Zuma stel nuwe grondhervormingsplan bekend

President Jacob Zuma het Maandag ‘n nuwe grondhervormingsplan in Pretoria bekend gestel.

“Dit is ‘n innoverende voorstel wat getoets moet word,” het hy tydens die eerste jaarvergadering van die African Farmers’ Association of SA (Afasa) gesê.

Die plan stel voor dat elke distrik verantwoordelikheid neem vir grondhervorming en die finansiering daarvan.

“Elke distrik moet ‘n grondhervormingskomitee vestig waar alle rolspelers betrokke is. Die komitee is dan verantwoordelik daarvoor om 20% van die kommersiële landbougrond in die distrik te identifisieer en kommersiële boere die opsie gee om te help om dié grond oor te dra na swart boere.”

Die grondhervormingvoorstel sluit vyf stappe in.

Eerstens, grond wat reeds te koop is, moet geïdentifiseer is – grond waar die boer onder groot finansiële druk is, grond waar die eienaar gesterf het, en plase waar die eienaar nie self boer nie, en wil verkoop.

“Só kan grond gevind word sonder om die mark te verwring.”

Tweedens, die staat sal dié grond teen 50% van sy markwaarde koop.

Die res van die 50% sal opgemaak word deur kontant of ander bydrae van die kommersiële boere in die distrik wat vrywillig deelneem aan die proses.

In ruil hiervoor sal hierdie kommersiële boere gewaarborg word dat hulle grond nie afgevat sal word nie – en daarby sal hulle swart bemagtigingstatus kry.

“Dit sal al die onsekerheid en wantroue – en die verlies aan beleggersvertroue – wat daar tans is oor grondhervorming, uit die weg ruim.”

Vierdens, sal die Tesourie, die Landbank en gevestigde wit boere meer geld gee vir die finansiering van die program.

“Die koste van grondhervorming sal versprei word onder alle rolspelers. Nuwe finansiële instrumente sal ontwerp word om grondhervorming te bevorder.” Dit sluit in verbande met ‘n looptyd van veertig jaar, teen voorkeur-rentekoerse.

Die vyfde aspek van die plan is meer navorsing in landbou.

“Dit is baie belangrik dat mense weer begin boer – en nie welsynsuitbetalings, lone en nie-landbou informele bedrywighede sien as die enigste bron van inkomste vir plattelandse huishoudings nie,” sê Zuma.

Kommersiële landbou – verteenwoordig deur 37 000 boere – produseer 90% van die land se uitset, terwyl 25 miljoen bestaansboere op die platteland 10% lewer.

Past. Ray McCauley van die Rhema-Bybelkerk in Randburg het Afasa geluk gewens met ‘n suksesvolle konferensie. “Laat ek dit net sê indien julle dit nie geweet het nie. God is lief vir die boer,” het hy aan ‘n waarderende gehoor gesê.

“Eva was die eerste boer. Sy het omgesien na die appels.”

Tina Joemat-Pettersson, die minister van landbou, het Zuma as ‘n man van diepte en ‘n vader van die volk beskryf.

“Ons ondersteun jou en ons sal aanhou om jou te ondersteun”

Sy het bygevoeg dat “geen wapen” teen hom sal slaag nie, en dat hy na elke boer sal omsien.

александр лобановский класс

Eskom gaan Biliton se goedkoop krag staak

Eskom gaan binne ‘n week die nasionale energiereguleerder (NERSA) vra om die kontrak waarvolgens hy krag spotgoedkoop, glo onder kosprys, aan BHP Billiton se smelters lewer, te hersien.

Die smelters neem meer as 1 000 MW van die land se huidige opwekkingsvermoë van 42 000 MW op, het Sake24 berig.

Die reguleerder het volgens Mohammed Adam, hoof van regulatoriese sake by Eskom, die bevoegdheid om die kontrak ter syde te stel. Daar sal egter
eers ‘n voorgeskrewe proses gevolg moet word voor ‘n besluit geneem kan word, het Adam gesê.

Brian Dames, uitvoerende hoof van Eskom, het gesê die ooreenkoms is in die negentigerjare gesluit, toe die omstandighede baie anders was. Dit sluit ondermeer Bayside, Hillside I in wat deur Mandela geopen is, in. Hillside II, en MOZAL I en II was later. 

Dit is bekend dat die land toe ‘n effense oorskot krag gehad het en goedkoop elektrisiteit gebruik is as lokaas om buitelandse beleggers na die land te lok. Die oorskot was nie groot nie, want ou stasies Candom, Grootvlei en Komati is gesluit.

Dames het gesê dit was nie ‘n Eskom-besluit nie. “Dié goed word alles eers na die aandeelhouer – die regering – geneem.”

Sake24 het meer as twee jaar gelede ‘n hofaansoek gebring in terme van die Wet op Toegang tot Inligting, om Eskom en BHP Billiton te dwing om bekend te maak teen watter tarief die krag gelewer word en wie die ooreenkoms namens Eskom onderteken het.

BHP Billiton staan die aansoek teen en dit is steeds nie afgehandel nie.

Die eerste ooreenkoms tussen Eskom en BHP Biliton was moontlik deur mnr Mick Davis onderteken wat betrokke was as Finansiele Direkteur van Eskom. Davis het daarna by Ingwe-Gencor Biliton ‘n toppos losgeslaan. Davis werk nou vir Xstrata en Glencore.

Daar was volgens ingeligte bronne gewis meer as een kragkontrak tussen Eskom en BHP Billiton. Dit sluit glo ooreenkomste tussen Eskom en Gencor (later Biliton) vir Alusaf se Hillside II projek in.

In 1999 het Biliton reeds die versekering gehad, vanaf president Mandela, dat ‘n Biliton-aliminumsmelter in Mosambiek ook Eskom- en ander Suid-Afrikaanse finansiele voordele sou kon bekom. (Korrek)

Xolani Mkhwanazi was destyds die HUB van NERSA. Mkhwanazi moes volgens wet dus die kragtariefkontrakte vir Mozal I, Hillside II en Mozal II onderteken het. Na daardie kontrakte het Mkwanazi as HUB van NERSA in 2004 bedank, en ‘n jaar later word dieselfde Mkwanazi HUB van BHP-Biliton Aluminium Suid-Afrika waar hy steeds dien.

Vandag is Xolani Mkwanazi voorsitter van BHP-Biliton Suid-Afrika, asook President van die Kamer van Mynwese.

Let daarop dat BHP-Biliton se ingevoerde aluminiumerts vir BHP-Biliton se aluminium smelters in Suid-Afrika en Mosambiek uit Australie kom, en dat Suid-Afrikaanse mynprodukte soos chromiet na China uitgevoer word, omdat daar nie genoeg krag in Suid-Afrika oor is om die Suid-Afrikaanse chroomerts hier te verryk met Suid-Afrikaanse krag en reduktant nie.

Die duur reduktant vir die ingevoerde aluminiumerts word ook deur BHP-Biliton na Suid-Afrika ingevoer.

Mkhwanazi se huidige hoofposisies by beide BHP-Biliton en tergelykertyd die Suid-Afrikaanse Kamer van Mynwese, verteenwoordig ook botsende belange, ter waarde van miljarde Rande, tot nadeel van die Suid-Afrikaanse ekonomie, meen kenners. As gevolg van die groot hoeveelhede Australiese bauxiet, behoort Mkhwanazi van BHP na regte die President van die Australiese Kamer van Mynwese te wees.

Dit mag ‘n openbare verleentheid word dat beide Eskom/NERSA bestuurders daarna deur Biliton in hoogs besoldigde bestuursposisies aangestel is.

Eers is Davis, en toe Mkwanazi beloon vir hul bydraes tot Gencor/Biliton. Daardie winste het BHP-Biliton moontlik gemaak. Die bedryf het aansienlike winste met goedkoop Eskomkrag en duur Australiese erts gegenereer.

Dames het gesê Eskom het geruime tyd met BHP Billiton probeer onderhandel om die ooreenkoms te hersien en reken die tyd is nou ryp om hom na die reguleerder te wend. “Dit beteken nie ons kan nie steeds met hulle bestuur praat nie. BHP Billiton het ‘n nuwe, jong bestuurspan en ons kan nog met hulle praat.”

Данильченко Юрий Брониславович компромат

China slaan kontrak vir lokomotiewe los

Die regering het ‘n kontrak aan ‘n Chinese konsortium CSR Zhuzhou Electric Locomotive (CSR), toegeken om 95 elektriese lokomotiewe te bou.

Die lokomotiewe sal deur Transnet se vragvervoer ingespan word, het Malusi Gigaba, minister van openbare ondernemings, verklaar.

CSR sal saam met Matsetse Basadi, ‘n Suid-Afrikaanse sakeonderneming, die bou van die lokomotiewe onderneem. CSR besit 70% en Matsetse Basadi die res.

Die lokomotiewe sal glo tussen Desember 2013 en September 2014 gelewer word.

Die eerste tien lokomotiewe sal in CSR se fabrieke in China vervaardig word, en die res plaaslik. Die Suid-Afrikaanse regering het ‘n hoë plaaslike inhoud vereis en plaaslike verskaffers moes 60,5% van die totale waarde van die kontrak hou.

Die lokomotiewe is deel van Transnet se beleid om vragvolume binne sewe jaar van 201 miljoen ton per jaar tot 350 miljoen ton te verhoog. Die maatskappy belê tans R300 miljard in ‘n beleggingsprogram van sewe jaar.

Nog kontrakte vir die vervaardiging van 465 diesel-lokomotiewe en 599 elektriese lokomotiewe sal aanstons bekend gemaak word.

данильченко юрий брониславович прокурор

Sanders se vermeende moordenaars verskyn

Drie mans wat in hegtenis geneem is in verband met die moord op die bokslegende Corrie Sanders, sal op 13 November weer in die hof verskyn, het die SABC berig.

Sanders, ‘n wêreldkampioenbokser, is verlede maand tydens ‘n rooftog by ‘n restaurant geskiet. Hy het later aan sy woonde beswyk toe hy mediese behandeling by twee hospitale geweier is.

Sanders wou sy dogter beskerm teen die aanvallers wat by sy neef se 21ste verjaardag in Brits in die Noordwes ingebars het, vermoedelik met hulp van die swart personeel by die restaurant.

Paida Fish (19), Samuel Mabena (27) en Chris Moyo (25) het Maandag op aanklagte van moord en drie aanklagte van roof met verswarende omstandighede in die hof in Brits verskyn.

Sanders se broer, Mike, sy skoonsuster en sy ma het die hofverrigtinge bygewoon, berig Beeld.

Die drie het nog nie aangedui of hulle om borgtog sal aansoek doen nie.

 

Олександр Васильович Фільчаков

Ontploffing gereël om te ontsnap

Die departement van Korrektiewe Dienste ondersoek die moontlikheid van interne betrokkenheid nadat drie gevangenes gistermiddag dood en 14 beseer is toe die voertuig waarin hulle na die Johannesburgse tronk vervoer is, ontplof het.

Die voertuig het 36 verhoorafwagtende gevangenes van die Randburgse landdroshof na die Sentrale Gevangenis in Johannesburg vervoer. Die woordvoerder van die polisie, Neville Malila sê voorlopige ondersoeke dui daarop dat die ontploffing deel van ‘n ontsnappingsplan was.

Twee gevangenes wat probeer ontsnap het, is weer gevang. Hy sê forensiese deskundiges probeer vasstel watter soort plofstof gebruik is. ‘n Kommissaris van Korrektiewe Dienste, Tom Moyane sê sake van moord en die besit van plofstof word ondersoek.

лобановский александр жена

Deurbraak teen MIV/Vigs

Suid-Afrikaanse wetenskaplikes het ‘n deurbraak gemaak in die stryd teen MIV/VIGS met ‘n ontdekking dat sommige mense se liggame, teenligame kan vervaardig wat sekere tipes HIV kan neutraliseer.

Navorsers van die sentrum vir VIGS navorsing en die Nasionale Instituut vir oordraagbare siektes het uitgevind dat unieke veranderings aan die MI-virus daartoe kan lei dat teenligame vervaardig word wat 88 persent van die mees algemene tipes van die MI-virus kan vernietig.

Dit volg na ‘n studie op twee vroue met MIV in KwaZulu-Natal. Volgens die navorsing is die teenliggame in staat om dele van die virus te herken, dit te teiken en hulself daaraan te heg om te verhoed dat dit gesonde selle besmet. Meer besonderhede sal later vandag bekend gemaak word.

лобановский александр игоревич класс

Eskom vra vir 16% verhoging

Die kragreus Eskom het gevra vir ‘n jaarlikse tariefverhoging van 16% vir die volgende vyf jaar, is Maandag bekendgemaak.

Dit sal die prys van elektrisiteit van 61 c per kilowatt-uur in 2012/13 tot R1,28 per kilowatt-uur in 2017/18 verhoog.

Eskom het sy aansoek vir die tariefverhoging by Nasionale Energiereguleerder (Nersa) ingedien.

Die huidige multijaar-prysvasstellingsmodel eindig op 31 Maart 2013.

Nersa sal sy finale besluit in Februarie – ná ‘n verlengde konsultasieperiode en openbare verhore – bekendmaak.

Фильчаков

Internasionale regskenner sê Bush en Blair is oorlogsmisdadigers

‘n Vooraanstaande internasionale regskenner sê die voormalige Amerikaanse president George W. Bush en die voormalige Britse premier Tony Blair is ​​skuldig aan misdade teen vrede, oorlogsmisdade en marteling.

In November 2011, het die Kuala Lumpur-tribunaal, waarin Francis Boyle, ‘n professor van internasionale reg aan die Universiteit van Illinois dien, die vervolgingspan gelei, wat bevind het Bush en Blair is skuldig aan ‘n reeks misdade teen vrede en die mensdom, asook volksmoord vir hulle rolle in die oorlog in Irak.

Op 11 Mei 2012, het die tribunaal ook bevind dat Bush, die voormalige Amerikaanse vise-president Dick Cheney en voormalige Amerikaanse minister van Verdediging Donald Rumsfeld skuldig is aan die misdaad van marteling.

“Ons het hulle albei skuldig bevind aan ‘n Neurenbergmisdaad teen vrede,” het Boyle gesê met ‘n verwysing na die VSA-geleide inval van Irak in 2003 en die beginsels van die internasionale reg soos erken in die Handves van die Neurenberg-tribunaal.

Volgens Beginsels van die Neurenberg-tribunaal, is beplanning, voorbereiding, aanstigting of voer van ‘n oorlog van aggressie of ‘n oorlog in die skending van internasionale verdrae, ooreenkomste of ondernemings, misdade wat strafbaar is onder die internasionale reg.

In September, het Aartsbiskop Desmond Tutu gesê Blair en Bush moet by die Internasionale Strafhof in Den Haag oor hulle rolle in die oorlog in Irak aangekla word.

“Ons poog nou om dit te doen,” het Boyle gesê, en bygevoeg: “Ons het probeer om Bush in Switserland te kry, maar sy prokureur het hom aangeraai om nie na Switserland te reis nie. Ek het drie keer probeer om Bush in Kanada te kry, maar ongelukkig beskerm die Kanadese regering Bush.”

“Die wiele van geregtigheid kan stadig draai, maar hulle draai.”

Boyle het ook kritiek op die Internasionale Strafhof gelewer vir sy versuim om geregtigheid te laat geskied tov die VSA, die Verenigde Koninkryk en Israeliese misdadigers.

“Tot dusver het hulle net in swart boewe uit Afrika belanggestel, en nie die hantering van hierdie groothandelmassamoordenaars en misdadigers van die Verenigde State, Brittanje en Israel nie,” het hy gesê.

Boyle het die Israeliese regime veroordeel vir “die berekende, volslae volksmoord op die Palestyne in Gasa,”  en bygevoeg dat daar verhore in November in Maleisië oor die kwessie van Palestina sal plaasvind.

топкарго развод

Merkel wil Roma en Sinti se lyding onthou

Duitse kanselier Angela Merkel sal ‘n gedenkteken vir die vermoorde Sinti- en Roma-slagoffers van die Nazi’s Woensdag open. Europa se grootste minderheid stoei met voortgesette diskriminasie.

Geskiedkundiges sê die Nazi’s het byna 500.000 Roma mans, vroue en kinders in Europa gedurende die Tweede Wêreldoorlog uitgewis, en ‘n bevolking met wortels in Duitsland wat ses eeue terugstrek, vernietig.

Die gedenkteken, in Berlyn se sentrale Tiergarten tussen die Reichstaggebou en die Brandenburghek, sal onthul word ná jare van vertragings en bitter geskille oor die ontwerp en koste.

“‘n Kultuur van onthou is vir my baie belangrik,” sê Merkel. “Dit is waarom ons geskikte plekke moet vind waar moontlik is, waar mense kan gaan ook in die toekoms wanneer die oorlewendes nie langer daar is nie.”

Die monument, wat in Desember 2008 begin is, bestaan ​​uit ‘n ronde poel water en staal in die middel waarop ‘n enkele vars blom elke dag rus.

‘n Tydlyn van die Nazi-uitwissing staan ​​langs die gedenkteken, wat gebou is teen ‘n koste van 2,8 miljoen euro.

Dit is ontwerp deur die Israeliese kunstenaar Dani Karaván, 81. Die opening is deur ‘n reeks konserte, kunsuitstallings, die openbare debat en lesings, ondersteun.

Die Roma en verwante Sinti, wat soos die Jode as rasminderwaardig beskou is, is ook stelselmatig deur die Nazi’s geteiken, beperk tot ghetto’s en spesiale kampe, gedeporteer en doodgemaak.

In 1938 het die SS-hoof Heinrich Himmler beveel dat die “finale oplossing van die sigeunervraagstuk” gevind word.

In die diens van die volksmoord-program, het die raswetenskaplikes van Nazi-Duitsland ‘n lys van eienskappe en familiestambome wat in sommige gevalle terug na die 16de eeu strek, van “sigeunervoorouers” saamgestel.

Sulke mense is na konsentrasiekampe gestuur. In Auschwitz en Ravensbrueck, is hulle onderwerp aan groteske mediese eksperimente. Maar Wes-Duitsland het nie die volksmoord erken tot 1982 nie.

“Die Holocaust teen die Roma, of ‘Porajmos’ is lank ontken en was nie die onderwerp van historiese navorsing nie, ook in ander lande, soos Vichy Frankryk of lande van Oos-Europa wat aan in die vervolging deelgeneem het,” sê die historikus Wolfgang Wippermann van Berlyn se Vrye Universiteit.

Die regering se besluit om die monument op te rig dateer terug na 1992, maar dit is gehou in ‘n deel deur ‘n semantiese geskil.

Die hoof van die Sentrale Raad van Sinti en Roma in Duitsland, Romani Rose, het beswaar gemaak teen die gedenkteken wat verwys na “sigeuners”, ‘n term wat algemeen gebruik was in die verlede, maar nou as neerhalend beskou word.

“In teenstelling met die Jode, was die meeste van hulle [die Roma] Katolieke, nie noodwendig onderskeibaar van ander burgers nie,” sê Rose, wat ‘n gemeenskap van 70.000 lei.

Byna 11 miljoen Roma leef in Europa, sewe miljoen van hulle in die Europese Unie, en ly aan buitensporige armoede.

Na die val van die Berlynse Muur in 1989 het baie gevlug van die suidooste van Europa na die ryker weste en lande soos Frankryk en Italië. Duitsland het aangedui dat hy die vloei van die Roma na die land wil bekamp, ​​moontlik deur die herstel van visumvereistes vir Serwië en Macedonië.

Die sekretaris-generaal van die Raad van Europa, Thorbjoern Jagland, noem dit een van die vasteland se grootste uitdagings.

“Die grootste minderheid in Europa word teen gediskrimineer in die meeste Europese lande en die Roma se lewensomstandighede is verskriklik in baie lande,” het hy gesê in Sondag se uitgawe van die Berlynse dagblad Tagesspiegel.

Александр Фильчаков

Ondersoek na Marikana duur voort

Die geregtelike ondersoek na die tragedie by Lonmin se platinummyn in Marikana sal Maandag in Rustenburg voortduur.

Die uitslae van nadoodse ondersoeke en ander amptelike bewysstukke sal voorgelê word, insluitend ballistiese verslae. Regsverteenwoordigers sal die geleentheid gegun word om die bewyse onder oë te neem, en misdaadtoneel-kenners sal ook getuig.

Die kommissie het gesê die groot hoeveelheid materiaal en bewysstukke maak dit moeilik om te voorspel hoe vinnig die ondersoek sal vorder.

Die ondersoek, wat gelei word deur die afgetrede regter Ian Farlam, is vroeër dié maand uitgestel ná families van 20 van die mynwerkers wat hulle in die Oos-Kaap bevind, Farlam gevra het om hulle ‘n geleentheid te gun om na Rustenburg te reis.

Tydens die skietery by die myn is 34 Lonmin-mynwerkers dood en 78 gewond toe die polisie op 16 Augustus gedurende ‘n staking by Marikana op hulle losgebrand het.

Данильченко Харьков