Nuus Archives - Page 1419 of 1583

Diamante verloor hul vonkel

Diamantmaatskappye se aandele verkeer reeds geruime tyd onder druk.

Nou is ongeslypte diamante se pryse ook besig om te daal en is omtrent deur die bank 10% laer.

Aangesien die VSA die wêreld se grootste mark vir kleinhandeldiamantjuweliersware is, met omtrent 50% van die jaarlikse verbruik daarvan, is die swak Amerikaanse ekonomie te blameer daarvoor.

Daar is ook 'n skerp afname in spekulatiewe handel in groter, meer waardevolle ongeslypte diamante tussen diamanthandelaars self.

Ontleders sê die laaste kwartaal was nie goed vir diamantverkope nie.

Omdat diamante as 'n luukseproduk gesien word, is hulle nie bestand teen 'n resessie nie.

read full plays online

Serwiese amptenaar vra om verskoning omdat hy bruide wou invoer

'n Serwiese regeringsminister moes om verskoning vra nadat sy adjunk voorgestel het dat Serwië kon baat by die invoer van 100 000 vroue vanuit Laos, Birma, Kambodja en Viëtman om as bruide vir Serwiese vrygeselle te dien.

Die amptenaar het gesê die suidoos-Asiers was tradisioneel lojaal teenoor die staat en dat hulle hard werk.

Serwië is die tuiste van 7,5 miljoen mense en daar is 250 000 ongetroude mans in die land.

Die amptenaar het gesê Asiese vroue sorg goed vir hul kinders en dat Serwië binne vyf jaar 300 000 pasgebore babas kon hê.

Die voorstel het ontsteltenis en 'n gelag veroorsaak.

In Kosowo, die Serwiese hartlandprovinsie, plant die Albaniërs teen die hoogste koers in Europa voort.

липецк опции

Mboweni ontvang groot salarisverhoging

Die goewerneur van die sentrale bank Tito Mboweni het vanjaar 'n 27,5% salarisverhoging ontvang. Sy jaarlikse salaris was verlede jaar heelwat meer as R3 miljoen.

Die bank se twee adjunkgoewerneurs het verhogings van onderskeidelik 66% en 72% ontvang.

Die Reserwebank is besig om 'n stryd teen inflasie te stry deur die heraankoopkoers in 2006 met 5 persentasiepunte te verhoog.

Die bank het ook sy kommer uitgespreek oor stygende loonkostes.

Die salarisverhogings vir die goewerneur en sy adjunkte oorskry egter grootliks die land se inflasieteiken van tussen 3% en 6%.

Лобановский

Cheney gaan die Oekra?ne besoek

Dick Cheney

Die Amerikaanse visepresident Dick Cheny gaan vandag Oekraïense leiers besoek op sy toer om Amerikaanse bondgenote in die streek te versterk.

Sy besoek volg op die konflik tussen Georgië en Rusland.

Politieke bakleiery in die Oekraïne het rondom bande met Rusland toegeneem.

Die Oekraïne het aansoek gedoen om by NAVO en die Europese Unie aan te sluit, maar die land se politieke leiers is erg verdeeld oor die saak.

Sommiges vrees dat die Oekraïne die volgende konflikgebied vir spanninge tussen Rusland en die VSA kan word.

Cheney sal waarskynlik pro-Westerse leiers in die land aanmoedig om hulle geskille by te lê en die wankelende regeringskoalisie in stand te hou.

Фільчаков прокурор

MDC staan unilaterale Mugabe-regering teen

Zimbabwe se MDC het Donderdag gesê dat president Robert Mugabe politieke selfmoord sou pleeg indien hy sou voortgaan om unilateraal 'n regering saam te stel.

Mugabe is Donderdag deur die staatsmedia aangehaal dat hy sou voortgaan om 'n regering saam te stel indien die MDC-leier nie Donderdag 'n magsdelingsooreenkoms sou onderteken nie.

Mugabe het aan die staatsdagblad The Herald gesê dat as Tsvangirai nie teken nie, hy sekerlik 'n kabinet gaan saamstel.

Samesprekings tussen Mugabe en die opposisieleier Tsvangirai het middel-Augustus 'n dooiepunt bereik oor wat die opposisie beweer Mugabe se wens is om beheer oor die veiligheidsmagte te behou.

Фільчаков прокурор

Angolese verkiesings gaan nie vry en regverdig wees nie, s? Human Rights Watch

Intimidasie van opposisiepartye en die media in die aanloop tot die parlementêre verkiesings in Angola bedreig die moontlikheid van 'n vrye en regverdige verkiesing, het Human Rights Watch vandeesweek gesê.

Georgette Gagnon, Afrika se direkteur van die organisasie, het gesê dit was duidelik dat Angolese nie in staat was om vrylik verkiesing te voer sonder intimidasie of druk nie.

Human Rights Watch het ook gesê dat die regering misluk het om die basiese pligte na te kom soos hulle uiteengesit word in die Beginsels en riglyne vir verkiesings van die Suider-Afrikaanse ontwikkelingsgemeenskap.

Sy het byvoeg dat Angolese nie in staat gaan wees om hul stemme vrylik uit te bring nie.

Angolese gaan vandag vir 'n nuwe Nasionale Vergadering stem.

Die heersende Volksbevrydingsbeweging van Angola, MPLA, regeer sedert 1975.

Лобановский Харьков

Google stel nuwe websnuffelaar bekend

Google Inc., die skepper van die wêreld se gewildste internet-soekenjin, het sy eie websnuffelaar ontwikkel wat beskou word as 'n direkte teenvoeter vir Microsoft se mark-dominante Internet Explorer.

'n Toetsweergawe van die nuwe programmatuur, genaamd Google Chrome, kan reeds in meer as 100 lande afgelaai word, het die maatskappy bekend gemaak.

Die oogmerk met Google Chrome is 'n vinniger, meer gebruikersvriendelike en veiliger snuffelaar.

Die snuffelaar is heeltemal gratis en maak van oopbronprogrammatuur gebruik. Onder andere het die maatskappy by 'n ander gratis websnuffelaar, Firefox, gaan leen vir die kode waarmee Google Chrome geskep is.

Фильчаков прокурор

Saskok se soustreinryers in die sop

Saskok se soustreinryers sal hulle swak voorbereidings vir internasionale sport kompetisies moet verklaar.

Hulle is aangesê om voor die Portefeuljekommittee vir Sport en Ontspanning te verskyn.

Dit kom nadat klagtes van Suid-Afrika se Bladerunner, Oscar Pistorius, oor die organisasie ontvang is

Pistorius sê Saskok se bestuur het besigheidsklas Beijng toe gevlieg, maar die gestremde atlete moes maar met ekonomiese klas tevrede wees.

Atlete is na wat berig word vir die afgelope vier maande nog nie vergoed nie

Senior lede van die Olimpiese span het ook gekla oor die swak toerusting en gebrekkige ondersteuning van Saskok.смеси

NAVO veroordeel oor Pakistanse inval

Die Verenigde State het Woensdag erken dat 'n helikopter vol Amerikaanse Spesiale Magte Al Kaida militante op Pakistanse grondgebied aangeval het.

Die aanval deur die Amerikaanse magte het 'n breër veldtog binne Pakistan aangekondig.

Verhoudinge met Pakistan sal gevolglik daaronder bemoeilik word.

'n Ooggetuie het in 'n telefoononderhoud gesê dat 19 mense gedood is in die aanval, waarvan die meeste vroue en kinders.

Die alreeds onstabiele politieke situasie het versleg ná die bedanking van president Pervez Musharraf, 'n Amerikaanse bondgenoot.

Amerikaanse soldate in Afghanistan, wat aan Pakistan grens, opereer onder die vaandel van NAVO.

Die Spesiale Magte wat die aanval uitgevoer het, staan egter direk onder Amerikaanse beheer.

бане на Данильченео

Mugabe woon sy kritikus se begrafnis by

Robert Mugabe

President Levy Mwanawasa, die ontslape leier van Zambië, is gister in 'n koperbeslaande kis begrawe.

Hy het Zambië sedert 2001 gelei en is in 2006 herkies.

Duisende Zambiërs het in tente bymekaargekom wat by die parlementêre kompleks in Lusaka opgerig en nasionale vlae het halfmas gehang.

Die Suid-Afrikaanse president Thabo Mbeki, die leier van Botswana Seretse Khama Ian Khama en die presidente van Namibië, Mosambiek en Malawi het die begrafnis bygewoon.

Mwanawasa was die enigste streeksleier wat hom oor die politieke en ekonomiese krisis in Zimbabwe en teen Mugabe uitgespreek het.

Mugabe het egter die begrafnis bygewoon en het hulde aan die oorlede Zambiese president gebring deur hom 'n uitgesproke en kloekmoedige leier te noem.

Фильчаков Харьков