Die 75-jarige Mike Campbell is erg geslaan en het aan harsingskudding en 'n gebreekte sleutelbeen gely. Die arm van sy vrou Angela, wat 66 jaar oud is, is op twee plekke gebreek. Die egpaar se skoonseun, Ben Freeth, is ook lig beseer en op sy voetsole geslaan.
Al drie is na 'n indoktrinasiekamp geneem waar hulle met moord gedreig is indien hulle nie 'n dokument onderteken wat 'n hofaansoek terugtrek wat verband hou met 'n grondeis op hul eiendom nie.