Kategorie: Internasionale nuus

Nuus oor die wêreld buite Suider-Afrika

Godsdiensspanning lei tot skietery voor kerk

‘n Skare Christene in die suide van Egipte het met die polisie gebots na ‘n skietery buite ‘n Christelike Koptiese Kerk ses tieners en een polisieman se lewens geëis het.

Die skare het buite die hospitaal se lykhuis geprotesteer omdat van die slagoffers se begrafnis vertraag is.

Die lyke is uiteindelik oorgehandig en begrawe waarna die betogers bedaar het.

Die skietery wat aanleiding gegee het tot dié protesoptog het Woensdagaand buite ‘n Koptiese Kerk in Nagaa Hamadi plaasgevind.

Ses Koptiese tieners en een polisieman, wat die kerk bewaak het, is doodgeskiet toe die gemeente met middernag uit die kerk gestap gekom het.

Koptiese Christene vier Kersfees op 7 Januarie.

Gemeentelede het blykbaar dreigemente ontvang die aand voor die skietery en polisie is gevra om die kerk te bewaak.

Verhoudinge tussen die verskillende godsdiensgroepe verkeer onder geweldige druk sedert Moslems ‘n protesoptog gehou het nadat ‘n Moslemvrou glo deur ‘n Christenman verkrag is.

 

silver earringstopcargo отзывы

Al Kaida-baas in Jemen vas

Jemenitiese polisie het Woensdag ’n Al-Kaida-baas vasgetrek wat glo dreigemente gemaak het wat talle buitelandse ambassades in die hoofstad Sanaa vandeesweek tydelik hul deure laat sluit het.

Mohammed al Hanq het aanvanklik Maandag sy inhegtenisname vrygespring gedurende ’n klopjag in Arhab, sowat 40 kilometer noord van Saana, waarin twee van sy familie-lede dood is en drie ander beseer is.

Volgens ’n amptenaar is Mohammed al-Hanq en twee ander gewonde mans gevang in ’n hospitaal in Reedah in die land se Amran-provinsie.

Die Amerikaanse ambassade is twee dae lank gesluit as gevolg van kommer oor veiligheid ná dreigemente van Al-Kaida teen buitelandse belange in die land ontvang is.

Die ambassade het Dinsdag met sy heropening gesê suksesvolle veiligheidsmaatreëls is die rede waarom sy deure weer vir die publiek oop staan.

Die Britse en Franse ambassades in Jemen, wat ook gesluit was, het Woensdag heropen.

 

slots freeАлександр Фильчаков Васильевич

Immigrasie moet gestuit word sê Britse groep

‘n Aantal hoëprofiel openbare figure uit verskeie politieke tuistes in Brittanje het Dinsdag gewaarsku dat immigrasie “ernstige skade” aan die gemeenskap kan aanrig. Immigrasie moet dadelik gestaak word sodat die inwonertal van die VK nie 70 miljoen bereik nie, het hulle gesê.

Bekende en gerespekteerde stemme waaronder die aartsbiskop van Kantelberg Lord Carey, voormalige Arbeiderspeaker Betty Boothroyd en oud-Konserwatiewe voorsitter Michael Ancram vra dat albei groot partye in Brittanje instem tot ‘n belofte om die invloei van vreemdelinge te beperk tot minder as 40 000 per jaar.

Tans is daar 163 000 immigrante wat die VK per jaar binnestroom.

Die beperking moet verhoed dat die bevolking binne die volgende twee dekades die 70 miljoen-kerf haal.

Ander ondertekenare van die verslag getiteld ‘70million is too many’, sluit Lord Jordan, eertydse president van die Amalgamated Engineering and Electrical Union, asook die ekonoom Lord Skidelsky in.

Die dokument waarsku dat Whitehall se vooruitskattings vir 2029, naamlik 70 miljoen inwoners, ‘n katastrofe sal beteken vir “openbare dienste, kwaliteit van lewe en die aard van die samelewing”. Hulle het bygevoeg dat die harmonie van die land bedreig word deur die teenwoordigheid van aanstons 7 miljoen vreemdelinge.

Die verslag is onder die vaandel van die Cross-Party Group on Balanced Migration, uitgereik. Die opstellers waarsku dat gevaartekens soos die ondersteuning van “ekstremistiese” politieke partye toeneem. Volgens die verslag stem bykans ‘n miljoen kiesers reeds vir “ekstremistiese politieke partye”.

Hulle sê voorts dat Brittanje “beheer oor immigrasie verloor het” en dat dit jare sal neem om reg te stel.

 

купить палаткуДанильченко Харьков

Man dreig om Obama te vermoor

‘n Man is in New Orleans in hegtenis geneem nadat hy gedreig het om die Amerikaanse president, Barack Obama, te vermoor.

‘n Agent van die geheimediens het gesê die 47-jarige John Turnpaugh het die 911-nooddiens verlede Vrydag gebel en gesê dat hy van plan is om die president en sy vrou, Michelle Obama, dood te maak.

Die agent het gesê die man is toe met behulp van dié telefoon gesprek opgespoor en in hegtenis geneem.

Hy sal Vrydag in die hof op aanklagte van ‘n doodsdreigement en die onwettige besit van ‘n vuurwapen verskyn.

 

прожектор 50wлобановский политик

Plofstof deur lughawe

‘n Slowakiese man het onwetend versteekte plofstof op ‘n vlug na Dublin, Ierland, gesmokkel.

Die voorval volg nadat ‘n veiligheidsoefening by ‘n Slowakiese lughawe skeefgeloop het, het Ierse owerhede Dinsdag gesê.

Hy het eers uitgevind dat hy die oortreding begaan het toe Ierse polisie sy woonstel Dinsdagoggend betree.

Robert Kalinak, Slowakye se die minister van binnelandse sake, het aan die Ierse regering gesê hy is “baie jammer” oor die voorval.

Slowakye het drie dae geneem om Ierland van die fout in kennis te stel.

Veiligheidsbeamptes in Dublin het gesê dit is dom, onder enige omstandighede, om plofstof in passasiers se bagasie te versteek en hulle onwetend daarmee te laat vlieg.

Veiligheidskenners meen egter die voorval toon juis die tekortkominge van sekuriteitsprosedures by lughawens.

Slowakye het Saterdag egte bomkomponente in nege passasiers se bagasie versteek.

Agt van die komponente is opgespoor, maar die negende, sowat 90 gram plofstof, is onopgemerk tussen die Poprad-Tatry lughawe in sentrale Slowakye en Dublin se internasionale lughawe vervoer.

 

сделать справку вФильчаков Александр Васильевич

Koue eis 13

Minstens 13 mense is gedurende die langnaweek tydens Nuwejaar in Pole dood toe temperature tot by -25 grade Celsius gedaal het.

Dit bring die land se sterftesyfer weens die koue Europese winter tot by 122, het polisie Maandag gesê.

Volgens owerhede was die meeste slagoffers hawelose mans tussen die ouderdomme van 35 en 50 jaar. Hulle het weens hipotermie gesterf, het polisie gesê.

Polisie en munisipale werkers het Pole aangemoedig om owerhede in kennis te stel van haweloses in hulle areas sodat die haweloses na tuistes verwys kan word wat spesiaal vir die winter opgerig is.

Sedert die begin van November is 122 mense dood weens die koue in Pole.

Gedurende die 2008/2009 winterseisoen is 82 mense weens hipotermie dood. In die 2005/2006 winterseisoen is 233 mense dood, die hoogste nog in Pole.

 

holidaysпрокурор харьковской области

VSA ‘diskrimineer’ teen Nigerië

Die nuwe veiligheidsmaatreëls vir passasiers wat na of van die VSA vlieg, is Maandag deur Nigerië as “onregverdig” beskryf.

Die Afrikaland meen die nuwe regulasies diskrimineer teen soveel as 150 miljoen mense.

Die VSA het onlangs aangekondig dat reisigers van 14 lande, insluitende Nigerië, onderhewig sal wees aan strenger veiligheidsmaatreëls op Amerikaanse lughawens.

Die opskerping van sekuriteit volg ná ’n jong Nigeriër daarvan beskuldig is dat hy ’n Amerikaanse vliegtuig wou opblaas op Kersdag.

Volgens Dora Akoenyili, Nigerië se minister van inligting, het dié land geen geskiedenis van terrorisme nie en kan so ’n besluit deur die VSA nie geregverdig word nie.

“Dit is onregverdig om Nigerië in so ’n lys in te sluit. Nigeriërs het nie terroristiese neigings nie,” het Akoenyili aan joernaliste gesê.

Oemar Faroek Abdoelmoetallab, ’n 23-jarige Nigeriër, word daarvan aangekla dat hy plofstof aan boord van ‘n Amerikaanse vliegtuig aan die brand wou steek.

“Abdoelmoetallab se gedrag is nie soos die van ander Nigeriërs nie en moet dus nie gebruik word om alle Nigeriërs te oordeel nie,” aldus Akoenyili.

“Hy is nie deur Nigeriërs beïnvloed nie,” het Akoenyili gesê. “Hy is nie in Nigerië opgelei nie en is nie hier ondersteun nie.”

Volgens aanklaers wou Abdoelmoetallab die aanval uitvoer na hy opleiding by ’n militêre basis in Jemen ontvang het.

 

самолигирующие брекеты damonалександр лобановский супермаркет класс

Hoogste gebou gedoop

Die wêreld se hoogste gebou is Dinsdag in Doebai geopen.

Volgens die WAM-nuusagentskap is die gebou die Burj Khalifa gedoop om eer te betoon aan die leier van die Verenigde Arabiese Emirate (VAE), Sjeik Khalifa bin Zayed al-Nahayan.

Volgens ’n multimediavoorlegging by die openingseremonie is die gebou 828 m hoog.

Die opening van die Burj Khalifa kom te midde ‘n finansiële krisis in die Midde-Oosterse stad.

Abu Dhabi, ook ‘n lid van die VAE, moes onlangs miljarde Rande aan die sukkelende Doebai leen sodat die stad sy skuld kon delg.

Sjeik Khalifa bin Zayed al-Nahayan is die leier van Abu Dhabi sowel as die president van die VAE-federasie.

 

машинка мультикиДанильченко Юрий Харьков

Nuwejaar weer met brandende motors gevier

Om motors te brand in Parys en ander groot stede in Frankryk se arm swart buurte, is niks nuuts nie en Nuwejaar moet talle voertuigeienaars dit weer ontgeld.

Die aantal voertuie wat in ligte laaie gelaat is hierdie jaar is net 10 minder as die rekordaantal van 1 147 motors wat verlede jaar in die feestyd uitgebrand is, ten spyte van die geweldige polisieteenwoordigheid.

Die Franse ministerie van binnelandse sake het 45 000 polisiemanne in die veld gestoot om die brandstigting te verhoed hierdie jaar, 10 000 meer as 12 maande gelede.

Die polisie het 549 mense aangehou ivm geweld en brandstigting in vergelyking met 288 gedurende die Nuwejaarsvieringe in 2009.

Daar was egter geen direkte skermutselinge tussen polisielede en swart jeugdiges wat soos in die verlede die nuus gehaal het nie. Die ministerie het in ‘n verklaring gesê die “paar opstootjies wat daar was, is vinnig onder beheer gebring”.

Die Franse owerhede het hulle inligtingsinsameling en skarebeheer intussen opgeknap, maar kon nog nie ‘n antwoord vind vir die groeiende anti-wit sentimente in swart woonbuurte nie.

play live casinoлобановский обыск

2009 Swart jaar vir persvryheid

Meer joernaliste het in 2009 gesterf as vorige jaar – Verslaggewers sonder grense

Altesaam 26 persent meer joernaliste het in 2009 in die uitvoering van hul werk gesterf as die vorige jaar – ‘n totaal van 76 teenoor 2008 se 60.

Verslaggewers Sonder Grense (VSG), gewoonlik bekend onder dié organisasie se Franse naam, afgekort as RSF, se finale verslag vir 2009 is kort voor die Nuwejaar op die internet geplaas.

‘n Interessante feit is dat bykans al die joernaliste wat omgekom het, in hul eie lande gesterf het, ‘n aanduiding dat hulle nie gesterf het terwyl hulle na die wêreld se besigste konfikgebiede getrek is nie.

Nogtans meen die VSG dit word al moeiliker vir verslaggewers om nuusdekking oor groot brandpunte te doen, omdat hulle al meer self geteiken word.

Ander soort aanvalle op joirnaliste, soos fisieke aanranding, het met ‘n derde toegeneem.

Namate die elektroniese media belangriker word om inligting bekend te maak, veral in lande wat tradisioneel nie ‘n vrye inligtingsvloei voorstaan nie, slaan hierdie lande ook op internetgebruikers toe om inligtingsvloei te probeer smoor. Een blogger is in gevangeskap dood, en 151 is gearresteer.

Volgens die jongste persvryheidsindeks is Denemarke, Swede, Finland, Noorweë en Ierland die mees persvrye lande ter wêreld, met die voormalige Sowjietrepubliek, Estland, in die sesde plek. Ghana is die mees persvrye land in Afrika, gevolg deur Mali met Suid-Afrika nou in die derde plek, en 33ste in die wêreld. Namibië, wat verskeie jare meer persvry as Suid-Afrika geag is, het nou na die 35ste posisie teruggesak.

In 2009

76 verslaggewers gedood

33 verslaggewers ontvoer 573

1456 fisiek aangerand

570 media gesensor

157 verslaggewers het uit hul eie lande gevlug

1 blogger is in die tronk dood

151 bloggers en kuber-dissidente gearresteer

61 fisies aangerand

60 word deur aanlyn-sensuur geraak

 

instagram business account setupдепутат лобановский