Nuus Archives - Page 1150 of 1583

Hulpskenkers gaan Zambië se begroting aanvul

Internasionale donateurs staan reg om sowat R1,5-miljard aan Zambië te skenk met die oog om armoede te help verlig, het ‘n Europese Unie-amptenaar gister gesê.

“Deelnemende vennote het hulle onderneming om 142-miljoen euros ten behoewe van Zambië se 2010-begroting te skenk, bevestig,” sê Derek Fee, die EU-afvaardigingshoof na Zambië.

Ses maande gelede het skenkers in die koperafhanklike suidelike Afrika-land kommer uitgespreek oor die ontvreemding van skenkersfondse, veral deur die ministerie van gesondheid, waar omtrent R37-miljoen weggeraak het.

Fee sê die aangeleentheid van korrupsie en ontbreking van behoorlike regeringsbestuur is met die regering bespreek.

“Die formele dialoog met die regering is ontketen deur die deelnemende vennote se kommer oor ‘n aantal regeringsverbonde aangeleenthede, soos die afname van befondsing aan die teenkorrupsie-agentskappe en die verduistering van fondse by die ministerie van gesondheid,” sê Fee.

Lande wat tot die begroting gaan bydra sluit Duitsland, Swede, die Verenigde Koninkryk, Noorweë en Finland in. Die Wêreldbank sal ook bydra.

roulette double bet strategy

Zuma wys nuwe Zim-span aan

President Jacob Zuma het Woensdag ‘n nuwe span aangewys om Zimbabwe se sukkelende eenheidsregering te monitor en daardeur voormalige president Thabo Mbeki se bemiddelingsrol beëindig, het sy kantoor gesê.

“As deel van die evaluasieproses sal die fasiliteringspan Zimbabwe besoek op ‘n datum wat nog bekendgemaak sal word,” het die presidensiële woordvoerder Vincent Magwenya gesê.

“Voormalige president Thabo Mbeki se rol was binne die konteks van sy staatshoofskap,” het Magwenya aan AFP gesê.

Mbeki, wat as president in September 2008 bedank het, het ‘n span onderhandelaars gelei wat die magsdelingsooreenkoms tussen president Robert Mugabe en sy teenstander Morgan Tsvangirai, tans eerste minister, bemiddel het.

Die eenheidsregring wat in Februarie vanjaar tot stand gekom het, gaan gebuk onder magstryde en Tsvangirai het selfs in Oktober vir drie weke ‘n boikot onderneem.

Die dooiepunt is later deur streeksleiers by ‘n spesiale spitsberaad in Mosambiek ontlont.

“Die fasiliteringspan sal binnekort met die partye skakel as afgevaardigdes van die president, en terugrapporteer aan hom,” luid die verklaring.

Die span sluit voormalige kabinetministers Charles Nqakula,Mac Maharaj en Zuma se adviseur vir internasionale aangeleenthede Lindiwe Zulu in.

финские сауны

Irak span youtube in vir propaganda

Irak het die Withuis en die Pous se voorbeeld gevolg met die bekendstelling van sy regering se eie, amptelike youtube-kanaal.

Die youtube-kanaal is aan die einde van ‘n besoek aan Bagdad deur Eric Schmidt, Google se uitvoerende hoof, onthul.

Schmidt het ook planne aangekondig om historiese artefakte en dokumente uit Irak se nasionale museum met behulp van Google te digitaliseer.

Nuri al-Maliki, Irak se premier, het die nuwe kanaal op youtube.com/iraqigov, bekendgestel met ‘n boodskap dat dit sy regering nou sal toelaat om hul suksesse wêreldkundig te maak.

“Die wêreld het nog nie gesien wat die regering in Irak vermag het met wat die land se ekonomie, politiek en daarstelling van ‘n demokrasie betref nie,” het Maliki gesê.

“Die regering sien die aanwending van hierdie tegnologie as ‘n geleentheid om hul suksesse te toon,” het hy gesê.

строй баня

Waternood dreig in die Suid-Kaap

Waternood dreig in die Suid-Kaap en die stadsraad van George het inwoners tot kalmte gemaan.

Woensdag is op ‘n raadsvergadering besluit dat watertariewe vir nie-huishoudelike verbruikers met 50% verhoog sal word wat onmiddellik inwerking sal tree.

Harold Basson, senior bestuurder: siviele ingenieursdienste van die George-munisipaliteit, het gister aan Die Burger gesê die watersituasie in George versleg by die dag.

Basson meen daar is selfs ’n sterk moontlikheid dat die waternetwerk heeltemal afgesluit kan word en het die situasie as uiters kommerwekkend beskryf.

George se vernaamste waterbron, die Tuinroetedam, is tans net 23% vol en die watervlak daal met rasse skrede.

Die munisipaliteit gaan drastiese stappe oorweeg om waterverbruik in te perk en huishoudings gaan binnekort slegs 10 kiloliter water per maand toegelaat word en dit kan nog minder wees indien dit nie reën nie.

Die November-reënval was heelwat minder as wat die streek normaalweg ondervind.

Intussen skud die gebied vere reg vir die vakansiegangers wat binnekort gaan instroom en waarskynlik nog groter druk op die watervoorraad gaan plaas.

play fruit machines online free

Wilders in Turkse wildernis?

Terwyl die Europeërs nog langtand herkou aan die gedagte om Turkye lid van die Europese Unie te maak, het ‘n nuwe herrie losgebars.

Turkye het met ontsteltenis kennis geneem daarvan dat die omstrede politikus, Geert Wilders, ingesluit is in ‘n afvaardiging van die Tweede Kamer wat oor die Kersreses ‘n werksbesoek aan Turkye wil bring.

Die Turkse regering het egter heftig beswaar gemaak en Wilders ‘n fascis en rassis genoem. Die regering wys ook daarop dat hy niemand binne die regering kan vind wat met Wilders ‘n woordjie wil wissel nie, en ook niemand onder die nie-regeringsorganisasies.

Die woordvoerder, wat nie sy stellings op TV wil herhaal nie om te demonstreer dat Wilders ignoreerbaar is, het bygevoeg dat dié politikus se insluiting in die afvaardiging as provokasie beskou word.

Terwyl die Turke die insluiting van Wilders as provokatief beskryf, het die Kamerkommissie vir Europese Sake wat die besoek reël, ook voet dwars neergesit en aangedui dat die hele afvaardiging gaan, of daar is geen besoek hoegenaamd nie.

Bron: Trouw

Ekonomie groei maar werk nie

Die ekonomie groei weer maar sonder dat werk geskep word en dié groei beteken dalings in rentekoerse is vir eers verby.

Desondanks ‘n groei van 0,9% in die bruto binnelandse produk (BBP) in die derde kwartaal wat Dinsdag deur Statistieke Suid-Afrika bekend gemaak is, bly die verlies aan poste ‘n kopseer.

Tegnies gesproke is Suid-Afrika nou uit ’n resessie ná drie opeenvolgende kwartale van negatiewe groei, maar meer as 1 miljoen poste kan vanjaar verdwyn.

Meer as 959 000 mense het reeds vanjaar hul status van werkend na werkloos aangepas volgens Statistieke Suid-Afrika en ekonome voorspel dat werkgeleenthede eers teen Junie volgende jaar sal begin groei.

Banke verwag dat die ekonomie met tussen 2,2% en 3% sal groei danksy vervaardiging, regeringsbesteding, boukonstruksie en dienste.

Sekere huishoudelike sektore verkeer steeds in ‘n resessie, soos finansiële dienste, eiendom, en mynbou wat tot die kwartaal se negatiewe invloed op die BBP bygedra het.

Verbruikers is steeds diep in die rooi, en ten spyte van lae rentekoerse gaan hulle versigtig bly sê ekonome.

Все для крещения Лобановский

China stel 2 tereg vir giftige melk

Twee mans is Dinsdag in China tereggestel vir hulle aandeel in die besmette melkskandaal wat ses kinders gedood het asook die Chinese handelsmerk geskend het.

Byna 300 000 kinders het verlede jaar siek geword nadat hulle van die melkformule ingekry het wat met die gifstof melamien besmet is.

Toonaangewende produsent Sanlu het die melk verkoop. Hulle staar tans bankrotskap in die gesig. Daar is in Januarie 21 werknemers is skuldig bevind en gevonnis vir hul aandeel in die saak.

Volgens hofstukke is Zhang Yujun tereggestel omdat hy die publiek se veiligheid in gevaar gestel het, terwyl Geng Jinping tot die dood veroordeel is vir die produsering en verkoop van toksiese voedsel.

Zhang het glo meer as 770 ton melamien proteïen poeier gelewer, waarvan meer as 600 ton tussen Julie 2007 en Augustus 2008 verkoop is.

Geng het meer as 900 ton besmette melk verkoop, het hofdokumente aangetoon. Tian Wenhua, Sanlu se gewese algemene bestuurder en die vrou wat skynbaar vir die tragedie verantwoordelik is, is slegs lewenslange tronkstraf opgelê.

Sanlu-beamptes het reeds vroeg in Augustus bewus geraak van die melamien, maar het die publiek eers teen middel September daaroor ingelig, weens die Beijing Olimpiese spele.

Melamien, wat nierstene kan veroorsaak, word gebruik vir die maak van plastiek, kunsmis en beton. Die hoë stikstofinhoud daarvan veroorsaak dat proteïenvlakke hoër vertoon wanneer dit by melk of veevoer bygevoeg word.

пескоструй

Grondwet gee aan Malema ‘vryheid van spraak’

Tumi Mokwena, Julius Malema se prokureur, het in sy finale betoog voor die gelykheidshof gesê die gelykheidswet maak daarvoor voorsiening dat ware slagoffers van verkragting beskerm word en bygevoeg dat daar bevind is dat die klaer in die Zumasaak leuens kwytgeraak het.

Mokwena het ook gesê dat die grondwet aan Malema die reg tot vryheid van spraak gee.

Uitspraak in die haatspraaksaak teen Julius Malema, die ANC-jeugligaleier, is in die gelykheidshof in Johannesburg voorbehou.

Landdros Colleen Collis het gesê sy sal op ‘n latere stadium ‘n datum gee waarop uitspraak gelewer sal word.

Die Sonke Gender Justice Network het ’n klag van haatspraak, diskriminasie en teistering teen Malema gelê oor sy kommentaar rakende ’n vrou wat president Jacob Zuma van verkragting aangekla het.

Malema het glo gesê die klaer het ’n “lekker tyd” gehad.

Die Sonke Gender Justice Network eis ’n verskoning en R50 000 skadevergoeding wat aan ’n hawe vir mishandelde vroue uitbetaal sal word.

Фильчаков

VSA sal nie landmynverbod teken nie

Die Obama-administrasie het besluit om nie ‘n internasionale konvensie wat landmyne verbied, te teken nie.

‘n Segsman vir die staatsdepartement, Ian Kelly, het gister gesê dat die administrasie onlangs ‘n oorsig voltooi het en besluit het om nie die Bush-administrasie se beleid te verander nie.

“Ons het besluit dat ons landmynbeleid in werking sal bly,” het hy gesê.

Meer as 150 lande het ooreengekom om die Landmynverbodverdrag se bepalings om produksie te staak, te aanvaar om die vervaardiging, gebruik, opgaar en handel in landmyne te beëindig. Benewens die VSA sluit dié wat weier o.a. Sjina, Indië, Pakistan, Mjanmar en Rusland in.

Mensregtegroepe het die hoop uitgespreek dat die Obama-administrasie die verdrag sal onderteken.

Stephen Goose, direkteur van Human Rights Watch se wapensafdeling, sê hy is verras deur die aankondiging en het dit teleurstellend genoem. Hy sê dat sy groep die administrasie aangepor het om hulle besluit te hersien, maar die administrasie het geen aanduiding gegee dat dit beplan word nie.

Die Staatsdepartement se Kelly sê dat die Verenigde State volgende week ‘n waarnemersgroep van landmyndeskundiges na ‘n hersieningskonferensie oor die verdrag in Cartegena in Colombia sal stuur.

‘n Verslag wat hierdie maand deur die Internasionale Veldtog om Landmyne te Verbied sê dat daar nog in meer as 70 lande landmyne geplant is. Dit sê ook dat myne wat per ongeluk afgesit word, ten minste 1 266 mense verlede jaar gedood en 3 891 gewond het.

Komplot om wapens vir Hezbollah te verskaf, gefnuik

‘n Amerikaanse federale grootjurie in Pennsylvanië het gister vier mans formeel vir ‘n beweerde komplot om die Libanese terroristegroep, Hezbollah, deur onwettige planne van meer as ‘n duisend masjiengewere te voorsien.

Die klag kom net ‘n dag nadat ander amptenare in Philadelphia gesê het dat hulle ‘n soortgelyke komplot om lugafweermissiele te bekom en na Sirië te stuur, gefnuik het, hoewel owerhede in dié saak nog nie sover gegaan het om enige iemand daarvan te beskuldig dat hulle ‘n spesifieke terreurgroep probeer help het nie. Hezbollah, ‘n Sjiïtiese organisasie in Libanon is op die VSA se lys van terreurorganisasies.

Die aanklag wat gister aanhangig gemaak is beweer dat die twee verdagtes probeer het om ongeveer 1,200 Colt M4 masjiengewere aan Hezbollah te verskaf, maar hulle pogings is deur ‘n operateur onder die dekmantel gefnuik. Die samesweerders het na bewering gepoog om die wapens in Philadelphia te koop en na ‘n hawe in Sirië te verskeep vanwaar hulle uiteindelik met ‘n ompad na Hezbollah sou gaan.

Die aanklag is ook teen agt ander persone vir minder ernstige misdrywe wat verband hou met die vervoer van gesteelde of vervalsde goedere.

Die owerhede sê daar is altesaam 13 verdagtes in aanhouding en 11 word nog gesoek.

Hezbollah wat in 1982 gestig is, het berugtheid in die Weste verwerf toe dit verbind was met die ontvoering van Westerse gyselaars en ‘n reeks bomontploffings teen Westerse teikens.

Hezbollah tree hoofsaaklik op ter wille van Libanon se 1,2-miljoen Sjiïtiese Moslems, die land se grootste enkele sekte.

Hezbollah het oor die jare gegroei tot waar hulle ‘n netwerk van belange bedryf – klinieke, skole, ‘n TV-stasie en ‘n weeklikse koerant.

Александр Фильчаков