Die Suid-Afrikaanse Bankrisiko Inligtingsentrum (SABRIC) het aangekondig dat terwyl kaartbedrog in 2015 met 28% gedaal het, het die bankbedryf steeds ‘n verlies van R252.2-miljoen gely.
Versekeringsmaatskappye waarsku verbruikers om op hul hoede te wees vir kaartleestoestelle en mikrokamera’s wat deur boewe ingespan word.
Waaksame verbruikers wat ander te maklik vertrou, lei dikwels tot booswigte wat voordeel geniet.
SABRIC se wenke lui as volg:
• Hou ten alle tye ‘n ogie op jou kaart.
• Moet nooit vir iemand sê wat jou PIN is nie.
• Moenie jou kaart en jou PIN bymekaar bêre nie.
• Vermy swak-verligte OTMs.
• Sleutel slegs jou PIN in wanneer die masjien dit versoek.
• Maak seker dat niemand jou dophou terwyl jy jou PIN insleutel nie.
• Staan naby aan die OTM en maak seker dat omstanders nie jou hand kan sien terwyl jy die PIN insleutel nie.
• Maak seker dat jy jou hand oor die kaartgleuf hou om te verseker dat niemand jou kaart kan neem nie.
• Verlaat die OTM dadelik indien jy onveilig voel.
• Moet nooit hulp aanvaar nie – nie eers van ‘n sekuriteitswag nie.
• Moenie toelaat dat iemand jou aandag aftrek terwyl jy ‘n transaksie by ‘n OTM doen nie.
• Maak seker dat die kaart wat jy gebruik jou eie is, beide voor en nadat jy ‘n transaksie afgehandel het.
• Moet nooit jou geld by ‘n OTM tel nie.
• Kanselleer jou kaart onmiddellik wanneer dit verlore, gesteel, beskadig of deur ‘n masjien teruggehou word.
• As een of twee OTMs in ‘n bepaalde area nie werk nie, is dit beter om nie na die naaste OTM in dieselfde area te gaan nie. OTMs word gereeld gesaboteer om slagoffers na ‘n bepaalde OTM te lei. Moenie toelaat dat iemand anders die oproep oor kaartprobleme namens jou maak nie.
Die ANC aan die Oosrand sal Maandag in groot getalle opruk na die Grondwethof teen Janusz Walus se vrylating op parool.
Hulle, sowel as die SAKP, ANC en EFF is heftig gekant teen die beslissing om Walus vry te laat. Die optog word deur die ANC se Ekurhuleni-streek gereël.
Hy sal binnekort vrygelaat word nadat sy appèl teen die weiering van sy parool in die Hooggeregshof in Pretoria geslaag het.
Walus het 23 jaar van sy lewenslange vonnis vir die moord op die voormalige SAKP-leier, Chris Hani, in 1993 uitgedien.
Die voorsitter van die ANC in Ekurhuleni, Mzwandile Masina, sê hulle wil die kwessie van “volledige openbaarmaking van misdade” met die hof opneem.
Hulle eis dat alle ander politieke gevangenes vrygelaat moet word as ‘n gebaar aan Hani.
Die ANC se opmars word aangemoedig en ondersteun deur figure soos ene Ray Hartley, redakteur van die RDM.
Wit vrouestudente aan die Universiteit van Kaapstad het hul verligting uitgespreek oor die inhegtenisneming van ‘n vermeende reeksverkragter.
Die swart 35-jarige verdagte kan met minstens een van vier onlangse verkragtings naby die Rhodes-gedenkteken verbind word.
In die jongste voorval is ‘n vrou verlede Dinsdag verkrag toe sy gaan draf het.
Swart studente wat voorheen betoog het teen die “wit patriargale verkragtingskultuur” by UK, was merkbaar afwesig toe die nuus van die vermeende swart misdadiger se inhegtenisname bekend geraak het.
Die polisiewoordvoerder, André Traut, sê die verdagte wat in hegtenis geneem is, se identiteit kan slegs bekend gemaak word wanneer hy op die aanklagte teen hom gepleit het.
Die swarte is vroeër die naweek in ‘n skuilplek op die hange van Tafelberg in hegtenis geneem nadat die polisie glo die gesteelde selfoon van een van sy slagoffers se sein opgespoor het.
Die vermeende verkragter het voorheen onbeskaamd rondgestap op die UK-kampus, ten spyte daarvan dat ‘n intense soektog na hom van stapel gestuur is.
Hy het glo al geruime tyd in die bosse naby gewilde drafroetes by die berugte monument gewoon.
“Hy het op die kampus met ‘n UK T-hemp en ‘n pet rondgeloop,” het ‘n bron na aan die ondersoek aan Weekend Argus gesê.
Die 35-jarige man is in hegtenis geneem in die vroeë oggendure van Saterdagoggend, ná meer as vier maande van desperate pogings om hom vas te trek.
Volgens die polisie se hersamestelling van gebeure by die huis op ‘n kleinhoewe in Randfontein waar Kennith McCormick (42) se gesin wreedaardig uitgemoor is, het klein Kayla Meyer (9) gepoog om te gaan wegkruip toe sy deur die moordenaars gevang is. Hulle het die dogtertjie se handjies eers met draad vasgebind, haar gewurg en waarskynlik met ‘n graaf doodgeslaan.
In kommentaar op sosiale media het mense hul skok en afgryse oor die moorde uitgespreek, met die PRAAG-rubriekskrywer J.H. du Toit wat dit as ‘n “kruipende volksmoord” bestempel het. Hy het hom soos volg op ‘n Media24-webblad uitgelaat:
Dit help nie dat Afrikaans op universiteite as rassisties gesien word, maar hierdie moorde wat duidelik deur rassistiese haat gedryf is, word nie as rassisme gebrandmerk nie.
As die ANC en EFF voortgaan met hulle rassistiese veldtog teen die wit minderheid sal hierdie tipe haatmisdaad net toeneem.
Hierdie is deel van ‘n kruipende volksmood.
Op die vermoorde paartjie Kennith McCormack en Marietjie Meyer se Facebookprofiele het ou skoolvriende en familie gister hul verdriet en medelye uitgespreek. Marietjie Meyer (45) was ‘n oudleerling van die Hoër Volkskool Heidelberg. Robert Sutadi Horneman skryf op Facebook:
Marietjie “Blackie” Meyer saam met ons in tagtigsmatriek 1988-matriek eind-1987-koshuis is wreed vermoor deur julle weet wie saam met haar dogterjie van 9, haar verloofde en skoonpa. Niks gesteel nie, net doodgeslaan, f** die bliksemse addergebroed.
Anna Sada Wiese skryf ook op Facebook:
Jy was soos ‘n suster vir ons, ek kan dit nog nie glo nie. Ons harte is stukkend, bid vir ons Vader dat hy na julle kyk en vir dié wat dit gedoen het, geen genade het nie. Ons gaan hulle kry, sal nie wegkom nie. Die mense wat dit gedoen het is nie mense nie, hulle is monsters. God slaap nie!!!
Aandoenlike foto’s van die vier vermoordes is steeds op Facebook te sien, soos dié hier bo van Marietjie en Kayla Meyer. Die gesin moes tydens ontbyt deur hul aanvallers oorval gewees het, want Saterdag was vier snye gesmeerde brood en twee koppies koffie nog op die kombuistafel waar hulle klaarblyklik verkeer het.
Die eienaar van die kleinhoewe in Rodora, Randfontein, wil nie sy naam in die media gepubliseer hê nie uit vrees dat hy geviktimiseer mag word. Hy het egter aan ‘n Sondagkoerant gesê: “Ek weet vir ‘n feit dit was nie ‘n rooftog nie.”
Kennith McCormack (42)
Vanweë die swaar reën wat verlede week aan die Rand uitgesak het, het hy niks van die moorde gesien of gehoor nie. Die laaste keer wat hy vir Kennith McCormack gesien het, was Woensdagaand. Kennith McCormack en Marietjie Meyer het in ‘n tydelike huis op die kleinhoewe gewoon terwyl hulle ‘n houthuis elders op die kleinhoewe met swart arbeid laat bou het. Woensdagaand was Kennith nog op pad na die houthuis om die werkers se daglone te gaan betaal.
Terwyl die moorde waarskynlik Donderdagoggend gepleeg is, het niemand onraad vermoed nie. Die bebloede lyk van Kennith McCormack se vader, Monty (73), is eers Donderdagaand deur ‘n vriend van Kennith op klein Kayla se bed ontdek. Hierna het ‘n soektog na die ander gesinslede gevolg.
Marietjie Meyer het voorheen in die Hartebeespoortdam-omgewing gewoon, iets wat nou nog só op haar Facebookprofiel aangedui word.
‘n Vriend, Tony van der Westhuizen, het die volgende boodskap op haar Facebook gelaat:
Marietjie Meyer, ons sal jou nog lank onthou. Ons gebede is met haar familie en vriende gedurende dié moeilike tyd! Marietjie, haar verloofde, haar 9-jarige meisie en skoonpa is maar net nog syfers op die statistieke van plaasmoorde! Vir my is dit so onwerklik, kan so iets wreeds gebeur met iemand wat ek ken en kan enige mens so wreed wees met ‘n kind?
Die polisie ondersoek steeds die moorde, maar niemand is nog in hegtenis geneem nie.
‘n Swart werker het vermoedelik die wit bestuurder van ‘n vakansieoord buite Naboomspruit (Mookgophong) Sondag ‘n skroewedraaier en hamer aangerand.
Gillian Foster is met ernstige beserings in die Voortrekker-hospitaal in Potgietersrus (Mokopane) opgeneem.
“Sy is in ’n stabiele toestand, maar sy het nog nie haar bewussyn herwin nie. Hou haar asseblief in jul gedagtes en gebede,” het ‘n familielid op Facebook gesê.
‘n Soektog nog na die aanvaller van die Bothania Hills-vakansieoord is geloods, volgens kol. Ronél Otto, polisiewoordvoerder.
Die slagoffer se voertuig is ook gesteel.
Foster werk sedert Desember 2011 by die vakansieoord.
Die hoof van die Departement Geologie aan die Universiteit van die Vrystaat (UV) sê hy sal bedank indien ‘n student, wat deelgeneem het aan die afgelope gewelddadige kampusoproer, toegelaat word om te registreer.
Frederick Roelofse het na bewering aan ‘n swart derdejaar geologie-student, Tebogo Ntshaling gesê hy sal nie toelaat dat hy registreer nie, en bygevoeg dat hy hom wil laat vervolg vir sy rol in die onlangse geweldpleging op die Bloemfontein-kampus.
OFM het ‘n opname van die beweerde uitruilings tussen die twee, waarin Ntshaling aan Roelofse vra waarom hy verlede week beveel het dat Ntshaling deur die kampussekuriteit verwyder word.
Die Universiteit se woordvoerder, Lacea Loader, het gesê die voorval word dringend ondersoek.
RSG, wat uitsaai vanaf die Woordfees in Stellenbosch, het hul luisteraars met menings oor “wit bevoorregting” oor die kop geboender.
Die tema is besonder vreemd aangesien die raswette van die ANC wittes uitsluit van die ekonomie. Die term “swart bevoorregting” is dus eerder ‘n weerspieëling van die werklikheid in Suid-Afrika.
‘n “Gedig” deur ‘n “wit bevoorregte” is ook vir die Marxistiese anti-wit brigade se propagandadoeleindes opgedis en op sosiale media versprei.
Ek ry in ‘n motor gekoop deur my pappie
En ek bly stil oor my dosent se rassistiese grappie
Ek klou stywer aan my beursie as ‘n swart man nader loop
En die deure in my lewe staan almal wawyd oop
Ons spot vir Zuma wanneer hy getalle hardop lees
Want dis mos lekker om ‘n wit Suid-Afrikaner te wees
Ons kla oor BEE, en oor kwotas is ons suur
Ons blameer werkloosheid eenvoudig op ‘n lui-wees kultuur
“Bruh, ek wil net graadvang en New Zealand toe emigreer”
“Apartheid is verby, hoekom kla hulle alweer?”
Ons is dan deel van die Madiba-reënboognasie
En daardie klomp maak net alweer ‘n gerasie
FeesMustFall was onnosel, en “annoying as hell”
Want nou moes ons trippies Europa toe uitstel
“Ek’s nie ‘n rassis nie, ek’t dan ‘n swart maat!”
Maar luister jy as hy oor pyn probeer praat?
Hey, wanneer gaan ek my goue sterretjie wen?
Want ek het nou mos my wit voorreg erken
Ek haal vir Biko aan, glasie rooiwyn in my hand
En ek sê vir die vegters: “Ek’s aan julle kant”
Intussen is geboue en siele aan die brand
Studente word deur hul beskermers aangerand
Gesinne moet leef op onder vyf duisend rand
Daar’s pyn en onregverdigheid regoor ons land
Daar’s duisendes sonder die kans om te studeer
In plek van uitreiking: ‘n rubberkoeëlgeweer
Sisteme onderdruk, en harte kry seer
Dan sê jy met trots: “Ek sien nie kleur”
Ek voel ongelooflik skynheilig om enigsins kommentaar te lewer, maar wraggies:
Sommige van die gesprekke waarvan ek hierdie week deel was
was so belaai met rassisme en haat en onkunde
dat ek begin oorweeg het om myself net te isoleer.
Ja, ek weet dat die aanvallenheid van baie studentebewegings nie lekker is nie.
Dit maak vir my ook ongemaklik.
En sonder om enige aksie te probeer regverdig, is my standpunt eintlik net dit:
Ons moet verstaan waarom soveel mense nogsteeds bitter bly.
Die polisie monitor die situasie by die KwaSithebe Nywerheidspark op Mandeni aan die KwaZulu-Natalse noordkus waar ‘n agtste fabriek gisteraand aan die brand gesteek is, het RSG berig.
Die polisie het ook hulle hande vol gehad toe onbekende mense probeer het om sakeondernemings naby die eMakhempini-sportveld aan die brand te steek.
Die skade by die fabrieke word reeds op 15 miljoen rand beraam.
Die geweld het uitgebreek oor die ANC se proses om kandidate te benoem vir die komende plaaslike verkiesings.
Die hoofmanne het ‘n nuwe indoena aangewys om kandidate vir die komende plaaslike verkiesing te kies.
Die protesgangers het vroeër geweier dat ANC-leiers hulle toespreek totdat sowat 120 mense, wat weens brandstigting en openbare geweld in hegtenis geneem is, vrygelaat word.
President Jacob Zuma sê die regering sal nie probeer om die geskil tussen die selfoonmaatskappy MTN en die Nigeriese regering in die guns van die Suid-Afrikaners te besleg nie.
Zuma sê dit is ‘n kwessie tussen MTN en Nigerië en hulle sal wag tot die twee partye die kwessie afgehandel het.
Die Nigeriese president, Muhammadu Buhari, het vroeër MTN die skuld gegee vir die dood en ontvoering van Nigeriërs deur die Boko Haram-militante groep.
Die Nigeriese kommunikasie-kommissie het MTN met bykans R80-miljard rand beboet omdat hy nie die reëls vir simkaart-registrasie nagekom het nie.
Buhari het gesê duisende ongeregistreerde simkaarte het in die hande van terreurgroepe beland.
“Tussen 2009 en vandag, is ten minste 10,000 Nigeriërs vermoor deur Boko Haram. Dit was die rede waarom NCC gevra het dat MTN, Glo en die res van hulle hul selfone moet laat registreer. Ongelukkig was MTN baie, baie stadig en het bygedra tot die ongevalle”.
Selfs al het die maatskappy onlangs ‘n betaling van $250 miljoen gemaak om ‘n skikking te fasiliteer, het Nigerië se president volgehou om die maatskappy verantwoordelik te hou.
MTN bied diens aan meer as 200 miljoen mense in Afrika en die Midde-Ooste. Nigerië is na bewering die selfoon-reus se grootste mark.
