Die skandaal rondom die ‘inligtingskandaal’

Voor die uittrede van minister “Pik” Botha as destydse minister van buitelandse sake, het hy met groot sorg die geskiedenis van buitelandse sake laat skryf. Groot was my verbasing dat daar in hierdie belangrike stuk werk nie ‘n woord gerep word oor twee hoofdirektorate onder mnr. Botha wat koverte projekte bedryf het nie. Hierdie stand van sake het die hele inligting-”skandaal” in herinnering geroep.

Die inligtingtragedie van die tagtigerjare het die direkte gevolg gehad om die befaamde generaal Hendrik van den Berg (hoof van die nasionale intelligensiediens) en die belasterde drs. Connie Mulder (minister van inligting) en Eschel Rhoodie (direkteurgeneraal van inligting) te onttroon. Die verdere gevolge van die “skandaal” was dat president John Vorster in oneer deur die staatsgreep uit die mag gestel is. Minister Connie Mulder moes bedank. Voor dit was hy die kroonprins van die Nasionale Party. Dr. Eschel Rhoodie het eers landuit gevlug, is in Frankryk gearresteer (sonder om sy vrou in te lig wat iewers in ‘n hotel tevergeefs op hom sit en wag het), hier in Potgieterstraat in die tronk gesmyt, later onskuldig bevind en is per eersteklasvliegkaartjie terug na Europa. Veel later het hy weens ‘n hartaanval op ‘n tennisbaan in Amerika gesterf, ver van die land waarvoor hy op ‘n stadium alles gegee het.

Die Vorster/Van den Berg/Mulder-era is opgevolg deur P.W. Botha en R.F. Botha. Dit het bekend gestaan as “die coup van die Bothas” en wraak van Robert Charles Barry, die toenmalige ouditeur, kontroleurgeneraal en voorganger van Rhoodie by inligting. Een militêre vuis, die vuis van Vorster se veiligheidspolisie, is vervang deur die sekurikrate (die weermag en sekretariaat van die staatsveiligheidsraad). Hierdie omruiling van die mag het ook uiteindelik sy logiese uiteinde in die politieke kapitulasie van F.W. de Klerk, die vrylating van Nelson Mandela en oorname deur die ANC gevind.

Die beweegrede vir die oorname van die Bothas en die vernietiging van Vorster en Mulder deur die Bothas het rondom die geheime projekte van Eschel Rhoodie en sy inligtingsdepartement gedraai. Suid-Afrika was die skyf van die kommunisme in die Koue Oorlog tussen Oos en Wes. “Pik” Botha se buitelandsesakedepartement – of die streepbroekbrigades, soos hulle geheet het, is nie vertrou om die politieke boodskap van afsonderlike vryhede effektief te bemark nie. Daarom is die departement van inligting in die binne- en buiteland ontplooi, om as propaganda-arm die politieke boodskap van afsonderlike vryhede te verwoord. Die department van inligting se werksaamhede is egter nie deur die Wet op amptelike geheime gedek nie en om dit deur wetgewing te doen, sou slapende honde wakker maak. Daarom moes ‘n ander weg gevind word. Hierdie weg was die geheime rekening van die Weermag. Die ambisieuse P.W. Botha en opponent van Connie Mulder was die betrokke minister.

Die hooftaak van die inligtingsmanne by buitelandse missies was die bemarking van die politiek van afsonderlike ontwikkeling. Bemarking moes met konvensionele asook onkonvensionele metodes geskied. Politieke fronte is wêreldwyd tot stand gebing. Agente is onplooi en miljoene rande is in ‘n veldtog, wat op sielkundige oorlogvoering neergekom het, geïnvesteer.

Met R.F. Botha aan die politieke stuur van buitelandse sake is die inligtingsmanne teen wil en dank by missies aanvaar, maar altyd as tweederangse diplomate hanteer. Inligtingsmanne is as attachés, of aangelaptes, ontvang. Hier en daar was daar ‘n raad en in ander gevalle ‘n residentminister (‘n diplomatieke titel hoër as dié van ‘n raadgewer) op die diensstaat van ‘n ambassade aangestel, maar die tweede-in-bevel was deurgaans ‘n streepbroekdiplomaat van buitelandse sake. Die teenkant van die munt was natuurlik dat hoofde van missies grootliks in die duister was oor die “politieke” doen en late van inligtingsmanne. Dit is aan die diskresie van inligtingshoofde oorgelaat om die hoofde van missies in te lig, as en wanneer nodig.

Onder die leiding van die dinamiese Eschel Rhoodie het die departement van inligting, ondersteun deur generaal Hendrik van den Berg se nasionale intelligensiediens, as ‘n effektiewe propaganda-instrument ontwikkel. Die moreel onder die amptenare was hoog. Die departement is uitgebou as ‘n alternatiewe “departement van buitelandse sake”. As en wanneer B.J. Vorster die mag sou oorgee aan Connie Mulder, waarna Connie Mulder vir Eschel Rhoodie sy minister van buitelandse sake sou maak, is wyd en syd gespekuleer.

Onder die leiding van die Rhoodie-broers en onder aansporing van Connie Mulder is gesoek na ‘n alternatiewe politieke beleid, wat konsosiatiewe demokrasie, Lijphart se model, geheet het.

Die wêreldwye aanslag teen SA het natuurlik in die guns van die departement van inligting getel. Die ANC het inmiddels geslaag, om met die hulp van Westerse moondhede apartheid tot ‘n “misdaad teen die mensdom” te verklaar. Die boodskap wat menige ambassadeur deur minister Botha na die kabinet gestuur het, was dat die wêreldwye aanslag teen SA kan lei tot internasionale sanksies en selfs die blokkade van Suid-Afrikaanse vliegtuie en skepe. Dus ‘n totale isolasie van die land.

Die departement van inligting was egter die voorstander van ‘n idee dat SA net deur onkonvensionele metodes gered kon word. Dit het behels:

  • Die skepping van geheime frontorganisasies in die belangrikste Westerse lande.
  • Die geheime ontplooiing van agente, wat politici en joernaliste, in die buiteland ingesluit het.
  • ‘n Uitgebreide gasteprogram om buitelandse meningsvormers te toon welke projekte in die binneland van stapel gestuur is om swartes vanuit hul armoede en onderontwikkeling op te hef.

Soos te verstaan, is agente en medewerkers in harde kontant betaal, maar is kwitansies nie gevra nie. Watter buitelanders sou dan meewerk as dit ‘n vereiste was?

Die swak skakel of Achilleshiel in die operasionele raamwerk van die inligtingsdepartment was dat die geheime fondse deur die Weermag gekanaliseer is. Die politieke vyande van Vorster, Mulder en Rhoodie sou hierdie swakte in die politieke magspel tot eie voordeel uitbuit. Na bewering is projekte en dokumente na die media gelek. Op hierdie stadium is dit miskien ongewens om nadere besonderhede oor die personalia en taktiek van die politieke oorname te gee. Feit is dat die Bothas oorgeneem het en dat die buitelandse komponent van die voormalige departement van inligting deur die departement van buitelandse sake opgeneem is.

Die logiese verwagting is natuurlik dat alle voormalige geheime projekte gesluit sou word. Nee, inteendeel, die ambisieuse “Pik” Botha het genoeg politieke slinksheid en diepte gehad om te weet dat hy nou die alleenverantwoordelikheid vir die politieke oorlewing van SA in die buiteland dra. Derhalwe moes die koverte projekte gewoon voortgaan en in intensiteit verhoog! In die reorganisasie van buitelandse sake is die volgende koverte hoofdirektorate tot stand gebring:

  • Hoofdirektoraat strategiese beplanning met as opdrag die diskreditering van die ANC en van bevrydingsteoloë; en
  • hoofdirektoraat ekonomiese projekte, om desinvestering teen te werk.

Hierdie hoofdirektorate is stelselmatig mee weggedoen toe die klok vir die Nasionale Party in die onderhandelingspolitiek gelui en die grafskrif ook vir buitelandse sake geskryf is. Hier rondom 1992 is die dokumente van beide hoofdirektorate op groot skaal vernietig en het politieke geheueverlies oorgeneem. Derhalwe is die dokumente nie tot die beskikking gestel van diegene wat die geskiedenis van buitelandse sake geskryf het nie.

Om puntjie by paaltjie te plaas: die vermeende inligting-”skandaal” van die tagtigerjare is deur ‘n ware skandaal in die negentigerjare opgevolg. Tot dusver het geen haan daarna gekraai nie.

для девочек игриФільчаков прокурор

Held sterf nadat hy rower skiet

Durban – ’n Man is dood en drie ander ernstig gewond tydens ’n skietery wat tussen omstanders en gewapende mans uitgebreek het tydens ‘n gepoogde rooftog op ‘n hengelwinkel.

Jeff Wicks, woordvoerder van Netcare 911, het gesê die skietery het gister in Sidarweg losgebreek.

Twee mans het Bills Fish Tackle-winkel binnegegaan en die werknemers met vuurwapens gedreig, waarna hulle met R2 000 kontant en voorraad, weggehardloop het. 

“’n Omstander wat gesien het wat gebeur het, het ‘n vuurwapen uitgeruk en een van die skurke twee keer in die maag geskiet,” het Wicks gesê.

Wicks het gesê die man het toe saam met nóg twee omstanders, die vlugtende rowers in ‘n bakkie agterna gesit.

Die rowers het hulle in ‘n paarkeerarea ingewag en op hulle gevuur.

Die man wat die eerste rower geskiet het, is noodlottig getref.

“Hy is deur paramedici aan die bestuurderskant van die bakkie in ‘n plas bloed gevind, en het gesterf weens ‘n skietwond in die mond en bors.

“Die twee ander mans is na onderskeidelik die Wentworth-hospitaal en die Bluff mediese sentrum geneem voor paramedici op die toneel verskyn het. Die man wat die bakkie bestuur het, is in ‘n ernstige maar stabiele toestand in die Wentworth hospitaal en ontvang behandeling.”

‘n Derde man veg vir sy lewe in die hospitaal maar daar word nie verwag dat hy sal oorleef nie.

Die polisie soek tans na die rowers wat gevlug het.

Die toestand van die rower wat geskiet is, is nie bekend nie. 

play slots freeФильчаков прокурор

Meer haatmisdade in die VSA gerapporteer

Verslae van haatmisdade teen homoseksueles en godsdiensgroepe het skerp gestyg in 2008, volgens data van die FBI wat gister vrygestel is.

Oor die geheel het gerapporteerde haatmisdade met omtrent twee persent toegeneem. Dieslefde syfers toon ‘n amper 11 persent styging in haatmisdade gebaseer op seksuele oriëntasie en ‘n bykanse nege persent gebaseer op godsdiens.

Die grootste kategorie, rasgemotiveerde haatmisdade, het met minder as een persent gedaal.

Joe Solmonese, die president van Menseregte Veldtog, die grootste Amerikaanse homoseksuele-regte groep, het die getalle onaanvaarbaar genoem en gesê dit toon ‘n noodsaaklikheid vir die uitbreiding van die federale haatmisdaadwet wat verlede maand deur president Barack Obama geteken is.

Onder al die kategorieë van haatmisdade hou omtrent ‘n derde verband met vandalisme of saakbeskadiging. Omtrent dertig persent sluit intimidasie van een of ander aard in en nog dertig persent is fisiese aanvalle.

Brian Levin, direkteur van die Sentrum vir die Studie van Haat en Ekstremisme by die Universiteit van Kalifornië in San Bernadino waarsku dat die getalle misleidend kan wees omdat sekere state soos Kalifornië, Nieu Jersey en Ohio die getalle nougeset aanmeld, terwyl ander – Georgia, Hawaii, Mississippi en Pennsylvania – dit nie doen nie.

Konserwatiewe kommentators wys ook uit dat die praktiese toepassing van die wet nie voorsiening maak vir sogenaamde haatmisdade wat deur anderskleuriges teenoor blankes gepleeg word nie.

 

справки 086уФильчаков прокурор

Duitsers herstel hoogspringrekord van 1936

Duitsland se atletiekvereniging het ‘n hoogspringrekord van 1936 in ere herstel aan Gretel Bergmann wat daarvan gestroop was en van daardie jaar se Berlynse Olimpiese Spele deur die Nazi’s verban is omdat sy ‘n Jodin was.

Die vereniging sê in ‘n verklaring dat die gebaar om Bergmann se sprong van 1,60 meter in die rekordboeke te herstel “op geen manier kan opmaak” vir die verlede nie maar dat dit “‘n daad van geregtigheid en ‘n simboliese gebaar was.”

Dit het ook versoek dat die 95-jarige Bergmann in die Duitsland se sportroemsaal ingesluit sal word.

Bergmann is in Laupheim gebore maar het in 1937 na die Verenigde State geëmigreer waar sy steeds woon.

 

pearl hair combsлобановский депутат

Twee Franse in Afrika ontvoer

Twee Franse hulpwerkers is in ‘n plofbare gebied van die Sentraal Afrika Republiek naby die grens met Tsjaad en Soedan ontvoer, het ‘n hulpgroep gister gesê.

Die twee personeellede is van die Triangle-hulpgroep van Lyon, Frankryk en is laat Sondag in Birao in die land se noordooste ontvoer, sê Christian Lombard, die groep se mededirekteur. Hy sê hy kan geen inligting oor die omstandighede of die ontvoerders verskaf nie.

Die Sentraal Afrika Republiek, een van die wêreld se armste lande, is ernstig belemmer deur gevegte in die aangrensende Darfoer-streek in Soedan. Triangle se pogings daar sluit die verbetering van watervoorrade en die bou van skole in, volgens hulle webblad.

Die Franse Buitelandse Ministerie sê hulle “verdoem hierdie kriminele optrede wat, weereens, hulpwerkers tref in ‘n streek waar NRO’s essensiële bystand aan die bevolking lewer.”

Die ministerie het ‘n oproep gedoen vir die “onvoorwaardelike en onmiddellike” vrylating van die gevangenes. In hulle verklaring sê die ministerie dat hulle en die ambassade in die Sentraal Afrika Republiek in nabye kontak is met die hulpgroep en die families van die ontvoerdes.

Die personeellede se identiteit is nie vrygestel nie.

 

винтовые компрессоры remezaФільчаков Олександр Васильович прокурор

Hamas wil gevangenes vir Israelisoldaat ruil

Hamas-leiers het hulleself gister na Egipte gehaas te midde van tekens van vooruitgang in ‘n ooreenkoms om honderde Palestynse gevangenes vir ‘n Israeli-soldaat wat vir meer as drie jaar deur die militante Islamitiese groep gevange gehou is, te ruil.

Die uitruiling kan Hamas ‘n hupstootjie ten koste van hulle sleutelopponent, die Westersondersteunde president Mahmoed Abbas gee, deels omdat een van die gevangenes wat vrygelaat sal word Marwan Barghouti, sy hoofuitdager, is.

Amptenare aan beide kante het gemaan teen oordrewe optimisme oor ‘n ooreenkoms wat nog beklink moet word. Tog lyk dit of omstandighede aan beide kante ryp word vir so ‘n ooreenkoms.

Israel en Hamas is gewikkel in aan-en-af gespreke sedert Gasa-militantes ‘n tonnel tot in Israel gegrawe en sersant Gilad Schalit in 2006 gevangene geneem het in ‘n strooptog waarin nog twee soldate gedood is. Tot onlang het die samesprekinge wat deur Egipte bemiddel word, weinig vordering opgelewer.

Die Israeli eerste minister, Benjamin Netanyahu is gretig vir ‘n deurbraak. Om Schalit huistoe te bring sal vir hom ‘n groot huishoudelike hupstoot gee en ‘n belangrike diplomatieke deurbraak verskaf in ‘n tydperk waarin die internasionale gemeenskap hom kritiseer dat hy nie genoeg doen om vrede te bevorder nie.

 

crystal tiarasОлександр Васильович Фільчаков

Medisynemaatskappy met miljoene beboet oor kanker

‘n Jurie het in Philadelphia in die VSA die Wyeth Farmaseutiese Maatskappy beveel om ongeveer R500-miljoen in strafvergoeding te betaal nadat ‘n skakel tussen borskanker en ‘n hormoonvervangingsmiddel gevind is.

Dit is volgens die prokureur vir die aansoeker, Connie Barton.

Verlede maand het die jurie omtrent R13-miljoen se skadevergoeding in die saak toegestaan en bevind dat Wyeth doelbewus bewyse van ‘n kankerskakel verdoesel het.

Die strafvergoeding vir Barton van Peoria, Illinois, is geseël gehou tot Maandag omdat ‘n ander Prempro-saak in dieselfde hofgebou aan die gang was.

‘n Segsman vir Pfizer Ing. wat onlangs Wyeth bekom het, sê die maatskappy sal die Barton-uitspraak betwis asook nog ‘n uitspraak wat Maandag aangekondig is.

Barton se saak is een van ‘n handvol Prempro-sake wat gereed staan om verhoor te word uit duisende wat regoor Amerika aanhangig gemaak is.

 

подъемникидляшиномонтажаданильченко юрій броніславович

Dlamini-Zuma bespreek nuwe migrasiebeleid met Cosatu

Minister van binnelandse sake, Nkosazana Dlamini-Zuma, gaan Cosatu Dinsdag ontmoet om die ontwikkeling van ‘n nuwe migrasiebeleid te bespreek, het ‘n departementele woordvoerder Maandag aangekondig.

Die ontmoeting met Cosatu se sentrale uitvoerende komitee kom nadat die kabinet goedkeuring verleen het aan die minister om ‘n nuwe beleid te formuleer, sê woordvoerder Ronnie Mamoepa.

“Die behoefte vir ‘n nuwe beleid is van kritiese belang sodat die regering tussen vesrkillende ekonomiese migrante en asielsoekers kan onderskei wat tot dusver opeenhopings in die prosesering van sulke aansoeke veroorsaak het,” sê Mamoepa.

Die ontmoeting met Cosatu se leierskap is deel van ‘n breër konsultasieproses waaar Dlamini-Zuma met die onderskeie rolspelers sal beraadslaag.

“Die doel is om uit te kom by ‘n konsensus oor die basiese beginsels van ‘n nuwe migrasiebeleid,” aldus Mamoepa.

Nadat die konsultasieproses voltooi is, sal die minister aanbevelings aan beide die kabinet en parlement voorlê vir goedkeuring en implementering.

 

ten play appАлександр Фильчаков прокурор

Etniese geweld vlam in DRK op

Sektariese geweld het ten minste 100 lewens geëis en 53 000 mense verdryf sedert die einde van Oktober in die Demokratiese Republiek van die Kongo se noordoostelike Orientaleprovinsie, het die VN Maandag gesê.

Verlede Vrydag is twee dorpe aangeval en in die een, Burburu, het 8 000 mense gevlug voor die aanval, volgens die VN se missie, Monuc, in die DRK. Hulle kon nie die aantal sterftes vasstel nie.

Die dorp is 150km suid van Dongo aan die oewer van die Oubangirivier wat die grens is tussen die DRK en die Kongo-Brazzaville. Dinsdag en Donderdag was daar skermutselinge in Sabasaba, 25km suidoos van Dongo waarin ongeveer 10 mense omgekom het.

Die geweld het op 29 en 30 Oktober uitgebreek tussen die Lobalastam, of die Enyele, en die Bamboma-mense, wat onderskeidelik van die dorpe Enyele en Monzaya afkomstig is, maar ook elders woon.

Die geskil tussen die etniese groepe gaan hoofsaaklik oor watergebied wat ryk is aan vis en die twis het geëskaleer na geweld.

Volgens die VN is kapmesse en wapens gebruik in die konflik.

Verskeie mense het verdrink nadat hulle gepoog het om na veiligheid in die Kongo, oorkant die Oubangirivier, te vlug.

Dongo is tans ‘n spookdorp met lyke wat besaai lê in die strate en talle huise en winkels afgebrand.

Ongeveer 53 000 mense het voor die geweld gevlug, waarvan 37 000 na die Kongo volgens die VN se hoëkommissaris vir vlugtelinge. Nog 16 000 is steeds in die DRK volgens Monuc.

Dongo se minister van binnelandse sake, Guy Inenge, het aan AFP gesê die beweegredes agter die geweld is baie dieper as net visvangregte en het dit as ‘n “rebellie” beskryf.

Volgens Inenge is ten minste 400 lede van die MLC, die hoofopposisieparty in die DRK, betrokke by die geweld.

‘n DRK-regeringswoordvoerder Lambert Mende het die Lobala se optrede as “kriminele etniese suiwering” beskryf. Volgens Monuc word “jong lede op die oomblik met behulp van kontant gewerf” om deel te neem aan die geweld.

Monuc oorweeg tans of hulle lug- of rivierpatrollies na die afgeleë gebied sal stuur “om ‘n beter prentjie van die situasie te kry” en “om te help om ‘n oplossing vir vrede te vind,” het ‘n amptenaar gesê.

 

карданные светодиодные светильникиЛобановский Харьков