Internasionale nuus Archives - Page 288 of 464

Russe loods soektog vir ‘swart weduwees’ se helpers

Die twee bomaanvalle wat Maandag op Moskou se moltrein plaasgevind het, is deur vroulike selfmoordbomaanvallers uitgevoer, het Rusland se FSB-geheimediens Maandagoggend gesê.

Duisende swaargewapende polisiebeamptes is intussen by moltreinstasies, gewone treinstasies en Moskou se lughawens ontplooi.

Die Russiese polisie het ‘n landwye soektog na die helpers van die twee “swart weduwees” wat hulself opgeblaas het, van stapel gestuur. Die twee selfmoordbommers is op kringtelevisiebande van die moltreinstelsel geëien.

Die aanvalle, vermoedelik deur Tsjetsjniese separatiste, het tydens die besigste tyd van dié stad se oggendspitstyd plaasgevind en 39 mense se lewens geëis.

Pres. Dmitri Medwedef het nuwe wetgewing in die vooruitsig gestel wat die staat meer magte sal gee om op te tree teen sulke aanvalle. Hy het die aanvallers as “diere of monsters” beskryf.

Premier Poetin het sy landgenote belowe dat diegene wat verantwoordelik is vir die aanvalle, vernietig sal word.

Sergei Lavrov, Rusland se minister van buitelandse sake, sê buitelandse betrokkenheid, veral van die Al-Kaida, kan nie uitgesluit word nie.

Swart Amerikaners is ook ‘Negers’

Die Amerikaanse sensusburo het uitgebreide navorsing gedoen om die vraelys vir 2010 so goed as moontlik op te stel sodat die invullers behoorlike data oor ras en etnisiteit kan terugstuur.

Desnieteenstaande het lastige probleme reeds opgeduik, soos PRAAG vroeër berig het.

Veral Latyns-Amerikaanse inwoners is nie seker aan watter ras hulle behoort nie.

Shelley Lowe, ‘n sensuswoordvoerder sê ras en etnisiteit is twee vreemde begripe vir sekere mense en “hulle vind dit moeilik om te verstaan”.

Die Latyns-Amerikaanse gemeenskap stuur nie die vorms terug nie, en sensuswerkers moet van huis na huis gaan om die inligting te versamel.

In sulke gebiede moet die owerhede ses keer soveel sensuspersoneel ontplooi as in wit gebiede om data te versamel.

In die navorsing wat die sensusburo gedoen het voordat die vorms opgestel is, het hulle bevind dat ras en etnisiteit nie geredelik van mekaar te onderskei is vir Latyns-Amerikaanse inwoners nie.

Nogtans het Latyns-Amerikaanse organisasies aangedring op verskeie vrae oor die kwessie en nie ‘n enkele vraag nie.

Lowe sê die spesifieke bewoording is meermale getoets. Dit is byvoorbeeld waarom die woord “Neger” saam met “Swart” en “Afro-Amerikaans” verskyn.

Volgens Lowe verkies swartes dit steeds om “Neger” self in te vul by die twee bogenoemde terms.

“Die woord vind aanklank by sekere mense,” het sy gesê.

Vir die 2010 sensus is verskillende opsies ook gedruk en uitgedeel sodat die sensusburo die koers van terugbesorging en datagehalte kan monitor vir 2020 se opname.

video

Italiaanse sokkerrassisme hardnekkig

Die Italiaanse sokkerliga het toenemend met uitinge van rassevoorkeur by wedstryde van die A-reeks kampioenskap te make.

Italiaanse sokkerowerhede moet ingryp om rassisme die hoof te bied het die AIC, die Italiaanse Sokkervereniging, Maandag gesê nadat swart spelers Clarence Seedorf en Jonathan Zebina die naweek moes deurloop.

AC Milan se swart Surinaamse middelvelder Seedorf is deur ondersteuners van Lazio met aapgeluide gekoggel toe die twee spanne met een doel elk gelykop gespeel het.

Die klub van Rome is met 15 000 euro beboet vir hulle rassistiese gedrag.

AS Roma, nog ‘n Roomse klub, is Saterdag met 25 000 euros beboet vir rassitiese krete van hulle ondersteuners nadat hulle Inter-Milan met 2-1 geklop het.

Zebina, ‘n Juventus-speler, het Sondag ná ‘n wedstryd teen Atalanta ‘n hou teen die agterkant van sy nek gekry wat hy aan rassisme toegeskryf het.

Die AIC het Maandag ‘n verklaring uitgereik waarin hulle algehele solidariteit met Seedorf en Zebina uitspreek vir die rassisme wat hulle moes verduur.

“Ons is ferm in die veroordeling van hierdie skaamtelose gedrag en die AIC hoop dat alle elemente in sokker sal saamwerk om konkrete stappe te neem om dié soort onopgevoede gedrag van ‘n gewelddadige minderheid te isoleer en stil te maak ten alle koste.”

Die Franse Zebina het voorheen al gekla oor rassisme. Hy sê hy is deur rassiste uitgelok en het daarom sy middelvinger na sy eie ondersteuners opgehou nadat sy span met 4-1 teen Fulham verloor het in ‘n Europese ligawedstryd vroeër dié maand.

Italiaanse sokker het deurentyd met rassevoorvalle te kampe. Juventus moes verlede seisoen ‘n wedstryd agter geslote stadionhekke speel omdat hulle ondersteuners glo aanstootlike liedjies sing.

games casino online free

Godsdiensoorlog dreig in Nigerië

Die polisie en immigrasie amptenare in Nigerië is op ‘n gereedheidsgrondslag geplaas nadat sms-boodskappe gedreig het dat geweld kan uitbreek, het owerhede gesê.

Adamu Isa Azare, assistent polisie-superintendent, het gesê oorblywende lede van die sekte Boko Haram het gedreig om die regering aan te val nadat godsdiensgeweld onlangs in sentraal-Nigerië uitgebreek het.

Polisiebeamptes in gepantserde voertuie het hul plekke rondom Maiduguri ingeneem waar geweld verlede jaar uitgebreek het en waarin sowat 700 mense gedood is.

Boko Haram – wat “Westerse opvoeding is sonde” beteken – voer ’n Moslemburgeroorlog teen die Christen-suide van Nigerië omdat hulle die sjaria, ‘n streng Islamitiese wet ingestel wil sien.

Lede van dié militante beweging het verlede jaar aan die einde van Julie betoog en polisiestasies sowel as huise aangeval.

игрыдля 7 лет

Senegal onthou slawehandel

Senegal het hulle teen slawehandel en ander misdade teenoor die mensdom uitgespreek en wil in die toekoms fokus op die nagedagtenis daarvan eerder as om finansiële vergoeding na te streef.

Die eerste van miljoene slawe wat vanaf Afrika na die Amerikas geneem is, was vanaf dié Wes-Afrika land afkomstig wat slawehandel Dinsdag amptelik as ‘n misdaad teen die mensdom verklaar het.

Volgens Cheikh Bamba Niang, woordvoerder vir die minister van justisie, sal dié wetgewing nie enige finansiële vergoeding behels nie.

Verskeie veldtogte om vergoeding vir Afrikane en Afro-Amerikaners as gevolg van slawehandel duik gereeld op en veroorsaak heelwat kontroversie.

“Hierdie wet verseker dat ons slawehandel vir ewig sal onthou. Dit is ‘n regterlike reaksie op ‘n historiese feit. Die impak en nagevolge van slawehandel op Afrika kan nooit vergeet word nie,” het Niang gesê.

arabian nights game

Britse koerant berig oor ‘uitwissing van boere’

Die Britse koerant, The Sunday Times, het gister berig oor die “uitwissing van Suid-Afrikaanse boere” en die ANC se volharding in die sing van “vryheidsliedjies” waarin hul ondersteunders tot moord op Boere en Afrikaners aangehits word.

Die koerant noem die syfer van 3000 boere wat sedert 1994 vermoor is.

In leserskommentaar by die berig op die koerant se webblad word parallelle getref tussen Zimbabwe en Suid-Afrika, met menige leser wat voorspel dat die land uiteindelik dieselfde verwoesting en hongersnood as sy noordelike buurman tegemoet gaan.

online casino no

Twee bomontploffings ruk Moskou

Twee bomaanvalle, veertig minute uitmekaar, het Maandagoggend Moskou se ondergrondse treinstelsel geruk.

Minstens 37 mense is dood tydens die twee ontploffings wat gedurende oggendspitsverkeer plaasgevind het.

Die eerste aanval het ‘n trein in sentrale Moskou se simboliese Lubjanka-moltreinstasie getref. Die Lubjanka-voorstad is die setel van die Russsiese geheimediens.

‘n Tweede ontploffing het daarna die Park Kultury-stasie, waar museums en kunsgallerye onder meer is, ontwrig.

Veertien passasiers in die trein by die Lubyanka-stasie is dood en 11 ander, wat op die platform gewag het, is ook noodlottig beseer.

Die aanval by die Park Kultury-stasie het die lewens van 12 passasiers geëis.

Daar is gerugte dat terroriste dié aanval geloods het, omdat Moslemekstremiste voorheen aanvalle in Moskou uitgevoer het met die aanbreek van lente.

Фильчаков

Eiland weg!

Twee honde baklei oor ‘n been, en die derde loop daarmee weg. Of in die praktyk, twee lande stamp koppe oor die besitreg van ‘n eiland, maar dan sluk die see die eiland in.

SAPA berig Indië en Bangladesj was dertig jaar lank haas oor wie eintlik die besitreg op New Moore-eiland het, maar nou het Moeder Natuur die geskil vir hulle besleg. Hierdie eiland van sowat 3 Km by 3,5 Km is nou skoonveld, volgens satellietfoto’s.

Wetenskaplikes het daarop gewys dat die watervlak in die Baai van Bengalke jaarliks heelwat styg. Tot die jaar 2000 het dit met 3 mm per jaar gestyg, maar sedertdien met 5 mm per jaar. Ander bronne dui aan dat die styging in seevlak al in die 90’s 7 mm per jaar beloop het.

Dis nie die eerste eiland wat deur die see ingesluk is nie. In 1996 het die nabygeleë Lohachara letterlik ondergegaan en moes die inwoners na die vasteland verhuis.

Die vasteland self blyk maar ‘n onsekere affêre te wees, met voorspellings dat 18 % van die land se kusgebiede teen 2050 onder water sal wees, en 20 miljoen mense sou moes skuif.

Hoewel die meeste bronne die oorsaak vir Bangadesh se sinkende kusgebiede by aardverwarming soek, dui omsigtiger studies ook ander redes aan.

Hieronder wys van die navorsers daarop dat heelwat deltagebiede, en dus ook dié van Bangadesj, jaarliks tonne materiaal afvoer wat ‘n bykomende druk op die aardkors plaas, wat die aardkors laat sink. Gebeur dit vinniger as wat nuwe materiaal bo afgeset word, daal die omgewing. In die geval van Bangladesj is baie van die afgesette materiaal organies, wat verweer, terwyl die bykomende gewig van lae in ieder geval kompakterend inwerk.

пупсы купить прокурор Фильчаков

Nuwe mensspesie ontdek

‘n Nuwe mensspesie is in Rusland ontdek nadat DNS-toetse op ‘n vingerbeen gedoen is.

Die been is in Siberië opgegrawe, het wetenskaplikes in Duitsland Woensdag gesê.

Die mens, wat omtrent 30 000 jaar gelede geleef het, het nie aan die Homo sapiens-spesie behoort nie – die enigste vorm van menslike lewe vandag.

Die persoon was ook nie ‘n Neanderdalmens, ‘n spesie wat 35 000 jaar terug uitgesterf het, nie.

Die Max Planck-instituut vir evolusionêre antropologie in Leipzig het die ontdekking gemaak, wat in Donderdag se wetenskapsjoernaal Nature verskyn.

Die bevinding versterk die moontlikheid dat daar nóg ‘n emigrasie van voorouers uit Afrika was, waar alle Homo-spesies se wortels lê.

Wetenskaplikes het voorheen geglo dat slegs Homo sapiens, Neanderdalmense en Homo erectus (’n voorsaat van die moderne mens) dié langafstand hervestiging kon maak.

slot sites uk

Gorillas toenemend bedreig

‘n Vorige studie wat in 2002 voltooi is het getoon dat slegs 10% van die gorilla-bevolking teen 2030 nog sal leef.

Maar volgens die skrywer van die nuutste verslag wil dit blyk of dié syfers nog meer sal afneem.

“Ons vrees nou dat gorillas binne die volgende 15 jaar in meeste dele heeltemal uitgewis sal wees,” het Christian Nelleman, van die VN se omgewingsprogram, gesê.

Die skielike toename in onwettige bos- en mynbou is ook besig om die gorillas se natuurlike habitat uit te wis.

Die verslag getiteld; “The Last Stand of The Gorilla” het getoon dat dit moeilik is om die gorillas te beskerm omdat heelwat rebelle-groepe in hierdie gebied bedrywig is.

Die dodelike ebola-virus en die toename in die menslike bevolking hou ook ‘n gevaar vir die gorillas in.

Лобановский