Nuus oor die wêreld buite Suider-Afrika
Die tegnologiemaatskappy, HTC van Taiwan, het in ‘n Londense hof ‘n oorwinning oor Apple van Amerika behaal, in ‘n eis oor ‘n reeks patente-oortredings oor tegnologie wat in draagbare toestelle gebruik word.
Londen se Hooggeregshof het beslis dat HTC se toestelle nie inbreuk maak op vier van Apple se patente nie.
HTC het ook patente van Apple se iPhone bevraagteken. Apple is elders in nóg ‘n patente-geding met die Suid-Koreaanse vervaardiger, Samsung gewikkel.
“Hy gaan nie uit die land uit nie,” het Anda Bici van Friends of the Youth League gesê, wat verskeie geleenthede gereël het waar Malema in onlangse maande toesprake gelewer het.
“Ons het hom aangeraai om in die land te bly en die stryd hier te stry. Geen oorsese reise nie.”
Die webwerf thesouthafrican.com het vroeër berig dat Malema oor “sy buitengewone lewe” sou praat by ‘n “eksklusiewe netwerk-geleentheid” in Londen.
Hy was veronderstel om insig te gee oor sy ervarings met die ANC en sy gedagtes oor Suid-Afrika se verlede, hede en toekoms te deel.
Die toegangsfooi vir die geleentheid was R260 om na Malema, wat die eregas sou wees, te luister.
Die aanvanklike redes wat gegee is vir die kansellasie was ‘n “familie-noodgeval”.
Malema is in April uit die ANC geskors nadat hy daaraan skuldig bevind is dat hy verdeeldheid in die party gesaai het deur die leierskapstyl van pres. Jacob Zuma gelyk te stel aan dié van oudpres. Thabo Mbeki.
Hy het ook gesê daar moet ‘n bewindsverandering in Botswana plaasvind.
Die Wall Street Journal van 1 Julie 2012, sê die Amerikaanse bevinding is dit eens met Sirië se weergawe en teen dié van ‘n Amerikaanse bondgenoot, Turkye.
Die Turkse regering, wat tenks na die Siriese grens gestuur het na die Junie-22-voorval, sê sy vegter is geskiet sonder waarskuwing binne die internasionale lugruim. Volgens Ankara was die vegvliegtuig ver van Siriese gebied getref deur ‘n missiel en nie deur lugafweer nie.
Die Wall Street Journal berig dat huidige en voormalige Amerikaanse amptenare glo Ankara het Siriese verdediging getoets met die oorvlug. Die weergawe van die Turkse F-4 Phantom wat geskiet is dra gewoonlik spioenasietoerusting, volgens die Amerikaanse verdedigingsamptenare.
‘n Voormalige senior Amerikaanse amptenaar wat nou saam met Turkye gewerk het, het gesê hy glo dat die vlug se koers bedoel was om Sirië se reaksie te toets. “Dink jy die vliegtuig was per ongeluk daar?” die voormalige amptenaar laggend gevra.
“Hierdie lande toets hoe vinnig hulle opgetel word en hoe vinnig iemand daarop reageer,” sê ‘n senior Amerikaanse amptenaar. “Dit is deel van die opleiding.”
Richard Falk, die VN se spesiale rapporteur vir Palestynse menseregte, het gesê die “diskriminerende dualistiese stelsel” deur Israel is soortgelyk aan die apartheidsregering wat vir meer as 40 jaar in Suid-Afrika gefunksioneer het. Falk, ‘n Amerikaanse regsgeleerde, is volgens Wikipedia ‘n voorstander van Wêreldregering.
In gesprekke met die VN se Menseregtekommissie in Genève, het Falk opgemerk dat die Palestyne in die besette gebiede geen wetlike beskerming onder Israeliese reg aangebied word nie.
Hy het ook die Midde-Oosterse Quartet se vredesgesant, Tony Blair, van die versuim om ‘n lewensvatbare resultate te produseer beskuldig en het gesê die vredespogings is ‘n “foefie” eerder as ‘n manier om ‘n oplossing vir die probleem te vind.
Falk het ook opgemerk dat die geloofwaardigheid van die VN se Menseregtekommissie op die spel is omdat geen werklike aksies geneem word in reaksie op Israel se versuim om saam te werk met die VN-liggaam nie.
Israel het bande met die Raad vir menseregte verbreek na die 47-lid liggaam gesê het hulle sal nedersettings in die besette gebiede ondersoek, wat beskou word as onwettig onder die internasionale reg.
Sosiale nuuswebtuistes Reddit en Gawker, professionele netwerk LinkedIn, en ligginggewing Foursquare is net ‘n paar van die gewilde werwe wat nie beskikbaar was of gewerk het Sondag nie.
Die rede: ‘n Skrikkelsekonde.
Soos Greenwich Mean Time voor dit, is UTC die “goue standaard” van tyd, wat atomiese horlosies beheer en deur die meeste rekenaarprogramme aanvaar word.
UTC voeg soms ‘n sekonde by om seker te maak dat die verhouding tussen die tyd van die dag en die posisie van die aarde en die son altyd dieselfde bly.
UTC het tussen Saterdag en Sondag vir die eerste keer sedert 2007 ‘n sekonde bygevoeg.
En ‘n paar webtuistes – waarvan baie vyf jaar gelede nie bestaan het nie – is verwar deur die ekstra sekonde.
Ingenieurs by Reddit moes roer om hulle sagteware te herstel. Hulle het op Twitter aangekondig dat ‘n “ekstra sekonde of twee” nuttig sal wees om die herstelwerk so gou moontlik af te handel.
Google het ‘n spesiale program geloop wat die sekondes effens langer al die pad deur Saterdag gemaak het, sodat daar geen behoefte aan enige sinkronisasie om middernag was nie.
Die ekstra sekonde toon dat ongewone tydsveranderinge nog steeds moles kan maak op die sagteware wat gebruik word deur honderde miljoene mense wêreldwyd.
Op ‘n warm somersaand in ‘n Madridpark sit sowat 30 mense aan vir ‘n heerlike opelug-maaltyd van gesoteerde groente en mengelslaai – vars uit die vullisdrom.Dit is gemorskos, baie letterlik, op die Spaanse manier.
Om afval te beveg, is hierdie groep van omgewingsbewustes besig om kos te versamel vir ‘n “gemorskos” eet-ervaring, oop vir die hele buurt.
Die vorige aand het hulle gaan krap in die afvalhouers van koswinkels op soek na weggegooide bestanddele wat nog goed is om te eet.
Na… uhm, ‘n vrugtelose eerste uur, het hulle uiteindelik ‘n vullishouer buite ‘n groente- en vrugtewinkel raakgeloop.
Hulle het kilogramme spinasie, appelkose, tamaties, wortels, piesangs, mespilus, die helfte van ‘n pynappel, plus kool, blomkool, rissies, seldery en kersietamaties uit die vullisdrom gegrawe.
“Dit was ‘n goeie vonds. Die meeste van dit was in ‘n goeie toestand,” sê die 50-jarige Txomin Calvo.
Die etes het in 2010 begin toe die groep iets wou doen oor die hoeveelheid goeie kos wat gemors word.
“Dit is meer as net ‘n protes, ons gebruik dit om gratis kos te gee aan mense in die moeilikheid,” het Calvo gesê.
Die tydsberekening is reg vir Spanje, waar die een uit elke vier mense in die arbeidsmag werkloos is en 21,8 persent van die bevolking onder die broodlyn in 2011 geleef het.
“Sommige dae kry jy baie, baie goeie goed en op ander amper niks,” sê die 43-jarige Luis Tamayo, nog ‘n stigter van die “gemorskos” groep.
Die volgende dag by ‘n tafel in ‘n park van die werkersklasdistrik van Lavapies, oop aan inwoners by die stadsaal, is daar heerlike geregte op die spyskaart : Room van eiervrugsop, gerasperde wortels met tofu, groen bone, groente- en vrugteslaai.
Benewens die bestanddele in dromme, skenk winkeliers van die voedsel wat verby die vervaldatum is.
Die kos is glo ook ontsmet.
“Ek het geen probleem met ‘n ete soos hierdie nie, want ek weet die kos wat ons uitgooi is nie sleg nie,” sê die 44-jaar-oue Pepe Rodriguez, wat werkloos is en gehoor het van die gratis eettafel van ‘n vriend.
“Dit is nie vir my rommel nie, en ek kan sê, dit is regtig goed.”
Die omgewing is op ‘n missie om vermorsing te stop. In Spanje, word die ekwivalent van 163 kg voedsel per persoon uitgegooi elke jaar. Oor die Europese Unie is die vermorsing selfs hoër op 179 kg.
“Die doel is om te probeer om matige, verantwoordelike gebruik te bevorder. Ons het nie onbeperkte bronne nie en ons moet deel met diegene wat dit nodig het. Daar is ‘n klomp mense,” het Miguel Carreño, ‘n ander lid van die groep gesê.
Die beweging het begin in die Verenigde State in die 1990’s as “freeganism”. Maar dit het ‘n nuwe betekenis in Spanje, wat in ‘n verdiepende resessie en die lyding van ‘n finansiële krisis verkeer.
In Mei 2011, het ‘n VN-verslag oor Voedsel en Landbou gesê te veel winkeliers en verbruikers gooi voedsel weg wat perfek geskik is om te eet as gevolg van oormatige aandag aan die voorkoms daarvan.
Aktiviste wil ook die wet laat hersien: Winkeliers mag tans nie verby-die-datum kos skenk nie en mense wat rommel in Madrid deursoek loop die risiko van ‘n 150-euro boete.
Australië, een van die wêreld se ergste besoedelaars per kapita, het Sondag ‘n omstrede koolstofbelasting aangekondig in ‘n poging om klimaatsverandering te bekamp.
Premier Julia Gillard het die stap verwelkom te midde van waarskuwings deur die opposisie.
Duisende betogers het die strate van Sydney Sondag ingevaar om te betoog teen die korporatiewe koolstofbelasting wat sal beteken sowat 350 entiteite sal ongeveer R200 moet betaal vir elke ton koolstof wat vrygestel word.
Gillard het die belasting in Australië verdedig.
“As ‘n arbeidsregering het ons dit nie alles vir geen rede gedoen nie, ons doen dit want ons glo dit speel ‘n sleutelrol in Australië se toekoms,” het sy aan die Australiese uitsaai-korporasie gesê.
“Vandag is Sondag, waar Australiërs sal voortgaan met hul alledaagse lewens, maar vandag is ook ‘n dag waar ons die toekoms aangryp; ons gryp ‘n toekoms van skoon energie aan.”
Daar is twee sterk redes hoekom dit wel kan boemerang: teenstand teen die wetgewing het onmiddellik geweldig toegeneem, met Romney wat sterk kon verklaar dat hy dit op sy eerste dag in die Withuis sal herroep as hy die verkiesing in November wen. En die hof se bevinding dat ‘n strafheffing vir diegene wat nie mediese versekering uitneem nie, ‘n belasting is, het heerlike skietgoed aan die Republikeine gegee dat dit net nog ‘n verhoging in belastings deur Obama is.
Die ingewikkelde Obamacare kom in breë trekke daarop neer dat almal bokant ‘n bepaalde inkomste mediese versekering moet bekom. Indien dit nie gedoen word nie, kan ‘n boeteheffing opgelê word op grond van ‘n glyskaal volgens inkomste. Die skema toon ooreenkomste met die Britte se National Health-skema en kritici bestempel dit as suiwer sosialisme.
Republikeine het uit die staanspoor sterk teen die skema kapsie gemaak en sekere deelstate het ook hofaksies aanhangig gemaak oor sekere bepalings dat fondse van hulle weerhou kan word as hulle die skema nie ten volle instel nie. Dit was hierdie teenstand wat gelei het tot ‘n aansoek tot die Opperste hof (Supreme court) om die wetgewing ongeldig te verklaar. Verlede week het die hof met vyf stemme teen vier bevind dat die wetgewing wel geldig en grondwetlik is, maar slegs indien die boete vir nalating
om versekering uit te neem, as ‘n belasting en nie ‘n boete beskou word. Die staat kan nie vir burgers voorskryf watse mediese dekking hulle moet uitneem nie (net soos hy nie kan voorskryf watse soort kar hy moet koop nie), maar hy kan ‘n belasting hef op mense wat nie versekering uitneem nie. Die hof het verder bevind dat die federale regering nie sekere fondse aan deelstate kan weerhou soos beoog is nie.
Obama en sy ondersteuners het gejubel veral aangesien die meerderheidsbeslissing te danke was aan die stem wat hoofregter John Roberts, ‘n vermeende “konserwatis” en ‘n Bush-aanstelling daarvoor uitgebring het. Die ander vier regters was nogal heftig in hulle mindersheidsmenings dat die wetgewing beslis ongrondwetlik is.
Aan Republikeinse kant was daar teleurstelling en woede oor die bevinding. Maar baie gou het hulle gevind dat die teenstand teen Obamacare so wyd loop – selfs onder Demokrate – dat dit reeds sterk teenkanting teen Obama en steun vir Romney uitgelok het. Romney het die tendens vinnig raakgesien en belowe om die wetgewing te herroep op sy eerste dag in die Withuis as hy die verkiesing wen (en sommige meningspeilings dui daarop dat hy tans voorloop – al is dit nog baie gering).
Obame en kie se breë glimlagte het ook vinnig vervaag toe die dinamiese Sarah Palin (McCain se VP-kandidaat in 2008) daarop gewys het dat Obama aanhoudend beweer het dat die strafheffing nie ‘n belasting is nie, maar die hof se bevinding dat dit net gehef kan word as dit ‘n belasting is, beteken dat Obama gelieg het – ALWEER gelieg het, soos sy dit gestel het. Die Obama-kamp is uiters gevoelig vir bewerings dat hy belastings verhoog en as die heffing ‘n belasting is, bevestig dit net die wye siening dat hy mense net belas en belas.
Meningskrywers het feitlik onmiddellik die vraag begin vra of hoofregter Roberts nie dalk ‘n baie slim en subtiele bevinding gemaak het wat voorkom of hy nie politiek kant kies nie, maar Obama effektief ‘n kishou toegedien het. Ene Mac Slavo skryf: “Initial reports I’m getting are telling me there was a lot more clever going on inside that decision than the initial reaction will indicate. It’s the Obama Tax now.” Hy beweer dat ‘n Withuis-bron bevestig het dat die aspek hulle bekommer.
Slavo bestempel die wetgewing as ‘n ingewikkelde stuk gemors en die hofbevinding het dit net bevestig. Dit gaan die republikeine net aanmoedig en motiveer en kan selfs partylede wat nie baie geesdriftig oor Romney se kandidaatskap was nie, vierkant in sy kamp jaag. Nog meer deelstate gaan ook Obamacare verwerp aangesien die hof hulle eintlik die reg gegee het om dit te doen.
‘n Konserwatiewe regsprofessor, Michael McConnell, het die bevinding van die hof voorspel en dink dit is eintlik beter as wat hy verwag het. Hy wys daarop dat selfs Demokrate in die kongres nie vir die wetgewing sou gestem het as die boeteheffing van die begin af as ‘n belasting bestempel was nie. Hy meld ook dat Obama teen Roberts se aanstelling as hoofregter gekant was en wonder of die regter nie op baie subtiele wyse wraak geneem het nie!
Dit is duidelik dat Obamacare en die hofbevinding in die volgende maande ‘n groot rol in die verkiesingsveldtog gaan speel – en op die oomblik verloop die spel sterk in die guns van die Republikeine.
Die boete is opgelê vir rassistiese opmerkings teen die Tsjeggiese verdediger Theodor Gebre Selassie, van Ethiopiese oorsprong. Rusland se totale boetes vir die toernooi staan al op €225 000.
UEFA het ook ‘n €20 000-boete aan die Spaanse Federasie vir sy ondersteuners se rassistiese krete oor Italië se Mario Balotelli tydens die Groep C-botsing opgelê.
Spanje het ‘n dag om te appelleer, terwyl Rusland drie gegee is.
Die boetes is lig in vergelyking met die Kroatiese Sokkerfederasie s’n, wat ‘n heftige bedrag van €80 000 ($100 000) vroeër in die toernooi moes opdok na ‘n UEFA-gesteunde anti-rassismegroep gesê het tot 500 ondersteuners het op grond van ras vir Balotelli gekoggel tydens die lande se wedstryd op 14 Junie.
Die grootte van die boete op Kroasië is gekritiseer, omdat dit was minder was as die €100 000 boete en een wedstrydskorsing aan Denemarke se Nicklas Bendtner. Hy het ‘n geborgde lyfband op sy onderbroek geflits tydens ‘n doelviering.
Dít volg nadat die polisie aanvanklik bespiegel het dat Rudy Eugene, wat naak langs sy slagoffer op ‘n besige hoofweg aangetref was, dalk ten tyde van die voorval onder die invloed van ‘n sintetiese dwelm bekend as “bath salts” was.
Nadat toetse op Eugene gedoen is, kon slegs spore van dagga gevind word.
Die laboratorium het sy bloed vir ander dwelms getoets, maar geen alkohol of voorgeskrewe medikasie is gevind nie.
Die polisie het die 31-jarige Eugene doodgeskiet nadat hy herhaaldelik versuim het om op bevele van die polisie te reageer en voortgegaan het om die 65-jarige man, Ronald Poppo, aan te val.
Poppo is steeds in ‘n hospitaal in Miami en is tydelik blind.
Volgens dokters, wat hom behandel, het hy kritieke beserings aan die helfte van sy gesig opgedoen.
