Suider-Afrika Archives - Page 98 of 164

Feestelike atmosfeer by Amerikaanse konsulaat in Kaapstad

In Kaapstad het die Amerikaanse konsul-generaal, Alberta Mayberry, Obama se oorwinning aangekondig te midde van vreugdekrete by die konsulaatsgebou.

“Ek wil aankondig dat Barack Obama die president is” het sy gesê.

Ten spyte daarvan dat daar van haar verwag word om onpartydig te wees, het die groot glimlag haar duidelik weggegee.

CNN het voorspel dat die senator van Illinois, wat die verkiesings met sy boodskap van hoop aan die brand gehad het, ‘n duidelike oorwinning sou behaal.

“Dis is ‘n historiese oomblik” het Mayberry gesê. “Die atmosfeer hier is elektries, dit is rêrig goeie tye “

‘n Skare van omtrent 150 prominente Suid-Afrikaners en Amerikaners wat in Kaapstad woon het by die konsulaatsgebou in Bishopscourt byeengekom teen vyfuur om die verkiesing te sien uitspeel.

“Dit is verfrissend om Amerikaanse aksente te hoor in die agtergrond” het ‘n Amerikaans burger, Dana Myers gesê, en opgemerk dat hy die verkiesingsatmosfeer in sy tuisland gemis het.

Skares het rondom grootskermtelevisies saamgedrom, om die aksie wat tussen rooi en blou versierings afgespeel het dop te hou.

Kaapstad se burgemeester, Grant Haskins, het langs komediant Peter Dirk Uys gestaan en kyk .

Speaker van die parlement, Gwen Mahlangu-Nkabinde sou later die skare toespreek tydens ontbyt.

сауна сауна topcargo развод

Standaard van rekenmeesters daal drasties by Wits

14:16:54 Die Suid-Afrikaanse instituut vir geoktrooieerde rekenmeesters (Saigr) dreig nou om die universiteit van die Witwatersrand se akkreditasie vir die skool vir rekeningkunde terug te trek.

Dit kan ‘n harde slag wees vir die universiteit en een van die belangrikste beroepe vir Suid-Afrika se ekonomiese sukses.

Die Saigr het twee keer in die laaste weke aan die universiteit se vise-kanselier, Loyisa Nongxa, geskryf om hom en sy adjunk, Yunus Ballim te ontmoet vir ’n vergadering om die dalende standaarde en die groter wordende krisis by die fakulteit aan te spreek. Voorheen is Wits gereken as ‘n toonaangewende universiteit wat dié vakgebied betref.

Nóg Nongxa nóg Ballim het die vergadering bygewoon waar die Saigr die eerste keer die bevindings van dalende standaarde bekendgemaak het nie.

Die Saigr probeer nou om die twee in ‘n vergadering te kry om die erns van die saak tuis te bring.

Die Saigr reguleer die rekenkundige beroep en die kwaliteit van Suid-Afrikaanse rekeningkunde is dikwels genoem as een van die redes hoekom buitelanders hier belê.

Gary Schwartz, ‘n senior lid van die fakulteit , het verlede maand in ‘n desperate nota aan die Saigr se hoofuitvoerendebeampte gesê dat sommige probleme by die skool van terminale aard is.

free downloads casino Лобановский Харьков

NV steeds op Zuma se spoor

11:53:04 Die Nasionale vervolgingsgesag (NV) het Maandag dokumente voorgelê vir hulle argument in die hooggeregshof teen

Jacob Zuma

die uitspraak van ongeldige klagtes teen Jacob Zuma.

Regter Chris Nicholson het verlede maand aan die staat verlof om appèl toegestaan teen die hof se uitspraak op 12 September.

In die toestemming tot appèl, het regter Nicholson gesê dit was ‘n komplekse saak. Sekere dele van die konstitusie is nog nooit voorheen so aangespreek nie, en het hom lank en ernstig laat dink.

Op 12 September het Nicholson uitspraak gelewer dat die staat se besluit om Zuma te vervolg onwettig was, aangesien hulle nie aan hom kans gegee het om te reageer op die klagtes nie.

Zuma het een klag van geldwassery, een van omkopery, twee van korrupsie en twaalf van bedrog in die gesig gestaar in verband met die multimiljardrandregeringswapenstransaksies.

Hy is in 2005 aangekla, maar die saak is in 2006 van die rol geskrap. Hy is weer in Desember 2007 heraangekla.

Die NV het in dokumente aan die Bloemfonteinse hof gesê dat die besluit om Zuma te vervolg ‘n “vars” besluit was. Die besluit is geneem nadat die besluit om te vervolg deur Vusi Pikoli, voormalige NV-hoof, deur regter J Msimang beëindig is en die saak in September 2006 van die rol geskrap was. Na verwagting sou die staat ook betoog lewer oor hoekom Zuma verwag het dat die saak nie met ‘n verhoor sou eindig nie, en as hy sulke verwagtings gehad het, dat dit verkeerd was.

Rondom die politieke inmenging wat regter Nicholson gevind het, was dit vir die NV onduidelik oor hoekom hy die bevindings gemaak het.

Regter Nicholson het bevind dat verskeie ministers van justisie op nie-behoorlike wyse ingemeng het met die VG se besluit oor die jare, eers om Zuma nie aan te kla nie, en om hom toe later wel aan te kla.

Die VG het aangevoer dat hulle gaan argumenteer dat die regter nie daardie bevindings moes maak nie, aangesien dit nog nie voorheen deur enige iemand aangeraak was nie. Verder word daar gesê dat dit irrelevant was tot die saak en ‘n onregverdige analise van bewyse was.

Dit is onbekend wanneer Zuma se verdedigingspan hulle saak by die Bloemfonteinse hof gaan indien.

‘n Hofbeampte het gesê die president van die appèlhof, regter Lex Mpati was besig met oorweging oor hoe die appèlsaak hanteer moet word.

Regter Mpati mag besluit, volgens die reëls van die appèlhof, of die aansoek as ‘n prioriteitsappèl hanteer gaan word.

Onder die omstandighede word ‘n afwyking van die normale tydsbeperkinge wat met appèlsake geld gevolg.

VG-woordvoerder, Tlali Tlali, het Maandag gesê die staat het die appèlhof gevra dat die saak so gou moontlik aandag moet geniet.

Hy het gesê dat dit in openbare belang is dat die saak vinnige aandag geniet.

Wit mans gaan verdwyn in Pretoria

09:07:19 Die ANC-stadsraad van Pretoria het besluit om sy rasseteikens op te skuif om van die oorblywende blanke mans in die

Pretoria… binnekort sonder wit mans

munisipaliteit ontslae te raak.

Voorheen het die sogenaamde "Tshwane"-metroraad 'n rassekwota van 60% gehad waaraan die munisipale administrasie moes voldoen. Intussen het die stadsraad blankes so vinnig afgedank dat die rassekwota inderdaad reeds teen Oktober 2006 oortref is. Op daardie stadium het die stadsraad reeds 68,37% swartes in diens gehad, uit 'n totaal van 12 500 werknemers.

Die teiken van 60% sou eers in 2011 bereik gewees het, volgens ondernemings van die stadsraad. Maar nou het die burgemeesteres wat ook straatname wil verander, dr. Gwen Ramakgopa, besluit dat die rassekwota verder verhoog moet word na 80%.

Hierdie teiken is by 'n onlangse raadsvergadering voorgelê. 'n ANC-burgemeesterskomiteelid, Gabriel Twala, meen daar is nog nie genoeg swartes in diens nie en dat "daar baie ruimte vir verbetering is".

Die ANC het veral sy mes in vir wit mans en meen daar behoort meer vroue en gestremdes aangestel te word. Volgens Twala, "is net 3 000 van ons amper 13 000 werknemers vroue".

Uit die 13 topbestuurders by die stadsraad, is 11 swart, oftewel 84,61%. Hierdie posisie is reeds in Oktober verlede jaar bereik.

Op middelbestuursvlak hou 'n aantal blankes egter nog uit en word 304 uit 535 poste deur hulle beklee, iets waarmee die stadsraad glad nie gediend is nie.

Volgens mnr. Conrad Beyers, VF Plus-lid van die stadsraad, kan die grootskaalse reiniging van bankes uit poste onwettig wees. "Ons wil kyk na die wettigheid van die situasie. Daar is nie met al die rolspelers geraadpleeg nie. Die kwota van 60% wat aan die CEEF voorgelê is, is eensydig verhoog. Die burgemeesteres en haar bestuurders het nie die bevoegdheid om dit self te verhoog nie en ons wil die saak verder ondersoek."

Volgens Beyers "voel die wit personeel ontredderd en totaal magteloos. Hulle moet toekyk hoe hulle ander moet oplei wat hulle gaan vervang. Die moreel van blanke werknemers is baie laag. Omdat hulle die mense met kundigheid is, moet hulle die stad dra op dié stadium, maar die administrasie wil hulle juis uitskop."

Op sekere posvlakke bestaan daar wel tekorte, maar die stadsraad erken dit net as dit tot meer swart aanstellings sal lei. Volgens Conrad Beyers is dit "blatante diskriminasie. Waar teikens reeds bereik is op hoër en laer posvlakke, is daar nie 'n probleem nie. Teoreties as daar 100% swartes is, sal daar geen tekort wees nie."

In die finansiële departement byvoorbeeld is daar geen geoktrooieerde rekenmeesters nie en word verslae teen verskriklike hoë koste opgestel deur ouditeursfirmas van buite. Die hoof van finansiële dienste, 'n swart vrou, is nie gekwalifiseer vir die pos nie. Blykbaar heers daar chaos in die finansiële afdeling.

Conrad Beyers van die VF Plus sê verder: "Selfs die ANC is ontevrede, maar hulle ideologie maak hulle blind daarteen dat dienste nie meer gelewer word nie. Hulle sal eerder die kwotas volg as wat die stadsraad 'n goed geoliede masjien het."

Waterkrisis kom

Dr. Tony Turton van die Wetenskaplike en Nywerheidsnavorsingsraad (WNNR) reken die besoedeling van die land se damme en riviere is so erg dat dit op 'n krisis afstuur. Hy het Vrydag as deel van ’n bewusmakingsessie by die Loskopdam gesê die dam is deurtrek van siaanbakterie wat chemies net so giftig soos die rinkhalsgif is.

Die siaanbakterie in die Loskopdam het 'n negatiewe impak op die Groblersdalvallei, wat as die land se kosmandjie bekendstaan. Van die land se grootste uitvoer-boere in sitrus, druiwe, groente, katoen en tabak gebruik die Loskop-besproeiingskema.

Verskeie vrektes as gevolg van die siaanbakterie onder die Olifantsrivierkloof se krokodilbevolking, witrenosters, buffels en bokke en duisende visse is reeds 'n probleem. Daar is slegs twee krokodille in die Loskop oor.

Turton dink dat die waterbesoedeling selfs tot die gebied se hoë voorkoms van kankergevalle kan bydra. Die siaanbakterie kan nie doodgekook word nie. Dit tas die lewer, niere, hart en vel aan. Langdurige blootstelling kan DNS verander wat lei tot misvormde babas en spontane aborsies, sê dr.Turton in sy verslag.

Volgens James Harris, DA-verteenwoordiger, moet munisipaliteite wat ongesuiwerde riool in riviere stort, hof toe gevat word omdat hulle waterwetgewing oortree.

Hy sê sowat 270 van die 284 munisipaliteite se rioolwerke funk-sioneer ongelisensieerd en dus onwettig sedert 1998. Hulle voldoen nie aan die Waterwet van 1998 nie en ook nie aan die nodige vereistes van die vorige waterwet nie.

Die siaanbakterie word veral aangetref in ’n chemiese konkoksie van mynboubesoedelde water, steenkoolafvalwater, riool, swaar metale en nitrate, en selfs gifstowwe soos vanadium en radio-aktiewe stowwe wat in die riviere gestort word.

Wegbreekparty sukkel met naam

Kort nadat die ANC-wegbreekgroep aangekondig het hulle sal as die South African Democratic Congress (Sadec) bekend staan, is daarop gewys dat hulle verkose naam reeds by die Onafhanklike Verkiesingskommissie (OVK) geregistreer is.

Die South African Democratic Congress (Sadeco) is ’n wegbreekgroep van die National Democratic Convention (Nadeco), wat van die IVP afgestig het.

Intussen het die ANC-jeugliga 'n klag teen Terror Lekota by die Menseregtekommissie (MRK) aanhangig gemaak omdat die hy gereeld na Julius Malema, jeugliga-leier, se “moor vir Zuma”-stellings verwys.

Malema beweer dat Lekota sê die jeugliga moet “letterlik mense doodmaak wat nie vir die ANC stem nie”.

Malema sê hy het reeds onderneem om nie weer die woord “moor” te gebruik nie.

бурение

Goudmynbedryf in Zimbabwe ’totaal vernietig’

17:47:37 Zimbabwe se goudmynnywerheid, wat nege jaar terug die derde grootste in Afrika was, is op die randjie van totale

‘n Myn in Zimbabwe

ineenstorting omdat die land se sentrale bank weier om te betaal vir die goud wat dit koop van die myne af, het ‘n verteenwoordiger van die myne Maandag gesê.

In ‘n sterk bewoorde verklaring deur die Kamer van Mynwese is die Reserwebank van Zimbabwe (RBZ) daarvan beskuldig dat hulle opsetlik die mynbou vernietig.

Goudmynmaatskappye word deur wetgewing verplig om hulle goud aan die Reserwebank te verkoop, maar vir die afgelope twee jaar het die bank agter geraak met paaiemente, wat volgens ooreenkoms vier dae ná aflewering betaal moet word.

Die bank skuld nou die myne, waarvan die meeste deur die buiteland besit word, meer as $30 miljoen. Sommige myne is meer as ‘n jaar terug betaal, het die Kamer van Mynwese gesê.

Jaarlikse produksie het gedaal van 30 metrieke ton in 1999 tot ‘n voorspelling van minder as 3 metrieke ton vanjaar.

“Dit het gebeur omdat die RZB nie vir die goud betaal het nie, wat tot gevolg het dat myne nie kan volhou met produksie nie. Die industrie is nou vernietig,” het die Kamer gesê, en die situasie ‘n bespotting van reg en geregtigheid genoem.

Die RBZ-goewerneur, Gideon Gono, een van Mugabe se sleutelfigure, het herhaalde versoeke van die Kamer van Mynwese waarin hulle vra vir ‘n vergadering, verwerp.

Gono het Reserwebankgeld gebruik om duisende trekkers en ander plaastoerusting in te voer wat dan amper verniet aan van Mugabe se getroue volgelinge versprei word.

Drie maande gelede het regters reuseplasmaskermtelevisiestelle ontvang, en senior staatsdokters het topkwaliteit ingevoerde sedans gekry.

Die land verkeer in ‘n versnellende ineenstorting, met inflasie wat miljoene persent haal, ‘n geldeenheid wat gedaal het tot ‘n breukdeel van sy waarde binne drie maande en ‘n geskatte drie miljoen mense wat voedselhulp nodig het, tesame met ‘n cholera-uitbraak in Harare, die hoofstad.

Gono se beleid om geld te druk om die staatskoffers aan te vul, word beskou as ‘n belangrike faktor in die ineenstorting van die ekonomie.

Zimbabwiërs het gehoop dat Mugabe se instemming tot ‘n regering van nasionale eenheid met die MDC buitelandse hulp en investering sou teweegbring, maar sewe weke later het die twee partye steeds nie ooreengekom omtrent die samestelling van die kabinet nie.

Die Kamer van Mynwese het gesê “dit is onverstaanbaar, dat op ‘n tydstip soos dié, wanneer die regering soveel buitelandse valuta as moontlik moet bekom, die goudsektor, wat baie buitelandse kapitaal kan genereer, opsetlik geruïneer is.”

Sonder die betalings was die myne nie in staat om werk vol te hou nie, het die Kamer bygevoeg. Meeste myne is nou nie in staat om salarisse te betaal aan hulle werknemers nie, het die verklaring verder gelui.

Eksplorasie het heeltemal tot stilstand gekom, en meeste ondergrondse myne is oorstroom, aangesien hulle nie die water kan uitpomp nie.

осушитель для Данильченко Харьков

Huispryse bly laag, s? Standard Bank

14:55:02 Nadat huispryse liggies geklim het in September, het Standard Bank se huisprysgemiddeld in Oktober met 2,5 % gedaal, het die bank bekend gemaak.

Die gemiddelde huisprys in gelyke terme was 580 000 rand gewees, dieselfde as in Augustus.

“Daar word verwag dat die indeks weer gaan daal, of negatief gaan groei in die komende maande. Die 2,5%-verlaging in pryse stem dus ooreen met ons verwagtinge. Die mark vir wooneiendomme sal dooierig bly tot die markte ‘n sterk omkeer maak,” het Standard Bank gesê.

Die verminderde bekostigbaarheid van behuising, aangehelp deur hoër verbandrentekoerse, hoë kos- en brandstofpryse en ‘n vertraging in die ekonomie, het gelei tot ‘n vermindering in die vraag na wooneiendomme en ‘n redelike daling in huispryse.

no deposit

Hulp aan Zim gaan opdroog

Hulp aan Zimbabwe gaan opdroog uit die Weste indien die land nie wys dat dit sy erns is om sy eie mense te help nie. Zimbabwe het $7,3 miljoen se onlangse hulpgeld op ander dinge uitgegee as waarvoor dit bestem is. Global Fund wat Vigs, malaria en tuberkulose wil beveg, het gevra dat die geld teruggegee word omdat Zimbabwe nie by hulle ooreenkoms hou nie.

Die ander skenking van $188 miljoen wat Global Fund wou bewillig en wat Vrydag bespreek word deur hulle raad, gaan ook gekanselleer word indien Zimbabwe nie die eerste bedrag teruggee nie. Zimbawiese amptenare het belowe om die geld terug te gee, maar hulle het blykbaar nie genoeg buitelandse valuta nie. Die direkteur van die fonds sê dit lyk asof die geld vir iets anders gebruik is.

Global Fund het verlede jaar $12,3 miloen aan die Zimbabwiese Reserwebank oorbetaal. Ingeligtes meen dis die Reserwebank wat Mugabe se aanhangers finansier. Die fonds beweer hulle het malariapille aangekoop wat 'n kort raklewe het en dit word nie versprei nie. Die versuim, sê hulle, is krimineel. Die Wêreldgesondheidsorganisasie raam die aantal malariagevalle in Zimbabwe op 2,7 miljoen.

Gideon Gono, goewerneur van die Reserwebank, het hierdie jaar groot uitgawes aangegaan. Die land se regters het nuwe voertuie gekry en satelliettelevisiestelle. Elektroniese banksake is verlede maand opgeskort en daarom kan internasionale organisasies nie meer oorplasings doen nie. Die ongelooflike inflasiekoers maak ook tjekbetalings waardeloos.

wedding jewellery

Humanit?re hulp verwag in oostelike DRK

‘n Konvooi met humanitêre hulp sal Maandag na Rutshuru, in die oostelike Kongo, gestuur word vir verspreiding, het die VN gesê. Die dorp word tans deur die rebelle beheer.

Gloria Fernandez, hoof van die VN se kantoor vir die koördinering van humanitêre aangeleenthede, het Sondag aan verslaggewers gesê “’n konvooi vertrek môre (Maandag) uit Goma met VN humanitêre agentskappe en met NRO’s om die eerste noodlenigingstasies in die omgewing te gaan opsit.”

Sy het gesê dat hulle met die rebelle, die VN-vredesmagte en die weermag onderhandel het om ‘n baan oop te hou wat die daarstelling van sekere humanitêre aktiwiteite sal vergemaklik.

Duisende ontwortelde mense wou Sondag terugkeer na hulle huise in die ooste van die DRK terwyl die skietstaking in werking is, maar Europese diplomate het gewaarsku dat daar 1,6 miljoen mense blootgestel is aan risiko.

“Meer as 1,6 miljoen ontwortelde mense is vasgekeer in die krisis, en kan nie maklik bereik word nie” het die Britse minister van buitelandse sake in Dar Es Salaam gesê. “Hulle is sonder kos, water en ander benodigdhede” het hy bygevoeg.

Die Rutshuru-gebied is buitengewoon hard getref deur gevegte tussen rebelle wat deur voormalige generaal Laurent Nkunda gelei word (wat die Toetsi-bevolking teen Hoetoebendes beskerm) en die weermag.

Derduisende mense wat in kampe in Rutshuru gewoon het, was verplig om na nabygeleë dorpies en woude te vlug.