Die ANC se Jeugliga-leier, Julius Malema, is nog 'n week gegun om sy omstrede standpunt dat die organisasie bereid is om moord te pleeg vir Jacob Zuma, terug te trek.
Malema het die opmerking gemaak tydens 'n toespraak op Jeugdag.
Die Menseregtekommissie het 'n ultimatum aan hom uitgereik om sy stelling terug te trek.
Malema het geweier om dit te doen.
'n Segsman vir die MRK, Sello Hatang, sê die ANC het aan die kommissie geskryf en gevra dat die ultimatum teruggetrek word.
Die kommissie het die aansoek van die hand gewys maar die ultimatum met 'n week verleng.
Sasol het sy swartbemagtigingsaanbod tot 9 Julie verleng.
Hulle glo dat die uitstel die aansoekproses gladder sal laat verloop en tot minder toue by die poskantoor sal lei.
Sasol se Inzalo-swartpubliekuitnodigins is by alle poskantore beskikbaar gestel wat tot druk op sulke kantore op die laaste nippertjie kan lei.
Potensiële deelnemers moet seker maak dat hul betalings geregistreer word voordat die aansoeke sluit.
Die uitnodiging is nou met drie werksdae verleng.
Suid-Afrikaanse verbruikersvertroue het 'n nuwe vierjaarlaagtepunt in die tweede kwartaal van 2008 bereik.
Meer huishoudings toon pessimisme as selfvertroue oor hul finansiële toekoms.
Dit verteenwoordig een van die skerpste dalings wat tot dusver gemeet is.
Die hoofekonoom van Eerste Nasionale Bank, Cees Bruggemans, sê dat die verbruikersvertroue wat vier jaar geneem het om van 2004 tot 2007 op te bou binne ses maande vernietig is.
Hy het bygevoeg dat die ekonomiese vooruitsig oor die volgende twaalf maande drasties versleg het.
'n Ryk Pretoriase apteker en 'n mediese dokter het na bewering bedrog gepleeg teenoor verskeie mediese fondse soos Polmed, GEMS en 
ten minste 13 ander ten bedrae van R4 miljoen.
Obed Khalidzwe en dr. Dovhani Josephine Ravhengani is gister in hegtenis geneem.
Hulle sal tereg staan op aanklagte van bedrog, diefstal, vervalsing en meineed in die Middelburgse streekshof.
Khalidzwe sou kruideniersware teen buitensporige hoë pryse aan lede van verskeie mediese skemas verkoop het.
Die apteker sou dan die vals eise in die naam van 'n lid van die skema indien om vir die kruideniersware te betaal.
Ravhengani het na bewering honderde vals eise teenoor mediese skemas ingedien.
President Thabo Mbeki het die Europese Unie se eis dat Morgan Tsvangirai 'n toekomstige regering lei, verwerp.
Die SAUK het verslag gedoen dat Mbeki gesê het dat die toekomstige regering in Zimbabwe die gevolg van 'n dialoogproses moet wees.
Mbeki het gesê dat Mugabe nie beswaar het teen die magsdelingresolusie wat by die Afrika-Uniespitsberaad in Egipte aanvaar is nie.
Swart sake-ondernemings en professionele organisasies het 'n beslissing van Pretoriase Hooggeregshof dat Chinese Suid-Afrikaners swart is verwerp.
Nafcoc president Buhke Nthethwa sê die beslissing hersien 'n lang historiese standpunt van die demokratiese stryd in Suid-Afrika.
Hy sê die verantwoordelikheid om wetgewende- en politieke dubbelsinnigheid op te klaar berus by die wetgewende- en uitvoerende vertakkinge van die regering.
Die hofbeslissing definieër Chinese Suid-Afrikaners as gekleurd. Volgens die defenisie kan hulle voordeel trek uit die bepalings van die Wet op Swart Ekonomiese Bemagtiging en die Wet op Gelyke Werksgeleenthede.
Motoriste kan daarvan seker wees dat hulle nie nog meer vir petrol gaan betaal as die jongste prysverhoging nie.
Die Minerale en Energiesake departement sê die verwarring oor die nuwe petrolprys is nou opgeklaar.
Oliemaatskappye en vulstasies was onseker oor die prys wat motoriste moet betaal. Dit nadat minister Buelwa Sonjica nie die 5.4 persent grootmaat wins wat by die petrolprys ingesluit is, goedgekeur het nie.
Motata het aan Richard Baird gesê daar is nie probleme nie en die skade sal herstel word nadat hy in hom vasgery het.
Dit is gevolg deur 'n stroom vloekwoorde wat deur Baird op sy selfoon opgeneem is.
Die hof het drie van die vyf opnames wat op die toneel van 'n motorongeluk opgeneem is, aangehoor.
Sommige van die opnames was in seTswana en seSotho en die Landdros moes tolke inroep om dit te vertaal.
Mugabe se biograaf Heidi Holland waarsku dat die Zimbabwiese president ongelooflik gevaarlik is.
Robert Mugabe sal terugslaan met meer geweld indien te veel druk op hom toegepas word, het sy by 'n seminaar aan die Kaapstadse universiteit gesê.
Holland het by verskeie geleenthede onderhoude met Mugabe gevoer ten einde sy biografie te skryf.
In antwoord op die Britse regering se weiering om Zimbabwe se grondherverspreidingsprogram te finansier, het Mugabe die wit boere aangeval.
Holland meen Mugabe sal nie ophou om blanke boere te vervolg solank as wat Brittanje hom ignoreer nie.
Rente-inkomste wat van banke ontvang word en bydraes tot aftree-annuïteite sal met belastingopgawes vergelyk word.
Nie eens sake-kilometers, onderhoud en bykomende mediese kostes sal as skuiwergate vir belastingontduiking ontsien word nie.
Logboeke en bykomende mediese rekords, wat vir vyf jaar gehou moet word, kan te eniger tyd deur die Ontvanger aangevra word.
'n Nuwe betaal-soos-jy-verdien-rekonsiliasieproses sal vandag deur die Ontvanger bekendgestel word. Ander verbeterings sluit die outomatisering van belastingsertifikaatwysigings in.
Nog 'n ANC-lid is verskeie kere met 'n mes gesteek deur geskorste ANC-lede in Vryburg, Noordwes, berig die SAUK.
Dit kom nie lank na 'n soortgelyk voorval waarby die ANC-lid Skwatsha betrokke was nie.
Die slagoffer was besig om die skorsingsbriewe af te lewer toe hy aangeval is.
Volgens die polisie is die slagoffer hospitaal toe geneem.
Die minister van veiligheid, Charles Nqakula, het erken dat misdaadvlakke onaanvaarbaar hoog is.
Hy sê dat selfs al het verkragtings afgeneem in vergelyking met verlede jaar, beteken dit nie dié probleem is onder beheer nie.
Alhoewel die voorvalle van geweldsmisdaad gedaal het, het kinderverkragting met twee-en-twintig komma vier persent hoër gestyg.
Die aantal moorde het met vier persent gedaal wat heelwat laer is as die regering se teiken van tussen sewe en tien persent.
Motorkapings en roof het toegeneem.
'n Blanke boere-egpaar is in Zimbabwe aangeval en beseer. Hulle is Sondag deur swaar gewapende mans van hul plaas in die Chegutu-distrik ontvoer.
Al drie is na 'n indoktrinasiekamp geneem waar hulle met moord gedreig is indien hulle nie 'n dokument onderteken wat 'n hofaansoek terugtrek wat verband hou met 'n grondeis op hul eiendom nie.
Terwyl die meeste streeks- en internasionale leiers hoogs krities is oor Thabo Mbeki se bemiddelingspogings in Zimbabwe, is daar een merkwaardige uitsondering. Robert Mugabe het Mbeki kwistig lof toegeswaai nadat die Zimbabwiese president die eenpartyverkiesing oor die naweek gewen het.Hy sê Zimbabwe skuld Mbeki baie vir sy pogings om vrede en harmonie in Zimbabwe te bevorder. Mugabe se teenstaander, Tsvangirai, het onttrek van die verkiesing weens wydverspreide verkiesingsgeweld.
Sy naam het egter steeds op die stembriefie gepryk wat pogings om Mugabe te striem bemoeilik.
In 'n TV-onderhoud het afgetrede aartsbiskop, Desmond Tutu, by Mugabe gepleit om uit te tree ter wille van sy land en Afrika.
Die MDC het 'n versoek aan die Afrika-Unie gerig om Mugabe toegang tot 'n AU-spitsberaad te weier. Die party se vise-president, Thokozani Khupe, sê dit sal verkeerd wees van die AU om Mugabe te verwelkom na alles wat hy gedoen het.
Sy sê die AU-leiers weet presies wat Mugabe voor en tydens die presidensiële uitklopverkiesing gedoen het. Leiers van die AU vergader tans in die Egiptiese vakansieoord van Sjarm-el-sjeg.
Khupe sê sy het vrugbare samesprekings met Afrika-leiers oor die situasie in Zimbabwe gevoer.
