Dan Roodt, Author at praag.co.za

Helen Suzman se Afrikanerjuigkommando

Dis seker gebruiklik dat politici by hul afsterwe lof toegeswaai word. Die manier waarop 'n waaragtige Afrikanerjuigkommando egter hul klakkelose bewondering vir mev. Helen Suzman betuig het, behoef verdere kommentaar.

Sowel FW de Klerk as Beeld, die eertydse mondstuk van die NP in die Transvaal, skep die indruk in onderskeidelik 'n verklaring en 'n hoofartikel dat hulle dit al die jare eens was met mev. Suzman.

Die eerste, ooglopende vraag wat opkom, is: Indien mnr. De Klerk, asook Beeld, al die jare so oortuig was dat mev. Suzman se siening van Suid-Afrika as 'n groot versameling hoofsaaklik Engelssprekende individue die korrekte was, waarom het mnr. De Klerk nie al destyds uit die NP bedank en by die destydse Progge aangesluit nie? Dieselfde geld vir Beeld wat destyds gal gebraak het oor die Progge, maar wat nou ewe vroom voorgee asof die koerant al in die sewentiger- en tagtigerjare die liberale lig gesien het.

Trouens, dis te betwyfel of Beeld hoegenaamd 'n snars begryp van die klassieke liberale tradisie, want die koerant ly steeds aan die "eenwaarheid"-sindroom en verdra geen daadwerklike debat of kritiek teen die huidige, twyfelagtige bestel nie.

Helaas het die meeste Progge, soos Alan Paton se weduwee, intussen verkies om te emigreer, eerder as om die geweldsmisdaad, korrupsie, riool in die drinkwater en ander probleme van Suid-Afrikaanse "demokrasie" te verduur.

Die ander enorme stuk ironie van mev. Suzman se dood, is natuurlik dat sy 'n private Joodse begrafnis verkies het. As een van die liberale Engelstalige politici wat dit hul hardkoppige gewoonte gemaak het om etnisiteit as 'n politieke faktor in Suid-Afrika te ontken, lyk dit na 'n wanklinkende teenstrydigheid vir mev. Suzman om tydens 'n etniese begrafnis ter aarde bestel te word.

to win

2009 is ons jaar

Die jaar 2009, lyk dit vir my, gaan aan die kant van die Afrikaner wees. Ons moet net nie gras onder ons voete laat groei nie.

Daar kom al hoe meer geluide uit Afrikanergeledere, dat ons moet verenig. Natuurlik is dit belangrik, maar ons moet net sorg dat die liberaliste, sosialiste en kommuniste onder ons nie die pas aandui nie. Al is die VF+ 'n klein party, en al stem die meeste Afrikaners soos 'n klomp idiote vir die DA, wat nog nooit in sy lewe iets goeds vir die Afrikaner of sy taal gedoen het nie, is dit belangrik dat ons wat eendersdenkend is, sal saamstaan.

Die Europese Unie staan nou onder nuwe voorsitterskap; die VF+ het daarin geslaag om die Afrikaner – vir die eerste keer in dekades – op die internasionale kaart te kry; en daar is groeiende geesdrif onder Afrikaners om te konsolideer.

Ek doen 'n beroep op Afrikaners om in alle "doen en late" die eenheidsgedagte – "Eendracht maakt macht" – in gedagte te hou. Ons land is nie meer tot die grense van die RSA beperk nie, ons volk is oor die hele aarde versprei, en ons bewoon nou die hele aarde.

Maar,… dit is nog steeds nodig dat ons 'n gedeelte van ons vaderland fisies sal beset. Pretoria, Orania, Lambertsbaai, Mosselbaai, Jeffreysbaai, Richardsbaai of waar ook al, laat ons mekaar ondersteun daar waar reeds sukses is, of waar die beloftes vir sukses groot is.

Onthou, demografie was nog altyd die Afrikaner se groot vyand! Laat ons saamstaan en konsolideer.

Winde van verandering in Wes-Europa

Jacob Mouw

Die aktuele nuusberig oor die geniale Nederlander Geert Wilders verwys.

David Horowitz is 'n invloedryke meningsvormer van die VSA, en met die direkte steun en beskerming van Israel, is dit vir my as gebore Nederlander wat die publieke opinie in my kultuurbodem intiem ken, 'n seker saak dat Geert Wilders bestem is om binnekort die premier van Nederland te word en as sulks ook uiteindelik die roterende EU-presidentpos te beklee.

Harold Macmillan het Verwoerd gewaarsku oor die winde van verandering wat oor Afrika en Apartheid-Suid-Afrika sou waai, maar nou waai die winde van verandering oor Wes-Europa.

Verwoerd het geglo dat die gety in die Weste sou draai, en met Geert Wilders is dit tans besig om siender oe te gebeur!

Nasionalistiese Afrikanerleiers mag nie hierdie gigantiese geleentheid laat verbygaan nie. Afrikaans is baie naby aan die Nederlandse taal en Afrikaners is deel van die Westerse kultuur. Trouens, Afrikaners kan met reg aanspraak maak op die personifikasie van die Christelike gedeelte in die benaming van ons "Joods-Christelike" Beskawing.

In die prakryk kan hul as Nederlands-Westerse Kultuurgroep by die 185-kommissie registreer, om sodoende tot Geert Wilders se boodskap by te dra.

Geert Wilders se Party Voor Vryheid in Afrikaans staan ook vir Party Vir Vryheid.

'n Plaaslike Afrikaanse tak van die PVV in Suid-Afrika is finansieel moontlik met die strategiese oor van die Israel-ambassade in Pretoria en die simpatieke steun van mede-blanke Joodse Westerlinge in Suid-Afrika, noudat die volkstaat Israel as die Oosterse bakermat van die Westerse beskawing en volksdemokrasie, deur die ANC en ander liberales in die openbaar en die VN-Veiligheidsraad veroordeel word weens Israel se noodweeroptrede teen radikale Islamofasciste en anti-sekulêre Koranterroriste in Gasa.

Is Geert Wilders die Nederlandssprekende De la Rey wat die Boere sal lei?

Google "Geert Wilders Wiki" en besluit self, maar een feit kan Afrikaners so lank in klip uitkap: Geert Wilders gaan glad nie vermoor word nie, maar pro-Afrikaner-premier van Nederland, en pro-Afrikaner-president van die Europese Unie word.

U het dit eerste op www.praag.co.za gelees.

Sjina ‘bekommerd’ oor Israelse eskalering in Gasa

Hoe Sjintao

Die Sjinese president, Hoe Sjintao het sy "kommer" uitgespreek oor die toenemendekonflik tussen Israel en die Palestyne, het die amptelike Xinhua-nuusagentskap Maandag berig.

In 'n telefoongesprek met president George W. Bush Sondag, het Hoe "kommer uitgespreek oor die toenemende konflik tussen die Palestyne en die Israeli's en die toenemende turbulensie in die Midde-Ooste," het die ministerie van buitelandse sake in 'n verklaring gesê.

Hoe het aan Israel se belangrikste bondgenoot gesê dat hy baie bekommerd is oor die humanitêre krisis in die Gasastrook.

Sjina het 'n beroep gedoen op alle betrokke partye "om die militêre aksie en gewapende konflikte te staak, om die spanning te laat afneem in die streek en toestande te skep vir 'n oplossing van die konflik deur politieke metodes," is hy Hoe aangehaal.

Bush het Hoe ingelig dat Amerika se minister van buitelandse sake, Gondoleezza Rice, 'n besoek aan Sjina gaan kanselleer om te fokus op die Gasa-krisis.

Rice het 'n besoek beplan om die vieringe van 30 jaar se diplomatieke bande tussen die twee lande by te woon.

'n Woordvoerder vir die ministerie van buitelandse sake, Qin Gang, het aangedui dat hulle die besluit heeltemal verstaan, het Xinhua gesê.

игрушки на годик

Deflasie van SA eiendomspryse vererger

Huisprysdeflasie op 'n jaargrondslag het in Desember vererger tot -1,7%, het Eerste Nasionale Bank Maandag gesê toe hulle die huisprysindeks vrygestel het.

Huisprysinflasie vir 2008 is gemiddeld 5,2% beter vanweë beter omstandighede vroeg in verlede jaar.

Vir 2008 as 'n geheel was die gemiddelde huisprys R748 591, wat 5,2% hoër was as die R711 591 vir 2007.

Die gemiddelde prysinflasievlak vir die jaar was heelwat laer as die 11,2%-gemiddeld vir 2007 en verteenwoordig die vierde jaar waartydens huisprystoename verswak het van die 29,5%-vlak wat in 2004 behaal is, "wat die topjaar was in die mees onlangse behuisingsbloeitydperk," het ENB gesê.

Dit wil voorkom asof die mark vir twee slaapkamerhuise en kleiner die swakplek verteenwoordig, het die bank gesê.

Vir die vierde kwartaal van 2008 het die gemiddelde tweeslaapkamerhuisprys (R332 000) met 9,6% afgeneem wat 'n jaar-tot-jaarvergelyking betref.

"Dit verteenwoordig 'n daling van 6,5% jaar-tot-jaardeflasie in die vorige kwartaal," het ENB gesê.

Die deeltitel "twee slaapkamer en kleiner"-mark het effens beter gevaar maar ook in die gemiddelde prysdeflasie inbeweeg in die finale kwartaal van 2008, het FNB gesê.

Die gemiddelde prys van deeltiteltweeslaapkamerhuise (R612 072) het met 0,4% gedaal op 'n jaar-tot-jaarbasis, terwyl die gemiddelde prys van deeltiteleenhede wat kleiner is as twee slaapkamers (R434 535) met 0,2% gedaal het.

ENB het gevind dat die drie slaapkamermark stewiger voorkom in vergelyking en steeds in die enkelsyferprysinflasie verkeer, hoewel dit ook 'n verstadigende neiging toon.

Zuma trou vir 5de keer

Bruidegom Zuma

ANC president Jacob Zuma beplan om met 'n vyfde vrou te trou, het die Natal Mercury Maandag berig.

Zuma het reeds die lobola betaal vir sy verloofde, Thobeka Mabhija, wat beskryf word as 'n Durbanse sosiale vlinder.

Presies 'n jaar nadat hy met sy vierde vrou getrou het, gaan sy toekomstige bruid Maandag geskenke aan sy familie oorhandig by sy huis in Nkandla.

Die bruidsgeskenke sal items soos kos en tradisionele alkohol insluit.

'n Zoeloe-kultuurkenner, Mpume Mbatha, het gesê dit is die finale stadium in die voorbereiding, met die bruid se familie wat simbolies dankie sê vir die bruidegom se familie vir die lobola wat betaal is.

Bronne naby die familie het gesê dat die funksie Maandag sal plaasvind.

Zuma se broer, Michael, wat bevestig het dat die Mabhijas geskenke sal gee, het gesê dat dit "een van die dae" sal gebeur.

Die ANC se Karl Niehaus het aan die koerant gesê dat daar geen waarheid in die gerug steek nie. Die ANC se KwaZulu-Natalse provinsiale sekretaris, Senzo Mchunu, was nie vir kommentaar beskikbaar nie.

Presies 'n jaar gelede het Zuma met sy vierde vrou, Nompumelelo Ntuli by sy woning in Nkandla getrou.

ролики цена Лобановский

20 weens betoging in Limpopo aangekeer

Die polisie in Limpopo het Sondagoggend 20 mense gearresteer in Jane Furse gedurende 'n betoging oor dienslewering.

Superintendent Mohale Ramatseba het gesê hulle is gearresteer vir openbare geweld en opsetlike saakbeskadiging nadat Mamone-inwoners die Lebowakgomo-Nebo-pad met klippe en brandende bande afgesper het.

Een van hulle griewe wat hulle gehad het, was 'n teerpad wat nie gebou is in Mamone nie.

Hulle is gevra om uitmekaar te gaan en toe hulle nie daaraan gehoor gegee het nie, het die polisie rubberkoeëls gebruik.

Die pad is reeds skoongemaak en nog inhegtenisnames word verwag.

что такое аир флоу Лобановский

Zanu-PF praat met Mufamadi

Sydney Mufamadi

'n Nuwe Zimbabwiese regering sal teen die einde van Februarie 2009 in plek wees, het die regerende party die naweek tydens 'n vergadering in Suid-Afrika gesê.

Die Harare-gebaseerde Herald Online het Maandag berig dat 'n senior Zanu-PF-beampte, Nicolas Goche, die Suid-Afrikaanse onderhandelaar Sydney Mufamadi Saterdag in Musina ontmoet het.

Goche, wat Zanu-PF se sekretaris vir nasionale veiligheid in die staatsdiensministerie is, het "Thabo Mbeki se Suid-Afrikaanse fasiliteringsspan ontmoet om die jongste ontwikkelinge te bespreek en ook hoe om voort te gaan," het die Herald Online berig.

Hy het gesê Zimbabwe se langdienende leier, Robert Mugabe, sal voortgaan met die vorming van 'n nuwe regering met die volle steun van die SAOG.

Die SAOG het verlede jaar voormalige president Mbeki aangewys om te fasiliteer in die samestelling van 'n regering van nasionale eenheid in die krisisgeteisterde Zimbabwe.

"Bronne na aan die ontwikkelinge het gesê dat 'n regering heel waarskynlik in plek sal wees teen die einde van Februarie," het die Herald Online berig.

"Goche het Saterdag die Suid-Afrikaners ontmoet as deel van die poging om seker te maak dat die hoofstuk nou vir eens en vir altyd afgesluit kan word, sodat alle Zimbabwiërs kan aanbeweeg," het 'n bron aan die koerant vertel.

Die Zimbabwiese opposisieleier, Morgan Tsvangirai, het aangedring dat hy net die pos as eerste minister in die nuwe regering sal aanvaar indien alle verskille met Zanu-PF uit die weg geruim is.

построить сауну цена

Wiskunde-apartheid?

Soos 'n hoofartikel hier op die Praagwerf uitwys, moet mens die matriekuitslae met 'n groot sak sout opneem. Nie net word uitslae "aangepas" (lees "gekook") nie, maar ook is dit duidelik dat die standaard veral in 2008 heelwat laer was as in die onlangse verlede, om nie te praat van 20 jaar gelede s'n nie. Die aantal onderskeidings het "onverklaarbaar" die hoogte in geskiet (dis nou as mens so naïef wil wees om die blatante politieke inmengery wat lei tot verlaagde standaarde moedswillig te ignoreer.)

Dit is veral so met wiskunde. Die topleerlinge het skielik 'n hele aantal onderskeidings behaal, meer as voorheen, maar aan die ander kant van die prestasiekurwe het dinge maar beroerd gegaan. Dis 'n vreemde verskynsel, nie waar nie? Duidelik het die vak se vraestelle makliker geword, al het die vak verander, maar andersyds is daar sommiges wat skynbaar moeilik aanpas by verandering en hulle het heelwat swakker gevaar, ten spyte van die makliker vraestel.

Laat ek eerder die versoeking weerstaan om hierdie aanpassingsprobleme in verband te wil bring met kultuur, algemene aanpasbaarheid, intelligensie en 'n gebrek aan toekomsvisie en vindingrykheid.

Bogenoemde onderskeidings beteken egter min in internasionale terme. Suid-Afrika se skoolleerlinge kom telkens heel laaste in internasionale toetse, veral in wiskunde. Lande soos Finland en Singapoer kraai dikwels koning.

Volgens Beeld is daar nou oproepe vir 'n aanvullende vraestel vir toppresteerders, omdat die topleerlinge waarskynlik in 2009 nóg beter gaan doen met wat slegs gesien kan word as 'n substandaard-moeilikhheidsgraad. Volgens die berig in Beeld is die huidige vraestel nie ‘n genoegsame uitdaging vir topleerlinge nie en berei dit hulle nie voor vir die uitdagings wat wiskunde op universiteit stel nie.

Só ‘n aanvullende vraestel is 'n interessante voorstel en dit moet immers ‘n doel hê. Een doel kan wees om die keuring vir studievelde soos medies, rekeningkunde en ingenieurswese te vergemaklik of om voornemende werkgewers ‘n beter idee te gee oor ‘n kandidaat se ware vermoëns. En dis net hier waar die politieke teenstand gaan inkom.

Soos gesien in die huidige uitslae, is die topleerlinge in matriek meestal Afrikaners en ander blankes, al verteenwoordig hulle ‘n klein minderheid. Dit kan met gróót sekerheid voorspel word dat ‘n buitensporige deel van diegene wat sou kwalifiseer vir so ‘n aanvullende vraestel, ook Afrikaners gaan wees.

Wat gaan Cosatu of die ANCYL se reaksie wees as 90% van diegene wat hierdie vraestel skryf, blankes en spesifiek Afrikaners gaan wees? Gaan ons weer krete van “rassisme” moet aanhoor wanneer 90% van diegene wat op grond van prestasie kwalifiseer vir mediese studie blankes is?

Фильчаков Харьков

Bekendes by Suzman-begrafnis

Die bekende liberale politikus, Helen Suzman, wat op Nuwejaarsdag oorlede is, is Sondag in 'n privaat Joodse seremonie begrawe wat deur toppolitici en goeie vriende bygewoon is.

Onder die roubeklaers was 'n voormalige SA president, F.W. de Klerk, die huidige president Kgalema Motlanthe, Winnie Mandela en die leier van die opposisieparty, Helen Zille.

"Ek het met haar gepraat 'n paar weke voor haar dood en sy was baie bekommerd oor die huidige toestand van die politiek in die land," het F.W. de Klerk gesê.

"Sy was een van Suid-Afrika se grootste ikone," het hy bygevoeg.

Suzman, die dogter van wit Joodse immigrante, het in die Suid-Afrikaanse wetgewer gedien van 1953 tot 1989 – 'n eensame stem wat in die parlement teen minderheidsregering gestry het.

Sy is rustig oorlede by haar huis in Illovo in Johannesburg.

"Suzman was my mentor gewees, sy was gekant teen die vergrype deur die ou regering, sy was ook gekant teen die huidige magsvergrype deur die ANC-regering," het Helen Zille gesê.

Die prominente linkse advokaat, George Bizos, wat voormalige president Nelson Mandela verteenwoordig het by sy hoogverraadverhoor, het Suzman beskryf as 'n ikoon wat aanhoudend gestry het vir gelyke regte gedurende 'n moeilike tydperk.

"Sy het geweet dat sy nooit al die land se probleme kon oplos nie, maar sy het nooit moed opgegee nie," het Bizos gesê.

Die kleinerige Suzman is gebore in Germiston, oos van Johannesburg op 7 November 1917, die dogter van Samuel en Frieda Gavronsky, beide Joodse immigrante vanuit Litoue.

Sy het haar debatte benut om teen gedwonge verskuiwings te stry, asook rasseongelykhede, die erosie van die wet, die doodstraf, marteling, sensorskap, polisiewreedheid en ander kenmerke van "wit minderheidsregering".

Sy is twee keer genomineer vir die Nobelvredesprys en het in 1978 die VN-toekenning vir menseregte ontvang.

'n Openbare gedenkdiens ter ere van haar sal oor 'n paar weke gehou word, het haar familie gesê.

насосной станции topcargo отзывы