Nuus Archives - Page 1126 of 1583

Haïti, welkom in die hel

Die situasie in Haïti is katastrofaal, het die Internasionale Rooikruiskomitee Maandag verklaar.

Plundery het gister na meer dele van die middestad van Port-au-Prince versprei. Honderde jong mans en seuns het oor stukkende mure geklim om by winkels in te breek om te vat wat hulle ook al kan kry.

Op een plek het jeugdiges met gebreekte bottels, pangas en skeermeslemmetjies oor ’n voorraad rum baklei. “Ek drink soveel ek kan. Dit gee moed,” het Jean-Pierre Junior gesê. Hy was met ’n stuk plank waarin spykers gekap is, gewapen om sy bottel rum te beskerm.

Tog het Keen gesê daar is minder geweld in die hoofstad as voor die aardbewing. “Is daar bendegeweld? Ja. Was daar bendegeweld voor die aardbewing? Absoluut.”

Intussen het Europese lande meer as ’n halfmiljard dollar vir hulp vir die kort en lang termyn belowe.

Die Pan-Amerikaanse Gesondheidsorganisasie raam tussen 50 000 en 100 000 mense is in die aardbewing dood, maar Haïtiaanse owerhede dink dis meer. Altesaam 46 VN-personeellede is onder die dooies en nog 500 word vermis.

So baie mense het hul huise verloor dat die Wêreldvoedselprogram beplan om ’n tentkamp vir 100 000 mense op te rig.

“Gegewe die skaal van die behoeftes is die taak wat humanitêre organisasies in die gesig staar skrikwekkend,” het Riccardo Conti, die Rooikruis se plaaslike hoof, gesê.

Woede oor die stadige pas met noodleniging ná die aardbewing daar ’n week gelede het gister feitlik uurliks toegeneem. “Maak dat julle wegkom!” het party oorlewendes in die hoofstad se krotbuurt Bel-Air geskree, klaarblyklik gefrustreerd omdat hulle buitelanders gesien het wat nie hulp verleen nie.

Al het soldate, dokters en noodhulpwerkers steeds Maandag na Haïti gevlieg, het honderdduisende slagoffers van die aardbewing nog gesukkel om net ’n koppie water of ’n handvol kos te vind.

Tandepasta is baie gesog onder plunderaars, want mense smeer dit onder hul neuse om die stank van ontbindende liggame te verdryf.

“Daar is min tekens van betekenisvolle verspreiding van hulp,” het Dokters Sonder Grense gesê. Dokters van dié organisasies het selfs op straat ledemate geamputeer.

Amputasies word luidens berigte sonder verdowing by die hospitaal gedoen.

Immigrante sal ‘gebraai’ word

Buitelanders wat dit waag om terug te keer na De Doorns, sal “gebraai” word.

Twee maande sedert xenofobiese aanvalle in De Doorns uitgebreek het, sê plaaslike inwoners hulle is vasberade om enige Zimbabwiërs wat terugkeer weer weg te jaag.

Die inwoners van Stofland en Ekuphumleni sê hulle weier om enige Zimbabwiërs tot dié woonbuurte te laat terugkeer.

“Ons sal hulle braai en KFC van hulle maak as hulle terugkeer. Daar is geen plek vir hulle hier nie,” het Pastoor Frans Henke ná Sondag se preekdiens gesê.

Inwoners van Stofland en Ekuphumleni het aan die Cape Argus gesê hulle bedryf heksery en bied hulleself as goedkoop arbeid aan wat aanleiding gee tot werkloosheid onder die plaaslike inwoners.

“Hulle is van ‘n ander kultuur, wat van ons verskil,” meen Henke.

Ten minste 2 000 mense is uit hulle wonings verdryf en woon tans in tentkampe. Hulle het geen idee wat die owerhede beoog om volgende te doen nie.

‘n Mesvaste sokkerbaadjie?

’n Mesvaste baadjie het die Suid-Afrikaanse reëlingskomitee van die Wêreldbeker-sokkertoernooi boos, luidens ‘n berig in Die Burger.

Protektorvest.com, ‘n Britse maatskappy, se baadjies bied glo beskerming teen mesaanvalle. Dit is egter nie koeëlvas nie.

Rich Mkhondo, kommunikasiehoof, sê dis ‘n “afskuwelike plan wat bangmaakpraatjies gebruik” vir wins.

Hy het gesê sportgeesdriftiges het nog nooit messteekbaadjies nodig gehad nie en hulle gaan dit ook nie gedurende die Wêreldbeker-toernooi nodig hê nie.

Die baadjie word bemark as die nommer-een persoonlike beskerming vir die Wêreldbeker in Suid-Afrika en bestellings uit veral Amerika, Nederland, Brittanje, Duitsland en Australië stroom glo in.

casino online free bonus no deposit

Polisie is ondankbaar, sê CDP

“Dit kom voor asof die waarheid in Suid-Afrika uiters ongeleë is, en die waarheid praat dus uiters onpopulêr is.” So sê ds. Theunis Botha, leier van die Christen-Demokratise Party (CDP) en waarnemende voorsitter van die Christen-Demokratiese Alliansie (CDA).

“Die ontstokenheid van die SAPD en ander oor die uitsending van ‘n program op E TV waarin misdadigers openlik dreig om buitelandse besoekers tydens die Wêreld Sokkerbekertoernooi aan te val, dui op die absolute minagting vir die veiligheid van mense wat ons land gaan besoek.

“Voorafkennis beteken die nodige voorsorg kan getref word,” sê Botha.

“Die polisie behoort dankbaar te wees oor hierdie inligting, aangesien dit hulle op die ware bedreigings en uitdagings wys, en stel dit hulle in staat om maatreëls te tref om mense se veiligheid te verseker.

“Die onthullings maak ‘n klug van Danny Jordaan se aansprake dat veiligheid in Suid-Afrika onder beheer is, en dat besoekers niks te vrees het nie.

“Dit lyk na net nog ‘n poging om Suid-Afrika ongeag die gevolge rooskleurig te bemark.”

Данильченко Харьков

Oud-Springbok in petrolbomaanval

Die voormalige Springbokrugbyspeler Dale Santon het tweedegraadse brandwonde opgedoen toe ‘n petrolbom na sy huis geslinger is, het Beeld vandag berig.

‘n Polisiewoordvoerder, inspekteur Keith Chandler, het gesê ‘n getuie het gesien hoe ‘n persoon in ‘n oranje BMW ‘n voorwerp na die Santon-gesinswoning in Plumstead, Kaapstad, rondom middernag Saterdag gooi.

Chandler sê die getuie het die registrasienommer van die BMW afgeneem maar dit het geblyk ‘n gesteelde voertuig te wees.

Santon het aan die koerant gesê dat hy net ná middernag wakker geword het toe hy glas hoor breek.

“My eerste gedagte was dat iemand besig was om by die huis in te breek,” het hy gesê.

Maar toe hy vlamme in die sitkamer sien, het hy vir sy vrou en kinders geskree om wakker te word en uit die huis te vlug.

Hy het ernstige brandwonde aan die gesig en arm opgedoen toe hy gepoog het om die brandende rusbank uit die huis te sleep.

Santon het reeds ‘n veloorplanting ondergaan.

“Ek het geen vyande waarvan ek weet nie. Dis die werk van lafaards,” het Santon gesê, wat vir die Springbokke in 2003 uitgedraf het.

раскрутка сайта

Taliban-aanval op Kaboel

Vyf mense, waarvan een ‘n burgerlike kind is, is in ‘n Talibanaanval in Kaboel gedood, asook vier van die aanvallers. Twee was selfmoorbomaanvallers.

Die aanval het gevolg te midde van Amerikaanse voerwerk om die NAVO-magte in Afganistan aansienlik uit te brei, en die inhuldiging van ‘n paar ministers deur pres Hamid Karzai wie se aanstellings deur die parlement verwerp is. Verskeie van die ontploffings en gevegte was in die omgewing van regeringsgeboue, wat die presidensiële paleis insluit.

Bron: Montana Standard

Weer bonusse?

Het groot Amerikaanse banke en versekeraars hulle die afgelope jaar weer aan die betaal van allerlei bonusse te buite gegaan?

Die Wall Street Journal berig dat hierdie sektor hul mense die afgelope jaar altesaam 145 miljard dollar betaal het, 6 % meer as in 2007 toe die betaling van salarisse, bonusse en ander meevallers ‘n rekordvlak bereik het.

Die werkers van hierdie sektor het verlede jaar bykans $150 000 verdien, $ 3 000 meer as in 2007. Hierdie sektor se inkomste het die afgelope jaar met 25 % gegroei.

Nie almal stem met die Wall Street Journal se berekenings saam nie. Die koerant het sy berekenings gedoen op die data van 38 van die VSA se groot banke en versekeraars. Die instansies wat hierop gereageer het, sê die skatting is te hoog. Boonop, gegewe die groot ontevredenheid oor hoë bankbonnusse voor die Wall Street-duikslag (en in sommige gevalle selfs daarna toe van die instansies deur staatshulp vlot gemaak is) sal verseker dat die instansies die gordel intrek wanneer dit by bonusse kom.

Woede jeens VSA groei in Haïti

In Haïti is woede teenoor die VSA besig om toe te neem weens die feit dat vlugte steeds van die VSA-beheerde lughawe weggewys word.

Verskeie internasionale reddingspanne asook dié van Suid-Afrika is by die lughawe in Haïti weggewys.

Die lughawe by Port-au-Prince is oorvol weens verskeie vliegtuie wat daar geland het om hulpvoorrade af te lewer en bystand in die reddingspogings te verleen.

Intussen het omtrent ‘n duisend mense in een van die strate in Port-au-Prince slaags geraak in plundertwiste. Die mans, gewapen met messe, klippe en hamers, het klere, sakke, speelgoed en ander items uit die beskadigde huise en winkels gesteel.

кухни цены украина

Bomgrap kos passasier

Die lughawe-owerheid in die Verenigde Arabiese Emirate het bevestig dat ‘n Franse burger in hegtenis geneem is in Abu Dhabi nadat hy ‘n grappie oor ‘n bom gemaak het.

Die 66-jarige Jean-Louis Loiret, is ingevolge internasionale veiligheidsregulasies in hegtenis geneem. Die regulasies bepaal duidelik dat ‘n passasier wat selfs ‘n grap oor terreur maak, in hegtenis geneem kan word.

Amptenare sê hulle het gehoor hoe Lioret twee keer die woord “bom” gebruik het tydens ‘n gesprek met ‘n medepassasier.

Lioret is ná sy tweede grappie oor die bom van die vliegtuig verwyderl en deur die polisie ondervra.

Mense kan vir sewe dae in die Emirate aangehou word sonder om aangekla te word. Lioret is tans in aanhouding.

печи для прокурор Фильчаков

Wimpy bedien water in skoonmaakemmer

‘n Oënskynlike tekort aan bekers by ‘n Wimpy-restaurant in Parys, het ‘n kelnerin genoop om water in ‘n emmer aan klante te bedien, waarin daar voorheen skoonmaakmiddels was, het die Sunday Independent berig.

Dié Sondagkoerant het ‘n epos van ene Alastair Joel ontvang, wat op Nuwejaarsdag saam met ‘n groep vriende die restaurant besoek het.

“Alles het goed afgeloop, totdat ons vir ‘n beker water gevra het. Ons het driekeer vir water gevra, voordat dit in ‘n plastiek-emmer aan ons bedien was, met plastiekkoppies.

Joel sê hulle het toe gevra om die bestuurder te spreek.

Val Bourdos, bestuurder by Wimpy het aan hulle gesê die emmer is skoon, maar het die kelnerin beveel om nie water daarin te bedien nie.

Die koerant het ‘n foto van die emmer op die restauranttafel geplaas.

Bourdos het die insident aan die koerant bevestig. Sy het gesê die ongewone gedrag van die kelnerin voldoen nie aan die restaurant se handelstandaarde nie. Die groep ondersteun ook nie die feit dat die kelnerin haar eie inisiatief geneem het om die klante se behoeftes te bevredig met die emmer nie, hoewel dit heeltemal gesteriliseer was.

Bourdos het gesê die kelnerin het water in verskeie glase aan die groep vriende bedien, maar die water was glo te min, en hulle het versoek dat sy ‘n beker vol water moes bring.

“Ons het nie waterbekers in die restaurant nie, en dis hoekom die kelnerin ‘n melkbeker gebruik het. Maar dit het nie die klante se nood bevredig nie, omdat dit te klein was.

Volgens Bourdos het die groep toe gevra vir ‘n groter beker water. Die kelnerin beweer die groep het aan haar gesê hulle is babbelas en moet baie water drink.

Sy het glo aan hulle gesê dat die restaurant het nie groot bekers nie, maar dat sy sal kyk wat sy kan doen.

“Die kelnerin het toe voortgegaan om aan ons ‘n emmer vol water en ys te bring. Die bestuurder is na die tafel geroep en sy het die emmer verwyder. Bourdos het aan die groep gesê die kelnerin moes nie die emmer gebruik het nie.”

Bourdos het gesê dat Wimpy om verskoning vra vir die voorval.

лечение десен зубов топкарго отзывы