Mohammed-spotprent weer gepubliseer

ʼn Deense burger van Marokkaanse afkoms en twee Tunisiërs is Dinsdag gearresteer weens beplanning om die 73-jarige Kurt Westergaard te vermoor. Westergaard is ʼn spotprenttekenaar by Jyllands-Posten, die Deens koerant wat die tekeninge in September 2005 gepubliseer het.

Vyf hoofstroomdagblaaie, 10 kleiner koerante en ʼn Sweedse dagblad het Westergaard se spotprent, wat die meeste omstredenheid veroorsaak het, geherpubliseer. Die meeste Moslems beskou enige voorstelling van die stigter van Islam as kwetsend.

“Ons meen dit is baie dwaas en help nie om brûe te bou nie,” het Imam Mostafa Tsjendid, ʼn bekende Deense Moslemgeestelike, gesê.

Tsjendid, wat imam is by die Islamitiese Geloofsgemeenskap, ʼn godsdienstige Moslemorganisasie wat ʼn sentrale rol tydens die eerste spotprentpolemiek gespeel het, het alle geweld veroordeel maar gesê dat dit moeilik sou wees om die woede wat jong Deense Moslems mag voel, te besweer.

“Dit gaan ons jongmense verder geïsoleerd laat voel,” het hy gesê. “Die druk van die spotprent verteenwoordig ʼn belediging vir ons intellektuele vermoëns. Ons is nie gekant teen spraakvryheid nie maar ons verset ons teen die konstante diskriminasie teen die Moslemminderheid in Denemarke.”

Drie Deense ambassades is aangeval en ten minste 50 mense is gedood tydens onluste in die Midde-Ooste, Afrika en Asië. Verskeie jong Moslems is sedertdien in Denemarke veroordeel weens die stel van bomme, wat gedeeltelik uit protes teen die spotprente geskied het.

Die Veiligheids- en inligtingsdiens het gesê dat Dinsdag se inhegtenisnames naby Aarhus in westelike Denemarke verrig is ná langdurige dophouding om ʼn moord te verhoed wat in die vroeë stadium van beplanning was.

Volgens die Deense media is ʼn man van Marokkaanse afkoms vrygelaat maar hy staar voorlopige klagtes in die gesig terwyl twee Tunisiërs later vandeesweek gedeporteer sal word.

ʼn Hoofartikel in die linkse blad Politiken het die moordkomplot as ʼn aanval op Denemarke se demokratiese kultuur bestempel. “Ongeag of Jyllands-Posten destyds hul spraakvryheid onverantwoordelik uitgeoefen het met skadelike gevolge, verdien die koerant onvoorwaardelike solidariteit as dit met terreur bedreig word,” het dit gesê.

Intussen is dit verlede maand berig dat Denemarke se nasionale biblioteek die risiko van ʼn internasionale storm geneem het deur spotprente van die Profeet in hul versameling op te neem.

Die koninklike biblioteek in Kopenhagen, wat in die 17de eeu deur Koning Frederik III gestig is en vele geskiedkundige skatte huisves, het verklaar dat die tekeninge van historiese waarde is en hy gaan poog om hulle te bekom vir “bewaringsdoeleindes”.

Die biblioteek, wat wyd erken word as die belangrikste in die hele Skandinawië, het ingestem om die karikature op te neem namens die Deense museum vir spotprentkuns, het ʼn segsman aan die Kunskoerant gesê.

Onderhandelinge met die kunstenaars agter die 12 spotprente is blykbaar op ʼn gevorderde stadium. Verskeie van hulle het ingestem om die werke gratis te skenk maar die museum mag verplig wees om vir ander te betaal. Een is reeds aan ʼn privaatversamelaar verkoop.

Jytte Kjaergaard, ʼn woordvoerder vir die biblioteek, sê dat dit onwaarskynlik  is dat die spotprente in die openbaar uitgestal sal word en het benadruk dat die besluit nie bedoel is om omstrede te wees nie.

“Ons stel nie in ʼn tentoonstelling belang nie, maar bloot om hulle te bewaar vir toekomstige geslagte want hulle het in Denemarke geskiedenis gemaak,” het sy gesê. “Hierdie is die mees ooglopende plek om hulle te hou want ons het al die veiligheidsmaatreëls in plek. Dit sou baie moeilik wees vir ʼn privaatpersoon om in te kom en hulle te saboteer want ten einde toegang tot hulle te verkry vir navorsingsdoeleindes sal mens ʼn brief van jou universiteitsprofessor nodig hê. Hulle sal soos enige kosbare boek behandel word.”

полиграф днепропетровскЛобановский

Sherlock was vlees en bloed…

Van die 3.000 Britte wat deelgeneem het aan die meningspeiling, dink 47% dat Richard I, oftewel die beroemde "Lionheart", nooit koning van hul eiland was nie en net tussen die bladsye van boeke bestaan. Richard I het tussen 1189 en 1199 geheers.

Daarenteen meen 58% deelnemers dat Sherlock Holmes, ‘n karakter wat deur Arthur Conan Doyle in1887 geskep is, ‘n werklike persoon is wat regtig geleef het.

детский жилет из искусственного меха купитьФильчаков прокурор отзывы

Oranje-blanje-blou wapper in Ghana

Niemand het egter beswaar teen die toernooiplakkate aangeteken nie en dit wil voorkom asof die Ghanese nogal hou van die oranje-blanje-blou.

Die amptelike borg van die Afrikasokkerbeker, MTN, se embleem het “trots” naas die ou Suid-Afrikaanse vlag vertoon. ʼn Woordvoerder van die maatskappy wou nie kommentaar lewer alvorens hy ʼn foto van die plakkaat onder oë gehad het nie.

гидроаккумулятор 150 литров ценалобановский александр биография

Meningitiswaarskuwing vir 14 Afrikalande

Entstof, 300 000 dosisse daarvan,  is inderhaas na die probleemareas gestuur om te probeer om die epidemie te bekamp. Dit is nie die eerste keer dat Burkina Faso onder ‘n meningitisepidemie deurloop nie. In 2007 is byna 2000 mense van 26 000 aan dieselfde dodelike uitbraak oorlede.
Die Rooikruis het aan die einde van Desember verlede jaar gewaarsku dat 14 lande in Afrika, waaronder Burkina, bedreig word deur ‘n epidemie van meningitis wat "die ergste in die afgelope tien jaar mag wees". ‘n Epidemie behels 10 sterftes per 100 000 mense.

брекет система лингвальнаятопкарго отзывы

?Zimbabwekwessies is opgelos? ? SA minister

“Geen onderhandelinge is verder nodig nie; dit gaan nou om prosedure, hulle het oor alles saamgestem … dis nou net prosedure wat die Zimbabwiërs self moet oplos,” het Pahad gesê.

Hy het bygevoeg dat president Thabo Mbeki sou aanhou om tussen die partye te bemiddel om die oorblywende kwessies op te los.

Pahad was besig om verslaggewers in te lig oor ʼn verslag wat Mbeki aan leiers van die Suider-Afrikaanse Ontwikkelingsgemeenskap (SAOG) op die kantlyn van die Afrika Unie-spitsberaad in Addis Abeba, Ethiopië, verlede week oorhandig het.

Mbeki het gesê dat president Robert Mugabe se Zanu-PF en faksies van die opposisieparty, die Beweging vir Demokratiese Verandering (BDV), onderhandelings oor alle belangrike vraagstukke rondom die politieke situasie in die land voltooi het.

SAOG het gister Mbeki se bemiddelingspogings aangeprys.

“Die beraad het die SAOG-fasiliteerder, president Thabo Mbeki, gelukgewens en bedank vir die rol wat hy gespeel het om dié uitkoms te bewerkstellig en het president Mbeki versoek om voort te gaan met sy rol as fasiliteerder oor Zimbawe, ten einde die Zimbabwiese partye te help om die oorblywende “prosedurekwessie” oor die aanneem van die ooreengekome konsepgrondwet te voltooi,” lui die verklaring.

slots ukАлександр Фильчаков прокурор

Die Obamas

"Sommige dae sien ons soveel as 10 spanne joernaliste wat hierheen kom en ons kan nie aan al hulle versoeke voldoen nie," het Saïd Obama per telefoon van Nyang’oma, die geboortedorpie van Obama se vader in die weste van Kenia, laat weet. Dit is glo só bedrywig dat die Obamas sukkel om hul daaglikse take te verrig.

Saïd is die amptelike segsman vir die Keniaanse Obamas. Hy het gevra dat alle joernaliste eers toestemming vra voordat hulle na Nyang’oma, aan die oewer van die Victoriameer waar ongeveer dertig van die familielede woon, reis. Blykbaar wil hy ook verhoed dat inwoners van sy dorpie hulle aan buitelandse joernaliste voordoen as lede van sy familie.

Barack Obama, 46, se moeder is Amerikaans en hy is in die VSA gebore, maar hy is soos ‘n held in sy vader se geboorteplek ontvang toe hy in 2006 daar besoek afgelê het. Hy het ook sy ouma Sarah daartydens gesien. Sarah is 85 en sy praat nie ‘n enkele woord Engels nie.

Die Obamas behoort aan dieselfde etniese groep as Kibaki se opponent, Raila Odinga. Odinga se sakebande met Ramaphosa het onlangs daarvoor gesorg dat die voorgenome vredesinisiatief om etniese spanning in Kenia aan te spreek vanuit Suid-Afrika, misluk.

slots noДанильченко Харьков

SA onderwys in ‘n krisis ? verslag

Die verslag toon die mislukking van die opvoedingstelsel aan om die uitdagings van globale mededinging in die 21ste eeu die hoof te bied.

“Ons praat waarskynlik van ʼn poging – as ons argumentonthalwe aanvaar dat ons die opvoedingstelsel kan kry om tans optimaal te funksioneer – wat ʼn hele geslag gaan duur voor ons die gevolge sien van ʼn goed opgevoede samelewing wat na die arbeidsmark en die ekonomie deurdring,” het die Stellenbosse ekonoom, Servaas van den Berg, aan Finweek gesê.

Gedurende die afgelope twee jaar het die Suid-Afrikaanse 535 000 mense die skole verlaat sonder om enige diploma te vewerf en het sodoende ʼn baie onsekere toekoms tegemoet gegaan.

Die skoolverlaters sal die geledere van die werkloses versterk, meen Finweek. Teen dié tyd verteenwoordig burgers tussen die ouderdomme van 20 en 24 reeds 14% van die arbeidsmag, maar is oorverteenwoordig onder werkloses waar hulle ongeveer 27% van daaride syfer uitmaak.

Hierby moet gevoeg word verlede jaar se verslag deur die onderwyserminister, Naledi Pandor, wat uitgewys het dat minder as die helfte van die 675 132 leerders wat in 1999 met skool begin het uiteindelik matriek gehaal het.

Van die 564 775 matrikulante wat einde verlede jaar die eksame geskryf het, het meer as 200 000 gedruip.

Die afname in die slaagsyfer en ʼn gebrek aan vaardighede, sê die verslag, skep ʼn afwaartse glybaan wat verdere ekonomiese groei betref. Die verslag waarsku dat ʼn kennisekonomie nie kan oorleef met ʼn wanbalans tussen die opgeleides en onopgeleides nie; dit veroorsaak ʼn bose kringloop waarbinne die gebrek aan vaardighede ekonomiese vraag verminder, asook die omgekeerde.

Wiskunde en wetenskap

Die statistiek rondom wiskunde en wetenskap verteenwoordig ʼn ernstige bron vir kommer: tussen 1999 en 2004 het ʼn gemiddeld van slegs 4,4% matrikulante wiskundeslaagsyfers behaal wat voldoende is vir universiteitstoelating in die natuurwetenskappe.

Die feit dat slegs die helfte van die land se wiskunde- en wetenskaponderwysers in 1999 oor tersiêre kwalifikasies in dié vakke beskik het, is kommerwekkend.

Vir die afgelope 16 jaar het minder as 7% van Seniorsertifikaatkandidate wiskunde op die hoër graad geslaag, volgens ʼn opname oor wiskunde en wetenskap op skool wat in 2007 deur die Sentrum vir Ontwikkelingsondernemings uitgevoer is, luidens die Finweekverslag.

Die prognose vir matriekklasse in 2010 en 2011 is nie veel beter nie. Toe die 2010-groep (wat nou in graad 10 verkeer) in 2001 in graad 3 was, het die nasionale prestasie-opname getoon dat 30% nie die vereiste standaard in gesyferdheid bereik het nie en 54% het nie die vereiste standaard in geletterdheid behaal nie.

Wat die 2011-groep betref, het die graadsesevaluasie in 2005 getoon dat slegs 28% op die vereiste vlak van gesyferdheid presteer. Vir geletterdheid was dit slegs 38%.

Benewens die opvoedingskrisis, verloor Suid-Afrika opgeleide beroepslui na ander lande wat Suid-Afrika as ʼn werwingsgebied gebruik, sê Finweek. ʼn Studie het onlangs bevind dat die verlies van een opgeleide beroepspersoon in Suid-Afrika die vermindering van tot 10 opopgeleide poste kan veroorsaak.

Die Finweekverslag sê die feit dat min gedoen word om ʼn volgende geslag ingenieurs, wetenskaplikes en ander beroepsluit op te lei wat nodig is vir ʼn groeiende ekonomie is selfs nog meer skrikwekkend.

погружной насос купитьtopcargo отзывы

Klopjag op Metodistekerk

Die polisieklopjag was ‘n aanval op die Metodistekerk se "bediening van radikale gasvryheid" meen die betrokkenes. Ongeveer 50 polisielede het die kerk in die middel van die nag binnegeval sonder om kerkleiers te waarsku oor hul beplande optrede. Biskop Paul Verryn beweer dat ‘n 1000 mense aangehou word waaronder ‘n aantal swanger vroue.

Médecins Sans Frontières, oftewel die Franse hulporganisasie Dokters-sonder-grense, wat ook ‘n sentrum uit die kerk bedryf se toerusting is blykbaar in die klopjag beskadig. Makue het bygevoeg dat hy verbaas is oor die hardhandige polisieoptrede aangesien die burgemeester van Johannesburg, Amos Masondo, besonder ondersteunend blyk te wees oor die lotgevalle van vlugtelinge. "Dit is duidelik dat Johannesburg ‘n stad vir nuwe aankomelinge is," het hy gesê.

"In die apartheid-era het ons dikwels daarin geslaag om mense in kerke weg te steek omdat die wrede apartheidspolisie traag was om die heiligheid van die kerk binne te dring." Die klopjag herinner Makue aan die "ergste vergrype" van die sewentigs en tagtigs.

online slotлобановский александр интервью

Betaal vir lees

Die gemeenskappie bestaan uit 3 300 siele en leef sowat 55km van Toledo in die sentrum van Spanje. Hulle het besluit dat elke uur wat in die biblioteek deurgebring word deur ‘n laerskoolkind met een euro beloon sal word in die vorm van ‘n toelaag aan gesinne. Crespo het dit in ‘n verklaring bekend gemaak.

Die burgemeester beskryf sy inisiatief as "vooruitstrewend en ambisieus wat onderwys aanbetref". Sy doelwit is om "die aktiewe rol wat ouers in die opvoeding van hul kinders speel, aan te moedig".

ресивер воздушный вертикальныйтопкарго развод

Etniese suiwering in Kenia

“Die siklus van weerwraak het te ver gegaan en het gevaarliker geword,” het sy voortgegaan.

Kenia se skielike verval in chaos – waarin meer as 850 mense in etniese geweld omgekom het – het wêreldmoondhede met afgryse vervul, het die streek se mees belowende ekonomie beskadig en Kenia se beeld as ʼn stabiele handels- en toeristesentrum beskadig.

Frazer het gesê die Verenigde State wou ʼn ondersoek na die geweld hê, insluitende die moorde op burgerlikes deur die polisie, en het gemeen alle partye moet verantwoordelik gehou word.

Sy het ʼn beroep op Keniaanse leiers gedoen om opruiende retoriek te staak.

Die Verenigde State het ʼn bemiddelingspoging deur die vorige sekretaris-generaal van die Verenigde Nasies, Kofi Annan, geondersteun wat president Mwai Kibaki en die opposisie-uitdager Raila Odinga betrek, het sy gesê. Formele bemiddeling het Dinsdag begin.

“Ons is ten gunste van een of ander magsdeling en koalisieregering,” het sy gesê en bygevoeg dat daar grondwetlike en grondhervorming moet plaasvind om die diepgesetelde wrewel tussen Kenia se etniese groepe te besweer.

Betogings na die verkiesing het in siklusse van moord tussen stamme ontaard wat nog nooit hul diepgesetelde geskille oor grond, rykdom en mag wat teruggaan na die Britse koloniale heerskappy.

Annan meen hy is vol vertroue dat die “onmiddellike politieke kwessies” binne vier weke opgelos kan word en die breër kwessies wat die krisis onderlê binne ʼn jaar.

Frazer het gesê sy beplan om met Afrikaleiers oor die toekoms te beraadslaag wat vandeesweek in Addis Abeba vergader en gewaarsku dat daar ʼn oplossing op Kenia afgedwing mag word indien die land nie sy eie probleme oplos nie.

“Ons gaan ʼn internasionale meganisme vind as dit nie binnelands gereël kan word nie,” het sy gesê.

Westerse donateurs het ʼn beroep op beide kante gedoen om Annan se pogings ernstig op te neem of die risiko te loop om ontwikkelingshulp te verloor.инструмент дляtopcargo отзыв