Kategorie: Nuus

Portugal kla 18 polisielede aan oor ‘rassistiese marteling’ van swartes

Die 18 beamptes by ‘n Portugese polisiekantoor staar aanklagte wat verband hou met die aanhouding van ses swartes in die gesig. Aanklaers voer aan dat die swart slagoffers nie net fisies gely het nie, maar ook aan “geweldige sielkundige geweld” blootgestel is.

Hulle is glo ook vir 48 uur aangehou en “verneder”, het die koerant Diario de Noticias berig nadat hulle teen ‘n vriend se arrestasie betoog het. Aanklaers het die beamptes daarvan beskuldig dat hulle gemotiveer word deur gevoelens van xenofobie, haat en rassediskriminasie, het die koerant bygevoeg.

Volgens die polisie het twee van die beamptes reeds interne dissiplinêre verhore gehad. Verslae van rassistiese geweld in Portugal is skaars, maar hierdie geval illustreer hoe sosiale geregtigheidsstryders en hul slagofferkultuur oor die wêreld heen versprei.

Aanklaers het gesê die beamptes van die dorp noordwes van die Portugese hoofstad, sal teregstaan ​​op verhoor oor “marteling en ander wrede behandeling” asook ander aanklagte. Die hele mag van die Alfragide-polisiestasie is Dinsdag aangekla met emosiebelaaide histerie.

Vyf van die ses swartes, tussen die ouderdomme van 23 en 25, het beweer die arrestasie was “arbitrêr en gewelddadig” ná gewelddadige botsings met die polisie in die Cova da Moura-omgewing. Dit is een van die armste buurte in Europa, wat dikwels vergelyk word met die krotbuurte in Brasilië.

Slegs 15 minute van Lissabon is die distrik bekend vir sy groot bevolking swart immigrante uit Kaap Verde, ‘n voormalige Portugese kolonie teen Afrika se noordwes-kus. Portugal het groot swart minderhede uit sy voormalige Afrika-kolonies, sowel as Brasilië en Indië.

Die aanklaer se kantoor het in ‘n verklaring gesê dat die swartes onderworpe was aan “vernederende en onmenslike behandeling” asook onwettige gevangenisstraf. Die beamptes het hul magte glo misbruik en hul pligte versuim, het die verklaring bygevoeg.

“Al 18 polisiebeamptes wat deur die Openbare aanklaer se kantoor aangekla word met misdade van marteling, ontvoering en fisiese oortredings wat gekwalifiseer en vererger word deur motivering vir rassehaat, kan van hul pligte onthef word,” het die Diario de Noticias berig.

“Die Minister van Binnelandse Sake, Constança Urbano de Sousa, het die nasionale direkteur van die polisie reeds in kennis gestel dat die dissiplinêre regulasie nagekom moet word, wat voorsiening maak vir die voorlopige opskorting van polisiebeamptes wat beskuldig word van misdade met ‘n vonnis van meer as drie jaar in gevangenis.”

CNN se top Withuis-korrespondent het nog nooit gehoor van stagflasie nie

CNN is in die kollig vir al die verkeerde redes. ‘n Top CNN politieke ontleder het haar onkunde uitgestal Maandag, toe sy smalend getwiet het dat die woord “stagflasie” ‘n “nuwe woord” is.

April Ryan, CNN-korrespondent in die Withuis en Washington-kantoorhoof vir die Amerikaanse Urban Radio Networks, het 20 jaar ondervinding as joernalis met top klaring, maar duidelik nie veel insig in sake van ekonomiese belang nie.

Ryan het die Trump-administrasie beterweterig gespot oor hulle ‘n “nuwe woord” gemaak het tydens Maandag se perskonferensie: “Die Trump-administrasie het 133 genomineerdes en wag vir ‘n stem en al wat ons geleer het in die inligtingsessie is ‘n nuwe woord, ‘stagflasie’!”

Natuurlik, weet enigeen wat ‘n inleidende ekonomiese kursus geneem het, wat dit beteken. Die woord, wat gedurende die oliepryskrisse van die 1970’s en 1980’s gemunt is, dui op baie lae ekonomiese groei tesame met hoë inflasie. Stagflasie is skaars in die ekonomie, maar nie as ‘n konsep in taal nie.

Twitter-gebruikers was verstom dat Ryan nog nooit van die woord “stagflasie” gehoor het nie. Sy het later beweer sy het ‘n spelfout aangespreek wat die woordvoerder van die Withuis, Marc Short, begaan het wat haar eie onkunde net verder beklemtoon het.

“Marc Short het ‘n fout gemaak en gesê stagflasie in plaas van stagnasie,” het sy gesê. “Natuurlik het ek van die woord gehoor oor die dekades!”

Ryan is as 2017 joernalis van die jaar deur die Nasionale Vereniging van Swart Joernaliste aangewys. “April Ryan is ‘n ware voorloper en waarheidsoeker,” het die president van die NABJ, Sarah Glover, aangekondig. “In die Withuis se perskorps, waar te min swart vroue ‘n geleentheid gegee word om te rapporteer, het April uitgeblink en volhard ten spyte van die vele struikelblokke wat sy gekonfronteer het. Haar werk is uit die boonste rakke.”

Sy dien op die direksie van die gesogte White House Correspondent’s Association, een van slegs drie Afro-Amerikaners in die vereniging se meer as 100 jaar geskiedenis om op sy direksie te dien. Sy is ook ‘n lid van die Nasionale Persklub.

CNN het intussen ook die vloedhekke van meme-oorlogvoering per ongeluk geopen, maar ongelukkig nou self die teiken van kritiek geword. Konserwatiewe skrywer Ann Coulter het daarop gewys dat terwyl CNN gereeld teen “wit mans” en te min diversiteit woed, bestaan die hele uitvoerende struktuur byna uitsluitlik uit Jode.

CNN se dikwels bedrieglike artikels beklemtoon hoe die netwerk kykers mislei met propaganda wat ontwerp is om “toeskouer demokrasie” te skep.

Hierdie naweek, met die dekking van die G20 in Hamburg, Duitsland, het CNN beweer dat “vreedsame aktiviste” teenwoordig was en die gewelddadige onluste wat deur elke ander nuusagentskap gerapporteer is, blykbaar misgekyk.

Hulle het die klimaat in Hamburg se betogings as vriendelik beskryf: “‘n Feestelike en gemeenskaplike gevoel het die skare byeengebring, met mense wat plakkate van klimaatsverandering en feministiese plakkate ophou en musiek speel. Baie het saam met familie gekom.”

Die netwerk het nooit die burgerlike onrus genoem wat die protes oorskadu het tot die 12de paragraaf van hul artikel nie, ten spyte van Hamburg wat soos ‘n oorlogsone gelyk het. Dit het net genoem dat straatgeweld “plek-plek” voorgekom het terwyl dit eintlik ‘n permanente kenmerk van die beraad was.

Die Duitse polisie self het die onluste beskryf as “uiters gewelddadig”.

Amerikaanse staat gaan harde dwelms soos kokaïen en heroïen dekriminaliseer

Die Oregon-wetgewer het verlede week twee wetsontwerpe voorgelê. Ten minste ses harde dwelms, insluitende kokaïen, heroïen, metamfetamien en ecstacy, gaan gewettig word want anders behels dit “institusionele rassisme”.

Minderhede word meer gereeld aangekla van dwelmmisdade as blankes, het die swart Republikeinse goewerneur, Jackie Winters, gesê. “Daar is empiriese bewyse dat daar sekere dinge is wat ras volg. Ons hou nie daarvan om na die ongelykheid in ons tronkstelsel te kyk nie,” het Winters tydens ‘n verhoor gesê. “Dit is institusionele rassisme. Ons kan voorgee dat dit nie bestaan ​​nie, maar dit bestaan wel.”

Dit is ‘n dramatiese skuif in die staat se houding teenoor dwelms en verslawings om besit van baie gevaarlike stowwe te dekriminaliseer, asook om die straf in sommige gevalle aansienlik te verlaag. Dit water ook die aanklagte af teen diegene wat onwettig in die Verenigde State woon, of slegs op ‘n visum daar is, dat hulle nie outomaties gedeporteer sal word nie, het die Statesman Journal gerapporteer.

Huisspreker Tina Kotek, het opgemerk: “Oor die afgelope paar jaar het die wetgewer baie hard gewerk om balans en regverdigheid in ons kriminele regstelsel te verbeter,” het sy gesê. “Ons het hard gewerk om rasse en ekonomiese struikelblokke in ons regstelsel aan te spreek en hier is nog ‘n kans om dit te doen.”

Die sogenaamde “Oorlog teen Dwelms” beteken dat nie-blanke Amerikaners gestraf word. Wetgewer Tawna Sanchez, ‘n Demokraat, het gesê dat inheemse Amerikaners vyf keer so geneig is tot dwelmbesit as die staatsgemiddeld; Afro-Amerikaners is twee keer so geneig.

Die eerste van die twee wetsvoorstelle, HB 2355, wettig die besit van klein hoeveelhede dwelms, solank die oortreder nie tyd in die tronk of meer as twee vorige dwelmoortredings op rekord het nie, volgens die Lund-verslag.

Die tweede, HB 3078, verminder dwelmverwante eiendomsmisdade van ernstige oortredings tot waarskuwings.

Tot dusver is besit van skedule I-middels – soos MDMA en heroïen, en skedule II-middels – soos metamfetamien en kokaïen, as misdade beskou. Hierdie oortredings was onderskeidelik strafbaar met 10 of vyf jaar in die tronk.

Winters en ander linkse ondersteuners van die wetsvoorstelle beweer dat Amerika se dwelmkrisis behandeling nodig het, nie gevangenistyd nie. Kimberly McCullough, wetgewende direkteur van die Oregon-tak van die Amerikaanse burgerlike vryhede-unie (ACLU), sê die wetsontwerpe sal help om Oregon se dwelmprobleem as ‘n openbare gesondheidsprobleem te behandel en stereotipes te voorkom.

“Oormatige vonnisoplegging [vir] dwelm- en eiendomsoortredings, vererger die rasseverskille in ons regstelsel, en verhoog ons gevangenisbevolking,” het McCullough gesê.

“Dit sal wees soos om diabetes te hê,” het die Demokratiese verteenwoordiger Mitch Greenlick aan die Lund-verslag gesê. “Dit is ‘n chroniese breinversteuring en dit moet op hierdie manier behandel word.” Maar diabete val nie mense aan om hulle te besteel vir insulien nie.

Maar nie alle wetgewers het die argumente gekoop nie: Senator Betsy Johnson het die wetsontwerp as ‘n gehuigel afgemaak en uiters skadelik genoem. “Ons kla oor die dood van jongmense wat opiate gebruik. Tog met hierdie ongelooflike oneerlike wetsvoorstel, maak ons ​​dit erger. Slim ingebed in ‘n wetsontwerp wat die verwoestende praktyk van rasseprofilering verbied, is ons gelyktydig besig om ons gemeenskappe te vernietig deur dit met harde dwelms te besoedel wat ons kinders doodmaak.”

Oregon se goewerneur Kate Brown, sal na verwagting binnekort die wetsvoostelle bekragtig. Prokureur-generaal Ellen Rosenblum, was verantwoordelik vir die opstel van die wetsontwerp.

Rosenblum het in Februarie vanjaar ‘n federale hof gevra om by ‘n regsgeding betrokke te raak wat aanhangig gemaak is deur die staat Washington teen ‘n immigrasieverbod van president Donald Trump. Sy het beweer dat dit Oregon se besighede, inwoners, universiteite, gesondheidsorg en ekonomie sal benadeel as die staat nie Moslems toelaat nie.

Linkse twieters ontplof ná Macron hoë geboortesyfer vir Afrika-armoede blameer

Toe Frankryk Emmanuel Macron as president in Mei verkies het, was dit Afrika se ‘Ode aan die Vreugde’oomblik, ‘n “kragtige simbool” het die BBC berig. Maar die liefdesomarming tussen Afrika en Macron is verby ná sy laaste opmerkings oor hoë Afrika-geboortesyfers.

Ondersteuners van die nuwe Franse president het by die Louvre se Esplanade in die sentrum van Parys byeengekom tydens sy inlywing om sy podium in ‘n reuse dansvloer te verander vir ‘n Afrika-groep uit die Ivoorkus. Dit was ‘n Afrika-fees na die nederlaag van die “verregses”.

Magic System het die verhoog oorgeneem, met bonsende Afrika-ritmes en rielbewegings, nie Beethoven nie. Maar Macron se besondere liefde vir Afrika-kultuur het tot ‘n skielike einde gekom ná sy doodluiterse rassistiese verwysings na die “beskawings”-probleme wat Afrikane weens hul demografiese ongeërgdheid ondervind. Sy linkse rasiebendes raak nou bekommerd dat hy ‘n “populis” in die kas mag wees.

Afrika-vroue het sewe of agt kinders, het Macron gedurende ‘n perskonferensie tydens die G20-beraad in Hamburg, Duitsland, gesê toe ‘n joernalis van einste Ivoorkus Macron gevra het waarom daar geen Marshall-plan vir Afrika is nie, ‘n verwysing na die enorme hoeveelheid ekonomiese hulp wat die VSA na die Tweede Wêreldoorlog in vernietigde Europese lande ontplooi het.

Die oud-bankier het gereageer met ‘n drie-en-‘n-half-minuut gegorrel oor Afrika se hoë geboortesyfer wat bydra tot hul ekonomiese ellende. “Die uitdaging van Afrika is heeltemal anders, dit is baie dieper. Dit is ‘n beskawingsprobleem vandag,” het Macron gesê. “Mislukte state, komplekse demokratiese oorgange, die demografiese oorgang … Een van die belangrikste uitdagings van Afrika … een van die agt lande, waar vandag sewe of agt kinders vir elke vrou gebore word.”

Iemand moet die man dalk daarop wys dat Afrika nie ‘n “land” is nie, maar ‘n kontinent.

Dit het ‘n sosiale stofstorm veroorsaak, want die Franse leier – wat homself ‘n “Romeinse god” noem – het dan mos erken dat Afrika-vroue die probleem van Afrika is. Een ontnugterde voormalige pro-Macronis (Of word sy ondersteuners dalk Macaroni genoem?) het selfs gewoed: “Trump se toespraak oor ‘Westerse beskawing’ en Macron se kommentaar oor ‘Afrika-probleem’ kom van dieselfde wit suprematisme.”

Macron het Afrika se “beskawende” bekommernisse aan sy ekonomiese probleme gekoppel, presies soos die Britse tydskrif The Economist in Mei 2000 op sy voorblad gedoen het en Afrika as die “hopelose kontinent” uitgesonder het. Iemand van die weekblad moes hier op die kontinent gewees het om die berig te skryf want hulle het opgemerk dat die plek een groot lokasie is. Dalk is dit hoekom sommiges dink dis ‘n “land”: Die agterstand is oor grense sigbaar.

“Niemand kan Afrikane vir die weer blameer nie, maar die meeste van die vasteland se tekortkominge is minder aan dade van God as aan dade van die mens te wyte. Hierdie dade is nie uitsluitlik van Afrika nie – wreedheid, despotisme en korrupsie bestaan ​​oral. Maar Afrika-samelewings, vir redes wat in hul kulture gewortel is, lyk veral vatbaar vir sulke probleme,” het The Economist berig.

Ten spyte van die feit dat verskeie bilaterale en multilaterale hulpdonateurs buitelandse hulp aan ‘n land soos Tanzanië gegee het, bly die ekonomiese groeikoers laag in vergelyking met ander ontwikkelende lande. ‘n Swak vlak van tegnologie, lae inkomste per capita en armoedevlakke bly hardnekkig steeds deel van Tanzanië.

Tanzanië is ook een Afrika-land wat die meeste afhanklik is van buitelandse hulp, en is sedert die 1970’s eintlik. Sommige ramings meen die ekwivalent van nege Marshall Planne is al in die plek gestort en dit bly ‘n kopseer.

Reuters het onlangs Macron aangehaal wat sê hy wil ‘n “Jupiteriaanse” president wees – ‘n afgesonderde, waardige figuur, soos die Romeinse god van gode, wat sy seldsame uitsprake versigtig opweeg. Macron het die president se tradisionele Bastille-dag perskonferensie vermy omdat sy gedagtes “te kompleks” vir joernaliste is, het sy woordvoerder gesê.

Macron se “komplekse denkproses leen hom sleg aan die spel van vraag-en-antwoord met joernaliste”, het die woordvoerder verduidelik. Maar vir donateursvriendelike Afrikane en hul liberale rasieleiers was sy gedagtes redelik deursigtig en nie te moeilik om te peil nie.

Wat wou die oproeriges in Hamburg regtig bereik?

Kanselier Angela Merkel het haar besluit verdedig om die G20-byeenkoms in Hamburg te hou. Nadat gewelddadige botsings die byeenkoms lamgelê het en donker rookwolke bo die Schanzenviertel gehang ​​het, was dit hoegenaamd nie duidelik wat die oproeriges wou bereik nie.

Katja Kipping, mede-voorsitter van die Linkse party, het Saterdag by op ‘n optog aan die betogers gesê die polisie het sowat 50 000 mense vir die Solidariteit Sonder Grense se protes beraam, terwyl organiseerders die getal op meer as 75 000 geskat het.

Merkel het gesê haar regering sal besighede vergoed vir eiendomsbeskadiging in die nasleep van plundery en oproer deur Antifa-aktiviste. Gewelddadige botsings het meer as 200 polisiebeserings veroorsaak en ongeveer 260 betogers is in hegtenis geneem. Merkel hoop vir herverkiesing in September, vir ‘n vierde termyn, iets wat Zuma nie eers gegun word nie.

“Ek veroordeel in die sterkste terme die ongekende geweld en ongebreidelde brutaliteit waarmee die polisie herhaaldelik tydens die G-20 gekonfronteer is,” het Merkel aan Bloomberg gesê terwyl polisiehonde op die agtergrond onophoudelik bly blaf en helikopters oorvlieg. “Blykbaar is daar mense wat geen belangstelling het in die kwessies nie, maar eerder ‘n verwoestingstog van blinde vernietiging in hul eie omgewing wou sien. Harde polisiemaatreëls is die enigste reaksie daarop.” Oor die Antifa se oogmerke was Merkel tjoepstil en niemand wou “kwessies” bevraagteken nie.

Die Duitse polisie was nie geamuseerd nie. Een beampte het die kanselier gevra of sy voel dat die beraad die moeite werd was. Duitsland se anti-kapitalistiese linkse partye, Turkse en Koerdiese dissidentgroepe, asook arbeids- en omgewingsorganisasies het hul almal by die optogte aangesluit.

Linkse idiote neem selfies van hul vernietiging in die naam van Merkel se beleid

Die polisie het gesê sowat 500 aanvallers het ‘n supermark geplunder. Oproeriges het in die winkels ingebreek en goedere gesteel. Peter Altmaier, Merkel se skakelbeampte, het die onluste as “terreur” beskryf. Altmaier het Saterdag die Merkel-regering se grootste belaglikheid getwiet: “Die linkse ekstremistiese terreur in Hamburg was walglik en net so erg soos terreur deur regse ekstremiste en Islamiste.” Maar daar is geen terreur deur “regse ekstremiste” aangemeld nie.

“Die grootste besorgdheid van die weermag is tans die gebruik van hommeltuie deur [linkse] betogers,” het Der Spiegel berig. “Volgens interne ontledings kan hulle oor die Elbphilharmonie [konsertsaal] of die ontmoetingsplek vlieg met ‘n swerm kommersiële tuie.”

Die Amerikaanse president Donald Trump is beskryf deur Hans-Georg Maassen, hoof van die Duitse geheime diens, die Verfassungsschutz, as aanhitser van “regse ekstremisme”. Trump het sy eerste ontmoeting met die Russiese president, Wladimir Poetin in Hamburg gehad, terwyl bykans 20 000 polisie eintlik probeer het om… geweld deur linkses te keer.

Verlede jaar het Maassen in ‘n onderhoud aan Reuters gesê: “Die regs-ekstremistiese toneel is ‘n netwerk op Europese vlak, en in sommige gevalle, met verbindings in die Verenigde State.” Maar daar was geen teken van sulke groepe se teenwoordigheid in Hamburg nie. Inteendeel.

“Die wreedheid, met die uiters gewelddadige chaos in Hamburg is onbegryplik en verregaande,” het die Duitse minister van binnelandse sake, Thomas de Maiziere, gesê. “Hulle is nie betogers nie, hulle is misdadigers.” Maar die “misdadigers” het dit duidelik gestel dat hulle ‘n politieke doelwit het wat met Merkel s’n ooreenstem: Oop grense en die gepaardgaande wetteloosheid.

Diepsloot brand alweer, motoriste onder klippe gesteek

Die Johannesburgse Metropolisiepolisie het motoriste gewaarsku om die omgewing naby die Diepsloot-lokasie te vermy aangesien oproeriges vanoggend brande gestig, asook motoriste onder die klippe gesteek het. Verkeer op die N14-deurpad en die R511, asook Summitweg is daardeur ontwrig.

‘n Verklaring deur Wayne Minnaar, hoof van die Johannesburgse Verkeersafdeling, lui soos volg:

“Die R511 tussen Sandton en Centurion word hierdeur geraak. Die pad moet geheel en al vermy word en die N14 van Krugersdorp af word ook geraak. Meer beamptes is na die toneel gestuur om verkeer te rig. Motoriste kan vanoggend van die N1 as ‘n alternatief gebruik maak.”

Polisie het van traanrook gebruik gemaak om onlusmakers uiteen te dryf. ‘n Twitter-gebruiker, Rachel Mojapelo, het die volgende selfoonvideo aanlyn geplaas.

Blykbaar wil inwoners van Diepsloot gratis water en elektrisiteit ontvang, en word die onluste dus deur die hoofstroommedia (HSM) as ‘n “diensleweringsbetoging” beskryf.

Poetin vermy NAVO-lugruim op pad na G20

Die vliegtuig van die Russiese president, Vladimir Poetin, het ‘n lang ompad na die G20-beraad in Hamburg, Duitsland, geneem. Dit het bykans 500 km ekstra gevlieg om te verhoed dat die president oor die oostelike flank van NAVO vlieg.

Poetin se vliegtuig het ‘n roete oor Finland en die Oossee in plaas van Pole en die Oosseestate-lugruim na sy bestemming geneem, het yournewswire.com berig.

Vlugopsporingsdata van FlightRadar24 het onthul hoe die Russiese presidensiële Il-96-300PU van Moskou na Hamburg verlede Donderdag die nie-NAVO-lande Finland en Swede oorgesteek het voordat hulle die Deense en Duitse lugruim binnegekom het.

Presidensiële woordvoerder Dmitri Peskov wou nie kommentaar lewer oor die rede vir die ompad nie. “Ek sal hierdie vraag sonder ‘n antwoord laat, want alle kwessies wat verband hou met die president se bewegings het direk betrekking op sy veiligheid,” het hy gesê.

Die roete na Duitsland het gelei tot die Britse poniepers, die Daily Mail en The Sun, wat gespekuleer het dat Poetin “vrees dat hy afgeskiet sal word”. Verlede maand het ‘n Poolse F-16 gevaarlik naby die Russiese minister van verdediging Sergei Shoigu gevlieg, wat een van die Su-27’s gedwing het om die indringer te waarsku.

Intussen het die media in Warskou wild bespiegel dat Rusland agter die Poolse presidensiële vliegtuigongeluk in Smolensk, Rusland in 2010 was, wat die dood van president Lech Kaczynski tot gevolg gehad het.

Alexander Gramtsjikin, adjunk-direkteur van die Instituut vir Politieke en Militêre Analise in Moskou, het gesê die Poolse lugruim is tans baie gevaarlik: “Die Poolse Lugmag is die enigste lugmag ter wêreld wat toegerus is met beide Amerikaanse en Russiese toerusting. Spesifiek, hulle het 48 F-16’s, ongeveer 30 MiG-29s, en ongeveer 30 Su-22-vegvliegtuie in diens, met nog 20 in die stoor. Na die ineenstorting van die Sowjetunie het die Pole al die voormalige Oos-Duitse en Tsjeggiese MiG-29s gekoop. Hul grondgebaseerde lugverdediging sluit in ‘n battery van Amerikaanse Patriots, sowel as S-200-en Krug-missielverdedigingstelsels,” het die ontleder gesê.

Rusland se vloot van presidensiële Il-96-300PU’s bestaan ​​uit vier vliegtuie, toegerus met gevorderde sekuriteitskenmerke, insluitende ‘n beskermende deklaag om radar te verwar, ‘n stelsel teen MANPADS-missiele en hul eie lugverdedigingstelsel. Maar dit bied nie beskerming teen valsvlagaanvalle nie.

Jhb-middestad: Swart inwoners trek terug na brand in gekaapte gebou

Die swart inwoners van ‘n gekaapte gebou in die middestad van Johannesburg, Cape York, is besig om daarin terug te trek ondanks die onveiligheid en gevaar. Die gebou is in die middestad van Johannesburg op die hoek van Nugget- en Jeppestraat geleë. Van die name van dié strate is intussen deur die Johannesburgse munisipaliteit verander, maar meeste mense gebruik nog die ou name.

‘n Brand in die gebou het Woensdag die dood van sewe inwoners veroorsaak, waarna die munisipaliteit gelas het dat die gebou ontruim moes word. Cape York is berug vir prostitusie en dwelmhandel.

Blykbaar is die gebou deur ‘n inwoner aan die brand gesteek nadat dié sy kamer daarin kwyt was.

Volgens ‘n amptelike ondersoek is die gebou nie meer geskik vir menslike huisvesting nie; nietemin het inwoners dit weereens beset omdat hulle glo nie oor ander huisvesting beskik nie.

Die ANC-raadslid vir die gebied, Nokuthula Xaba, sê dat die gebou die toneel van ‘n misdaad was en dat niemand toegang daartoe behoort te geniet nie. Volgens haar moet die gebou weens die aard van die misdaad  vir ten minste drie dae leeg staan.

Nokuthula Xaba was enkele jare gelede in die nuus omdat sy self gratis huisvesting in ‘n woonstel vir verpleegsters in Hospitaalstraat, Johannesburg geniet het. Sy was voorheen ‘n verpleegster maar toe sy as raadslid verkies is, het sy nagelaat om as verpleegster te bedank en het steeds haar gratis woonstel behou.

Uitsettings het Woensdag kort ná die brand plaasgevind, maar vele inwoners het kort daarna na die gebou teruggekeer.

Liefdadigheidsorganisasies is tans besig om komberse en voedsel aan die inwoners te verskaf wat weer die gebou betrek het.

 

Nokuthula Xaba het ‘n beroep op die publiek gedoen om geld te skenk. “Ons het oop hande nodig; help, help, asseblief,” het sy aan die media gesê.

Bill Gates: Duitse immigrasiebeleid gaan tot ramp lei

Bill Gates het gewaarsku dat Europa se oop-deur immigrasiebeleid tot ‘n ramp gaan lei.

Volgens die Microsoft-stigter Gates sal migrasie na Europa toeneem. “Die druk is enorm – net as gevolg van die uiters hoë bevolkingsgroei in Afrika,” het hy gesê.

Gates, een van die wêreld se rykste individue, meen dat Europese leiers die migrasiekrisis voed deur steeds groot getalle Afrikane te verwelkom. Hy het verwys na kanselier Angela Merkel se oopgrensbeleid. Die instromers wil onder meer in luukse hotelle gehuisves word, ‘n Samsung Galaxy S8 as ‘n geskenk ontvang, goue tande en gratis WiFi kry.

In ‘n onderhoud met die Duitse weekblad Welt am Sonntag het die 61-jarige gepraat oor die probleme wat veroorsaak word deur die “Duitse houding teenoor vlugtelinge”, insluitende onwettige immigrante.

Die Bill en Melinda Gates Foundation het jare lank probeer om effektiewe maatreëls teen uiterste armoede en siektes in Afrika en ander onderontwikkelde lande te bevorder, wat daarop dui dat Gates uit ervaring praat.

Die IT-miljardêr het gesê Duitse gasvryheid het bygedra tot die instroming. “Aan die een kant wil jy vrygewigheid en vlugtelinge aanmoedig, maar hoe meer vrygewig jy is, hoe meer word daaroor gepraat – wat op sy beurt meer mense motiveer om Afrika te verlaat,” het Gates verduidelik.

“Duitsland kan onmoontlik nie die groot, massiewe aantal mense wat na Europa wil kom, laat binnekom nie.” Gates het gesê Europa moet eerder “dit moeiliker vir Afrikane maak om die vasteland te bereik via die huidige vervoerroetes” om die huidige invloei te keer.

Italië het in bykans 85 persent van vanjaar se aankomste hanteer, die meeste van hulle uit sub-Sahara Afrika, terwyl baie Europese lande kla dat hulle ook sukkel om die inkomelinge te hanteer.

Frankryk het die pleidooi van Italië se minister van binnelandse sake, Marco Minniti, verwerp om sy hawens na migrante oop te maak. Minniti se eweknie, Gerard Collomb, het aan AFP gesê dit sal net meer immigrante aanmoedig om te kom.

Op Dinsdag het die Europese Kommissie ‘n nuwe hulpplan vir Italië en Libië aangekondig, wat €35 miljoen werd is om die vloei te verminder. Met die voorgestelde grensafsluiting deur Oostenryk, dreig ‘n nuwe krisis, die vasteland se ergste sedert die Tweede Wêreldoorlog.

Die EU wil Egipte, Niger, Ethiopië en Soedan aanmoedig om hul onderdane terug te neem, het die Kommissie gesê. Die plan sal bespreek word deur die ministers van binnelandse sake van die EU in Estland se hoofstad Tallinn Donderdag.

Die besluit in 2015 om ongeveer 160 000 vlugtelinge na verskillende lande te verplaas, maar die Hongare, Pole en Tsjegge het intussen geweier om die instromers van Italië en Griekeland te vat.

Die Europese migrasiekommissaris, Dimitris Avramopoulos, het Dinsdag ‘n beroep gedoen op EU-lande om die uitsetting van mislukte asielsoekers te bespoedig om die druk te verlig, maar het gesê dit benodig samewerking uit hul eie lande.

Die VN-syfers toon dat tussen 1 Januarie en 3 Julie het meer as 85 000 immigrante Italië oorval, byna 9300 Griekeland, 6500 Spanje en meer as 270 Ciprus.

“Ons is onder geweldige druk,” het Italië se Minniti die naweek gesê. Die Rooi Kruis het intussen gewaarsku dat die situasie in oorvol ontvangssentra kritiek geword het, terwyl die VN se vlugtelinge-agentskap gewaarsku het dat Italië nie tienduisende migrante alleen kan opneem nie.

Amerikaanse energie losgelaat: Trump se besoek aan Pole

Die Amerikaanse president Donald Trump hoop om Rusland se verhouding met Europese aardgaskliënte uit te daag, sodat die VSA die oorheersende verskaffer van vloeibare aardgas, oftewel VAG, na die EU kan word. Maar dis baie duurder om Amerikaanse gas te koop.

Reuters het berig dat Trump Donderdag ‘n dosyn lande wat na Rusland kyk vir hul energiebehoeftes, sal probeer oorreed om van vinnig groeiende voorrade van Amerikaanse natuurlike gas gebruik te maak en om dié produk as ‘n politieke instrument in te span.

Amerikaanse Republikeinse wetgewers, waarvan baie anti-Russies is, ondersteun die gebruik van gasuitvoere vir politieke hefboomkrag. Dit is die stryd van pyplyne teenoor VAG-vragskepe.

“Dit ondermyn die strategieë van Poetin en ander sterk manne wat probeer om die ligskakelaar as ‘n element van strategiese krag te gebruik,” het senator Cory Gardner, ‘n Republikein uit Colorado, verduidelik. Gardner sit op die Senaat se Buitelandse Betrekkingskomitee.

Die Kremlin is baie afhanklik van olie- en gasinkomste, dus sal verminderde markaandeel vir die Russiese staats-energie reus Gazprom, Moskou seermaak.

“Die VAG-uitvoere deur die VSA is op baie maniere die mees bedreigende Amerikaanse beleid vir Rusland,” het Michal Baranowski, direkteur van die Amerikaanse dinkskrum in Warskou, die German Marshall Fund gesê.

Amerikaanse energie-gesant Amos Hochstein sê ‘n groter mededinging is nodig met Rusland se Gazprom deur verhoogde VAG-invoer na Europa. “Jy veroordeel Oos- en Sentraal-Europa tot nog 30-50 jaar se afhanklikheid van een verskaffer,” het Hochstein aan EURACTIV Slowakye gesê.

Noorweë verkoop byna twee-derdes van Britse gasinvoere via pypleidings, maar niemand kla dat Noorweë ‘n “politieke” projek verkoop nie. Maar soos Miguel Arias Cañete, Europa se klimaat- en energiekommissaris, daarop gewys het, is Nord Stream 2 ‘n projek wat groot politieke gevolge het.

Die VSA sal na verwagting in 2020 die wêreld se derde grootste uitvoerder van VAG word, net vier jaar nadat die eerste uitvoere begin het. Amerikaanse uitvoerders het die meeste van die gas verkoop in langtermynkontrakte, maar daar is nog steeds volumes wat aangebied word, en meer uitvoerprojekte kom sê hulle. Die jongste BP Statistiese Oorsig dui egter daarop dat stygende hernieubare voorraad die vraag na gas verder kan laat daal.

‘n Energie-ontleder op die Johannesburgse Effektebeurs het aan PRAAG gesê dat VAG-kontrakte vir ‘n vyfjaartermyn aangebied word, met ‘n vragskip wat gratis ingesluit word vir vervoer.

Hierdie jaar het die EU se regsdienste-afdeling besluit dat die EU-energiewette nie op die Russiese Nord Stream 2-pyplyn van toepassing is nie. Duitsland se energienetwerkreguleerder het met die assessering saamgestem en die hoop van diegene wat die projek deur EU-wetgewing wou blokkeer, vernietig.

Vyf Europese energie maatskappye sal elk 950 miljoen euro betaal om ‘n nuwe gaspypleiding van Gazprom te finansier as deel van ‘n finansieringspakket wat ‘n aansienlike hindernis vir sommige EU-lande geword het.

Royal Dutch Shell, Oostenrykse OMV, Engie van Frankryk en Duitsland se Uniper en Wintershall sal elk lenings gee wat 10 persent van die koste van die pyplyn van €9,5 miljard sal dek. Gazprom verskaf die oorblywende 50 persent, berig The Financial Times.

Nord Stream 2 word betwis deur die VSA en Pole, want dit kan Rusland se afhanklikheid van die gebruik van Oos-Europese lande as betaalde deurgange verminder. Maar selfs sonder Nord Stream 2 het Gazprom se eienaarskap van Europese gasmarkte gestyg. Dit het na wat berig word van 31 persent in 2015 gestyg tot 34 persent verlede jaar, volgens Bloomberg.

In ‘n persverklaring op Gazprom se webwerf het die maatskappy opgemerk: “Die noordelike korridor word fundamenteel vir gasvoorsiening regdeur Europese Rusland gelei en integreer die kortste, mees betroubare en doeltreffende nuwe roete vir gasuitvoer na Europa, wat strek van Yamal na Duitsland via die Oossee. Dit is die Nord Stream 2-projek, waarvan die implementering volgens skedule uitgevoer word.”

Die pyplyn is ontwerp om ‘n geskatte 55 miljard kubieke meter Russiese aardgas per jaar na Duitsland via die Oossee te lewer, om die Oekraïne te omseil.

In 2016 het die eerste ministers van Tsjeggië, Estland, Hongarye, Letland, Pole, Slowakye en Litaue ‘n brief gerig aan die president van die Europese Kommissie, Jean-Claude Juncker, wat beswaar maak teen die konstruksie van die Nord Stream 2-pyplyn, aangesien die projek na bewering kan lei tot “geopolitieke destabilisering”, het die Poolse nuusagentskap PAP berig.

Maar Berlyn hou vol dat Nord Stream 2 ‘n eenvoudige kommersiële onderneming is waarby die EU en die VSA nie moet inmeng nie. Die projek sal Duitsland as ‘n nodus op die Europese gasmark vestig, en vervang die dalende gasproduksie van die Nederlandse en Britse sektore van die Noordsee.

“Europa sal die groot mededingende arena tussen Russiese gas en VAG wees,” het Daniel Yergin gesê, ‘n Pulitzer-pryswennende oliehistorikus en vise-voorsitter van die IHS Markit-ontledingsfirma.

Europa sal met gespanne aandag dophou of Trump sy administrasie se posisie oor die nuwe pyplyn by die Trimarium-byeenkoms verduidelik. “Sommige dinge moet die Europeërs self besluit,” het Peter Wittig, die Duitse ambassadeur in die VSA, verlede maand in Washington aan verslaggewers gesê.

Hy het bygevoeg dat die Amerikaners ‘n aantal vrese van ander Europese lande uitbuit. As Trump nie slaag om die wig in te dryf nie, sal NAVO natuurlik volgende sneuwel aangesien die Atlantiese verdragsorganisasie op Europese eenheid staatmaak.