Internasionale nuus Archives - Page 73 of 141

Soedan en Internasionale hof weereens aanmekaar

‘n Vooraanstaande menseregtegroep het Dinsdag Soedanese ondersoeke na geweld in Darfoer afgemaak as “vensterversierings” en gesê dit is ‘n opsetlike poging om die saak wat die wêreldhof mee besig is te ontspoor.

Human Rights Watch het dié stelling gemaak ‘n week nadat ‘n spesiale ondersoekbeampte van Soedan bevind het daar is gronde om ‘n Arabiese milisieleier, wat deur die staat ondersteun word, te vervolg.

Volgens Georgette Gagnon, die Afrika-direkteur vir HRW, is die Soedanese regering daarop uit om enige pogings van die Internasionale Strafhof met sulke pogings in die wiele te ry.

Niemand behoort deur dié pogings om die bos gelei te word nie, het sy bygevoeg.

Op 14 Julie het die Internasionale Strafhof die Soedanese president, Omar al-Beshir, beskuldig dat hy sy weermag opdrag gegee het om drie nie-Arabiese groepe uit te wis in Darfoer, deur middel van moord, marteling, roof en die gebruik van verkragting vir doeleindes van volksmoord.

‘n Paneelregter besluit tans oor die uitreiking van ‘n lasbrief vir sy inhegtenisname.

Soedan weier om die Internasionale strafhof te erken, en probeer om die VN se veiligheidsraad te oortuig om moontlike aksie teen Beshir te staak. Deel van die veldtog is om aan te dring op die doeltreffendheid van die howe, maar suksesvolle vervolgings in Soedan oor misdade in Darfoer, wat die Internasionale hof sy saak sou laat vaar, het tot nou toe nie gerealiseer nie.

Soedan het ‘n spesiale Darfoer-aanklaer aangestel drie weke nadat die Internasionale hof se aanklaer, Luis Moreno-Ocampo, begin het om teen president Bashir op te tree.

Regsbeamptes het vandeesmaand gesê dat die aanklaer sy ondersoek na bewerings teen Ali Kosheib, ‘n milisiebevelvoerder wat sedert 2007 gesoek word vir oorlogsmisdade en misdade teen die mensdom, voltooi het.

Kosheib se eerste verhoor in 2007 is vir ‘n onbepaalde tyd uitgestel. Soedanese wetgewing sluit nie volksmoord en misdaad teen die mensdom in nie.

Gagnon het gesê dat selfs al was die regering ernstig daaroor om Kosheib te vervolg, hy nie vir al die dade waarvoor hy gesoek word aanspreeklik gehou sal word nie.

Nog ‘n Soedanese persoon wat deur die Internasionale hof gesoek word, Ahmed Haroun, ‘n kabinetsminister, was verlede Oktober vir ‘n kort rukkie in aanhouding, maar is vrygelaat weens gebrek aan getuienis.

дитячи машини

Nigeri? moet teregstellings staak, vra Amnestie Internasionaal

Amnestie internasionaal sê dat dosyne gevangenas wat teregstelling in Nigerië afwag die reg geweier is om te appelleer teen hulle doodsvonnisse en dat hulle ook toegang tot voldoende regsverteenwoordiging ontsê is.

‘n Nuwe verslag wat Dinsdag vrygestel is, doen ‘n beroep op die Nigeriese regering om ‘n onmiddellike moratorium op teregstellings te plaas omdat vele van die gevangenes nie regverdige verhore gehad het nie, en omdat hulle onder marteling skulderkennings gemaak het.

Nigerië het die grootste bevolking in Afrika, maar ten spyte van baie groot inkomste uit die olieindustrie is armoede en geweldsmisdaad daar aan die orde van die dag.

иг ры для девочек

Inflasie styg in Nigeri

Nigerië se jaarlikse inflasie het gestyg tot op 13% vanaf 12,4 % die vorige maand, het die Nasionale Buro vir Statistiek gesê.

Die styging is hoofsaaklik die gevolg van stygings in die pryse van sommige stapelvoedselitems, diesel, gas, boumateriale en huishoudelike items, het die buro bygevoeg.

Die verbruikersprysindeks is met 1,1 % op na 192.4 punte in September, vergeleke met 190,3 punte in Augustus 2008.

Inflasie het gestyg in die tweedekwartaal in die jaar. Dit het in Mei op 9,7% gestaan, Junie op 12% en Julie op 14% vanweë die gevolge van die globale voedselkrisis.

Nigerië het gedurende die grootste deel van 2006 en 2007 dit reggekry om die inflasie in enkelsyfers kon hou.

Hulpwerkers in Afghanistan word bedreig

11:45:23 Die Afghaanse regering het ‘n waarskuwing uitgereik aan alle hulpwerkers en buitelanders om versigtig te wees nadat ‘n Brits-Suid-Afrikaanse hulpwerker in Kaboel, die hoofstad geskiet is.

Taliban-militante het verantwoordelikheid aanvaar vir die skietvoorval waarin Gail Williams verskeie kere geskiet is terwyl sy werk toe geloop het, omdat sy vir ‘n organisasie gewerk het wat “Christenskap gepreek het.”

Owerhede het nog nie bevestig dat die skietvoorval aan die Taliban verbind kon word nie, aangesien hulle (Taliban) soms valslik verantwoordelikheid vir voorvalle aanvaar. ‘n Segsman vir Karzai, Samaik Hirawi, het gesê dat die skietvoorval wat Maandag gebeur het gaan veroorsaak dat daar weer gekyk word na regeringsekuriteit vir hulplenigingsgroepe.

Hy het ook gesê dat hulpwerkers meer moet let op hulle omgewing en versigtig aan die dag moet lê wanneer hulle reis.

Hirawi het gesê dat die voorval negatiewe invloede kan hê op die werk van nie -egeringsorganisasies in Afghanistan, maar dat die regering seker was dat hulle nie hulle sendings sal laat vaar nie.

NRO’s het werk onder moeilike omstandighede daar, maar hy is seker dat die werk sal voortgaan. Die moord op Williams is verdoem deur Karzai, die VN-hoof, Ban ki Moon en die Withuis.

Die situasie het onstaan ná onlangse verslae van ‘n NRO-sekuriteitsgroep en die VN oor die toenemende aantal nsurgente en aanvalle nadat die Taliban-regering 7 jaar gelede verwyder is.

Daar is honderde buitelandse en Afghaanse NRO’s in post-Taliban-Afghanistan, waarvan baie wesentlike werk verrig in ‘n land wat deur dekades se oorlog verniel is en ook een van die armstes ter wêreld is.

Maandag se aanval was nie die eerste keer dat ‘n buitelandse burger in Kaboel doodgeskiet is nie. Omtrent 30 hulpwerkers is sover vanjaar in Afghanistan doodgeskiet, waarvan 6 buitelanders was.

баня под

Annan stem saam met vervolging van skuldiges aan post-verkiesingsgeweld in Kenia

Verkiesingsonluste in Kenia

18:07:04 Die voormalige sekretaris-generaal van die Verenigde Nasies, Kofi Annan, steun oproepe dat 'n internasionale tribunaal mense vervolg wat by na-verkiesingsgeweld in Kenia betrokke was.

'n Kommissie onder leiding van regter Phillip Waki, het verlede week gesê vooraanstaande politici en sakemanne het gehelp om die etnies-gebaseerde geweld te organiseer. Die regter het 'n koevert met die name van die beskuldigdes daarin aan Annan oorhandig.

Annan het die koevert aan die owerhede oorhandig en gesê hy dink dit is belangrik dat die regering optree. Die slagoffers eis ook dat reg moet geskied. Annan sê die neiging bestaan soms dat oortreders ter wille van vrede beskerm word, maar "vergeet en laat ons aanbeweeg", help nie die gemeenskap nie.

Meer as 1 100 mense is dood in die botsings tussen strydende stamme, wat politieke partye in die na-verkiesingsgeweld gesteun het. Honderde duisende mense is gedurende 'n landswye veldtog van moord, wraakaanvalle, verkragting en vernietiging van eiendom uit hulle huise gedwing.

Die botsings is aangeblaas deur die leier van die Oranje Demokratiese Beweging, Raila Odinga, wat President Mwai Kibaki se Party van Nasionale Eenheid van knoeiery met die verkiesing beskuldig het.

Kalmte het ná maande teruggekeer en Annan het 'n ooreenkoms vir 'n regering van nasionale eenheid beding waarvolgens Odinga eerste minister geword het.

Waki sê 'n Spesiale Tribunaal vir Kenia met internasionale deelname behoort ingestel te word om mense, wat by na-verkiesingsgeweld betrokke was, aan te kla.

лобановский политик

Sewe gevang n? soektog op skip koka?en oplewer

Kokablare

17:47:49 Brittanje se doeane- en aksynsagente sê hulle het sewe mense in hegtenis geneem en beslag op 30 kilogram kokaïne gelê tydens 'n klopjag op 'n toerskip. Wetstoepassingsbeamptes het Sondag op die P&O-skip, Arcadia, in Southampton se hawe toegeslaan.

Die Inkomste- en Doene-agentskap sê vier van die mense wat in hegtenis geneem is, het die kokaïen aan hulle lywe versteek. Nie een van hulle was deel van die skip se bemanning nie.

Die verdagtes word ondervra en niemand is nog aangekla nie. Die agentskap beraam die straatwaarde van die kokaïen op 1,2 miljoen pond.

Фильчаков Харьков

Om te hang of nie, die familie sal besluit

17:42:30 ‘n Senior regsbeampte van Iran het vandag gesê dat hulle nie minderjarige dwelmsmouse sal hang nie, maar dat die galg steeds die voorland kan wees vir moordenaars, selfs die minderjariges.

Die stelling van Hossein Zebhi, die assistent-prokureurgeneraal laat mense nou twyfel oor die versekering wat hy verlede week gegee het dat minderjariges, onder die ouderdom van 18 jaar eerder die maksimum lewensvonnisse sal kry pleks van die doodstraf.

Zebhi het in kommentaar in die Etemad Melli koerant gesê dat Iran se prokureur generaal en hooggeregshof baas, wat alle doodsvonnisse moet goedkeur, die straf van minderjarige dwelmsmouse sal verander na lewenslange vonnisse toe. Op dié manier word ‘n teregstelling dan vermy, het hy gesê.

Minderjariges wat moorde pleeg kan steeds gehang word, afhangende van die keuse van die familie van die slagoffer.

In Iran is ‘n sisteem van Kwisas (vergelding). Dit is nie ‘n regeringstraf nie, maar ‘n privaatstelsel, waarop die familie van die slagoffer geregtig is volgens die wet en ook (Sharia), Islamitiese wette, het Zebhi gesê toe hy gevra is of moordenaars wat die misdaad gepleeg het voor hulle 18 geword het sal hang.

Volgens Iranse wette het die slagoffer se gesin die reg om die moordenaar kwytskelding te gee, deur “bloedgeld” te aanvaar en die skuldige tronkstraf te laat uitdien.

Die beleid van die regsisteem is om Kwisas-gevalle te laat lank neem sodat die slagoffers se familie tyd het om te besluit of de moordenaar moet hang of nie, het hy verder bygevoeg.

Hoewel Iran lid is van die Kinderregtekonvensie, doen hulle teregstellings van jeugmisdadigers sodra hulle 18 jaar oud word. Hierdie jaar alleen is daar reeds 6 sulke jeugmisdadigers gehang.

Zebhi het nie uitgebrei oor die lot van jeugdiges wat van ander halsmisdade in dié Islamitiese republiek aangekla word nie. Dit sluit in verkragting, gewapende roof en owerspel.

Sy kommentaar oor maksimum tronkstrawwe vir jeugdige misdadigers onder 18 is deur Amnestie Internasionaal en ander menseregtegroepe verwelkom.

Iran is deel van die Internasionale Ooreenkoms vir Burger- en Politieke regte en die Konvensie vir die regte van die kind, wie se lede almal afgespreek het om nie misdadigers wat die dade gepleeg het voor die ouderdom van 18 jaar tereg te stel nie.

Amnestie het gesê dat Iran die enigste land ter wêreld is waar ‘n jeugdige vanjaar tereggestel is.

Colin Powell dink Obama is ‘n ‘transformasiefiguur’

Senator Barack Obama het Sondag 'n verdere hupstoot gekry met die aankondiging van Colin Powell dat hy die eerste swart presidentskandidaat gaan steun. Obama se veldtogfinansies vir September toon intussen boonop 'n reusevoorsprong bo dié van Senator McCain. Obama het reeds meer as $600 miljoen ingesamel, 'n nuwe kerf vir die VSA se presidentskandidate.

Obama het met $150 miljoen dollar in fondsinsameling vir verlede maand byna twee keer soveel bymekaargemaak as in Augustus. Hy gaan met dié geld glo die Republikeine in state soos Wes-Virginië aanvat, waar konserwatiewe waardes tradisioneel koning kraai. Vir die volgende twee weke gaan hy ook Colorado, Florida, Iowa, Nevada, New Mexico en Ohio aanpak, almal deelstate waar Bush steun geniet.

Colin Powell, 'n Republikein wat die eerste Golfoorlog in Irak gelei het, het met sy aankondiging vir Obama as 'n "transformasiefiguur" beskryf. Die eertydse generaal Powell het met dié belangrike stap bedenkinge oor die bekwaamheid van Obama geneutraliseer.

Die Londense Financial Times het 'n meningsartikel geplaas waarin 'n Obamapresidentskap beskryf word as 'n manier om Amerikaanse sogenaamde "soft power" in die wêreld te herstel.

Powell se aankondiging wat hy op NBC gemaak het, het McCain se veldtog groot skade berokken. Een van die punte van kritiek teen Obama uit die Republikeinse kamp was sy "sosialistiese" neigings, maar die swart senator het Sondag daarop geantwoord en gesê met Warren Buffet en Colin Powell as ondersteuners, kan daar nie sprake wees van sosialisme nie.

домики для детей

Honderd betoog teen armoede by Uniegebou

15:35:37 Ongeveer 'n honderd mense het Vrydag by die Uniegebou in Pretoria byeengekom om teen armoede te protesteer. Die betogers het, onder meer, gevra dat armoede beeindig word en dat BTW op basiese voedselsoorte verminder word.

Die gesamentlike voorsitter van die globale oproep teen armoede (GCAP) , Kumi Naidoo, sê dit is tyd vir die regering om beslissend op te tree om armoede uit te wis. Hy sê in stede daarvan om miljoene rande aan grensbeheer te bestee, moet die regering dit eerder aan gesondheidsorg, water en sanitasie bestee.

Die GCAP is 'n burgerlike verenigings-alliansie wat uit nie-regeringsorganisasies en vakbonde bestaan. Naidoo sê aandag moet gegee word aan geslagsgelykheid en die regering moet nou gaan kolf. Die protesoptog was ter ondersteuning van die internasionale dag vir die uitwissing van armoede wat op 17 Oktober gevier word.

Cosatu se provinsiale sekretaris in Gauteng, Siphiwe Mgcina, sê werkskepping is belangrik vir die land en as daar nie vinnig vordering daarmee gemaak word nie, lê donker tye voor. Op 'n voorstel dat die apartheidsregering beter dienste verskaf het en beter daarin geslaag het om armoede uit te wis as die ná-1994 regering, het Mgcina gesê dit is 'n ongelukkige verwysing. Hy sê daar is nog 'n lang pad om te loop.

Biskop Paul Verryn van die Methodistekerk sê dit is tyd vir die rykes om met die armes te deel. Hy sê armoede is onmenslik en daar moet 'n radikale verandering tussen ryk en arm gemaak word. Die betogers het in 'n memorandum wat aan die Presidensie oorhandig is, ook gevra dat verbruikersfooie vir water afgeskaf word.

Brasiliaanse president vaar uit teen die ryk lande

Luiz Inacio Lula da Silva

15:16:12 Brasilië se President Luiz Inacio Lula da Silva het Vrydag woedend teen die ryk lande uitgevaar en sê die huidige globale finansiele krisis is te wyte aan Westerse skynheiligheid. Da Silva is tans op 'n staatsbesoek aan Mosambiek.

Hy het in Maputo gesê ryk lande het die laaste dekades ander lande daarvan oortuig om hulle ekonomiese- en finansiele sake beter te bestuur, maar het jammerlik in die bestuur van hulle eie sake gefaal.

Da Silva sê die huidige finansiele krisis is te wyte aan die onverantwoordelikheid van die ryk lande, wat in die dekades van die 80's- en 90's al hulle tyd daaraan bestee het om andere op te lei om hulle lande te administreer sonder om na die administrasie van hulle eie lande om te sien.

Hy stel 'n nuwe globale ekonomiese- en handelsorde voor wat deur arm- en ontwikkelende lande gelei moet word om die Westerse modelle teen te werk. Da Silva sê dit is hoog tyd dat almal moet besef dat die sogenaamde Suidelike-groep 'n nuwe ekonomiese- en handelslogika in die wêreld tot stand moet bring.

Daar kan nie langer op die Westerse lande staatgemaak word nie.