Nuus Archives - Page 1372 of 1583

ANC wil stemme werf in Noordwes

Na ‘n massiewe byeenkoms oor die naweek in Soweto, het Jacob Zuma gister weer sy verkiesingsveldtog voortgesit, dié keer oor die lengte en breedte van Noordwesprovinsie.

Zuma het ANC-lede en alliansievennote in Christiana toegespreek gedurende sy besoek aan die Ruth Mompati distriksmunisipaliteit as deel van sy verkiesingsveldtog.

Daar het hy lede van die ANC-splintergroep beskuldig dat hulle die media gebruik om ANC lede vir hulle party te werf.

Zuma het ‘n beroep gedoen op ANC-lede om nie mislei te word nie, en in die regerende party te bly.

Hy het ook ‘n saamtrek by Ipelengwoongebied naby Schweizer Reneke toegespreek voordat hy na Rustenburg gegaan het, waar hy ‘n vergadering van besigheidsmanne en ander belanghebbendes toegespreek het.

Cosatu, de vakunie, het ‘n beroep gedoen op al die mense in Noordwes wat die nuwe party ondersteun, om die ANC te verlaat sodat hulle ‘n vreedsame verkiesingsveldtog.

Die ANC Jeugliga het intussen bekende Suid-Afrikaanse musikante se hulp ingeroep om die ANC-veldtog te help beskerm.

Jeugligawoordvoerder, Floyd Shivambu, het gesê die veldtog is reeds geïnisieer in Mpumalanga, Ooskaap, KwaZulu-Natal en Limpopo, en dat Gauteng nou aan die beurt kom.

Volgens Shivambu, is kunstenaars wat hul steun aan die program verleen Mbongeni Ngema, Blondie Makhene, Don Laka, Mzwakhe Mbuli en verskeie platejoggies van klubs.

Оборудование прокурор Фильчаков

Eksperimentele MIV-entstof kan risiko vir infeksie verhoog

Toetse van ‘n entstof teen MIV wat voorheen belowend voorgekom het is in 2007 gestaak, omdat dit die risiko vir infeksie kan verhoog, is in ‘n nuwe studie bekendgemaak.

Die MIV-1-entstof, wat hoop laat ontstaan het vir die stryd teen Vigs toe dit deur die Amerikaanse farmaseutiese reus Merck ontwikkel is, was in die tweede fase van klinies toetse toe die probleem raakgesien is in September 2007, het navorsers by die Montpellier Instituut vir molekulêre genetika in Frankryk gesê.

Die entstof, het op ‘n gemodifiseerde vorm van die gewone verkoue virus, Ad5, staatgemaak om die MIV in die liggaam in te dra.

Die kleiner MIV dele, het die Merck toetse bevind, sal die liggaam se immuniteitsisteem aktiveer om latere infeksie met die virus te bestry.

Een van die bekommernisse oor die benadering was dat wydverspreide immuniteit teen die entstof kon veroorsaak dat die liggaam die entstof kon verwerp voordat ‘n effektiewe teen-MIV reaksie kon ontstaan.

Drie jaar na die eerste toetse, het navorsers bevind dat meer mense wat die entstof ontvang het en wat voorheen immuun was teen die Ad5 virus, met MIV besmet was as die wat die aan die entstof blootgestel was nie, volgens ‘n studie wat in die aanlyn Joernaal vir Eksperimentele Medisyne gepubliseer was.

Die teenwoordigheid van langwerkende teenliggame, spesifiek tot die Ad5 virus, wat ontstaan het met natuurlike blootstelling aan verkoues, kon die reaksie van die liggaam tot die MIV entstof verander, het die studie bevind.

Die studie het gesê die entstof het die tweede fase van toetse bereik omdat primate, wat in die eerste fase van toetse gebruik is nie natuurlik in aanraking kom met menslike verkoues nie en die probleem is dus nie raakgesien nie.

Die entstof se prototipe is op 700 mense wat MIV-negatief wat getoets in vyf Suid-Afrikaanse hospitale tussen Februarie en September 2007, in die eerste kliniese MIV toets van die grootte wat ooit in Afrika gedoen is.

Intussen is toetse sedert 2004 gedoen in Amerika, Australië, Peru, Brasilië, en Puerto Rico.

free online casino play

Russiese fregat na Oos-Afrika

'n Russiese tenker gaan by 'n fregat aansluit om seerowers rondom die kus van Oos-Afrika te hoof te bied.

Die Neustrasjimie fregat – dit beteken 'vreesloos' – het die waters van Somalië verlede Maandag binnegevaar waar seerowers skepe aanval en lospryse eis. Die fregat sal 'n Russiese handelskip vergesel om die horing van Afrika.

Die Neustrasjimie sal eersdaags deur 'n ander aanvalsboot bygestaan word, die Jelna, wat ook deel vorm van Rusland se Baltiese Vloot.

Amerikaanse skepe van die Vyfde Vloot omsingel tans 'n vaartuig van die Oekraïene wat op 25 September deur Somaliese seerowers gekaap is. Die boot, die Faina, dra 'n vrag tenks en swaar wapentuig met 'n bemanning van 17 Oekraïniërs, 2 Russe en een Litouer aan boord.

Die Faina se Russiese kaptein is aan 'n hartaanval dood toe die skip aangeval is. Die seerowers vra 'n losprys van $8 miljoen om die bemanning vry te laat.

Seerowers het hierdie jaar alreeds 30 skepe gekaap. NAVO en die EU het aangedui dat hulle voortaan die Golf van Aden beter gaan patrolleer. Dit word nou beskou as een van die besigste en gevaarlikste seestrate met 20 000 vaartuie wat daardeur beweeg per jaar.

Die VN het aan die begin van Junie toestemming verleen vir enige land om die waters van Somalië binne te vaar vanweë die wetteloosheid wat heers.

Cholera uitbraak in DRK

Ten minste 100 gevalle van cholera is aangemeld in die DRK se oostelike dele, het Dokters sonder Grense (DSG) Dinsdag gesê.

Daar was 69 gevalle van cholera in die vier vlugtelingkampe rondom Goma in die afgelope week, en 20 in Kitchanga. In Buturande, naby Rutshure is daar 5 tot 10 nuwe gevalle per dag, het die mediese welsynsorganisasie gesê.

Die oostelike streek was die toneel van gevegte tussen regeringstroepe en rebelle wat derduisende mense ontwortel het.

“Noordwes van Goma, in Kitchanga, het DSG daarin geslaag om die watervoorsiening te verhoog van 2 liter per dag na 10 liter per dag. Spanne wat elders werk gaan ook poog om watervoorsiening daar te verhoog het DSG in ‘n verklaring gesê.

Cholera word veroorsaak deur intestinale bakterieë wat ernstige diarree en braking veroorsaak, wat tot dehidrasie lei. Dit het ‘n kort inkubasiestydperk, en kan dodelik wees, maar kan ook genees word as dit vinnig opgespoor word.

Maandag het hulpagentskappe die oostelike DRK-dorpie, Rutshuru vir die eerste keer bereik, nadat die VN verlede week gesê het dat plundery en geweld wat burgerlikes geteiken het, derduisende mense ontwortel het.

‘n Skietstaking verlede week deur wegbreek-generaal Laurent Nkunda en intensiewe diplomatieke aktiwiteite in die streek het die geleentheid geskep om die dreigende humanitêre krisis af te weer.

Feestelike atmosfeer by Amerikaanse konsulaat in Kaapstad

In Kaapstad het die Amerikaanse konsul-generaal, Alberta Mayberry, Obama se oorwinning aangekondig te midde van vreugdekrete by die konsulaatsgebou.

“Ek wil aankondig dat Barack Obama die president is” het sy gesê.

Ten spyte daarvan dat daar van haar verwag word om onpartydig te wees, het die groot glimlag haar duidelik weggegee.

CNN het voorspel dat die senator van Illinois, wat die verkiesings met sy boodskap van hoop aan die brand gehad het, ‘n duidelike oorwinning sou behaal.

“Dis is ‘n historiese oomblik” het Mayberry gesê. “Die atmosfeer hier is elektries, dit is rêrig goeie tye “

‘n Skare van omtrent 150 prominente Suid-Afrikaners en Amerikaners wat in Kaapstad woon het by die konsulaatsgebou in Bishopscourt byeengekom teen vyfuur om die verkiesing te sien uitspeel.

“Dit is verfrissend om Amerikaanse aksente te hoor in die agtergrond” het ‘n Amerikaans burger, Dana Myers gesê, en opgemerk dat hy die verkiesingsatmosfeer in sy tuisland gemis het.

Skares het rondom grootskermtelevisies saamgedrom, om die aksie wat tussen rooi en blou versierings afgespeel het dop te hou.

Kaapstad se burgemeester, Grant Haskins, het langs komediant Peter Dirk Uys gestaan en kyk .

Speaker van die parlement, Gwen Mahlangu-Nkabinde sou later die skare toespreek tydens ontbyt.

сауна сауна topcargo развод

SAOG-leiers byeen oor Zim

Leiers van die Suider-Afrikaanse Ontwikkelingsgemeenskap (SAOG) kom Sondag in Suid-Afrika byeen om die dooiepunt by te lê wat dreig om magsdelingsonderhandelings in Zimbabwe te kelder.

Die geskil tussen Robert Mugabe se regerende Zanu-PF en Morgan Tsvangirai se MDC handel oor sleutelkabinetsposte in ’n eenheidsregering waarop die leiers op 15 September in beginsel ooreengekom het.

Nelson Chamisa, woordvoerder van die MDC, het gesê Tsvangirai sal die spitsberaad bywoon. “Die SAOG moet sy invloed gebruik, veral sodat Mugabe rede insien en besef dat mense ly.”

President Seretse Khama Ian Khama van Botswana het Maandag gesê die enigste uitweg is ’n herverkiesing onder internasionale toesig. il paralume

”n Land waar alles moontlik is’

“As daar iemand is wat twyfel of die VSA ’n land is waar alles moontlik is. . . is vanaand vir hulle die antwoord.”

Só het sen. Barack Obama Woensdagoggend [plaaslike tyd] aan ’n reuse-gehoor in Chicago gesê kort nadat hy as die VSA se 44ste en eerste swart president verkies is.

Internasionale nuusmedia, waaronder SkyNews, het Obama omstreeks 06:00vm Woensdag as oorwinnaar aangekondig.

Obama het aan ondersteuners gesê “verandering het na Amerika gekom” en het Amerikaners gevra om ’n gevoel van samehorigheid te ondersteun om só Amerika se probleme op te los.

Oor sen. John McCain en sy ondersteuners het hy gesê: “Hy het hard geveg tydens sy veldtog, hy het hard geveg vir Amerika. Hy het baie opofferings gemaak. Ek sien uit daarna om saam met hulle te werk.”

Hy het sy verkose visepresident, Joe Biden, bedank en ook sy vrou en twee dogters.

Pres. Kgalema Motlanthe van Suid-Afrika het Obama geluk gewens ná hy as die eerste swart president van Amerika verkies is.

Hy het die hoop uitgespreek dat Obama se verkiesing sal help om ook verandering in Afrika te bewerkstellig.

Die Europese Unie het ook Obama se oorwinning geloof. купить сход развал

Obama word eerste swart Amerikaanse president

08:23:10 Die Amerikaanse verkose president, Barack Obama, het Dinsdag belowe dat “Amerika gaan verander” gedurende sy oorwinningstoespraak nadat hy die eerste Afro-Amerikaner geword het wat die presidentskap van die VSA verower het.

“Dit was vir ‘n lang tyd op pad gewees. Maar vanaand, as gevolg van wat ons gedoen het op hierdie dag, in hierdie verkiesing, op dié geskiedkundige oomblik, het verandering na Amerika gekom,” het hy aan ‘n skare van 65 000 mense gesê.

Hy het lof toegeswaai aan sy veldtogspan, sy vrou, sy kinders en sy ouma wat onlangs oorlede is.

“Tesame met die familie wat my gevorm het in wat ek is. Ek mis hulle vanaand. Ek weet dat hulle meer vir my gedoen het as wat ek ooit kan teruggee,” het hy gesê.

Hy het bygevoeg dat hy nooit die mees waarskynlike kandidaat was nie, en dat hulle sonder baie geld of ondersteuning begin het.

“Ons veldtog is nie in Washington se gange uitgedink nie. Dit het begin in die agterplase in Des Moines en die sitkamers en op die stoepe in Charleston,” het hy later gesê.

read full plays online

Ultranasionaliste, Poetinondersteuners betoog

17:57:31 Ultranasionaliste het Dinsdag gesalueer en pro-Kremlinjeug het lof uitgeroep vir eerste minister Wladimir Poetin op verskeie plekke in Rusland op die Volk se Eenheidsdagvieringe, 'n vakansiedag.

In ’n informele betoging wat begin het in ‘n sentraal-Moskouse metrostasie, het honderde verregse betogers “Glorie aan Rusland” en “Glorie aan Russiese mense” begin uitroep.

Omtrent 500 mense het in ‘n straat afbeweeg voordat onluspolisie op die toneel verskyn het en die klomp met knuppels uitmekaar gejaag het.

Russiese nuusagentskappe wat verskillende bronne aanhaal, het gesê tussen 200 en 400 mense is gearresteer, hoewel ‘n ander betoging elders in die stad met meer as 1000 verregse aktiviste toegelaat is.

“Die bedreiging kom van die onwettige immigrante. Die regering trek voordeel uit hulle goedkoop arbeid,” het ‘n jeugdige gesê wat ‘n rooi angelier vashou.

In iets wat herinner aan etniese spanning in Rusland het nuusagentskappe gesê dat sewe mense beseer is in ‘n geveg in ‘n openbare park Maandagaand tussen ultra-nasionaliste en donkervelmense wat van die Kaukasiese deel van Rusland se suidelike gebied kom.

Dié wat betrokke was, was met messe en vuisysters bewapen, het die polisie gesê.

Die Volk se Eenheidsdag is die eerste keer gevier in 2005 op die herdenking van die uitsetting uit Moskou van ‘n Pools-Litouse militêre aanslag in 1612.

Omtrent 5 000 mense het ‘n pro-Kremlingeleentheid bygewoon, het die RIA-Novosti-nuusagentskap gesê.

Aktiviste van Poetin se Verenigde Ruslandparty en die jeugwagvleuel het slagspreuke geskree,:“Ons glo in Rusland, ons glo in onsself” en “Poetin! Party! Jeugwag!”

Op 1 November het die Verenigde Russiese Jeugwag ‘n veldtog geloots teen onwettige immigrante getiteld “Ons geld vir ons mense”, wat hulle sê patrollies van die land se dokke sal insluit op soek na onwettige immigrante.

Russiese nuusagentskapverslae het ook gesê dat verregse optogte plaasgevind het in Chita, Krasnojarsk, Nowosibirsk, St. Petersburg en Wladiwostok, met anti-nasionale aktiviste wat probeer het om die Nowosibirsk-optog uiteen te jaag.

Rwanda kritiseer internasionale inmenging in DRK

Rwanda het Dinsdag die internasionale gemeenskap se voorneme om die krisis in die DRK op te los, skerp gekritiseer en gesê die manier waarop dit aangepak word berus op 'n "wanpersepsie".

Die ministerie van buitelandse sake in Kigali het 'n verklaring uitgereik waarin hulle dié stelling maak. "Die wanpersepsie lei daartoe dat sekere partye wil tussenbeide tree om 'n ontmoeting tussen die staatshoofde van Rwanda en die DRK te reël as 'n oplossing vir die interne krisis in die DRK, " lui die verklaring.

справка 086у