Suider-Afrika Archives - Page 52 of 164

Noodsituasie by Pelindaba

‘n Noodsituasie het tien uur Maandagoggend by die Pelindabakernfasiliteit buite Pretoria ontstaan, het die SA kernenergiekorporasie (Necsa) gesê.

“Abnormale vlakke van gamma-bestraling geassosieerd met xenon- en kriptongas was opgetel in die gebou waar radio-isotope vervaardig word vir mediese toepassings,” het Necsa in ‘n verklaring gesê.

“Gelukkig was die gasse geensins geabsorbeer deur lewendige sisteme nie.”

Necsa het gesê ‘n alarm is gemaak en al die mense op die perseel het na voorafbepaalde plekke gegaan.

“Teen 10:38 was al die vlakke van bestraling weer normaal.”

Necsa het gesê die vlakke van bestraling wat opgetel is in en om die geaffekteerde geboue het gepiek bokant die werkslimiete, maar die totaal wat vrygestel is was binne die daaglikse limiete.

“Teen 10:38 het die bestralingsvlakke weer terug gekeer na normaal toe en is die noodtoesand verby gewees, waarna werknemers weer aangesê is om normale dienste te hervat,” het Necsa gesê.

Die gebeurtenis is geklassifiseer as ‘n perseelnoodgeval met geen buiteperseel voorsorgmaatreëls wat nodig was nie, as gevolg van die plaaslike aard van die insident.

“Die Nasionale Kern Reguleerder (NKR) is in kennis gestel aangesien dit nodig is in terme van Necsa se perseel-lisensie.

Mike Kantey, nasionale voorsitter vir die Koalisie teen Kernenergie het gesê hy is baie bekommerd oor die insident.

“Ons het versekering nodig dat geen jodium ontsnap het nie – en net die NKR het die toerusting om daarvoor te toets – ek dink hulle is nou op die perseel,” het Kantey gesê.

Die NKR was nie beskikbaar vir kommentaar nie.

Verkeerspolisie gevang vir omkopery

‘n Polisieoperasie in Mpumalanga het toegesien dat verkeerspolisie in volle uniform gearresteer is na hulle verdink is dat hulle Saterdagoggend omkoopgeld aanvaar het.

Polisie wat gereageer het op ‘n wenk dat omkopery aangaan by ‘n weegbrugstasie naby Kinross, het gereël dat vragmotorbestuurders die geld oorhandig toe hulle (die polisie) teenwoordig was.

“Ons het net verskyn voor hulle terwyl hulle nog die geld vasgehou het en hulle voor hulle kollegas gearresteer,” het die georganiseerde misdaadeenheid woordvoerder kaptein Leonard Hlati gesê.

Hy het gesê die polisie het onmiddellik die weegbrugstasie gesluit en begin om al die personeel te arresteer, insluitend senior verkeersbeamptes.

Hulle is nie gevra om te pleit op aanklagte van korrupsie toe hulle Maandag verskyn het in die landdroshof op Evander nie, en is elkeen vrygelaat op R5000 borgtog.

Die saak is uitgestel tot 13 April vir verdere ondersoek.

“Ons wil ‘n sterk waarskuwing stuur aan alle weegbrugpersoneel dat indien hulle gevang word dat hulle omkoopgeld neem en toelaat dat mense die wet breek, ons hard sal optree teen hulle,” het Hlati gesê.

фильтр компрессора

Winnie: Vryheidsfront Plus teken beswaar aan

Die Vryheidsfront Plus gaan beswaar aanteken by die onafhanklike verkiesingskommissie (OVK) teen die insluiting van Winnie Madikizela-Mandela op die ANk se nasionale verkiesingslys.

“Die VF+ is van mening dat Madikizela-Mandela nie kwalifiseer in terme van seksie 47(1)(e) van die konstitusie (108 van 1996) nie,” het VF+ woordvoeder Pieter Groenewald Maandag gesê.

Die seksie stel dit duidelik dat indien iemand skuldig bevind is aan misdaad en meer as 12 maande tronkstraf uitgedien het sonder die opsie van ‘n boete, hy nie kwalifiseer om ‘n lid van die Nasionale vergadering te word nie.

“Die relevante seksie stel dit ook dat die diskwalifikasie slegs eindig 5 jaar nadat die vonnis uitgedien is.”

“Die klagte sal, soos dit vereis word deur die kieswet voorgelê word aan die ANK en die Onafhanklike Verkiesingskommissie,” het Groenewald gesê.

Vroeër Maandag, is Madikizela-Mandela se nominasie deur die ANK op die kieserslys vir die Nasionale vergadering voorgekom asof dit reeds goedgekeur is deur die OVK, ten spyte van haar kriminele rekord.

Op die amptelike tydelike lys van kandidate wat Maandag gepubliseer is, is die eks-vrou van voormalige president Nelson Mandela in die 5de plek vir die ANK, net na minister van finansies Trevor Manuel en voor minister van buitelandse sake Nkosazana Dlamini-Zuma.

Regskenner het gewaarsku dat haar vonnis vir bedrog haar onaanvaarbaar maak vir ‘n pos in die wetgewer.

Die gewilde ANK veteraan het ‘n 5 jaar vonnis gehad vir bedrog en diefstal wat na appèl verminder is tot 3 en ‘n half jaar vir 43 skuldigbevinding aan bedrog in Julie 2004.

Die vonnis is opgeskort vir 5 jaar.

Die ANK het geargumenteer dat omdat Madikizela-Mandela nooit werklik tronk toe is nie, die konstitusie haar nie diskwalifiseer om terug te keer na die parlement na die verkiesing van 22 April nie.

Die voorlopige lys van kandidate word bekend gemaak om aan die publiek ‘n geleentheid te gee om besware aan te teken in verband met kandidate se nominasie by die OVK.

Besware moet die OVK bereik per faks of e-pos teen Woensdag.

для девочек Фильчаков прокурор

Leerlinge veroorsaak R100 000 skade in opstand

Leerlinge het Maandagoggend by ‘n skool naby Mthatha ‘n opstand begin waarin meer as R100 000 se skade aangerig is, het Oos-Kaapse polisie gesê.

Die leerlinge van Joyi sekondêre skool in Baziya, 45 km van Mthatha af het in opstand gekom nadat hulle deur ouers en onderwysers gesê is dat daar geen geld is vir hulle om na Port Elizabeth te reis om te gaan sokker speel nie, het superintendent Mzukisi Fatyela gesê.

Die ouers en onderwysers het ‘n vergadering gehad om 8:30 om die situasie te bespreek. Toe dit duidelik raak dat daar geen fondse beskikbaar was nie is ‘n aankondiging aan die leerlinge gemaak, wat gereageer het deur klippe te gooi.

“Die ouers en onderwysers wat in die vergadering was is met klippe bestook; hulle het daarin geslaag om weg te hardloop van die leerlinge en het hulself in een van die klaskamers toegesluit,” het Fatyela gesê.

Die leerlinge het voortgegaan en die personeelkamer en 7 klaskamers vernietig. Een van die klaskamers was die rekenaar laboratorium. Fatyela het gesê 4 rekenaars is vernietig.

Teen die tyd wat die polisie van Mthatha gereageer het, het die leerlinge reeds gevlug.

Fatyela het gesê ‘n saak van opsetlike saakbeskadiging is geopen en die polisie ondersoek die saak. Arrestasies sal binnekort volg, het hy gesê.

mga games

Lewering van huise getref deur krisis

Die globale finansiële krisis sal ‘n negatiewe impak hê op Suid-Afrika se vermoë om huise te lewer, het die departement van behuising Maandag gesê.

Hoof van die departement, Benedicta Monama, het gesê die vertraging in die ekonomiese sal die departement verhoed om soveel huise te kan voorsien soos wat hulle wou.

“Indien die begroting groter is, kan ons meer huise lewer…maar met die ekonomie wat afneem sal begrotings krimp,” het sy gesê by die Grand Central Lughawe in Midrand, voordat sy met helikopter geneem is vir ‘n vlug oor verskeie behuisingsprojekte in Gauteng.

Monama het gesê die verhoging in die prys van boumateriaal soos staal het ‘n impak gehad op die lewering van huise.

“Dit wys ook hoe inflasie die koste van boumateriaal beïnvloed,” het sy gesê.

Die oorvlug, wat gereël is deur die departement van behuising, sal die vordering toon wat gemaak is op behuisingsprojekte wat ten doel het om informele nedersettings te staak. Verder sal dit ook die gemengde behuisingsprojekte toon wat in lyn is met die departement se “Breek nuwe grond” program, wat geloots is in 2004.

topcargo кидалы

Meer as 91 000 cholera gevalle in Zimbabwe

Meer as 91 000 gevalle van cholera is aangemeld in Zimbabwe sedert die siekte verlede jaar Augustus uitgebreek het, en 4 035 mense is dood volgens die Wêreldgesondheidsorganisasie se data wat Maandag bekend gemaak is.

Die WGO het vroeër die maand gesê dit lyk of die uitbraak besig is om af te neem, met die aantal gevalle per week wat wissel tussen 4000 en 4500, teenoor vroeëre pieksyfers van byna 8000 vroeër in die uitbraak.

SAUK raadslid bedank

Peter Vundla, ‘n raadslid van die SAKU het Vrydag bedank, het die uitsaaier Maandag bekend gemaak.

Woordvoerder Kaizer Kganyago het gesê hy was nie bewus van die rede vir Vundla se bedanking nie, maar dat dit wel bekend gemaak sou word aan die ander aandeelhouers, die minister van kommunikasie en die voorsitter van die raad.

потолочную люстру Александр Фильчаков

56%-toename in verlore dossiere

Daar was ‘n 56% toename in die hoeveelheid verlore polisie dossiere, het die DA Sondag gesê.

Die statistiek is onttrek uit ‘n antwoord op ‘n vraag in die parlement deur die party wat glo dit is getuienis dat die SA polisiediens in die greep van ‘n groot krisis verkeer.

In 2005/6 is 382 dossiere verloor of gesteel; in 2007/8 427 en in 2008/9 het 668 dossiere wat gebruik word vir aanklagte verlore geraak.

Net 6% (41 uit 668 gevalle) het geëindig met “dissiplinêre aksie” wat geneem is teen die verantwoordelike lede.

“Dit beteken dat daar geen effektiewe afweermiddel in plek is nie, en dat die situasie nie sommer sal verbeter nie,” het ‘n verklaring van die DA LP Diane Kohler-Barnard gesê.

“Dit is onnodig om te sê dat die verlore dossiere ‘n erge nadeel is tot enige polisieondersoek, en die minister kan nie langer stilbly oor watter maatreëls geneem word om dié krisis ta hanteer nie.”

Sedert Junie 2007 was daar ‘n 93,8% toename in agterstande by forensiese laboratoriums landswyd – op van 6068 tot 11758 agterstallige monsters in die mees onlangse syfers wat vrygestel is.

Die spanning op polisieondersoeke en vertragings in hofsake “is een van die mees ernstige hindernisse tot ‘n behoorlik funksionerende regstelsel” het sy gesê.

Agterstande in chemiese monsters (op met 103% van 2007 af) en wetenskaplike analise (61%) was ook ‘n groot kommer.

Die DA het dringende stappe voorgestel om die vakante poste in laboratoriums te vul en ‘n “baie beter” salarisskema wat gebaseer is op werkslewering.

“Die stryd teen misdaad kan net gewen word indien ons ‘n goedbestuurde polisiemag het met goeie hulpbronne, dit is duidelik dat die ANK dit nie ‘n realiteit kan maak nie,” het Kohler-Barnard gesê.

Verlede week het die party gesê dat 8286 polisievuurwapens verloor is, gesteel is of andersins misplaas is.

Zimbabwe moet sy skuld betaal, volgens Gono

Zimbabwe se sentralebankgoewerneur het gesê die land moet sy skuld betaal aan multilaterale instansies, moet skenkerverhoudinge herstel en deurdruk met nuwe ekonomiese hervorming om ‘n diep krisis te beëindig, het die staatsmedia Sondag berig.

Gideon Gono is aangehaal as dat hy gesê het Zimbabwiërs moet saamwerk om die ekonomie te red, die sterkste teken nog dat hy reg is om saam te werk met die minister van finansies en senior MDC-lid Tandai Biti aan die hervormings wat nodig is om beleggers te lok.

“ ‘n Sterk toekoms moet ontstaan deur meer samewerking tussen ons as Zimbabwiërs terwyl ons in harmonie saamwerk om ‘n logiese stel konsekwente makro-ekonomiese beleide in plek te kry,” het Gono aan die Sunday Mail gesê.

Sommige kritici blamer Gono, ‘n vennoot van president Robert Mugabe vir baie van die beleidsbesluite wat die ekonomie van ‘n land wat eers een van die sterkste was in Afrika, se ondergang, en het sy toewyding aan die omkeer van stappe soos die nasionalisering van maatskappye bevraagteken.

Zimbabwe se ekonomie is in vryval, met die wêreld se hoogste inflasiesyfer en werkloosheid wat op omtrent 90% staan.

Om die ekonomie te herskep en skeptiese buitelandse skenkers te oortuig en beleggers te help is die top prioriteit van die nuwe koalisieregering tussen Mugabe en sy eertydse teenstaander, eerste minister Morgan Tsvangirai van die MDC.

“Ons moet ook goeie finansiële verhoudings herstel met die Parys Klub van leners en al die ander skenkers en finansiers aan wie ons geld skuld,” het Gono gesê, en bygevoeg dat die land skuld moet terug betaal aan die IMF, die Wêreldbank en die Afrika Ontwikkelingsbank.

Die IMF het Zimbabwe se stemreg in Junie 2003 opgeskort na sy ekonomie begin het om in duie te stort en die Mugabe regering begin agter raak het op terugbetalings van skuld.

‘n IMF delegasie is in Zimbabwe opsy eerste besoek in 2 jaar, ‘n missie wat meer gemik is daarop om te sien watter rigting die regeringbeleid gaan inneem as wat dit daar is om die grondslag te lê vir ‘n finansiële reddingspakket.

‘n Amptenaar van die fonds het verlede week gesê dat dit nie fondse kan vrystel tot Zimbabwe die agterstallige skuld betaal het en verantwoordelike ekonomiese beleid gedemonstreer het nie.

Die minister van ekonomiese beplanning, Elton Mangoma het aan Reuters gesê dat Zimbabwe nie die geld het om die agterstallige skuld aan die fonds te betaal nie.

Die IMF het gesê dat Zimbabwe teen die einde van Februarie $89 miljoen geskuld het. Die Wêreldbank het gesê dat Harare $600 miljoen skuld en die Afrika Ontwikkelingsbank het gesê dat $429 miljoen aan hulle verskuldig was teen die einde van Junie verlede jaar.

Gono het gesê dat Zimbabwe die Parys Klub van soewereine krediteure omtrent $1,1 miljard skuld.

детские самокаты Фильчаков прокурор

DA kla oor artikel in Duitse koerant

Die DA het gekla by die Duitse koerant Der Spiegel oor ‘n artikel wat hulle glo opruiend is en wat besoekers aan SA kan weghou.

“Der Spiegel is ‘n prominente en hooggeagte koerant, en die artikels wat dit gepubliseer het kan toeriste afskrik, beleggers bangmaak en Suid-Afrika se pogings om te wys dat hulle ‘n stabiele demokrasie is skaad,” het die opposisie party Sondag gesê.

Dit is in reaksie op ‘n artikel wat Februarie gepubliseer is getiteld “Die weermag staan by” en het die DA gesê, “dit skets ‘n beeld van ‘n land wat op die randjie van burgeroorlog staan.”

Die artikel begin deur die brande in die Wes-Kaap as kontras te stel met die voor-verkiesingspanning en eindig dramaties met verwysings na die weermag wat bystaan om in te tree in geval van geweld gedurende die verkiesing.

Die DA het gesê dat dit nie glo daarin om probleme van verkiesingsgeweld en intimidasie te minimaliseer nie, en dat dit ook die korrupsieklagte teen ANK president Jacob Zuma, wat genoem word in die artikel ernstig opneem.

“Maar enige iemand wat in Suid-Afrika woon sal weet dat die land nie op die randjie van burgeroorlog is nie, en dat die verkiesingsproses oor die algemeen glad was,” het die DA gesê.

“Maar Duitsers wat nie in Suid-Afrika was nie het geen konteks om die artikels in te plaas nie, en sal gelaat word met die indruk dat Suid-Afrika net nog ‘n land is wat op die punt is om te ontplof.”

“Suid-Afrika is ‘n manjifieke, wonderlike land met enorme potensiaal.”

“Die DA sal nie toelaat dat die potensiaal gekompromitteer word deur opportunistiese verslaggewing wat klaarblyklik daarop gemik is net om koerante te verkoop pleks daarvan om objektief verslag te gee nie.”

декоративный камин лобановский класс