Nuus Archives - Page 297 of 403

Vryheidsfront geskok oor metropolisieoptrede

Die Vryheidsfront Plus het sy skok en afkeer uitgespreek oor die optrede van die Johannesburgse Metropolisie (JMPD) gister waar die Metropolisie-lede in ‘n poging om te staak, hulleself gewend het tot misdadige optrede deur hoofpaaie in Johannesburg wederregtelik af te sper. Dit het uiteindelik gelei tot ‘n skermutseling tussen die JMPD en SAPD.

Hierdie optrede kom minder as ‘n week nadat adv. Anton Alberts, Vryheidsfront Plus-raadslid in die Johannesburg Metroraad, die gedrag, toegewydheid en opleiding van die Metropolisie in die raadsvergadering van 19 Junie 2008 gekritiseer het. LBK Phakathi het tydens die vergadering aggressief gereageer op adv. Alberts se kritiek en hom daarvan beskuldig dat hy nie weet wat die werklike stand van sake is nie. Hy het verder adv. Alberts daarop gewys dat die Johannesburgse Metropolisie hierdie jaar ‘n prys gewen het vir die beste polisie-eenheid in die land. “LBK Phakathi kon eenvoudig nie glo dat ek dit waag om die JMPD te kritiseer nie”, sê Adv Alberts. “Ek was die enigste stem in die hele raad wat dit gewaag het om die JMPD se swak optrede en opleiding bloot te lê.”

“Nou blyk my kritiek geregverdig te wees, maar in ‘n veel erger omvang as waarvan ek kon droom”, adv. Alberts gesê. “Hoe is dit moontlik dat twee polisie-eenhede in ‘n skietgeveg met mekaar betrokke kan raak? Hoe vêr het die JMPD se opleiding, dissipline en selftrots gedaal om tot op hierdie plek te kom? Dit is duidelik dat Johannesburg terug is in die ou dae van die Wilde Weste waar die geweer die reg is en geregtigheid nie bestaan nie”, het adv. Alberts verder kommentaar gelewer.

Volgens hom sal die enigste oplossing wees om alle JMPD-lede wat deelgeneem het aan die staking summier te ontslaan. Diegene wat hulle skuldig gemaak het aan onwettige optrede, moet gearresteer word. Die enigste oplossing is om nou voorbeelde te maak van diegene wat veronderstel is om die publiek te beskerm.

купить игрушку topcargo отзыв

Subprimafiasko mag die gevolg wees van lenings aan Amerikaanse minderhede

Die subprimahuisleningsborrel mag gebeur het as gevolg van kunsmatige pogings om die huiseienaarskoers te verhoog deur meer huislenings aan minderheidsgroepe in die VSA uit te deel. Dis die mening van finansiële kundiges in Amerika.

Die afgelope vier dekades het politieke leiers in die VSA subsidies vir huisaankope deur minderhede gesien as 'n manier om maatskaplike vrede te koop en onluste te beperk.

Omtrent die helfte van alle huisverbande vir swartes en Spaanssprekendes is subprima, teenoor omtrent een sesde vir blankes.

Die ergste huisprysinsinkings het in oorwegend gekleurde stede soos Las Vegas, Miami, Phoenix en Los Angeles plaasgevind.

Of huiseienaarskap werklik spanning verminder, is nie seker nie.

In die South Central woongebied van Los Angeles, waar die 1992-rasseonluste uitgebreek het, was vyf uit agt wonings deur hul eienaars bewoon.

Фільчаков прокурор

Onbehandelde parasietinfeksies raak swartes

Dr. Peter Hotez, 'n deskundige by die Washington-universiteit in die VSA, sê siektes wat deur wurms en parasiete veroorsaak word, is besig om die gesondheid en energie van swart Amerikaners te dreineer.

Sulke siektes mag selfs 'n groter probleem in die VSA raak as gevolg van klimaatsverandering.

Malaria wat met mynwurm en pellagra, 'n vitaminetekort, gepaard gaan, het 'n generasie van anemiese, swak en onproduktiewe kinders en volwassenes geproduseer, sê Hotez.

Parasietsiektes het tans 'n soortgelyke uitwerking.

Toksokariase, 'n rondewurmparasiet wat deur honde-ontlasting oorgedra word, het tot 2,8 miljoen arm swart kinders in die middestede van suidelike Amerika besmet.

Hotez noem die gebrek aan behandeling vir sulke siektes 'n onbedoelde vorm van rassisme.

In Suid-Afrika beskik die Xhosa-bevolking in die Ooskaap oor die hoogste koers van lintwurmbesmetting.

Evangeliese kerke stem nie Republikeins nie

Een van die magtigste evangeliese groepe in die VSA, Focus on the Family, gaan nie in die komende verkiesing vir die Republikeinse Party stem nie.

In Colorado Springs, die sentrum van die evangeliese beweging, is daar min McCain-ondersteuners.

McCain, die Republikeinse kandidaat, het voorheen die evangeliese kerkleiers daarvan beskuldig dat hulle agente van onverdraagsaamheid is.

Anders as Bush, verwys McCain min na sy persoonlike geloof.

Sekere van Barack Obama se raadgewers glo nou dat hulle vele evangeliese kiesers kan oorhaal wat vir Bush gestem het aangesien vele kerke nou nie-Republikeinse kwessies soos armoede, vigs en omgewingsbewustheid omhels het.

no deposit online

Donker wolke pak saam vir lugrederye

Lugrederye staar geweldige uitdagings in die gesig met die stygende brandstofkoste.

IATA het verlede maand gesê dat brandstofpryse 'n verlies van R18,4 miljard vir lugrederye gaan veroorsaak.

Dié beraming is gegrond op 'n ou ru-olieprys van $106 per vat Brent-ruolie.

Amerika se sewe grootste rederye het reeds bedryfsverliese in die eerste kwartaal aangekondig.

Drie uit die vier besigheidsklasspesialisrederye het reeds bankrot gespeel en 'n kommerwekkende 25 rederye het reeds oor die afgelope ses maande hul deure gesluit.прокурор Фильчаков

Mandela besoek Britse koningin

Nelson Mandela het Koningin Elizabeth II van Engeland vertel dat sy jonger lyk toe sy hom gister by Buckinghampaleis verwelkom het.

Mandela is in Londen vir 'n reuse negentigste verjaardagpartytjie in Hydepark wat môre gehou word.

Koningin Elizbeth en Mandela het al verskeie kere ontmoet en deel 'n warm vrienskap.

Koningin Elizabeth het geglimlag en gesê dat die mooi weer in Engeland spesiaal vir hom gereël is.

Die voormalige Robbeneilandgevangene is deur sy vrou, Graca Machel, vergesel.

Gebruikte kernbrandstof gaan herwin word

Die Suid-Afrikaanse regering wil hoogs radioaktiewe gebruikte uraanbrandstof herwin.

Die brandstof het deur die land se drie kernreaktors gegaan.

Die direkteur van kernveiligheid by die departement van mineraal- en energiesake, Schalk de Waal, het erken dat daar kommer by die Verenigde State oor kernverwerking heers.

Die VSA hou vol dat 'n bom van plutonium, een van die herwinde elemente, gemaak kan word.

Met die wêreldenergiekrisis het die VSA egter sy standpunte verander.

Volgens De Waal kan 95% van die brandstof weer gebruik word.

Siemens se bestuurders te Duits, blank en manlik

Siemenshoofkantoor, M?nchen

Die globale Duitse maatskappy Siemens het verklaar dat sy bestuurders te Duits, te blank en te manlik is.

Volgens die maatskappy se uitvoerende hoof, Peter Löscher, gaan Siemens voortaan regstellende aksie toepas om meer diversiteit in sy bestuurskorps te verkry.

Wêreldwyd het Siemens 430 000 mense in diens waarvan sewentig persent buite Duitsland verkeer.

Die maatskappy gaan van 'n mentorprogram gebruik maak om bestuurders van kleur op te lei om blanke Duitsers se posisies in te neem. Mnr. Löscher is reeds besig om self so 'n span op te lei.

топкарго отзыв

Mdladlana s? hy is geen rassis nie

Mdladlana

Die minister van arbeid Mdladlana het homself in die parlement verdedig teen aanklagte dat hy 'n rassis is.

Hy het vroeër gesê dat die Sjinese moet onthou dat hulle nou kleurlinge is en kleurlinge praat nie Sjinees nie. Hy het ook gesê dat Sjinese werkgewers geen verskoning het om langer hul werkers te mishandel nie.

Anchen Dreyer van die DA het gesê dat Sjinese mense wat na dié land gekom het, vaardighede, ondernemerskap en 'n werketiek gebring het. Sy het die minister 'n rassis genoem.

Mdladlana het in antwoord gesê dat rassisme na Suid-Afrika gekom het in drie bote, die Dromedaris, Reijger en ander, met verwysing na Jan van Riebeeck.

Intussen het die Sjinese vereniging van Suid-Afrika gister gesê dat Mdladlana se opmerkings oor die Suid-Afrikaanse Sjinese ongegrond, irrasioneel en onjuis is.

chat games Данильченко Харьков

Titanic-reddingsbaadjie opgeveil

'n Reddingsbaadjie vanaf die Titanic het byna 70 000 dollar by 'n veiling deur Christie in New York behaal.

Dit is net een van ses reddingsbaadjies wat bestaan en het aan 'n Kanadese gesin behoort.

Die luukse skip het in 1912 'n ysberg getref en gesink.

Omtrent 1 500 passasiers en bemanning aan boord van die Titanic het gesterf toe die ongeluk op haar nooiensvaart plaasgevind het.

Tydens die Tweede Wêreldoorlog het die Geallieerdes egter 'n Duitse skip, die Wilhelm Gustloff, met vroue en kinders aan boord getorpedeer, wat die ergste skeepsramp van alle tye was.тамбов опции