Slegs op PRAAG. Hier kry u 'n omvattende beeld van alle nuusgebeure rondom Afrikaans en Afrikaners, die enigste volksnuusblad op die web!
Dr. Frederik van Zyl Slabbert, die liberale politikus en meningsvormer, is tot die nuwe kanselier van Stellenbosch-universiteit verkies.
Die ander kandidaat vir die pos was mnr. Ton Vosloo, die voorsitter van Naspers.
Die voorsitter van die kieskollege en huidige rektor van die US, prof. Russel Botman, het laat blyk dat daar geen debat gevoer is oor die ras van die kandidate nie. Daar was net een beswaar dat albei blanke mans was.
Die vorige kanselier van Stellenbosch was 'n vrou, prof. Elize Botha, wat op 16 November verlede jaar oorlede is.
Die Vryheidsfront Plus het gesê dat drastiese stappe dringend geneem moet word om die Pretoriase stadsraad (tans bekend as Tshwane-metroraad) te dwing om die swak dienslewering by lisensiekantore te verbeter. Die party word oorval deur klagtes van ontstoke inwoners wat dikwels vir meer as sewe ure in toue moet staan en dan teen 15:00 weggewys word omdat die kantore sluit. Veral die lisensiekantore in Centurion en Silverton (Waltloo) se toestande is haglik.
Volgens mnr. Conrad Beyers, VF Plus-raadslid, is dit 'n skande dat wetsgehoorsame burgers op hierdie wyse gestraf word omdat hulle die wet nakom.
"Dit is tyd dat inwoners hulle stemme dik maak hieroor. Drastiese stappe, wat regsaksie kan insluit, is nodig om die ANC tot sy sinne te roep hieroor en die VF Plus sal hulle hierin bystaan. 'n Mens staan selfs langer tou by die metroraad se lisensiekantore as wat Zimbabwiërs moet toustaan om brood te koop", het Beyers gesê.
Volgens die VF Plus behoort geen inwoner langer as 15 minute in 'n ry te staan nie. Om mense te dwing om meer as 7 ure in 'n ry te staan en hulle dan weg te wys, grens aan die kriminele.
Ander klagtes sluit die volgende in:
"'n Swak stadsraad soos hierdie moet deur die kiesers verwerp word. Daarom is dit moeilik om te verstaan waarom soveel inwoners telkens weer vir die ANC stem in verkiesings. Dit lyk asof sommige burgers al hoe meer tuis voel hoe slegter dit gaan", het Beyers bygevoeg.
Steve Hofmeyr is al gesond genoeg om foto's van sy operasiesny op sy persoonlike webjoernaal te plaas en het glo al uit sy
hospitaalbed opgestaan en trappe geklim. Die gewilde sanger moes drie dae gelede 'n noodoperasie op sy dikderm ondergaan.
Hy ontvang steeds binne-aarse voeding, maar kon al jellie en sop eet.
Intussen is al Hofmeyr se konserte uitgestel, maar nie afgestel nie. Daar is egter geen aanduiding wanneer hy weer sy normale program sal kan hervat nie.
Joost van der Westhuizen, die voormalige Springbok- en Bloubulkaptein, is verhoed om sy seun te sien sokker speel by die Dainfern-gholflandgoed in Johannesburg.
Nadat hy met veiligheidswagte geargumenteer het, het Van der Westhuizen persoonlik die valhek opgelig, wat amper tot sy inhegtenisname deur die polisie gelei het. Aangesien die valhek beskadig is, het die landgoed R15000 as skadevergoeding van hom geëis wat hy onmiddellik betaal het.
Veiligheidspersoneel wou sy bestuurderslisensie sien, maar hy het slegs sy ID-boekie by hom gehad, wat onaanvaarbaar was. Sy bestuurderslisensie was by sy vrou Amor binne Dainfern maar die veiligheidswagte het geweier om hom toe te laat om dit te gaan haal, selfs al word hy deur hulle vergesel.
Die Universiteit van die Vrystaat het nog geen besluit oor die toekoms van die manskoshuis bekend as Reitz-kamerwonings geneem nie, het ‘n universiteitswoordvoerder gister gesê.
Lacea Loader het gesê dat mediaberigte gister die indruk geskep het dat die UVS die besluit geneem het om Reitz nie te sluit nie, maar dit is nie korrek nie.
Die Bond van oud-Reitz-manne het oor die naweek in Bloemfontein vergader om die die moontlike sluiting van die koshuis te bespreek. Volgens Loader het dié groep soos baie ander aanbevelings gedoen en sal dit versigtig bestudeer word.
Haar man Willem het haar bebloede lyk in hul bloedbesmeerde huis gevind nadat hy werkers by ‘n nabygeleë winkel gaan aflaai het. Volgens hom was dit ‘n sinlose moord aangesien die moordenaars net sy rewolwer geneem het.
Toe hy sy vrou agtergelaat het, was sy besig om ‘n Soduko-probleem by die kombuistafel in te vul. ‘n huishulp en ‘n plaaswerker word sedert die moord vermis.
Naspers het aangedui dat die ooreenkoms van sekere voorwaardes afhang. Forthnet, die telekommaatskappy, sal genoeg kapitaal moet leen en aandeelhouers sal ‘n aandeleuitgif moet aanvaar wat die transaksie ten dele sal finansier.
Naspers het verskeie ondernemings in Afrika en het aandele in maatskappye in China, Brasilië en Rusland. Hulle wil graag hulle internet en elektroniese belange uitbou.
Dan Roodt (regs) van PRAAG was Woensdagaand 9 April om 21:00 die gas van Deon Maas (links) op sy RSG-radioprogram "Maas met mening".
Volgens die leier van die Vryheidsfront Plus se jeugtak, Cornelius Jansen van Rensburg, behoort swart-op-wit rassisme erken te word.
Van Rensburg het dié stelling gemaak na samesprekings met die minister van onderwys, Naledi Pandor, in Pretoria. Rassisme op universiteit, die status van Afrikaans en die voorgestelde skole-eed is van die onderwerpe wat bespreek is.
Die Vryheidsfront Plus is veral bekommerd oor die samestelling van ‘n ministeriële komitee wat diskriminasie en rassisme op kampusse moet ondersoek.
Omdat daar geen Afrikaners op die komitee is nie, kom die legitimiteit en objektiwiteit van die komitee in die gedrang, het Van Rensburg gesê.
Toe Nortman desperaat na haar seun Dennis roep wat nie eens in die huis was nie, het die aanvallers gevlug, maar tog ‘n pistool en ‘n selfoon saamgeneem.
Sy is steeds erg deur die voorval getraumatiseer.
Vrystaat Landbou dreig die regering al die afgelope drie jaar met ‘n hofgeding.
Landbougrond langs die grens is niks meer werd nie omdat wetteloosheid bly heers.
Die organisasie het sy regsmense opdrag gegee om voort te gaan om hofstukke teen nege staatsdepartemente op te stel in ‘n poging om ‘n gesonde samelewing te herskep.
Die groep toeriste het die krete gehoor terwyl hulle self beroof is nadat hulle bussie naby Graskop onklaar geraak het.
Volgens mnr. Cor Cross van die Ohrigstadse boerevereniging gaan hulle hul soektog na mev. Botha konsentreer op die Graskopgebied.
Volgens ‘n woordvoerder van die polisie, Armand de Beer, het die voertuig waarin die 14 toeriste – vanuit Brittanje, Kanada en die VSA – gereis het, naby Graskop gaan staan. Die voertuig wat hul rowers gebruik het, was ‘n silwer Toyota Corolla registrasienommer BMN 559L, Hennielene Botha se motor waarin sy Saterdagnag ontvoer is.
Haar man, Albert, wat saam met haar die Iketla-jagkamp op die plaas besit, was besig om na gaste om te sien toe die voorval plaasgevind het. Afgesien van die ontvoering, het die aanvallers selfone, tjekboeke en bankkaarte gesteel.
Volgens mnr. Cor Cross, ‘n lid van die plaaslike boerevereniging, is Botha omstreeks 22:30 Saterdagnag oorval in haar huis wat omtrent 100 meter van die jagkamp geleë is.
Cross het gesê dat daar geen bloed in die huis gevind is nie. Plaaswerkers het blykbaar die vier verdagtes met mev. Botha sien wegry in haar silwer Toyota Corolla, registrasienommer BMN 559L.
Die boerevereniging het ‘n intensiewe soektog na mev. Botha en haar ontvoerders geloods en ‘n polisiehelikopter is ook ingespan.
Volgens die AB se besturende direkteur, Jan Bosman, “het Suid-Afrikaners niks om op 21 Maart te vier nie aangesien menseregte steeds ná 14 jaar van demokrasie vertrap word.
Hy het gesê dat minderhede aan die ontvangkant van rassisme verkeer wat deur die staat en regering gepleeg word. Dis veral in die ekonomie, sport en die werkplek waar diskriminasie teen minderheidsgroepe plaasvind.
Regeringsbeleid oor rasseaangeleenthede “dra nie konstruktief by tot versoening nie en veroorsaak eerder verdere verdeeldheid in ʼn samelewing wat reeds diep verdeeld is,” het Bosman gesê.
