Internasionale nuus – Bladsy 88

Swerwers tussen arm lande

Volgens die Wêreldbank is die globale migrasie van armes besig om toe te neem. Nie net trek arm mense na ryk lande nie, maar hulle beweeg ook na ander arm lande waar toestande nie heeltemal so haglik soos in hul eie land is nie.

Daar bestaan 74 miljoen swerwers van “suid na suid”, aldus die Wêreldbank wat dié term gebruik om enigeen wat van ŉ ontwikkelend land na ŉ ander ontwikkelende trek te beskryf, ongeag geografie. Die bank beraam dat hulle tussen $18 miljard en $55 miljard per jaar huistoe stuur. Terselfdertyd skat die bank dat 82 miljoen trekvoëls van “suid na noord” getrek het, of van arm lande na ryk lande.

Ha?tiane stroom oor die grens om basiese lewensmiddele in die Dominikaanse Rep. te koop

Na raming het daar reeds tussen 4 en 6 miljoen Zimbabwiërs na Suid-Afrika getrek nadat hul land se ekonomie in duie gestort het weens “grondhervorming”. Elders in Afrika trek inwoners van Burkina Faso, een van die armste lande ter wêreld, na die Ivoorkus waar hulle op die kakaoplantasies werk.

Trekarbeiders van Nicaragua bou geboue in Costa Rica. Burgers van Paraguay werk op Argentynse plase. Nepalese word in Indiese myne aangewend. Sommiges spaar hul geld vir duurder reise na die ontwikkelde wêreld, maar ander kan slegs bekostig om van een arm land na ŉ volgende te trek. Met die ryk lande wat hul grense al strenger beheer, kan rondtrekkery binne die ontwikkelende wêreld net toeneem.

“Suid-suid-migrasie is nie net geweldig nie, dit bereik ook ŉ ander klas mens,” sê Patricia Weiss Fagen, ŉ navorser by Georgetown-universiteit in die VSA. “Diegene is baie, baie arm mense wat geld aan selfs armer mense stuur en hulle bereik dikwels baie landelike gebiede wat nie deur die meeste hulpgeld bereik word nie.”

Migrasie vanaf Haïti na die Dominikaanse republiek, die naburige staat op die Hispaniola-eiland, was histories omvangryk, langdurig en die oorsaak van konflik. Die Spaanssprekende Dominikane verwys steeds met woede na ŉ Haïtiaanse besetting wat in 1844 geëindig het. Die Kreoolssprekende Haïtiane verwys na 1937 toe ŉ Dominikaanse massamoord langs die grens die lewens van tienduisende Haïtiane geëis het.

Seisoenwerkers vanuit Haïti het bykans ŉ eeu gelede al aangekom om op die suikerplantasies te werk. Maar vele van hulle werk nou heel jaar deur op plase en stedelike boupersele wat hul sigbaarheid, asook die kanse op konflik, verhoog het. Skattings wissel, maar Dominikaanse amptenare stel die aantal Haïtiese swerwers op een miljoen, oftewel 11 persent van die bevolking.

Ghana hits oil jackpot

Ghana’s president said Saturday that offshore oil reserves discovered in the West African country’s waters total 3 billion barrels.

"Ghana has struck oil in commercial quantities," President John Kufuor said, speaking at a ruling party congress in the capital, Accra. "This is only the beginning. The future is very bright indeed."

British-based oil explorer Tullow Oil PLC announced over the summer that it had had success with a well off the coast of Ghana. It gave no details at the time, saying only that it had discovered "a significant light oil accumulation" and was appraising it.

Tullow operates the Deepwater Tano license that covers the new stake, holding a 50 percent stake. Its partners are Kosmos Energy and a subsidiary of Anadarko Petroleum Corp., Sabre Oil & Gas and the Ghana National Petroleum Corp. Tullow also holds a 23 percent stake in the West Cape Three Points license, off Ghana.

Kufuor gave no other details.

Energy Minister Kofi Adda also declined to comment on the announcement, but told The Associated Press the find was part of the ongoing explorations involving Tullow in western Ghana.

VSA se Kaspiese strategie misluk

Die VSA se steun aan planne om ‘n natuurlike gaspyplyn te bou wat Rusland d.m.v. ‘n alternatiewe roete sal omseil, het die wind van voor gekry. Wladimir Poetin het Donderdag ooreengekom om ‘n nuwe pyplyn aan te lê vanaf Turkmenistan en Kazakhstan in Sentraal-Asië. Die ondertekening van die ooreenkoms is op Russiese televisie uitgesaai.

"Die totstandkoming van hierdie nuwe energie-aar sal langtermyn, grootskaalse gas aan ons vennote lewer en is ‘n ernstige bydrae van ons lande aan die energiesekuriteit van Europa," het Poetin gesê nadat al drie lande wat voorheen deel van die ou Sowjet-unie gevorm het, die ooreenkoms onderteken het. Die voorlopige gesprekke oor die Kaspiese pyplyn wat gasvoorsiening met 40% sal verhoog was in Mei reeds afgehandel.

Maar die finale ooreenkoms is toe uitgestel omdat Turkmenistan en Kazakhstan eers ‘n Amerikaanse plan om ‘n verbinding onder die Kaspiese See te bou, wou oorweeg. Die Amerikaanse roete sou Gazprom se monopolie van gasuitvoere na Europa beëindig het. Hulle het egter daarteen besluit. Die nuwe pyplyn sal jaarliks 20 miljard kubieke meter gas voorsien en sal voor 2011 in werking gestel word het die Russiese minister van energiesake, Viktor Khristenko, gesê.

"Dit is baie positief vir Rusland en Gazprom want in die afsienbare toekoms sal hulle gasuitvoere vanuit Senrtaal-Asië beheer," het Steven Dashevsky van UniCredit Aton in Moskou beaam. "Dit is ‘n duidelike terugslag vir die Weste want daar is steeds geen alternatiewe roetes vir Sentraal-Asië se gas nie." ‘n Woordvoerder van die Amerikaanse State Department het gesê dat die pyplyn Turkmenistan sal help om ‘n kontraktuele las te verlig en dat die VSA dit nie as ‘n terugslag beskou nie. Hy wou egter anoniem bly.

Daar is altyd nog ‘n moontlikheid dat markkragte bykomende roetes kan vereis en ‘n trans-Kaspiese verbinding kan dan weer oorweeg word soos nuwe olievelde en nuwe markte die lig sien, het die anonieme woordvoerder voortgegaan. Gazprom voorsien Europa van 25% van sy gasbehoefte, maar wil dit opstoot deur twee nuwe gaspyplyne na die EU.

Alhoewel Rusland oor die wêreld se grootste gasreserwes beskik, maak dié land nietemin staat op invoere uit Sentraal-Asië om vir die dalende produksie van Siberië se gasvelde te vergoed. Die EU en die VSA het sedert Februarie talle afvaardigings na Turkmenistan gestuur ná die verkiesing van president Gurbanguly Berdymukhammedov wat sy land vir buitelandse beleggers oopgestel het. Turkmenistan was die afgelope 15 jaar, tot die afgelope stemmery, geslote vir buitelandse beleggings. Die land is die tweede grootste gasprodusent van die ou Sowjetblok en lê tussen Iran en Kazakhstan.

Die Weste wou met ‘n suidelike korridor ‘n ondersese pyplyn via Turkye na Europa aanlê om Rusland uit te sny. "Europa weet nou beslis hulle gaan die energie wat hulle nodig het van geen ander plek as Rusland kry nie" het Chris Weafer, hoofstrateeg van UralSib Financial Corp. in Moskou, gesê. "Die nuwe Kaspiese pyplyn sal ‘n beter vlak van pragmatisme in verhoudinge tussen die EU en Rusland tot gevolg hê as Poetin volgende jaar sy amp verlaat."

casino online no

Franse TV toon Afrikaners met gewere

‘Monsieur S?curit?’

Direk na ŉ berig oor Jacob Zuma se verkiesing as ANC-president, het die Franse staatstelevisiekanaal, France 2, Donderdagaand ŉ insetsel aan miljoene kykers getoon waarin Afrikaners selfverdedigingsopleiding teen geweldsmisdaad ondergaan.

Anders as twintig jaar gelede, is die berig geensins deur anti-Afrikaanse of anti-blanke sentiment gekleur nie. In die geheel bied dit ŉ positiewe blik op pogings van Afrikanerboere en –stedelinge om hulself teen geweldsmisdaad te beveilig. Die insetsel fokus op ŉ elfjarige dogtertjie, Angelique, wat opleiding met pistole en gewere ondergaan uit vrees dat sy aangeval sal word.

Ter inleiding word vermeld dat een miljoen blankes reeds die land sedert 1994 verlaat het, hoofsaaklik as gevolg van misdaad. Tydens ŉ onderhoud met mnr. Gideon Meiring van TLU-veiligheid word hy voorgestel as “Monsieur Sécurité” en toegelaat om Afrikaans te praat wat dan in Frans getolk word. Meiring stel dit onomwonde dat die een aspek van die ou Suid-Afrika wat mens deesdae mis, die handhawing van wet en orde is.

David Pujadas

ŉ Dame vertel ook dat mens deesdae nie meer die polisie in Suid-Afrika kan vertrou nie en dat sy “baie bang” is as sy deur hulle voorgekeer word. Aan die einde van die insetsel skiet die elfjarige dogtertjie met ŉ AK-47.

France 2 is die nasionale kanaal van die Franse staatstelevisiediens. Volgens die jongste beskikbare syfers wat in Frankryk gepubliseer is, kyk ongeveer 5,3 miljoen mense elke aand na die TV-nuusbulletin wat om 20.00 deur die nuusleser David Pujadas aangebied word.

игр для девочок

Veertien vegvliegtuie…

Gedaan en rewolsion?r

Terwyl die Libiese leier tans in Spanje ontvang word en daar sprake van verdere lukratiewe ooreenkomste tussen Spanje en Libië is, het dit in Frankryk aan die lig gekom dat die "rewolusionêre gids" ‘n gereelde dwelmgebruiker is. Die satiriese koerant, die Canard Enchaîné het onthul dat Kadhafi kokaïene snuif en die "gids" het klaarblyklik nie afgesien van sy nare gewoonte tydens sy vyfdaagse staatsbesoek aan Frankryk nie.

Die limo, die ligte en die tent

Die koerant haal ‘n bron aan wat vir die Franse binnelandse geheimediens werk wat voorts beweer dat Kadhafi se stommiteite gedurende die besoek aan sy verslawing toegeskryf kan word. Die Libiese diktator het, behalwe sy tentmanewales, ook vir Sarkozy in die verleentheid gestel nadat hy ontken het dat die twee oor menseregteskendings in Libië gesels het.

"Waarom brand jeugdiges motors?" en "Word hulle dan sleg behandel?" was die ander vrae deur die besoekende Libiese staatshoof wat vir heelwat ongemak gesorg het. Kennelik was die gashere nie bedag op sulke direkte belangstelling nie. Sarkozy het egter nooit laat blyk dat die gas se spraaksaamheid en vreemde maniere hom verontrief nie en die geskiedkundige besoek verduur.

Verlede maand nog was daar spanning toe Franse vakansiegangers in Libië opgehou is omdat hul paspoorte nie in Arabies vertaal is nie. ‘n Nuwe wet in Libië vereis dat alle paspoorte ook van ‘n vertaling voorsien moet wees. Dié kwessie is ook deur die Franse verswyg.

Die personeel en bykomende veiligheidsmaatreëls wat ingespan moes word vir die besoek was enorm want Kadhafi het allerlei versoeke gehad betreffende sy vervoer en natuurlik die tuin van die regeringsgebou, die Hotel Marigny, wat tot Libiese grondgebied verklaar is en waar sy tent staangemaak is vir die duur van die besoek.

Frankryk het se sukkelende wapenbedryf het nietemin ‘n hupstoot gekry met die nuwe vriendskapsbande wat gesmeë is. Onder andere is 35 helikopters, 21 Airbusse en 14 Rafale-vegvliegtuie by die snuiwende Kolonel se inkopielysie gevoeg. Daarbenewens gaan Frankryk ‘n lughawe vir Libië bou en kernaanlegte is ook in die vooruitsig gestel. Opposisiepartye meen die bedrae wat Sarkozy se regering noem is nie naastenby wat werklik ooreengekom is nie.

Uit die bloute…

Dat die EU probleme ondervind met onwettige immigrante is gewis. Duisende Afrikane verdrink jaarliks om die kus van Europa in tuisgemaakte of lendelam skuitjies en vlotte te haal om voordeel te kan trek uit die sosiale toegifte wat die Unie bied.

Maar niemand het verwag dat dit uit die lug sou val nie. Die oorskot van ‘n mens met ‘n "donker vel" is Donderdagoggend deur twee werknemers van ‘n filmmontagemaatskappy ontdek in Soisy-sous-Montmorency (Val-d’Oise), Frankryk. Die liggaam is waarskynlik dié van ‘n onwettige immigrant wat uit ‘n vliegtuig geval het.

Die luggebied bó Soisy-sous-Montmorency word deur vliegtuie na Roissy Charles de Gaulle gebruik. Die Brandweerdiens het dadelik by hul aankoms op die toneel vasgestel dat die liggaamstemperatuur van die dooie 29 grade is wat daarop dui dat die man nog lewendig moes gewees het toe hy uit die vliegtuig geval het. Die twee werknemers ly aan erge skok omdat hulle blootgestel is aan die gesig van die man se oorblyfsels wat oor ‘n area van 50m² versprei was.

‘n Ondersoek sal gelas word om die presiese oorsake van die dood vas te stel. Die identiteit van die persoon is nog nie bekend nie. Dit is ook nie bekend uit watter vliegtuig die slagoffer geval het nie, maar dit het waarskynlik gebeur omdat die man onder in die vliegtuig versteek was omdat dit die enigste plek is waar daar plek vir klandestiene passasiers is. Toe die wiele vir landing ontplooi is, het hy waarskynlik uitgeval.

slot games with bonus

British Council nekomgedraai

Die Russe het die British Council versoek om al hul streekskantore in Rusland te sluit. Die Russiese ministerie van buitelandse sake het in ‘n verklaring gesê dat dié instelling onwettig in Rusland werk en Russiese belasting- en ander wette en die Weense Konvensie van 1963 oortree. Die ministerie het die kantore in Ekaterinburg en St. Petersburg gesluit verklaar vanaf 1 Januarie 2008.

Die Britte het met uiterste verontwaardiging gereageer op die aankondiging en gesê die sluiting is verregaande. ‘n Segspersoon vir die Britse ambassade in Moskou het verklaar dat "die Council ‘n nie-politieke kultuurorganisasie is" wat "mense help" om Engels te leer. Hy het ook gewaarsku dat Rusland se optrede "in stryd is met internasionale reg". James Kennedy, direkteur van die British Council in Rusland, het beaam dat die besluit nie geregverdig kan word nie en dat die Council sedert 1994 in Rusland is danksy ‘n bilaterale kultuurooreenkoms tussen die twee lande.

Rusland volg die voorbeeld van Belarus wat in 2000 die laaste British Council kantoor in dié land gesluit het. Gemaskerde belastingpolisie, geklee in swart, het reeds drie jaar gelede op die Council se hoofkantoor in Moskou toegesak en betogings is verlede week voor die Britse ambassade gehou, terwyl die Britse ambassadeur, Tony Brenton, gereeld lastig geval word.

In Augustus verlede jaar het die Kremlin besluit om die BBC se FM-uitsaaifrekwensie op te skort vanweë anti-Russiese propaganda wat die diens klaarblyklik aanhoudend uitgesaai het. In die lig van die besluit om die British Council se aktiwiteite ook in te perk, is dit duidelik dat die aanstaande president, Dmitri Medvedev, nie beplan om gou ‘n einde te maak aan die gespanne verhoudinge wat tussen Rusland en Brittanje heers nie.

‘n Russiese woordvoerder van buitelandse sake het gesê dat die Council se werkswyse "abnormaal" is omdat dit vanuit Britse konsulate in Rusland bedryf word. Hy het bygevoeg dat dit in stryd is met die Weense Konvensie wat konsulêre bedrywighede reël. Denis MacShane, eertydse Britse minister vir Europa, het gesê dat die British Council nog lank ná die huidige Russiese politieke leiers se vertrek sal bly bestaan. Of dit só sal wees, sal net die toekoms leer aangesien al 15 streekskantore gesluit gaan word en selfs die Russiese personeel die trekpas gaan kry.

Mugabe stuur Merkel in haar peetjie

Lissabon – ŉ Uitdagende Robert Mugabe het die Europese leiers Sondag vertel dat hy geen lesse wil ontvang oor hoe om Zimbabwe te regeer nie, in antwoord op die Duitse kanselier, Angela Merkel, en ander EU-leiers se beskuldigings dat hy menseregte in sy land vertrap.

Mugabe het oudergewoonte sy vuis uitdagend in die lug gesteek en breed geglimlag toe hy gevra is watter boodskap hy vir Europa het op die tweede en laaste dag van die EU-Afrika-spitsberaad.

“Wat menseregte en goeie regering betref, bepaal Afrika sy eie beleid, uit eie vrye wil,” het Zimbabwe se omstrede president gesê, soos hy aangehaal is deur twee EU-diplomate wat na sy toespraak geluister het tydens die eerste Euro-Afrika-spitsberaad in sewe jaar.

Die Weste en menseregtegroepe het Mugabe beskuldig van wydverspreide menseregteskendings en dat hy sy land se ekonomie geruïneer het, maar hy word deur baie in Afrika as ŉ held beskou.

Die Suider-Afrikaanse Ontwikkelingsgemeenskap (SAOG) het gepoog om tussen die Zimbabwiese se regering en die opposisie te bemiddel.

Die eerste minister van Brittanje, Gordon Brown, het die vergadering uit protes teen Mugabe se deelname geboikot en die Duitse kanselier Angela Merkel het die spitsberaad Saterdag uitgedaag om die menseregtevergrype in Zimbabwe aan te spreek toe sy gesê het: “Die situasie in Zimbabwe rig skade aan die beeld van die nuwe Afrika aan.”

Maar Mugabe is soos volg deur EU-diplomate aangehaal: “Dink die Duitse kanselier en die ander pro-Gordon Brown-mense werklik hulle weet beter as SAOG en die Afrika-unie, ons moet hierdie vermetelheid beveg.”

Vorige pogings om ŉ spitsberaad tussen die wêreld se grootste handelsblok en sy armste kontinent te hou, het misluk omdat Brittanje en sekere EU-state geweier het om dit te by te woon indien Mugabe uitgenooi sou word, terwyl Afrikaleiers gesê het hulle sal nie kom as Mugabe weggewys word nie.

Volgens Mugabe is die EU se “arrogansie”, en nie Zimbabwe nie, te blameer vir die oponthoud in die reël van die spitsberaad.

“Diegene wat van gelykheid praat, het gepoog om hul eie wil op Afrika af te dwing en het saamgeflanste klagtes teen Zimbabwe gelê,” het Mugabe gesê.

“Ons ken ons verantwoordelikhede; ons hoef nie lesse oor vrede en veiligheid te ontvang nie,” het hy bygevoeg.

Die EU se hoof van buitelandse beleid, Javier Solana, het weereens nadat Mugabe gepraat het sy kommer oor dié kwessies uitgespreek. “Die EU is bekommerd oor die verslegting van die ekonomiese, humanitêre en politieke situasie in Zimbabwe,” het Solana aan die Europese en Afrikaleiers gesê. “Na ons mening, is die verslegting die gevolg van ŉ krisis wat goeie regering betref,” het hy gesê.

Die president van die Europese Kommissie, Jose Manuel Barroso, het aan ŉ nuuskonferensie aan die einde van die spitsberaad, verwysende na Mugabe, gesê dat hy nie kan verstaan waarom diegene wat vir die vryheid van hul land geveg het wel vryheid aan hul eie mense weier nie.

Mugabe het alle plase wat aan blankes behoort gekonfiskeer tydens sy “grondhervorming” en volgens die opposisieparty, die Beweging vir Demokratiese Verandering, verkiesingsbedrog in die vorige verkiesing gepleeg. Aanstaande jaar word daar weereens in Zimbabwe verkiesing gehou en Mugabe is reeds besig om die opposisiegroepe te onderdruk, luidens die BDV.

турецкая баня цена topcargo развод

Johan Botha, ‘n triomf in Wene

Johan Botha

Die Weense Staatsopera het pas begin met ’n grootse poging om Richard Wagner se Der Ring des Nibelungen oor ’n periode van twee jaar op te voer. Die première van Die Walküre het die afgelope naweek plaasgevind. Nog selde was daar soveel spanning en afwagting voor die première van ’n opera opvoering. Franz Welser-Möst was die dirigent en Sven-Eric Bechtolf verantwoordelik vir die regie. Johan Botha, wat die hoofrol van Siegfried gesing het, is Saterdagaand staande toegejuig.

Kanselier Gusenbauer en die Weense elite het almal Saterdag se opvoering bygewoon. Der Ring des Nibelungen is een van die grootste uitdagings wat ’n operahuis kan onderneem. Nina Stemme (Sieglinde), Eva Johansson (Brünnhilde) en Juha Uusitalo (Wotan) het saam met Botha gesing.

Saterdag se première het wonderlik begin. Johan Botha en Nina Stemme het hulleself in die eerste bedryf oortref en is albei tydens die eerste pouse minute lank staande toegejuig.

Daar was egter ook onverwagte drama toe Juha Uusitalo, wat die rol van Wotan gesing het, se stem in die tweede bedryf begin verdwyn het. Hy het al sagter gesing en die gehoor het hom begin uitjou. Voor die begin van die derde bedryf het Holender, direkteur van die Staatsoperahuis, en dirigent Welser-Möst op die verhoog verskyn en om verskoning gevra. Uusitalo se stemprobleme is aan ’n slegte verkoue toegeskryf. “Sangers, dokters – en ook operadirekteure – is maar net mense,” het Holender verskonend afgesluit.

Die opera het voortgegaan. Intussen is die Duitse sanger, Oskar Hillebrandt, wat besig was om ’n pizza elders in Wene te eet, inderhaas op sy selfoon gekontak en gevra om vir die stomme Uusitalo in te staan. Uusitalo was steeds op die toneel en het gemaak of hy sing, maar in die orkesruimte het Hillebrandt in sy aandpak die res van die aand al die sangwerk gedoen.

Volgens regisseur Bechtolff is die konflikte wat in Der Ring uitgebeeld word argetipiese menslike konflikte en dus nie ver verwyderd van ons kontemporêre wêreld nie. “Dit is die verhaal van die mensdom: wie is ons, hoe moet ons lewe en waarheen is ons op pad?”

Dit is die sesde keer dat die Weense Staatsoperahuis Wagner se hele Ring opvoer. Die Walküre is vir die eerste maal in 1877 daar opgevoer. In 1879 het hulle die siklus afgesluit met die Götterdämmerung.

Johan Botha, wat in 1965 in Rustenburg gebore is, het al op die ouderdom van 13 begin sing. Hy het in 1990 vir die eerste keer in die buiteland opgetree en het in Februarie 1996 sy debuut in die Weense Staatsoperahuis gemaak. In Junie 2003 het hy die jongste Kammersänger ooit geword. Hy tree oral in Europa en die VSA op. Hy beskik oor ’n geweldige repertoire en het al saam met die beroemdste dirigente in die wêreld opgetree.

смеси

Sarkozy se eierdans

‘n Delikate verhouding

Die Franse president is tans op ’n amptelike besoek in Algerië. Hy het gister in ’n toespraak voor Franse en Algerynse sakelui die koloniale stelsel van die verlede as “uiters onregverdig” bestempel. Hy het kolonialisme verder beskryf as ’n sisteem wat “in stryd staan” met die Franse beginsels van vryheid, gelykheid en broederskap.

Hy het egter beklemtoon dat daar binne hierdie stelsel vele Franse burgers was wat baie geheg was aan Algerië voor hulle die land moes verlaat. Die Algerynse onafhanklikheidsoorlog het “ontelbare slagoffers” aan beide kante meegebring. “En vandag wil ek, wat in 1962 sewe jaar oud was, al hierdie slagoffers gedenk,” het die president gesê.

Sarkozy het verder bevestig dat Frankryk vandag kontrakte ter waarde van meer as vyf biljoen Euro met Algerië sal onderteken. Sowat 100 Franse sakemanne vergesel die Franse president tydens hierdie staatsbesoek. Die kontrakte handel hoofsaaklik oor die oprigting van moderne infrastruktuur soos die bou van tremstelsels, werk aan die moltreinstelsel van Algiers, die bou van paaie en spoorweë, asook fabrieke, damme en kragsentrales. Daar sal verder ’n ooreenkoms geteken word ten opsigte van samewerking oor kernkrag.

Die Franse president het Algerië se stryd teen “barbaarse terrorisme” die afgelope paar jaar in hulle eie land geloof en gesê dat “elke vorm van rassisme, Islamhaat en anti-Semitisme" beveg moet word. Vir hom is Islamhaters en anti-Semiete ewe dom en haatdraend. “Die Algerynse regering se oorwinning oor terrorisme is ’n groot sukses vir ons almal, want ’n Taliban-regering in Algiers sou nie net ’n tragedie vir Algerië gewees het nie, maar ook ’n katastrofe vir al die lande rondom die Middellandse see,” het die Franse president vervolg.

Hierdie is Sarkozy se sewende besoek aan Algerië en reeds die tweede amptelike besoek sedert hy vroeër vanjaar president van Frankryk geword het. Verhoudinge tussen die twee lande was nog altyd delikaat, veral sedert onafhanklikheid in 1962. Kort voor Sarkozy se aankoms hierdie week het die Algerynse minister verantwoordelik vir die welsyn van oud-soldate, Mohammed Chérif Abbas, vir verleentheid gesorg toe hy na Sarkozy se Joodse herkoms verwys het.

Volgens hom was dit “die Joodse lobby” aan wie Sarkozy sy verkiesing as president te danke had. Hierdie uitspraak van die Algerynse minister het hewige reaksie in Frankryk uitgelok en organisasies soos die Bond van Menseregte het ’n beroep op Sarkozy gedoen om sy besoek aan Algerië af te stel. President Bouteflika het sy minister egter tereggewys en Sarkozy telefonies verseker dat Abbas se uitspraak “glad nie” die Algerynse standpunt verteenwoordig nie. Die Franse president het gevolglik besluit om met sy besoek voort te gaan.

Sedert oud-president Jacques Chirac in 2005 wetgewing ingevoer het wat “die positiewe rol van kolonialisme” sou uitlig (dit is sedertdien gekanselleer) het ’n groepie Algerynse politici aangehou om “verskonings” van Frankryk te eis.

Sarkozy sal later vandag Algerynse studente toespreek. Hy sal ook die Romeinse ruïnes van Tipaza besoek, sowat 70 km wes van Algiers. Die Franse skrywer Albert Camus was baie lief vir hierdie dorpie. Daarna sal hy ’n gedenksteen vir Algeryne, wat tydens die onafhanklikheidsoorlog van die vyftigerjare die lewe gelaat het, besoek. Sarkozy keer môre na Frankryk terug.

jackpot 6000 Фільчаков прокурор

Gesogte Duitse prys aan Tutu

‘Rooi Heidi’ en Nujoma

Nie alleen bevorder die Duitse minister wat bekend staan as "Rooi Heidi", Heidemarie Wieczorek-Zeul, grondhervorming in Namibië omdat die verspreiding van eienaarskap daar volgens haar "ongelyk" is nie, maar sy bevorder ook "wêreldvrede". Vir elkeen wat onderlê is in ou Koue Oorlog-terme, moet haar woorde bekend klink, so asof sy uit die ou Sowjetunie ontsnap het.

Wieczorek-Zeul beskou ook die Anglikaanse Tutu as "’n simbool vir vrede en geregtigheid in die wêreld". Die Zeit het pas aan Desmond Tutu ‘n gesogte Duitse prys oorhandig, naamlik die Marion Doenhoff-Prys vir Internasionale Versoening en Begrip. Doenhoff was ‘n bekende en gerespekteerde Duitse joernalis en mede-uitgewer van Die Zeit tot en met haar dood op 92-jarige ouderdom in 2002. Tutu het die prys Sondag in ontvangs geneem.

Maandag sal hy saam met FW de Klerk in Berlyn optree wanneer ‘n yslike granietblok uit Suid-Afrika onthul sal word ter bevordering van "wêreldvrede". Die toekenning aan Tutu is des te meer eienaardig omdat die rol van die Anglikaanse Kerk in die aanstigting van terreur teen wit teikens welbekend is, uit die St. Pauluskatedraal geloods is en in detail op ANC Today behandel word.

topcargo отзывы

Poetin wen oorweldigend

Poetin stem in Moskou

MOSKOU – Wladimir Poetin se Russiese Eenheidsparty het gister ŉ oorweldigende meerderheid in die parlementêre verkiesings behaal en sodoende die weg gebaan vir die Russiese leier om in beheer te bly, selfs na die beëindiging van sy presidentstermyn.

Die uitslag volg na ŉ Kremlinveldtog wat die president ferm ondersteun het. Poetin is veral bevoordeel deur Rusland se stygende olie-inkomste waardeur die land in ŉ stewiger internasionale posisie geplaas is.

“Die stem het die hoofidee bevestig: dat Wladimir Poetin die nasionale leier is, dat die volk sy beleid onderskryf en dat hierdie beleid sal aanhou,” het die partyleier en parlementêre speaker, Boris Grislof gesê nadat uitgangsopnames aangekondig is.

Verskeie opposisieleiers het die Kremlin van verkiesingsbedrog beskuldig en die Amerikaanse Bush-administrasie het vir ŉ ondersoek na verkiesingsongerymdhede gevra. Die leier van die Russiese Kommunistiese Party, Gennadi Zioeganof het die verkiesing bestempel as “die onverantwoordelikste en vuilste” in die post-Sowjettydvak.

Met stembriewe in 64,4 persent van die kiesafdelings wat getel is, loop die Russiese Eenheidsparty voor met 62,8 persent, gevolg deur die Kommuniste met 11,7 persent, het die Sentrale Verkiesingskommissie gesê.

Die Kremlin het die verkiesing as ŉ plebisiet oor Poetin se byna agt jaar as president voorgestel – met die belofte dat ŉ groot oorwinning hom op een of ander manier sal toelaat om as leier aan te bly as sy tweede termyn aanstaande jaar verstryk.

Poetin word grondwetlik verbied om vir ŉ derde agtereenvolgende termyn te staan, maar duidelik het hy ondersteuning om aan bewind te bly. ŉ Beweging het oor die afgelope paar weke ontstaan om hom aan te moedig om ŉ “nasionale leier” te word, maar dit is nog onduidelik watter pligte en magte dit sou behels.

Volgens die meningsopnames sal die Russiese Eenheidsparty oor ŉ oorweldigende meerderheid in die Staatsdoema of laer huis van 450 setels beskik. Die Kommuniste gaan 57 setels hê.

Die ander twee pro-Kremlinpartye – die nasionalistiese Liberaal-Demokratiese Party en populistiese Nét Rusland – lyk asof hulle ook die parlement gaan haal, met onderskeidelik 8,8 persent en 8 persent.

Een Liberaal-Demokratiese Party-afgevaardigde sal Andrei Loegowoi wees, ŉ voormalige KGB-beampte en die vernaamste verdagte in die vergiftiging van die Kremlinkritikus Alexander Litwinenko verlede jaar in Londen. Rusland het geweier om Litwinenko aan Brittanje te oorhandig en die Doemasetel verskaf aan hom immuniteit teen vervolging.

Dit is egter aan die lig gekom dat Litwinenko ‘n betaalde Britse agent was wat blykbaar 2000 pond per maand vir sy dienste ontvang het. Dié inligting is deur die Daily Mail in Brittanje bekend gemaak.

Geen ander partye kon die sewepersentdrempel om setels in die parlement te behaal, verbysteek nie. Beide liberale opposisiepartye is uitgesluit, aangesien voorspel word dat hulle elk nie meer as 2 of 3 persent van die stemme gaan ontvang nie.

Vele Russe het Sondag gekla dat hulle onder druk geplaas is om te gaan stem, met onderwysers, dokters en ander wat gesê het dat hulle deur hul base aangesê is om by hul werkplekke te gaan stem.

Volgens Alexander Kinef, ŉ politieke deskundige van die verkiesingsmonitorgroep Golos, is dosyne kiesers betaal om vir Poetin se Russiese Eenheidsparty te stem. In die dorp Pestowo in die westerse Nowgorod-streek, het kiesers gekla dat hulle stembriewe ontvang het wat reeds aan die Russiese Eenheidsparty uitgemaak was.

In Tsjetsjnië, waar die stempersentasie meer as 99 persent was, het getuies verslag gedoen oor verkiesingsbeamptes wat stembriewe ingevul en in busse geplaas het in die streekshoofstad Grozni.

Daar was ŉ gespanne, gedempte atmosfeer by sommige stemlokale. Jelena, ŉ 32-jarige bestuurder van St. Petersburg, het geweier om haar van te verskaf uit vrees vir politieke weerwraak omdat sy vir die liberale Jablonko-party gestem het.

“Ons leef in ŉ land waarin demokrasie en spraakvryheid afwesig is,” het sy gesê.

Vele kiesers was huiwerig om hul stem te bespreek, wat ŉ verskuiwing sedert die laat tagtigerjare verteenwoordig toe die Russe luidkeels oor hul regering gekla het. Een bejaarde dame, ŉ veteraan van die verdedigingsnavorsingsinstituut, het geweier om haar naam te verskaf en het net erken dat sy vir Jablonko gestem het omdat niemand anders wil luister nie.

Die owerhede, het sy gesê, sal nie toelaat dat Jablonko enige setels verwerf nie.

“Dis waarom ons omtrent 300 gekke, spyt dit my om te sê, in ons Doema het,” het sy gesê. “En ek glo nie vir Poetin nie: Hy is ŉ gewone man, ons moet hom nie absolute mag gee nie.”

Poetin, wat verantwoordelik gehou word vir die herstel van Rusland na die armoede en onsekerheid van die negentigerjare, geniet egter steun van vele Russe, ten spyte van die kritiek.

“Vandag is alles helder en stabiel in die lewe. Die president se woorde kom altyd ooreen met wat hy doen. Wat die ander kandidate betref, weet ons nog nie waarheen hulle ons wil neem nie,” het Raisa Tretijakowa, ŉ 61-jarige pensioenaris in St. Petersburg gesê.

In die VSA het die Bush-administrasie Sondag ŉ beroep op Rusland gedoen om bewerings dat die stem gemanipuleer is, te ondersoek.

“In die aanloop tot verkiesingsdag, het ons ons kommer uitgespreek oor die gebruik van staatsadministratiewe hulpbronne ter ondersteuning van die Russiese Eenheidsparty, die vooroordeel van media in staatsbesit of onder staatsinvloed, intimidasie van die politieke opposisie en die gebrek aan gelyke geleenthede wat deur opposisiekandidate en –partye ervaar is,” het Gordon Johndroe, segsman vir die Amerikaanse Nasionale Veiligheidsraad gesê.

Die stempersentasie was omtrent 62 persent Sondag, volgens die Sentrale Verkiesingskommissie, teenoor 56 persent in die vorige parlementêre verkiesing vier jaar gelede.

Alle setels sal toegeken word volgens die persentasie stemme wat elke party ontvang het; in vorige verkiesings is die helfte van die setels toegeken aan kandidate wat in spesifieke kiesafdelings gestaan het, wat enkele grapmakers toegelaat het om verkies te word. Ongeveer 109 miljoen mense is stemgeregtig.

Die Organisasie vir Veiligheid en Samewerking in Europa, wat beskou word as die Weste se mees gesaghebbende verkiesingsmonitor, het planne om waarnemers te stuur gekanselleer.

Poetin beweer die kansellasie is deur die Verenigde State bewimpel om die verkiesing in ŉ slegte lig te probeer stel. Maar die OVSE sê Rusland het die toestaan van visums so lank vertraag dat die organisasie nie in staat sou gewees het om die verkiesingsvoorbereidings sinvol te beoordeel nie.

Kies my of chaos

Wladimir Poetin

Die Russiese president Wladimir Poetin het Donderdag ’n beroep op die Russe gedoen om Sondag tydens die algemene verkiesing in die land te kies tussen sy party of ’n terugkeer na “die vernedering” en “die disintegrasie” van die verlede.

Gari Kasparof, voormalige wêreldskaakkampioen, het op dieselfde dag ná sy vrylating uit die tronk gesê Poetin maak hom skuldig aan “diktatoriale” optrede en het belowe “om die stryd verder te voer.” Kasparof is vir vyf dae opgesluit omdat hy aan ’n onwettige betoging deelgeneem het.

Poetin het tydens ’n toespraak wat op televisie uitgesaai is sy landgenote aangespoor om vir sy Verenigde Rusland-party te gaan stem. Hy het dit verder duidelik gemaak dat hy nie gaan poog om ná 2008 as staatshoof aan te bly nie. Hy het nie laat blyk wie hom moontlik kan opvolg of hoe sy eie toekoms daar gaan uitsien nie. Tans is daar oproepe vir hom om in ’n hoedanigheid as “nasionale leier” aan te bly. Na afloop van Sondag se verkiesing sal Poetin besluit of hy tot 2008 president gaan bly en of hy dalk gaan uittree om ’n gewone parlementslid te word. Ander voorstelle doen ook tans die rondte oor hoe Poetin moontlik die grondwet, wat hom verbied om vir ’n derde termyn as president aan te bly, kan omseil. Hy kan dalk eerste minister word of voorsitter van Verenigde Rusland, die party wat tans oor 60% van kiesers se steun beskik.

Poetin het in sy toespraak gewaarsku teen magsoorname deur die liberale, wat in die negentigerjare die septer onder Boris Jeltsin geswaai het. Volgens hom sal dit die gebied verder destabiliseer. Hy het die afgelope paar dae dikwels gewaarsku teen Russe wat die Weste slaafs navolg en bereid is om Rusland te verkoop, in die naam van ekonomiese opheffing. Die kanse is egter maar skraal dat die liberale Sondag skoonskip maak. Die liberale partye gaan na verwagting slegs tussen 1% en 2% van die stemme kry. Poetin het mense verder herinner aan die ekonomiese stabiliteit wat onder sy bewind ingetree het en hoeveel hy in die stryd teen terrorisme en korrupsie reggekry het.

’n Paar uur later is Kasparof, wat ook ’n kandidaat in die verkiesing is, vrygelaat. “Dit gaan nie net hier oor my nie,” het hy gesê. “Die regering het ’n gevaarlike fase betree wat al meer na ’n diktatuur begin lyk.” Gorbatsjof het op sy beurt Kasparof se inhegtenisname veroordeel en die regerende party gekritiseer.

?Die swartman se vo?l veroorsaak hongersnood in Afrika?

“Eintlik hou ek van Afrika…”

Die Franse skrywer en televisiester, Pascal Sevran, het onlangs ŉ herrie ontketen toe hy deur ŉ streekskoerant aangehaal is as sou hy gesê het: “Die swartman se voël veroorsaak hongersnood in Afrika.”

ŉ Geweldige storm het agterna losgebars en Sevran is deur allerlei swart verenigings van rassisme aangekla en daar is geëis dat hy deur die Franse staatstelevisiekanaal, France 2, afgedank word.

Sevran het om verskoning gevra indien enigiemand aanstoot geneem het en beweer dat hy eintlik “baie lief vir Afrika” en verkeerd aangehaal is. Die werklike woorde wat hy oor Afrika geskryf het, kom in sy boek, Le privilège des Jonquilles, voor:

“Niger. Onhoudbare foto-safari. ŉ Mens kom kinders by die skopgraaf vol teë in dié land (is dit ŉ land of ŉ begraafplaas?) waar die vrugbaarheidsyfer van vroue die hoogste ter wêreld is. Nege kinders gemiddeld per vrou. ŉ Ramp. Die skuldiges is maklik identifiseerbaar, hulle laat die spoor van hul misdade na deur links en regs te kopuleer (…), hulle kan daarmee aanhou want dis vir hulle lekker, niemand gaan dit teen hulle hou nie, wat ook ŉ misdaad teen die mensdom is: om kinders te maak, die enigste misdaad teen die mensdom wat nie strafbaar is nie. Daar word selfs vir hulle geld gestuur sodat hulle kan aanhou om hul bevolking uit te brei, om die dood te saai.”

In reaksie op kritiek, het Sevran op die radiostasie Europe 1 gesê: “En wat daarvan? Dis die waarheid! Afrika vrek weens al sy kinders wat gebore word sonder dat die ouers oor die middele beskik om hulle te voed. Ek is nie die enigste wat dit sê nie. Ons moet die helfte van die planeet steriliseer!”

Verder het Sevran gemeen: “Ek is niks aan enigiemand verskuldig nie. Ek sê wat ek wil en ek skryf wat ek wil! Om my as ŉ neo-Nazi te beskou, is ŉ mooi grap.”

Ironies genoeg was Sevran se ouers kommuniste van Spaanse afkoms en hy was ook ŉ segsman van die vorige sosialistiese president, François Mitterand. Tans is Sevran egter ŉ ondersteuner van die sentrum-regse president Nicolas Sarkozy. Die vorige sosialistiese kultuurminister, Jack Lang, het tydens die herrie sy steun aan Pascal Sevran toegesê deur te verklaar dat Sevran “opreg anti-rassisties” is.

Die staatstelevisiediens het egter ŉ waarskuwingsbrief aan hom gerig waarin die hoofuitvoerendebeampte, Philippe Baudillon, hom maan dat dit “ondenkbaar is om uitsprake wat blatant in stryd is met die waardes van die openbare uitsaaier in enige vorm of medium te versprei”.

Vanweë al die publisiteit het daar 50 000 eksemplare van die gewraakte boek, Dans le privilège des Jonquilles, verkoop.

jackpot casino