Kategorie: Nuus

Man dood, vrou ernstig na gewapende aanvalle te Muldersdrift

Gewapende aanvalle op blanke kleinhoewebewoners in Muldersdrift duur voort. Oor die afgelope naweek is ‘n blanke man doodgeskiet en ‘n blanke vrou swaar gewond in twee afsonderlike voorvalle.

Volgens konstabel Lucky Matome van die Suid-Afrikaanse Polisiediens is ‘n eenheid omstreeks 20:30 Saterdagaand na ‘n kleinhoewe in Muldersdrift se Rietfonteingebied ontbied. Daar aangekom, het hulle die vrou in ‘n plas bloed aangetref.

“Die voorlopige ondersoek dui daarop dat die vrou tydens ‘n huisroof in die rug geskiet is,”  het konstabel Matome gesê. “Dit is nie duidelik hoeveel verdagtes by die hartelose misdaad betrokke was nie.” Enkele waardevolle items is as vermis aangemeld, waaronder selfone, ‘n tuisteaterstel en ‘n onbekende bedrag kontant.

Matome het voorts gesê: “Daar kon nie veel inligting by die slagoffer verkry word nie, aangesien sy in ‘n ernstige toestand was. Sy is vir dringende mediese behandeling na ‘n hospitaal gehaas.

‘n Saak van poging tot moorde en huisroof word tans ondersoek.

Die vorige oggend, Vrydag, het ‘n blanke man in dieselfde omgewing gesterf terwyl hy hom teen ‘n gewapende aanval probeer verdedig het. Die man het skuins voor ses in die oggend onraad bemerk en sy huis verlaat om ondersoek in te stel. Hierna het die aanvallers op hom losgebrand en het hy teruggeskiet, maar is noodlottig in sy bolyf gewond.

Volgens Matome is die polisie “bekommerd” oor die toename in aanvalle op kleinhoewebewoners in Muldersdrift.

Lede van die publiek met inligting kan die Muldersdrift-polisie skakel by 011 952 4600 of die Wesrand-trio-taakspan by 079 496 6288.

Adjunkminister van hoër onderwys slaan vrou toe sy hom ‘n ‘moffie’ noem

Suid-Afrika se adjunkminister van hoër onderwys, Mduduzi Manana, het na bewering Sondagoggend omstreeks halfdrie ‘n vrou begin aanrand omdat hulle eers in ‘n politieke argument betrokke geraak het en sy hom daarna ‘n “moffie” (stibane) genoem het. Die voorval het in die nagklub Cubana in die Cedar Square-winkelsentrum te Fourways, Johannesburg, plaasgevind.

‘n Video van die voorval is agterna op sosiale media, waaronder Twitter, geplaas van waar PRAAG dit afgelaai het.

Die slagoffer van die adjunkminister en sy vriende het agterna gesê: “Hulle het my geskop en geslaan en aan my hare getrek… My niggie Thando is ook geklap, hulle het haar hare getrek. My vriendin is rondgegooi toe sy probeer het om my te kom help.”

Die vrou het agterna ook foto’s aanlyn geplaas wat op Twitter gedeel is.

Sy het agterna ook ‘n klag van aanranding teen Manana by die Douglasdale-polisiestasie aanhangig gemaak (sien dokument hier onder). Volgens haar het die nagklub se “uitsmyters net rondgestaan en kyk terwyl die aanranding plaasgevind het”.

In haar verklaring sê sy dat hulle by ‘n tafel naby die minister gesit het toe “ons in ‘n politieke debat betrokke raak, en hy wou ‘n toespraak maak teenoor almal wat daar was, waaronder sy personeel”.

‘n Vriendin van haar, Thando, het begin om ‘n selfoonvideo van die toespraak te maak toe sy gevra is om op te hou. Hierna het Manana woedend geraak, gevra wie hulle is, asook die veiligheidspersoneel by die kroeg gevra om haar en haar vriende te verwyder.

Mduduzi Manana. Hy is ‘n ‘moffie’ (stibane) genoem.

Met dié dat hulle wegloop, het een van haar vriende na die minister toe gedraai en vir hom gesê: “Maar jy is ‘n moffie (stibane).”

Toe sy buite die kroegarea kom, met haar vriende steeds binne, is sy na bewering geslaan. Toe sy val, is sy ook geskop. ‘n Werknemer van die SAUK wat ook teenwoordig was, het op verskeie radiostasies bevestig dat Manana “op die vrou se lyf en kop getrap het”.

Die vrou sê ook dat Manana “my hare gertrek het sodat my pruik van my kop afgekom het”.

Die vrou sê die uitsmyters wat haar en haar vriendin tot by hul motor vergesel het, het aan hulle gesê “om die plek te verlaat aangesien Mduduzi gevaarlik is en oor ‘n vuurwapen beskik”.

Die minister van polisie, Fikile Mbalula, het bevestig dat ‘n saak van aanranding by die Douglasdale-polisiestasie naby die klub aangemeld is.

Volgens Mbalula ontken Manana enige betrokkenheid, hoewel daar opnames op sosiale media bestaan waarin hy blyk skuld te erken.

Op sy persoonlike Twitter, het die adjunkminister gesê dat hy nie “bewerings ontken nie” en ook “nie trots” is nie. Desnieteenstaande meen hy dat die video-opname van die gebeure “vals” is.

New York Times bekommerd oor ‘regse gevaar’ op YouTube

Die linkse Amerikaanse koerant, The New York Times, het gister berig oor die “regse gevaar” wat op YouTube dreig. Volgens die koerant is “YouTube die gasheer vir net ‘n enkele oorheersende inheemse politieke gemeenskap: die YouTube-regses”. Dit volg op die aankondiging deur Paul Joseph Watson, ‘n bekende YouTuber-meningspreker, wat vandeesweek een miljoen intekenaars op dié medium bereik het.

Die New York Times beskou Paul Joseph Watson, Stefan Molyneux en Lauren Southern as die leidende figure in die “regse oorheersing” op YouTube. Stefan Molyneux het onlangs ‘n onderhoud van meer as ‘n uur lank met dr. Dan Roodt van PRAAG gevoer, maar die video is nog nie aanlyn gepubliseer nie.

Die koerant verwys ook na ‘n YouTube-videomaker genaamd Black Pigeon Speaks wat as ‘n “harde regse” gesien word en daarom verteenwoordigend van die ongewenstheid van patriotiese of konserwatiewe meningsprekers op YouTube. Daar word ook ‘n vergelyking getref tussen YouTube en geselsradio, wat in die VSA deur die regtervleuel oorheers word terwyl die linkses die hoofstroommedia, Hollywood en TV monopoliseer.

Vir die New York Times is alles wat regs is ook “verregs”, wat die einste Paul Joseph Watson laat twiet het: “‘Verregs’ = enigiemand regs van Stalin.”

Nasionale Gesondheidslaboratoriumdienste ‘stort in duie’

Die Nasionale Gesondheidsdienslaboratoriumdienste het nie meer geld nie weens wanbetaling deur provinsies en “is besig om in duie te stort”. Só het die waarnemende hoof van die NGLD, Shabir Madhi, gister aan die media gesê. Volgens hom is die NGLD, wat al die staatshospitale en -klinieke in Suid-Afrika bedien, die grootste laboratoriumdiens in Afrika en een van die grootstes ter wêreld.

Wanbetaling deur provinsies, veral dié van Gauteng en Kwazulu-Natal, versoorsaak dat die laboratoriumdiens nie meer toerusting kan aankoop nie, asook sy gekwalifiseerde personeel soos patoloë verloor. Personeel van die NGLD het oor die afgelope vyf dae gestaak, maar sal vanoggend terugkeer werk toe waar ‘n opgehoopte werklading hulle in die gesig staar.

Na bewering skuld Gauteng en Kwazulu-Natal die laboratoriumdiens nagenoeg R4 miljard wat weens “wanbestuur” nie aan hulle betaal word nie. Net Gauteng skuld die diens R2,5 miljard. Volgens Shabir Madhi sal dit moeilik wees om die provinsies te dagvaar aangesien beide die NGLD en die provinsies staatsinstellings is. Gauteng betaal tans ongeveer R100 miljoen per maand terwyl hul maandelikse rekening R153 miljoen beloop, iets wat veroorsaak dat die skuld met vyftig miljoen rand per maand ophoop.

 

Die reuse-Baragwanath-hospitaal in Soweto, wat deur die vorige blanke regering gebou is, het gesê dat dit tydens die staking opgehou het om monsters vanaf die 53 klinieke in te neem wat dit veronderstel is om te bedien.

Die sakebestuurder van die NGLD by die hospitaal, Bongiwe Xhakaza, meen dat pasiënte tans onder die staking ly.

“Al die pasiënte wat nie opgedaag het weens die staking nie, gaan waarskynlik nou terugkeer om in te haal met hul behandelings,” sê sy.

‘n Enkele werknemer van die hospitaal het besluit om nie die staking deur die Nehawu-vakbond te steun nie omdat sy nie wou hê dat pasiënte daaronder moet ly nie.

“Stel jou voor dat jou familielid nie oor ‘n privaat mediese fonds beskik nie en hulle lê sterwend in die hospitaal,” sê sy.

Met al die nuwe toetse wat nou gaan instroom, gaan die laboratoriumdiens moeilik die agterstand uit die weg kan ruim.

Malema vra nie om verskoning vir anti-Indiëruitlatings

Die leier van die Ekonomiese Vryheidsvegters (EFF), Julius Malema, verseg om sy uitlatings oor Indiërs in Durban terug te trek of daarvoor om verskoning te vra. Tydens sy party se vierde verjaardagvieringe in dié stad het Malema gesê:

“Hier in Durban, hier in KZN, word alles wat strategies is aan Indiërs gegee… elke groot tender … hulle is dié wat alles besit. Ons sê dat hulle met ons mense moet deel. Ons wil ook sê: hou op ons mense in KZN te mishandel. Hulle mishandel ons mense erger as wat die Boere-Afrikaners ons mense mishandel het. Dit is nie anti-Indies nie, dis die waarheid, hulle moet ons mense behoorlik behandel.”

Malema het Indiërs ook van “rassisme” teenoor swartmense beskuldig. “Dit moet end kry,” het hy gesê.

Die DA het Malema se uitsprake oor Indiërs veroordeel en gevra dat hy om verskoning moet vra.

Die South African Minority Rights Equality Movement (Samrem) het ‘n klag van “haatspraak” en “aanhitsing tot geweld” teen Malema by die polisie aanhangig gemaak. Volgens Deleep Lutchman, voorsitter van Samrem, is Malema se uitlatings oor Indiërs “loutere onsin en sonder enige feite”.

“Wat hy gesê het, het die moontlikheid om rassehaat in die land aan te hits,” het Lutchman voorts gesê. “Mense neem emosionele uitlatings soos dié ernstig op, ons het dit al in die verlede gesien”.

Lutchman se uitspraak oor “die verlede” kan moontlik verwys na die Durban-onluste in Januarie 1949 toe meesal arm Indiërs deur Zoeloes doodgemaak is. Die aantal mense wat in die onluste omgekom het, het 142 beloop en 1 087 is beseer. Dit het ook tot die vernietiging van 58 winkels, 247 woonplekke en een fabriek gelei.

 

On slim te wees is ‘n ‘kulturele voorreg’

Dit was ook net ‘n kwessie van tyd voordat die kultuurmarxiste op slimmes sou toeslaan: Die nuwe voorreg na ‘n wit vel, is ‘n werkende brein.

Die Universiteit van Iowa se studentekoerant het die ontdekking aangekondig van ‘n spesiale voorreg wat intelligente mense as ‘n toevalligheid by geboorte verkry. Hierdie nuwe voorreg – genaamd “kognitiewe voorreg” – funksioneer in wese op dieselfde manier as wit voorreg.

Die Daily Iowan het vroeër vandeesweek die ontdekking van hierdie nuwe voorreg onthul.

Wit voorreg “is ‘n belangrike onderwerp wat ‘n openbare bespreking verdien,” meen die koerant wat poog om “kognitiewe voorreg” te verduidelik, maar dit is ook “verstandig om ten minste die breër konsep daarin te noem: die van voorreg self.”

Voorreg in die algemeen is “sekere voordele wat geheel en al deur geboorte-toeval ontstaan en dit is “onmiskenbaar dat die voorreg self ‘n werklikheid is,” verduidelik die studentekoerant.

Soos met velkleur en nog baie meer, voer die skrywer Dan Williams, aan, dat mense geen beheer het oor hoe slim hulle is nie. Die lewe is ‘n groot kosmiese lotery vol wenners en verloorders.

Kognitiewe voorreg is een van “baie soorte voorregte benewens wit voorreg.”

Williams verklaar ook dat robotte handarbeidersposte sal uitwis, maar op een of ander manier nie werk wat beskikbaar is vir lede van ‘n spesiale kognitiewe elite, sal beïnvloed nie.

“Dus, die ongeluk dat jy gebore is, slim genoeg is om suksesvol te wees, dit is ‘n groot voordeel wat jy absoluut geensinds verdien het nie. Gevolglik het jy niks om op trots te wees op die feit dat jy slim is nie.”

Williams glo dat Amerika beter in staat sal wees om “wit voorreg” en die “warm onderwerp van rassevoorregte” te bespreek as dit die bestaan ​​van “kognitiewe voorreg” erken.

“Die doel om iemand se voorreg uit te wys, is om hulle te herinner aan die oneindige aantal ervarings wat moontlik is en die baie groot ervarings wat werklik is waarvan hulle baie min weet.” Niemand weet hoe Willams dié kennis opgedoen het nie, maar vermoedelik is dit uit domheid.

Die konsep van “wit voorreg” is in akademiese kringe gewild gemaak deur ‘n skripsie van 1987, getiteld “White Privilege: Unpacking the Invisible Knapsack.” Die skrywer was Peggy McIntosh, ‘n onbenullige wit feminis waarvan die meeste mense nog nooit gehoor het nie, waarskynlik agv haar kognitiewe agterstand.

Amerikaanse lugmag adverteer vir genetiese materiaal van wit Russe

Die Amerikaanse lugmag het amptelik geadverteer vir monsters van ribonukleïensuur (RNA) en sinoviale vloeistof van wit Russe, volgens ‘n amptelike regeringswebwerf. Die rede hiervoor is nog nie gespesifiseer nie, maar die belangstelling in wit Russiese DNA is opmerklik.

Die Lugmag se lugopleidingsbevel het ‘n unieke versoek gerig op die Federale Besigheidsgeleenthede-webwerf, wat minstens 12 RNA-monsters van Russe met ‘n Europese voorouer, sowel as 27 monsters van sinoviale vloeistof, aangevra het.

Die advertensie wat deur die Verenigde State geplaas word, lui soos volg: “Alle normale menslike vriesvrye (VF) Synovial Weefsel en Normale Menslike Ribonukleïensuur (RNA) monsters moet Russies / Kaukasiese oorsprong wees,” lees die tegniese spesifikasies van die kontrak. “Alle VF-sinoviale weefsel- en RNA-monsters moet van normale skenkers kom, wat geen spierbeserings het nie. Dit sal deur patologie bevestig word. Alle VF-sinoviale weefsel moet ‘n gewig hê wat groter is as of op ‘n minimum van 0,25 gram.

“Alle RNA monsters moet gevries word. Synoviale Weefsels en RNA monsters kan ongeëwenaard wees, wat van verskillende donateurs beteken. Alle sinoviale weefsel- en RNA-monsters moet MIV, HBV, HCV en sifilis negatief wees.”

“Daarbenewens moet inligting oor donateurs voorsien word by die monsters, insluitend hul geslag, ouderdom, etnisiteit, rookgeskiedenis, mediese geskiedenis, lengte, gewig en Liggaamsmassa Indeks. Die monsters moet binne 10 dae nadat die kontrakteur die geld ontvang, by die Lackland Air Force Base naby San Antonio, Texas afgelewer word.”

Volgens die webwerf moet alle monsters wat versoek word, “uit Rusland versamel word en moet Kaukasiese wees. Die regering sal nie weefselmonsters van die Oekraïne oorweeg nie,” het die kontrak bygevoeg.

Terwyl die advertensie nie dadelik verklaar waarom die Lugmag die monsters benodig nie, bevat sulke monsters waardevolle genetiese inligting.

Soos professor Konstantin Severinov van die Rutgers Universiteit opgemerk het: “Hoe meer jy weet oor die genetiese diversiteit van mense, hoe meer geleenthede het jy, veral, om siektes te behandel en te diagnoseer.”

‘n Lid van die VN-kommissie vir Biologiese Wapens, Igor Nikulin, het egter gesê dat die RNA-monsters ook gebruik kan word om virusse te ontwikkel. “Nuwe soorte biologiese wapens word ontwikkel. Daar is niks anders wat moontlik die militêre departement kan interesseer nie. Heel waarskynlik, handel dit oor biowapenvirusse.”

“Die VSA probeer verskillende tipes biologiese wapens spesifiek ontwikkel vir spesifieke draers van hierdie geenpoel, en Kaukasoïede is nodig aangesien dit die meerderheid van die bevolking van [Rusland] verteenwoordig.”

Swartes vertrap mekaar weer by sokker met fopkaartjies

Suid-Afrika is nie net die bestemming van reënboog-fopnuus nie, maar ook fopkaartjies vir swart sokkerwedstryde in Johannesburg. Saterdag het nog ‘n dodelike stormloop by die FNB-stadion tot gevolg gehad.

Twee mense is doodgestrap en ‘n ander persoon is kritiek toe swart aanhangers ‘n hek tydens die Carling Black Label Cup wedstryd tussen die land se twee gunsteling swart spanne, Orlando Pirates en Kaizer Chiefs, platgetrap het.

Stadium Management South Africa het aangekondig dat ‘n voorlopige ondersoek aan die lig gebring het dat die voorval veroorsaak is deur fopkaartjies wat aan aanhangers verkoop is, wat toe probeer het om toegang tot die stadion te verkry.

Die polisie het reeds sowat 3000 sulke fopkaartjies gekonfiskeer wat aanhangers in hul besit gehad het. Die kaartjies is amptelik gedruk deur die Suid-Afrikaanse aanlynkaartdiens, Computicket.

“Die voorraad is genommer, dit moes gesluit gewees het, dit moet uitgeteken word teen behoorlike registers. Ons lei af in hierdie stadium dat die kaartjievoorraad gesteel is,” het die hoofbestuurder van Stadium Management South Africa, Jacques Grobbelaar aan die Suid-Afrikaanse stasie, Eyewitness News, gesê.

Grobbelaar sê die validering van die kaartjies wys verder na meer interne korrupsie, en ondersoeke deur die polisie sal van stapel gestuur word.

Die Johannesburgse openbare veiligheid bestuurskomiteelid, Michael Sun het aan Eyewitness News bevestig dat die vertrapping veroorsaak is deur die verkoop of gebruik van fopkaartjies by die lokaal.

Die stormloop het plaasgevind waar meer as 87 000 swart aanhangers by die stadion aangekom het. Ten spyte van die voorval het die wedstryd voortgegaan. Nie die toeskouers of spelers het ‘n saak gehad met die slagoffers nie.

Die polisie het eers laat die aand die lyke verwyder van die stadion.

Die vertrapping is soortgelyk aan die Ellis Park-ramp, waar 43 aanhangers in April 2001 in ‘n wedstryd tussen Pirates and Chiefs doodgetrap is.

Die Ellis Park-stadion-ramp was die grootste sportongeluk in die Suid-Afrikaanse geskiedenis op 11 April 2001, toe 43 swart toeskouers dood is toe aanhangers in die stadion in Johannesburg gestormloop het om die sokkerwedstryd tussen die twee swart spanne Kaizer Chiefs en Orlando Pirates te sien.

Die finale ondersoek na die voorval het bevind dat ‘n belangrike oorsaak was dat sekuriteitspersoneel omgekoop is, om toeskouers toe te laat om sonder kaartjies die stadion te betree.

Dom boek probeer feministe kry om Trump te vermoor

Die Britse Guardian-koerant het ‘n vrot boek deur een van sy joernaliste ten hemele geprys. Die riller handel oor ‘n “sosiopaat” president in die Withuis, wat niks aan die verbeelding oorlaat nie: Om die president te vermoor, oftewel To Kill the President deur “Sam Bourne”, wat deur HarperCollins gepubliseer is, het die boekwinkels hierdie maand getref.

“Sam Bourne” is die skuilnaam van Jonathan Freedland, ‘n senior redakteur by die Guardian, soos Nic Cohen, ‘n ander Guardian-werknemer, onthul het. Die pleidooi om Donald Trump se lewe te beëindig met ‘n sluipmoord, word aangebied as ‘n “fiksie-riller”, maar nie baie oortuigend nie.

Freedland, moreel bankrot

Die weeklikse Guardian-rubriekskrywer en BBC Radio 4 se kontemporêre geskiedenisaanbieder, het in 2014 die Orwell-spesiale prys vir joernalistiek ontvang, en word deur “progressiewes” beskou as ‘n skerp propagandis. Maar Freedland se jongste poging lyk eerder na pure wanhoop.

Sy verhaal wat soos die histeries linkse Guardian-hoofopskrifte oor Trump lees, kom tot die gevolgtrekking dat verteenwoordigers van die Washington se Deep State of skaduregering, besluit het dat die enigste “veilige opsie” sal wees om hul opperbevelhebber te vermoor.

In Freedland se boek, probeer Amerikaanse amptenare om hul president te keer om ‘n kernaanval te loods teen Noord-Korea omdat die land grappe gemaak het oor sy manlikheid. Volgens Cohen is dit ‘n baie “realistiese” beskrywing van die Trump-administrasie aangesien “almal weet dat die Noord-Koreane Seoul in ‘n puinhoop sal verander,” behalwe natuurlik Trump self.

Hy stel voor dat Trump aan “langtermyn geestesongesteldheid ly wat in ‘n donker waansin verander”, volgens Cohen. En omdat “die wêreld se mees magtige man in die grys area tussen die sosiopatiese en die psigopatiese leef”, kan geen gewelddadige linkse fantasie wat Freedland optower, te vergesog wees nie.

‘n Vroulike Withuisassistent ontdek ‘n komplot om die onlangs verkose president te vermoor want, en hoewel Trump se naam nooit genoem word nie, hy het ‘n verkiesing gewen teen ‘n agterbakse vroulike Demokraat. In die eksplisiete feministiese riller, twyfel die feminis Maggie Costello of sy haar anti-feministiese baas, die president, moet red.

Freedland fokus ook op Steve Bannon, wat hy as die groter anti-feministiese “antisemiet” uitbeeld. Bannon is iemand wat “lekker in kwade wil optree” om Jode te “intimideer en te ontstel”.

Freedland se patetiese boek maak dit duidelik om te sien hoekom die genre uitgeput is. Terwyl intelligensie-agentskappe Islamitiese ekstremisme moet baasraak, glo die meerderheid van Hollywood-skrywers dat die enigste aanvaarbare skurk ‘n Russiese een is.

Ook, om kommersiële redes word belaglike storielyne versin. ‘n Arabiese monargie of die Chinese staat sal nooit as die vyand deug vir die buitelandse mark nie. Linkses wil dus eerder fokus op “rassisme” en “anti-Moslem-haatspraak” en nou ook op hul nuwe gunsteling fantasie oor hoe om Trump dood te maak.

Paranoia word aangebied as “realisme” en aangesien Freedland se storie op geweld en moord berus, word Trump en Bannon se ambisies as “diktatoriaal” aangebied. Terwyl die feministiese leser aangemoedig word om te moor, het die skrywer sy morele armoede bankrot verklaar.

Trump se verbod op transgenders gewild in die weermag

Woensdag het president Donald Trump op Twitter aangekondig dat transgenders nie meer toegelaat sal word om in die Amerikaanse weermag te dien nie. Hy het gesê dat hul teenwoordigheid “geweldige mediese koste en ontwrigting” in die geledere veroorsaak.

Trump se aankondiging is deur troepe verwelkom. ‘n Militêre Instituut vir Veterane en Militêre Gesinne wat 1 664 aktiewe dienspligtiges in Desember op vrywillige en vertroulike basis ondervra het, het aansienlik meer respondente aangeteken wat dink dat transgenders meer kwaad doen as wat hulle help.

Die Washington Examiner het berig dat die peiling bevind het dat 41 persent glo die transgenders het militêre gereedheid benadeel, terwyl slegs 12 persent gesê het dit het gehelp.

“Na oorlegpleging met my generaals en militêre kundiges, word personeel in kennis gestel dat die regering van die Verenigde State nie sal aanvaar of toelaat dat transgender individue in enige hoedanigheid in die Amerikaanse weermag dien nie,” het Trump gesê. “Ons weermag moet gefokus wees op beslissende en oorweldigende oorwinning en kan nie belas word met die geweldige mediese koste en ontwrigting wat transgenders in die weermag behels nie. Dankie.”

Die Departement van Verdediging het verlede Junie aangekondig dat transgender mans en vroue nie meer uit die weermag ontslaan mag word op grond van hul geslagsidentiteit nie.

Volgens ‘n RAND Corporation-studie is daar tussen 1 320 en 6 630 transgenders wat tans in alle takke van die Amerikaanse weermag dien.

Dit was nie dadelik duidelik wat van diegene wat die afgelope 13 maande uit die kas geklim het, sal word nie.

Die RAND-studie het aangedui dat lande soos die Verenigde Koninkryk, Australië, Kanada en Israel alle soldate toelaat om te dien en gesê: “In geen geval het die RAND-span bewyse gevind van die effek op operasionele doeltreffendheid, operasionele gereedheid of samehorigheid nie”, maar nagelaat om te noem hoe onpopulêr voormalige president Obama se pro-transgenderbeleid is.

Vise-president Mike Pence, was agter die onlangse stemmery om duur mediese behandeling vir transgenderdienslede te verbied, wat verlede maand in die Huis van Verteenwoordigers net-net misluk het.

Politico het berig dat konserwatiewe wetgewers daarna direk na die president gegaan het, wat verder gegaan het as wat die Republikeinse wetgewers geëis het, aangesien hul voorgestelde wetsontwerp nie ‘n verbod op alle transgenderdienslede bevat het nie.

Perssekretaris Sarah Sanders is tydens ‘n mediasessie van die Withuis uitgedaag deur ‘n vyandige hoofstroom-media oor waarom die grootkoppe van die Pentagon nie ingelig was oor die president se verbod-twiet nie.

Die Williams-instituut het in ‘n verslag van 2014 gesê dat ongeveer 15 500 transgender mans en vroue diens doen en dat ‘n bykomende 134 300 transgenders Amerikaanse veterane is. Dit dui daarop dat sowat 21,4 persent van alle openlik-transgender Amerikaners in die weermag is of in die weermag gedien het, terwyl die gemiddelde volwasse Amerikaanse dienspligkoers slegs 10,4 persent is. Transgender Amerikaners is na verwagting twee keer so geneig om by die weermag aan te sluit.

Facebook kla intussen oor woorde soos “tranny” en “cross dressers”. ‘n Facebook-verteenwoordiger het aan Infowars gesê dat “geslagsidentiteit” ‘n “beskermde kenmerk” is, alhoewel die Wet op Burgerregte van 1964, wat beskermde klasse uiteensit, nie transgenders insluit nie.

“Ons laat nie haatspraak op Facebook toe nie, wat beteken dat ons boodskappe verwyder wat mense aanval op grond van beskermde eienskappe soos ras en geslagsidentiteit,” het die Facebook-verteenwoordiger geskryf. “Kwetsende woorde, soos die woord tranny, word beskou as haatspraak tensy hulle selfverwysend gebruik word.”

Facebook beheer reeds woordgebruik, wat beteken dat hulle die openbare mening beheer met meer as 1,39 miljard gebruikers, groter as die bevolking van China.

‘Johannesburgse polisiestasies vol weens klopjagte op gekaapte geboue’

Die burgemeester van Johannesburg, Herman Mashaba, se strategie om klopjagte op gekaapte geboue in die middestad uit te voer, lei blykbaar tot “oorvol polisiestasies” aangesien 80% van die inwoners van sulke geboue uit buitelanders bestaan. Die munisipaliteit versoek die Suid-Afrikaanse Polisie om onwettige immigrante te arresteer en uit die land te deporteer, wat veroorsaak dat polisieselle nie meer die duisende onwettiges kan huisves nie.

Gerugte dat die departement van binnelandse sake die munisipaliteit en die polisie gevra het om nie verdere onwettiges in hegtenis te neem nie, is deur die departement se direkteur-generaal, Mkuseli Apleni, ontken. In ‘n onderhoud met Radio 702 het hy vanoggend verklaar:

“Hoe kan ons onwettigheid bevorder as ons as departement sê iemand het die wet oortree, en omdat hulle die wet oortree het, dus, moenie hulle arresteer nie want daar is nie plek nie. Dit kan nie moontlik wees nie.”

Apleni het egter die burgemeester gekritiseer omdat hy “xenofobie” aanwakker. Die departement beskou migrasie as ‘n “internasionale verskynsel wat bestuur moet word”.

Suid-Afrikaanse swartes is daarvoor bekend dat hulle buitelanders aanval en in 2008 het ten minste 62 buitelanders uit ander Afrikalande in xenofobiese onluste gesterf. In 2015 het xenofobiese moorde weereens opgevlam en het ten minste twee lande, Malawi en Kenia, van hul burgers gerapatrieer uit vrees dat hulle deur plaaslike swartes aangeval sou word.

Herman Mashaba het twee dae gelede gesê dat hy die situasie geërf het waardeur geboue in die middestad deur krotbase en inwoners gekaap word en dan aan buitelanders verhuur word.

Mashaba, wat aan die DA-opposisieparty behoort, regeer tans in Johannesburg danksy steun van die Afro-kommunistiese party, die EFF wat die ANC vanuit die mag uitgesluit het. Die burgemeester van Johannesburg het gesê: Ek gaan nie die krotbase toelaat om deel hiervan te wees nie. ‘n Minimum van 80% van die mense wat in gekaapte geboue woon, is buitelandse burgers. Ek sal alles moontlik doen om huisvesting te verskaf, maar die stad van Johannesburg sal slegs huisvesting aan Suid-Afrikaners voorsien.”

Volgens Mashaba sal hy nie toelaat dat vervalle geboue gekaap word nie.

Twee weke gelede het sewe mense gesterf nadat ‘n uitgesette inwoner uit weerwraak ‘n brand in een van die geboue gestig het.

SAUK-omroepster koop R10 000-handsakke maar ‘hou nie van geld uitgee’

‘n SAUK-omroepster en platejoggie, Lerato Kganyago, het op Twitter gespog dat sy ‘n halfmiljoen rand betaal is om op sosiale media met ‘n sekere drankhandelsmerk gesien te word. Met haar geld het sy onder andere handsakke gekoop wat R10 000 elk kos en ‘n deposito op meubels betaal. Maar op Instagram het sy bogaande foto van ‘n huilende apie geplaas en gesê dis hoe sy voel as sy moet geld uitgee.

Volgens Lerato Kganyago is sy “straatwys” en dink aan “onkonvensionele” maniere om geld te maak.

Op haar Twitter-profiel beskryf sy haar as “God se gunsteling” (God’s fave).

Franse intellektuele beskuldig regering dat hulle haatmisdaad toesmeer

‘n Groep beroemde Franse intellektuele het die Franse owerhede daarvan beskuldig dat hulle die brutale moord deur ‘n swarte op ‘n Paryse vrou toesmeer. Die ope brief bevraagteken die aanklaer se weglating van haatmisdaad in ‘n voorlopige aanklag teen die verdagte.

Die misdaad, besonder barbaars, wat in die middel van die Franse presidensiële veldtog plaasgevind het, het min aandag in die media gekry.

Kobili Traore, ‘n 27-jarige swart Moslem uit Mali, het die bejaarde Sarah Halimi op 4 April doodgemartel. Nadat Traore sy slagoffer herhaaldelik geslaan en aangerand het, het hy haar uit haar derde verdieping woonstel gegooi.

‘n Lid van die Europese Parlement en 17 prominente Franse intellektuele het teen dié weglating in die konsep-aanklag beswaar gemaak. Frederique Ries, ‘n wetgewer van België, het gesê die Franse owerhede het die erns van die misdaad geïgnoreer.

“Die Franse owerhede het haar moord met ysige stilte beantwoord,” het Ries gesê. Traore, wat nie ‘n geskiedenis van geestesongesteldheid gehad het nie, is by ‘n psigiatriese instelling geplaas en is nie aangekla van ‘n haatmisdaad nie, ondanks bewyse wat daarop dui dat hy Halimi weens godsdienstige redes doodgemartel het.

“Geen nasionale mobilisering vir Sarah se moord nie, want die media het kwasi-onverskillig gebly.” Die groep het ‘n opname van die voorval wat deur ‘n ander buurman gemaak is, aangehaal. Daarin kan Traore gehoor word waar hy “Allahu Akbar” skree. Sommige waarnemers glo dat die owerhede Halimi se moord toegesmeer het om te verhoed dat dit Marine Le Pen se presidensiële veldtog help.

Alain Finkielkraut, Michel Onfray, Jacques Julliard, Elisabeth Badinter, Marcel Gauchet en ander persoonlikhede het gevra vir meer deursigtigheid oor die dood van Halimi.

Halimi, ‘n ma van drie en ‘n afgetredene, is in haar eie huis gemartel. Die slagoffer het sowat dertig jaar lank in die Belleville-distrik in staatsbehuising gewoon. Daardie nag, het haar buurman Traore, die oggend om vieruur by haar huis ingebreek, haar aangerand en geslaan.

Volgens die Tribune Juive, het hy Sarah “Satan” genoem en kalm gebid ná haar moord. “Alles oor hierdie misdaad dui daarop dat daar ‘n voortdurende ontkenning van die werklikheid is” deur owerhede, het die intellektuele gesê.

Traore, ‘n dwelmhandelaar en ‘n dwelmverslaafde, het bure met die verskriklike gille van sy slagoffer wakker gemaak. Een het getuig dat die moord “dierlik” was. Ander het gesê hulle het gehoor dat Kobili “Allahu akbar”, “bly stil” en “sheitan!” (Satan) geskree het.

Die Halimi-gesin sê die moord was ‘n terroriste-daad met marteling en haat as verswarende omstandighede.

Terwyl die openbare debat in Frankryk woed, het die Britse Indiese skrywer, Sir Salman Rushdie, in ‘n onderhoud met die Franse tydskrif L’Obs Europese leiers geblameer omdat hulle weier om die werklikheid van die oorsprong van jihadisme te sien:

“Ek het ‘n fundamentele meningsverskil met hierdie linkse mense wat alles doen om fundamentalisme van Islam te dissosieer. Islam is vir vyftig jaar besig. Aan die Sjiïtiese kant was daar Imam Khomeini en sy Islamitiese revolusie. In die Sunni-wêreld was daar Saoedi-Arabië, wat sy enorme hulpbronne gebruik om die verspreiding van hierdie fanatisme van Wahhabism te finansier. Maar hierdie historiese evolusie het plaasgevind binne Islam en nie buite nie. Wanneer die Islamitiese staat aanval, doen hulle dit deur Allahu Akbar te sê. So, hoe kan ons dan sê dat dit niks met Islam te doen het nie? Dit moet gestop word.”

‘n Islamitiese doodsvonnis is oor Rushdie uitgespreek vir beweerde godslastering in sy 1988 blitsverkoper roman The Satanic Verses.

New York Times se swart verslaggewer loods aanval op wit vroue

‘n New York Times-verslaggewer Greg Howard, het ‘n opstel geskryf waarin “rassistiese” wit vroue skuldig bevind word omdat hulle nie ‘n “swartman vrees” nie, beweer hy in die koerant se “Race/Related” nuusbrief.

“Hoekom net en spesifiek wit vroue? Weier hulle om my te erken omdat hulle geleer is dat hulle swart mans moet vrees en dat enige erkenning van swart mans gevaar kan uitnooi?”

In sy opstel “Was dit rassisties,” het Greg Howard aangevoer dat wit vroue hom “heeltemal van die sypaadjie gedwing het” en nie uit sy pad wil kom nie.

“In sewe jaar van lewe en stap hier, het ek gevind dat die meeste mense hoflik stap – maar daardie wit vroue, ten minste wanneer ek in hul pad is, doen dit nie,” skryf Howard, wat alle wit vroue beskuldig dat hulle deur die bank rassisties is.

“Soms kyk hulle op hul fone. Ander kere is hulle in pare en groepe, en in gesprek. Maar dikwels kyk hulle vorentoe, deur my, as dit nie heeltemal by my verby is nie,” gaan hy voort in dieselfde goor trant.

“As wit vroue in my pad is, bly hulle byna altyd reguit aan loop en dwing my na die een kant sonder om hul koers te verander. Dit gebeur verskeie kere per dag; En ‘n paar keer ‘n week dwing wit vroue my heeltemal van die sypaadjie. In hierdie gevalle, wanneer ek in die straat of in die vullis staan ​​soos ‘n wit vrou verbystorm, breë skouers en tevrede, word ek woedend,” het Howard gesê.

“Weier hulle om my te erken, want om hul roete te verander sal wees om hul vrees te wys? Sien hulle my nie? Kan hulle my nie sien nie?” gaan hy te kere, duidelik in die greep van ‘n soort rasparanoia oor die stad se oorvol sypaadjies.

Die woedende Howard sê voorts: “In hierdie gevalle voel ek klein … Ek kom ook uit die pad, want as ‘n swartman het ek geleer dat lyfkontrole, stamp of om selfs teen ‘n ewekansige wit vrou te skuur, kan persoonlik gevaarlik wees.”

Dan Gainor, vise-president vir besigheid en kultuur by die Media Research Center, het aan Fox News gesê dat die opstel rassisties en bevooroordeeld was. “Kan jy jou voorstel dat die New York Times ‘n opstel publiseer waarin ‘n wit vrou kla oor hoe swart mans onbeskof is en dan blameer hulle dit op ras? Die koerant en die skrywer sal onder beleg wees,” het Gainor gesê.

“Die linkses se nuwe standaard is dat wit mense alles verkeerd doen – selfs om in die straat te loop,” het hy gesê. “The Times bevorder die tipiese liberale standaard. Alles wat links is, is reg en alles wat reg is, is verkeerd.”

“Hy is verward,” het Fox Sports1 se swart aanbieder Jason Whitlock, oor Howard gesê. “Hy is lief vir die vrugte van wit Amerika, maar hy wil die boom haat wat hulle geproduseer het.”

Howard se opstel het vurige kritiek uitgelok.