'n pragtige ontwerp; 'n gulde geleentheid het egter verbygegaan om nasiebou te bevorder indien die huidige rooi baan in die vlag oranje van kleur was.

Indien daar 'n nuwe volkslied sou kom, moet die vlagkwessie ook aandag geniet.

Die eerste goewerneur

John Barrow… Hy het die Engelse lasterkampanje teen Afrikaners begin

Europa was teen 1795 in oorlog gewikkel, en aangesien die Kaap met behulp van die Britse leër en vloot verower is, was die gesag vir eers in die hande van admiraal G.K. Elphinstone en genls.-maj A. Clarke en J.H. Craig. Ná 'n paar maande het Craig die gesag gevoer oor die bevolking. Volgens die sensus van 1798 was daar 21 746 wit mense: in die Kaapse distrik 6 261, in Stellenbosch 7 256, in Swellendam 3 967 en Graaff-Reinet 4 262. Daar was meer as 25 000 slawe, tagtig persent van hulle in die Kaap en Stellenbosch. Die aantal Khoi-Khoin is op 15 000 geskat, van wie 14 000 in Graaff-Reinet en Swellendam.

Craig se eerste indruk, wat hy in 'n brief aan 'n vriend meegedeel het, was dat byna almal in die kolonie vyandig gesind was teenoor die nuwe heersers. Hy het egter alles in sy vermoë gedoen om die bewoners met die nuwe gesag te versoen. Volgens die vredesvoorwaardes sou die Engelse geen veranderings aan die wette en gewoontes van die Kaap aanbring nie. Die binnelandse handel sou vry wees.

Die eerste goewerneur was die sestigjarige Ierse edelman, lord Macartney, wat in 1797 diens aanvaar het. Hy was 'n alleenheerser wat deur middel van proklamasies, instruksies en kennisgewings geregeer het. Hy het sy eie privaatsekretarisse saamgebring om te help: John Barrow en Acheson Maxwell. Onder die ander hoë amptenare wat saamgekom het, was die koloniale sekretaris, Andrew Barnard en sy vrou, lady Anne Barnard.

Macartney was streng en ietwat prikkelbaar as gevolg van sy jig, maar hy het gesorg dat sy amptenare eerlik en nougeset hul werk doen. Verder was hy 'n vyand van alles wat maar enigsins na die Franse Revolusie gelyk het. Mense wat van simpatie met die Franse verdink is, is "Jakobyne" genoem en gestraf. Toe ene Hendrik Eksteen, 'n boer van die mooi plaas Bergvliet by Wynberg, sy vriende na sy dogter se bruilof nooi, het hy hulle na die Franse voorbeeld as "burger" aangespreek. Dit het Macartney so ontstig dat hy op die troudag dragonders na Eksteen se huis gestuur het. Hulle is by hom ingekwartier tot hy die goewerneur ekskuus gevra en as waarborg £1 000 betaal het dat hy nie weer so 'n oortreding sou pleeg nie. By 'n ander geleentheid wou Britse matrose muit oor allerhande griewe. Hy het kanonne van die kusbattery op die skip laat rig totdat die orde herstel is.

John Barrow word onthou deur die werke wat hy oor die Afrikaners geskryf het. Barrow, hoewel getroud met 'n Afrikanervrou, Anna Truter, het min Afrikaans geken en was onder invloed van Maynier uitgesproke antagonisties teenoor die Afrikaners. Sy Travels into the interior of South Africa, wat in 1801 en 1804 in twee dele verskyn het, is vertaal en het 'n groot invloed uitgeoefen. Vir hom was die Afrikaners almal lui, dom, onsedelik, wreed, oneerlik en lafhartig; die enigste positiewe eienskap was hul gasvryheid. Sy negatiewe bewerings is weerlê deur twee ander Europese reisigers, M.H.K. Lichtenstein en W.B.E. Paravicini di Capelli. Met Barrow begin die groot Britse lasterkampanje teen die Afrikaner wat tot in die twintigste eeu voortgesit is.

бурение топкарго отзывы

Microsoft verseker Web Office XML-patent

Microsoft is van plan om hulle XML-gebaseerde (sien Wikipedia vir meer oor XML http://en.wikipedia.org/wiki/XML) Office-spesifikasies en ander formate beskikbaar te stel en beloof ook om nie gebruikers aan te kla nie. Maar soos altyd met Microsoft is daar ander patente binne die program waarvan hulle nie afstand gaan doen nie en ook nie beskikbaar gaan stel nie.

Die Amerikaanse patent is toegeken om die formattering en verandering van Word-dokumente wat XML gebruik te voorkom.

Die patent het nie net Word-dokumente wat op 'n lokale rekenaar gestoor word beskerm nie maar ook wanneer die dokumente op die internet met Office Web Apps verander word.

Die patent maak deel uit van Microsoft Office Open XML-formaat aangesien diè formaat as 'n ECMA- sowel as 'n ISO-standaard aanvaar is.

куклы куклы

Man blameer kat vir pornografie

Volgens die webwerf, The Register, blameer 'n man van Florida sy kat vir die aflaai van duisende foto's met kinderpornografie.

Keith Griffin van Jensen Beach staan tereg op 10 klagtes van kinderpornografie nadat speurders die beelde op sy tuisrekenaar gevind het. Hy meen egter dat die kat op sy rekenaar se sleutelbord geklim het terwyl hy vir 'n oomblik die vertrek verlaat het. Hy was besig om musiek van die internet af te laai toe hy agtergekom het dat sy rekenaar "vreemde dinge" doen. Die kat klim glo gereeld op die sleutelbord.

Hy is op borgtog van $250 000.00 vrygelaat.

для бассейна Александр Фильчаков

Kuberkrakers teiken gewilde webwerwe

Miljoene gebruikers van webwerwe soos Twitter, Facebook, Livejournal en Google is dié week deur 'n kuberaanval geraak. Daar was 'n georkistreerde aanval op die gewildste webwerwe en die oorsprong daarvan was onbekend, maar teen Donderdag het een kraker, genaamd Cyxymu van Tiblisi, bekendgemaak dat die aanval vanuit Rusland gevoer is. Hy is van mening dat dit 'n handjie vol kuberkrakers was maar met direkte bevele van die Kremlin om die aanval te loods.

Die woernaalskrywer van Tiblisi meen die aanvalle kom ná 'n reeks kritiese kommentare oor die inval en die toekoms van die gebied Suid-Ossetië nadat dit laas Augustus deur Rusland ingeval is.

Dié tipe aanval staan bekend as 'n "denial of service" of diensweiering en vind plaas wanneer 'n onhanteerbare aantal rekenaars tegelykertyd 'n betrokke webwerf teiken. Die bedieners word oorweldig met die verkeer wat dan die gevolg het dat die webwerf vir normale verkeer buite bereik is.

Facebook was die eerste werf wat deurgeloop het maar dit was kort daarna ook bekend dat ander prominente webwerwe, soos onder andere LiveJournal, ook deurgeloop het.

'n Woordvoerder vir Google het gemeld dat die firma se stelsels die meeste van hul skade voorkom het en dat google.com en selfs hul gewilde e-posprogram Gmail geen probleme ondervind het nie. Google werk tans saam met die ander betrokke partye om die oorsaak te soek en om die skade te bepaal.

Facebook het ook later erken dat hulle deurgeloop het en het bevestig dat geen gebruikerdata in gevaar was nie. Die aanval het sekere dienste van Facebook geraak en het dus 'n invloed gehad op die gebruik van Facebook. Lede van die werf kon by tye nie toegang daartoe verkry nie.

Die volle gevolge van die aanval is egter nog onduidelik en die mikrowoernaalwerf Twitter wat vir byna twee ure vanlyn was, het teen Donderdag nog met rukke en stote gewerk.

free casino games

Swart boere ontvang R146 miljoen aan verdere hulp

Op 11 Julie 2009 het praag.co.za 'n berig Swart boere immuun teen Landbankterugnames geplaas. So pas het die minister van landbou, Tina Joemat-Petterson, aangekondig dat 'n hulppakket van R146 miljoen aan swart boere beskikbaar gestel word.

Dit volg op dreigemente van regsaksies deur die Landbank teenoor meer as 500 hoofsaaklik swart boere wat in gebreke bly om lenings wat aan hulle toegestaan is, terug te betaal.

Joemat-Petterson het Vrydagaand 'n werkswinkel van die Nasionale Swart Boere-unie toegespreek. Volgens haar verteenwoordig die geld nie 'n moratorium op betalings nie, maar 'n manier om swart boere te help om die mas op te kom.

Die landbouminister het verder verduidelik dat die reddingspakket 'n manier vir swart boere was om hul grond te behou.

star basketball

Babas aan die brand gesteek in Blairgowrie

Brandstigting bly ‘n gunstelingtydverdryf…

Die polisie het nog niemand aangekeer ná die geval in Blairgowrie, Randburg, waartydens 'n swart gesin van vier aan die brand gesteek is nie. Aanvanklik is 'n rooftog vermoed, maar tans word die voorval aan 'n "liefdesrusie" toegeskryf.

Volgens kaptein Julia Claassen van die SA Polisie, "het geen inhegtenisnames nog geskied nie en gaan die polisie voort met hul ondersoek".

Vier swartes, waaronder twee babas, verkeer in 'n ernstige toestand nadat hulle Vrydag tydens 'n aanval in Olympicstraat, Blairgowrie, aan die brand gesteek is.

Al vier het erge brandwonde opgedoen en word tans daarvoor in die hospitaal behandel.

Vrydag het senior superintendent Eugene Opperman gesê dat 'n voorlopige ondersoek gedui het op 'n "liefdesdruk en nie 'n rooftog soos aanvanklik gedink is nie".

'n Veiligheidsmaatskappy het Vrydag 'n noodroep vanuit 'n woning in Blairgowrie om 2.20 n.m. ontvang.

"Hulle het op die toneel aangekom en het die bediendekamer in ligte laaie gevind. Hulle het twee babas, asook twee volwassenes, 'n man en 'n vrou, op die perseel aangetref."

'n Woordvoerder vir Netcare 911 se paramediese span, Nick Dollman, sê die babas is "baie klein… omtrent 'n jaar oud".

Die brandslagoffers is blykbaar die bediende, haar vriend en haar twee kinders.

'n Saak van brandstigting en poging tot moord word ondersoek.

In 'n soortgelyke voorval vroeër vandeesweek, is 'n 25-jarige smous wat in 'n liefdesdriehoek vasgevang is ook langs die pad in Pietermaritzburg aan die brand gesteek.

Die woordvoerder van die polisie in Kwazulu-Natal, Henry Budhram, het gesê die smous, Sli Benghu, was Dinsdag besig om sake in Manchesterweg, Northdale, te doen toe sy deur 'n vrou wat aan haar bekend is, genader is.

'n Rusie het tussen die twee ontstaan, waarna die vrou 'n vlambare stof oor haar gegooi het en haar aan die brand gesteek het.

"Die slagoffer het na 'n nabygeleë spruit gehardloop waar sy daarin geslaag het om die vlamme te blus, maar het agterna inmekaar gesak," het Buhram gesê.

"Die motief vir die aanval is blykbaar 'n minnaar se ontrouheid," het Budhram gesê.

'n 22-jarige verdagte is later in Haniville in hegtenis geneem en sal binnekort in die Pietermaritzburgse landdroshof op 'n klag van poging tot moord verskyn.

Die slagoffer verkeer blykbaar in 'n ernstige maar stabiele toestand in 'n hospitaal.

Александр Фильчаков

Willem de Klerk oorlede

Willem de Klerk, 82, FW de Klerk se ouer broer en mede-argitek van die Afrikaner se oorgawe aan die Britte, is vroeg Vrydagoggend oorlede.

Hy is twee maande gelede in die waakeenheid van die Garden City-kliniek in Mayfair-Wes, Johannesburg, opgeneem vir 'n longkwaal, maar is verlede week glo ontslaan.

Hy het tuis, in Johannesburg, gesterf.

De Klerk, ook bekend as Wimpie, is kort ná sy broer FW se paleisrewolusie teen PW Botha, na Londen ontbied waar hy deur die Britse geheime diens rojaal getrakteer is en van 'n plan voorsien is waardeur die Nasionale Party aan die ANC kon oorgee sonder weerstand deur die weermag of die Afrikanerkiesers.

Vyftig persent van die Afrikaners het destyds die Konserwatiewe Party en ander regse partye ondersteun, maar met behulp van die Engelse stem het FW de Klerk tydens die referendum op 17 Maart 1992, die knoop deurgehaak.

Suid-Afrika het sodoende weer deel geword van die Britse Gemenebes en Afrikaners het tweedeklasburgerskap verkry. Terwyl Brittanje en haar plaaslike lojaliste soos die de Klerk-broers fel kritiek teen die ongelykheid van apartheid uitgespreek het, word die ongelykheid van die huidige transformasiebestel met gelatenheid verduur en goedgepraat.

Nalv Willem de Klerk se selfvoldane politieke standpunte in die boekie Kroes, Kras, Kordaat, het Chris Louw se Boetmanbrief nie net die woede van die Boetmangeslag verwoord nie, maar ook 'n openbare debat onder die ontmagtigde en aanstons verdrukte Afrikaners ontketen.

social media