Kategorie: Nuus

WEF plaas SA derdelaaste vir wiskunde en wetenskap

Suid-Afrika is byna heel laaste onder 140 lande gemeet aan wiskunde- en wetenskapopleiding, volgens die Wêreld Ekonomiese Forum (WEF) se verslag oor globale mededingendheid.

Verlede jaar se verslag ook het die land laaste uit 148 lande geplaas.

Die verslag vir 2015/16 skilder ‘n somber prentjie, met Suid-Afrika wat 138ste uit 140 lande kom.

Die enigste twee lande wat slegter doen, is Egipte en Paraguay.

Wat toegang tot die internet in skole betref, is Suid-Afrika 119de uit 140.

DA-LP Annette Lovemore sê die swak prestasie weerspieël nie die vermoë van “ons leerders nie”.

Lovemore sê dit is ‘n aanduiding van ‘n onderwysstelsel wat dringende ingryping nodig het.

Verlede jaar het die departement van basiese onderwys die verslag gekritiseer en gesê dit was “nie ‘n geloofwaardige of akkurate weerspieëling van die stand van onderwys in Suid-Afrika nie” en is “suiwer gebaseer op die menings of persepsies van geselekteerde bestuurders”.

Afrika Check, wat deur George Soros befonds word, het ook verlede jaar se verslag gekritiseer en gesê:. “Die WEF se opvoedingsranglys is nie ‘n akkurate weerspieëling van die stand van onderwys in Suid-Afrika nie. Op sy beste is dit ‘n weerspieëling van die menings van sowat 50 ‘sakeleiers.”

Operasie Phakisa sal Vrydag bekendgestel word, wat bedoel is om die land se standaard van onderwys te verbeter.

Deel van die operasie is om onderwysers op te lei om tegnologie in die klaskamer te gebruik. Die privaatsektor, akademiese instellings en die departement sal saam werk om digitale inhoud vir wiskunde en wetenskap te ontwikkel.

Phakisa beteken “maak gou” in Sotho.

Onderhoud wat sloer veroorsaak waterprobleme in Kestell

Die Maluti a Phofung-munisipaliteit in die Oos-Vrystaat, soos talle ander munisipaliteite, gaan gebuk onder droogte, maar onderhoud wat sloer, veroorsaak groot ongerief vir gebruikers.

Die waterprobleme in die gebied duur al maande lank.

Die gebied, wat die dorpe Kestell, Qwaqwa en Harrismith insluit, het nog nie naastenby genoeg reën gehad nie.

Die Fika Patso-dam, wat uitsluitlik op reënwater staatmaak, is tans 25% vol – byna die helfte van die dam se vlak in die ooreenstemmende tyd verlede jaar.

Dié dam buite Qwaqwa, voorsien tans water aan die dorp.

Instandhouding aan ‘n waterpyp wat Kestell van water voorsien, word tans gedoen, met die gevolg dat dié dorp reeds tien dae sonder water is.

Sterkfontein se wateraanleg sal gekoppel word aan waterpypleidings na Kestell. Konstruksie sal glo teen volgende maand voltooi wees.

‘n Woordvoerder van Maluti-a-Phofung Water, Jabu Malungane egter gesê die watertekorte in Kestell is te wyte aan onderhoud. Hy sê hulle verskaf aan inwoners water met tenkers.

In ‘n onsamehangende onderhoud met OFM, het Malungane ook gesê “pype lek” en dit moet reggemaak word.

Dorp al 9 dae sonder water

Kestell is al nege dae sonder water.

Gedurende die eerste ses dae was inwoners van die Oos-Vrystaatse dorp heeltemal sonder water.

Volgens ‘n inwoner, Brian Wiltshire, het hulle die afgelope twee dae slegs in die aande water gehad. Wiltshire sê die probleem bestaan al die afgelope nege jaar. Hy sê daar was bewerings dat waterpype lek en dat damme leeg is.

Volgens Wiltshire het dienslewering deur die Maluti a Phofung munisipaliteit tot niet gegaan.

Wiltshire sê hulle het ‘n jaar laas vullisverwyderingsdienste gehad.

Trump verbind misdaad aan ras in twiet

Die Amerikaanse dooieboommedia is in die hoogste versnelling om Donald Trump se Twitter-uitlatings te probeer bekamp dat misdaad in die VSA hoofsaaklik deur swartes en Latynse immigrante gepleeg word.

Navorsing van die onlangse Amerikaanse Vonnisopleggingsdata-kommissie toon dat hoewel onwettige vreemdelinge net 3,5 persent van die Amerikaanse bevolking uitmaak, was hulle verantwoordelik vir 36,7 persent van die federale oortredings in die fiskale jaar 2014.

In 2009, was 57 persent van die 76 voortvlugtige moordenaars wat deur die FBI gesoek is, in die buiteland gebore (óf onwettige vreemdelinge of vreemdelinge met visums).

Sensusdata toon dat tronkstraf onder Latynse mans 157 persent hoër is as die aanhoudingskoerse van wit mans.

In 2008, skryf navorser Heather Mac Donald:

California, with one-quarter of the nation’s immigrants and its greatest concentration of Mexicans and Central Americans, is the bellwether state for all things relating to unbridled Hispanic immigration, including crime. The Children of Immigrants Longitudinal Study, conducted by sociologists Alejandro Portes of Princeton and Rubén G. Rumbaut of the University of California, Irvine, followed the children of immigrants in San Diego and Miami from 1992 to 2003. A whopping 28 percent of Mexican-American males between the ages of 18 and 24 reported having been arrested since 1995, and 20 percent reported having been incarcerated—a rate twice that of other immigrant groups. Anyone who speaks to Hispanic students in immigrant-saturated schools in Southern California will invariably hear the estimate that 50 percent of a student’s peers have ended up in gangs or other criminal activities.

In ‘n artikel in 2006 in die LA Times, het die LAPD-hoof William Bratton, verklaar:

The numbers reveal a wide racial divide regarding violent crime.

Blacks make up about 11% of the city’s population but account for 38% of all homicide victims and 29% of suspects, according to the statistics. By contrast, whites make up 30% of the population but account for just 6% of homicide victims and 2% of suspects. Latinos make up 47% of the population and constitute 50% of homicide victims and 66% of suspects.

Vier vas na skool, kliniek afbrand

Vier swartes verskyn na verwagting vandag in die hof nadat drie skole en ‘n kliniek in Atamelang naby Delareyville Woensdagoggend deur oproeriges aan die brand gesteek is.

Noordwes-polisiewoordvoerder Paul Ramaloko sê altesaam tien klaskamers by die drie skole, Ramokonyane Middle School, Hoërskool Noto en ‘n kleuterskool is afgebrand.

Die oproermakers is ontevrede met dienslewering in die gebied en dring veral aan op toegang tot elektrisiteit.

Ramaloko sê die vier verdagtes staan tereg op ‘n aanklag van opsetlike saakbeskadiging. Hy sê nog inhegtenisnemings word verwag.

Leerlinge het van die skool af weggebly weens die betogings.

Poetin, Obama vergader oor Sirië

In sy eerste toespraak by die Verenigde Nasies (VN) se Algemene Vergadering in ’n dekade, het die Russiese president, Vladimir Poetin, Maandag gevra vir ’n breë VN-koalisie om teen die Islamitiese Staat-jihadiste te veg voor sy ontmoeting met pres. Barack Obama van Amerika.

Ná afloop van die ontmoeting het Poetin sy gesprek met Obama as “konstruktief, saaklik en verrassend oop” bestempel.

Die 90 minute ontmoeting tussen die twee leiers was die eerste in byna twee jaar sedert Amerika Moskou die rug begin toekeer het.

Dit volg nadat Obama toegegee het dat hy bereid is om met die sterkman van die Kremlin in gesprek te tree ten einde die bloedvergieting in Sirië te beëindig.

Rusland het opnuut tot die toneel toegetree deur troepe en vegvliegtuie na Sirië te stuur.

Dit het vrees in Westerse geledere laat ontstaan dat Moskou sy aan sy met sy ou bondgenoot, pres. Bashar al-Assad, sou veg.

Die Kremlin het eise van die Weste en streekrolspelers, soos Turkye, dat Assad die trekpas moet kry, van die tafel gevee en dring daarop aan dat lede van die VSA-geleide koalisie met Rusland kragte moet saamsnoer om die groter euwel, die Islamitiese Staat, te verslaan.

Ná afloop van die ontmoeting met Obama het Poetin tevrede gelyk met die erkenning dat Rusland wel ’n rol te speel het.

’n Senior Wit Huis-woordvoerder het egter gesê al stem albei leiers saam oor die noodsaaklikheid van politieke transformasie in Sirië, verskil hulle wesentlik oor die rol van Assad.

VSA voer lugaanvalle teen Taliban/ISIS uit

Amerika het lugaanvalle in die noordelike Afgaanse provinsie Kunduz van stapel gestuur, ’n dag nadat die provinsiale hoofstad deur die Taliban ingeneem is.

Die grootste deel van die suidelik Helmand-provinsie is tans onder Taliban-beheer.

Die val van die stad het paniekbevange inwoners sowel as Afghaanse veiligheidsmagte op die vlug laat slaan.

Dit word as ’n reuseslag vir Afganistan se NAVO-opgeleide veiligheidsmagte beskou.

Afgaanse veiligheidsmagte wat na die nabygeleë lughawe onttrek het nadat die stad geval het, het met ’n teenoffensief begin.

Dit is die eerste keer in 14 jaar dat die Taliban daarin slaag om ’n belangrike stedelike sentrum in te neem.

Kunduz, ‘n groot vervoerpunt, was Maandag die eerste stedelike gebied om te val teen die Taliban sedert 2001.

Intussen kan Amerikaanse en NAVO-troepe nie onttrek uit die land nie.

Sowat 130.000 Amerikaanse troepe is steeds in Afghanistan en alhoewel president Obama verklaar het dat hulle teen 2016 sal onttrek, is dit duidelik dat hulle vasgevang is in die jongste geweld.

Beide Ash Carter, die sekretaris van verdediging, sowel as John Kerry sê die Taliban word deur ISIS oorgeneem, wat sal beteken dat Amerikaanse magte sal moet aanbly.

Mars se water-ontdekking val saam met filmvrystelling

Dit wil voorkom asof die planeet Mars klein, vloeiende stroompies water het, minstens in die somer.

Dit is die bevinding van wetenskaplikes wat sê dit is ’n aanduiding dat lewe wel op die rooi planeet kan bestaan.

“Mars is nie die droë, dorre planeet wat ons in die verlede gedink het dit is nie,” het Jim Green, die direkteur van planetêre wetenskap by Nasa, gesê.

Wetenskaplikes het in 2008 bevestig dat bevrore water op Mars gevind is. Instrumente aan boord Nasa se Mars-verkenningstuig het nou die beste bewyse dusver gevind dat vloeibare water langs sekere gebergtes op Mars stroom.

Omdat water noodsaaklik is vir lewe, kan die bevinding die deur open vir die moontlikheid dat mikro­skopiese vorms van lewe op die aarde se naaste ruimtelike buurplaneet voorkom.

Die aanduidings van water is nie nuut nie, meen kritici, en die aankondiging val ongelukkig saam met ‘n Hollywood-film oor Mars wat tans vrygestel word.

Rusland voer lugaanvalle teen ISIS uit

Rusland het Woensdag 20 lugaanvalle in Sirië uitgevoer na hulle deur die land se president versoek is om op te tree teen internasionale terroriste.

Die Kremlin het die militêre ingryping goedgekeur om pres. Basjar al-Assad, ‘n bondgenoot in die streek, te help om militante te verdryf.

Pres. Wladimir Poetin het eenparige steun van sy parlement ontvang om lugaanvalle op die Islamitiese Staat (ISIS) in Sirië uit te voer.

Washington is in ‘n moeilike posisie geplaas, nadat dit duidelik geword het dat Amerikaanse lugaanvalle nie die opmars van ISIS stuit nie.

Moskou het Washington reeds weke gelede oor die ingryping ingelig om ‘n verenigde front teen internasionale terreur te skep, maar die VSA het min belangstelling getoon.

Rusland het die Amerikaanse lugmag versoek om die Siriese lugruim tydens die operasie te vermy, het John Kirby, woordvoerder van die Amerikaanse departement van buitelandse sake, gesê.

Rusland en die VSA het teenstrydige weergawes gegee van watter teikens aangeval is.

Die Amerikaners het gesê dit blyk die teikens was in die Homs-provinsie, maar nie in gebiede wat deur die IS beheer word nie, terwyl Rusland aangedui het dat hulle reeds 8 ISIS-posisies uitgewis het.

Verskeie rebellegroepe is blykbaar in dié provinsie gevestig, waaronder talle wat as die Free Syrian Army bekend staan. Hulle word deur die VSA ondersteun.

Die Russiese ministerie van verdediging het gesê die aanvalle was op ISIS-militante gemik en dat arsenale, ammunisie, infrastruktuur en brandstof van die IS in die aanvalle getref is.

Poetin wil verhoed dat internasionale terroriste wat in die Russiese Federasie gewerf is, terugsypel en terreurdade pleeg.

Rusland het vroeër beklemtoon dat die Amerikaanse inval in Sirië nie deur die VN goedgekeur is nie en strydig is met Internasionale Wetgewing.

Senator Dick Black, ‘n Amerikaanse politikus het intussen erken dat Turkye, ‘n NAVO-lid, agter die Islamitiese Staat sit. Turkye het 300 lugaanvalle teen die Koerdiese minderheid uitgevoer en slegs één teen ISIS.

Oproer in Noordwes, Kaapstad oor dienste

In oproer by Kopela buite Delareyville in Noordwes het drie skole en ‘n kliniek aan die brand gesteek omdat lokasiebewoners nie water en elektrisiteit ontvang nie.

Intussen is die N18 tussen Stella en Mahikeng Noordwes ook versper. Dit het daartoe gelei dat inwoners van Makhubung buite Mafikeng nie by die werk kan kom nie.

Oproermakers eis water- en kragvoorsiening en beter paaie.

Die situasie is kalm in Masiphumelele naby Vishoek buite Kaapstad, na Dinsdag se gewelddadige betogings.

Oproeriges het bande gebrand en die polisie met klippe bestook. Hulle het geëis dat sewe mense wat in hegtenis geneem is in verband met ‘n beweerde vigilante-moord, vrygelaat word.

Hulle eis ook hulle eie polisiestasie, weens ‘n toename in misdade soos moord, verkragting en dwelm- en alkoholmisbruik.

Paaie in die gebied is gesluit en die polisie het rubberkoeëls en traanrook gebruik om die oproeriges uiteen te jaag.

Vyf-en-dertig mense is in hegtenis geneem op aanklagte van openbare geweld, maar is intussen vrygelaat. Die polisie monitor steeds die situasie.