Dan Roodt, Author at praag.co.za

Olie bly steeds bo $40 in Ooste

Oliepryse het Dinsdag in Asië steeds bo $40 per vat gebly na dit oornag afgetrek is deur nog slegte Amerikaanse ekonomiese nuus, wat dui op 'n ergerwordende resessie in die wêreld se grootste ekonomie.

Ligte, soet ru-olie vir lewering in Maart het met 35 sent gestyg tot $40,43 per vat teen middagtyd in Singapoer in elektroniese handel op die New York Handelsbeurs. Die kontrak het oornag met $1,60 gedaal om op $40,08 te stabiliseer.

Oliepryse het met amper 72% gedaal sedert dit in Julie op 'n rekordvlak van $147,27 per vat gedraai het, terwyl 'n Amerikaanse sub-prima verbandsektor hand uit geruk het in die ergste wêreldwye ekonomiese vertraging in dekades.

"Ek dink die wêreld onderskat die krag van die resessie," het Christofer Moltke-Leth, hoof van verkope vir Saxo Capital in Singapoer gesê. "Dit ontvou steeds. Dit kan werklik baie lelik word," het hy gesê.

Moltke-Leth verwag dat oliepryse so laag as $28 per vat kan daal teen die einde van Maart.

Johannesburgse metropolisie staak vir 2de dag

Johannesburgse metropolisie gaan nog 'n protesoptog hou op Dinsdag, die 2de dag van 'n staking wat werk by lisensiëring- en toetsstasies tot 'n stilstand gebring het, het 'n woordvoerder gesê.

Hoof superintendent Wayne Minnaar het gesê die opmars sal omtrent 10uur begin by die Brixton brandweerstasie en na die metropolisie se hoofkwartiere gaan in Martindale.

"Ons sal die situasie monitor soos die staking voortgaan. Vir vandag sal die toetsstasies en lisensiëringskantore weer gesluit wees," het Minnaar gesê.

Lede van die publiek wat afsprake gehad het by Roodepoort, Randburg, Sandton, Langlaagte en Midrand sal geskakel word om nuwe datums te reël teen geen ekstra koste nie, het Minnaar bygevoeg.

Die protesteerders wil hê dat drie metropolisielede geskors word na hulle beskuldig is dat hulle ingemeng het met ondersoeke.

Lede van die SA munisipale werkersunie het Maandag 'n memorandum oorhandig by die kantoor van Johannesburg se burgemeester, Amos Masondo, waarin hulle eise uitgespel word.

Menseregtegroep vra Kongo om Ntaganda aan strafhof te oorhandig

'n New York gebaseerde menseregte advokaat het Maandag 'n beroep gedoen op die DRK om die voormalige rebelleleier Bosco Ntaganda te arresteer en te oorhandig aan die internasionale kriminele hof vir 'n verhoor.

"Ons doen 'n beroep op julle om aan julle juridiese diens opdrag te gee om Ntaganda te arresteer en oor te dra aan die jurisdiksie van die IKH (internasionale kriminele hof)," het Human Right Watch (HRW) in 'n brief aan die Kongolese president Joseph Kabila geskryf.

"Kongo is deel van die Rome-statuut wat die IKH gestig het, en het dus 'n wetlike verpligting om met die hof saam te werk, insluitend die aankeer van persone vir wie daar lasbriewe uitgemaak is en om hulle aan die hof te oorhandig," het HRW bygevoeg.

Ntaganda, 'n voormalige militêre leier in die Nasionale Kongres vir die Verdediging van die Mense (NKVM) groep wat in die oostelike Kongo gestasioneer is, is die onderwerp van 'n lasbrief vir arrestasie vir die beweerde gebruik van kindersoldate in 2002 en 2003.

Verlede maand het Ntaganda gesê dat hy Laurent Nkunda omver gegooi het as leier van die NKVM en later het hy beweer dat die groep vrede gemaak het met die Kinshasa regering.
хрустальную люстру лобановский харьков

VN-hoof dink Zim-kompromie is ‘nie volmaak nie’

Die VN-hoof het Maandag gesê dat hy nie dink die nuutgevormde nasionale eenheidsregering is 'n volmaakte oplossing nie, en dat dit slegs Zimbabwe se politieke krisis kan oplos indien president Mugabe verdere vooruitgang maak.

VN sekretarisgeneraal Ban Ki-Moon, wat Sondag met Mugabe vergader het terwyl die Afrika Unie beraad aan die gang was in Addis Abeba, het gesê dat hy hom aangemoedig het om polities vorentoe te beweeg, deur stappe te neem soos om politieke gevangenes vry te laat.

Vrydag het die opposisieleier, Morgan Tsvangirai en sy MDC ingestem om binne weke aan te sluit by die eenheidsregering met Mugabe, in 'n toegewing om die land se humanitêre krisis op te los.

"Hoewel ek die besluit van mnr. Tsvangirai en die MDC verwelkom om aan te sluit by die regering van nasionale eenheid, glo ek steeds dat dit nie die perfekte situasie is nie," het Ban Maandag aan joernaliste gesê. "Ek het president Mugabe aangemoedig om voort te bou op die nuwe ontwikkeling…en om te probeer om so vinnig as moontlik vooruitgang te maak, sodat hulle meer demokrasie en vryheid kan verseker."

Zimbabwe is in 'n politieke krisis sedert die betwiste presidensiële verkiesings verlede jaar. Vandag het die land die wêreld se hoogste amptelike inflasiekoers, meer as 300 mense is dood aan cholera sedert Augustus en miljoene het voedselhulp nodig.

Soedannese bomme klap naby dorp in Darfoer

Soedannese vliegtuie het Maandag bomme gegooi naby aan 'n dorp wat deur rebelle beset word in Darfoer, nadat die regering gevra het dat die vredesmaglede die gebied moet verlaat voor die beplande aanval, het die internasionale mag gesê.

Duisende burgerlikes het skuiling gesoek rondom 'n basis wat bestuur word deur 'n gesamentlike VN/Afrika Unie mag in Darfoer, suid van die dorp Muhajiriya, het 'n woordvoerder vir die vredesmagte gesê.

UNAMID het gesê Khartoem het Sondag gevra dat vredesmaglede onttrek omdat die weermag gereedmaak om die dorp terug te neem van rebelle van die Justice and Equality Movement (JEM) wat die dorp verlede maand oorgeneem het.

"Maar ons gaan nie padgee terwyl daar duisende ontwortelde mense rondom ons kamp is nie," het UNAMID woordvoerder Noureddine Menzi gesê. "Die Soedanese regering behoort te weet dat hulle aksies die burgerlikes en ook UNAMID in gevaar stel."

Die UNAMID sending is onderbeman en het ook te min toerusting terwyl spanning oplaai in Darfoer voor die verwagte besluit van die Internasionale Kriminele Hof of hulle president Omar Hassan al-Bashir gaan vervolg vir oorlogsmisdade.

Menzi het gesê bemiddelaars het probeer om gesprekke met die regering en rebellegroepe aan die gang te kry om gevegte oor Muhajiriya te voorkom.

UNAMID amptenare het gesê dat vredesmaglede berig het oor bomme wat Maandag sowat 3 kilometer oos van die dorp geval het. Niemand van die Soedanese weermag was onmiddellik beskikbaar vir kommentaar nie.

Lugaanvalle in Darfoer is verbied in 'n VN Veiligheidsraadresolusie, maar Soedan se weermag het gesê dat hulle die reg het om rebellemagte wat nie die vredesooreenkoms onderteken het nie, te konfronteer.

Menzi het gesê die VN/AU verteenwoordiger in Darfoer, Rodolphe Adada, het Maandag senior regeringsamptenare in Khartoem ontmoet om 'n einde aan die krisis in die suid-Darfoer dorp te bewerkstellig.

VN/AU onderhandelaar, Djbril Bassole het beplan om na naburige Tsjaad te vlieg om rebelle leiers te ontmoet, het hy gesê.сауна русские бани topcargo развод

Israel en Hamas weer aanmekaar in vergeldingsaanvalle

Maandag het Israel weer lugaanvalle uitgevoer terwyl Palestyne mortieraanvalle geloods het ten spyte van 'n skietstilstand in die Hamasbeheerde Gazastrook, maar Israel se minister van verdediging het gesê 'n wyer offensief was nie in die pyplyn nie.

In reaksie op Egipte se pogings om 'n langtermyn vredesverdrag in plek te kry het 'n Hamaswoordvoerder gesê dat hulle bereid sal wees om vyandighede te staak vir 'n jaar of meer indien 'n ooreenkoms bereik kan word om Israel se blokkade oop die Gazastrook heeltemal te lig en grensposte te heropen.

'n Israelse vliegtuig het 'n motor in Rafah in suidelike Gaza aangeval, op die Egiptiese grens, waarin een militant dood is en drie ander gewond is. Mediese beamptes het hulle geïdentifiseer as lede van die Populêre Weerstandkomitees.

Die Israelse weermag het gesê hulle teiken was 'n peloton wat twee mortiere in suidelike Israel in afgevuur het. 'n Polisiewoordvoerder het gesê dat geen skade of besering ontstaan het uit die aanvalle nie.

Sondag het Israeli vliegtuie 'n Hamas sekuriteitskompleks aangeval, asook smokkeltonnels onder die Gaza-Egipte grens.

Daar was geen beserings aangemeld in die aanvalle nie, het die Israelse weermag gesê. Die aanvalle het gevolg na omtrent 'n dosyn vuurpyle en mortiere Sondag in Israel in afgevuur is, wat twee Israelse soldate en 'n burgerlike gewond het.

Eerste minister Ehud Olmert het Sondag gesê dat buitensporige militêre reaksie sal plaasvind teen die aanhoudende vuurpylsalvo's wat Palestynse militante beskryf het as vergelding vir nuwe Israeli aanvalle.

Die minister van verdediging het wel gesê Israel sal stop net duskant 'n volskaalse oorlog.

Met Amerikaanse steun werk Egipte om 'n langtermyn vredesooreenkoms in plek te kry wat Hamas se wapensmokkelary na Gaza sal stopsit en ook kan lei tot 'n heropening van die grensposte, wat een van Hamas se vereistes is.

"Hamas is gereed om die Palestynse owerheid by die grensposte te aanvaar, insluitend die Rafah-kruising, maar het gesê dit sal 'n kosmetiese teenwoordigheid wees," het 'n senior EU diplomaat gesê. "Die vraag is of Israel dit sal aanvaar. Ek sien nie dat dit in die praktyk kan werk nie."дизайн бани

Obama se halfbroer gearresteer

George Obama, die Keniaanse halfbroer van president Barack Obama sal nie aangekla word na hy die naweek in ’n dwelmklopjag gearresteer is nie, het polisie Maandag gesê.

“Hy is gevang saam met ŉ paar ander jongmense en een van hulle was in besit van dagga gevind,” het Keniaanse polisiewoordvoerder Eric Kiraithe gesê.

“Hulle is deur die polisie ondervra, maar dit is ŉ geringe oortreding.”

George Obama is Saterdag in die Keniaanse krotbuurt Huruma gearresteer. Hy sê dat hy aktief is in jeuggroepe en opleiding ontvang om ŉ werktuigkundige te word.

Sy storie het verlede Augustus groot opgewondenheid veroorsaak toe die Italiaanse uitgawe van Vanity Fair hom opgespoor het en beweer het dat hy op minder as ŉ dollar per dag lewe.

Amerikaanse konserwatiewe politici het probeer om die berigte te gebruik in aanvalle op Barack Obama in sy verkiesingsveldtog.

Die twee mans het dieselfde pa, Barack Obama Senior, hoewel nie een van hulle hom eintlik goed geken het nie.

Barack Obama Senior het padgegee toe sy seun net ŉ kleuter was en twee dekades later eers vir George Obama gekry. Hy is in ŉ motorongeluk dood in 1983 toe George net 6 maande oud was.

President Obama word as ŉ held gesien in Kenia, waar baie van sy uitgebreide familie steeds in ŉ klein dorpie, Kogelo woon.

Hy het die Oos-Afrikaland slegs ŉ paar keer besoek.мойка оборудования Александр Фильчаков

ANK blaas spanning aan

Die ANK is “opsetlik besig om politieke spanning te verhoog” deur politieke saamtrekke te hou naby groot saamtrekke van ander politieke partye, het die UDM Maandag gesê.

“Die ANK moet hulle opsetlike strategie om wedywerende saamtrekke so naby as moontlik aan ander partye se groot saamtrekke, heroorweeg,” het die UDM-leier Bantu Holomisa Maandag in ŉ verklaring gesê.

Die party beweer dat die ANK dit gedoen het tydens ŉ groot saamtrek verlede maand in Mthatha, toe die verkiesingsmanifes bekendgestel is deur die KVP in Port Elizabeth, en met die IVP saamtrek verlede naweek.

“Die strategie blyk opsetlik te wees om politieke spanning te verhoog.”

Die party het die geweld by Nongoma in KwaZulu-Natal die naweek veroordeel en simpatie uitgespreek aan die familie van die beseerdes.

Die Christen Demokratiese Alliansie het ook kommer uitgespreek oor die naweek se geweld.

“Mens kan die insidente oor die naweek vergelyk as soortgelyk aan die swak sportmansinsidente van vroeër, soos om die KVP se pogings om ŉ plek te huur vir vergaderings in die wiele te probeer ry,” het konstitusionele woordvoerder Colin Fibiger gesê, wat ook ’n lid is van die CDA leierskapforum.

Drie ANK lede, insluitend ŉ Zoeloe-koninklike is geskiet en gewond in noordelike KZN toe hulle Sondagaand van ŉ ANK saamtrek af gereis het.

Ses ander is aangerand toe busse wat ANK-lede vervoer het met klippe bestook is, klaarblyklik deur IVP-lede, iets wat deur die IVP ontken word.

Beide die ANK en IVP het Maandagoggend kort persverklarings oor die insident gehou.Фильчаков прокурор

Vryheidsfront Plus hou van Potchefstroomskikking

Conrad Beyers

Die Vryheidsfront Plus het gesê dat dieselfde tipe politeke oplossing wat in Potchefstroom gevind is om die naamkwessie op te los, ook tussen inwoners van Pretoria en die Tshwane metroraad gevind moet word.

Volgens berigte is ‘n ooreenkoms tussen alle belanghebbendes in Potchefstroom bereik wat behels dat die stadsraad se naam Tlokwe sal heet, maar die geografiese naam Potchefstroom steeds behoue sal bly.

Volgens dr. Conrad Beyers, VF Plus-stadsraadslid, behoort die oplossing wat in Potchefstroom gevind is vir Pretoria asook die groter Tshwane metroraadsgebied as voorbeeld te dien van hoe die naamkwessie ontlont kan word.

“Die Vryheidsfront Plus is bereid om te aanvaar dat die munisipale gebied as Tshwane bekendstaan, terwyl die hoofstad as geografiese gebied die naam Pretoria behou. Daar moet konsekwent opgetree word – Pretoria se naam behoort nie anders as Potchefstroom behandel te word nie”, het Beyers gesê.

Die Vryheidsfront Plus het ‘n beroep op belanghebbendes in Pretoria gedoen om die geveg vir die behoud van Pretoria se naam te verskerp. “Dit blyk asof die Potcheftroom / Tlokwe-geskil opgelos is nadat gesprekke met mnr. Jacob Zuma en ander ampsdraers van die ANC gevoer is terwyl hulle Potchefstroom besoek het. Pretorianers sal dieselfde tipe gesprekke moet voer om die naam van die hoofstad te red.”

Om die w?reld se grootste mynveld op te pas

Terwyl landmyne tegnies gesproke steeds verban is, is daar steeds baie van die goed in gebruik, en die gebied wat die swaarste bemyn is, is Korea. Die mynverbodooreenkoms het in 1999 inwerking getree, maar 42 lande het nie saamgestem met die verbod op die vervaardiging, opgaar en gebruik van teenpersoneelmyne nie. Lande wat nie ingestem het nie sluit in Sjina, Indië, Pakistan, Rusland, Suid-Korea en Amerika. Dit sluit in die groot vervaardigers van landmyne sowel as dié wat dit steeds aanwend.

Suid-Korea het omtrent ‘n miljoen landmyne wat geplaas is in die DMZ (gedemilitariseerde sone) tussen Noord- en Suid-Korea. Amerika en Suid-Korea het nog amper 2 miljoen myne in voorraad, net vir ingeval Noord-Korea weer probeer om ‘n inval te doen (soos hulle in 1950 gedoen het.) Noord-Korea weier om te sê hoeveel myne hulle geplant het, maar dit is waarskynlik ‘n hele paar honderd duisend.

Suid-Korea moes begin om myne, wat te oud raak om te werk, te vervang met ‘n nuwer geslag afstandbeheerde myne. Baie van die meer onlangse myne wat Suid-Korea begin opgaar het, is die tipe wat selfvernietig na ‘n sekere tyd nadat dit geplant is. Suid-Korea het begin planne maak om al die myne wat hulle geplant het oor die laaste drie jaar weer op te ruim, aangesien dit voorkom dat die kommunistiese regering van Noord-Korea binnekort tot ‘n val sal kom, en die myne en die Gedemilitariseerde Sone dan nutteloos sal word.солидолонагнетатели