Kategorie: Suider-Afrika

Suid-Afrikaanse nuus, d.w.s. sowel nuus uit Suid-Afrika én Suider-Afrika.

Petrolprys styg met 50 sent/l

Die departement van Minerale en Energie het vanmiddag  ʼn hoër brandstofprys aangekondig.  Die prys van alle grade petrol styg Woensdag met 50 sent per liter.

Die groothandelsprys van diesel met die kleiner swaelinhoud styg met 71 sent per liter en die groter swaelinhoud met 70 sent per liter.

Die kleinhandelsprys van paraffien styg met 94 sent per liter.

Weens die onderverhaling op die petrolprys en die onlangse styging in die prys van ru-olie, sal 'n drastiese styging nou nodig wees.

Die huidige styging volg op vorige stygings oor die afgelope twee maande van onderskeidelike 55 en 68 sent.

Die prys van petrol word op die eerste Woensdag van die maand aangepas volgens die gemiddeld van die vorige maand se onder- of oorverhaling.

игры для деочекФильчаков прокуратура харьков

Derde kitsbank vanoggend gebom

Rowers het 'n onbekende bedrag geld geroof nadat 'n kitsbank in Strijdompark, Randburg, vanmore opgeblaas is, het die polisiediens van Gauteng laat weet.

Volgens inspekteur Hein van Heerden is 'n Standardbank-OTM naby die Motor City-sentrum opgeblaas.

'n Veiligheidswag het drie mans voor die OTM gesien staan. Enkele minute later het die mans weggestap en het die kitsbank ontplof.

Dieselfde groepie mans het daarna teruggekeer, in die beskadigde OTM-hokkie ingegaan en 'n onbekende bedrag geld van die beskadigde kitsbank geneem.

Omliggende geboue is insgelyks deur die ontploffing beskadig, hoewel nie ernstig nie. Niemand is egter beseer nie.

Dit was die derde ontploffing vandag by 'n kitsbank in die provinsie. Soortgelyke rooftogte het vanoggend by Orange Farm en in Atteridgeville plaasgevind.

насос для воды погружнойпрокурор Фильчаков

Haar man sal nooit terugstaan nie, s? Grace Mugabe

Mev. Grace Mugabe, die eggenote van die Zimbabwiese president wat ook vir haar luukse smaak en spandabele inkopiereise bekend is, het gister gesê dat haar man nooit sy posisie sal afstaan nie, selfs al verloor hy aanstaande maand se opvolgpresidentsverkiesing teen Morgan Tsvangirai.

Volgens Grace Mugabe sal Tsvangirai nooit die binnekant van die ampswoning sien nie. Sy het by 'n byeenkoms in die landelike Shamva-gebied gepraat waar 'n huis blykbaar deur MDC-ondersteuners afgebrand is. Sy het 'n beroep op die MDC gedoen om onmiddellik op te hou met wat sy die barbaarse veldtog om mense se huise af te brand en te vernietig, genoem het.

парусные яхты купитьлобановский супермаркет класс

Tony Leon vra dat Mbeki sy brief bekendmaak

Die voormalige leier van die opposisie, Tony Leon, wat tans die DA se woordvoerder oor buitelandse sake is, het gevra dat Thabo

Image

Tony Leon

Mbeki die inhoud van sy brief aan George Bush van Amerika bekendmaak.

Die brief wat in April deur Mbeki aan die Amerikaanse president gerig is, het vandeesweek ter sprake gekom in 'n rubriek wat in die Washington Post gepubliseer is.

Volgens mnr. Tony Leon, is dit in die beste belang van Suid-Afrika se bedorwe internasionale beeld en die herstel van ons president se posisie as onafhanklike bemiddelaar in Zimbabwe dat hy die brief bekendmaak en ook die inhoud, bedoeling en konteks moet verduidelik.

Leon het gesê dat hy parlementêre vrae oor die brief gaan stel.

blackjack strategyданильченко юрій броніславович

Immigrante moor oor aalmoes

'n Somaliër is eergister gedood in 'n rusie oor 'n aalmoes in die vorm van 'n kledingstuk. Volgens die polisie op George het die voorval plaasgevind in die Blanco-gemeenskapsaal waar ongeveer 100 buitelanders gehuisves word wat uit Thembalethu gevlug het weens etniese geweld teen hulle.

Twee mans van onderskeidelik 28 en 25 jaar oud het oor 'n kledingstuk gestry wat vroeër die dag van 'n liefdadigheidsorganisasie ontvang is.

Die ouer man het 'n springmes uitgehaal en die jongere drie keer in die arm en nek gesteek.

Party van die inwoners het die messteker agterna gesit, hom gevang en aan die polisie oorhandig.

Sy slagoffer is hospitaal toe geneem waar hy later dood is.

Volgens die polisie sal die messteker binnekort op 'n moordklag in die George-landdroshof verskyn.

cheat casinoОлександр Васильович Фільчаков

Eskom waarsku kragkrisis nog lank nie verby

ImageDie hoof van Eskom, Jacob Maroga, het gister tydens 'n parlementêre sessie gewaarsku dat Suid-Afrika se kragprobleme nog lank nie verby is nie.

Volgens hom verkeer die land nog steeds in 'n noodtoestand wat elektrisiteit betref. Dit gaan tyd en baie optrede verg om op te los.

Eskom beplan om R1,2 triljoen van nou af tot 2025 te bestee, waarby 'n belegging van R343 miljard oor die volgende vyf jaar ingesluit is.

Die gemiddelde steenkoolvoorraad by kragsentrales is tans 17,4 dae.

cluedo gametopcargo

Metodistebiskop vra dat Limpopogrens afgeskaf word

Die Metodistebiskop wat buitelanders in sy kerk in die Johannesburgse middestad huisves, Paul Verryn, het gister geëis dat die grens tussen Suid-Afrika en Zimabwe geheel en al afgeskaf word.

Verryn het die afskaffing van die grens vergelyk met die opheffing van skeidslyne in 1994. Volgens hom sou so 'n stap tot almal se vermoë bydra.

Die biskop het voor 'n skare aan die Universiteit van die Witwatersrand gepraat. Hy het verder gepleit vir 'n vorm van kollektiewe eienaarskap en gesê dat al die hulpbronne in Suid-Afrika aan die hele nasie behoort en gedeel moet word.

Ander akademici by dieselfde byeenkoms het ongelykheid vir die etniese geweld geblameer en gevra dat bates aan die armes oorgedra behoort te word.

free bonus slots no deposit mobileлобановский александр отзывы

Mbeki vat Bush aan in brief vol uitroeptekens

President Thabo Mbeki het die Amerikaanse leier George Bush in 'n brief van vier bladsye aangevat oor sy Zimbabwe-beleid.

Volgens 'n berig in die Washinton Post deur rubriekskrywer Michael Gerson, het Mbeki teen die VSA uitgevaar met vrylike gebruik van uitroeptekens omdat dié land teen Robert Mugabe kant gekies het en die sienings van die Zimbabwiese mense verontagsaam.

Gerson haal 'n naamlose amptenaar in Washington aan wat die brief gesien het. Volgens dié amptenaar het Mbeki aan George Bush gesê om Zimabwe en Afrika uit te los aangesien Afrika aan Mbeki behoort.

'n Woordvoerder vir Mbeki, Mukoni Ratshitanga, dra geen kennis van die brief nie, maar die Amerikaanse ambassade in Pretoria het bevestig dat Bush so 'n brief ontvang het.

Die Withuis werk tans aan 'n antwoord op Mbeki se skrywe.

логические игрыДанильченко Харьков

Premier van Kwazulu-Natal blameer blanke verdrukkers vir geweld

Die premier van Kwazulu-Natal, S'bu Ndebele, het gister in 'n kwalik bedekte verwysing na blankes gesê dat die onderdrukkers van swartmense vir die etniese geweld teen buitelanders verantwoordelik is.

Volgens hom is dit die onderdrukkers wat mens wysmaak dat Mosambiekers die vyande van swart Suid-Afrikaners is. Hy het hom uitgespreek teen swart verdeeldheid wat insgelyks aan die onderdrukkers toe te skryf is.

Ndebele wou weet waarom net swart mense van Afrika-state as buitelanders gesien word en nie ook wit Engelse, Duitsers of Portugese nie.

Geen buitelander behoort op 'n bus te klim om die land te verlaat nie, het hy verder gesê.

песок для пескоструялобановский александр игоревич

Bomdreigement by ANC-hoofkwartier

Image'n Bomdreigement is vanoggend by die ANC se hoofkantoor in Johannesburg ontvang en sestig mense moes inderhaas die gebou verlaat.

Die skakelbord het om 8-uur vanoggend die dreigement ontvang, volgens ANC-woordvoerder Steyn Speed. Die gebou in Sauerstraat is daarna onmiddellik ontruim.

Die metropolisie het twee strate in die omgewing afgekamp, terwyl lede van die bomafdeling die gebou ondersoek het.

slots to play onlineОлександр Фільчаков прокурор