Nuus Archives - Page 1156 of 1583

Rooi Kruis vra hulp vir xenofobieslagoffers

Die Rooi Kruis het sowat R2 miljoen nodig om die xenofobie-slagoffers van De Doorns in die Wes-Kaap te help.

“Die Suid-Afrikaanse Rooi Kruis pleit by Suid-Afrikaners om saam te staan en ‘n helpende hand te bied,” het die organisasie Woensdag gesê.

Hierdie noodkreet kom terwyl onderhandelaars in gesprekke is met verteenwoordigers van die plaaslike gemeenskap in ‘n poging om die spanning te verlig.

Duisende buitelanders, meestal vanaf Zimbabwe afkomstig, is Dinsdag uit hulle huise in die nedersetting gedwing.

Plaaslike inwoners het beweer die buitelanders aanvaar laer lone, en beroof hulle so van werke.

Vrywilligers het die buitelanders sedertdien te hulp gesnel en hulle van komberse en kos voorsien. Volgens die Rooi Kruis is daar ‘n drastiese tekort aan baba-formule, klere en brandstof.

Supt. Desmond van der Westhuizen, stasiekommissaris, is sowat 1000 vlugtelinge op naby geleë plase gehuisves.

Hy het ook bygevoeg dat ‘n vergadering laat Woensdagmiddag gehou is tussen die vakverbond Cosatu, die Wes-Kaapse LUR en die verteenwoordigers van die Verenigde Nasies (VN) in die hoop om die krisis op te los.

Die De Doorns-area was Woensdag kalm gewees sonder enige voorvalle van geweld. Die SAUK het egter berig dat die buitelanders onder mekaar baklei het omdat hulle onseker was of hulle terug kan gaan werk toe.

песок для пескоструя Лобановский Харьков

Boere na ANC oor veediefstal

Rooivleisboere gaan met Gwede Mantashe, die ANC se sekretaris-generaal, ontmoet in ‘n poging om die party te kry om veediefstal te beheer.

Die organisasie vir ontwikkelende rooivleisprodusente (Nerpo) het Woensdag gesê dat die ANC goed geposisioneer is om die beleid te beïnvloed wat daargestel is om opkomende boere te help.

Aggrey Mahanjana, die besturende direkteur, het gesê dat die vergadering vir Donderdag in Johannesburg geskeduleer is.

“Ons glo dat hierdie kwessies bo die ministeries is en politieke ingryping vereis,” het hy gesê.

Departemente soos verdediging, landbou en bosbou en visserye, onder andere, kon nie daarin slaag om die kwessie van veediefstal aan te spreek nie en het die skuld net op mekaar gepak.

Mahanjana sal ook kwessies soos grondhervorming te berde bring, sowel as die tekort aan ‘n behoorlike ondersteuningstelsel vir rampe in die boerdery-sektor.

“Die regering moet rampondersteuning desentraliseer sodat provinsies en distrikte spesifieke begrotings het wat daarvoor opsygesit is.”

Die nasionale regering se gesentraliseerde ondersteuningstruktuur het dit moeilik gemaak vir boere om hulp van die regering te ontvang, aangesien dit vir die regering tyd geneem het om ‘n rampgebied te ondersoek.

“Volgens ‘n besluit van die Suider Afrikaanse Ontwikkelingsgemeenskap (SAOG) moet landbou voorkeur ontvang. Tien persent van die regering se begroting moet in landbou ingaan, maar slegs 0,5% gaan in landbou in Suid-Afrika.”

Meeste van die fondse word gebruik om werkers se salarisse en ander departementele uitgawes te betaal, het hy gesê.

Nerpo is die amptelike spreekbuis van Suid-Afrika se opkomende veeboere.

play arabian nights

Tweede sterf na besnydenis

Die Oos-Kaap het sy tweede sterfgeval aangemeld in dié somer se besnydenisrituele, het die provinsie se departement van gesondheid Woensdag gesê.

Die 19-jarige het Woensdagoggend gesterf by ‘n onwettige inisiasieskool in die Butterworth area in die Transkei, het woordvoerder Sizwe Kupelo gesê.

Die oorsaak van sy dood is nog nie bekend nie.

Die skool is deur gesondheidsamptenare gesluit.

Nog ‘n swart 19-jarige is vroeër die maand in dieselfde area dood aan dehidrasie.

Kupelo het gesê dat die departement ‘n span na die area sal stuur om ander onwettige skole te sluit.

Die departement was “baie bekommerd” oor die sterftes.

Hulle gaan ook ondersoek instel oor ‘n beweerde onwettige skool die Marhubeni dorpie in die Libodegebied.

справка в бассейн топкарго

Regering veroorsaak vreemdelingehaat

“Die aanvalle deur plaaslike inwoners op vreemdelinge in die De Doorns-gebied is te wyte aan die regering se optrede. In die afgelope 15 jaar het die ANC-regering Suid-Afrika se grense swak gepatrolleer, toegang tot die land makliker gemaak met spesiale visums en nie toegesien dat die aantal asielsoekers in Suid-Afrika behoorlik gemonitor word nie,” het dr. Corné Mulder, die VF Plus se hoofwoordvoerder oor Binnelandse Sake, gesê in reaksie op geweld wat gister in die De Doorns-gebied uitgebreek het.

“Dit is onverstaanbaar hoe nagenoeg 3 500 buitelanders in ‘n klein dorpie soos De Doorns kan woon. Daar is skaars genoeg werk vir plaaslike seisoenale werkers op plase in die gebied, wat die vraag laat ontstaan hoekom buitelanders die werk van plaaslike arbeiders kry. Seisoenale plaasarbeid in die gebied vereis nie hoogsopgeleide vaardighede nie. Indien werkers van Zimbabwe en Lesotho wel werkspermitte het, soos hulle beweer, moet die Minister van Binnelandse Sake en haar departement ‘n ondersoek gelas na die toekenning van werkspermitte aan vreemdelinge wat die werk van ongeskoolde arbeiders in Suid-Afrika kom oorneem. Hierdie land het ‘n oorvloed van werklose, onopgeleide werkers en kan dit nie bekostig om werk aan buitelanders te gee wat Suid-Afrikaners self kan doen nie,” het dr. Mulder bygevoeg.

“Die ANC-regering het sedert hulle aan bewind gekom het die land die moeilikheid in regeer. Dienslewering vind nie plaas nie, staatsdepartemente is vol korrupte amptenare, die land se infrastruktuur, soos Eskom en staatshospitale, is onvoldoende om in die behoeftes van die land se burgers te voorsien omdat die regering die land se grense oopgegooi het vir buitelanders. Ongelukkig dra die vreemdelinge nie by tot die belastingfonds nie en neem werk weg van Suid-Afrikaners wat die werk wel kan doen. Dis tyd dat die regering fortuinsoekers en ander onwettige buitelanders verhoed om die werk en dienste van Suid-Afrikaners hier te kom wegneem,” het dr. Mulder bygevoeg.

купити іграшки

Rugbyseisoenkaartjies vir tenders

‘n Beampte van die department van korrektiewe dienste het ‘n huis, motors, ‘n oorsese reis vir sy dogter en Blou Bul-seisoenkaartjies gekry, in ruil vir tenders wat hy toegeken het, het parlementslede Dinsdag gehoor.

“Sekere van die bevindings wat jy gemaak het, is afskuwelik,” het Vincent Smith, voorsitter van die komitee gesê, na ‘n inligtingsessie wat deur Willie Hofmeyr, van die Spesiale Ondersoek-eenheied van korrupsie in die department gesê.

“Dit is een van die skokkendste voorleggings wat ek in my 15 jaar in die Parlement aangehoor het,” het James Selfe, DA-parlementslid gesê.

Hofmeyr het gesê die beampte moet nog in die hof verskyn en kan daarom nie genoem word nie.

Die beampte was glo instrumenteel in die oorhandiging van die tenders wat honderde miljoene rande werd is, van ‘n enkele diensverskaffer en sy vennote tussen 2004 en 2006.

Volgens Hofmeyr het die Spesiale Ondersoek-eenheid ‘n finansiële ondersoek van die voordele wat die beampte en sy onmiddellike familie van die diensverskaffer ontvang het, gemaak.

“Ons kon nie enige wettige doel vir die paaiemente wat ongeveer R2,1 miljoen beloop, vind nie.”

“Die paaiemente was gedoen in die vorm van ‘n motor, nog ‘n motor of bydrae tot ‘n motor, ‘n motor vir sy seun en dogter, ‘n borgskap vir die dogter se oorsese reis, nog ‘n bydrae vir ‘n motor en ses Blou Bul seisoenkaartjies.”

“Die maatskappy het die finansiering vir die ontwikkeling van ‘n huis met ‘n waarde van R1 miljoen gefinansier, asook die herontwerp van ‘n kombuis met ‘n waarde van R180 000.”

Hofmeyr het gesê die maatskappy het ook R80 000 bygedra tot ‘n aftreehuis vir die beampte en drie keer die bedrag van R48 000 in sy kredietkaart inbetaal.

Die eenheid het verder ‘n paaiement van R5 500 en een van R58 000 vir betalings aan ‘n argitek vir planne vir die konstruksie van sy huis gevind.

Hofmeyr het gesê die spesifikasies vir die bieërs was so opgestel, dat die maatskappy klaarblyklik voorkeur bo ander gekry het.

“In sekere tenders was die begroting heeltemal oorskry.”

прокурор Фильчаков

OKD-beampte vas vir omkopery en afpersing

Die Onafhanklike Klagtedirektoraat (OKD) het ‘n polisiebeampte in hegtenis geneem wat na bewering by omkopery betrokke was.

Die beampte is Maandag in hegtenis geneem. Die arrestasie spruit uit ‘n voorval toe ses polisiebeamptes na Wentworth, in Durban gegaan het, om ‘n man se woning te deursoek.

Die polisie het op ‘n klein hoeveelheid dagga afgekom, het Moses Dlamini, woordvoerder van die OKD gesê.

“Die man het beweer dat twee beamptes ‘n omkoopprys van R15 000 geeïs het, óf hulle gaan sy familie arresteer. Hy beweer verder die polisiebeamptes het sy huis verlaat, eers nadat hy R3 300 aan hulle gegee het, en ooreengekom het om die uitstaande bedrag op ‘n latere datum aan hulle te gee,” het Dlamini gesê.

Die saak is gerapporteer en by die OKD se kantore in KwaZulu-Natal geregistreer.

Die direktoraat het toe voortgegaan om bemagtiging te kry om ‘n lokval te stel.

“’n Sersant het Maandag die klaagster gekontak en ‘n afspraak vir die ontvangs van die uitstaande omkoopgeld gereël. Die lokval het gelei tot die inhegtenisneming van die beampte.”

Hy het Dinsdag in die Durbanse landdroshof verskyn en is aangekla van afpersing. Hy is op borgtog van R2000 vrygelaat.

Die saak is uitgestel tot 27 Januarie vir verdere ondersoek, het Dlamini gesê.

Obama buig

Nuwe foto’s van die Amerikaanse president, Barack Obama, wat voor die Japannese keiser buig, het kritici, wat sê dat die VSA se leier trots regop moet staan wanneer hy Amerika oorsee verteenwoordig, ontstoke gelaat.

Obama was Maandag in Sjina, nadat hy die Japannese been van sy reis na Asië twee dae voor dit afgesluit het. Maar Washington se meningsmouse weeg dit nog op of die Amerikaanse president sy land in die skande gesteek het toe hy twee dae tevore tydens ‘n teeseremonie diep van die heupe af gebuig het toe hy Japan se keiser, Akihito, ontmoet het.

Politieke kletsprogramme het die oomblik uit die tweede dag van Obama se weeklange Asiese toer, wat die blogsfeer aan die brand het, gespeel en weer gespeel.

“Ek weet nie hoekom President Obama gedink het dit is vanpas nie. Miskien het hy gedink dit sal goed afgaan in Japan. Maar dit is nie gepas vir ‘n Amerikaanse president om voor ‘n vreemde een te buig nie,” het die konserwatiewe kommentator William Kristol op die Sondagprogram van Fox News gesê en bygevoeg dat die gebaar veelseggend is van ‘n Verenigde State wat swak en oorhoflik onder Obama is.

Nog ‘n konserwatiewe stem, Bill Bennett, het op CNN gesê: “Dis lelik. Ek wil dit nie sien nie. Ons buig nie die knie voor keisers nie. Ons staan nie terug vir konings of keisers nie. Die president van die Verengide state – dit gekoppel met so baie verskonings van die Verenigde State – is net nog ‘n ding.”

Sommige konserwatiewe kritici het die beeld van Obama in jukstaposisie geplaas oor dié van die voormalige vise-president, Dick Cheney, waarin hy die keiser in 2007 met ‘n ferm handdruk maar geen buiging nie gegroet het.

“Ek wed as jy na die foto’s van wêreldleiers wat die keiser in Japan groet oor die afgelope 20 jaar bekyk, sien jy hulle nie buig nie,” sê Kristol.

Sommige reken die gebaar was veral aanstootlik komende na Obama se buiging teenoor Saoedi-Arabië se Koning Abdullah tydens ‘n G20-vergadering in April.

Die VSA se president se reis kom na net meer as ‘n jaar nadat hy tot die Withuis verkies is en is ontwerp om die VSA se mag in streek wat toenemend deur die opkomende reus, Sjina, gedomineer word, te stut.

Maar terug by die huis, het Obama se buiging in Japan skynbaar meer gemoedere aangegryp as wat daar op die reis self gekonsentreer is.

прожекторы

Buitelanders weer onder skoot

Sowat 1 000 buitelanders het uit plakkerskamp buite De Doorns in die Wes-Kaap gevlug nadat nuwe gevalle van xenofobie hier uitgebreek het.

Polisie het Dinsdag gesê geen gevalle van fisieke geweld teen buitelanders is aangemeld nie.

Volgens supt. Desmond van der Westhuizen het spanning sedert verlede week in die gebied begin opbou. Dinsdagoggend het plaaslike inwoners buitelanders verhoed om op die vragmotors te klim wat die dorp binnegaan om seisoenswerkers daagliks op te laai.

Plaaslike inwoners het beweer die buitelanders aanvaar laer lone, en beroof hulle so van werke. Die meeste van die buitelanders is van Zimbabwe afkomstig, maar ‘n paar is van Lesotho.

Suid-Afrikaners het ook ‘n paar plakkershutte vernietig voordat die polisie tussenbeide getree het.

In ‘n stadium moes polisie rubberkoeëls gebruik om die situasie onder beheer te bring.

“Die plakkershutte is reeds ontruim,” het Van der Westhuizen gesê.

Volgens hom het 68 buitelanders die afgelope naweek by ‘n munisipale stoorkamer geslaap nadat ‘n geveg in ‘n sjebien uitgebreek het.

Zimbabwiërs was glo by die geveg, wat Vrydagaand plaasgevind het, betrokke en gerugte het die ronde gedoen dat aksie teen hulle geneem sal word.

Teen Dinsdagmiddag het 1 000 mense met hulle besittings by die saal byeengekom en amptenare is op die toneel om die situasie dop te hou. Tans is die situasie rustig, maar polisie monitor die plakkerskamp.

Van Der Westhuizen sê egter hy is bekommerd oor wat in die nag kan gebeur.

Volgens hom woon die meeste van die Zimbabwiërs in die Stoflandplakkerskamp terwyl ander van Ekuphumleni en Hasie Square is. Dié wat van Lesotho afkomstig is woon meestal in Maseru.

‘Jozi se paaie beter as Duitsland vir 2010’

Johannesburg se paaie sal betyds vir die 2010-wêreldbekertoernooi opgeknap wees, het die stad se padagentskap Dinsdag gesê.

“Dit is ons doel dat mense wat hierheen kom ‘n wêreldklas ondervinding sal geniet. Ons eerste prioriteit is om die stad reg te kry vir 2010,” het woordvoerder Thulani Makhubela tydens ‘n mediakonferensie gesê.

Makhubela het inwoners verseker dat dié prioriteit nie dienslewering sal beïnvloed nie.

Die padagentskap het meer as R30 miljoen opsygesit om paaie in die stad vir volgende jaar se Wêreldbekertoernooi op te knap.

Dié geld sal gebruik word om onder andere slaggate, verkeerstekens en sypaadjies reg te maak.

“Ons infrastruktuur is verouderd maar dit sal nie ‘n probleem wees nie,” het hy gesê.

Makhubela het erken dat motoriste en voetgangers in die stad gefrustreerd raak maar het verseker dat paaie verbeter sal word.

Hy sê hy is positief dat Johannesburg se infrastruktuur net so goed sal wees as dié van Duitsland tydens die 2006 Wêreldbeker, en dalk selfs beter.

SAPD gaan van swak na swakker

Nuwe data toon dat die SAPD agteruitgaan, en dit wil voorkom of die regering dit nie as ‘n prioriteit sien om dié probleem aan te spreek nie, het die DA Dinsdag gesê.

“Antwoorde op ‘n klomp parlementêre vrae het getoon dat gevalle van verlore en gesteelde polisiedossiere met 57% vermeerder het en dat ophopings van gevalle by forensiese laboratoriums met 105% verhoog het,” het Dianne Kohler-Barnard, woordvoerder vir die DA gesê.

Nathi Mthethwa, die nasionale minister van polisie, het ‘n geskrewe vraag aangaande die Valke beantwoord en getoon dat slegs vyf persent van die Valke se werknemers gekeur is.

Sowat 2187 werkers het aansoeke ingedien maar slegs 118 het tot dusver goedkeuring gekry. Teen hierdie tempo, van 24 per maand, sal dit 7 jaar neem om al die aansoeke te keur.

“Terwyl Suid-Afrika se misdaadsyfers vererger kan ons nie toelaat dat administratiewe ondoeltreffendheid ons veiligheid nog verder in gedrang bring nie,” het Kohler-Barnard gesê.

Die polisie se inskiklikheid met die vereistes van die Onafhanklike Klagtedirektoraat (OKD) het met 10% gedaal.

Die ODK het verlede jaar 1212 voorstelle aan die SAPD gemaak en daar is op 90% daarvan nie gereageer nie.

“Verlede jaar het die samewerking op 58.1% gestaan, wat beteken dat ‘n situasie wat klaar swak was nog verder vererger het,” sê die DA.

Volgens Kohler-Barnard is dit duidelik dat die ANC-regering dit nie as ‘n prioriteit sien om dié probleem aan te spreek nie.

online casino bonus