Nuus Archives - Page 181 of 403

Bloedtekorte vir kersseisoen

Suid-Afrika het weer 'n ernstige bloedtekort vir die kersseisoen, het die SA Nasionale bloedbank Maandag laat weet.

Gedurende die feesseisoen vind daar meer padongelukke plaas, het die SANBD se hoofuitvoerendebeampte, Loyiso Mpuntshe gesê.

Mpuntshe het gesê meer skenkings is nodig as gevolg van die verhoogde padongeluksyfer, maar die probleem word ook vererger deurdat minder mense in die vakansietyd bloed skenk.

"Mense het ander dinge om te doen," het sy gesê.

Mpuntshe het gesê dat in die vakansietyd daar 'n 10% verhoging is in die behoefte vir bloed van die O-groep.

Dit is die enigste bloed wat vir enige pasiënt gegee kan word in 'n noodgeval.

3000 Eenhede bloed is per dag nodig, maar gedurende die vakansieseisoen word daar slegs 2000 eenhede per dag geskenk.

Manuel gaan begroting bekendmaak op 11 Februarie

Minister van finansies, Trevor Manuel, gaan sy 2009/2010 begrotingsrede lewer op 11 Februarie, het sy kantoor Maandag bekendgemaak.

Manuel lewer normaalweg sy begrotingstoespraak in die 2de helfte van Februarie, maar die datum is vervroeg met die oog op die verkiesing, wat na verwagting vroeg volgende jaar sal plaasvind.

лобановский класс

Mosambiek wil oor drie jaar genoeg rys produseer vir eie gebruik

Mosambiek beplan om rysproduksie te verhoog om oor drie jaar in sy eie rysaanvraag te kan voorsien, het die minister van landbou, Soares Nhaca op Maandag afgekondig, en bygevoeg dat die land nou poog om landbou 'n hupstoot te gee.

Nhaca het gepraat by die opening van 'n vierdae jaarlike konferensie van die Konsulterende Groep op Internasionale Landbou Navorsing (KGILN) wat kenners bymekaarbring om maniere te bespreek om honger in Afrika teen te werk.

Hoewel Mosambiek groot gebiede onbewerkte landbougrond het, hou hulle steeds aan om jaarliks tussen 300 000 en 450 000 ton rys in te voer om die plaaslike bevolking te voed.

Nhaca het aan die vergadering gesê dat die regering 'n plan aanvaar het om die invoere van rys en koring te verminder.

Hy het gesê die regering sal meer geld investeer in die ontwikkeling van infrastruktuur om boere te help, met uitgebreide opleidingsprogramme, die huur van meer kenners en die verhoging van meganisasie op plase.

Die regering het gesê die totale graanproduksie van die huidige oes behoort 2,6 miljoen ton te wees, teenoor 2,3 miljoen ton van die vorige seisoen.

Volgens KGILN, moet Afrika meer belê in landbou om honger op die kontinent teen te werk.

Mosambiekse president, Armando Guebuza, het skenkers en beleggers aangemoedig om landbouprojekte regoor Afrika te ondersteun om voedseltekorte te voorkom.

игрушка Фільчаков прокурор

Mynbouindustrietaakspan saamgestel

'n Mynbouindustrietaakspan is saamgestel om na moontlike oplossing ten opsigte van die globale finansiële krisis te kyk, het die direkteurgeneraal van minerale en energie, Sandile Nogxina Maandag gesê.

Kort na 'n vergadering met mense van die industrie en arbeid in Pretoria, het Nogxina gesê dat die vergadering besluit het om 'n taakspan saam te stel met lede van die industrie, arbeid en die departement.

"Die taakspan is opdrag gegee om vas te stel wat alles gedoen sal moet word," het hy gesê.

Nasionale unie van mynwerkers se sekretarisgeneraal, Frans Baleni, wat ook by die vergadering teenwoordig was, het gesê die span sal kyk na hoe erg die krisis is, en ook na potensiële werksverliese as gevolg van die krisis.

Dit volg nadat verskeie mynmaatskappye gesê het dat daar werksverliese voorlê as gevolg van die krisis.

Baleni het gehoop dat 'n moratorium geplaas sal word op die vermindering van poste.

Die vergadering het saamgestem dat verlies van poste met versigtigheid benader sal word, en net as 'n laaste uitweg beskou sal word.

Dirk Hermann, woordvoerder vir Solidariteit, het die krisis as redelik ernstig beskou, en aangedui dat sy unie kennis gegee is van 9163 poste wat in die slag kan bly.

David Nonko, die vise-voorsitter vir die Kamer van mynwese het gesê dat 'n permanente oplossing vir die krisis gevind moet word.

"Die industrie verstaan dat dit in 'n krisis is. Ons moet nou soek na oplossings."

Die industrie "sal verantwoordelik optree" wanneer dit geen oor poste wat verminder word, het Nonko gesê.

и бани

Meer Afrikakinders sal aan wanvoeding ly in 2020

Omtrent 16 miljoen kinders in Afrika sal teen 2020 wanvoeding in die gesig staar as gevolg van lae ekonomiese groei en kwynende belegging in landbou, het 'n studie wat Maandag vrygestel is in Mosambiek getoon.

Die internasionale voedselbeleidnavorsingsinstituut (IVBNI) se studie wat bekendgemaak is by 'n landboukongres is in Maputo, het getoon dat ontwikkelende lande is Asië gegroei teen 'n gemiddelde tempo van nege persent tussen 2005 en 2007, terwyl Afrika se ekonomieë gegroei het teen ses persent.

Met die aanvang van die voedsel en finansiële krisisse het daardie stewige groeikoers gedaal, het die IVBNI gesê.

Die studie het gesê dat die verlaagde groei, investering en produktiwiteit teen 2020 sal lei tot verhogings van tussen 13% en 17% in die prys van basiese stapelvoedsels, wat weer sal lei tot wanvoeding van 'n addisionele 16 miljoen kinders.

"Die huidige krisis sal waarskynlik groot en langdurende gevolge op ontluikende ekonomieë hê en op die mense wat die armste is," het Joachim von Braun, direkteur van IVBNI gesê.

"Arm mense spandeer 50% tot 70% van hulle inkomste op voedsel en het min kapasiteit om aan te pas terwyl pryse styg en lone vir ongeskoolde arbeid nie daarby aanpas nie," het hy bygevoeg.

для грузового

Regter maak ‘n voorbeeld van eremoordenaar

'n Regter in Jordanië het 'n Jordaniese man tot sewe en 'n half jaar gevonnis vir 'n sogenaamde eremoord, nadat die man sy 16 jarige suster verwurg het.

Die hof het gesê dat die man aan die polisie erken het, en dat hy bygevoeg het dat hy geensins berou het nadat hy sy suster vermoor het om die familie se eer te herstel nie.

Dit word as 'n swaar vonnis beskou. Sulke misdade dra gewoonlik 'n ses maande vonnis in Jordanië waar die konserwatiewe gemeenskap sulke eremisdade verdra.

Die hof het oorspronklik die man Maandag tot 10 jaar tronkstraf gevonnis, maar die vonnis verminder omdat hy geen vorige kriminele rekord gehad het nie.

'n Gemiddeld van 20 Jordaniese vroue word elke jaar in sulke eremoorde deur manlike familielede om die lewe gebring.

дома

Onbetaalde Zim soldate maak amok

Geweervuur het uitgebreek in Harare, waar soldate wat nie hulle salaris gekry het nie geldwisselaars aangeval het en met polisie gebots het.

AP se verslaggewers het straatgevegte tussen onbewapende soldate en polisie wat wapens en oproerknuppels gehad het, gesien.

Maandag se geweld is die tweede keer in 'n week wat die soldate geldwisselaars aangeval het en hulle kontant gesteel het uit frustrasie omdat hulle nie hulle salaris by die bank kan trek nie.

Honderde mense het saamgedrom. Sommige het met klippe gegooi en ander het die polisie aangehits.

Mense kan slegs klein bedrae geld elke dag uit hulle bankrekeninge trek vanweë 'n kontanttekort in die land. Dikwels is die geld nie genoeg om 'n brood mee te kan koop nie.

‘Nuwe soort rassisme’ in Britse skole

Onderwysligadata wat wys dat Sjinese kinders die slimkoppe is en Afro-Karibiese kinders die is wat druip, blaas nuwe soort rassisme in skole aan, het 'n akademikus gesê.

Heidi Safia Mizra, van die onderwysinstituut, het gewaarsku dat onderwysers die prestasie van swart kinders onbewustelik kan terughou deur hulle akademiese prestasies as te gering te skat.

Soortgelyk word Sjinese kinders, wat meestal baie beter presteer as al die ander etniese groepe, se akademiese horisonne teruggehou en word hulle ontmoedig om in die kunste en menslike wetenskappe te gaan studeer, omdat onderwysers aanneem dat hulle net goed is met wiskunde en verwante vakke.

In 'n praatjie in Londen vandag, sal professor Mirza argumenteer dat die burokratiese obsessie met onderwysliga ata 'n konstante sorteerproses tot gevolg het, wat leerlinge in sekere kategorieë en hokkies plaas volgens waargeneemde vermoëns.

Professor Mirza se kommentaar volg op navorsing van Steve Strand van Warwick Universiteit, wat dit stel dat blanke studente meer waarskynlik ingeskryf sal word vir die top wiskunde en wetenskapeksamens as hulle swart klasmaats.

Лобановский Харьков

Duitse generaal praat uit oor Afghanistan

In 'n breek met die militêre beleid van stilswye oor beleid, het 'n top Duitse generaal sy land se pogings in Afghanistan as 'n mislukking afgemaak, en hy het die swak rekord in die opleiding van Afghaanse polisie en toekenning van ontwikkelingshulp uitgesonder.

Die kommentaar kom van Generaal Hans-Christoph Ammon, hoof van die weermag se spesiale kommando-eenheid, die KSK, wie se offisiere in Afghanistan veg langs Amerikaanse magte teen die Taliban en Al Kaida.

Duitsland was verantwoordelik vir die opleiding van die Afghaanse polisie, maar die Duitse minister van binnelandse sake, Wolfgang Schauble, het herhaaldelik onder kritieke van Amerika en ander bondgenote deurgeloop omdat hy te min spesialiste en nietoepaslike opleiding gegee het.

Die opleidingskema was 'n totale mislukking, het Ammon aan DPA, die Duitse Pers Agentskap gesê, nadat hy verlede week Duitsland se rekord aan 'n reservistevereniging beskryf het. Die regering het 'n skrale 12 miljoen euro voorsien vir opleiding van die polisie en weermag in Afghanistan, terwyl Amerika reeds meer as $1 miljard gegee het, het hy gesê.

"Teen die tempo sal dit 82 jaar neem om 'n behoorlik opgeleide polisiemag te hê," het hy gesê. Wat nog meer skadelik is vir Duitsland se reputasie, het Ammon gesê, was dat die polisieopleidingsending so rampspoedig was dat die EU en Amerika dit oorgeneem het.

баня хамам

DNS toetse kan dalk antwoorde gee oor atletiese vermo

In sportgeoriënteerde Boulder, Colorado, speel Atlas Sports Genetics nou ook 'n rol in die obsessie van die ouers, deur 'n $149 toets aan te bied wat hoop om 'n kind se sportvermoë en atletiese sterkpunte te voorspel. Die toets is eenvoudig, neem 'n monster aan die binnekant van die wang en langs die tandvleis en stuur dit na 'n laboratorium vir analise van die ACTN3, een geen uit die meer as 20 000 menslike genoom.

Die toets se doel is om te bepaal of 'n persoon beter sal doen met spoedsportsoorte soos naellope of voetbal, of eerder uithousporte soos langafstande, of 'n kombinasie van die twee. 'n 2003 Studie het die skakel tussen ACTN3 en dié atletiese vermoëns gevind.

In die era van geneties toetse, word DNS geanaliseer om die geneigdheid tot siekte te bepaal, maar kenners is skepties oor die bemarking daarvan as die eerste stap om 'n kind se sportvermoë en sportkeuse te bepaal, wat volgens sommige ouers die manier is om 'n sportbeurs te kry of 'n loopbaan as professionele atleet te volg.

Atlas se uitvoerende beamptes het wel erken dat daar perke is, maar sê dat dit riglyne kan gee om kinders in tot 8 sportsoorte te kan plaas.

Die studie wat die verband tussen ACTN3 en eersteklas sportprestasie gevind het, is in 2003 gepubliseer, deur navorsers wat hoofsaaklik in Australië woon.

Sommige atlete bewys steeds die wetenskap en hulle genetika verkeerd. Navorsing op 'n olimpiese verspringer van Spanje het getoon dat hy geen weergawe van die R-variant gehad het nie. Dit het getoon dat nie net genetika nie, maar ook faktore soos omgewing, werksetiek en soms geluk invloede uitoefen in atletiese prestasie.

gambling slot games Данильченко Харьков