Kategorie: Suider-Afrika

Die eerste geval van ‘n toeris na Suid-Afrika wat met slenkdalkoors gediagnoseer is, is Dinsdag deur die Wêreld Gesondheidsorganisasie (WGO) bevestig.

Dié gevreesde virus het reeds vyftien mense se lewens in die land geëis.

Sedert die siekte aan die begin van die jaar begin versprei het, is dit by 172 mense landwyd gediagnoseer.

Die Duitse toeris wat met die siekte gediagnoseer is, het landelike gebiede en wildtuine langs die kus in die Oos-Kaap en Wes-Kaap besoek, het die WGO gesê.

Die vrou is vergesel van mense wat ook nou vir die virus ondersoek word.

ANC-president Jacob Zuma en sekretaris-generaal Gwede Mantashe het Maandag in Dar es Salaam, Tanzanië, aangekom om ‘n vergadering van die voormalige bevrydingsbewegings van Suider-Afrika by te woon.
 
Die vergadering, wat byeengeroep is deur Chama Cha Mapinduzi (CCM) van Tanzanië, sluit ook die leiers van FRELIMO van Mosambiek, ZANU-PF in Zimbabwe, SWAPO van Namibië, en die MPLA van Angola in.
 
Die byeenkoms bied ‘n geleentheid om die bande van kameraadskap en solidariteit wat tussen hierdie bewegings gesmee is tydens die stryd teen die “koloniale regerings en apartheid”, te hernu. Volgens die ANC is mense van Suid-Afrika dankbaarheid aan die partye, wat materiaal en politieke ondersteuning gedurende die bevrydingstryd verskaf het, verskuldig.
 
Die byeenkoms bied ‘n geleentheid vir die partye om hulle sienings en ervarings oor die uitdagings van ekonomiese en maatskaplike ontwikkeling in hul onderskeie lande uit te ruil.
 
Dit sal ook fokus op die uitdagings wat die voormalige bevrydingsbewegings na die bereiking van onafhanklikheid en demokratiese regering. Die vergadering sal kyk hoe die partye saam kan werk om hul onderskeie organisasies te versterk.

Hoofde van die onderskeie bevrydingsbewegings asook hoofde van politieke partye sal by die geleentheid ontmoet.

Vyf betogers is deur die polisie beseer toe daar Dinsdag in Bloemfontein teen honderde Samwu-lede opgetree is. Verskeie polisievoertuie asook dié van inwoners is beskadig.

‘n Waterkanon, skokgranate en rubberkoeëls is voor die Mangaung-munisipaliteit in die stad ingespan om die oproerige Samwu-werkers in geel 2010-hemde uiteen te jaag.

Dié jongste diensleweringsopstand spruit voort uit beweerde wanbestuur en bedrog deur die munisipale bestuurder.

Die vakbondlede eis die bedanking van stadsbestuurder Sandile Msibi, en die uitvoerende direkteur: korporatiewe dienste,  Amos Go-liath en het ’n griefskrif aan die uitvoerende burgemeester, Playfair Morule, oorhandig.

Die stakers, wat uiteindelik voor die Bram Fischer-gebou verwilder is, vra dat Msibi en Goliath onmiddellik geskors word. Msibi se lewe word glo ook bedreig.

Wanorde het het geheers toe die betogers brande begin stig het. Die polisie het gewaarsku dat die vure geblus moet word en daarna met ’n waterkanon inbeweeg.

Woedende lede het in reaksie op die waterkanon die polisie met bakstene gegooi en die polisie moes op hulle beurt met skokgranate en rubberkoeëls antwoord.

“Die gemeenskap van Wesmoot Pretoria gaan nie meer waarsku oor misdaad nie maar met alle erns begin optree.”  So sê mnr Philip van Staden, VF Plus bestuurslid van Wesmoot, na die moord op ‘n inwoner van Booysens.

Mnr Freitas is volgens inligting erg aangerand en sy lyk is gevind nadat sy bure onraad vermoed en alarm gemaak het.  Volgens die SAPD het die bure die polisie gekontak nadat hulle onraad vermoed het omdat mnr Freitas se hek en deure gisteraand nog oopgestaan het en geen ligte in die huis aangeskakel was nie.

Van Staden het die gemeenskap gemaan om paraat te wees en seker te maak dat hulle deure bedags en snags gesluit is. Indien enige onraad vermoed word moet die SAPD of die bestaande Sektor-polisiërings dadelik gekontak word. Van Staden wys daarop dat hierdie moord die tweede aanslag binne drie dae in die gemeenskap is en dat dit nie meer langer geduld gaan word nie.

“Die dae van praat en waarsku is verby. Die gemeenskap moet nou self mede-verantwoordelikheid vir sy veilgheid neem en misdadigers gaan moet bontstaan”.

“Die ANC het nie vir Peter Mokaba doodgemaak nie, het hy voortgegaan om ‘n leier op die politieke kaart van die land te wees. Ons moet nie die jeug tot kalmte maan maan nie. Ons wil die militantheid en lewenskragtigheid hê, dit alles moet daar wees nie,” het hy gesê.

Mthethwa, ‘n lid van die ANC se nasionale uitvoerende komitee, het gepraat op die vooraand van die ANC-jeugliga president Julius Malema, se dissiplinêre verhoor, wat Maandag begin het.

Malema word beskuldig daarvan dat hy die ANC in diskrediet gebring het en van wangedrag omdat hy die die ANC se beleid verontagsaam het.

Mthethwa het egter ontken dat sy kommentaar bedoel is om Malema, wat nie by name genoem is tydens sy toespraak nie, te verdedig.

Hy het gesê hy verwys na die aard van die ANC, wat nooit deur “inskiklik” leiers gelei is nie.

“Mense moet gebou word, nie vernietig nie. Die belangrikste ding is dat wanneer daar ‘n oorlog te voer is in ‘n revolusionêre situasie, moet die jeug aan die voorpunt van die situasie wees. Nelson Mandela was uiters militant tot die mate dat hy buite orde opgetree het. Resha was militant tot op die punt dat hy oproepe gedoen het om mense te vermoor.

“Jong mense moet binne grense optree, maar nie soos stomp voorwerpe. Ons sou nie hier gewees het as Mandela vernietig was nie. Ek verdedig niemand nie,” sê Mthethwa.

Hy het ook die geleentheid gebruik om die militarisering van die polisie te verdedig, en gesê die regering wou ‘n “strenger” standpunt oor misdaad inneem.

Hy het bygevoeg dat die polisie misdaad wil bekamp binne die grense van die wet.

“Ons het in ons benadering tot polisiëring gebalanseerde optrede beklemtoon sodat daar ‘n groter verantwoordelikheid en burgerlike oorsig van die polisie kan wees,” het hy gesê.

Die motief agter die moord op die omstrede Teazers-eienaar Lolly Jackson is nog nie bekend, het die Gauteng polisie Dinsdagoggend gesê.

“Ons weet nie wat die motief is op hierdie stadium …. en ja ons kan bevestig dat die slagoffer Lolly Jackson is,” het woordvoerder Kolonel Euguene Opperman gesê. Hy kon nie sê of enige besittings geneem is nie.

“Dit is moeilik om te sê of daar iets geneem is uit die huis, en of hy [Jackson] alleen was dten tye … Ek kan dit net nie antwoord nie,” het Opperman gesê.

Die ontkleeklubbaas is in Kempton Park, oos van Johannesburg, Maandagaand in ‘n koeëlreën neergevel.

Ekurhuleni polisiewoordvoerder, Sersant Madumo Tsholofele het gesê Jackson het 15 skietwonde opgedoen en dat die misdaad plaasgevind het by sy vriend se huis.

Polisie was op die toneel in die vroeë oggendure van Dinsdag en teen 5:30, het Opperman gesê het geen arrestasies nog plaasgevind nie.

Die polisie is ingelig oor die misdaad nadat ‘n man wat beweer het dat hy die skut was, gebel het.

“Ons kan nie sê of hy [die moordenaar], uit die dieselfde huis gebel het nie, maar dit sal uitkom tydens die ondersoek.

“Polisie het die oproep ontvang en daarna na die perseel gegaan en gevind dat die huis gesluit was. Beamptes het die eienaar van die onderneming gelas om te kom en die perseel oop te sluit,” sê Opperman. 

Die liggaam is in ‘n plas bloed gevind.

Die moordenaar het van die toneel gevlug in die Jeep Cherokee van Jackson.

“Die Christen-Demokratiese Party (CDP) het met kommer kennis geneem van die aantal regeringshoofde met wie Suid-Afrika noue bande handhaaf, wat op Verslaggewers sonder Grense se lys van media-muishonde voorkom.

“Dit sluit die leiers van Swaziland, Zimbabwe, Rwanada, Kuba en Tunisië in,” sê ds. Theunis Botha, leier van die CDP.

“Omdat julle wit is en vryheidsliedjies sing,” was die polisie se verklaring nadat hulle ‘n oormag swaar gewapende swart polisiemanne in ’n Afrikaanse kroeg losgelaat het, vroue gemolesteer het, besittings gesteel het en rassistiese aanmerkings teenoor die oorblufte gaste geuiter het.

Selfs die sanger MD Greyling, wat die aand in Le Cafe Des Sports in Ellisras opgetree het, is deursoek.

“Dit is nie asof ek ’n vuurwapen of dwelms aan my gehad het nie. Ek het maar net gesing.”

Die Afrikaners  wat verlede Vrydagnag in die kroeg deur die polisie vasgekeer is, het gereageer deur Die Stem uit volle bors te sing. Later het De la Rey opgeklink.

Nog een van die vrouegaste het ’n klag van aanranding teen die polisie gelê. Verskeie vroue het ook diefstalklagtes gelê.

Oogetuies sê die polisie was duidelik op soek na konflik.