Nuus Archives - Page 1204 of 1583

Die waarheid sal uit

Russell Kaplan, die regsverteenwoordiger van Brandon Huntley, sê sy kliënt is waarskynlik die eerste wit Suid-Afrikaner wat asiel in Kanada gegee is omdat hy deur swartes bedreig word.

Huntley het gesê die geweld wat witmense moet verduur is vanweë velkleur en 'n haat weens die verbeeld onregte wat teen swartes gepleeg is.

Die asielsoeker, 31, is sewe keer deur swartes aangeval – dit sluit drie mesaanvalle in – wat hom wou beroof.

Dat hy gedurende hierdie aanvalle 'n "wit hond" en 'n "setlaar" genoem is, is 'n verwysing na die apartheidsverlede van Suid-Afrika wat op ras gegrond was.

"As jy geld het, kan jy jouself beskerm," het Huntley gesê. Hy het verduidelik dat gewapende veiligheidspersoneel ryk wit Suid-Afrikaners beskerm.

Huntley het sy "subjektiewe vrees vir uitdelging as konstant en konsekwent beskryf" totdat hy sy asielaansoek ingedien het, het die raad wat daaroor besluit het, bevind.

Die besluit het ook berus op die getuienis van Laura Kaplan, 41, die suster van Huntley se regsverteenwoordiger. sy het verlede jaar van Suid-Afrika na Kanada geëmigreer.

Laura Kaplan het vertel hoe haar ander broer Robert deur 'n bende van 10 swartes in 1997 oorval is wat by sy huis ingebreek het en hom agt ure lank gemartel het, daarna geskiet en vir dood gelaat het.

Die voorsittende beampte het die getuienis van Huntley en Laura Kaplan beskryf as "vervolging" van wittes deur swartes omdat die regering afsydig daarteenoor staan en nie sy wit burgers kan of wil beskerm nie.

детский велосипед

Kanadese ‘rassisties’ s? ANC

Die ANC bestempel Kanada se besluit om die Suid-Afrikaner, Brandon Huntley, vlugtelingstatus toe te ken, as rassisties.

“Suid-Afrika is ‘n demokrasie met staatsdepartemente om misdaad te beveg. Dit is een van die ANC se hoofprioriteite, sonder voorkeur tot enige ras, slagoffer of oortreder”, het Brian Sokutu, ‘n ANC-woordvoerder, gesê.

Volgens Sokutu beskou die ANC ook Huntley se beweringe dat hy sewe keer deur Afrikane aangeval is as gevolg van die kleur van sy vel en sonder enige optrede deur die polisie, as sensasioneel en kommerwekkend.

Die party sê Kanada se besluit om Huntley vlugtelingstatus toe te ken omdat hy vervolg sou word sou hy na Suid-Afrika terugkeer, is rassisties.

“President Jacob Zuma het tydens sy 2009 Staatsrede gesê ál die land se burgerlike beskermingseenhede beoog om die misdaadkrisis aan te vat”, het Sokutu gesê.

пуско зарядного Александр Фильчаков

Lockerbiebomaanvaller vir olie vrygelaat

Die Britse regering het besluit dit is "in die oorweldigende belang van die VK" om Abdelbaset Ali Mohmed al-Megrahi, die Lockerbiebomaanvaller, na Libië te laat terugkeer, volgens ministeriële briewe wat gelek is aan die media.

Gordon Brown se regering het die besluit geneem ná besprekings tussen Libië en BP, nadat 'n multimiljardpondooreenkoms begin vasval het.

Die sogenaamde probleme is dadelik na die vrylating van die voormalige terroris opgelos.

Jack Straw, eertydse minister, het die briewe twee jaar gelede aan Kenny MacAskill gestuur en laasgenoemde word veral gekritiseer vir sy rol in die vrylating van al-Megrahi.

Die aard van die korrespondensie wat deur die briewe openbaar is, maak dit duidelik dat die besluit vir die vrylating in Londen geneem is, in nasionale belang.

Lede van die opposisie sê dit is die sterkste getuienis tot nog toe dat die samesprekinge al lank aan die gang is en dat kommersiële oorwegings die botoon gevoer het.

Die ontginningsooreenkoms vir olie en gas wat 'n geraamde £15 miljard werd is, is in Mei 2007 aangekondig, maar is eers bekragtig nadat die bomaanvaller se vrylating verseker is.

BP het ontken dat politieke faktore 'n oorweging was.

строительство саун

‘Maanklip’ is ‘n stuk versteende hout

'n Kosbare stuk in 'n nasionale museum in Nederland blyk nou niks meer as 'n stuk versteende hout te wees nie. Dit was veronderstel om 'n maanklip te wees van die eerste maanlanding, volgens die kurators.

Die "maanklip" is aan 'n voormalige eerste minister Willem Drees gedurende 'n welwillendheidsbesoek van die drie Apollo-11 ruimtemanne geskenk kort ná hulle maanreis in 1969.

Ná Drees se afsterwe is die stuk klip aan die Amsterdamse museum geskenk waar dit tentoongestel is.

Op een stadium was dit vir die bedrag van bykans $500,000 verseker, maar toetse het bewys dat dit nie die ware Jakob is nie.

Die Rijksmuseum, beter bekend vir skilderye van kunstenaars soos Rembrandt, sê hulle gaan die rare voorwerp hou.

"Dis 'n goeie storie, met sekere vrae wat nog beantwoord moet word," sê Xandra van Gelder. Sy het die ondersoek wat die klip as 'n vervalsing uitgewys het, gelei.

"Ons kan daaroor lag."

Die "maanklip" is oorspronklik deur NASA per telefoon gewaarborg as synde die ware artikel.

Die Amerikaanse ruimteagentskap het "maanklippe" aan meer as 'n 100 lande uitgedeel na maanreise in die sewentigerjare.

Amerikaanse amptenare het gesê hulle het geen verklaring vir die Nederlandse ontdekking nie.

star basketball Данильченео

W?reld se jeug in armste lande

Volgens 2009 se World Population Data Sheet is die wêreld se bevolking steeds oppad na 7 miljard vir 2011. Dit is net 12 jaar, vanaf 1999, nadat die kerf van 6 miljard bereik is.

Die groei het hoofsaaklik verskuif na ontwikkelende lande en die groei van die wêreld se jeug – tussen die ouderdomme van 12 en 24 – het byna uitsluitlik verskuif na die heel armste lande.

Die Population Reference Bureau publiseer die 2009 World Population Data Sheet en die opsommende verslag wat op 12 Augustus verskyn het, gee gedetaillerde inligting van die land, streek en globale bevolkingspatrone.

"Die groot gros van vandag se jeug, die 1,2 miljard, byna 90%, bevind hulleself in ontwikkelende lande," sê Carl Haub, PRB se senior demograaf en mede-outeur van die verslag.

Agt uit tien van daardie groep woon in Afrika en Asië. "Gedurende die volgende paar dekades gaan die huidige koers voortgesit word dat daar van landelike gebiede na stede beweeg word waar opvoeding- en opleidingsgeleenthede is, betalende werk en gesondheidsorg."

Een van die belangrikste maatskaplike vraagstukke oor die volgende paar dekades gaan wees of daar aan daardie verwagtinge voldoen gaan word.

готовые сауны

Wit boere in Zim steeds gebuk onder moord en geweld

Pres. Jacob Zuma het tydens sy rede by die opening van ’n landbouskou naby Harare, ’n beroep op pres. Robert Mugabe gedoen om landbouproduksie in Zimbabwe te herstel.

Dr. Ayanda Ntsaluba, direkteur-generaal van internasionale betrekkinge en samewerking, het ook intussen gesê Zimbabwe “het nie heeltemal voldoen” aan ’n SAOG-beslissing oor wit grondeienaarskap nie.

Dit is die eerste keer dat Suid-Afrika die regering van Zimbabwe openlik kritiseer vir die minagting van ’n hofbevel van 28 November verlede jaar wat bepaal dat 79 wit boere toegelaat moet word om te boer.

Onder die wit boere in Zimbabwe is ook talle Suid-Afrikaners.

Ntsaluba het ook gesê die kwessie met die inhuldiging van Roy Bennett as Zimbabwe se adjunkminister van landbou, asook die geskil om die poste van prokureur-generaal, goewerneur van die reserwebank en staatsgoewerneurs moet dringend opgelos word.

Bennett, MDC-amptenaar, wag nou reeds sewe maande om ingehuldig te word.

Wit boere word intussen steeds gewelddadig van hul plase gedwing en Saterdag is Ben Freeth se plaas Mount Carmel se huis in 'n brand vernietig.

’n Boervrou is voorts Saterdag op haar kleinhoewe wes van Harare vermoor terwyl haar man die rugbytoets tussen die Springbokke en die Wallabies op 'n naburige plaas gaan kyk het.

Die moord op die 75-jarige Sophie Hart was vermoedelik uit weerwraak gepleeg. Sy is verwurg deur haar man aangetref.

Freeth glo hy is volgende op die lys. Hy beweer Nathan Shamuyarira, Zanu-PF se inligtingshoof, wil hom van sy plaas dwing. “Ná hul moord op Sophie Hart is dit duidelik dat hierdie rampokkers my bloed ruik,” het Freeth gesê.

’n Handlanger van Shamuyarira, genaamd Landmine, het verlede jaar in ’n aanval op die gesin se huis gedreig om Freeth se drie jong kinders te eet, het Freeth vroeër aan Beeld gesê.

Noordwesboere en Menseregtekommissie werk saam

Kommersiële boere in die Noordwesprovinsie en die SA menseregtekommissie het ooreengekom om om saam te werk waar gevalle van menseregteskendings ter sprake is, het die landbou-organisasie Agri-Noordwes gister gesê.

President Andries Beyers het gesê die liggaam sal in die toekoms in kennis gestel word van alle nuwe plaasverwante menseregteskendings in die provinsie wat by die SAMRK aanhangig gemaak word.

"Ons sal help met die verskaffing van feite en inligting om hulp te verleen by die betroubaarheid en meriete van klagtes," het Beyers in 'n verklaring gesê.

Die uitvoerende beampte van Agri-Noordwes, Boeta du Toit, het gesê die regte van boere, hul werkers en gesinne sou die beste beskerm word indien ondersoeke na menseregteskendings objektief geskied.

"Organe van die staat soos die MRK moet objektief en onpartydig gedurende ondersoeke wees."

Agri-Noordwes het gesê die kongres van SA vakbonde, oftewel Cosatu, het in die verlede lasterlike aantygings in die provinsie gemaak en kwaadwillige gerugte oor boere versprei.

Du Toit het gesê die boerderyliggaam beskou sulke bewerings in 'n ernstige lig aangesien hulle op haatspraak neerkom en 'n klimaat vir plaasaanvalle skep.

Kanada gee wit Suid-Afrikaner vlugtelingstatus

Kanada het aan 'n Suid-Afrikaanse burger, Brandon Huntly, vlugtelingstatus gegee omdat die Suid-Afrikaanse regering hom nie van die vervolging deur "Suid-Afrikaners van Afrika" kan beskerm nie, het die media Dinsdag berig.

Die Kanadese koerant, die Ottowa Sun, het 'n verteenwoordiger van die Suid-Afrikaanse hoëkommissaris in Ottowa, Anesh Maistry, aangehaal waar hy kennis neem van die besluit. Maistry het aan News24.com gesê dat Kanada 'n soewereine land is wat sy eie wette maak.

Die Ottawa Sun het berig dat Huntly aan 'n Kanadese immigrasie- en vlugtelingraad "duidelike en oortuigende bewys gelewer het van die Suid-Afrikaanse regering se onvermoë en onwilligheid om hom te beskerm".

In sy getuienis het hy 'n "beeld van onverskilligheid en onwilligheid" geskets van die Suid-Afrikaanse regering om "wit Suid-Afrikaners van vervolging deur Suid-Afrikaners van Afrika" te beskerm, het die tribunaal se voorsitter William Davis gesê.

"Ek vind dat die eiser soos 'n 'seer duim' sal uitstaan vanweë sy velkleur in enige deel van die land," het Davis gesê.

Woordvoerder vir binnelandse sake, Ronnie Mamoepa, sê die regering is "gewalg" deur die uitspraak, en het dit as "aantygings sonder enige gronde teen ons mense en ons land" beskryf.

"Dit sou net goeie maniere van die Kanadese regering gewees het om die Suid-Afrikaanse regering 'n geleentheid te gee om te aanwoord op die aantygings," het Mamoepa aan News24.com gesê.

Huntly, wat in Mowbray, Kaapstad grootgeword het, sê hy is sewe keer deur swart Suid-Afrikaners aangeval en is 'n "wit hond" en 'n "setlaar" genoem.

"Daar is 'n haat oor wat ons aan hulle gedoen het en dit gaan alles oor die kleur van jou vel," het Huntly gesê.

Huntly het na Kanada gereis op 'n sesmaande werkpermit in 2004 en het in 2005 onwettig na Kanada teruggekeer tot hy in April 2008 vlugtelingstatus geëis het.

best way to gain followers on instagram

Dissiplin?re optrede teen VF Plus-jeugleier

Cornelius Jansen van Rensburg het onvoorwaardelik sy verskoning aan die leier van die VF Plus, dr. Pieter Mulder en die VF Plus as party, aangebied.

Dit volg nadat Jansen van Rensburg skuldig bevind is deur die party se Federale Regskomitee dat hy die VF Plus se grondwet oortree het.

Die oortreding was dat hy uitsprake in die media gemaak het wat getuig het van wantroue, disrespek en dislojaliteit teenoor die Vryheidsfront Plus en sy nasionale leier en dat hy nie die interne kanale in die party daarvoor gebruik het nie.

Die VF Plus se Federale Raad, as hoogste gesagsliggaam, het Jansen van Rensburg sy lidmaatskap van die VF Plus laat behou, maar hy is verwyder uit alle ampte van die VF Plus-jeug, asook as onderleier van Gauteng.

Hy behou egter sy amp as raadslid van Pretoria. Sou hy in die volgende vyf jaar ‘n soortgelyke oortreding begaan, sal sy lidmaatskap summier beëindig word. Jansen van Rensburg het die besluit aanvaar en onvoorwaardelik sy verskoning aangebied.

оборудование для

ENB se beleggers swart

Eerste Nasionale Bank (ENB) se beleggers bestaan grotendeels uit jong swartmense, het die bank Maandag bekend gemaak.

”Die profiel van die beleggingsgemeenskap verander vinnig met jong en opgeleide swartmense wat die leiding neem,” het die bank in ’n verklaring gesê.

Dit is ’n positiewe stap vir Suid-Afrika aangesien die land poog om ’n spaarkultuur onder sy burgers te probeer stimuleer, het ENB gesê.

Die ENB spaar-/beleggingsboek het getoon dat swart mense voorloop met 57%, wit mense met 28%, Indiërs met 8% en bruin mense met 7%.

Die gemiddelde ouderdom van beleggers is nou 40, in vergelyking met 50 in 2003 toe wit mense die voortou geneem het met 50%, het ENB gesê.

“Swart mense is die jongste beleggingsgroep met ’n gemiddelde ouderdom van tussen 25 en 34 jaar en hulle het meer opleiding as hul wit eweknieë,” het ENB gesê.

Die styging in die aantal mense wat belê, is ’n resultaat van mense wat besef hulle moet spaar, het Robert Keip, hoof van beleggings by ENB, gesê.

“Die navorsing wys dat aftrede die grootste spaarprioriteit vir alle inkomstegroepe is.

“Ongeag die styging van mense wat vir aftrede spaar, toon baie opnames dat slegs 6% van Suid-Afrikaners genoeg geld spaar vir hul aftrede,” het hy gesê.

Фільчаков прокурор