Internasionale nuus Archives - Page 380 of 464

Portugal se elektriese kar wys die pad

Portugal is die eerste Europese land wat deur Renault en Nissan van elektreise karre voorsien gaan word, nadat 'n ooreenkoms geteken is om 'n netwerk vir 'n zero-uitlaatgasvoertuie binne drie jaar in plek te kry.

Die plan beklemtoon Portugal se toewyding daaraan om in skoner energie te belê, ten spyte van die globale finansiële krisis wat verhoed dat regerings die ambisieuse planne van die EU in plek kry om aardverwarming teen te werk.

Volgens die ooreenkoms, wat die naweek met die Frans-Japannese motorvervaardigers gesluit is, sal 320 voertuig-laaipunte teen 2010 in werking wees oor Portugal, en dit sal verhoog word na 1300 ten 2011.

Maatskappye en motoriste wat elektriesemotors koop, sal vrygestel wees van pad- en ander voertuigbelastings, en individue sal kwalifiseer vir inkomstebelastingvoordele.

Die regering gaan ook verwag dat 20% van openbare voertuigaankope zero-uitlaatgas voertuie moet wees.

Ten spyte van stadige ekonomiese groei en versigtigheid ten opsigte van openbare uitgawes, is Portugal besig met 'n grootskaalse program om op tot 60% van sy elektrisiteit teen 2020 van wind, son en ander skoon bronne te kry.

Die EU het voorgestel dat koolstofdioksieduitlaatgasse teen 2020 met 20% gesny moet word, maar pogings om die hervormingspakket teen Januarie aanvaar te kry is ondermyn deur die globale finansiële krisis.

Volgens die Portugese plan, sal Renault –Nissan Portugal met elektriese karre voorsien van vroeg in 2011. Die karre het 'n ry-afstand van 160 kilometer op 'n elektriese lading. Die karre sal eers aan Portugal voorsien word vir 'n jaar, voordat die alliansie begin om dit wêreldwyd te bemark.

свет

Amerikaanse kernwapenprogram erg verwaarloos

Sedert die einde van die koue oorlog, is die Amerikaanse kernwapenprogram erg verwaarloos. Die kernplofkoppe is oud en daar is geen nuwes ontwerp sedert 1980 nie. Die laaste keer wat so 'n plofkop getoets is, was in 1992, toe die Amerikaners toetse eensydig gestaak het. Generaal Chilton wat in beheer van die Amerikaanse strategiese bevel staan, het beswaar gemaak, tesame met die minister van verdediging, Robert Gates. Tot nou toe lyk dit of min mense hulle aan die twee steur.

Amerika is die enigste van vyf verklaarde kernlande wat nie besig is om sy arsenaal op te gradeer nie. Brittanje en Frankryk, asook Sjina en Rusland is besig met opgradering.

"Ons is die enigste land wat nie besig is daarmee nie," het Chilton gesê.

Die Kongres het befondsing vir die ontwikkeling van die departement van energie se betroubare vervangingsplofkoppe net tot op die konsepstatus gedra, en vanjaar dit selfs verder besnoei.

Veiligheid is 'n groot prioriteit, veral om kernwapens uit die hande van terroristegroepe te hou. Dít, sê Chilton, is nog 'n belangrike rede om wapens wat in 'n ander era gebou is te moderniseer.

Daar is ook die kwessie van "menslike kapitaal" wat oudword. Dit is net so belangrik soos die wapenstelsels, het die generaal gesê.

"Die laaste individue wat aan 'n werklike kerntoets gewerk het, die laaste ingenieur en wetenskaplike sal in die volgende vyf jaar afgetree het of gesterf het." Die jonger generasie het geen ondervinding met die ontwerp en bou van kernplofkoppe nie.

Obama se praatjies neig meer na 'n kernvrye wêreld en hy het gesê "ek sal nie die ontwikkeling van nuwe kernwapens toelaat nie".

евро ремонт дома

Die einde van Pakistan?

'n Herskepte kaart van Suid-Oos Asië doen nou die rondte in Pakistan. Dit wys die land as 'n lang, maer stukkie grond met 'n groter Indië aan die oosgrens en 'n vergrootte Afghanistan aan die westekant.

Die kaart is die eerste keer gesirkuleer as 'n oefening in Amerikaanse neokonserwatiewe kringe. Pakistani's glo dat Amerika Pakistan wil opbreek, omdat Pakistan die enigste Moslem land is met kernwapens.

"Een van die grootste vrese van Pakistan se militêre beplanners is dat die samewerking tussen Indië en Afghanistan Pakistan kan vernietig," het 'n senior Pakistanse regeringsamptenaar wat betrokke is by strategiese beplanning gesê. Die beampte het aangedring op anonimiteit. "Somme mense voel dat Amerika agter alles is," het hy verder gesê.

Dit is 'n land waar jare se swak regering baie ruimte gelaat het vir samesweringsteorieë van elke denkbare soort. Sulke denke onthul soos in soortgelyke situasies elders die swak plekke in 'n nasie se psige. Geleerde Pakistani's sê soms dat hulle paranoïes is, maar dat hulle goeie rede het. Pakistan is 'n 61-jaaroue land met 'n verskeidenheid etniese groepe in vier provinsies wat op die oog af baie min met mekaar in gemeen het.

Byna op elke grens, wat op arbitrêre wyse getrek is tydens die doodsnikke van die Britse ryk se bewind daar, is daar 'n dispuut aan die gang met die bure, ook met Indië, Pakistan se groot vyand van ouds.

Dié feite en onsekerhede wat hulle meebring, vorm die grondslag van baie van Pakistan se meningsverskille met Amerika, insluitend verskille oor die nodigheid daarvan om militante groepe soos Al Kaida en die Taliban te beheer en te beperk.

Amerikaanse bevelvoerders, generaal David Petraeus ingesluit, het al driftig geargumenteer dat die oplossing vir die konflik in Afghanistan, waar die Amerikaanse oorlogspoging al meer onseker lyk, is om op die werklike bedreigings te fokus, naamlik Al Kaida en die Taliban.

Obama het baie dieselfde menings in sy verkiesingsveldtog uitgespreek. Kennelik is die VSA bekommerd dat Sjina se invloed toeneem.

Indien die spanninge tussen Pakistan en Indië ontlont kan word, kan Pakistan fokus op die bedreiging wat Al Kaida en die Taliban verteenwoordig.

"Indien Pakistan met vertroue na die ooste kan kyk, sal hy minder geneig wees om te glo dat dit tot sy voordeel is om met die Taliban saam te werk," het Obama verlede jaar in die Foreign Affairs-tydskrif geskryf.

Indië se kernooreenkoms met Amerika, wat Indië toelaat om kernhandel te betree, selfs al is hulle nie lid van die kernsperverdrag nie, word deur Pakistan gesien as duidelike steun aan Indië.

Met sy onlangse gemoeidheid met die verspreiding van kerntegnologie, het Pakistan egter nie so 'n ooreenkoms verkry nie.

Dié kerntransaksie is in Washington uitgewerk om Indië te posisioneer as 'n teenbalans vir Sjina. Dit is wel hoe dit in Pakistan gesien word, maar sonder enige entoesiasme.

"Amerika het die hele kernorde met die transaksie verander, en op 'n manier wat Sjina, wat Pakistan se enigste vriend in die streek is, beperk," het Talat Masood, 'n afgetrede generaal gesê.

Verder is Pakistan ongelukkig oor die vordering wat Indië in Afghanistan maak, sonder dat Amerika iets daaroor sê, het Masood gesê.

Indië het onlangs groot beleggings gemaak in Afghanistan, waar Pakistan ook meeding vir invloed. Een van die beleggings sluit in 'n pad na die Iranse grens, wat vir Indië toegang sal gee tot die Iranse hawe Chabahar, sonder dat hulle deur Pakistan hoef te gaan.

Indië het opleiding aangebied vir die Afghaanse militêre magte, hulp verleen vir 'n nuwe parlementsgebou in Kaboel en konsulate heropen op die grens met Pakistan.

Crystal Lux Данильченко Харьков

Iris-prostese gee kleur aan seun se lewe

'n Seun van Ohio het nou al begin om kleur meer duidelik te sien nadat hy 'n prostetiese iris ontvang het.

Sjirurge van die Cincinnati-ooginstituut het die doelgemaakte toestel Donderdag in die oog van die 7-jarige Nathaniel Brantley van Cincinnati ingeplant, het die Cincinnati Enquirer berig.

Die vervaardiger, Humanoptics/Dr. Schmidt Intraocularlinsen in Duitsland, het die inplantings soos die van Nataniel se ma se oë gemaak.

Michael Snyders, die sjirurg, het gesê dat as alles goedgaan hy op Nataniel se linkeroog ook sal opereer.

Die iris is die gekleurde deel van die oog wat beheer hoeveel lig die oog binnegaan. Helder ligte het altyd Nataniel se oë seergemaak en hy kan nie goed fokus nie. Voor die sjirurgie kon hy kleure nie behoorlik sien nie.

Snyders moes spesiaal toestemming van die Amerikaanse voedsel en geneeskunde administrasie kry om die iris-prostese te gebruik, omdat dit nie in Amerika goedgekeur is nie. Die vervaardiger het die prostese geskenk.

Voor die inplanting was dit ooglopend dat Nataniel se oë nie normaal was nie. Waar die pupil normaalweg deur 'n ring van bruin of blou omring is, was net 'n swart pupil sigbaar by Nataniel, met 'n klein oranje halfmaan onder die pupil.

Om Nataniel se sig te beskerm is die belangrikste ding, het Snyders gesê, maar om sy voorkoms te verbeter daarmee saam, is 'n bonus.

"Kinders is wreed wanneer iemand bietjie anders lyk" het hy gesê.

free slots no

Duits-Egiptiese duikboottransaksie bekommer Israel

Kaïro het volgens amptenare gesprekke met Berlyn aangeknoop met die doel om vir die Egiptiese vloot 'n paar Dolphin-klas duikbote, wat gereken word as een van die beste dieselaangedrewe duikbote in die wêreld, aan te koop.

Egipte stel blykbaar belang daarin om sy vloot verouderde duikbote op te gradeer, hoewel amptenare dit vreemd vind dat Kaïro daarna kyk om presies dieselfde duikbote te koop as wat Israel het.

Israel het tans drie Dolphin-klas duikbote wat in Duitsland gemaak is. Die konstruksie van nog twee duikbote wat na die tweede Libanon-oorlog in 2006 begin is, behoort in 2010 voltooi te wees.

Volgens buitelandse mediaverslae, het Israel se duikbote die kapasiteit om 'n "tweede aanslag" te loods in die geval waar Israel die teiken word van 'n kernaanval.

Die Dolphin-klas duikbote is die duurste wapenplatforms in die Israelse weermag. Duitsland het die eerste twee aan Israel geskenk na die eerste Golfoorlog, en die koste van die derde een gedeel tussen die twee lande.

Die drie duikbote in die Israeli vloot werk op 'n diesel-elektriese aandrywingstelsel, wat vereis dat hulle op 'n gereelde basis na die oppervlak kom om die batterye wat hulle onderwater aandryf, te kan laai.

Die twee Israeli duikbote wat nog onder konstruksie is, gaan met nuwe tegnologie toegerus word wat 'n dieselkragopwekker wat loodsuur batterye laai, en 'n lug-onafhanklike aandrywingsisteem wat gebruik word vir stilaandrywing asook 'n brandstofsel wat toegerus is met suurstof- en waterstofberging sal huisves.

Verdedigingsowerhede in Israel is bekommerd oor Egipte se versoek om die Duitse duikbote te koop.

Egipte het 'n groter vloot as Israel, insluitende 'n klomp groot fregatte en vier Russiesvervaardigde Romeo-klas duikbote. Indien die transaksie sou voortgaan, sal die balans van mag in die Midde-Ooste geaffekteer word.

Met die nuwe duikbote sal Egipte in staat wees om koverte inligting te versamel teen Israel.

Die Duitse Dolphin-klas duikbote is een van die bestes in die wêreld en sal aan die Egiptenare die vermoë gee om hoofseeroetes en hawens te kan blokkeer. Dit is amper onmoontlik om 'n aanval van 'n duikboot af te weer.

игра пазлы для детей Данильченео

Iran verhoog sy uraanvoorraad

17:09:33 Iran gaan voort met sy kernprogram, het die VN se kernwaghond Woensdag gesê. Op dié manier is die dilemma vir die verkose president Barack Obama van die VSA heelwat moeiliker gemaak, aangesien hy in sy veldtog belowe het om met Teheran in gesprek te tree.

Die mees onlangse verslag van die Internasionale Atoomenergieagentskap (IAEA) het onthul dat Iran met rasse skrede sy voorraad verrykte uraan, wat in wapengraaduraan verander kan word indien hulle 'n kerntoestel wil bou, uitbrei.

Die agentskap sê dat tot vandeesmaand het Teheran 630 kg laeverrykteuraanheksafluoried versamel; dit is 'n styging van die 480 kg wat laat in Augustus vanjaar geboekstaaf is. Analiste sê dat Iran nou teen so 'n hoë spoed uraan verryk, dat hulle teen vroeg volgende jaar uitbreekkapasiteit kan bereik, een stap weg daarvan om 'n kru kernbom te kan bou.

Die IAEA-verslag het ook gesê dat daar 'n verbrokkeling in kommunikasie is tussen die agentskap en Iran oor beweerde navorsing oor 'n atoomwapen.

Die vooruitgang wat Iran maak, verhoog die probleme vir mnr. Obama, wat in sy veldtog belowe het om met Amerika se vyande te praat, alhoewel hy sy aanvangsbeloftes om Iran te ontmoet afgeskaal het na meer algemene bedoelings indien dit Amerika se belange sou bevorder.

Europese diplomate het gunstig gereageer op mnr. Obama se voorstel dat Amerika met Iran praat, maar hulle is gretig om eensydige Amerikaanse aksie te vermy wat die benadering van die vyf permanente lede van die VN-veiligheidsraad en Duitsland sal vernietig.

IAEA-beamptes het gesê dat verhoudinge tussen dié organisasie en Iran reeds so verswak het dat daar in die laaste twee maande reeds geen kontak tussen hulle was nie.

Voor Woensdag se verslag het die Iranse president, Mahmoud Ahmadinejad, aangedui dat sy land sal voortgaan met hulle kernprogram.

casino on the net topcargo развод

Koninklike werker dalk deel van regse party

17:02:24 Buckinghampaleis het gesê dat een van hulle werkers – Paul Murray – ontken het dat hy lid was van die Britse Nasionale Party (BNP).

'n Werker in diens van die Koningin is gisteraand ontbloot as 'n beweerde lid van die BNP.

Paul Murray, 'n stoorman in die paleis, se naam was op 'n kopie van die ver-regse party se vertroulike lidmaatskaplys.

Die 41-jarige, wat tot vroeër vanjaar in 'n "gunste en gawes"-woonstel ter waarde van een miljoen pond gebly het, was saam met sy vrou Jennifer (44) klaarblyklik opbetaalde lede van die groep.

Hy is een van twee mense met koninklike skakels wat beskuldigings in die gesig staar dat hulle simpatiseerders is van 'n "ekstremistiese" organisasie. Hy het die bewerings heftig ontken.

Voormalige paleisportier, Norman Goldsmith, 74, is ook gelys as 'n BNP-aktivis.

Hy het in 1994 afgetree, maar bly in 'n woonstel by Royal Mews by die Hampton-hofpaleis.

Die koningin is in die nadraai gevang van die BNP se lidmaatskaplys van sowat 12 000 mense wat op die internet uitgelek het, en wat skokgolwe deur die land gestuur het.

для девочки Фильчаков

Sjina mag dalk eerste vliegdekskip bou

'n Hooggeplaasde Sjinese militêre offisier het laat val dat Sjina nou op soek is na 'n vliegdekskip vir sy vinnig groeiende vloot, 'n aksie wat vir seker spanninge tussen die Amerikaanse magte en sy bondgenote in Asië sal verhoog.

In 'n onderhoud wat Maandag in die Londense Financial Times gepubliseer is, het die offisier, majoor-generaal Quan Lihua nie gesê of Sjina besig was om 'n vliegdekskip te bou nie. Maar die generaal, 'n senior beampte in die Sjinese departement van verdediging het gesê dat om so iets te hê die droom van enige groot militêre mag is, en dat indien Sjina een sou kry, Amerika niks het om te vrees nie, aangesien dit net vir verdedigingsdoeleindes sal wees.

"Die vraag is nie of mens 'n vliegdekskip het nie, maar wat mens met so iets doen" het hy gesê.

"Selfs al het ons eendag so vliegdekskip, sal ons nie soos ander lande dit gebruik vir globale ontplooiing nie."

In onlangse jare het beamptes by die Pentagon Sjina se ambisieuse vlootopbou baie versigtig gevolg. Sedert 2000 het Sjina ten minste 60 oorlogskepe gebou, en sy vloot van 860 vaartuie sluit ook 60 duikbote in.

Spanning tussen Sjina en Amerika het ook verlede maand gestyg nadat die Pentagon die verkoop van $6 miljard se gevorderde wapentuig aan Taiwan aangekondig het. Sjina het woedend gereageer op die nuus, en gewaarsku dat dit die verhoudinge tussen die twee lande kan versuur. Die transaksie sluit in Apache-aanvalshelikopters en gesofistikeerde missiele, radar en lugverdedigingsstelsels.

In die onderhoud het die generaal benadruk dat Sjina nie 'n vliegdekskip sal ontplooi met aggressiewe bedoelinge nie.

"Vlote van groot moondhede met 10 of meer vliegdekskipgevegsgroepe met strategiese oogmerke het ander toepassings as lande met net een of twee vliegdekskepe vir verdediging van hulle eie waters en kuslyne," het hy gesê.

Alhoewel hy nie name genoem het nie, was sy kommentaar gemik op Amerika, wat 11 vliegdekskepe het, onder andere die George Washington, wat onlangs na Japan ontplooi was.

Die handjievol ander lande wat wel vliegdekskepe het, insluitende Brittanje, Frankryk, Italië en Rusland, het nie een meer as twee sulke skepe in hul vlote nie.

play cluedo online for free no download Фильчаков Харьков

Na die maan?

Die Tegniese Universiteit van Delft wil graag 'n robot maan toe stuur. Die fakulteit van Luchtvaart- en Ruimtevaarttechniek van die TU Delft oorweeg dit om mee te doen aan die Google Lunar X Prize.

Dit is 'n prys van 20 miljoen dollar wat Google ingestel het vir die eerste span wat voor 31 Desember 2012 'n robot op die maan kan sit en wat 500 meter oor die maanoppervlak kan veplaas word.

Dit kom as 'n anti-klimaks op die feit dat mense voorheen die maan bewandel het toe Amerikaanse ruimtereisigers in 1969 daar geland met Apollo.

Hierdie keer moet die robot moet slegs videobeelde, panoramabeelde en data na die aarde kan stuur.

As voorbereiding werk twee Delftse studentenspanne tien weke nou al aan die voorbereidings van 'n moontlike missie.

воронеж стойки Данильченко

Sjina bekom Amerikaanse vuurpyltegnologie

'n Amerikaanse wetenskaplike het skuldig gepleit aan die verkoop van vuurpyltegnologie aan Sjina. Die wetenskaplike het Amerikaanse wapenwette met die transaksie oortee.

Quan-Sheng Shu, 68, het erken dat hy Sjina gehelp het om 'n brandstofstelsel vir die lansering van ruimteskepe te bou.

Shu, die uitvoerende beampte van 'n hoëtegnologiemaatskappy in Virginië, het ook skuldig gepleit op die aanklag dat hy Sjinese amptenare omgekoop het om 'n kontrak vir 'n ander maatskappy te bekom.

Hy is op borgtog vrygelaat en sal in April sy vonnis aanhoor. Hy staar gevangenisstraf van tot 25 jaar en swaar boetes in die gesig.

Shu is in Sjanghai gebore, maar het Amerikaanse burgerskap verkry. Hy het werknemers by sy maatskappy beveel om dokumente te vervals rakende die transaksies wat tussen 2003 en 2007 gesluit is, volgens die aanklaers.

липецк вентили