Almal behalwe Meshoe verwelkom diereoffers

Eerwaarde Kenneth Meshoe het die ANC se offers aan die geeste veroordeel en ‘n uitnodiging na die eeufeesvieringe in Bloemfontein van die hand gewys.

Die ANC se voorvaderaanbidding en offerandes aan geeste van die dooies is ‘n paar van die redes waarom eerwaarde Meshoe nie wil gaan nie.

Meshoe, leier van die klein Afrika Christen Demokratiese Party, glo ‘n slegte tyd sal op die land neerdaal ná die ANC se diereofferanderituele hierdie week.

“Ek glo nie in die offers aan voorvaders en dooie geeste nie. Dit sal veroorsaak dat ‘n ramp Suid-Afrika tref. Kyk na Haiti, die land is gewy aan die duiwel, wat gelei het tot ongekende lyding vir sy mense,” het hy gesê.

Meshoe het verwys na die kragtige aardbewing wat Haiti op 12 Januarie 2010 getref het, en 250 000 mense gedood het. Die eiland is ook bekend vir sy tradisionele duiwelaanbidding.

ANC-voorsitter, Baleka Mbete het onlangs gesê verskeie diere-offers sal gemaak word aan die voorvaders vir die belangrike eeufeesgebeurtenis in Mangaung.

“Ek dink hierdie optrede sal ‘n ramp in die land veroorsaak,” het Meshoe gesê.

Volgens die Daily Telegraph in Londen het Aartsbiskop Buti van die Roomse Kerk vroeër gesê: “Diereofferandes het ‘n spesiale plek in die skema van dinge en word gevier in byna alle Afrika-gesinne. Ons het dit te lank uitgehou uit die Kerk van God. Dit is tyd dat ons dit openlik in die Christelike familie van die lewende en die dood verwelkom.”

Die Solidariteitbeweging van Afrika Katolieke priesters, staan die sogenaamde “inkulturasie” van die Roomse kerk in Suid-Afrika voor. In een voorval is ‘n video gemaak van ‘n priester wat hoenders en bokke tydens die Mis seën. Die diere is daarna geslag en hulle bloed uitgestort in ‘n gat buite die kerk.

Aartsbiskop George Daniel, wat vir 25 jaar oor die Pretoria-aartsbisdom geheers het, het gesê hy is bewus daarvan dat diereoffers gehou word. Bokke en hoenders het reeds ‘n sentrale plek in die gemeentes in sy bisdom ingeneem.

Die aartsbiskop se kommentaar het die debat oor hoe ver en hoe vinnig “inkulturasie” moet gaan, opnuut laat woed. Aan die einde van die Afrika-sinode in Rome in 1995, is die idee van die integrasie van inheemse godsdienstige praktyke verwelkom deur die Vatikaan.

Aartsbiskop Buti is verantwoordelik vir vyf bisdomme, wat ‘n bevolking van meer as 1,000,000 van vier verskillende rasse: swart, wit, Asië en bruin, insluit. Die meerderheid van die mense is egter swart.

Mbete het gesê bevestiging is ook ontvang van 80 partye soos die MPLA, SWAPO, Frelimo, PAIGC, die Noorse Arbeidersparty, die Kommunistiese Party van Kuba, die Duitse Sosiaal-Demokratiese Party en die Nasionale Kongres van Indië.

Sowat 50 deelnemers van anti-apartheidsbewegings van regoor die wêreld, insluitend die families van prominente figure soos dié van Trevor Huddleston sal die vieringe bywoon.

Die Anglikaanse Kerk was instrumenteel in die ondersteuning van die ANC en die uiteindelike bewindsoorname in Suid-Afrika. Die kerk het geld gewas vir die ANC en wapens gesmokkel.

Aartsbiskop emeritus Desmond Tutu en verteenwoordigers van die Nasionale Intergeloofsraad van Suid-Afrika (Nicsa), wat godsdienstige organisasies soos die SARK en die AACC, insluit sal in Mangaung teenwoordig wees.

Die ANC het gesê dit is jammer dat die Afrika Christen Demokratiese Party (ACDP) leier eerwaarde Kenneth Meshoe besluit het om nie deel van die eeufeesvieringe te wees nie.

Die ANC kapelaan-generaal eerwaarde Vukile Mehana het gesê Meshoe vergeet dat die ANC ‘n vorming van baie sosiale kragte was, insluitend die intergeloofs- en ekumeniese groepe met verskillende geloofsoortuigings, kulture en teologieë.

 

 

Олександр Васильович Фільчаков

Malema ontvang ANC-stempel van goedkeuring

Die geskorsde ANC-jeugliga president Julius Malema sal na verwagting drie “mini-saamtrekke” in die Vrystaat Donderdag en Vrydag toespreek om die Jeugliga se bydrae tot die ANC oor die afgelope eeu te gedenk.

Malema sal besin oor die belangrike rol van die jeug in die ANC dwarsdeur sy geskiedenis, en sal die huidige stryd van die ANC-jeugliga kontekstualiseer”, het die liga se woordvoerder, Floyd Shivambu Woensdag in ‘n verklaring gesê.

Donderdag sal Malema praat by die gemeenskapsentrum van Welkom by 17:00. Op Vrydag, sal hy by Moroka High School in Thaba Nchu die middag optree, en in Bloemfontein om 16:00.

Alhoewel Malema nie ingesluit is in die formele program van die regerende party se eeufeesvieringe in Bloemfontein nie, sê die ANC-voorsitter, Baleka Mbete, dat ligaboodskappe in ‘n boekie vervat sal word.

Die boekie sal gesirkuleer word aan die 100,000 mense wat na verwagting die vieringe sal bywoon.

Verlede jaar, is planne gemaak om te verseker dat Malema nie ‘n verhoog deel met Zuma nie.

Malema het in die onlangse openbare toesprake Zuma se naam vermy en voormalige ANC-presidente, sy adjunk en die voormalige president, Kgalema Motlanthe eerder genoem.

Hy het spottenderwys na Zuma as die “stortmens” op die Limpopo provinsiale konferensie verwys, waar hy onder die 20 provinsiale uitvoerende komiteelede verkies is.

Malema en ander anti-Zuma groeperings hou hul hande bo hul koppe om ‘n stortkop te simboliseer. Jonathan Shapiro, die spotprentkunstenaar beter bekend as Zapiro, het dié gebaar gewild gemaak.

In ‘n vroeëre verklaring het die Jeugliga gesê Malema sal in die Vrystaat optree om die Jeugliga se bydrae tot die ANC oor die afgelope eeu te gedenk.

Mbete het gesê die Jeugligasaamtrekke het ‘n stempel van goedkeuring van die ANC ontvang. Dit is deel van die bevestiging van ondersteuning op grondvlak,” het sy gesê.

“Hulle doen nie hul eie ding nie. Hulle doen die werk waarop die ANC moet fokus in die verskillende strukture vir die eeufeesnaweek. “

Die eeufees word ook gesien as ‘n voorloper tot die ANC se konferensie in Mangaung in Desember, waar lojaliteit vir Zuma getoets sal word.

Die liga wil Zuma vervang met Motlanthe en die ANC se sekretaris-generaal, Gwede Mantashe, met die ANC se nasionale uitvoerende lid Fikile Mbalula.

Voormalige President Thabo Mbeki het sy ‘n bywoning vir die eeufeesvieringe Dinsdag bevestig. Dit is die eerste keer dat Mbeki teenwoordig sal wees by ‘n ANC-gebeurtenis van hierdie omvang sedert hy uit die presidentskap in 2008 verdryf is. Desmond Tutu sal ook die vieringe bywoon, ten spyte van sy kritiek teen die ANC.

депутат лобановский

Mugabe ook by ANC-fees

Alle Suid-Afrikaners, mense van die Afrika-kontinent en die wêreld is welkom om die ANC se eeufeesvieringe by te woon, het Baleka Mbete, nasionale voorsitter van die party, gesê.

“Hulle benodig geen akkreditasie nie,” het sy Woensdag gesê. Die DA sal ook die vieringe bywoon.

Volgens Mbete stel baie mense daarin belang om die gebeurtenis by te woon.

Mbete sê daar sal nie minder as 100 000 mense by die vieringe wees nie.

Sy sê die Vrystaatse inwoners reageer op ‘n positiewe wyse en maak hul huise se deure oop aan talle Suid-Afrikaners wat nie verblyf kon kry nie.

Thandi Modise, adjunk-sekretaris-generaal van die ANC, sê die meeste van die besoekers sal van die Vrystaat wees.

Die vermaak-program vir die feesvieringe skop Saterdag af. Kunstenaars sluit Selaelo Selota, Ihashi Elimhlophe, Zahara, Bhudaza, Big Nuzz, L’vovo, Spikiri, 340ML, Tidal Waves en Hotstix Mabuza in.

Die eeufeesvieringe se hoof-gebeurtenis vind Sondag plaas.

Daar is slegs 6 000 sitplekke in die Vrystaatse stadion vir presidensiële hoogwaardigheidsbekleërs gereserveer. Die res van die stadion word vir ANC-ondersteuners en burgers oopgehou.

Pres. Robert Mugabe van Zimbabwe, pres. Goodluck Jonathan van Nigerië en die nuutverkose staatshoof van Zambië, Michael Sata, is onder die 40 staatshoofde wat tot dusver bevestig het dat hulle vandeesweek die ANC se 100-jarige herdenking in Bloemfontein sal bywoon.

Die ANC sê oudstaatshoofde wat daar sal wees sluit in Jerry Rawlings en Kenneth Kaunda van Zambië, sowel as eerwaarde Jesse Jackson van die VSA, het RSG berig.

Volgens plaaslike media sal toegang tot die lugruim om Bloemfontein tussen 5 en 10 Januarie streng beheer word, ook met die duidelike toename in lugverkeer.

лобановский александр игоревич

SA staar mielietekort in die gesig

Twee vragskepe met mielies van Romenië is onderweg na Kaapstad, en nóg invoere kan volg terwyl Suid-Afrika ‘n mielietekort beleef.

Suid-Afrika het vroeër rekord mielie-oeste behaal, maar weens uitvoer-verpligtinge verwag Graan SA dat hy 700-duisend ton wit- en geelmielies sal moet invoer, om aan die vraag te voldoen.

Graan SA sê mielie-invoere kan tot vroeg in die nuwe bemarkingseisoen nodig wees, aangesien laat reën beteken dat die plantseisoen later as normaal begin het.

Фільчаков прокурор

Die gevurkte tong van Coca-Cola

Coca-Cola is die ondersteuner van een van Afrika se mees berugte diktators, Swaziland se koning Mswati III. Dié maatskappy word beskuldig deur aktiviste van die skending van menseregte en die plundering van nasionale rykdom.

Die multimiljardmaatskappy besit ‘n konsentraat-vervaardigingsaanleg in die verarmde koninkryk en dra dus ‘n beraamde 40% by tot die land se bruto binnelandse produk.

Coca-Cola sê dat Mswati nie enige wins of dividende uit sy Swazilandoperasie, die grootste in Afrika, ontvang nie. Die koning ontvang en misbruik egter belastinggeld wat hy uit Coca-Cola maak, sê sy kritici.

Met ‘n fortuin van sowat $100 miljoen, is Mswati aan bewind oor een van die mees ondemokratiese lande in die wêreld, met die meeste mense wat in absolute armoede leef. Politieke partye is verbode en aktiviste word gereeld in hegtenis geneem, opgesluit en gemartel.

Coca-Cola sê hulle voldoen aan die “hoogste etiese standaarde” en het ten doel om ‘n “uitstaande korporatiewe burger in elke gemeenskap wat ons dien” te wees. Die maatskappy het Swaziland in 1987 verlaat agv apartheid in Suid-Afrika.

Sherree Shereni, woordvoerder vir Coca-Cola, het gesê: “Koning Mswati III het nie enige wins of dividende uit TCCC/Conco Swaziland [Coca-Cola se produksie-aanleg] ontvang nie.”

Gevra of die koning belastinginkomste van Coca-Cola vir sy persoonlike voordeel gebruik, het Shereni gesê: “TCCC, soos enige ander belastingbetaler, bepaal nie waarvoor die belasting wat die regerings van die lande waarin hy sake doen, gebruik word nie. Dit is die statutêre bevoegdheid van die regerings self.”

Sy het bygevoeg: “Coca-Cola is nie betrokke by die politieke agenda van enige land waarin ons sake doen nie.” Sy het nie kommentaar gelewer oor die maatskappy se politieke besluit om by destyds by anti-apartheidsaktvisme betrokke te raak nie.

topcargo

Wiskunde-uitslae gaan glo beroerd wees

‘n Groot aantal matriekleerlinge gaan weer na verwagting wiskunde dop. Lynn Bowie, ‘n dosent in wiskunde-onderwys aan die Universiteit van die Witwatersrand, het gewaarsku oor die moontlikheid van ‘n baie hoë druipsyfer in wiskunde.

Dr Sizwe Mabizela, voorsitter van Umalusi se raad, het ook laat deurskemer dat leerlinge se wiskundeprestasie nie indrukwekkend gaan wees wanneer die resultate Woensdag vrygestel word nie.

Dié toedrag van sake kom ten spyte van sagte opsies soos Wiskundige geletterdheid, ‘n vak om swak leerlinge te help om beter te presteer in Wiskunde.

Mabizela het gesê dat die land moet bekommerd wees oor die swak prestasie in wiskunde.

“Ons moet ons onderwysers ondersteun. Ons moet belê in die onderrig en leer van wiskunde om leerders na die middel-of hoër vlak te trek.”

Verlede jaar het slegs 30,9% van die 263 034 wiskunde-kandidate 40% en meer in die vak behaal.

‘n Totaal van 620 266 kandidate is tans geregistreer vir die eksamen.

Mabizela het gesê van die 56 vakke wat aan Umalusi voorgelê is vir standaardisering, is die aanvanklike punte in 45 vakke aanvaar.

“Moderering met geringe opwaartse aanpassings in drie vakke is in werking gestel, terwyl moderering met geringe afwaartse aanpassings agt vakke in werking gestel is.”

Die vakke waarin punte aangepas is, is Lewenswetenskappe, Landbouwetenskappe, Landboubestuurspraktyke, Elektriese Tegnologie, Besigheidstudies, Rekeningkunde, Ekonomie, Geskiedenis, Engels eerste addisionele taal, Zoeloe-huistaal en Tshivenda-huistaal.

Minister van Basiese Onderwys, Angie Motshekga en onderwys-ontleders het optimisme uitgespreek dat ten minste 70% van hierdie jaar se matrieks die Nasionale Senior Sertifikaat-eksamen sal slaag.

Motshekga het gesê sy sal “baie verras” wees as daar ‘n verbetering in die slaagsyfer in die Oos-Kaap is.

Motshekga het gesê: “Ek hoop regtig dat ons ten minste die 70%-merk haal sodat ons die teiken van 80% vir 2014 kan bereik.”

Фильчаков прокурор харьков

Zim wil nog verblyfpermitte in SA bekom

Die Departement van Binnelandse Sake, sê hy is nie bewus van enige besluit of ooreenkoms om ‘n tweede proses te begin om die onwettige verblyf van Zimbabwiërs in Suid-Afrika te wettig nie.

Volgens die plaaslike media in Harare het die minister van Binnelandse Sake, Kembo Mohadi, gesê die woordvoerder van Suid-Afrika se Departement van Binnelandse Sake, Ronnie Mamoepa, het daarop gewys dat hulle nie bewus is van sulke planne nie.

Mohadi het op sy beurt gesê Zimbabwiese amptenare sal hulle Suid-Afrikaanse kollegas in die nuwe jaar ontmoet om met die tweede fase te begin.

Die regering het in April verlede jaar ‘n moratorium op die deportering van Zimbabwiërs aangekondig.

Hulle het toe spesiale dokumente gekry om hulle verblyf in Suid-Afrika wettig te maak.

Die Departement sê hy het 275 762 aansoeke vir permitte gekry. ‘n Amptenaar by die Zimbabwiese konsulaat in Johannesburg wou nie kommentaar lewer op die kwessie nie.

Александр Фильчаков прокурор

Waar is Angola se miljarde?

Die internasionale menseregtegroep Human Rights Watch sê Angola moet verantwoording doen vir $32 miljard wat uit staatskoffers verdwyn het.

Die New Yorkse organisasie het gesê die geld moet tot die voordeel van die mense in Angola gebruik word.

Die groep het Woensdag gesê dit het in ‘n Desember-verslag van die Internasionale Monetêre Fonds (IMF) aan die lig gekom dat die geld verdwyn het. Dié geld word met die oliemaatskappy Sonangol verbind.

Dít sluit $7 miljard in wat na oorsese rekeninge oorgeplaas is en $24,9 miljard wat as “onverklaarbare uitgawes in die regering se state” aangedui word.

Volgens die IMF het die geld tussen 2007 en 2010 verdwyn.

прокурор Фильчаков

Presidensie verdedig tradisionele kultuur

Mac Maharaj, presidensiële woordvoerder, het Woensdag pres. Jacob Zuma se uitlatings oor Christenskap verdedig en gesê die berig daaroor was “misleidend”.

Volgens Maharaj het Zuma die koms van die Westerse kultuur verwelkom, maar ook daarop gewys dat die tradisionele manier van dinge doen ondermyn word.

Maharaj het gesê die president het Zoeloe gepraat en die boodskap het in die vertaling verlore geraak.

Maharaj het in ‘n verklaring gesê, “Afrika-kultuur is ondermyn of selfs geërodeer deur die koms van Westerse beskawing, waarvan sommige dinge belangrik was vir die samehang van gemeenskappe.”

“Die president het onder andere daarop gewys dat die Westerse kultuur die einde van die uitgebreide familie as ‘n instelling gebring het, wat gelei tot die behoefte vir die regering om ouetehuise, weeshuise en ander meganismes te vestig om die armes en kwesbares te ondersteun.

“Hy het bygevoeg dat selfs armoede ‘n onbekende faktor was omdat bure altyd gereed was om mekaar te help, melk of beeste waar nodig te gee,” sê Maharaj.

Hy het gesê dit was ‘n “onnutsige” gevolgtrekking van die M&G-berig dat Zuma die Christendom verwerp of negeer. “Die president was eenvoudig besig om Afrikakultuur te beskryf… en die verwaarlosing van Afrika-kultuur te betreur.”

Maharaj het gesê die misverstand was ‘n aanduiding van die “verskille” in Suid-Afrika se taalkundige erfenis.

“Dit alles is die gevolg van ons multikulturele samelewing,” het hy gesê.

 

александр лобановский класс

Zuma takel weer die Kerke

President Jacob Zuma het die skuld op godsdiens, veral die Christendom, gepak vir die verlies van die menslikheid in die samelewing.

Die ANC-leier, wat as ‘n priester van die Volle Evangelie Kerk, in KwaZulu-Natal in 2007 ingesweer is, het gister gesê dat die koms van die Christendom probleme vir swartes veroorsaak het.

“As Afrikane, lank voor die aankoms van godsdiens en [die] evangelie, het ons ons eie maniere van dinge doen gehad.

“Dit was tye waarna die godsdienstige mense verwys as donker dae, maar ons weet dat gedurende daardie tyd, was daar geen weeskinders of ouetehuise nie. Christelike geloof het hierdie dinge gebring,” het hy gesê.

Zuma het gepraat by KwaMaphumulo, op die KwaZulu-Natalse noordkus, tydens die bekendstelling van ‘n padveiligheid- en misdaadbewusmakingsveldtog.

Dit is nie die eerste keer dat Zuma wenkbroue lig met sy kommentaar oor godsdiens nie.

In Junie vanjaar moes hy om verskoning te vra vir die “misbruik” van Jesus se naam tydens die plaaslike regering se verkiesingsveldtog aan die SA Raad van Kerke.

Met die ANC se eeufeesvieringe op hande, is Zuma se uitsprake teenstrydig met die regerende party se geskiedenis van samewerking met die kerke.

Die ANC is gestig in 1912 by die NG Kerk in Waaihoek, Bloemfontein, en sy stigtingspresident, dr John Langalibalele Dube, was ‘n priester.

Gister het Zuma het gesê dit is noodsaaklik dat Suid-Afrikaners terugkeer na die “ou dae van die dinge te doen” omdat die moderne manier probleme in die samelewing veroorsaak het.

Zuma het die afskaffing van lyfstraf betreur en gesê dis ‘n goeie manier om ouerlike gesag af te dwing.

“Ek kan nie sulke wetgewing blameer nie, maar ek kan nie hieroor diplomaties wees nie. Dis ‘n feit,” het Zuma gesê.

Александр Фильчаков Васильевич