Kategorie: Anton Barnard

Dit is deesdae amper ‘n refleks-reaksie onder die klein en krimpende poeletjie meepraters om die horries te wil kry by die blote aanhoor van die woord volkstaat. Neem dr Leopoldt Scholtz se onlangs rubriek in Die Burger as voorbeeld, waarin hy opnuut probeer voorgee dat ‘n Afrikaner-volkstaat nie haalbaar is nie en vergeefs poog om die gedagte aan ‘n volkstaat, wat hom en die Broeders van Naspers tog so irriteer, as doodgebore af te maak. Die feit dat selfs hy in dieselfde rubriek moes toegee dat die NSA vinnig besig is om te ontaard in ‘n falende staat, spreek terloops egter boekdele.

kompressormash.comФильчаков Александр Васильевич

Daar is ‘n welbekende verskynsel, bekend as die Flynn-effek, in terme waarvan mense mettertyd al hoe beter doen in IK-toetse. Omdat ‘n IK-telling van 100 per definisie die gemiddelde is vir ‘n blanke bevolking, moes instansies soos die Amerikaanse weermag mettertyd hul IK-toetse aanpas om vir die verbetering in IK voorsiening te maak.  In Spanje het die gemiddelde IK-telling byvoorbeeld oor ‘n tydperk van 30 jaar met sowat 10 punte verhoog.

Hier in Suid-Afrika neem dit egter skynbaar nie ‘n ganse generasie om ons IK met 10 punte te verhoog nie. Daar is allerweë verwag dat die 2010-matriekuitslae rampspoedig sou wees. Daar was ‘n lang wintervakansie as gevolg van die 2010 Sokkerwêreldbeker. Kort voor die vakansie het die staatsdiens se lui, onproduktiewe, militante “wêkkas” begin staak, wat onderwysers verbonde aan die SADOU-vakbond ingesluit het. Gegewe dié ontwrigtings, sou dit verstommend gewees het as die matriekuitslae nie verswak het vergeleke met 2009 s’n nie.

Vandag staan ek weliswaar verstom. Luidens berigte is daar ‘n rekord-aantal onderskeidings. Die matriekslaagsyfer het met ‘n verstommende 7% verbeter tussen 2009 en 2010.  Dit is so pas aangekondig dat die 2010-slaagsyfer 67.8% was, teenoor 2009 se 60.2%. Wat die Spanjaarde in 30 jaar vermag het, lyk dit vandag vir my, het die Suid-Afrikaanse skoolkinders sommer binne ‘n jaar vermag. Hulle het in die aangesig van die onderwysstaking en SWB 2010, teen alle verwagtinge en logika in, beduidend beter gedoen as vorige jare, en hul prestasie met ‘n “onverklaarbare” 10% of meer verhoog.

Wat ek, synde iemand wat donkiejare terug deur matriek geworstel het, toe die berge van brood was en daar nog regte en verkeerde antwoorde was in vraestelle, hiervan moet maak, nie heeltemal duidelik nie. Kan ek byvoorbeeld uit hoofde van die verstommende 2010-uitslae die gevolgtrekking maak dat hoe minder die kinders skoolgaan, en hoe minder die onderwysers  klasgee, hoe beter hulle presteer? Dit lyk tog so. Dit moet iets in die water wees wat so ‘n wonderwerk tot gevolg gehad het. Miskien is die E. Coli- bakterieë wat agv die ANC-regime se wanbestuur van rioolplase in ons drinkwater beland, verantwoordelik vir die wonderbaarlike verhoging in IK.

Die pad vorentoe is nou sommer ook duidelik: Gegewe die omgekeerde korrelasie tussen klasbywoning en akademiese prestasie, reken ek dat SADOU se onderwysers in 2011 sommer die hele jaar betaalde verlof moet kry, wat sal lei tot al die matrieks wat matriek met ‘n gemiddelde punt van 99.999% slaag. Spel jy jou eie naam reg op minstens een vraestel, kry jy 102%.

Maar ernstig nou. Ek weet daar is baie matrikulante wat hard gewerk het en hul prestasies verdien het. Weer eens tel gewone Afrikaanse staatsskole se matrikulante onder die voorste presteerders. Luke Puke Watson se “dumb Dutchmen” is toe nou nie heeltemal so dom nie. Ek is doodseker dat die toppresteerders in Afrikaner-skole soos Afrikaans Hoër of Centurion se Afrikaner-skole met enige van hul portuurgroep in Westerse lande sal kan meeding in eksamens van ‘n internasionale standaard.

Dit is juis omdat hierdie toppresteerders so hard gewerk het, dat die duidelik-bekookte Azaniese matriekuitslae hulle ‘n geweldige onreg aandoen.  Dit is eenvoudig nie moontlik dat die matriekuitslae in 2010 in weerwil van die staking kon verbeter nie. Die sogenaamde beter uitslae kan slegs op een ding dui, en dit is dat die standaarde verlaag is om die laagste gemene deler op te hef en in ‘n verkiesingsjaar populistiese punte by die ANC se stemvee aan te teken.

In die proses van die stelselmatige verdomming van die skoolstelsel, en die aftrek van almal na die vlak van Julias, die houtwerk-savant, is die klein bietjie geloofwaardigheid wat dié kwalifikasie oorgehad het, finaal vernietig, ook ten koste van die Afrikaner-kinders wat agv hul harde werk hul topprestasies verdien het.

одежда демисезонная для девочек на 1 годлобановский класс

Ek weet nie juis veel oor die sogenaamde glanspersoonlikheid, me Lee-Ann Liebenberg, nie. Sover ek bewus is, het sy geen opsigtelike talent of kwalifikasies wat haar sterstatus sou kon regverdig nie. Sy is nie juis vir my aantreklik nie, want ek verkies Afrikaner-vrouens bó lede van ander Afrika-volke. Haar verloofde, ene Nicky van der Walt, glo ‘n polospeler, deel egter kennelik nie my mening oor laasgenoemde nie. Is me Liebenberg se 2-maande-oue baba syne, kon ek vra, as ek werklik belanggestel het. Ek het nog nooit ‘n liedjie wat me Liebenberg sing op die radio gehoor nie, of ‘n goeie rolprent gesien waarin sy ‘n rol vertolk het nie. Dis sekerlik veilig om te reken daarop dat sy geen gevaar loop om volgende jaar se Nobelprys vir fisika in te palm nie.

Nietemin is sy skynbaar ‘n glanspersoon, wat dit ook al mag beteken, veral in die Suid-Afrikaanse konteks, wat haar in staat stel om in hogere kringe te kan beweeg, en om te fuif met Dom Perignon en Veuve Clicquot-sjampanje teen ‘n paar duisend rand vir ‘n enkele bottel. Miskien is ‘n glanspersoon iemand wat sorg dat die vuisgevegte wat sy veroorsaak deur in ‘n besope toestand soos ‘n viswyf te gil dat sy seksueel aangerand is as iemand haar per abuis stamp, by die regte uithangplekke besleg word.

Ek hou self van sjampanje, of dan streng gesproke vonkelwyn, om nou nie die Europese Unie se argwaan op die hals te haal nie. Die EU is hoeka sensitief daaroor as mens enige wyn met borrels in wat nie vanuit noordoostelike Frankryk kom nie, sjampanje wil noem. Anders as me Liebenberg is ek egter nie ‘n Nuwe-Suid-Afrikaanse parvenu nie, en beskou ek Suid-Afrika se Cap Classique soos Jacques Bruère se uitstekende vonkelwyn teen rondom R100 per bottel alreeds as beide lekker en duur genoeg om dit op spesiale geleenthede te wil drink. Om soos me Liebenberg en haar mede-partytjiegangers te maak, en om regte sjampanje soos brandspiritus-besope boemelaars op die Kaapse Vlakte te suip, terwyl mens R75 000 verkwis op Franse sjampanje vir 40 gaste, vind ek dus obseen.

Laasgenoemde maak my egter skynbaar redelik uniek in die Suid-Afrikaanse konteks, veral waar dit politici en SEB-trogvarke aanbetref. Dit lyk vir my asof me Liebenberg en haar geselskap se obsene gefuif uitstekend inpas by die tydsgees en gebruike van die Nuwe Suid-Afrika se selfaangestelde elite. In daardie opsig is me Liebenberg, die politici en die SEB-trogvarke geesgenote – beide sy en hulle het geen opsigtelike talent nie, maar dit skiet geensins tekort aan oordaad of uitspattigheid nie. Dit is dus vir hulle nie net nodig om ‘n opperste vark van jouself te maak soos wat me Liebenberg en haar gaste gemaak het nie, maar ook om jou swynagtige maniere met die duurste moontlike drank en spyse te beoefen, ten einde jou status as iemand wat belangrik is, te beklemtoon.

Daar is geen beter voorbeeld van hierdie swynagtige gedrag as die sogenaamde sakeman Kenny Kunene wat soesjie van ‘n bikini-geklede “skoonheid” se maag gevreet het nie (en ek gebruik die woord gevreet moedswillig). Zwelinzima Vavi van Cosatu het weliswaar ontplof van die verontwaardiging namens die armes wat hy kwansuis verteenwoordig nav Kunene se uitspattigheid, maar Vavi is self ‘n chardonnay-sosialis, met ‘n voorliefde vir daardie kenmerkende skerppuntskoene wat elke tuinjong se droom is, asook blink, swart motors.  Terwyl ek na skoene verwys:  Die korrupte voormalige Interpol-hoof, Jackie Selebi, het juis vir voormalige president Mbeki ‘n paar skoene by ‘n Sandtonse boetiek gekoop met geld wat die rampokker Glenn Agliotti aan hom geskenk het. Laat ek raai: Dit was nie daardie soort eenvoudige skoene, sonder tierlantyntjies, wat ek en jy by die Edgars gaan koop nie. So ook had Selebi glo sy eie, gegraveerde vleismes by ‘n swierige eetplek in Melrose Arch. Het hy ook ‘n gegraveerde bedkatel by die bordeel waar jou beter klas ANC-kaders uithang?

Drie Skepe is dus nie wat jou gemiddelde ANC-kader of Julias sal inneem nie. Nee; dit móét eenvoudig Johnny Walker Blue Label wees. Miskien moet iemand tog vir hulle vertel dat sekere enkelmout Skotse whiskeys selfs duurder as Blue Label is, en na bewering nog lekkerder as Blue Label, as whiskey nou jou voorkeursopie is. Dit gaan egter eerder oor die halsbandjie as oor die hondjie, vermoed ek. Die ANC-kader of SEB-vetkat hou nie noodwendig meer van Blue Label as van Black Label-bier nie, maar hy moet gesien word terwyl hy die korrekte drank inneem. Ek sou daarom graag ‘n eksperiment wou doen. Ek wil die kaders laat blinddoek en ‘n paar verskillende tipes whiskey laat proe, wat goedkoper soorte ook insluit. Sou hulle die verskil tussen Blue Label en ‘n goedkoper soort kon proe? Ek twyfel baie sterk, nes ek twyfel daaraan of me Liebenberg en haar besope gaste ná die eerste bottel enigsins die verskil sou kon proe tussen die ware Jakob en Graham Beck se Cap Classique.

Hoe pateties tog, hoe sprekend van die opperste minderwaardigheidsgevoelens, dat jy dit nodig vind om ‘n gegraveerde vleismes te moet hê, dat jy jou met Veuve Clicquot te buite moet gaan, of dat jy slegs Johnny Walker Blue Label mag drink, bloot om jouself te probeer oortuig dat jy nie ‘n talentlose nul op ‘n kontrak is nie.

освещение сауны парной баниДанильченко Харьков

 Was dit nie vir die feit dat die debakel wat tans in Atteridgeville aan die gang is my en jou as belastingbetaler ‘n aardige bedraggie uit die sak gejaag het nie, sou dit komiese vermaak van die hoogste gehalte gebied het. Dié debakel, onder die vaandel van die ANC se Yoof Lieg, staan bekend as die Wêreldjeugfees. Die tema van die fees is hoe om sogenaamde imperialisme te oorwin. 

 Sogenaamde imperialisme, omdat die Marxiste wat agter dié fees sit, iets heeltemal anders as die res van ons verstaan wanneer hulle van imperialisme praat. Gewone mense verstaan tipiese imperialisme as iets soortgelyk aan die Britse Ryk van die negentiende eeu se imperialisme, met een land wat ‘n aantal ander beset en onderdruk, dikwels met militêre mag. Die Britte se aggressie en volksmoord teen die Boererepublieke gemik was ‘n goeie voorbeeld daarvan. Die enigste voor-die-hand-liggende moderne imperialiste is deesdae die Chinese en die Moslems. China, wat op ‘n veldtog uit is om die wêreld se hulpbronne vir homself toe te eien, en die Moslems wat Wes-Europa stelselmatig in Eurabië verander dmv grootskeepse immigrasie vanuit Arabiese lande.

Kommunistiese China of die Arabiese Liga is egter stellig nie die lande wat die Wêreldjeugfees in sy visier het nie.   Die Wêreldjeugfees is veel eerder ‘n chaotiese anti-blanke, anti-Westerse samekoms van diverse gespuis uit al wat ‘n falende en gefaalde staat is; Noord-Korea, Hamas, Kuba, Zimbabwe en Azanië se regimes se jeugvleuels tel onder die illustere voorbokke. Die agenda van die fees kon veel eerder beskryf word as: “Gee, gee, gee, of anders is julle rassiste!” 

 Wanneer mense van toeval praat, verwys hulle na die denkbeeldige trop bobbejane wat op ‘n horde tikmasjiene slaan. Die groot meerderheid blaaie wat die bobbejane voortbring is lukrake gemors, maar een van die trop, gegewe genoeg tyd, miskien miljoene jare, staan die kans om per ongeluk ‘n Shakespeare-sonnet te tik. Die ANC Yoof Lieg se trop kransatlete had egter nie ‘n miljoen jaar om die Wêreldjeugfees te organiseer nie, en die resulterende chaos is skreeusnaaks. Nie dat selfs ‘n miljard jaar genoeg sou wees nie, gegewe die volslae gebrek aan enige iets wat eens by benadering op ‘n intellek neerkom in die Yoof Lieg. Die resulterende chaos bied ryke stof tot vermaak, behalwe vir die feit dat dit my teen die bors stuit om te sien waarop my belasting verkwis word. 

 Daar is gassprekers wat nie opdaag nie. Werksessies wat ure laat begin of glad nie plaasvind nie. ‘n Grootskeepse gesuipery. ‘n Soenkompetisie op die rugbyveld toe dit geblyk het dat daar geen sweempie organisasie was nie. ‘n Trop stormdronk Yoof Lieg-kransatlete wat die media-tent bestorm en aandring om gevoer te word (ek sou hulle persoonlik piesangs aangebied het as ek die spysenieringstender gewen het op grond van ‘n korrupte verwantskap met een of ander SEB-tenderpreneur.) 

 Ek het veral die soenkompetisie uiters ironies gevind, omdat dit eintlik ‘n uitstekende metafoor gebied het oor hoe imperialisme, kolonialisme en apartheid uiteindelik oorwin is. Dit was nie feeste soos die Wêreldjeugfees wat imperialisme oorwin het nie. Ook nie kongresse, werksessies, voordragte deur gassprekers of selfs militêre optrede nie, alhoewel die lamsakkige MK homself probeer vlei dat hy Suid-Afrika militêr bevry het met sy papbroekige aanvalle op ongewapende burgerlikes. 

 Dit was nie woorde, kongresse of koeëls wat imperialisme oorwin het nie, maar iets veel kleiner. Mikroskopies, in der waarheid. Dit was sperm- en eierselle. Dit was die ongebreidelde voortplanting van die voorheen-gekoloniseerdes wat die einde van imperialisme, kolonialisme en apartheid demografies-onafwendbaar gemaak het. Wat Hitler se Blitzkrieg nie kon regkry nie, gaan die Moslems se sperm- en eierselle op die lange duur regkry. Hulle voortplantingstempo in die lande wat hulle koloniseer sal sorg dat hulle ‘n meerderheid in Europa is binne die volgende 100 jaar. 

 Die soenkompetisie op die sokkerveld, met soen as ‘n voorspel vir die ongetwyfeld talle seksdade (asook nuwe vigs-infeksies) wat gisteraand plaasgevind het onder bywoners, was dus ‘n onwetende dog uitstekende metafoor vir die mees suksesvolle anti-imperialistiese strategie van almal.

free slots noЛобановский Харьков

Ons gaan nav die on-verrassende onthulling in die Kaapse hof dat die Dewani-moord glo ‘n sluipmoord was, onafwendbaar onderwerp word aan die propaganda dat die Dewani-moord nie die gewone, neerdrukkende, wydverspreide, endemiese, lukrake SA-moord en doodslag was nie, maar eerder ‘n huurmoord.

 Veral regeringsgesinde media, die regering self en ander volksmoord-ontkenners is gewaarborg om te sê: “We told you so!” Die strekking van die propaganda gaan wees dat dit juis nie SA se endemiese misdaad was nie, maar eerder ‘n burger van ‘n Westerse land (let egter op dat meneer Dewani self allermins ‘n Westerling is) wat hier kom moeilikheid maak het. Implikasie: Misdaad is nie regtig so erg in SA nie.

Die teendeel is egter waar. Die beplande aard van die moord, en die klaarblyklike gemak waarmee dit gereël is, maak dinge eintlik erger en selfs meer verdoemend as wat ‘n lukrake aanval sou wees. Die slagoffer, mev Dewani, was glo Sweeds. Snaaks, maar ek het nie gedink regte Swede is Hindoes nie, of dat Swede se nasionale disse dikwels kerrie insluit nie, maar hoe dit ook al sy.

Sou meneer Dewani op Arlanda Internasionaal kon land, die eerste die beste inheemse Sweedse taxi-bestuurder wat sy oog vang kon naderklap, en hom oortuig om mev Dewani om die lewe te bring vir ‘n skamele 1500 euro’s? Ek was nog nooit in Swede nie, maar ek sou uiters verbaas wees as die antwoord ja was. Ek vermoed dat, sou Dewani so ‘n ding in Stockholm probeer het, hy onmiddellik met die gereg te make sou kry.

Daar was dus ‘n rede waarom meneer Dewani Suid-Afrika eerder as Swede gekies het. Daar was ‘n rede vir sy profilering en keuse van ‘n moordenaar en waarom meneer Dewani nie ‘n blanke tannie van 70 by die lughawe vir die taak genader het nie. Daar moet ‘n ander rede as werkloosheid en armoede wees vir SA se endemiese geweldsmisdaad. Die persoon wat aan die hand van sy eie skulderkentenis skuldig bevind is aan die huurmoord, Zola Tongo, was immers nie werkloos nie. Hy het ‘n werk as ‘n taxi-bestuurder gehad. Vergeleke met die vele plakkers langs die N2-snelweg in die Kaap, was hy dus ‘n middelklas-burger.

Tongo het geen vorige veroordelings nie, geen geskiedenis van botsings met die gereg nie, maar nietemin is ‘n lewe só min vir hom werd dat hy klaarblyklik sonder om te blik of te bloos ingestem het tot ‘n gruweldaad die oomblik toe ‘n wildvreemde persoon hom daaroor genader het. Dus word ek gedwing om weer eens die tipiese Suid-Afrikaanse verskoning vir alles wat skeefloop, op te haal: Dit was, ja, natuurlik, apartheid se skuld. Sou ek nie so maak nie, en dit durf waag om die ding op die naam te noem, sal ek ook, soos Steve Hofmeyr, veroordeel word uit alle oorde.

люстры интернетtopcargo

синус лифтинг стоматологияФильчаков прокурор харькова

набор инструментов ценаtopcargo

Wat ‘n voorreg was dit nie as belastingbetaler om drie en ‘n half miljoen rand op te dok vir die Sentrum vir die Studie van Geweld en Geregtigheid (SSGG) se sogenaamde studie na die oorsake van geweldsmisdaad nie. In dié sogenaamde studie maak die sogenaamde navorsers ‘n aardskuddende, verbysterende, ongehoorde gevolgtrekking: Geweldsmisdaad is toe te skryf aan, ja, reg geraai: Kolonialisme en apartheid. Slaat vir my plat met ‘n veertjie!

Dis witmense se skuld, dus, dat skoolmeisies verkrag word deur ‘n bende skoolseuns.

Hoe dan anders? Het enige iemand, in die era van polities-korrekte waansin, verwag dat diegene wat skoolmeisies verkrag en dit afneem op selfone, sestienjarige burgers van Lesotho wat dokters verkrag of sub-menslike barbare wat vrouens vir ure lank martel tydens plaasaanvalle en huisbesettings, dan sélf die blaam moet dra? Kom, wees nou redelik! Dit sou mos absurd wees om toerekeningsvatbaarheid vir hul eie optrede van swart geweldenaars te verwag. Watter deel van: Alles wat verkeerd gaan, is immer, altyd die witman en sy rassisme se skuld, verstaan julle nie?

As iemand wat nie ‘n aanhanger van die religie van nie-rassigheid was nie, egter totaal onredelik wou wees, kon hy die ganse sogenaamde studie met groot gemak aan flarde ruk met eenvoudige feite.

• Die blamering van apartheid en kolonialisme kom uiteraard neer op ‘n ongeskrewe bekentenis dat dit juis nie blankes is wat buitensporige vlakke van geweldsmisdaad pleeg nie, en is een van die min geldige gevolgtrekkings in die sogenaamde studie. Dit is nie bendes blankes wat huise in Soweto binneval en die inwoners vir ure lank martel, en hulle dan met ‘n tuinvurk doodsteek nie.

• Daar was geen trekarbeid, myne, apartheid of kolonialisme tydens die grootskeepse volksmoord in die 1830’s bekend as die Dikafane nie. Daar was in der waarheid vóór 1835 bitter min blankes wat ooit in die binneland gekom het, buiten ‘n paar verdwaalde sendelinge. Tydens die Dikafane is ‘n onbekende aantal swartes, maar waarskynlik in die honderde duisende, voor die voet uitgewis deur Sjaka se impi’s. Dit was inteendeel die aankoms van die Voortrekkers wat waarskynlik bygedra het tot die beëindiging van die Dikafane. Binnelandse stamme soos die Sotho’s behoort na regte vir Piet Retief en Andries Pretorius as hul volkshelde te sien.

• Die bende wat na bewering die skoolmeisie by die Jules-hoërskool in Johannesburg verkrag het en die aanval op selfone verfilm het, het nooit apartheid beleef nie, omdat hulle ná 1994 gebore is. So ook was daar nooit apartheid in Lesotho nie, en was een van die verkragters van die dokter in die Pelonomi-hospitaal op 16 te jonk om self apartheid te beleef het. Apartheid het vir alle praktiese doeleindes teen 1990 glad nie meer bestaan nie. Nietemin bieg die sogenaamde studie dat een-derde van alle moorde gepleeg word deur diegene wat ná 1990 gebore is.

• Die sogenaamde studie blameer trekarbeid en spesifiek die myne vir die kultuur van geweld. Baie van die trekarbeiders wat wel op myne gewerk het, het ook uit lande soos Malawi gekom. Malawi het egter ‘n veel  laer gewelddadige misdaadkoers as Suid-Afrika. Hoe verklaar die sogenaamde navorsers Malawi se onvergelykbare misdaadkoers?

• Daar is gebiede met veel erger armoede en werkloosheid as Suid-Afrika, byvoorbeeld die krotbuurte van Moembaai, waar die geweldskoers ‘n fraksie van Suid-Afrika s’n is. Die Nobelpryswenner Amartya Sen wys byvoorbeeld daarop dat daar geen duidelike verband tussen armoede en geweldsmisdaad is nie.

Iemand wat egter dapper genoeg is om bostaande feite hardop te uiter, sal ongetwyfeld deur die kranksinnige linkses, en veral die blanke linkses, as ‘n rassis uitgekryt word, indien hy nie van haatspraak aangekla sal word nie. Die waarheid is duidelik ‘n gevaarlike ding vir die fanatici in die kerk van anti-rassisme.

Dus sal ek, as ‘n goeie, toegewyde burger van die Nuwe!, Verbeterde! Suid-Afrika, my hande saamslaan, my kop knik en saam met die res van die blankes bieg dat geweldsmisdaad eintlik my en my mede-blankes se eie skuld is. Ja, ons, ons kinders, hulle kinders en hulle kinders se kinders is en bly vir ewig skuldig aan die misdade van apartheid en kolonialisme.

casino registerЛобановский

Die Republikeine het skoonskip gemaak in die VSA se verkiesing vir die Amerikaanse Kongres en ook goed presteer in die verkiesing vir die Senaat. Die linkse waansin waarmee Amerika se halfbloedprins se verkiesing ‘n skamele twee jaar gelede begroet is, is lank reeds vergete. Die verkiesing is as ‘n referendum oor president Obama se prestasie sedert 2009 voorgehou. As die verkiesing dan wel ‘n eksamen was, is president Obama ‘n druippunt deur die Amerikaanse kiesers gegee. Herinner nogal sterk aan ‘n ander swart politikus se H vir Houtwerk…

Die Republikeine se oorwinning in die verkiesing kan aan een groep se idees toegeskryf word: Die Tea Party. Sowat 40% van alle Amerikaners wat die stemlokale verlaat het, het gesê hulle steun die Tea Party-beweging. Linkses, liberales, en skrywers in die hoofstroom-media soos Maureen Dowd van die ekstreem-linkse New York Times het gestik in hul komkommer-toebroodjies by die blote gedagte aan die Tea Party.

Dis weliswaar onduidelik hoe effektief die Tea Party-beweging as ‘n organisasie is. Is dit eens ‘n organisasie met ‘n eenvormige strategie, visie of strukture? Die Washington Post, ‘n linkse koerant soos bykans al die hoofstroom-media in die VSA, het probeer om al die takke van die Tea Party-beweging te kontak, en te vra hoeveel lede hulle het. Dit het geblyk dat die meeste van die respondente nooit enige kontak met ‘n politikus gehad het nie, en dat hulle ledetal eintlik maar klein was. Nietemin was die Tea Party-beweging die gogga wat vir die Demokratiese baba slapelose nagte besorg het, en nie om dowe neute nie.

Waarom?  Wat het die Tea Party-gedoen om homself so effektief te maak, al is hy gedisorganiseerd en het hy eintlik min volgelinge? Watter lesse bevat dit vir Afrikaners, indien enige?

Ek meen dat daar wel twee gróót lesse vir Afrikaners in die Tea Party is:

·         Dis nie hoeveel ingeskrewe lede jy het nie, of hoe goed jou strukture is nie. Dis die inhoud en gehalte van jou boodskap wat tel.

·         Jou boodskap se trefkrag maak staat op twee komponente: Die boodskap self en hoe dit kiesers raak, en hoe dit oorgedra word.

Wat was die Tea Party se boodskap? Was dit dat wit Amerikaners om rassistiese redes nie van die halfbloedprins in die Withuis hou nie? Nee! Dit het gegaan oor Amerikaners se gatsakke. Oor belasting. Die Tea Party is vernoem na die Bostonse teepartytjie, waartydens die Amerikaners se voorouers in opstand gekom het teen die onregverdige belastings wat die Britse koloniale meesters op hul onderdane in Amerika wou hef. Dit het eweneens nie vir die moderne Tea Party oor aborsie, godsdiens in Amerikaanse skole of al die ander gewone gevegte gegaan nie, maar oor belasting.

Dus: Kultuur, taal, tydskrifte in Woolworths, kwotas op die rugbyveld ensovoorts verwek weliswaar passievolle belangstelling vir ‘n kort tydjie, en Afrikaners mag vir ‘n paar minute opgewonde raak oor die ANC se magsmisbruik teen Hoërskool Ermelo se taalbeleid, maar vir Jan Publiek gaan dit op die lange duur veel meer oor sake wat hom en sy beursie raak. Die Amerikaanse kieser was kwaad oor werkloosheid en die pogings van die Demokrate om die VSA in ‘n sosialistiese staat te omvorm, en die Tea Party het dit briljant raakgesien en uitgebuit.

Die les vir Afrikaners? Eenvoudig. Die ANC is ideologiese sielsgenote met die Amerikaanse Demokrate. Baie van die ANC se radikale rassisme soos regstellende aksie het sy oorsprong op linkse kampusse in die VSA, asook in die Black Consciousness-beweging. Die ANC is ons Demokrate en Black Panther-beweging, behalwe dat die ANC veel, veel meer radikaal-links, swart-fascisties en Marxisties is as selfs die linkse voormalige professor wat in die Withuis sit. Die Afrikaner gaan eweneens binne die volgende paar jaar geslaan word met buitensporige addisionele belasting, benewens die buitensporige belastinglas wat ons reeds dra. Nes die Demokrate se planne om gesondheidsorg te sosialiseer, wil die ANC ook die geklike NHI hier instel.

As jy jou organisasie as ‘n leier vir Afrikaners wil posisioneer, leer jou les oor wat vir die kiesers belangrik is: Hul beursies. Fokus op die swak of geen opbrengs wat ons, die belastingmelkkoeie, vir ons belasting kry. Waarom moet ons dubbel betaal vir skoolgelde as ons reeds belasting betaal? Waarom kry ons nie ‘n effektiewe polisiemag nie? Ons betaal immers vir een. Hoe kan ons die ANC effektief bekamp? Deur ons belasting terug te hou.

Dit help egter nie net dat jou idees goed is nie. Dit moet ook goed oorgedra word en gekommunikeer word. Die Tea Party se wapen van massa-bekoring was Sarah Palin. Haar kennis van geografie mag gebrekkig wees, sy skiet wilde diere, sy sukkel soms met die Engels (“refudiate”), maar eisj! Sy is fotogenies en sy is nie skaam om haar boodskap oor te dra nie.

Siende dat mnr Jaap Kelder-hulle reeds ‘n Tea Party in die kleine het met hul belastingbetalersverenigings wat die ANC regime se getransformeerde stadsrade so op hul plek hou, is die enigste vraag waar ons ‘n Afrikaner-weergawe van Sarah Palin gaan kry? Is daar enige aanvallige dames wat wel ter tale is, en wat iets groots wil bereik?

детские игриДанильченко Юрий Брониславович Харьков

Daar is ‘n paar dinge waarmee die inwoners van die landstreek Suid-Afrika kampioene is. Ek kan diegene wat per ongeluk die geografiese gebied Suid-Afrika deel, nie Suid-Afrikaners noem nie, siende hoe die ANC by monde van Butana Khompela en sy LP’s dit duidelik maak dat daar geen Suid-Afrikaanse volk bestaan nie. Daar is vir die ANC, en sekerlik dan die 90% van die swart bevolking wat vir hom stem, die ware Jakob, die “African Africans”, en dan die res; die wittes, gekleurdes en Indiërs. Waar ek dus na inwoners verwys, dui dit op diegene wat deur ongelukke van die geskiedenis suid van breedtegraad 22 suid in Afrika saamgeflans is.

Van die dinge waarin die inwoners van dié landstreek kampioene is, sluit in stakings, klipgooiery, brandstigting, die verspreiding van vigs, drankmisbruik, korrupsie, plundery, selfverryking en al daardie dinge waarvan ons daagliks in die koerant lees. Nog ‘n ding waarmee die inwoners egter van internasionale gehalte is, is om die trop olifante in die hoek van die kamer te ignoreer, en om as gevolg hiervan totaal onvanpaste oplossings vir heeltemal die verkeerde en dikwels denkbeeldige probleme te probeer bedink.

Die energie wat op die histeriese heksejag gemik teen denkbeeldige blanke rassisme verkwis word, is ‘n uitstekende voorbeeld hiervan.  Die land het ‘n geweldige misdaadprobleem. Moord, verkragtings en roof is so alledaags dat bykans niks ons meer kan skok nie. Nietemin word daar op heeltemal die verkeerde ding in terme van wetstoepassing gefokus. Geweldige hoeveelhede bronne is verkwis om die Reitzhuis-studente te vervolg, mense wie se optrede niemand seergemaak het nie, en wie se sogenaamde misdaad volkome slagofferloos was. Was die Reitz-studente egter van ‘n ander velkleur, en het hulle ‘n motor vol blankes met pangas en tuinvurke gemartel en toe uitgewis, nádat die hele bende ‘n baba in die motor verkrag het, was daar nie eens ‘n fraksie van die publisiteit of energie verspil om hulle te probeer vervolg nie.

Die ware olifant in die hoek – die ongelooflik hoë misdaadkoers – word dus geïgnoreer en daar word eerder naarstigtelik na oplossings vir denkbeeldige probleme – onder andere blanke rassisme – gesoek.

So ook bestaan daar grootskeepse ontkenning oor die trop olifante wat op ekonomiese gebied in die hoek rondmaal. Die ANC regime wil links en regs nasionaliseer, sosialiseer en die belastingmelkkoeie tot die maksimum plunder om SEB-begunstigde “African Africans” tot die maksimum te verryk. Almal verknies hulle in die proses oor hoe die vyf miljoen persoonlike belastingbetalers ooit veertien miljoen welsyn-parasiete sal kan onderhou. (Die antwoord is natuurlik dat dit onmoontlik is op die lange duur.) Gekoppel hieraan is die feit dat niemand weet wat om aan die 40% werkloosheidssyfer te maak nie.

Selfs die blanke ekonome soos mnr Mike Schussler wat dikwels op bostaande onmoontlikheid wys, ignoreer egter die trop olifante in die hoek, waarskynlik uit vrees dat ‘n storm van beskuldigings van rassisme op hulle sal neerdaal as hulle die kaalkop waarheid sou durf praat. Daardie trop olifante bestaan uit twee komponente: Eerstens die miljoen of meer onwettiges wat jaarliks oor die grense stroom. Snaaks hoe hulle so ‘n dringende behoefte het om  daardie denkbeeldige blanke rassisme eerstehands te kom beleef, terloops.

Die tweede komponent van die trop is die ongebreidelde voortplantingstempo onder sekere dele van die inwoners van die landstreek. Alhoewel vigs daarvoor gesorg het dat die oorhoofse bevolkingsaanwastempo heelwat gedaal het, is dit grootliks so omdat die gemiddelde lewensverwagting vir volwassenes dramaties gedaal het. Dit is met ander woorde ouer mense wat aan vigs sterf, maar nie vóórdat hulle twintig kinders by ses verskillende vrouens gaan verwek het nie, kinders wat self gaan werk soek voordat vigs hulle ook inhaal, of wat deur die belastingbetaler onderhou moet word as hul ouers aan vigs omkom. Dus: Alhoewel werkloosheid ‘n groot probleem is, word die ware onderliggende oorsaak, te veel kinders agv die gebrek aan seksuele selfbeheersing en ongebreidelde voortplanting, totaal en al oor die hoof gesien. Nie net word die ware probleem geïgnoreer nie, maar dra die swak oplossings vir die verkeerde probleem eintlik by tot die probleem. Kindertoelaes moedig ma’s aan om nog bekkies wat gevoer moet word, in die wêreld te bring, vir ‘n karige R200 per maand.

Omdat die inwoners egter te politiek-korrek is om die trop olifante in die hoek raak te sien nie, sal geen politieke party egter die enigste werkbare oplossings vir werkloosheid en armoede durf aan die hand doen nie. Die enigste langtermyn-oplossings is naamlik effektiewe grensbeheer en ‘n demper op ongebreidelde voortplanting.

Vergeet dus van brandstof en loodse vir die lugmag se wit-olifant Gripens. Stuur die weermag na die landsgrense om diegene wat so graag denkbeeldige blanke rassisme wil kom ervaar, by die grense om te keer en huistoe te jaag.  Stuur ‘n operasie van stapel om die 10 tot 15 miljoen onwettiges so spoedig as moontlik oorkant die Limpopo, waar hulle vandaan kom, te kry.

As die regime werklik ernstig was om werkloosheid en armoede hok te slaan, het hy ook aktief begin met maatreëls om die bevolking te beheer, sodat die grondliggende oorsaak van die probleem aangespreek kan word. Deel daarvan is om die verkeerde insentiewe wat maatskaplike toelaes veroorsaak, te verwyder. Maak die ontvangs van maatskaplike toelaes voorwaardelik daarop dat die ontvangers voorbehoedmiddel-inspuitings moet ontvang, of gesteriliseer moet word. Dit help immers nie die belastingbetaler befonds diegene wie se eie onverantwoordelikheid in terme van te veel kinders, tot verdere armoede lei nie.

Kontant-welsysnstoelaes word eweneens dikwels op drank verkwis, wat ook tot seksuele onverantwoordelikheid lei. Dit sou veel beter wees om eerder kosbewyse uit te deel, wat by ‘n supermark slegs vir stapelvoedsel soos brood en mieliemeel verruil kan word. Dit is moontlik om die bevolking te beheer, soos China ons gewys het, maar dit is te betwyfel of iemand in Suid-Afrika die visie of politieke moed het om die trop olifante raak te sien.

Hoe langer daardie trop olifante in die hoek egter moedswillig geïgnoreer word, en hoe langer die verkeerde oplossings vir probleme wat nie bestaan nie probeer word, hoe groter word die gevaar dat die olifante ons almal gaan doodtrap.

купить гидробактопкарго

games bigbangОлександр Васильович Фільчаков

Dit ly geen twyfel nie dat me Mary Metcalfe, tot gister toe die direkteur-generaal van Hoër Onderwys in die Departement van Onderwys, ‘n toegewyde, bekwame, professionele en intelligente persoon is. Sy het al verskeie senior poste beklee, onder andere as ‘n professor in die Opvoedkunde op Wits. So ook is me Metcalfe ‘n jarelange getroue ANC-kader, met ‘n onkreukbare Struggle-stamboek.

Intelligent en bekwaam soos sy mag wees, verstaan sy, soos alle blanke linkses, steeds nie waaroor die Struggle, die ANC en politiek onder Afrikane oor die algemeen gaan nie, en is haar naïewiteit oor die ware aard van politiek in Afrika inderdaad verstommend.

Me Metcalfe, haar Struggle-stemboek ten spyt, is ná slegs ‘n jaar as DG uit haar pos ontslaan deur minister Blade Nzimande, Suid-Afrika se voorste kaviaar-kommunis, met sy voorliefde vir luukse motors. Alhoewel die “spin doctors” dit probeer ontken, is dit so duidelik soos daglig dat sy en kameraad Blade nie om een vuur gesit het nie.  Volgens die City Press het kameraad Blade me Metcalfe gevra om te bedank, omdat die kameraad kwansuis nie meer die kader vertrou het nie.

Daardie vertrouensbreuk is glo veroorsaak deur me Metcalfe wat kameraad Blade wou verhoed om die belastingbetaler se geld te plunder. Gerugte in die Business Day wil dit hê dat me Metcalfe ongerymdhede bemerk het in die Departement van Onderwys. Haar baas, die kaviaar-kommunis, wou naamlik ‘n reis na daardie sosialistiese Eden, Kuba, onderneem, vir die rekening van die belastingbetaler, teen ‘n aardige bedraggie van R 1 miljoen. Me Metcalfe het dit bevraagteken, soos dit ‘n bekwame bestuurder betaam, wat daartoe gelei het dat die reis uitgestel is.

Daardie behoorlike en professionele optrede van haar was egter ‘n fatale fout aan haar kant, en dis presies hier waar me Metcalfe se uiterste naïewiteit na vore gekom het. Wat me Metcalfe nie verstaan nie, al is sy al jare lank ‘n ANC-kader en so links as wat iemand kan wees, is dat politiek vir die Afrika-politikus slegs om twee dinge gaan:  Sy toegang tot geleenthede om die staatskas te plunder, en tweedens lojaliteit aan sy ras of stam.

Me Metcalfe het die aartssonde gepleeg om kameraad Blade vrye toegang tot die belastingbetaler se geld te weier, en dit was onvergeeflik vir ‘n Afrika-politikus. Die ganse rede waarom hy in die politiek verkeer, is immers om die staatskas te plunder. Haar tweede sonde, een waaraan sy niks kon doen nie, was haar uniform; haar wit vel. Hoe durf ‘n blote blanke die Zoeloe-kameraad verhoed het om sy politiek van plunder te pleeg! Dit word genoem maagpolitiek, die reg wat in die Afrika-politikus se kop bestaan om sy maag vol te eet aan ander mense se geld.

Die feit dat me Metcalfe ‘n getroue ANC-kader was, het haar niks gehelp nie. Sy gaan ongetwyfeld deur ‘n “insider”, ‘n swarte, vervang word as DG, want sy sal, nes die mees regsgesinde blanke, vir altyd ‘n buitestaander bly. Só byvoorbeeld het oudpresident Mbeki oor die naweek die absurde stelling gemaak dat die geweld van 2008 nie xenofobies van aard was nie. As dit wel xenofobie was, seg Mbeki, was blankes die teiken. Dus: ‘n Kongolees of Somaliër wat gister onwettig oor die grens gesluip het, is inheems en een van Mbeki se eie. ‘n Blanke Afrikaner, wie se voorsate reeds 300 jaar hier woon, is egter volgens Mbeki ‘n vreemdeling. Rassesolidariteit of Afro-fascisme is dus voorop in die swart ANC-lid se kop, nes alle ander Afrika-politici se tweede lojaliteit (buiten sy eie banksaldo) sy stam is. Me Metcalfe het hierdie feit skynbaar nie begryp nie.

Daardie gebrek aan begrip deel sy egter met ‘n iedere en ‘n elke blanke linkse, wat hulle verbeel dat gedienstigheid en inderdaad kruiperigheid enige punte by die ANC sal aanteken. Ek dink spesifiek hier aan linkse professore op Stalinbos of kruiperige dominees. Die teendeel is waar: Kruiperigheid en gedienstigheid word deur die Afrikaan as ‘n teken van swakheid gesien, indien dit nie verag word as tekenend van verraad teenoor die kruiper se eie stam nie.

Dit neem politieke intelligensie om laasgenoemde te begrip, iets wat die voormalige professor Metcalfe nou op die harde manier geleer het, maar ‘n Zoeloe met ‘n Standerd-2 opvoeding instinktief begryp het, toe hy juis sy braai gehou het met diegene wat weier om voor hom te kruip.

освещение лестницы светодиоднойtopcargo кидалы