Kategorie: Nuus

Sterftes in myne moet gestraf word

Image13:43:32 Daar is 'n menslike tol daaraan om vir goud te delf in Suid-Afrika. Terwyl die sterftesyfers minder word, is dit steeds hoog genoeg dat die parlement vandeesweek maatreëls oorweeg om uitvoerende beamptes by myne te dreig met tronkstraf vir sterftes in hulle myne.

'n Nasionale kommissie in 1995 het bevind dat 69 000 mynwerkers in Suid-Afrika tussen 1900 en 1993 dood is, en dat 25 keer soveel mense beseer is, die oorgrootte meerderheid terwyl hulle goud ontgin het. Dié syfers sluit nie diegene in wat ly aan longsiektes en doofheid as gevolg van geraas nie.

Die syfers van mynsterftes vergelyk "sleg met die meeste ander lande in die wêreld", het die kommissie bevind.

Sedert 1995 het veiligheidsmaatreëls die sterftesyfer heelwat verminder van 'n gemiddeld van 742 na 220.

Die nuwe wetgewing kan maatskappy-uitvoerendebeamptes aan tronkstraf van tot 5 jaar onderwerp, of boetes van Rm3 instel, wat administrateurs in kantore krimineel strafbaar sal hou vir ongelukke in die warm ondergrondse tonnels.

"Ons het lank gewerk vir dié strawwe," het Lesiba Seshoka, 'n woordvoerder van die Nasionale Unie van Mynwerkers gesê. Die Unie verteenwoordig die meerderheid van die land se 465 000hoofsaaklik swart mynwerkers.

Die meeste mynmaatskappye sê hulle is lankal reeds meer veiligheidsbewus en staan die nuwe beoogde maatreëls teen.

освобождение от физкультуры в школепрокурор Фильчаков

294 Mense dood aan cholera, s? Amerikaanse ambassadeur

Image13:20:33 Die Amerikaanse ambassadeur in Harare, James McGee, het Donderdag gesê dat 294 sterftes aan cholera reeds in Zimbabwe aangemeld is, te midde van sowat 1200 gevalle van dié siekte wat aangemeld is.

"Die water- en sanitasiesituasie het handuit geruk," het McGee aan Washingtonse verslaggewers gesê in 'n satellietkonferensie.

"Daar is meer as 1200 bevestigde gevalle van cholera, en meer as 2500 onbevestigde gevalle," het McGee gesê.

Beamptes in Harare het gesê die uitbraak van cholera in Zimbabwe in die laaste maand het nou ten minste 90 lewens geëis, insluitend 3 sterftes van Zimbabwiërs wat in Suid-Afrika was.

Ten minste 37 mense het by Beitbrug gesterf. Die dorp is op die grens met Suid-Afrika, het die minister van gesondheid, Dawid Parirenyatswa, oor die nasionale radio gesê.

Drie Zimbabwiërs het in Musina in Suid-Afrika gesterf, het beamptes daar bekend gemaak.

Nog 37 dood is in Harare, terwyl 'n nuwe uitbraak in die stad Gweru nog 13 lewens geëis het, het die staatsmedia Donderdag berig.

Dokters sonder grense het Dinsdag gewaarsku dat 1,4 miljoen mense in Harare erg blootgestel is en dat gevalle van cholera so ver suid as in Durban aan die Suid-Afrikaanse suidooskus aangemeld is.  

play crownдепутат лобановский

SA gaan hulp aan Zim terughou

Suid-Afrika het Donderdag gesê dat hulle byna $30 miljoen se hulp aan Zimbabwe terug gaan hou totdat 'n nuwe regering daar in plek kom terwyl die land gereedmaak om 'n nuwe rondte magsdelingsamesprekinge volgende week te hou.

Die versuim om 'n regering van nasionale eenheid te vorm, beteken dat die geleentheid vir hulp verbygegaan het, het regeringswoordvoerder Themba Maseko gesê.

Suid-Afrika het verlede maand R300 miljoen (22,6 Euro) se landbouhulp aan Zimbabwe om korttermynvoedselvoorsiening te help, goedgekeur onderworpe aan sekere voorwaardes.

"Dié hulp sal nie aan Zimbabwe oorgedra word totdat 'n verteenwoordigende regering in plek is nie," het Maseko aan joernaliste gesê.

"Ons groot bekommernis is dat ons die plantseisoen gemis het" het hy bygevoeg.

Woordvoerder van die departement van buitelandse sake, Ronnie Mamoepa, het Dinsdag bevestig dat Suid-Afrika gasheer sal wees vir 'n volgende rondte samesprekings volgende week, onder die leiding van voormalige president Thabo Mbeki, wat die magsdelingsooreenkoms meer as twee maande terug aanmekaar gesit het.

Morgan Tsvangirai het die week Berlyn en Parys besoek om Europese regerings te vra vir hulp, aangesien voedsel in Zimbabwe vinnig skaarser word. Die opposisieparty reken dat 5,5 miljoen mense in die land teen Januarie van voedselhulp afhanklik sal wees.

Die Franse minister van buitelandse sake, Bernhard Kouchner, het ondersteuning belowe, maar nog geen nuwe beloftes oor hulp gemaak nie, aangesien toegang tot die groepe in Zimbabwe wat hulp nodig het steeds verhoed word.

воронеж техноалександр лобановский харьков

Rooimiere beskuldig dat hulle man vermoor

Die Rooimiersekuriteitswagte word daarvan beskuldig dat hulle 'n vrou aangerand het en haar man vermoor het nadat hy haar te hulp gesnel het in Edenpark in Ekurhuleni, het polisie Donderdag gesê.

Kaptein Mega Ndobe het gesê dat sowat 50 Rooimierwagte Hophuise bewaak het teen besetting deur onwettige inwoners , krakers, toe hulle gesien het dat die lemmetjiesdraad om die huise weg was.

Hulle het aan inwoners van die huise gevra of hulle enige iets weet omtrent die diefstal en 'n argument  het  daarna uitgebreek  tussen die 25-jarige wettige eienaar van die Hophuis en die Rooimiere.

"Hulle het begin om haar aan te rand" het Ndobe gesê.

Iemand het haar 34 jarige man wat op pad was werk toe geskakel. "Hy het omgedraai, en met sy aankoms tuis probeer om tussenbeide te tree toe hy sien dat hulle sy vrou aanrand."

Ndobe beweer dat die Rooimiere die man met breekysters geslaan het. Hy is op die toneel dood.

Ndobe het gesê die polisie was steeds op die toneel teen 09:30 besig met die ondersoek. Geen arrestasies is gemaak nie, maar 'n moordsaak is aanhanging gemaak.

Die gemeenskap is woedend oor die insident, en wou die Rooimiere aanval. Die polisie bewaak tans die Rooimiere, volgens berigte.

slot machinesФильчаков прокурор харьков

Johannesburgse sakegebied donker

Krag behoort weer ten volle beskikbaar te wees in die Johannesburgse sakesentrum teen Saterdag, nadat 'n brand uitgebreek het in 'n kabeltonnel vroeër die week, het 'n woordvoerder gesê.

"Ons verwag volle herstel van die krag teen Saterdagoggend" het Louis Pieterse, woordvoeder van die kragdepartement gesê.

Hy het gesê 90% van die krag is herstel en dit sal teen middag se kant aangaan.

Dele van die sakegebied en Selbie is geraak deur die onderbreking.

Sommige verkeersligte in die suidelike dele van die stad is steeds buitewerking.

"Dit is 'n reuse taak, maar ons behoort môre weer aan die gang te wees," het hy gesê.

Die brand wat vroeg Maandagoggend begin het, het dele suid van President- en Markstraat sonder krag gelaat.

Pieterse kon nie kabeldiefstal as die rede vir die brand uitsluit nie.  

max damageАлександр Фильчаков Васильевич

Carter en Annan gaan voort met besoek aan Zimbabwe

ImageVoormalige Amerikaanse president Jimmy Carter, en medewerkers gaan voort met 'n humanitêre sending na Zimbabwe, ten spyte daarvan dat die staatsbeheerde koerant in dié Afrika land aangedui het dat hulle onwelkom is.

Die Ou Leiers, 'n groep wat deur voormalige SA president Nelson Mandela aanmekaargesit is, het verlede week planne om Zimbabwe te besoek, bekend gemaak.

Na 'n storie wat Donderdag in Zimbabwe se Heraldkoerant oor die beoogde besoek verskyn het, getiteld "Kom asseblief op 'n later datum," het die groep hulle planne herbevestig, sonder om na die koerantberig te verwys.

Die voormalige VN sekretarisgeneraal, Kofi Annan en Graca Machel, Nelson Mandela se vrou, wat ook 'n internasionale vroue en kinderregte advokaat is, gaan ook deel uitmaak van die groep wat Saterdag vir 'n tweedae besoek daar aanland.

Die Herald het 'n onbekende bron aangehaal wat Annan openlik as krities beskou teenoor president Robert Mugabe en sy administrasie.

'n Ou Leiers-woordvoerder het gesê dat die groep 'n onderhoud met president Mugabe aangevra het, maar dat daar sover geen formele reaksie was nie.

Annan het in 'n verklaring beklemtoon dat die besoek onafhanklik is van 'n streekspoging om Mugabe en sy teenstaanders sover te kry om die magsdeling ooreenkoms wat sedert September al vertraag word, te implementeer.

Die opposisie beskuldig Mugabe, wat sedert onafhanklikwording van Brittanje in 1980 aan bewind is, daarvan dat hy al hoe meer outokraties optree, en dat hy probeer om aan die belangrikste kabinetsposte vas te hou. Die dooiepunt het Zimbabwiërs in 'n posisie gelaat waar hongersnood en siekte die land teister, en waar daar byna geen regering meer bestaan nie terwyl die ekonomie in duie stort.

Terwyl die Ou Leiers se besoek slegs 'n humanitêre besoek is, "doen ons 'n beroep op Zimbabwe se politieke leiers om vinnig te beweeg om die ooreenkoms van 15 September te implementeer, veral met betrekking tot die voorsiening van humanitêre hulp en voedselvoorsiening," het Annan gesê.

Zimbabwe se hoof opposisieleier, Morgan Tsvangirai, het tydens 'n besoek aan Berlyn aan Associated Press gesê dat hy en Mugabe binne tweemaande 'n regering moet saamstel om 'n katastrofiese humanitêre krisis af te weer.

Tsvangirai het gesê hy vrees dat honger en frustrasie, tesame met die aanhoudende ineenstorting van dienste soos skole en hospitale onrus en geweld kan aanblaas indien 'n wettige regering nie vinnig intree nie.

Tsvangirai het eerste gekom uit vier mense in die eerste rondte van die verkiesing in Maartmaand. Maar volgens amptelike resultate het hy nie genoeg stemme op hom verenig om 'n tweede rondte verkiesing af te weer teen Mugabe wat tweede gekom het nie.

Tsvangirai het onttrek uit die tweede rondte verkiesing wat op 27 Junie plaasgevind het vanweë aanvalle op sy ondersteuners.

Die Amerikaanse ambassadeur in Zimbabwe, het intussen op Donderdag gesê dat "Mugabe se magsgreep sterker was as wat dit 'n jaar terug was."

Ambassadeur James McGee, wat met verslaggewers by Washington gesels het in 'n videokonferensie, het gesê dat Mugabe sy mag versterk het deur 'n politieke ondersteuningsisteem wat hy volgehou het, ten spyte van die kritiese finansiële- en gesondheidstoestande wat in die land heers. 

play real lifeФильчаков прокурор

Brand in plakkershut laat 200 dakloos

Byna 200 mense is dakloos gelaat nadat 'n brand uitgebreek het in 'n plakkershut in die Nelson Mandela lokasie naby Houtbaai in die Kaapse skiereiland, het SABC-nuus berig.

Stad Kaapstad se rampbeheerkantoor het gesê dat sowat 50 wonings in die brand vernietig is.

Woordvoerder Craig Pillay het gesê dat rampbeheerspanne, insluitend 'n helikopter, na die gebied ontplooi is.  

095уtopcargo отзыв

Iran verhoog sy uraanvoorraad

Image17:09:33 Iran gaan voort met sy kernprogram, het die VN se kernwaghond Woensdag gesê. Op dié manier is die dilemma vir die verkose president Barack Obama van die VSA heelwat moeiliker gemaak, aangesien hy in sy veldtog belowe het om met Teheran in gesprek te tree.

Die mees onlangse verslag van die Internasionale Atoomenergieagentskap (IAEA) het onthul dat Iran met rasse skrede sy voorraad verrykte uraan, wat in wapengraaduraan verander kan word indien hulle 'n kerntoestel wil bou, uitbrei.

Die agentskap sê dat tot vandeesmaand het Teheran 630 kg laeverrykteuraanheksafluoried versamel; dit is 'n styging van die 480 kg wat laat in Augustus vanjaar geboekstaaf is. Analiste sê dat Iran nou teen so 'n hoë spoed uraan verryk, dat hulle teen vroeg volgende jaar uitbreekkapasiteit kan bereik, een stap weg daarvan om 'n kru kernbom te kan bou.

Die IAEA-verslag het ook gesê dat daar 'n verbrokkeling in kommunikasie is tussen die agentskap en Iran oor beweerde navorsing oor 'n atoomwapen.

Die vooruitgang wat Iran maak, verhoog die probleme vir mnr. Obama, wat in sy veldtog belowe het om met Amerika se vyande te praat, alhoewel hy sy aanvangsbeloftes om Iran te ontmoet afgeskaal het na meer algemene bedoelings indien dit Amerika se belange sou bevorder.

Europese diplomate het gunstig gereageer op mnr. Obama se voorstel dat Amerika met Iran praat, maar hulle is gretig om eensydige Amerikaanse aksie te vermy wat die benadering van die vyf permanente lede van die VN-veiligheidsraad en Duitsland sal vernietig.

IAEA-beamptes het gesê dat verhoudinge tussen dié organisasie en Iran reeds so verswak het dat daar in die laaste twee maande reeds geen kontak tussen hulle was nie.

Voor Woensdag se verslag het die Iranse president, Mahmoud Ahmadinejad, aangedui dat sy land sal voortgaan met hulle kernprogram. 

casino on the nettopcargo развод

Koninklike werker dalk deel van regse party

17:02:24 Buckinghampaleis het gesê dat een van hulle werkers – Paul Murray – ontken het dat hy lid was van die Britse Nasionale Party (BNP).

'n Werker in diens van die Koningin is gisteraand ontbloot as 'n beweerde lid van die BNP.

Paul Murray, 'n stoorman in die paleis, se naam was op 'n  kopie van die ver-regse party se vertroulike lidmaatskaplys.

Die 41-jarige, wat tot vroeër vanjaar in 'n "gunste en gawes"-woonstel ter waarde van een miljoen pond gebly het, was saam met sy vrou Jennifer (44) klaarblyklik opbetaalde lede van die groep.

Hy is een van twee mense met koninklike skakels wat beskuldigings in die gesig staar dat hulle simpatiseerders is van 'n "ekstremistiese" organisasie. Hy het die bewerings heftig ontken.

Voormalige paleisportier, Norman Goldsmith, 74, is ook gelys as 'n BNP-aktivis.

Hy het in 1994 afgetree, maar bly in 'n woonstel by Royal Mews by die Hampton-hofpaleis.

Die koningin is in die nadraai gevang van die BNP se lidmaatskaplys van sowat 12 000 mense wat op die internet uitgelek het, en wat skokgolwe deur die land gestuur het.

для девочкиФильчаков

Sjina mag dalk eerste vliegdekskip bou

'n Hooggeplaasde Sjinese militêre offisier het laat val dat Sjina nou op soek is na 'n vliegdekskip vir sy vinnig groeiende vloot, 'n aksie wat vir seker spanninge tussen die Amerikaanse magte en sy bondgenote in Asië sal verhoog.

In 'n onderhoud wat Maandag in die Londense Financial Times gepubliseer is, het die offisier, majoor-generaal Quan Lihua nie gesê of Sjina besig was om 'n vliegdekskip te bou nie. Maar die generaal, 'n senior beampte in die Sjinese departement van verdediging het gesê dat om so iets te hê die droom van enige groot militêre mag is, en dat indien Sjina een sou kry, Amerika niks het om te vrees nie, aangesien dit net vir verdedigingsdoeleindes sal wees.

"Die vraag is nie of mens 'n vliegdekskip het nie, maar wat mens met so iets doen" het hy gesê.

"Selfs al het ons eendag so vliegdekskip, sal ons nie soos ander lande dit gebruik vir globale ontplooiing nie."

In onlangse jare het beamptes by die Pentagon Sjina se ambisieuse vlootopbou baie versigtig gevolg. Sedert 2000 het Sjina ten minste 60 oorlogskepe gebou, en sy vloot van 860 vaartuie sluit ook 60 duikbote in.

Spanning tussen Sjina en Amerika het ook verlede maand gestyg nadat die Pentagon die verkoop van $6 miljard se gevorderde wapentuig aan Taiwan aangekondig het. Sjina het woedend gereageer op die nuus, en gewaarsku dat dit die verhoudinge tussen die twee lande kan versuur. Die transaksie sluit in Apache-aanvalshelikopters en gesofistikeerde  missiele, radar en lugverdedigingsstelsels.

In die onderhoud het die generaal benadruk dat Sjina nie 'n vliegdekskip sal ontplooi met aggressiewe bedoelinge nie.

"Vlote van groot moondhede met 10 of meer vliegdekskipgevegsgroepe met strategiese oogmerke het ander toepassings as lande met net een of twee vliegdekskepe vir verdediging van hulle eie waters en kuslyne," het hy gesê.

Alhoewel hy nie name genoem het nie, was sy kommentaar gemik op Amerika, wat 11 vliegdekskepe het, onder andere die George Washington, wat onlangs na Japan ontplooi was.

Die handjievol ander lande wat wel vliegdekskepe het, insluitende Brittanje, Frankryk, Italië en Rusland, het nie een meer as twee sulke skepe in hul vlote nie.

play cluedo online for free no downloadФильчаков Харьков