Meer as 91 000 gevalle van cholera is aangemeld in Zimbabwe sedert die siekte verlede jaar Augustus uitgebreek het, en 4 035 mense is dood volgens die Wêreldgesondheidsorganisasie se data wat Maandag bekend gemaak is.
Die WGO het vroeër die maand gesê dit lyk of die uitbraak besig is om af te neem, met die aantal gevalle per week wat wissel tussen 4000 en 4500, teenoor vroeëre pieksyfers van byna 8000 vroeër in die uitbraak.