{jathumbnail off}
Kook ‘n halwe pakkie penne pasta in water en bietjie sout tot gaar en laat afkoel vir vier tafelgenote. Blansjeer 12 dun vars groen aspersiepunte in kookwater intussen. Die aspersies moet nie papgekook wees nie.
Braai 100g haloumikaas wat in blokkies gesny is, tot goudbruin.
Sny ‘n halwe geel soetrissie in blokkies en 4 klein murgpampoentjies middeldeur en dan in skyfies. Meng al die slaaibestandele en strooi ‘n handvol kersietamaties en gekapte pietersielie oor die dis.
Vir die slaaisous, meng 1 eetlepel Franse mostert met een eetlepel heuning, ‘n knoffeltoontjie, een eetlepel appelasyn, een teelepel wit balsamiese asyn en ses eetlepels sonneblomolie.
Meng goed en bedruip die slaai. Lekker eet!
Leave a Reply
You must be logged in to post a comment.