Dan Roodt, Author at praag.co.za

Drieverdiepinggebou in Nairobi stort ineen

Volgens ‘n polisieamptenaar in Kenia is ‘n onbekende getal mense vasgekeer in die puin van ‘n drieverdiepinggebou wat in die hoofstad Nairobi inmekaargestort het.

Maandag se voorval kom skaars ‘n week nadat die Kenia Architectural Association ‘n verslag uitgereik het waarin hulle gesê het dat 65% van die geboue in die land nie aan die vereiste standaarde voldoen nie.

Volgens Samuel Mukindia is 13 mense al sover gered, waarvan drie in ‘n kritieke toestand verkeer. Talle ander is nog onder die puin vasgekeer.

‘n Verslaggewer van die Associated Press kon dele van ‘n vrou se liggaam onder die puin sien uitsteek en ‘n man wat uitgehaal is het gesê dat daar ‘n hele klomp mense in die kamer langs hom was.

Geboue wat inmekaarstort is algemeen in Afrika.

Korrupte amptenare, boumateriaal wat nie op standaard is nie, gebrekkige beplanning en ontwerp asook swak vakmanskap is dikwels die oorsake van die rampe.

лампы для

‘Onwettige immigrant’-kostuum maak opslae in VSA

Menseregtegroepe wat hulle vir immigrante in Amerika beywer is ontsteld oor ‘n Halloween-kostuum wat ‘n onwettige immigrant met ‘n masker van ‘n buiteaardse wese toon. Die kostuum is oranje met die woorde “illegal alien” daarop geskryf en ‘n Halloween-grapjas word ook van ‘n “groen kaart” wat verblyfreg in die VSA verleen daarby voorsien.

Volgens immigrantegroepe “gee die kostuum aanstoot”. Angelica Sala, die uitvoerende direkteur van die Koalisie vir Menslike Immigranteregte in Los Angeles, het e-posse aan die Target-winkelgroep in Minneapolis asook die BuySeasons-maatskappy in Wisconsin geskryf waarin sy die kostuum as “onsmaaklik, venynig en ongevoelig teenoor die sosiale stigmas en huidige debat oor immigrasiehervorming” beskryf.

Die groep het gesê dat hy ook beplan om briewe te skryf aan ander maatskappye wat die kostuum verkoop.

Lizette Olmos, die nasionale kommunikasiedirekteur van die Liga vir Verenigde Latyns-Amerikaanse Burgers, het die kostuum “regtig onstellend” genoem, het die Minnepolis Star Tribune berig.

Target gaan die kostuum van sy webwerf verwyder nadat verskeie klagtes ontvang is, het die maatskappy se woordvoerder Joshua Thomas Vrydag gesê. Die winkel het nooit bedoel om die kostuum te verkoop nie maar het dit per ongeluk by sy aanlynprodukte ingesluit, het hy gesê.

‘n E-pos aan BuySeasons is Vrydag nie onmiddellik beantwoord nie.

лобановский депутат

Bafana pos hul afrigter

Daar is slegs 235 dae voordat die Wêreldbekersokkertoernooi afskop, en Suid-Afrika se sokkerspan sit sonder ‘n afrigter.

Die Brasiliaan Joel Santana het die trekpas gekry vir Bafana Bafana se ellendige vertonings waarin hulle agt van hul laaste nege wedstryde verloor het.

Die hulpafrigters Jairo Leal en Pitso Mosimane dien tans as waarnemende afrigters.

Ten spyte van sy powere vertoning, was Santana verlede week nog seker dat hy sy werk sou behou. Suid-Afrika het onlangs met 0-1 teen Ysland verloor toe Ysland 23 plekke onder Bafana op die wêreldranglys was.

“Ek bly net waar ek is. Ek het nog nooit van ’n afrigter gehoor wat gepos word as hy vriendskaplike wedstryde verloor nie,” het hy by die span se terugkoms uit Reykjavik aan die media gesê.

Santana spog met die onderskeiding dat hy die eerste Bafana-afrigter geword wie se span ses agtereenvolgende wedstryde verloor het.

Daarbenewens het Bafana ook twee keer onder hom tot op die 85ste plek op die wêreldranglys gedaal.

In 1996 was Bafana op die 16de plek op dié lys. Dit is hul swakste posisie in 15 jaar.

bridal jewellery

Reitzklag nie laat vaar, sê Jansen

Die klagtes teen vier studente van die Universiteit van die Vrystaat oor ‘n rassistiese video-opname is nie teruggetrek nie, het Jonathan Jansen, die universiteit se rektor, Maandag gesê.

“Dit moet duidelik gemaak word,” het hy in ‘n nagverklaring gesê.

“Drie prosesse is onderweg en hulle moenie verwar word nie.”

Volgens hom staan die klagtes deur die Direktoraat van Spesiale Vervolgings in die provinsie, sowel as die menseregteklagtes deur die Menseregtekommissie nog.

“Die universiteit het slegs hulle eie klagtes teen die studente teruggetrek, sover as wat universiteits-prosesse gaan. Hulle het besluit om die studente terug te nooi om hul studies te voltooi en om Reitz weer oop te maak as ‘n model van sosiale regverdigheid en rasseversoening as ‘n uitsonderlike universiteitswoning.”

Besluit op twee faktore gebaseer

Volgens Jansen is die besluit, wat onder die universiteit se gesag resorteer, op twee faktore gebaseer.

Hierdie was die “instituut se eie aanspreeklikheid vir wat gebeur het en omdat die kondisies geskep is waaronder rassisme en rasse-aanvale op die kampus moontlik was…die instituut se behoefte om die omstandighede te skep vir rasse-versoening op ‘n diep verdeelde kampus en om deur dit die kanse vir transformasie by die UVS te versnel.”

“Daar was breedvoerige konsultasies” oor die nood om die kwessie op te los, het hy gesê.

Tom Coetzee, ‘n regskenner van Noordwes Universiteit, het gesê dat die UVS se besluit om sy klag teen die vier terug te trek, irrelevant tot die kriminele saak is.

“Die staat is die enigste een wat kan besluit of die kriminele vervolging aangaan of nie,” het Coetzee Maandag gesê.

“Die rektor se aankondiging is op hierdie stadium irrelevant.”

Die Reitzkoshuis was in Februarie 2008 in die middel van ‘n rassistiese storm na ‘n video, waarop vyf swart werkers van die koshuis vir die grap ingelyf word, opgeneem en aan die publiek bekendgemaak is.

Die beskuldigdes is RC Malherbe, Johnny Roberts, Schalk van der Merwe en Danie Grobler.

Die saak sal na verwagting op 26 Oktober begin.

оборудование для

Paarl Media nie aandadig aan brand

Die brand by ‘n maatskappy wat die boeke-aanleg in April in die Paarl verswelg het en die dood van 11 werkers veroorsaak het was deur ‘n diepbraaier in ‘n kombuis veroorsaak, het Paarl Media Maandag gesê.

“Die mees waarskynlike oorsaak van die brand blyk om kookolie te wees wat in die kafeteria aan die brand geslaan het. Dit is deur ‘n onafhanklike maatskappy op kontrak basis gehandhaaf,” het Stephen van der Walt, uitvoerende hoof van Paarl Media, in ‘n verklaring gesê.

Volgens Van der Walt het die vlamme vinnig versprei en het die dak aan die brand gesteek. Dit het baie rook veroorsaak wat werkers se pogings om te ontsnap gekortwiek het.

Die brand het op 17 April vanjaar in Dal Josafat in Paarl uitgebreek.

Van der Walt sê die maatskappy se bevindinge oor die brand is gevolgtrekkings van forensiese ondersoeke wat deur kenners aangegaan is.

Hy sê die ondersoek het gerugte dat ‘n “stof-ontploffing” die brand veroorsaak het, verkeerd bewys.

ігри дівчачі

Button nuwe F1-wêreldkampioen!

Die Britse renjaer Jenson Button het uiteindelik ná amper 10 jaar se probeerslae die bestuurderswêreldtitel ingepalm. Die Brasiliaanse formule-eenwedren het sommer van die tweede rondte af vonke laat spat. Rubens Barichello het van die voorpunt af weggespring en mooi uit die moeilikheid uit gebly tot amper aan die einde. Nie net het hy met spoed gesukkel nie maar ook sommer met pap wiele.

Die Australiër Mark Webber het die wedren gewen, maar die dag het beslis aan Button behoort. Hy het die tiende Britse kampioen geword en deel nou die ereplek met groot name soos Nigel Mansel, Jim Clarke, John Surtees, Jackie Stewart, James Hunt, Damon Hill en helaas Lewis Hamilton wat ook so gemaak het.

Dit is slegs die tweede keer in die geskiedenis dat twee Britte mekaar in die kampioenskap opvolg. Die vorige keer was vier dekades gelede toe Graham Hill in 1968 die wêreldkampioenskap gewen het en Jackie Stewart in 1969 met die lourierkrans as algehele wenner weggestap het.

Hamilton was die 2008-kampioen. Vanjaar behoort aan Button. Hy het die eerste ses wedrenne van die seisoen gewen en was eintlik onstuitbaar.

‘n Vreemde toeval is dat Button gister die kampioenskap gewen het deur vyfde te eindig – net soos wat Hamilton verlede jaar gemaak het.

Brittanje het nou tien verskillende kampioene opgelewer, wat tussen hulle al 14 keer die wêreldtitel gebuit het, meer as enige ander land:

1. Brittanje 14 (Mike Hawthorn, Graham Hill (2), Jim Clark (2), John Surtees, Jackie Stewart (3), James Hunt, Nigel Mansell, Damon Hill, Lewis Hamilton, Jenson Button)
2. Brasilië 8 (Emerson Fittipaldi (2), Nelson Piquet (3), Ayrton Senna (3))
3. Duitsland 7 (Michael Schumacher)
4. Argentinië 5 (Juan Manuel Fangio)
=5. Australië 4 (Jack Brabham (3), Alan Jones)
=5. Oostenryk 4 (Jochen Rindt, Niki Lauda (3))
=5. Frankryk 4 (Alain Prost)
=5. Finland 4 (Keke Rosberg, Mika Hakkinen (2), Kimi Raikkonen)
9. Italië 3 (Giuseppi Farina, Alberto Ascari (2))
=10. Verenigde State 2 (Phil Hill, Mario Andretti)
=10. Spanje 2 (Fernando Alonso)
=12. Nieu-Seeland 1 (Denny Hulme)
=12. Suid-Afrika 1 (Jody Scheckter)
=12. Kanada 1 (Jacques Villeneuve)

в екатеринбурге Данильченко

Maagpolitiek van ons opperpandoer

Enigeen wat gedink het dat die ANC anders as ander Afrikapolitici gaan optree as dit by die vermorsing van staatsgeld op persoonlike uitgawes kom, moet weer dink. Die minister van polisie, Nathi Mthethwa, wat weens Suid-Afrika se hemelhoë misdaadsyfer een van die belangrikste portefeuljes beklee, bestee wild geld in luuksehotelle asof die staatskas aan hom behoort.

By al die ellendes wat daar op die Afrikakontinent heers, waaronder vigs, korrupsie, armoede, burgeroorloë en gebrek aan eie voedselproduksie, moet die korrupsie en verbruiksorgies van die leiers as een van die grootste rampe gesien word. Vandaar die term “maagpolitiek” wat deur sommige akademiese waarnemers bedink is om dié verskynsel van swart hoofmanne en leiers se enorme aptyt vir staatsfondse te beskryf.

Hoe groter sy aptyt en sy “maag”, hoe meer respek dwing ‘n belangrike man in Afrika af. Mthethwa het met sy verblyf in vyfsterhotelle waar ons opperpandoer waarskynlik heerlik fuif terwyl misdadigers van die land besit neem, gedemonstreer dat hy maagpolitiek verstaan en as ‘n vername leier gesien moet word.

Terwyl sulke insidente via die media in die openbare oog beland, bestaan daar natuurlik nog ander figure na aan die ANC wat die semistaatsinstellings en openbare ondernemings bedryf en waarvan die besteding op ‘n keiserlike lewenstyl minder bekend is. Die feit dat sulke instellings tans R200 miljard van die staatskas benodig om hul bedrywighede te kan voortsit, is een aanduiding dat maagpolitiek ook daar ‘n groot rol moet speel.

Dat Suid-Afrika nie reeds, soos menige Afrikaland, op sy knieë gebring is deur ‘n bende sogenaamde “leiers” wat die staat en openbare bates na hartelus plunder nie, is waarskynlik slegs te wyte aan die middelklasbelastingbetaler en groot maatskappye wat steeds getrou belasting betaal en sodoende die gefuif van Nthethwa en sy trawante aan die gang hou.

Die Afrikaner moet besef dat die huidige stelsel in Suid-Afrika so grondig korrup en immoreel is dat dit hoegenaamd nie gered kan word nie. Terwyl die Nthethwas en ander begunstigdes van die roofstaat Suid-Afrika hul makabere partytjie voortsit, kan slegs ‘n nuwe begin in ‘n eie volkstaat vir ons volk enige hoop inhou.

Фильчаков Харьков

Aspersieslaai

{jathumbnail off}

Kook ‘n halwe pakkie penne pasta in water en bietjie sout tot gaar en laat afkoel vir vier tafelgenote. Blansjeer 12 dun vars groen aspersiepunte in kookwater intussen. Die aspersies moet nie papgekook wees nie.

Braai 100g haloumikaas wat in blokkies gesny is, tot goudbruin.

Sny ‘n halwe geel soetrissie in blokkies en 4 klein murgpampoentjies middeldeur en dan in skyfies. Meng al die slaaibestandele en strooi ‘n handvol kersietamaties en gekapte pietersielie oor die dis.

Vir die slaaisous, meng 1 eetlepel Franse mostert met een eetlepel heuning, ‘n knoffeltoontjie, een eetlepel appelasyn, een teelepel wit balsamiese asyn en ses eetlepels sonneblomolie.

Meng goed en bedruip die slaai. Lekker eet!

Gemengde huwelik

{jathumbnail off}

с инструментами Фільчаков прокурор

Polisieminister mors R578 000 in hotel uit

Die minister van polisie, Nathi Mthethwa, het nog ‘n geweldige hoë hotelrekening laat oplui, dié keer vir meer as R570 000 in Durban, het die Sunday Independent gister berig.

Tussen 19 Desember en 25 April, het Mthethwa by tye in die vyfster-Hiltonhotel saam met lede van sy BBP-beskermingseenheid teen ‘n koste van R578 499 tuisgegaan.

‘n Woordvoerder vir die geagte minister, Zweli Mnisi, het nie oor die syfer kommentaar gelewer nie, maar bloot gesê dat Mthethwa gedurende Desember in Kwazulu-Natal “op amptelike sake” was en aan aanbiedings deelgeneem het wat op die vermindering van Kersseisoenmisdaad gemik was. Gedurende April het hy weer by die Hilton ingetrek weens die nasionale verkiesings.

“Die provinsie is as ‘n potensiële warm sone (vir misdaad) geëien. Dit was alles amptelike programme wat daarop gemik was om plaaslike belanghebbendes in die stryd teen misdaad te betrek, waaronder raadpleging met plaaslike owerhede as deel van die voorbereiding vir die verkiesing,” het hy in ‘n verklaring gesê.

Volgens die Sunday Independent se afskrif van die rekening, het Mthethwa sowel Kersfees as Nuwejaar in die hotel deurgebring. Gedurende ‘n ononderbroke verblyf van 17 dae vanaf 19 Desember, is hy nie deur enige lyfwagte vergesel nie en het die rekening op net bokant R86 000 te staan gekom.

Op die vooraand van Valentynsdag op 14 Februarie, het Mthethwa by dieselfde hotel geregistreer, dié keer met vier van sy wagte, teen ‘n koste van R28 516. Van 19 tot 25 April, het hy by die hotel met twee wagte ingewoon. Hierdie rekeing het R89 000 bedra.

Die Hiltonrekening is gelykstaande aan dubbel die bedrag wat belastingbetalers vir Mthethwa se verblyf van 17 dae in Kaapstad se vyfster-Table Bay-hotel vroeër vanjaar moes opdok. Mthethwa het by in die hotel gebly teen ‘n koste van R235 000 terwyl sy huis ná vloedskade opgeknap is.

Mnisi het gesê die minister het voorheen beweer dat hy onbewus was van die hoë pryse wat deur die Kaapstadse hotel gevra word.

Opposisiepartye het met woede oor Mthethwa se jongste “spandabelheid” gereageer.

Die Kongres van die Mense het gesê Mthethwa het óf vir die ANC ‘n politieke veldtog gevoer óf hy het eenvoudig huis toe gegaan en die regering vir sy verblyf gefaktureer.

Die Demokratiese Alliansie het gesê die departement van polisie se lang lys weeldevergrype is nie net teenstrydig met president Jacob Zuma se oproepe om besuiniging en versigtigheid nie, maar druis ook in teen gesonde verstand en die verbintenis om die publiek se belang bo persoonlike bevrediging te stel.

“As ‘n mens die hotelbuitensporighede by die motors tel wat vir Mthethwa en sy adjunk, Fikile Mbalula gekoop is, dan bedra dit R3,7 miljoen van openbare geld wat op persoonlike vertoon uitgegee is,” het die skaduminister van polisie, Dianne Kohler Barnard, in ‘n verklaring gesê.

Sy het gevra hoe Mtethwa sy gedrag kon regverdig terwyl polisiebeamptes wat dikwels hul lewens waag elke maand ‘n karige salaris huis toe neem.

Die Onafhanklike Demokrate het hul “afkeer” uitgespreek.

“In die lig van die feit dat dit die tweede sodanige onthulling oor Mthethwa binne twee weke verteenwoordig, kan woorde nie uitdruk met watter afkeer die OD vervul is nie,” het die party se woordvoerder vir polisie, Haniff Hoosen, in ‘n verklaring gesê.

“Die kabinet se magte om die handboek te magtig, moet weggeneem word. Voordele, voorregte en toelaes vir ministers behoort deur ‘n soortgelyke proses bepaal te word as die Moseneke-kommissie wat met die ondersoek na vergoeding vir openbareposbekleërs belas is.”

review the secret history