62 vas vir openbare geweld in Durban

Twee-en-sestig studente is Dinsdag vir openbare geweld in hegtenis geneem tydens ‘n betoging by Durban se Universiteit van Tegnologie, het die polisie in KwaZulu-Natal gesê.

“Die studente het oproerig geraak en polisievoertuie met klippe bestook. Een polisieman is tydens die betoging beseer. Die 62 studente staar klagtes van openbare geweld in die gesig,” het supt. Vincent Mdunge gesê.

Die universiteit se eiendom is beskadig asook sommige motors wat aan personeellede behoort.

Die studente sal Woensdag in Durban se landdroshof verskyn. Die universiteit het aangedui dat hulle dissiplinêre stappe sal neem teen diegene wat die eiendom beskadig het.

Een student is beseer nadat hy deur ‘n rubberkoeël in die gesig getref is.

Durban se Universiteit van Tegnologie het aangekondig dat alle kampusse tot Woensdag gesluit sal wees.

Die studente betoog omdat hulle wil hê die universiteit moet die aantal busse na en van kampus verhoog. Hulle wil ook hê dat goedkoper verversings op kampus te koop aangebied moet word.

луч прожектораалександр лобановский супермаркет класс

Taxi’s grom vir Wes-Kaap

Kaapse taxiverteenwoordigers het in ‘n versoekskrif aan die provinsiale ministerie van vervoer geëis dat alle taxi’s waarop beslag gelê is onmiddelik en onvoorwaardelik aan hulle oorhandig word.

Taxiverenigings in Kaapstad staak oor “intimidasie en teistering deur wetstoepassers” en die implementering van die nuwe snelvervoerdiens (BRT).

Die polisie is op ‘n hoë gereedheidsvlak, maar geen ernstige voorvalle is teen 12:00 aangemeld nie.

Taxiverenigings eis ook dat padblokkades gestaak word en gedwonge aflaai van passasiers en het gevra dat owerhede “dieselfde doen as wat hulle met Golden Arrow doen en voertuie op afgespreekte tye ondersoek”.

Mvuyisi Mente van die Western Cape Taxi Alliance het aan Sapa gesê die staking gaan “baie goed” en dat alle taxi’s van die paaie af is.

Die staking sal nie Woensdag voortgaan nie, maar as daar nie ‘n bevredigende reaksie op die versoekskrif is nie, sal die staking voortgaan.

Trevor Steyn, ondersteuningsbeampte van die burgemeesterskomiteelid vir vervoer, paaie en stormwater, het kort voor 12:00 gesê dat die staking “relatief kalm en vreedsaam” was.

instagram for brandsДанильченко

Mamelodi oproerig

Twee betogers is Dinsdagmiddag in Mamelodi-oos in hegtenis geneem vir openbare geweld. Die polisie is steeds besig om woedende betogers te kalmeer.

Die betogers het motors met klippe bestook.

Volgens kapt. Johannes Maheso, polisiewoordvoerder in Pretoria sal die polisie ‘n wakende ogie in die gebied hou totdat alles onder beheer is.

Die polisie het vroeër op inwoners met rubberkoeëls geskiet. Die inwoners betoog oor beter dienslewering in die gebied.

Betogers het Maandagaand begin oproerig raak en het paaie met klippe versper.

Dinsdag het hulle motorbande gebrand en klippe na verbygaande motors gegooi, het Maheso gesê.

Volgens Maheso is ‘n paar huise ook deur die klipgooiery beskadig. Baie mense moes ver afstande loop vir vervoer om minibustaxi’s te haal om te gaan werk.

 

принцесса диснеяДанильченко Юрий прокурор

Moetiemoorde moet vasgevat word sê minister

Ingevolge wetgewing behoort rituele moorde waar liggaamsdele vir moetie gebruik word, meer as net ’n klag van moord te wees, het die minister van vrouesake, die jeug, kinders en gestremdes Maandag gesê.

“‘n Mens wat doodmaak vir liggaamsdele pleeg nie alleen moord nie, maar skend ook menseregte,” het Noluthando Mayende-Sibiya in Pretoria by ‘n indaba oor rituele moorde gesê.

“Ons moet ‘n afsonderlike kategorie skep waar hierdie soort oortedings en motiewe aangemeld word,” het die minister gesê.

Sy sê bestaande wetgewing moet aangepas word om slagoffers van moetiemoorde beter beskerming te bied.

Mayende-Sibiya het verwys na die moetiemoord op Masego Kgomo (11) van Soshanguve vroeër dié jaar waarin haar privaatdele verwyder is.

Sy het ook gesê mense wat in liggaamsdele handel dryf, behoort ook aan die pen te ry.

Mayende-Sibiya het gesê sensitiwiteit oor rituele moorde in die strafregstelsel moet verhoog word om die barbaarse motiewe wat tot sulke gruweldade lei, met toepaslike strawwe te beantwoord.

Sy het gesê baie meer navorsing moet ook gedoen word sodat ons die bygelowe en mites van tradisionele genesing kan verstaan.

“Ons moet probeer verstaan wat tot sulke aaklike dade teen vroue en kinders lei,” het sy gesê. “Watter voordele is daar om medisyne van liggaamsdele te maak eerder as van plante, byvoorbeeld?”

Sy het die insette van tradisionele genesers verwelkom en mense afgeraai om heksejagte uit te voer wat dikwels ouer vroue daarvan verdink dat hulle heksery bedryf.

free real casinoлобановский александр фото

Plaasaanvalle en moorde woed onverpoos voort

Vyf mense is oor die naweek wreed in hulle woning in Jagersfontein in die Vrystaat aangeval met messe en grawe.

Boet (80) en Francina (77), broers Marius (44) en Marthinus (35), en broerskind Juan (13)Van Vuuren is in hul huis in Harringtonstraat deur ses swart mans wat die huis binnegedring het, verwoed geskop en geslaan.

Mev Van Vuuren is tans in ‘n koma in die hoësorgeenheid van die Pelonomi-hospitaal.

Boet en Marius wat albei in rolstoele is, is ewe erg aangerand.

Die huis was ‘n bloedbad toe hulp uiteindelik opdaag.

‘n Boer is ook verlede week in sy bed in sy huis op sy plaas naby Potchefstroom doodgeskiet. Paramedici sê die man (46) is noodlottig gewond toe skote deur sy kamervenster gevuur is.

“Hy het menigte skietwond aan die linkerkant van sy rug opgedoen. Sy beserings was noodlottig,” het Vanessa Jackson, woordevoerder vir ER24, Sondag gesê.

Die man se pa, wat ook in die huis was tydens die voorval, is nie beseer nie.

Polisie in die Noordwes wou nie kommentaar lewer nie.

Die lyk van ‘n boer wat reeds besig was om te ontbind is ook die naweek in Thabong gevind, het polisie in die Vrystaat Maandag gesê.

Die man het geen sigbare beserings gehad nie en dit was onbekend hoe lank sy lyk op Memoranda Plaas gelê het, het insp. Malebo Khosana gesê.

Sy identiteit was ook nog nie bekend nie.

‘n Nadoodse ondersoek sal uitgevoer word.

летний комбинезон для девочкиОлександр Васильович Фільчаков

Cope en ANC raak slaags

Twee hutte is die naweek in Clermont in Durban afgebrand tydens betogings deur ANC-ondersteuners, het polisie van KwaZulu-Natal Maandag gesê.

“Niemand is beseer nie en ons weet nie aan wie die hutte behoort het nie,” het supt. Vincent Mdunge gesê te midde van gerugte dat dit aan lede van Cope behoort het.

Die polisie kon Sondag nog nie die voorval bevestig nie.

Polisielede het met rubberkoeëls op ANC-betogers losgetrek nadat hulle onwettig byeengekom het. Die skare het daarna die polisie met klippe bestook.

“Sowat 600 ANC-lede het slagspreuke geskree in Clermont en Cope-lede het dit as ‘n soort bedreiging ervaar en die polisie genader om in te tree,” het Mdunge gesê.

“Dit was ‘n onwettige betoging en daar is gepoog om die massa mense uiteen te jaag, maar daar was geen samewerking nie.”

Die openbare orde-polisiëringseenheid is ingeroep en daar is herhaaldelik probeer om die groep te verdeel, maar betogers het die polisie geïgnoreer.

“Rubberkoeëls is gebruik en gevolglik het hulle begin om die polisie met klippe te gooi. Hulle het mettertyd begin uiteengaan en geen beserings is aangemeld nie.”

Cope het in ‘n verklaring gesê dat betogers huise en winkels wat aan hulle lede behoort aan die brand gesteek het.

Daar word verneem dat die probleem ontstaan het nadat Cope beplan het om ‘n tak in die gebied oop te maak.

Volgens Mdunge was die omgewing Maandag stil voor ‘n vergadering tussen die ANC, Cope, die gemeenskap-polisieforum en plaaslike polisie.

 

пиджак для мальчика под джинсы купитьлобановский харьков класс

Menseregtedag gevier met ‘Skiet die boere’ en nasionalisering

Julius Malema, ANC-Jeugleier meen dat ‘wit boer’ joernaliste ‘n sameswering teen hom voer, het 702 eyewitness news Maandag berig.

Malema het jeugdiges tydens Menseregtedag in Mafikeng toegespreek, en ‘wit boer’ joernaliste gekritiseer en beweer dat hulle ‘n persoonlike vendetta teen hom koester.

Die radiostasie berig dat Malema aan toeskouers gesê het dat wit joernaliste niks van die vryheidstryd af weet nie.

Hy het ook gesê dat swart joernaliste word onderdruk.

Malema het gesê dat die Sharpeville-voorval van 1960, waar die polisie altesaam 69 mense doodgeskiet het omdat hulle teen paswette betoog het, is deur die ANC georganiseer maar later deur die PAC gekaap.

Volgens Malema moet burgers die regte geskiedenis van die land leer.

Hy het sy oproep onder luide toejuiging herhaal dat die myne genasionaliseer behoort te word en gesê dat inwoners van Mafikeng die minerale van hul streek behoort te besit.

Malema het sy toespraak voor sowat 2 000 mense singend afgeskop met “Skiet die Boere”. Hy het die strydlied beskryf as een van die vryheidsliedere van die Sharpville-era en daarom gepas.

Hy het wit Afrikaanse joernaliste daarvan beskuldig dat hulle nie die ANC of hul vryheidstryd ken nie, nie skryf nie wat die Jeugliga sê nie en ook nie luister nie.

Swart joernaliste skryf glo weer nie hul eie berigte nie, en hul name word skynbaar deur redakteurs gebruik om inligting wat nie van die swart joernaliste self afkomstig is nie, te publiseer.

купить пижаму для девочки 2 годаФильчаков прокурор харьков

DA probeer opposisiepartye insluk

“Indien die naweek se poging in Kaapstad om ‘n verenigde opposisie-front teen die ANC daar te stel opreg is, sal dit nie beperk word tot ‘n eksklusiewe groep van slegs vier partye nie. Dan sou dit werklik inklusief wees, tensy daar ‘n verskuilde agenda is ingevolge waarvan net sekere partye wat die DA hoop om in te sluk betrek word. Die voorgestelde resep is duidelik ‘n verkeerde resep,” het dr. Corné Mulder, VF Plus-hoofsweep gesê.

Dr. Mulder se reaksie volg  op die besluit van die OD, DA, COPE en UDM om hierdie naweek ‘n nasionale konferensie wat deur die OD byeengeroep is in die Kaapstadse Internasionale Konferensiesentrum (Kiks) te hou om oor nouer samewerking te beraadslaag.

“Daar moet verder kennis geneem word dat die breë Afrikaanse en Christelike gemeenskappe nie welkom is in die voorgestelde nuwe front wat die DA hoop om met COPE, die ID en die UDM te vorm nie. Dit is belangrik om daarop te let dat die DA by monde van sy provinsiale leier, mnr. Theuns Botha, daarop aandring dat die VF Plus nie hierby betrek mag word nie omdat die VF Plus se pro-Afrikaanse en Christelike benadering vir die DA onaanvaarbaar is. Netso word die ACDP wat ‘n Christelike party is ook deur die DA die deur gewys,” het dr. Mulder bygevoeg.

Die naweek se poging om ‘n verenigde front van opposisiepartye teen die ANC daar te stel, is te eksklusief en uitsluitend om werklik ‘n verskil te maak. Die verskuilde agenda van die DA om sekere opposisiepartye in die proses in te sluk, sal kiesers nie net weer frustreer nie, maar dit sal ook onsuksesvol wees.

“Daar is geen rede hoekom die proses nie inklusief kan wees nie. Die proporsionele kiesstelsel maak dit juis moontlik. Dit is duidelik dat die DA hier met ‘n poging besig is om die ID, die UDM en COPE te probeer insluk in ‘n vergrote DA,” het dr. Mulder bygevoeg.

feathered frenzyлобановский класс харьков

FIFA boelie Kulula

Fifa het die lugredery Kulula beveel om ‘n advertensie wat sê dat hulle die “nie-amptelike lugredery vir die jy-weet-wat” is terug te trek, het The Star Vrydag berig.

Die lugredery het op Twitter gesê: “O gats, ‘n brief van Fifa se prokureurs sê dat ons hulle handelsmerk met die gebruik van ‘Suid-Afrika’ verbreek het en hulle dink ons nie-WB advertensie was oor sokker…

“Selfs die gebruik van ons nasionale vlag was ‘n kwessie. Dit is absoluut verregaande. Ons het ons land, sy simbole en ons ekonomie aan Sepp Blatter afgeteken.”

Amptelik het die lugredery gesê dat hulle “verras” was om ‘n brief van die sokker-beheerliggaam te ontvang wat daarop aandring dat hulle die advertensies terugtrek.

“Hulle het gesê ons kan nie die Kaapstad-stadion gebruik nie, ons mag nie sokkerballe of ‘Suid-Afrika’ gebruik nie. Die gebruik van die nasionale vlag word ook nie toegelaat nie,” het Nadine Damen, Kulula se bemarkingsbestuurder, gesê.

“Ons kan geen verwysing maak na die Wêreldbeker-sokkertoernooi nie. Hulle het ook vir ons gesê dat ons nie die vuvuzela, wat uit ons oogpunt ‘n verteenwoordiging van die mense van Suid-Afrika is, gebruik nie. “

мультики игрушкилобановский харьков класс

Gewapende rowers oorval prof en personeel by UV

Drie gewapende rowers het Donderdag op ’n departementshoof se kantoor toegeslaan by die Universiteit van die Vrystaat.

Die gewapende rowers het die hoof van die departement dierkunde en entomologie, prof. Jo van As, ’n meestersgraadstudent en ’n tegniese assistent oorrompel.

Twee van die drie rowers het glo reeds Woensdagmiddag in die gebou rondgedwaal en gemaak of hulle studente is.

Van As het hulle onmiddellik herken. Toe hy probeer weerstand bied, is ‘n vuurwapen teen sy kop gedruk met die woorde “don’t try to be a hero, Prof”.

Die rowers het duidelik Woensdag kom ondersoek instel by die departement.

‘n Ontstelde vader wie se seun aan die departement verbonde is, het Praag Donderdag direk na die aanval gekontak. Hy wou weet of dit Jonathan Jansen, die rektor, se planne vir transformasie van die universiteit is.

Selfone, beursies en rekenaars is gebuit en die drie het vermoedelik met ’n grys Isuzu-dubbelkajuitbakkie wat vroeër die dag op die kampus gesteel is, gevlug.

Die bakkie se registrasienommer is DNS 546 FS.

free deposit casino uktopcargo отзывы сотрудников