Nuus oor die wêreld buite Suider-Afrika
'n Spaanse noodlenigingsbeampte sê dat slegs 13 mense die neerstorting van 'n Spaanse passasiersvliegtuig oorleef het.
Die amptenaar van die SAMUR-munisipale nooddiens het gepraat op voorwaarde dat hy anoniem mag bly ná 'n ondersoek van gister se ongeluk.
Die amptenaar het gesê dat die res van die mense in die vliegtuig as dood veronderstel word.
Die Spanair-straler was onderweg na die Kanarie-eilande.
Meer as 200 000 kinders het in die skooljaar van 2006 tot 2007 in die VSA 'n pak slae by die skool gekry.
In 21 deelstate word lyfstraf op skole toegelaat. Dit vertaal in die meeste gevalle in 'n lang lat op 'n kind se agterwêreld.
Swart kinders word skynbaar meer gereeld as blankes geslaan.
Volgens die opstellers van die verslag bevorder lyfstraf geweld en help dit nie teen slegte gedrag nie.
Daar is vyf mans vir elke vrou in die dorpie.
Hy sê dat hy dikwels onaantreklike vroue in Mount Isa sien wat lyk asof hulle die lewe in dié dorp in die noordwestelike Queensland geniet.
Vrede, maatskaplike heropbou, geregtigheid en versoening bly veraf drome in die Demokratiese Republiek van die Kongo.
Mense in die ooste van die land het 'n 50% kans om verslaaf te word of deur 'n gewapende groep doodgemaak te word, terwyl die kanse een uit drie is om gemartel te word. Twaalf persent van mense loop die risiko om verskeie kere seksueel gemolesteer te word.
Die verslag is deur Amerikaanse menseregtegroepe saamgestel.
Volgens die verslag voel minder as die helfte van die mense veilig as hulle slaap, in die nag in hul dorpie rondloop of as hulle vreemdelinge ontmoet.
Omrent 18 000 VN-troepe is in die land ontplooi in 'n poging om die vrede te bewaar.
Die owerheid in Bihar, een van Indië se armste deelstate, vra arm en ryk om na die eet van rotte oor te gaan.
In die grootste deel van Indië word beesvleis vanweë godsdienstige oortuigings nie as eetbaar beskou nie.
Daarom beplan hulle om rotte op restaurantspyskaarte aan te bied.
Die eet van rotte sal twee vlieë met een klap doodslaan. Dit sal graan daarteen beskerm om deur rotte geëet te word en sal tegelykertyd die graanvoorraad laat toeneem, het Vijay Prakash, 'n amptenaar van die staat se welsynsdepartement aan Reuters gesê.
Volgens amptenare word byna 50 persent van Indië se graanvoedsel deur knaagdiere op die land of in skure opgevreet.
Senator Barack Obama mag so vroeg as vandag sy keuse vir 'n visepresidentskandidaat aankondig.
Sekere Demokrate sê hulle hoop nog dat hy senator Hillary Rodham Clinton van New York of goewerneur Kathleen Sibelius van Kansas sal kies.
Alle aanduidings is egter dat Obama waarskynlik iemand gaan kies wat betreklik veilig is.
'n Soortgelyke strategiese keuse wat op die Republikeinse senator John McCain wat onder druk van sy ondesteuners verkeer om 'n waagmoedige keuse te maak.
Ondanks 'n regeringsverbod op die verkoop van velbleikmiddels, koop hordes Oegandes steeds middels om hul velle te bleik.
Hulle word oor die toonbank verkoop, langs die pad deur smouse en oral is daar venters as gevolg van die hoë vraag daarna.
Dermatoloë sê die vel kan ligter gemaak word deur 'n kombinasie van behandelings wat die produksie van melanien verminder of blokkeer.
Dié behandelings bevat ook hoeveelhede kwik wat velkanker kan veroorsaak.
Nogtans sê vroue dat hulle mooier wil lyk deur 'n ligte vel te hê.
Kalifornië se standaardtoetsuitslae is Donderdag bekend gemaak wat die prestasiegaping weer beklemtoon het.
Die aantal wit studente wat beter gedoen het in Wiskunde en Engels is amper 50 persentasiepunte hoër as die stad se swart leerders.
Die stad het 41 000 skoliere getoets, waarvan 4 800 swart was, van Graad twee tot elf.
Wat tweede taal Engels betref was net 23% swartes op standaard terwyl 74% wit leerders op standaard geag is.
Stadsraadlede sê die probleem word deur swart armoede, misdaad en gebroke gesinne veroorsaak, maar selfs arm wit kinders het beter as swartes gedoen.
Hoewel besoedelingsvlakke hoog was net enkele dae voor die opening van die Olimpiese Spele, het die vlakke gedaal.
Die gehalte van die lug het heelwat verbeter, met helder sonskyn en sporadiese reënbuie in Beijing.
Maar vir die inwoners van Beijing is skoon lug net 'n tydelike verskynsel.
Die verkeers- en nywerheidsbeperkings gaan teen die einde van September ná die voltooiing van die Paralimpiese Spele opgehef word. Dan gaan die Chinese hoofstad weer sy besoedelde self wees.
Die veteraan-verregse partyleier, Jean-Marie Le Pen, het vandeesweek gesê dat hulle die geld dringend nodig het.
Van die Front National se bankrekeninge is bevries as gevolg van dispute met krediteure.
Le Pen het reeds sy koeëlvaste motor op 'n eBay-veiling verkoop om fondse in te samel voordat hy tot die verkoop van die hoofkwartier ingestem het.
Die party het die waarde van die gebou op die oewer van die Seinerivier op 20 miljoen euro oftewel R240 miljoen geskat.
Le Pen het nie gesê hoeveel die Chinese universiteit daarvoor gaan betaal nie.
Die Amerikaanse kuswagkotter Healy gaan vandeesweek van Alaska na die Noordpool vertrek as deel van 'n resies teen Rusland.
Die Amerikaanse Geologiese Opname glo dat die arktiese streek 90 miljard vate olie bevat wat gereed is om geëksploreer te word, omtrent 15 persent van die wêreld se onontginde reserwes, en 'n derde van die wêreld se onontginde aardgas.
Al vyf Arktiese nasies ding mee om onderwaterse regte tot die seebed te verkry.
Die stormloop het verhewig sedert verlede Augustus toe 'n Russiese duikboot die land se vlag onder die Noordpool geplant het.
Dit het 'n haastige reaksie van die Kanadese regering ontketen wat binne dae aangekondig het dat dit twee nuwe militêre basisse in die arktiese wildernis gaan bou.
Die Healy sal vanaf 6 September deur 'n Kanadese ysbreker vergesel word.
In onlangse getuienis voor die Kongres, het Admiraal Thad Allen, die hoof van die Amerikaanse kuswag, gesê hulle verloor veld in die globale mededinging aangesien Amerika se ysbreekvermoëns sigbaar afgeneem het.
Hoewel poligamie in die Nederland verbode is, word poligame Moslems met verskeie vroue nou deur die Nederlandse owerheid erken.
Maar die Sentrale Buro vir Statistiek het bigame huwelike van sy lêers verwyder met die aanname dat administratiewe foute plaasgevind het.
Gevolglik is dit onbekend hoe algemeen die verskynsel in Nederland is.
Op dieselfde manier is huwelike wat veertienjariges insluit van die databasis verwyder.
Dat die veertigjarige Georgiese president sy hand oorspeel het, is seker. Die Russiese ambassadeur in Berlyn, Wladimir Kotenef, het die arme Mikeil Saakashwili met hoon belaai en noem die aktivis van die Roserewolusie 'n "akteur" wat aan "grootheidswaan" ly. Die Russiese poniekoerant Pravda het onlangs 'n artikel die lig laat sien onder die titel "'n Ander Georgië wat aanstons op die VSA se kaart sal verskyn" met verwysing na die deelstaat in die Vereenigde State met dieselfde naam.
Saakashwili het trouens aan die Washington Post gesê dat hy heeltemal alleengelaat voel. "Toe Georgië aangeval is, moes ons onsself afvra: Aan wie se kant is die Weste, as hulle nie aan ons kant is nie?" het hy beskuldigend gesê. In antwoord daarop het Duitsland se minister van buitelandse sake, Frank-Walter Steinmeier, dit duidelik gemaak dat net 'n besonne politieke koers 'n krisis in die Kaukasus kan verhoed en die gebied kan stabiliseer.
In 'n meningspeiling in die Duitse koerant Die Welt stem die meerderheid teen Georgië wat hulle vir die inval verantwoordelik hou en nie teen Rusland nie. Saakashwili se Amerikaanse sikofansie tel kennelik teen hom by sy nadere bure, ten spyte daarvan dat hy Georgië graag as 'n oer-Europese land beskryf.
'n Franse onderhandelaar in Sarkozy se span sê Saakashwili het poker gespeel "en verloor". Indien 'n mens in gedagte hou dat Frankryk tot die einde van die jaar in die EU-presidentstoel sit, maak dit dié mededeling nog meer betekenisvol. Nick Grono van die International Crisis Group in Brussel toon selfs minder simpatie. Omdat die Georgiese president homself so "misreken" het, het hy die "toestand drasties laat versleg", sê hy.
Die president is nie iemand wat sy woorde graag tel nie. Sy inhuldigingstoespraak in 2004 is deur Amnesty Internationaal gekritiseer omdat hy die justisieminister aangespoor het om met alle geweld teen teenstanders op te tree en "hulle voor die voet te skiet en te vernietig" Hy het bygelas "dat geen koeëls gespaar sal word vir hierdie mense nie".
'n Nuwe mediawet wat in 2004 aangekondig is het 'n aantal prominente Georgiese skrywers genoop om 'n ope brief aan Saakashwili te rig waarin hulle die "intoleransie teenoor mense met ander opinies betreur wat in Georgiese politiek en ander sosiale sfere ingedring het" sedert hy aan die stuur van sake is.
Maar die president het sy volgelinge ook. Sy Nederlandse vrou, Sandra Roelofs, en Angela Merkel wat eersdaags samesprekinge met hom sal voer. En natuurlik die VSA omdat hy Georgiese troepegetalle na Irak verdubbel het. Dieselfde geld vir Georgiese soldate in Kosowo en Afghanistan wat steeds bly om "globale veiligheid" te verseker.
In 2004 het Sakaashwili Israel genooi na die opening van die moderne Energienavorsingsentrum en dr Brenda Schaffer, direkteur, het na die president in gloeiende terme as "die Nelson Mandela van die 21ste eeu" verwys.
Die Olimpiese Spele sorg hierdie jaar ook vir 'n goeie dosis drama. En in die halfeindrondte van die stoei vir die gewigklas onder 84kg was dit ook nie anders nie.
Uit pure frustrasie het die Sweedse stoeier Ara Abrahamian sy bronsmedalje op die stoeimat neergegooi Donderdag en die kryt verlaat. Abrahamian het tweede gekom in dieselfde nommer in Athene by die vorige Spele.
Hy sê hy dink sy nederlaag was totaal onregverdig. Die reëls was nie behoorlik toegepas volgens hom nie.
Abrahamian het gesê hy is nie geïnteresseerd in die derde plek nie, hy wil 'n goue medalje hê en daarna van die podium afgeklim.
