Internasionale nuus Archives - Page 68 of 141

Duitse sokkerspeler weens rassisme geskors

'n Derde divisie speler in Duitsland is vir vyf wedstryde weens 'n rassistiese uitlating geskors terwyl justisie-owerhede 'n kriminele ondersoek gelas het na 'n "verdagte belediging met xenofabiese motiewe".

Torsten Ziegner van Carl-Zeiss Jena, is laat in die wedstryd teen Eintracht Braunschweig afgestuur na 'n rassistiese uitlating teen Kingsley Onuegbu, wat 'n Nigeriër is. Ziegner het Onuegbu na die wedstryd om verskoning gevra en gesê die belediging is in die "hitte van die stryd" gemaak.

Hy het ook Dinsdag se skorsing deur die Duitse sokkerfederasie sonder appél aanvaar, gesê hy is jammer dat hy beheer verloor het en ontken dat hy 'n rassis is.

Polisie in Braunschweig sê hulle het 'n ondersoek gelas na berigte oor die voorval in die media.

play free games topcargo

‘Help wit werkers om immigrante te help’

Die voorsitter van die Gelykwaardigheids- en Menseregtekommissie het gewaarsku dat Brittanje die risiko loop dat teen-immigrantesentiment aangeblaas kan word, tensy aktiewe stappe gedoen word om diegene wat die hardste deur die ekonomiese krisis getref is — die wit werkersklas — te help.

Trevor Phillips se waarskuwing kom net voor vandag se konferensie oor immigrasie, waar hy op 'n paneel saam met die Minister van Immigrasie, Phil Woolas sal dien. Die konferensie volg op voorstelle dat die Verenigde Koninkryk se bevolking op 70 miljoen getroef moet word. Phillips se argument is dat so 'n stap verkeerd en onforseerbaar is.

Hy sê na 40 jaar waarin dit onvanpas was om reguit oor die imigrasiebeleid te praat, moet die VK die fundamentele aspek van die ekonomiese beleid sonder verleentheid aanspreek of sonder vrees om as in-die-kas-rassiste of oopgrensdromers geëtiketeer te word.

Immigrasie Minister Phil Woolas het vroeër die maand belowe dat die VK se bevolking nie hoër as 70 miljoen sal styg nie. Woolas wat minister geword het in dié maand se kabinetskommeling, het 'n vlatert in die gesig gekry deur die welwillendheid van 'n lid van die pro-migrasiegroep, Manchester No Borders, tydens 'n debat by die Manchester Universiteit.

play free slots Александр Фильчаков

Moslems woedend oor “Museum van Verdraagsaamheid”

Moslem owerhede is woedend nadat Israel se Hooggeregshof die groenlig gegee het vir die konstruksie van 'n Museum van Verdraagsaamheid op die perseel van 'n Moslembegraafplaas in Jerusalem.

Die Moefti van Jerusalem, Sheik Mohammed Hussein, het die hof se beslissing 'n "ernstige besluit" genoem wat "Moslems se heilige terreine skade aandoen".

Hy sê dit is moeilik om te glo dat die projek se promotors 'n Museum van Verdraagsaamheid wil oprig, waarvan "die konstruksie neerkom op 'n daad van aggressie".

Die Hooggeregshof het Woensdag die appèl van twee Moslem-organisasies verwerp waarin beswaar gemaak is dat die museum oor 'n gedeelte van 'n antieke Moslem begraafplaas opgerig gaan word.

Die Nazi-jagter Simon Wiesental-Sentrum is die hoofpromotor van die museum wat deur die bekende Amerikaanse argitek, Frank Gehry ontwerp is.

Die dekaan van die sentrum, Rabbi Marvin Hier, sê matigheid en verdraagsaamheid het op die hof se uitspraak geseëvier. Hy sê al die burgers van Israel, Jode sowel as nie-Jode, is die werklike begunstigdes van die besluit.

светильники

Japan en Duitsland spandeer miljarde om ekonomie hupstoot te gee

Japan en Duitsland het Donderdag aangekondig dat hulle miljarde dollars in hul ekonomieë gaan inploeg, in die hoop dat dit ‘n buffer sal verskaf teen skerp resessie, en hulle het ook ‘n rentekoersverlagings aangekondig om hiermee te help.

Japan, die wêreld se 2de grootste ekonomie, het ‘n pakket van miljarde aangekondig om sy ekonomie te ondersteun, terwyl Duitsland dieselfde gaan doen.

Die pakkette sluit hulp aan voertugvervaardigers en plekke wat geboue restoureer in, sowel as belastinghulp, waarmee maatskappye deel van hulle beleggings kan afskryf.

Regerings is desperaat om maatreëls in plek te kry om hul ekonomieë te beskerm teen die resessie, wat volgens statistieke groot dele van Europa, wat die euro gebruik, getref het.

Ekonomiese sentiment in die 15 nasie blok het tot die laagste vlak sedert 1993 gedaal, het amptelike data gewys.

Die Internasionale Monetêre Fonds het gesê hy is meer bekommerd oor die markte wat verlangsaam as oor die plofbaarheid van die markte. Die IMF het gesê dat hy nuwe maatreëls mag voorstel by volgende maand se vergadering van die groep van 20 voorste lande.

Pakistan se voorste ekonomiese adviseur het gesê die land het geen ander alternatief as om geld te leen nie, om die kwynende buitelandse reserwes en balans van betalings krisis te hanteer.

Regoor die wêreld pas lande enige metodes toe om seker te maak dat ekonomieë nie platval nie.

Rusland se Staatsbank het gesê dat aansienlike bedrae in die aandelemarkte ingepomp gaan word, om aandele se pryse te ondersteun.

Japan sal na verwagting Vrydag Amerika en China se voorbeeld volg en rentekoerse verlaag, terwyl die Europese Sentrale bank, Brittanje en Australië blykbaar volgende week dieselfde stap sal implementeer.

Hongarye, Taiwan, Hong Kong, Noorweë en ‘n klompie Golfstate het dit ook reeds gedoen.

Amerika het Woensdag sy rentekoerse met 1 % gesny in ‘n poging om die ekonomie op sy voete te help.

Motorbom ontplof in Spanje

Spaanse media het gesê dat ’n motorbom in ’n parkeerterrein by ‘n universiteit in die stad Pamplona, in die noorde van Spanje ontplof het.

Die koerant, El Pais en Spaanse nasionale radio het berig dat die ontploffing by die universiteit van Navarro voorgekom het. Daar was geen onmiddellike berigte van beserings gewees nie.

Die radiostasie het gesê dat verskeie karre aan die brand was na die ontploffing in Pamplona, die hoofstad van die Navarra streek.

грибки и

Twee wat Obama dreig voor hof

‘n Federale landdros sal besluit of owerhede die twee wit suprematiste wat beplan het om dosyne swart mense en die presidentskanidaat Barack Obama te vermoor, verder kan aanhou.

Die twee mans sal Donderdag voor ‘n landdros in Memphis verskyn vir verhoor om waarskynlike skuld te bepaal. Die landdros sal moet bepaal of owerhede genoeg bewyse het om die twee verder aan te hou.

Daniel Cowart (20) en Paul Schlessen (18) word aangekla van die besit van ‘n onwettige vuurwapen, dat hulle beplan het om wapens te steel van ‘n wapenwinkel, en dat hulle dreigemente gemaak het teen ‘n presidentskanidaat.

Owerhede het gesê die twee het ‘n moordtog beplan waarin dosyne swartmense vermoor sou word, voordat hulle Obama sou aanval.

Oliepryse steeds onstabiel in Ooste

12:56:28 Oliepryse het gestyg tot bokant $69 per vat in Asië, terwyl die dollar daal in waarde en aandelebeurse in die streek geklim het nadat die Amerikaanse Reserwebank rentekoerse verminder het om die wêreld se grootste ekonomie te ondersteun.

Ligte ru-olie vir Desember het met $2,11 gestyg tot $69,61 per vat in handel op die New York Merchantile Exchange teen die middag in Singapoer. Die kontrak het oornag met $5,56 gestyg om teen byna $68,29 te stabiliseer. Oliepryse het met byna 54% geval sedert dit in Julie op amper $150 ‘n vat gedraai het.

"Oliepryse het oornag gestyg en ons sien steeds ‘n klein voorsetting van die neiging in die oggendhandel”, het David Moore, aandelestrateeg by Commonwealth Bank of Australië in Sidney, gesê.

Moore het gewaarsku dat die neiging nie volgehou kan word met die voordurende kommer oor ‘n globale ekonomiese resessie nie.

лосины девочка 7 лет

VN-magte al wat staan tussen rebelle en Goma

Goma, Demokratiese Rep. van die Kongo

14:30:59 Kongolese rebelle begin al nader beweeg om die stad van Goma in die DRK oor te neem, terwyl chaos uitgebreek het, met regeringsmagte, inwoners en derduisende vlugtelinge wat regmaak om die plek te verlaat.

Die Veiligheidsraad het laat Woensdag die rebelle se aksie teen die provinsiale hoofstad veroordeel, en kommer uitgespreek omdat daar met grofgeskut oor die grens van Kongo in Rwanda in geskiet word.

“Die stad se mense is paniekerig” het Goma se goewerneur, Julien Paluku gesê, en bygevoeg dat die plaaslike bevolking bekommerd raak oor die toestroming van byna 20 000 mense wat van gevegte in die noorde af gevlug het.

Die rebelle het Woensdag laat ‘n eensydige skietstilstand afgekondig na die val van die regeringsmagte. Die VN magte, wat partykeer gewapende helikopters moes gebruik om die rebelle te stuit, is nou die enigste struikelblok tussen die rebelle en die oorname van Goma in die noordelike Kivuprovinsie.

‘n Top Amerikaanse gesant in Afrika het die rebelle gewaarsku om uit Goma uit te bly en gehoor te gee aan vorige ooreenkomste om konflik in die streek te beëindig.

“Hulle mag nie in Goma ingaan nie, hulle sal verantwoordelik gehou word vir aksie wat daar plaasvind” het Jendayi Frazer, Amerikaanse adjunkminister van buitelandse sake by ‘n perskonferensie in Nairobi gesê. Sy was Donderdag onderweg na Kinshasa.

‘n AFP-korrespondent in Goma het gesê dat regeringsmagte Woensdag gevlug het, en hulle tenks op die pad na Bukavu, in suidelike Kivu opgetrek het.

VN-tenks het posisie ingeneem rondom die vredesmagte se hoofkwartiere naby die lughawe van Goma.

дровяная печь для

Fawu verwelkom Mbeki se lojaliteit aan ANC

Die Voedsel- en Verwante Werkersunie (Fawu) het Woensdag voormalige President Thabo Mbeki se belofte van lojaliteit aan die ANC verwelkom.

Fawu sê in 'n verklaring dit was hoog tyd omdat Mosiuoa Lekota en Mbhazima Shilowa die naam van die voormalige president gebruik om steun te werf onder mense wat waarskynlik navolgers van Mbeki is.

Fawu se siening is dat dit sal help om die lug te suiwer vir die lede en leiers van die ANC wat hulle lidmaatskap van die beweging in twyfel trek of diegene wat dit steeds oorweeg om by die, wat Fawu renegate noem, aan te sluit.

Die unie doen 'n beroep op die ANC-leierskap om diegene wat steeds beweer dat hulle verward is oor die trou van Thabo Mbeki, en wat teen die organisasie werk, te vra om dit te verlaat en nie toegelaat word om dit van binne te destabiliseer nie.

из хрусталя

Time Inc. verloor poste

Time Inc. wat ‘n skerp daling in advertensie-inkomste in die gesig staar, het ‘n grootskaalse herstrukturering aangekondig wat dalk die verlies van tussen 300 en 700 poste kan beteken.

Time-voorsitter en hoofuitvoerendebeampte, Ann Moore, het die herorganisasie van die bedryfseenhede van die grootste Amerikaanse tydskrifgroep in ‘n omsendbrief wat laat Dinsdag versprei is aan personeellede bekendgemaak.

Moore het niks genoem van poste wat verlore sal gaan nie, maar die New York Times het Woensdag gesê dat Time, ‘n divisie van media-vermaak reus, Time Warner, wat meer as 10 000 werknemers het 6 % van sy werksmag sal moet laat gaan. Dit is meer as 600 poste.

Advertising Age wat maatskappy uitvoerende beamptes aanhaal, het gesê dat tussen 300 en 700 poste in die slag kan bly.

Indien bevestig, kan dit die nuutste wees in ‘n week waarin Gannett Co. Inc., die grootste Amerikaanse koerantgroep reeds 10 % van sy werksmag laat gaan het, en die Los Angeles Times 75 van sy redaksionele poste moes sny.

Advertensie inkomste uit die gedrukte media het by al die koerante en tydskrifte regoor die land gekrimp omdat meer lesers aanlyn gaan om hulle nuus te lees.

тамбов ударный Данильченко Харьков