Nuus Archives - Page 270 of 403

Ontnugterde kleurlinge verlaat die ANC

06:41:35 Ontnugterde kleurlinge in Gauteng is besig om die ANC in groot getalle te verlaat.

Die Suid-Westelike Burgerlike Assosiasie, Suwba, het al sy lede van die regerende party onttrek.

Die Assosiasie het meer as 100 takke. Suwba se president Basil Douglas het aan 'n Johannesburgse dagblad gesê dat die land besig was om in die maalstroom van immorele verval te versink.

Die binnegevegte, beweerde korrupsie, nepotisme, oneerlikheid en volslae onbekwaamheid het tot ontnugtering met die ANC gelei, het hy gesê.

Douglas het gesê die onlangse afdanking van die Kaapse premier, Ebrahim Rasool, was 'n teken dat kleurlinge na die rand van die ANC uitgeskuif gaan word.

VSA waarsku toeriste na Oos-Afrika

Die Amerikaanse ambassade in Oeganda sê Amerikaners in Oos-Afrika loop die risiko van 'n aanval deur terroriste.

Die ambassade sê 'n aantal al-Kaida-agente is na bewering in Oos-Afrika en kan VS-instellings en -personeel bedreig soos wat 7 Augustus naderkom.

Tien jaar gelede het terroriste Amerikaanse ambassades in Kenia en Tanzanië op daardie datum gebombardeer.
Die ambassade se boodskap is Dinsdag uitgereik en het gewaarsku dat opgeskerpte veiligheid by amptelike Amerikaanse instellings die terroriste mag noop om na sagter teikens te kyk waar toeriste bymekaarkom.

uk casino топкарго развод

Bottelwater kan sleg vir jou gesondheid wees

Volgens Randwater, is bottelwater sleg vir 'n mens. Die nutsmaatskappy het die rakleeftyd van vyf soorte plaaslik gebottelde water in 'n jaarlange studie getoets.

Navorsers Yvonne Liee en Karl Lubout het bevind dat alle bottelwaterhandelsmerke oor 'n baie beperkte rakleeftyd beskik.

Om hulle langer as 'n paar dae of weke te hou, veroorsaak water met 'n nare smaak, slegte reuk en hoë bakterietellings.

Dit kan mense met 'n swak immuniteit beïnvloed.

Die studie het bevind dat al die handelsmerke hoër bakterievlakke as die normale gehad het.

Geen van die monsters het egter stoelgangbesoedeling bevat nie en al die monsters het aan die SA nasionale standaarde voldoen sover dit spore van kwik, aluminium, chroom, arsee en mangaan betref.

топкарго кидалы

China gaan sy Afrika-aankope uitbrei

Die Financial Times berig dat China gereedmaak om op 'n groot skaal by Afrika betrokke te raak met Standardbank wat die grondslag daarvoor lê.

Die Nywerheids- en handelsbank van China en Standardbank, wat onderskeidelik China en Afrika se grootste banke is, ondersoek tans Afrika se olie-, gas-, telekommunikasie-, metaal- en kragsektore.

Beijing verwag dat handel met Afrika teen 2010 die $100 miljard-kerf gaan bereik en Standardbank het 'n span in Beijing saamgestel.

Standard en ICBC kan dalk 'n supersnelweg bou wat China en Afrika verbind, sê David Munro, Standard se uitvoerende beampte vir korporatiewe en belegginsbankwese in Afrika.

Die Suid-Afrikaanse bank beskik oor 1 000 takke in 18 lande suid van die Sahara en 'n teenwoordigheid in 21 verdere nasies wêreldwyd.
Oor die afgelope jaar het die bank nuwe oornames in Nigerië, Kenia, Turkye en Argentinië bewerkstellig. Vandeesweek het Standard sy filiaal in die Demokratiese Republiek van die Kongo uitgebrei en gaan aanstaande maand sy lisensie om in Angola handel te dryf, finaliseer.

online slots bonus

Pesbeheerder oorleef op termiete

'n Australiese pesbeheerder wat in die onherbergsame Wes-Australiese woestyn verdwaal het, het oorleef deur die goggas te eet wat hy gewoonlik uitroei.

Theo Rosmulder het daarin geslaag om vir vyf dae aan die lewe te bly deur termiete te verorber.

Die twee-en-vyftigerjarige Rosmulder, wat besig was om vir goud te prospekteer, is uiteindelik deur Aboriginele spoorsnyers gevind.

Die polisie sê hy was in 'n uitstekende kondisie toe hy gevind is.

Reddingswerkers, en Rosmulder, was besig om moed te verloor toe die spoorsnyers hom uiteindelik gevind het.

In weerwil van sy proteïnryke dieet, sê Rosmulder hy was baie swak en op die punt om boedel oor te gee toe hy die reddingswerkers sy naam hoor roep het.

Midde-Oosterse lugrederye floreer

Emirates het so pas nog 'n jumbostraler by sy vloot gevoeg. Dié keer is dit die wêreld se grooste vliegtuig, die Airbus A380-superjumbo.

Terwyl die lugnywerheid met 'n enorme krisis sukkel, is die magsbalans besig om na die olieryke Midde-Ooste te verskuif.

Lugrederye van American Airlines tot Thai Airway International reageer op hoë oliepryse deur poste te verminder, roetes terug te snoei en vliegtuie uit diens te stel.

Maar Midde-Oosterse rederye brei so vinnig as hulle kan uit.

Emirates het sedert 2002 sy bestelling van die aanvanklike sewe superjumbo's met meer as agt vermenigvuldig.

Die plan is om plekke soos Afrika met China, of Rusland met Suid-Afrika te verbind.

Die nuwe passasiersvliegtuig spog met 76 besigheidsklasbeddens, 'n dekoratiewe waterval en twee spastorte vir eersteklaspassasiers.

Beijing sukkel met lugbesoedeling

Beijing sukkel om die rookmis in die aanloop tot die Olimpiese spele te beperk.

Die owerheid sal meer fabrieke sluit, asook die aantal motors verder verminder en alle boubedrywigheid staak.

As daar baie ongunstige weersomstandighede kom, sal daar noodmaatreëls getref word, het amptenare belowe.

Ná twee dae van verbetering in die lug, was die Chinese hoofstad weereens gister in 'n dik laag rookmis gehul.

Beijing verduur skerp kritiek van atlete en omgewingsgroepe weens die swak luggehalte in die stad.
Olimpiese organiseerders het gewaarsku dat uithounommers soos marathons uitgestel of gekanselleer kan word indien besoedelingsvlakke te hoog is.

‘Lugmag stort in duie’

SALM-Gripen D, maar gaan hy ooit vlieg?

Die minister van Verdediging, mnr. Mosiuoa Lekota, sê die Lugmag het die afgelope drie en ‘n half jaar 91 vegvlieëniers en 822 tegnici verloor. Tans beskik die Lugmag net oor twintig operasionele vegvlieëniers. Dit is in antwoord op ‘n vraag van mnr. Pieter Groenewald van die Vryheidsfront Plus in die parlement.

“Dit is duidelik dat die Lugmag besig is om in duie te stort. Behalwe die kommer oor die vlieëniers is die werklike krisis die groot aantal tegnici wat verloor is. Sonder tegnici kan vliegtuie nie onderhou en gevlieg word nie. Dit is ook een van die groot redes hoekom die Cheetah-vegvliegtuie vier jaar vroeër finaal uitgefaseer is. Hierdie situasie maak Suid-Afrika kwesbaar teen ander Afrika-lande soos Zimbabwe”, sê mnr. Pieter Groenewald (LP), hoofwoordvoerder van Verdediging vir die Vryheidsfront Plus.

“Minister Lekota erken in sy antwoord dat swak salarisse en die persepsie dat blankes beperkte loopbaanvooruitsigte in die Lugmag het, van die hoofredes is hoekom lede die Lugmag verlaat het. Die Vryheidsfront Plus het Lekota sedert 2005 gewaarsku dat regstellende aksie en ‘n beperkte begroting gaan veroorsaak dat die Lugmag leegloop. Lekota maai nou wat hy gesaai het”, het Groenewald gesê.

Van die bestaande twintig operasionele vlieëniers is 17 blanke mans, een blanke vrou en twee swart mans. Die Lugmag lei ook tans 123 leerling-vlieëniers op. In 2005 het die minister ook op ‘n vraag van Groenewald in die parlement gesê, die Lugmag lei 131 leerling-vlieëniers op. Ten spyte hiervan is daar slegs 20 operasionele vegvlieëniers. Volgens die antwoord van die minister is die trekpleister na ander lande minder misdaad, verlengde loopbane, onmiddellike burgerskap en verbeterde lewensstandaarde.

Dronk regter kan nie spel nie

Sy edele regter Motata

Regter Nkola Motata wat tans teregstaan op 'n klag van dronkbestuur, kan nie behoorlik spel nie. Dit het gister aan die lig gekom toe sy handgeskrewe nota aan mnr. Richard Baird as bewysstuk in die Johannesburgse streekhof toegelaat is.

Onder andere spel Motata Transvaal met twee l'e en hy kan nie die Engelse woord vir afdeling korrek skryf nie. Ook sy identiteitsnommer het foute bevat.

Motata het in die muur van mnr. Richard Baird vasgery. Baird het in die hof getuig dat sy eerste woorde aan die polisie was: "Ek het 'n dronkie in my muur."

Volgens Baird was sy edele Motata vas aan die slaap agter die stuurwiel toe hy ondersoek gaan instel het. Die saak duur vandag voort met Baird wat sy getuienis hervat.

палатка купити

Onverbonde lande steun Iran se kernprogram

Meer as 100 nasies wat aan die onverbonde beweging behoort, het Iran se reg op die vreedsame gebruik van kernkrag ondersteun.

Die onderskraging versterk Teheran se hand in sy weiering om gehoor te gee aan 'n VN-Veiligheidsraadresolusie wat vereis dat die land alle uraanverryking staak.

Die hoogste Iranese leier Ajatolla Ali Khameinei het hom daartoe verbind om sy land se kernprogram voort te sit. Iran se hoofverteenwoordiger by die Internasionale Atoomenergie-agentskap het ook gesê dat sy land nie sy kernaktwiteit, verryking inkluis, gaan staak nie.

Die Onverbonde beweging bestaan uit sulke uiteenlopende lese soos kommunistiese Kuba, Jamaika en Indië, maar meeste lede deel 'n vyandige houding jeens die VSA en die ontwikkelde wêreld oor die algemeen.

детский велосипед