Kategorie: Nuus
Terwyl hul gesinne tot niet gaan kry doodskis-oortreders oordrewe straf
Die twee Afrikaners wat ‘n swart misdadiger ‘n les wou leer deur hom in ‘n doodskis toe te maak, staar die ergste moontlike strawwe in die gesig.
Willem Oosthuizen en Theo Jackson is onderskeidelik 11 en 14 jaar tronkstraf gevonnis omdat hulle ‘n swartman in ‘n doodskis ingedwing het en gedreig het om dit aan die brand te steek. Tydens hul verhoor het die twee gesê hulle het Victor Mlotshwa met vermoedelik gesteelde koperkabel gevang.
Die doodskispetalje is viraal op sosiale media versprei, as manna vir die horde sosiale geregtigheidsstryders wat dié week ook redes gevind het vir hoekom wittes op plase doodgemaak word: Hulle behandel glo plaaswerkers “sleg”. Dat dit nie plaaswerkers is wat die moorde pleeg nie, is onbelangrik het een teenintelligensie-agent – kennelik op die betaalstaat van korporatiewe globaliste – aan 702 geselsradio vertel.
Die twee Afrikaners is skuldig bevind aan poging tot moord, ontvoering, intimidasie en twee aanklagte van aanranding met die doel om ernstig te beseer omdat hul ‘n koperkabeldief die skrik op die lyf wou jaag.
Nadat hul mans gearresteer is en skuldig bevind is, moes Chane Oosthuizen en Rianie Jackson self die mas probeer opkom. Hul jong kinders ly swaar steeds onder die histeriese dooieboommedia-aanslag.
Die Oosthuizens oorleef beswaarlik met groente smous, terwyl die Jacksons al hul besittings verkoop het om hul kinders te voed. Albei vroue het in die hof om genade gepleit, maar dit het op dowe ore geval.
Abdirazak Osman van die Somaliese Gemeenskapsraad van Suid-Afrika sê soveel as 100 Somaliërs word elke jaar in Suid-Afrika vermoor, veral in hul winkels, met geen gevolge vir die moordenaars nie. Moord is blykbaar ‘n versagtende kwessie vir ons swart regstelsel.
Geldelike steun vir PRAAG se Europese toer
Die skarebefondsingsveldtog wat dr. Dan Roodt van PRAAG tans op die webblad GoFundMe loop, het binne slegs drie dae meer as R23 000 opgelewer. Die veldtog, wat in euro gereken word, staan tans op €1 444. Ná die aanvanklike teikenbedrag van €1 000 bereik is, is dit tot €2000 verhoog.
‘n Man in die suide van Denemarke het anoniem €500 geskenk, met die volgende boodskap wat in Engels daarby gelaat is:
You don’t have to thank me. As a matter of fact I want to thank you, you’re the one doing the actual work. So thank you.
‘n Mediese dokter in die Vrystaat het R5 000 na PRAAG se bankrekening oorbetaal. ‘n Akademikus van Bloemfontein wat einde verlede week die bal aan die rol gesit het met ‘n skenking van R1000, het laat weet dat hy Donderdag in Johannesburg gaan wees met ‘n verdere bedrag aan kontant waarmee hy sy aanvanklike skenking wil verhoog.
‘n Getroue leser van PRAAG-boeke in Kanada, mev. Lisda Strumpher, het €100 bygedra. Maar ook in Suid-Afrika het verskeie mense bedrae van €50 en €100 geskenk.
Dr. Dan Roodt is bemoedig deur die spontane reaksie op die GoFundMe-veldtog. “Ons weet dat die hoofstroommedia en veral Naspers jare lank reeds sensuur teen ons toepas, sodat ons geheel en al op die internet aangewese is om steun te werf, anders as die magtige Afrikaner-establishment-organisasies met hul miljoene aan maandelikse debietorders, asook miljarde in trusts en aandele. Waarskynlik het ons nou die keerpunt bereik waar mense besef dat inhoud belangriker as die vorm, en strategiese denke meer doeltreffend as polities korrekte slagspreuke is.”
Hy wou nie te veel uitwei oor die vergaderings en ontmoetings in Bonn, Amsterdam, Brussel en Parys nie, aangesien dit “taamlik delikate gesprekke vooruit kan loop”. Maar hy “voel sterk dat die gety nou oplaas gedraai het, en ons beslis gaan baat by die nuwe denke en besorgdheid oor die Afrikaner se situasie by ‘n hele klomp politieke partye in Europa. Daar is die moontlikheid van steun op allerlei maniere vir Afrikaners hier, maar ook in die diaspora elders ter wêreld.”
Dít wat die Afrikaner bedreig is “wesentlik dieselfde as die demografiese, ideologiese en kulturele faktore wat Europa bedreig,” het dr. Roodt gesê. “Ons stryd is presies dieselfde as die Europeërs s’n. Maar ons is nie net ‘broers in die stryd’ nie; ons is letterlik broers, familie van mekaar. En daar is vandag vele Europeërs wat die Afrikanergeskiedenis beter ken as 90% van Afrikaners, asook inspirasie daaruit put. Juis daarom wil hulle ons ondersteun en help.”
Roodt sal deurlopend verslag doen sodra hy in Europa aanland, via hierdie webblad en sosiale media soos Twitter, Facebook en YouTube.
As u self wil bydra tot die sukses van PRAAG se diplomatieke uitreik na Afrikanerstamlande, kan u ‘n debietordervormpie invul of ‘n e-pos stuur na inlig[by]praag.org vir inligting oor hoe u per internetbetaling of PayPal ‘n betaling kan maak. Andersins kan u ook per kredietkaart op GoFundMe ‘n bydrae maak.
2m misdade per jaar: ANC probeer statistiek masseer
Die jaarlikse ritueel waarvolgens Suid-Afrika se misdaadstatistiek deur die ANC-minister en -polisiehoofde aangekondig word, het hom weereens op 24 Oktober 2017 afgespeel. Soos gewoonlik het die ANC gepoog om die meer as 2 miljoen ernstige misdade wat die afgelope jaar in die land gepleeg is, weg te masseer.
Onder andere het motorkapings met 14,5% gestyg, vanaf 14 602 in 2015/2016 tot die huidige 16 717 in 2016/2017. Die aantal moorde het met 1,8% vanaf 18 673 tot 19 016 toegeneem.
Omtrent al die landbou-organisasies wat die statistiek onder oë gehad het, het gekla dat daar nêrens na die dramatiese stygings in plaasaanvalle en -moorde verwys word nie.
Volgens TLU SA se statistiek, steek 2017 sleg af in vergelyking met die situasie dieselfde tyd verlede jaar. In 2016 is 295 aanvalle en 52 moorde geregistreer terwyl die ooreenstemmende periode vanjaar ‘n styging van onderskeidelik 347 en 65 aantoon.
“Die situasie op Suid-Afrikaanse plase en landbouhoewes neem ernstige krisis-afmetings aan en dit is duidelik dat die SAPD se Landelike Veiligheidstrategie nie die verwagte resultate oplewer nie”, aldus Mnr Henry Geldenhuys, TLU SA se Adjunk-president en ook Voorsitter van die unie se Veiligheidskomitee. “Die vraag kan tereg gevra word of geweldsmisdade op plase en hoewes werklik in die praktyk prioriteitstatus geniet, of die nodige middele in landelike gebiede beskikbaar gestel word om die probleem te beveg en of Misdaadintelligensie enigsins benut word om aanvalle teen wetsgehoorsame plaasbewoners te verhoed?”
Fikile Mbalula, die minister van polisie wou slegs ure nadat mnr. Joubert Conradie, ‘n boer in die Wes-Kaap vermoor is, nie die plaasmoordstatistiek bekendmaak nie.
“Géén moord of aanval kan ooit geregverdig word nie,” het mnr. Carl Opperman, hoofuitvoerendebeampte van Agri-Wes-Kaap gesê. “Die vlaag plaasmoorde wat landwyd buite beheer is, laat ons met meer vrae as antwoorde oor die vlakke van geweldsmisdaad in die land en die regering se totale onvermoë om die land só te bestuur dat alle inwoners van landelike gebiede se veiligheid verseker is.”
Gewapende roof by beide woonhuise en sakepersele het insgelyks toegeneem, met onderskeidelik 7,3% en 5,0%. Daar word jaarliks 20 343 huisrowe in Suid-Afrika gepleeg. Verskeie opnames in die onlangse verlede het getoon dat vrees by die totale bevolking van Suid-Afrika oor die afgelope jaar toegeneem het en dat vertroue tussen rasse op ‘n historiese laagtepunt verkeer.
Aan die ander kant vind daar 1,03 miljoen huisrowe jaarliks in die VSA plaas, asook 3,7 miljoene inbrake, wat aantoon dat Suid-Afrika nie die enigste multikulturele samelewing met ‘n geweldige misdaadprobleem is nie.
Migrante verkoop en verhuur Duitse tydelike verblyf en gesondheidsorgkaarte
Duitse ondersoekende joernaliste het geheime Facebook-groepe ontbloot waar immigrante hul verblyf- en gesondheidskaarte verkoop en verhuur, sodat hele gesinne onwettig in Europa kan kom woon.
JoernalistenWatch ontbloot die geheimsinnige groepe waar Moslem-gebruikers bestellings vir sekere items plaas, en private verkopers kontak hulle met die goedere.
Een gebruiker het ‘n versoek geplaas waarin verklaar word dat: “Ek benodig ‘n Duitse paspoort vir vlugtelinge, waar ek in 1998 gebore is, verkieslik van Soedan gestempel.” ‘n Gebruiker het geantwoord dat hy “‘n Duitse paspoort met geboortejaar 1997 insluitend hoofbedekking” het en dat hy gaan die koper daaroor vertel.
Die verslaggewers het ontdek dat vroue aangemoedig word om Islamitiese kopdoeke te dra, want dit sal so makliker wees om hulself te laat lyk soos Moslems vir op die beskikbare dokumente gefotografeer is.
Een gebruiker wou weet: “As ek ‘n pas [Duitse identiteitskaart] in Athene koop, hoe kom ek na Duitsland op die vinnigste manier? Direk met die vliegtuig? Of moet ek eers Italië binnekom en dan die grens oorsteek? Enige voorstel?”
Volgens die joernalis: “Hele gesinne kom nou onwettig na Duitsland, omdat hulle regte dokumente kan gebruik en selfs direk na die dokter kan gaan. Aangesien hulle werklike kaarte het, word geen toegang of behandeling geweier nie.”
Die dokumente blyk almal te wees van immigrante wat tans as asielsoekers in Duitsland geregistreer is. Sommige van die verkopers gaan terug na hul eie land en verkoop die dokumente, ander gaan op vakansie en bied hul verblyfpermit, insluitende gesondheidsversekering te huur aan.
Dit is nie bekend hoeveel van hierdie dokumente tans in omloop is nie, maar die misdadigers op die Facebook-bladsy beweer dat dit maklik genoeg was om dokumente te “verloor” en sonder versuim weer deur die Duitse owerhede sulke kaarte uitgereik te kry. “Ek sê eenvoudig dat ek die kaart verloor het en kry dan dadelik ‘n nuwe een,” het een verduidelik.
Die stygende koste van die verskaffing van “gratis” gesondheidsorg aan migrante in Duitsland, is duidelik gekoppel aan die misbruik van die stelsel wat belastingbetalers befonds.
Werklose asielsoekers in Duitsland kos die land se statutêre gesondheidsversekeraars €20 miljoen per maand, volgens nuwe data wat deur die Federale Agentskap vir Indiensneming gepubliseer is. Dit is verpligtend vir almal om gesondheidsversekering te hê, hetsy deur statutêre gesondheidsversekeringsfondse of ‘n privaat gesondheidsorgplan.
Statutêre gesondheidsversekering wat betaal word deur werknemers en hul werkgewers, ontvang ‘n subsidie van die staat.
Volgens die syfers, berig deur Bild, was daar 564 000 asielsoekers in Maart vanjaar wat in aanmerking gekom het vir werkloosheidsvoordele, in vergelyking met slegs 283 000 in dieselfde maand verlede jaar.
Walgwors Weinstein se lieflike Britse vroutjie. Of nie
Soos dit ‘n regte Britse opportunis betaam het Georgina Chapman – nog steeds getroud met haar reeksverkragter van ‘n man, die magtige rolprentvervaardiger Harvey Weinstein – gou-gou ‘n egskeiding aangekondig om haar inhaligheid te verder te bevestig.
Terwyl almal op die oortreder fokus, het niemand nog tyd ingeruim om die bekende Britse psige van sy vrou te bepeins nie.
Die mede-stigter van die modehuis Marchesa het Weinstein se vorige huwelik laat verbrokkel, want ‘n Empaaieronderdaan staan nooit terug vir ‘n geleentheid om hom- of haarself te verryk nie. Ook nie deur ‘n winsgewende egskeiding nie. Sy sal moet gou speel want die ander eise teen haar man hoop tans op, maar dit het Chapman blitsvinnig self besef. Skaars was die nuus rugbaar of madame het haar onvergenoegdheid aangekondig.
Om die onaansienlike ou reeksverkragter met invloed te vang, was een ding, maar dit bly ‘n vreemde toeval dat sy haar handelsmerk in dieselfde jaar begin het as wat hy sy vrou verlaat het. Georgina, die ywerige gierigaard het gedoen wat sy moes doen: Harvey het alle rolprentmakers gedwing om haar mode-skeppings te dra.
Terloops, was daar al ‘n beter voorbeeld van “afstootlik” nog voor die rolprentmagnaat sy masker laat val het?
Politieke dinastieë begin by die ou Empaaierskooldassie wat sosiale mobiliteit gegrond op kundigheid, versmoor. Vergeet Etonse telge in die kabinet, want die alumni van Marlborough College in Wiltshire se invloed word gou duidelik by nadere ondersoek. Die dames het algar Manvang met onderskeiding geslaag. En hulle deins vir niks terug nie, veral nie vir onwelriekende reeksverkragters as geld betrokke is nie.
Die bekendstes, natuurlik, is die Hertogin van Cambridge, vrou van die Moddereilandjie se toekomstige koning. Maar ook, Samantha Cameron, vrou van die vorige Eerste Minister. Frances Osborne, vrou van die finansiesminister. Sally Bercow, vrou van die Speaker, asook die vrou van die goewerneur van die Bank van Engeland.
Walgwors Weinstein en sy inhalige eggenoot het sulke projekte ondersteun soos die Siriese “rebelle” deur Zaatari, ‘n vlugtelingkamp van meer as 120 000 Siriërs in Jordanië, te besoek, en saam met demokraties-verkose president Assad se vyande rondgesit.
Die twee duifies, voëls van eenderse vere blyk dit nou, het die Cannes-première van een van Harvey se rolprente oorgeslaan om hul meegevoel met kinders, ens, te gaan uitdruk. Ag hoe sielig!
“Ek het na Zaatari en Jordanië gekom om saam met die skrywer Neil Gaiman en my vrou, Georgina Chapman, te werk deur die Verenigde Nasies se Hoë Kommissaris vir Vlugtelinge (UNHCR) wat ons genooi het om ‘n verhaalprojek oor die lot van die Siriese vlugtelinge te skep.” Jaaa Harvey, ons is seker julle was vreeslik aangedaan. Of nie.
Volgens die Jordaniese regeringsamptenare self het ISIS verskeie sulke nedersettings beheer. Brig. Genl. Sami Kafawin, hoof van Jordanië se grensmagte, het tydens die besoek aan The Associated Press van die bedreiging gepraat.
Hulpamptenare het beweer dat “stamleiers” die voedselverspreiding help organiseer, ten spyte van kommer deur hulpagentskappe dat dit tot radikalisering sal lei, met afpersing en swartmarkte, het Business Insider berig.
Gewapende militantes in die streek het reeds probeer om dit te beheer en selle in die [Rukban] kamp geskep,” het Kafawin, die grenskommandant, gesê. “Ons is seker hulle het ‘n hele wapensisteem.”
“Ons verstaan dat meer as 90 persent (van kampbewoners) asielsoekers is, maar die ander is ekstremiste of Daesh-mense,” het hy gesê, met verwysing na ISIS. Maar dit was ‘n effense onderskatting.
Jordanië was die derde grootste bydraer van vegters na ISIS, ná Tunisië en Saoedi-Arabië, en verlede jaar was die Islamitiese staat steeds gewild daar. Harvey en sy dierbare Britse vroutjie het ‘n talent om die verkeerde vriende te maak, blyk dit. Dat ‘n mens so verblind kan word deur rykdom dat ‘n kopafsnyer komkommertoebroodjies mag eet! O ja, vra maar die slagoffers van die Vryheidsoorloë se konsentrasiekampe oor daardie soort blindheid…
Die Britte se eie kinderslagoffers van Moslembendes kry geen vergoeding nie omdat hulle “ingestem” het tot molestering. Dis die soort gehalte mensmateriaal wat die Empaaier kweek, dus heelwat van Georgina se soort. Een slagoffer wat seksueel mishandel is as ‘n kind deur ‘n Moslem-groepsbende-leier, is deur ‘n Britse owerheid vertel dat sy “ingestem het” om aangerand te word.
Sammy Woodhouse is vergoeding geweier deur die CICA, omdat CICA beweer Woodhouse is nie deur die bende gemanipuleer is nie.
Maar Woodhouse se prokureur het aangevoer dat ‘n kind se toestemming “net nie wetlik moontlik is nie”. Hy het opgemerk: “Ek is heeltemal geskok oor die idee dat besluitnemers in ‘n regeringsorganisasie kan oorweeg dat 14 of 15-jarige meisies kan toestem tot seks met volwassenes.”
Die BBC het berig dat ‘n vryheid van inligtingsversoek aan die lig gebring het dat sy een van sowat 700 slagoffers van seksuele mishandeling was deur Moslems, wat vergoeding geweier is. Lieflike mense, die Britte! Regtig navolgenswaardig! Of nie.
Verskeie liefdadigheidsorganisasies het onlangs bevestig dat sedert die CICA-skema in November 2012 van stapel gestuur is, is byna al 700 slagoffers van seksuele mishandeling vergoeding geweier.
Die Britse polisie is besig met ‘n nog ondersoek na beweerde seksuele mishandeling van tieners in Glasgow, ook deur hulle troetel-Moslems gepleeg.
Meisies so jonk as 14 word ontvoer, het ‘n maatskaplike werker gesê in die area wat “oorweldig” is met dié soort kinderuitbuiting. Volgens ‘n familielid: “Dit is eintlik net ons ergste nagmerrie, dit is hierdie soort Rochdale en Rotherham-tipe, maar dit gebeur hier in Glasgow op ‘n groot manier. Niemand blyk iets te doen om dit te stop nie, al die meisies is gemaak om te glo dat hierdie mans hul kêrels is. Dit is wit meisies tussen die ouderdomme van 14 tot 19.”
Soms is daar een met ‘n gewete op die Eilandjie van Verdriet. Sarah Champion, ‘n voormalige Arbeider-LP, het gesê die Britte hou hulle blind vir Moslem-seksuele bendes omdat hulle bang is om “rassisties” te wees.
Sy is gedwing om te bedank nadat sy in ‘n artikel geskryf het: “Brittanje het ‘n probleem met Britse Pakistanse mans wat wit meisies verkrag en uitbuit.” Sy het dalk net haar landgenote se geestelike innerlike ontdek.
Die komende Tsjeggiese verkiesing kan hoofstroom se wêreldjie skud
ANO, die Tsjeggiese party wat deur ‘n miljardêr gelei word, is die duidelike gunsteling in ‘n algemene verkiesing wat die naweek plaasvind waar tradisionele partye waarskynlik ‘n opdraande stryd sal ondervind.
Die Tsjeggiese Republiek, deesdae Tsjeggië, wat in 2004 by die EU aangesluit het en ‘n bevolking van 10,6 miljoen het, stem op 20 en 21 Oktober.
Andrej Babis se ANO-beweging lyk sterk. Die 63-jarige, Slowaaks-gebore magnaat en Agrofert-konglomeraat-baas, is deur Forbes as die tweede rykste burger van Tsjeggië aangewys.
ANO beteken “ja” in Tsjeggies, maar dit is ook ‘n akroniem vir Aksie van Ontevrede Burgers, met ‘n effektiewe slagspreuk: “Dinge sal regkom”.
“Tsjeggiese politieke partye word deur korrupsieskandale geteister,” het Josef Mlejnek, ‘n ontleder, gesê. Om Mlejnek se opmerking te illustreer, het ‘n onlangse peiling deur die Tsjeggiese Akademie vir Wetenskappe getoon dat ANO hoër in die huidige stempeilings staan as die twee tradisionele swaargewigte in die Tsjeggiese politiek – die Sosiaal-demokratiese CSSD en die sentrum ODS – gekombineer.
“Hy bied die kiesers ‘n populistiese alternatief deur hom as iemand voor te hou wat die staat kan bestuur omdat hy sy konglomeraat reeds suksesvol bestuur het,” het Mlejnek verduidelik.
Babis het voorgestel om die Tsjeggiese Senaat af te skaf en die laerhuis van die Parlement se ledetal te beperk, wat die uitvoerende gesag sal versterk. Hy is ook teen sanksies teen Rusland gekant en is hewig gekant teen die aanvaarding van Moslem-migrante.
Babis se beweging, wat in 2012 gestig is, het sedert sy stigting verras deur kort daarna in die parlementêre verkiesing uit te blink. As gevolg van sy sterk steun, het Babis as minister van finansies in die koalisie-regering met die sentrum-links-sosiaal-demokratiese party en die Christen-Demokratiese Unie gedien.
Tomio Okamura se Vryheid- en Direkte demokrasie party is ook gekant teen immigrasie en noem Islam ‘n ideologie eerder as ‘n godsdiens. Die party het met 6,9% in die vorige verkiesing geëindig en sal ook hierdie keer goed doen. Selfs binne pro-Europese partye soos die Sosiaal-Demokrate, deel plaaslike politici Okamura se voorgestelde beleid oor immigrasie.
“Ek sê ons moet die Tsjeggiese Republiek beter maak,” het Okamura aan The New York Times gesê, met verwysing na Donald Trump se verkiesingslagspreuk wat Babis gebruik het, maar hy het bygevoeg: “Nie groots nie. Ek wou ‘n woord kies wat Trump nie gekies het nie. Maar natuurlik sal dit ook goed wees.”
Babis is sedertdien ondersoek oor beweerde belastingmisdade. Sy parlementêre immuniteit is herroep en hy is as minister van finansies afgedank. Hierdie maand is hy aangekla van misbruik van subsidies van die Europese Unie – beskuldigings wat hy as polities gemotiveerd afgemaak het.
“Die ander partye probeer Babis uit die politiek uitstoot, maar dit het nie gewerk nie,” het Pavel Fischer gesê. Fischer is die direkteur van Stem, ‘n verkiesingsnavorsingsgroep in Praag.
President Milos Zeman het gesê dat as ANO wen, sal hy Babis as eerste minister benoem, selfs al is Babis in die tronk. Maar Babis besit of beheer die twee gewildste koerante, sowel as ‘n gewilde radiostasie en ‘n televisienetwerk.
Tot dusver het sy gewildheid net weens die skandale toegeneem.
Anti-establishment partye wat vir setels in die parlement van 200 lede meeding, sluit in die Kommuniste, wat 11,1% in die Akademie-peiling behaal het, asook die Pirate Party. Die Pirate-leier met sy “dreadlocks” is ‘n IT-kenner, Ivan Bartos, en het 6.4% gekry, hoër as die Christen-Demokrate met 6,2%.
Die Tsjeggiese ekonomie het die afgelope jaar goed gevaar. Werkloosheid is slegs 3,8 persent en ekonomiese groei sal na verwagting vanjaar tot 3,1 persent styg ná 2,6 persent in 2016, volgens die ministerie van finansies.
Drie maande na die algemene verkiesing, sal Tsjegge stem vir ‘n nuwe president in die tweede enigste direkte presidensiële verkiesing. Uitgesproke huidige president Milos Zeman het gesê dat Europeërs moet “die moed hê om in ons eie wapens te belê” as beskerming teen internasionale terrorisme.
Die veteraan van die Praagse Lente sowel as die Fluweel Rewolusie het met die Parlementêre Vergadering van die Raad van Europa gepraat. “Die vlak van internasionale misdaad groei as gevolg van Islamitiese terrorisme,” het hy gesê.
“Ek is oop en eerlik, en ek gebruik nie die frase ‘Islamitiese terrorisme’ liggies nie, maar in die oorgrote meerderheid van die gevalle het dit ‘n Islamitiese oorsprong. Dit is verbind met volksmoord in Armenië,” het President Zeman bygevoeg.
“Wat kan ons doen teen internasionale misdadigheid? Belê in die polisie, belê in die weermag, en moed om in ons eie wapens te belê.
“My vrou het ‘n pistool. Natuurlik het sy al die nodige toetse geslaag, maar nou word ek deur my vrou bewaak, en nie net deur lyfwagte nie,” het hy geskerts.
Tsjeggiese burgers het van die mees liberale wapenregte in Europa, amper op dieselfde skaal as Switserland, en beide lande geniet ‘n baie laer moordsyfer as die Verenigde Koninkryk waar dit verbied word.
Zuma skop Blade uit in kabinetskommeling
Terwyl die Suid-Afrikaanse Kommunisteparty sedert die laat veertigerjare ‘n invloedryke of selfs oorheersende rol in die ANC gespeel het, het president Jacob Zuma vandag verras deur die SAKP-leier, Blade Nzimande, heeltemal uit sy kabinet te laat. In ‘n onverwagse kabinetskommeling is Nzimanda as minister van hoër onderwys deur Hlengiwe Mkhize vervang.
In weerwil van die spekulasie rondom Zuma se voormalige vrou, Nkosazana Dlamini-Zuma, wat moontlik die nuwe leier van die ANC kan word, is sy nie in die kabinet aangestel nie.
Die minister van staatsveiligheid, David Mahlobo, is na die energieportefeulje verskuif. Mmamaloko Kubayi is as minister van kommunikasie aangestel. Mahlobo se vorige pus is deur Bongani Thomas Bongo gevul.
Dit verteenwoordig die tweede kabinetskommeling vanjaar. Ayanda Dlodlo wat tydens die vorige skommeling as kommunikasieminister aangestel is, is na binnelandse sake toe verskuif.
Buti Manamela, wat ‘n adjunkminister in die presidensie was, is nou adjunkminister van hoër onderwys gemaak. Die vorige adjunkminister, Mduduzi Manana, het bedank na ‘n skandaal toe hy ‘n vrou in ‘n nagklub te Fourways, Johannesburg, aangerand het.
Oostenryk swaai na regs in gister se verkiesing
Die bloedjong politikus van die sentrumregse Oostenrykse Volksparty (OVP), Sebastian Kurz, 31, gaan op grond van sy vertoning in gister se algemene verkiesing binnekort Europa, asook die wêreld se jongste staatshoof word. Volgens beskikbare syfers gister het sy party 31,4 persent van die stemme ingepalm, die beste uitslag vir die party in byna twee dekades, volgens die staatsuitsaaier ORF. As koalisievennoot gaan die OVP waarskynlik die meer nasionalistiese Oostenrykse Vryheidsparty (OVP) betrek, wat die land tesame met Pole en Hongarye een van die mees regse regerings in Europa gaan besorg.
Die Vryheidsparty het volgens die jongste beskikbare syfers in die tweede plek geëindig met 27,4 persent van die uitgebragte stemme. Die linkse Sosiaal-Demokrate, wat reeds sedert die tweede wêreld oorlog as lid van verskeie koalisies regeer, het sy swakste uitslag ooit behaal en het derde geëindig met 26,7 persent van die stemme. Die uitgaande kanselier, Christian Kern, is van die Sosiaal-Demokrate.
Die vertoning deur die Oostenrykse Vryheidsparty was die sterkste sedert die 26,9 persent wat dit in 1999 onder die leierskap van die charismatiese mnr. Jörg Haider behaal het. Haider is twee weke nadat hy ‘n goeie vertoning in die 2008-verkiesing gelewer het in ‘n motorongeluk dood.
Sy motor het die pad byster geraak naby die suidelike stad Klagenfurt terwyl hy besig was om ‘n ander voertuig verby te steek, volgens polisiebeamptes. Vele het egter gemene spel vermoed.
Die byna 27 persent stemme wat Haider in 1999 as leier van die Vryheidsparty ontvang het, het verseker dat hy lid van die regering geword het. Sy party se insluiting in die regering het tot maande van EU-sanksies teen Oostenryk gelei.
Kanselier Christian Kern se Sosiaal-Demokrate staar ‘n verwoestende neerlaag in die gesig, noudat hulle na die derde plek teruggesak het.
Die Europese opstand teen die establishment wat ten gunste van verdere derde-wêreld-immigrasie is, is dood verklaar ná die Franse verkiesings toe Marine Le Pen minder goed as wat verwag is, gevaar het. Maar ná Duitsland se verkiesing verlede maand, is dit weer opgekikker, om tans in Oostenryk te gedy. Die meeste hoofstroomkoerante in Europa, asook establishment-politici, het die uitslag met skok en afgryse begroet.
Kurz, wie se bynaam “wunderwuzzi” of “wonderkind” is, sal na verwagting ‘n koalisieregering met die Vryheidsparty (OVP) van Heinz-Christian Strache saamstel. In Desember het die OVP te midde van die Europese migrantekrisis byna die simboliese presidentskap van die land verower toe dit naelskraap teen die Sosiaal-Demokratiese kandidaat verloor het.
Dié keer sal die Europese Unie egter magteloos wees om sanksies teen Oostenryk in te stel, aangesien die “regse golf” nou al so sterk geword het dat hulle benewens Oostenryk ook strafmaatreëls teen Pole, Tsjeggië en Hongarye sal moet instel, wat die hele Europese bouwerk mag laat wankel. Behalwe om hul ongemak met die “regse” OVP uit te spraak, sal die EU-base niks kan doen nie.
In Duitsland het die AfD, die Alternatief vir Duitsland, verlede maand die derdegrootste party in die Bundestag geword, terwyl Frankryk se Nasionale Front setels in die Nasionale Vergadering van dié land verower het.
Hoewel Sebastian Kurz slegs 31 jaar oud is, het hy reeds op die ouderdom van 27 minister van buitelandse sake geword. Die OVP het hom met dié posisie beloon omdat hy reeds as student in tradisioneel linkse gebiede in Wene, die hoofstad, ingevaar het en met verbeeldingryke veldtogte die kiesers oorgehaal het om regs te begin stem.
SAL: ‘SEB is net ‘n verskoning vir steel’
SAL (die Suid-Afrikaanse Lugdiens) betaal drie keer te veel vir die huur van vliegtuie omdat die ekstra geld in die sakke van die bestuur se vriende en SEB-begunstigdes verdwyn. Die miljoen liter branstof wat die lugdiens daagliks verbruik, word ook nie teen ‘n markverwante prys aangekoop nie omdat ‘n verskaffer sy “kommissie” daarby voeg.
PRAAG het met bronne diep binne-in die sukkelende lugredery gepraat. Terwyl Ethiopian Airlines die SAL van sy troon gestoot het as “beste lugredery in Afrika”, lyk dit nie asof die plaaslike lugdiens ooit sy probleme en reusebedrae kontant wat dit gedurig opslurp te bowe gaan kom nie.
Volgens een van PRAAG se bronne, iemand wat al jare lank by SAL werk, is SEB (swartekonomiesebemagtiging) die wortel van die probleem. “SEB is eintlik net ‘n verskoning onm te steel,” sê die bron. “Ons mag nie soos enige normale lugredery waar ter wêreld ook al ons vliegtuie of brandstof van erkende verskaffers aankoop nie; alles moet deur SEB-entiteite en tussengangers geskied wat ons soos bloedsuiers uitmergel.
Voor 1994 is SAL as ‘n nasionale bate en “lugdiens” — ‘n diens aan die land — bedryf. Selfs direkteure van SAL het destyds soos gewone middelklasmense geleef, met hul kinders op staatskole en ‘n gewone bestuurder se salaris waarmee ‘n middelklashuis en -motor bekostig kon word.
“‘n Direkteur van SAL bly vandag in ‘n sestienmiljoenrandhuis in Sandhurst en ry ten minste ‘n Porsche,” sê die bron. “Hy verdien vier miljoen rand per jaar en leef soos ‘n koning. Daarom kan die arme redery nie die mas opkom nie.”
Gewoonlik kos dit ongeveer $300 000 per maand om ‘n groot passasiersvliegtuig vir internasionale vlugte te huur; dis wat die meeste internasionale rederye betaal. Tot onlangs het SAL egter $900 000 per maand per vliegtuig betaal, omdat al die middelmanne en SEB-plunderaars gevoer moes word. Dié huurooreenkomste is egter intussen effens afwaarts hersien, maar is nog veel duurder as wat die meeste ander rederye betaal.”
Eens op ‘n tyd het die SAL oor sy eie vliegtuie beskik, onder andere ‘n hele vloot Boeing 747’s. “Daardie vliegtuie was klaar betaal!” sê die bron. “Hulle moes net onderhou word. Maar toe is daar gesê: nee, ons kan nie met ou vliegtuie winsgewend wees nie. Ons moet nuwes kry, nuwes huur. Daardie Boeings is vir appel en ‘n ei verkwansel, weereens deur middelmanne wat geld gemaak het…”
Dat die Boeings nie meer geskik was nie, was ‘n leuen. “SAL kan nie meer met enige vliegtuig ‘n wins maak nie. Maar British Airways, Quantas, hulle vlieg nog elke dag Suid-Afrika toe met Boeing 747’s! Hulle kry dit reg om hul vliegtuie winsgewend aan te wend.”
Meer en meer roetes word ook gesluit, weereens omdat “hulle nie winsgewend is nie”. Maar ander rederye vind steeds dieselfde roetes winsgewend, dis net SAL met sy swaar ballas van SEB-plunderaars wat dit nie meer kan bekostig nie.
Volgens die bron gaan SAL binnekort “nóg vyf miljard rand benodig om staande te bly. Solank as wat dié praktyke geduld word en solank as wat SEB bestaan, gaan die staat SAL moet onderhou,” sê die bron.
Dit gaan egter oor meer as swak bestuur. Die hele stelsel van “bemagtiging” en gewettigde diefstal maak dit onmoontlik om ‘n lugredery met sakebeginsels te bedryf.
Ethiopian Airlines maak ‘n wins van $300 miljoen per jaar, waarskynlik met minder winsgewende roetes as die SAL. Dié redery verkeer ook in staatsbesit. “Die verskil is,” sê die bron, “die Ethiopiese regering het ‘n hoofbestuurder aangestel wat die redery in belang van die aandeelhouer, die staat, bedryf. Sy woord is wet. Daar vind geen regeringsinmenging in die redery plaas nie. Anders as by SAL waarmee die minister en die staat hul gedurig bemoei.”