Praag – Bladsy 32 – praag.co.za

Zim-regering vra nou $30 000 per buitelandse joernalis

Die Zimbabwiese regering het Woensdag nuwe lisensiegelde van tot $30 000 aangekondig vir joernaliste van buitelandse media wat in Zimbabwe werk. Dit het klagtes laat ontstaan dat hulle probeer om joernaliste uit die land te verdryf.

Die nuwe riglyne vereis verder dat Zimbabwiërs wat in die buiteland werk vir buitelandse media 'n $4 000-fooi moet betaal om vir 'n jaar joernalisme in Zimbabwe te kan beoefen.

Harare sal $30 000-betaling van buitelandse mediahuise verwag wat in Zimbabwe wil werk. Volgens die regeringsbeheerde media- en inligtingskommissie sal dit verdeel kan word in $10 000 vir die toepassing en $20 000 vir akkreditasie, wat alles net in buitelandse geldeenhede betaalbaar is.

Joernaliste kan ook kies om $1 500 te betaal vir toestemming vir elke onafhanklike joernalismeprojek waarvoor hulle in Zimbabwe is.

Joernaliste wat vir die staatsmedia werk, hoef net 'n fooi van 1 miljoen Zim-dollar te betaal, wat minder werd is as 1 Amerikaanse dollar teen die huidige wisselkoerse.

Smous vermoor op plaas naby Louis Trichardt

Polisie in Limpopo het 'n plaaswerker gearresteer nadat hy klaarblyklik Woensdag 'n smous se keel afgesny het op 'n plaas naby Louis Trichardt.

Die 50-jarige vrou, wat by 'n stalletjie op die plaas Rooipoort gewerk het, is in die nek gesteek en haar keel afgesny, het superintendent Mohale Ramatseba in 'n verklaring gesê. Haar moordenaar het gevlug met kontant. Polisie het hom later gevind waar hy op die plaas geskuil het.

Die beweerde moordenaar, 'n 30-jarige swartman van Phola Park in Louis Trichardt was 'n werknemer op die plaas en het ook op 'n stadium in die winkel gewerk.

Hy sal Vrydag in die landdroshof op Louis Trichardt verskyn.

Die slagoffer se naam sal bekend gemaak word nadat haar naasbestaandes in kennis gestel is.

Zim-aktiviste ‘erg gemartel’, s? prokureur

Sewe Zimbabwiese opposisieaktiviste wat beskuldig word van 'n reeks ontploffings is erg gemartel deur veiligheidsagente van die staat, het hulle regsverteenwoordiger Woensdag aan die hof gesê, en 'n ondersoek aanbeveel na die beweerde aanrandings.

Die aktiviste sluit in die direkteur vir sekuriteit van die opposisie, die MDC, sowel as 'n adviseur vir die partyleier Morgan Tsvangirai.

"Van November die 20ste af is hulle erg gemartel terwyl hulle in polisieaanhouding was en sommige van hulle is kritiese mediese behandeling geweier," het prokureur Alec Muchadehama aan die landdroshof gesê.

"Geen arrestasies is uitgevoer nie. Elkeen van hulle is die slagoffers van ontvoering deur die staat se agente. Niemand is gearresteer in terme van die wet nie," het hy gesê.

"Wat ons wil hê, is dat die hof die staat moet beveel om die bewerings van marteling te ondersoek en dan weer verslag te lewer met die volgende hervatting. Indien niks gebeur nie, behou ons die reg voor om internasionale howe te nader om die saak aan te spreek."

Die aangeklaagdes was deel van 18 lede van die opposisie en menseregteaktiviste wat uit hulle huise ontvoer is in aparte voorvalle sedert Oktober en aangehou is by onbekende plekke.

Hulle het eers in die hof begin verskyn op 24 Desember en staan tereg daarop dat hulle twee polisiestasies in Harare met bomme opgeblaas het en ook twee bruê buite die hoofstad beskadig het "met die doel om insurgensie in Zimbabwe te veroorsaak". Hulle het die klagte ontken.

Dokters wat hulle by Chikurubi-maksimumveiligheidgevangenis ondersoek het, het gesê hulle het verskeie beserings. Een kom voor asof hy nierskade het en het dringende mediese hulp nodig, het de dokters gesê.

Nog 'n aangehoudene loop die risiko om doof te word sonder dringende behandeling vir 'n beskadigde membraan in sy oor, en 'n derde ly aan sielkundige trauma waarin hy 'n vrees vir water en oop ruimtes ontwikkel het.

Die arrestasie van die aktiviste het vrese verhoog rondom 'n magsdelingsooreenkoms wat September geteken is deur president Robert Mugabe en Tsvangirai. Die ooreenkoms het tot dusver op niks uitgeloop nie, vanweë dispute oor die beheer van sekere sleutelkabinetsposte.

Die verhoor gaan Donderdag voort.

magic boxes топкарго отзыв

Olieprys stabiel n? 12%-daling oornag

Oliepryse is stabiel onder $43 per vat in Asië nadat 'n hoër as verwagte toename in Amerikaanse voorrade oornag 'n 12%-afname in ru-oliepryse veroorsaak het.

Ligte, soet ru-olie vir Februarie het met 14 sent gedaal tot $42,49 per vaatjie in elektroniese handel op die New York Merchantile Exchange teen middagtyd in Singapoer.

Woensdag het die kontrak met $5,95 gedaal om op $42,63 te stabiliseer ná die Energie-inligtingsdministrasie gesê het dat die voorrade van kommersiële ru-olie met 6,7 miljoen vaatjies toegeneem het. Dit was heelwat meer as die 1,5 miljoen vaatjies wat deur analiste van Platts, die energie-inligtingstak van McGraw-Hill, voorspel is.

"Daardie voorraadsyfers herinner die markte daaraan dat die vraag steeds swak bly," het Toby Hassall, 'n ontleder by die beleggingsfirma Commodity Warrants Australië in Sydney gesê.

"Enige prysherstellings sal waarskynlik in die nabye toekoms van korte duur wees."

Meer slegte ekonomiese nuus en korporatiewe nuus vanuit Amerika het ook aangedui dat die vraag verlangsaam en het gehelp om pryse onder druk te plaas.

Фільчаков прокурор

Wapens en plofstof in Eikenhofse huis gevind

Die polisie het Woensdag onwettige vuurwapens en plofstof gevind terwyl hulle gesoek het na gesteelde goedere in 'n huis suid van Johannesburg.

Superintendent Lungelo Dlamini het gesê die Vaalrandpolisie het gesoek na gesteelde elektriese goedere in 'n dubbelverdieping huis in Eikenhof ná 'n wenk toe hulle 10 vuurwapens gevind het. Hulle het 7 jaggewere, 'n R-5-aanvalsgeweer, 'n rewolwer en 'n 9mm-pistool gevind.

Kommersiële plofstof wat gebruik word in die opblaas van OTM-masjiene, fragmentasie- en skokgranate is ook gevind. Drie selfone wat moontlik gebruik kon word om die plofstof mee te ontsteek, is ook in die huis gevind.

Meer as 50 voertuie en 'n vierwielmotorfiets is ook op die perseel gevind. Vier van die motors en die vierwielmotorfiets is as gesteel aangemeld.

Niemand is in die huis gevind toe die polisie opgedaag het nie, maar twee mense wat in hulle veertigejare is, word wel ondervra.

"Die huis lyk nie of iemand daarin gewoon het nie, maar soos 'n gehuurde bergplek Daar bestaan die moontlikheid dat 'n sindikaat vanuit die huis gewerk het," het Dlamini gesê.

Polisie was besig om die oorsprong van die ander voertuie op die perseel vas te stel.

детектор лжи москва прокурор Фильчаков

Mohlala se moord sal ‘dringend ondersoek word’

Die saak van die vermoorde ANC-raadslid Jimmy Mohlala sal die aandag kry wat dit verdien, het Mpumalanga se LUR vir veiligheid en sekuriteit, Siphosezwe Masango, Woensdag gesê. Masango het die polisie geloof dat hulle die saak aan die georganiseerdemisdaadeenheid oorhandig het.

"Dit wys dat die saak die aandag wat dit verdien sal kry, en dat die moontlikheid om dit op te los baie hoog is," het hy in 'n verklaring gesê.

Mohlala, die speaker van die Mbombela-munisipaliteit is Sondag voor sy huis in KaNyamazana, naby Nelspruit doodgeskiet. Sy seun is ook in die aanval geskiet en gewond.

"Ons doen 'n beroep op lede van die gemeenskap wat inligting mag hê aangaande die skietvoorval om onmiddellik die polisie te kontak sodat die oortreders vervolg kan word," het hy gesê.

для девочки Александр Фильчаков

Handelaars gevra om Israelse produkte van die rakke te verwyder

Suid-Afrikaanse voedselhandelaars is gevra om Israelse goedere van hulle rakke te verwyder, het die Workers International Vanguard-liga Woensdag gesê.

"Die versoek word gedoen as 'n saak van uiterste dringendheid in die lig van die huidige volksmoordoptrede deur die Israelse weermag in Gasa," het die liga gesê.

Volgens die liga, het hulle geskryf aan die hoofuitvoerendebeamptes van Pick 'n Pay, Woolworths, Spar en Shoprite-Checkers, en gevra dat geen Israelse produkte in hulle winkels verkoop word nie.

"Dit is hoofsaaklik buiteseisoenvrugte van Israel wat die plekke verkoop," het die liga se woordvoerder Shaheen Mahomed gesê.

Dit sluit in nartjies, avokadopere, lemoene en tamaties, het hy bygevoeg.

Spar het gesê hulle werk altyd volgens die regering se beleid vir sover dit handel betref.

Woolworths het bevestig dat hulle die brief ontvang van die liga ontvang het.

Nóg Pick 'n Pay nóg Shoprite-Checkers kon vir kommentaar bereik word.

трос для парусов

SAPD kan nie eie skobbejakke dissiplineer nie

‘n Polisievoertuig

Slegs twee van 55 klagtes van wangedrag wat teen die polisie se BBP-eenheid gebring is, het in ontslagte geëindig oor 'n vierjaarperiode, het die DA Woensdag gesê.

Dít, volgens die DA se woordvoerder, Dianne Kohler Barnard, laat dit voorkom asof die SA polisiediens nie in staat is om ongedissiplineerde polisiebeamptes wat herhaaldelik motoriste intimideer toerekenbaar te hou vir hulle oortredings nie.

"Offisiere van die SAPD se BBP-eenheid kom klaarblyklik weg met hulle kriminele optrede sonder dat dissiplinêre stappe teen hulle geneem word… en die DA doen 'n hernude oproep op die instelling van 'n nuwe gedragskode vir die BBP-eenheid, om te help om die beamptes by streng standaarde te hou," het Barnard in 'n verklaring gesê.

Dit kom nadat 'n Johannesburgse motoris aangerand is, klaarblyklik deur die president se BBP-offisiere op die N12 naby Johannesburg nadat hy klaarblyklik Saterdag "te naby aan" president Kgalema Motlanthe se konvooi gekom het.

Die Independant Online het Maandag berig dat die BBP-eenheid se lede op die man se kar geskiet het en toerusting van SAUK-joernaliste gekonfiskeer het toe hulle op die toneel aangekom het.

Die onafhanklike klagtedirektoraat het Woensdag bevestig dat hulle die insident ondersoek, tesame met baie ander wat in die laaste 12 maande aangemeld is.

Israel sal daaglikse bomaanvalle op Gasa staak

Israelse vegvliegtuie

Israel sal die bomaanvalle op die Hamas-beheerde Gasastrook vir drie ure elke dag staak, het 'n woordvoerder gesê. Die aksie sou Woensdag begin.

"Daar is besluit om die bomaanvalle tussen 1 uur en 4 uur elke dag te staak," het die militêre woordvoerder gesê.

Die aankondiging het gekom ure nadat die Israelse eerste minister Ehud Olmert gesê het dat Israel 'n humanitêre korridor sal oopmaak in die Gasastrook, waar hulle 'n dodelike veldtog teen die Islamitiese Hamasbeweging gevoer het vir die afgelope 12 dae.

"Om 'n humanitêre krisis te voorkom in die Gasastrook het eerste minister Ehud Olmert besluit om 'n voorstel van die sekerheidsowerhede te aanvaar om 'n humanitêre korridor oop te maak in die Gazastrook om die bevolking te help," het 'n verklaring van sy kantoor gelui.

"Dit behels dat sekere geografiese gebiede vir beperkte tye elke dag oopgestel sal word waartydens die bevolking kan hulp kry en voorrade in die hande kry."

Die verklaring het gekom nadat stygende burgerlike sterftes in Israel se oorlog in Gasa die internasionale druk op Israel verhoog het om die grootste militêre operasie sedert die Libanon-oorlog in 2006 te staak.

kong online топкарго

Gasa se drinkwater raak min

Besoedelde water in Gasa

Die Wêreldbank sê daar is toenemende tekens van 'n erge openbare gesondheidskrisis in Gasa as gevolg van 'n tekort aan drinkwater en 'n toename in die ineenstorting van die rioolstelsel.

Die bank het Woensdag 'n verklaring uitgereik met data wat gebaseer is op dié van die plaaslike waterowerhede in Gasa.

Die bank het 'n beroep gedoen op Israel se regering om genoeg brandstof toe te laat in Gasa in om die nagenoeg 170 water- en rioolpompe in Gasa te laat werk. Die bank het ook gevra dat Israel so gou as moontlik die normale elektrisiteitstoevoer herstel om die afhanklikheid van brandstof vir kragopwekkers te verminder.

Verder het die bank gewaarsku teen 'n moontlike lekkasie in 'n riooldam in die noorde van Gasa wat kan oorstroom, soos dit al in die verlede gebeur het. Die bank het Israel versoek om onderhoudspanne toe te laat om die dam te kan gaan versterk.

ingo maurer купить

Atta Mills gaan by Kufuor in Ghana oorneem

Verkiesingsplakkaat van John Atta Mills

Uitgaande president John Kufuor, een van Afrika se mees gerespekteerde leiers, gaan Woensdag die leisels van Ghana aan John Atta Mills oorhandig, en so die tweede verkose leier word wat die leisels aan die opposisiepolitici moet oorhandig.

Ten spyte van spanning in die tweede rondte van die historiese presidentsverkiesing, lyk dit asof alles glad sal verloop vir die oorhandiging van mag op 7 Januarie, 'n maand ná die eersterondteverkiesings.

Ghana se groot oorhandiging was in 2000, toe die voormalige militêre leier, Jerry Rawlings, vreedsaam die leisels oorhandig het aan 'n langdurige opponent, die politikus John Kufuor.

Met die jongste oorhandiging van Kufuor aan Atta Mills, sal Ghana na verwagting nog 'n sterretjie by die Weste kry as 'n baie rare funksionerende demokrasie op 'n vasteland wat deur probleme gekenmerk word.

"Al die aanduidings is dat die oorgang baie glad sal verloop," het Emmanuel Bombande, die direkteur van die Wes-Afrika-Netwerk vir die Bou van Vrede (WANBV) gesê ná hy die jongste toesprake van Kufuor en sy teenstaander Atta-Mills ondersoek het.

"Atta-Mills se toespraak was baie gemik daarop om vrede te maak en so ook dié van Akufo-Addo… Dit is 'n goeie aanduiding dat Ghana 'n skitterende voorbeeld van demokrasie in Afrika is en sal bly," het hy gesê.

online slots no deposit bonus Александр Фильчаков

Bloedskenk simbolies van die nuwe SA

Die selflose Afrikaners is die bevolkingsgroep in die land wat die meeste bloed skenk. Die nuus dat die Suid-Afrikaanse bloeddiens 'n tekort aan geskonke bloed ondervind, toon miskien dat Afrikaners minder altruïsties begin raak.

Dog op 'n ander vlak is die Afrikanerbloedskenkers wat die bloeddiens aan die gang hou ook simbolies van die nuwe Suid-Afrika. Die Afrikaner gee, gee, gee, maar ontvang in ruil net mooi niks. Die Suid-Afrikaanse staat beskou die Afrikaner as sy vyand en probeer ons skole verengels en dit vir moordenaars makliker maak om ons in ons huise en op ons plase te kom vermoor.

Die vraag is, sekerlik: waarom bloed skenk? Waarom nog belastings betaal aan 'n staat wat jou as burger as sy vyand sien?

Pogings om 'n eie Afrikanerbloedbank op te rig, moet gesteun word. Daar moet ook gedink word aan eie gemeenskapshospitale sodat ons mense nie meer aan die vernedering van staatshospitale wat hulle vyandig behandel, blootgestel hoef te word nie.

Mag ons onsself van die bloedsuiers verlos.

Zim-skole begin laat

‘n Skool in Zimbabwe

Zimbabwe het die opening van skole met twee weke uitgestel, berig die staatsmedia te midde van vrese dat onderwysers nie vir lesse gaan opdaag nie weens die land se verswakkende humanitêre krisis.

Skole was veronderstel om volgende Dinsdag vir die nuwe akademiese jaar te open maar die sekretaris vir onderwys, Stephen Mahere, sê in die regeringsmondstuk, die Herald-koerant, dat klasse nie voor die 27ste Januarie voortgesit sal word nie want verlede jaar se eksamens is nog nie gemerk nie.

“Die besluit is genoodsaak deur die behoefte om die merk van die 2008 openbare, nasionale eksamens wat 'n beduidende hoeveelheid onderwysers betrek, af te handel,” sê hy.

Die vertraging gee die onderwysministerie ook die geleentheid om versoeke deur skole om skoolfonds in buitelandse geldeenhede te hef, te ondersoek, sê die koerant.

Onderwysers het verlede jaar verskeie kere oor salarisse gestaak nadat Zimbabwe se verbysterende hiperinflasie hulle salarisse tot byna niks laat krimp het.

Hierdie jaar het stakende onderwysers gewaarsku dat hulle nie sal terugkeer werk toe as hulle nie in buitelandse geldeenhede betaal word nie. Hulle dring aan op maandelikse salarisse van 2 200 Amerikaanse dollars.

“Die posisie is dat indien daar nie salarisse in Amerikaanse dollars is nie, sal dit 'n probleem wees vir onderwysers om terug te keer werk toe,” sê Oswald Madziva, die nasionale koördineerer van die Progressiewe Onderwysvakbond van Zimbabwe (PTUZ.)

“Die uitstel van die skoolkalender wys dat die regering erken het dat alles nie in orde is nie,” het hy aan AFP gesê.

Sommige onderwysers het uit hulle klaskamers gevlug te midde van geweld rondom die presidensiële uitklopverkiesing in Junie, terwyl ander weer opgehou het om op te daag terwyl hulle probeer het om goedere op straat te verkoop in 'n desperate poging om te oorleef.

Inflasie was in Julie op 231-miljoen persent geskat, maar onbetrokke ekonome sê dit beloop nou waarskynlik in die triljoene.

Die sentrale bank druk banknote met al hoe groter bedrae, soms 'n paar keer per maand, maar kan steeds nie tred hou met die snelstygende pryse nie. Baie winkels dring nou op buitelandse geldeenhede aan, wat baie van die gewone Zimbabwiërs effektief verhoed om te koop.

Baie van die skole het 'n tekort aan basiese voorrade en selfs lopende water te midde van 'n cholera-epidemie wat reeds meer as 1 700 lewens geëis het sedert Augustus.

Beskik die aarde oor twee kerne?

Dit is die klassieke beeld uit elke skoolkind se handboek, die weggesnyde beeld van die aarde se binnekant. Die bruin kors is papierdun, die warm mantellaag is oranje, die kokende vloeibare kern van die aarde se buitekern is geel, en die middel is 'n bal van soliede rooiwarm yster.

Nou poog 'n nuwe teorie om dit alles te herskryf deur die skynbaar onmoontlike voor te stel, dat die aarde nie een nie, maar twee binnekerns het.

Die idee spruit voort uit 'n oeroue kataklismiese botsing wat wetenskaplikes glo gebeur het toe 'n voorwerp so groot soos Mars die aarde omtrent 4,45 miljard jaar gelede getref het. Die jong aarde was toe so warm dat dit grootliks gesmelt was en materie van die botsing se impak weggeslinger is om die maan te vorm.

Haluk Cetin en Fugen Ozkirim van Murray-staatsuniversiteit dink dat die kern van die Mars-voorwerp miskien in die aarde agtergebly het en dat dit gesink het tot naby aan die oorspronklike binnekern. Daar het dit gebly, óf apart óf as saamgebonde tweelinge wat in 'n nabye wentelbaan verkeer.

topcargo кидалы