Internasionale nuus Archives - Page 65 of 141

Kankergeen gedekodeer

Vir die eerste keer het navorsers al die gene van ‘n persoon met kanker gedekodeer en ‘n stel mutasies gevind wat die siekte veroorsaak of die verspreiding daarvan aangehelp het.

Selle van ‘n vrou wat aan leukemie oorlede is, is gedekodeer, en die wetenskaplikes het die DNS van haar normale, gesonde selle vergelyk met die wat deur kanker aangetas was. Daarna het hulle 10 mutasies opgespoor, wat klaarblyklik abnormale groei aanhelp, en die selle verhoed om teen normale tempo te groei wat die selle in staat stel om chemoterapie teen te staan.

Mutasies is genetiese foute, en die wat wel gevind is in die navorsing is nie ingebore nie, maar het later in die lewe ontstaan, soos wat meeste mutasies is wat kanker veroorsaak. Slegs 5 tot 10% van kankers word geag as van oorerflike oorsprong te wees.

Die nuwe navorsing, wat gekyk het na die hele genoom, al die DNS, en gemik het om al die mutasies in ‘n spesifieke kanker vas te stel, het heelwat verskil van vorige studies wat gekyk het na minder gene vir spesifieke mutasies. Die projek, wat maande geneem het, en 'n miljoen dollar gekos het, was moontlik gemaak deur onlangse nuwe tegnologie wat dit makliker en goedkoper gemaak het om 100 miljoen DNS deeltjies te toets as wat dit gekos het om voorheen 100 stukkies DNS te toets.

Die studie was gedoen by die Washington Universiteit in St. Louis en is in die joernaal Nature gepubliseer. Dit is die eerste verslag van genoomkanker en navorsers sê daar is nog baie op pad.

free demo casino topcargo развод

Sjina wys spiere met milit?re hardeware

Sjina se vertoon van militêrehardeware by die land se primêrelugskou was ‘n waarskuwing aan sy industriële teenstaanders van sy globale ambisies as vervaardiger van verdedigingstoerusting, het analiste gesê.

Terwyl twee vierdegeslag J-10 vegvliegtuie vir die eerste keer aan die publiek vertoon is met verbyvlugte, het die handelsuitstallings gegons oor praatjies van nuwe missielsisteme en ander goed wat ten toon gestel was.

Sommige analiste glo dat Sjina se vermoë om oorsese tegnologie te kopieer, soos wat in talle industrieë in die laaste 20 jaar gesien word, binnekort hulle verdedigingsindustrie kan aandryf.

“Tien jaar gelede het hulle nie ‘n moderne vliegtuigindustrie gehad nie, nou het hulle begin om kopieë van ons vliegtuig te vervaardig” het ‘n Russiese verdedigingsbeampte gesê, wat anoniem wou bly.

“Hulle doen presies dieselfde wat hulle met tekstiel en speelgoed doen – leer hoe om dit te maak, maak dit goedkoper en ondergrawe dan die mark.”

Hy het gesê dat Sjina ongeveer 10 jaar weg is van die punt om hulle eie vegvliegtuigenjins te ontwikkel- hulle gebruik tans enjins wat deur die Russiese verdedigingsreus Sukhoi gemaak word, maar as hulle eers hulle eie kan ontwikkel, sal hulle ophou om oorsese tegnologie aan te koop.

“Hulle sal ophou om enige iets van oorsee af aan te koop en goedkoop Sjinese vegvliegtuie aan derdewêreldlande verkoop” het hy gesê.

Terwyl die Europese Unie en Amerika steeds sanksies het op die uitvoer van militêre toerusting teen heelwat lande, Sjina ingesluit, het Sjinese vervaardigers nie sulke beperkinge nie.

Verslae het aangedui dat Sjina militêre opleidingsvliegtuie aan Mianmar en Zimbabwe verkoop het, twee lande wat die ergste sanksies teen hulle het as gevolg van hulle swak rekords wat betref menseregteskendings.

Ten spyte van die vooruitgang is Sjina steeds desperaat om nuwe tegnologie in die hande te kry.

Sjinese amptenare het die groot Russiese verdedigingsuitstalling by Zhuhai besoek en gedetaileerde vrae gevra oor die nuwe Sukhoi-35 vegvliegtuig, wat vanjaar die eerste keer gevlieg het.

“Hulle het baie belangstelling getoon in alle aspekte van die vliegtuig, maar geen ooreenkoms om te koop is bereik nie” het Aleksey Poveshchenko, adviseur vir Sukhoi se direkteur generaal gesê.

“Ons is steeds besig met onderhandelinge en mag dalk in die komende maande iets sien gebeur.”

Trevor Moss, Asië en die Stille Oseaan redakteur van Jane’s, die verdedigingstuigtydskrif, het gesê dat hoewel Sjina steeds nie op die vlak is van top vervaardigers van verdedigingstoerusting soos Engeland en Amerika is nie, die skou hulle ontwikkeling goed vertoon het.

“Dit wys dat daar baie gesonde kompetisie is in die internasionale verdedigingsgemeenskap” het hy gesê, en die uitstallings van hardeware vergelyk met Sjina se eerste ruimteloop, wat in September gebeur het.

“Ten minste die helfte van die rede vir hulle ruimteprogram is nasionale trots – en ek glo dieselfde geld ook op die militêre kant van sake” het Moss gesê.

Sjina se ontwikkeling kan ook belangrike geopolitieke implikasies hê, wat deels die rede is dat Amerika versigtig is vir Sjina se vinnig groeiende militêre begroting, het hy bygevoeg.

“Mens het gesien dat Amerika probeer om met lande soos Indië en Japan saam te span om ‘n skans te vorm teen Sjina”, het Moss gesê.

Amerika se houding het Pakistan in Sjina se arms ingestoot, wat duidelik is met die gesamentlike uitstalling van Sjina en Pakistan by Zhuhai, en die voortdurende samewerking tussen die twee lande op die JF-17 vegvliegtuig.

“Dit was ‘n langtermynverhouding en gaan in die toekoms nog belangrik wees” het ‘n Pakistani lugmaggeneraal gesê wat nie sy naam genoem wou hê nie.

“Die verhouding het gegroei, die projek (FJ-17) wys dit baie duidelik” het hy gesê.

Sjina se begeerte om soewereiniteit oor Taiwan te verkry, nadat die twee in 1949 na ‘n burgeroorlog verdeel het, bly ‘n groot dryfveer van militêre beleid, en verduidelik die nuwe trots in sy gevegshardeware.

Taiwan is steeds die mees belangrike ding in Sjina se militêre denke, het Moss gesê.

Beijing het meer as 1000 missiele wat op die eiland gemik is, en het beloof om dit weer terug te neem, met geweld indien nodig, veral as die eiland dit sou waag om onafhanklikheid te verklaar.

люстры

Medwedef kap die VSA

President Dmitri Medwedef het in 'n kras toespraak gesê dat Rusland kortafstandmissiele op Rusland se westelike grens gaan plaas indien Washington voortgaan om hulle missielafweerstelsel in Oos-Europa op te stel.

In sy toespraak het die Russiese president gesê dat Rusland geen "inherente konflik" met Amerika het nie en de VSA uitgenooi tot 'n vars nuwe begin met Moskou. Hy het Obama nie by name genoem nie en hom ook nie tydens sy rede gelukgewens nie. Die Kremlin het nietemin 'n telegram van gelukwense gestuur.

Medwedef het ook gesê dat 'n sterk staat en 'n magtige burokrasie nie dieselfde ding is nie. Die een is wenslik vir demokrasie en die ander, laasgenoemde, is uiters gevaarlik. Plaaslike owerhede gaan ook meer magte bekom, het hy gesê en stappe wat daartoe sal lei, aangekondig.

Die skuld vir die finansiële krisis in Rusland is asook die oorlog in Georgië is vierkantig op die skouers van die VSA geplaas. Die beplande Amerikaanse missielafweerstelsel in Oos-Europa gaan dalk Obama se eerste buitelandsebeleidstoets wees.

Berlynse muur traak jong Duitsers min

Negentien jaar na die val van die Berlynse muur, verdwyn sy historiese skaduwee vinnig uit die geheue van die Duitse jeug; baie van hulle weet nie eers wie die muur gebou het nie.

Die muur is deur die voormalige Oos-Duitse kommunistiese regering gebou in 1961, en is op 9 Oktober 1989 afgebreek, om die weg te baan vir vereniging van die twee Duitslande.

Vandag se Duitse jeug toon min belangstelling in die Oos-Duitse geskiedenis, wat politici bekommerd laat oor die risiko wat ‘n kort geheue vir demokrasie inhou.

Oos-Duitsland se beeld vervaag vinnig, en daar word min belang geheg aan die rol wat die kommuniste party (SED) en die “Stasi” (geheime polisie) gespeel het, volgens Uwe Hilmer, ‘n politieke wetenskaplike.

Jong mense raak ook deurmekaar met politici, met ‘n kwart wat glo dat Wes-Duitse kanselier Willy Brandt, bekend vir sy beleid van detente met die ooste, ‘n Oos-Duitse kommunisteleier was. Sommige dink selfs dat Adolf Hitler die leier van Oos-Duitsland was, volgens ander opnames.

casino free bet Лобановский

Wallstraat daal skerp na Obama-oorwinning

Wallstraat het weer gedaal terwyl beleggers se kommer oor die globale ekonomiese krisis en ‘n Amerikaanse resessie hoog bly, ‘n dag ná die Demokraat, Barack Obama die Amerikaanse verkiesing met ‘n groot oorwinning ingepalm het.

Die Dow Jones se industriële indeks het 486,01 punte (5,05%) gedaal tot op 9139, 27 en die Nasdaq het met 98,48 punte (5,53 %) gedaal tot op 1681, 64, om ‘n groeitydperk van 6 sessies te breek.

Die Standard & Poor 500 indeks het 52,98 punte (5,27%) verloor om op 952,77 te eindig.

Die aksies van die markte het die winsteuitgevee, terwyl beleggers gehoop het dat ‘n nuwe president verligting vir die globale finansiële krisis sal bring.

Die verkose president staar die grootste globale finansiële krisis in die gesig sedert die Groot Depressie asook ‘n rits ekonomiese probleme op die tuisfront, insluitend stygende werkloosheid, dalende huispryse en vertroue wat geskend is.

Hy begin in sy pos op 20 Januarie en daardie probleme gaan nie tot dan wag nie, het analiste gesê.

Die dag se makro-ekonomiese nuus het beleggers herinner aan werksprobleme wat reeds die verbruiker gedwing het om minder te spandeer, iets wat die Amerikaanse ekonomie erg benadeel.

Die privaatsektor het reeds in Oktober 157 000 poste verloor, 26 000 meer as in September, het die maandelikse opname van ADP, ‘n betaaldienste firma se maandelikse opname bevind.

‘n Verslag van die Instituut vir Voorsieningsbeheer (IVB) het gewys dat aktiwiteit in die dienste sektor in Oktober meer verminder het as wat verwag was. Maandag het die IVB gesê dat die vervaardigings sektor tot op sy laagste vlak gedaal het sedert September 1982, toe die ekonomie herstel het van ‘n resessie.

the chase

Jong bin Laden se asielaansoek geweier

Osama bin Laden se seun se aansoek om asiel in Spanje is geweier. Die Spaanse ministerie van binnelandse sake sê die 27-jarige aansoeker voldoen nie aan die nodige vereistes om toegelaat te word tot Spanje nie.

Owerhede wou nie uitbrei op die jong bin Lden se redes vir die aansoek nie. Hy het Maandag met sy veel ouer Britse vrou in Madrid by die Barrageslughawe aangekom. Hy is steeds in die lughawe se transitogedeelte en het 24 uur om appel aan te teken teen die beslissing.

Die Spaanse regering vra gewoonlik 'n aanbeveling van die VN se vlugtelingagentskap om aansoekers te keur, het 'n Spaanse amptenaar gesê. Die agentskap het blykbaar die aansoek afgekeur.

W?reldleiers kyk reeds na Obama

Wêreldleiers het reeds versoeke wat hulle aan die nuutverkose Amerikaanse president, Barack Obama, wil stel, en het ‘n behoefte uitgespreek om sy beloftes rondom verandering aan aanhoudende konflikte in aksie te sien.

Ook om die globale ekonomiese krisis op te los.

Presidente en Eerste ministers het vinnig teogegee dat hy soos wat die Franse leier dit gestel het ‘n “briljante oorwinning” behaal het, maar die oorloë in Irak en Afghanistan en ‘n kerndooiepunt met Iran gaan kwessies word wat onmiddellike aandag vereis, tesame met die globale finansiële krisis.

Europese Unie ministers van buitelandse sake het reeds ‘n ses ladsyelys opgetrek met versoeke wat aan Obama gestel sal word tydens ‘n vergadering in Marseille op Maandagaand, voor die verkiesing.

Die brief het gevra vir gelyke vennootskappe op belangrike uitdagings, van die Midde-Oosterse kwessie tot die finansiële krisis, het die Franse minister van buitelandse sake, Bernard Kouchner by die vergadering gesê.

Kouchner het gesê Europa wil groter samewerking met die Midde-Ooste hê betreffende Afghanistan en Pakistan, ook oor verhoudinge met Rusland, China en ander opkomende lande en vir multilaterale-besluitneming oor belangrike globale sake.

Europese Unie president, Jose Barroso, het gesê die verkiesingsoorwinning is ‘n “tyd vir hernude belofte tussen Europa en Amerika.” Hy het verder bygevoeg “ons moet die huidige krisis in ‘n nuwe geleentheid verander, Ons het ‘n nuwe ooreenkoms nodig vir ‘n nuwe wêreld.”

China se president Hu Jintao het ook gesê “dis ‘n nuwe era, ek sien uit daarna om ons bilaterale verhoudinge na nuwe vlakke te neem.”

Kenners reken egter dat Obama baie min kan doen om groot veranderinge in Irak en Afghanistan te maak, en selfs aan die Amerikaanse ekonomie.

Robin Sheperd, ‘n senior navorser by die Chatham House Instituut in Londen, het gesê dat Obama Afghanistan ‘n sekuriteitsprioriteit gemaak het, en dat daar probleme kan ontstaan vir Duitsland as hy aan bondgenote vra om nog soldate te stuur.

“Dit gaan baie moeilik wees vir Kanselier Angela Merkel om iemand wat so gewild is as Obama se versoek vir nog soldate in Afghanistan te weier. Ek dink dat lande wat reeds sterk verbind is in Afghanistan gaan ‘n sterk bondgenoot kry in Obama, en ander lande soos Duitsland gaan probleme optel vorentoe” het hy gesê.

Michael McKinley, senior lektor oor internasionale verhoudinge by die Australiese Nasionale Universiteit in Canberra, het gesê dat Obama ‘n fout gemaak het met sy verbintenis om nog soldate in Afghanistan in te bring.

“Dit gaan een van sy presidentskap se groot mislukkings wees. Enige iemand wat in Afghanistan ingaan, gaan verloor” het hy gesê.

Volgens Sheperd, is Obama baie ambisieus omtrent Irak, en hy het aanvanklik gesê dat die soldate daar onttrek gaan word binne 16 maande, maar later dit verander het en gesê het dat daar wel soldate gaan agterbly.

Sheperd het gesê dat daar soortgelyke probleme was met die Israel-Palestina konflik. “Ek dink dat wanneer dit oor buitelandse beleid in die algemeen gaan, en oor Irak spesifiek, gaan dit aan die begin moeilik wees vir Europese regerings om uit te werk wat Obama se planne is” het hy gesê.

Jiro Yamaguchi, ‘n professor in politiek by die Hokkaido universiteit in Japan het gesê dat nie veel van Obama verwag kan word op die oorlogsfront nie, maar dat die groter verwagtinge eerder op die ekonomiese sake is.

“’n Eenentwintigste-eeuse weergawe van die “New Deal” is nodig vir Amerika en die res van die wêreld.”

“Ek wil hê hy moet ekonomiese regspleging doen vir die middelklas en regverdige verdeling van rykdom” het hy bygevoeg.

MvKinley het egter gesê dit sal dekades neem om die skade wat aan ekonomiese strukture berokken is reg te stel, en dat voorgestelde belastingkortings Obama sal verhoed om sy beoogde hervorming in plek te kry.

“Hy gaan nie veel beweegruimte hê om iets aan sosiale programme te doen nie. Mens kan nie oorloë voer en belastings verlaag tegelykertyd nie. Dit ekonomiese waansin.”

“Wat Amerikaners mee sal moet saamleef, is dat Obama een van die teleurstellings in Amerikaanse politiekeg eskiedenis gaan wees” het hy gesê.

european roulette

China en Rusland wil ophou om in dollars handel te dryf

Die onlangse ontmoeting tussen Russiese eerste minister Wladimir Poetin en sy Chinese ampsgenoot, Wen Jiabao, het ‘n finansiële roering veroorsaak. Wen het gesê die twee lande kan die globale finansiële krisis weerstaan as hulle saamspan.

Putin het hom verder aangehits en voorgestel dat hulle ophou om in Amerikaans dollars te werk wanneer handel tussen dié twee lande plaasvind.

Die idee is niks nuuts nie. Rusland en China het reeds ‘n “raamwerkooreenkoms” bereik in November 2007, wat gevolg is deur ‘n soortgelyke ooreenkoms met Belarus.

Vroeër vanjaar het die president van Irak, Mahmoud Ahmadinejad en Hugo Chavez van Venezuela ook teen die dollar gedraai toe hulle hul OPUL-vennote gevra het om dollars te laat vaar vir olietransaksies. Hulle argument was dat die “groen” geldeenheid nie meer betroubaar is nie, en dat hulle ‘n meer stabiele en voorspelbare alternatief moet soek.

Anders as Ahmadinejan en Chavez se voorstel, het Poetin se voorstel gekom op ‘n tyd wat die doller besig is om te versterk, en reeds begin het om druk uit te oefen op die Euro. Kenners voorspel dat die dollar sy waarde weer binne maande sal terugwen.

‘n Ander geldeenheid sal gevind moet word om die dollar te vervang vir internasionale betalings. Chna sal nie sommer die roebel aanvaar nie, net soos Rusland baie langtand sal vat aan die juan.

free online slot Фільчаков прокурор

Russiese fregat na Oos-Afrika

'n Russiese tenker gaan by 'n fregat aansluit om seerowers rondom die kus van Oos-Afrika te hoof te bied.

Die Neustrasjimie fregat – dit beteken 'vreesloos' – het die waters van Somalië verlede Maandag binnegevaar waar seerowers skepe aanval en lospryse eis. Die fregat sal 'n Russiese handelskip vergesel om die horing van Afrika.

Die Neustrasjimie sal eersdaags deur 'n ander aanvalsboot bygestaan word, die Jelna, wat ook deel vorm van Rusland se Baltiese Vloot.

Amerikaanse skepe van die Vyfde Vloot omsingel tans 'n vaartuig van die Oekraïene wat op 25 September deur Somaliese seerowers gekaap is. Die boot, die Faina, dra 'n vrag tenks en swaar wapentuig met 'n bemanning van 17 Oekraïniërs, 2 Russe en een Litouer aan boord.

Die Faina se Russiese kaptein is aan 'n hartaanval dood toe die skip aangeval is. Die seerowers vra 'n losprys van $8 miljoen om die bemanning vry te laat.

Seerowers het hierdie jaar alreeds 30 skepe gekaap. NAVO en die EU het aangedui dat hulle voortaan die Golf van Aden beter gaan patrolleer. Dit word nou beskou as een van die besigste en gevaarlikste seestrate met 20 000 vaartuie wat daardeur beweeg per jaar.

Die VN het aan die begin van Junie toestemming verleen vir enige land om die waters van Somalië binne te vaar vanweë die wetteloosheid wat heers.

Cholera uitbraak in DRK

Ten minste 100 gevalle van cholera is aangemeld in die DRK se oostelike dele, het Dokters sonder Grense (DSG) Dinsdag gesê.

Daar was 69 gevalle van cholera in die vier vlugtelingkampe rondom Goma in die afgelope week, en 20 in Kitchanga. In Buturande, naby Rutshure is daar 5 tot 10 nuwe gevalle per dag, het die mediese welsynsorganisasie gesê.

Die oostelike streek was die toneel van gevegte tussen regeringstroepe en rebelle wat derduisende mense ontwortel het.

“Noordwes van Goma, in Kitchanga, het DSG daarin geslaag om die watervoorsiening te verhoog van 2 liter per dag na 10 liter per dag. Spanne wat elders werk gaan ook poog om watervoorsiening daar te verhoog het DSG in ‘n verklaring gesê.

Cholera word veroorsaak deur intestinale bakterieë wat ernstige diarree en braking veroorsaak, wat tot dehidrasie lei. Dit het ‘n kort inkubasiestydperk, en kan dodelik wees, maar kan ook genees word as dit vinnig opgespoor word.

Maandag het hulpagentskappe die oostelike DRK-dorpie, Rutshuru vir die eerste keer bereik, nadat die VN verlede week gesê het dat plundery en geweld wat burgerlikes geteiken het, derduisende mense ontwortel het.

‘n Skietstaking verlede week deur wegbreek-generaal Laurent Nkunda en intensiewe diplomatieke aktiwiteite in die streek het die geleentheid geskep om die dreigende humanitêre krisis af te weer.