Arbeid raak ‘n al groter probleem

Die amptelike werkloosheidsyfer in Suid-Afrika – volgens die kommunistiese ANC regering – is 24%. Die VN skat dit op 47% maar die werklikheid is seker oor die 50%-merk omdat die VN nie mense tel wat al opgehou het om werk te soek nie. Ook sal dit moeilik wees om al die onwettige immigrante in sulke navorsing te kan opspoor en by te tel. Hulle getalle is reeds hier by die 13 miljoen geskat. Die konsensus is nietemin dat daar baie mense sonder werk sit, en hul raak daagliks meer. Die gevolglike misdaadsyfer – ook misleidend laag geskat deur die propagandamasjien – styg ook.

Oral waar mens in dorpe kom, sit daar swartes langs die strate en “werk” soek. Meeste soek eintlik net geld, nie werk nie. Hulle sal enige klein werkie wat aan hulle uitgedeel word, tot in lengte van dae rek. Dan kom bedel hulle nog geld, kos, en ander “byvoordele” sodat hulle waaragtig die werkgewer tot op die laaste kan droogsuig. Blankes wat by verkeersligte bedel, met dalk ‘n armsalige vroutjie en kind wat op die middelmannetjie sit om verdere oortuiging van hul swaarkry te verleen, raak ook al hoe meer algemeen.

Die geskatte 800 000 blanke plakkers is ook dikwels in die nuus. Selfs oorsee verlustig die media hulle daarin om programme te maak waar die eens magtige blanke volk van Suid-Afrika nou hul heenkome in plakkerskampe moet gaan soek. Volgens berigte is die situasie in dié plekke maar benard; mense kry nie werk nie, hulle sukkel om kos op die tafel te sit, blyplek is skaars en ellende blyk die arme mense se lot in die lewe te wees.

Met die naasteliefde wat die Christen blanke meestal kenmerk, oorweeg baie werkgewers dit deesdae om werk aan behoeftige blankes te voorsien, om sodoende hul lot te verbeter of om ten minste die daaglikse las vir hulle bietjie ligter te maak. Op verskeie konserwatiewe webtuistes is daar al hoe meer advertensies of berigte waar blanke maatskappye of boerderye blankes in diens wil neem. Ook in die baie min konserwatiewe koerante in hierdie land sal mens dikwels advertensies vir blanke poste sien.

En met al hierdie verskynsels, onthou ek nog duidelik die woorde van ‘n oud-Rhodesiër wat in 1989 vir my vertel het dat die ergste ding van ‘n swart regering en van ‘n vervalle blanke staat is dat soveel blankes erger en slegter as die swartes raak. Hulle daal tot op die vlak – en dikwels laer – as ‘n slegte swarte.

Nou ja, dit het ek weer verlede week – vir die tweede keer in die afgelope drie jaar – ervaar toe ek twee blanke manne in diens neem hier op die plaas. R2000 per maand, plus twee stelle werksklere, gemeubileerde verblyf met krag en water, gratis wasgoed wat vir hulle gedoen word, selfoon, twee-rigting radio, kruideniersware en kos en drinkgoed om hulle aan die gang te kry.

In die fleur van hul lewe, 30 en 38 jaar oud. Gesond, fris, met albei hande, oë, bene, longe en ore. Alles, so het ek in my onkunde gedink, om ‘n eerlike dag se werk hier op die plaas te kan verrig. Maar helaas, die werksetiek, die werkstrots, die sin vir verantwoordelikheid, die selfdisipline, dit is ongelukkig van die meer belangrike eienskappe wat ontbreek het. Slegter as ‘n swarte sê ek jou, slegter! Sonder die vermoë om agter hulself skoon te maak en op te ruim, sonder die wil om ‘n trots in hulself te betoon, sonder inisiatief, sonder ‘n eelt of ‘n blaas op hul sagte handtjies. Siestog. Maar as hulle in die oggend inval, dan is die bakhande al reeds in plek: lugtyd, suiker, doktorsafspraak, ‘n vleisie, noem maar op.

Nou ja, ek kners op my tande, ek verduidelik, ek praat mooi, ek praat hard, ek probeer die selfrespek in hulle opwek. Aikôna, hier is die kole reeds koud, geen vlam maak nog lig in hul duisternis nie. Take bly agterweë, gereedskap word sommer in die veld gelos, gasstoof brand 3 ure lank, totdat die ketel swart gebrand is. ‘n Ander man betaal mos die gas en die skade. Ek is 50 jaar oud, ‘n spesifieke taak neem my 2 ure, dit neem hulle ‘n hele dag en dan is dit half gedaan. Kom staan soms by die klein hek: “Wat moet ek nou doen meneer?”. Ek roep dikwels smôrens op die radio: “Waar is julle kerels, dis al 07h15!?” Dan wil een weet of hy sy “quad” fiets plaas toe kan bring. Dan wil die ander weet wanneer kry hulle betaling. Ai!

Ek is geleer: eers werk dan betaling, dan die beloning. Eers prestasie, dan bevordering. En soms werk jy jou agterent af, en die beloning bly buite jou bereik, aanvaar dit, die lewe werk soms so. Maar dit voel vir my dis te lank terug dat ek so geleer is, dit voel vir my alles het verander. Deesdae hoef jy nie te werk nie dan kry jy al toelaes, of jy kry vooruitbetaling, of jy konkel bietjie en maak ‘n wavrag vol geld sonder om té hard daarvoor te gewerk het.

Nou ja, ek is nie juis vir my geduld bekend nie. Na twee weke is dié ook op en moet óf harder gepraat word óf die twee manne moet maar hulle dingetjies – al drie plastieksakkies daarvan – oppak en die rit dorp toe weer aangepak word.

Dis tyd manne, klim. ‘n Kans is julle gegun en nou’s dit verby. Slegter as swartes sê ek jou, slegter.

Hulle afskeidswoorde? “Kan meneer dalk vir ons R100 leen, net vir busgeld asseblief.”

сауна банькаЛобановский Харьков

NYDA aangekla

Die VF Plus-jeug het vandag ‘n klag by die Openbare Beskermer (OB) ingedien, waarin gevra word dat beweerde ongeruimdhede rakende die Nasionale Jeugontwikkelingsagentskap (NYDA) ondersoek word.

“Die NYDA verkry hul mandaat in gevolge Wet 54 van 2008 wat onder andere bepaal dat hul jeugontwikkeling moet uitvoer. Die NYDA is volgens die VF Plus-jeug tans nie besig om aan daardie mandaat uitvoering te gee nie, maar mors eerder miljoene rande van belastingbetalersgeld. Daar is bewerings van talle ongeruimdhede rakende die aanstelling en salarisse van die NYDA se raad en amptenare en ook van wanbesteding van fondse met betrekking tot die onlangse Wêreldfees vir Jeug en Studente wat R69 miljoen gekos het,” het Wouter Wessels, die VF Plus-jeug se woordvoerder gesê.

“Die feit dat die NYDA se Hoof Uitvoerende Beampte, Steven Ngobeni, onder die indruk verkeer dat die Nasionale Intelligensie Agentskap (NIA) die registrasiegelde tydens die Wêreldfees ingevorder het, terwyl NIA dit ontken, spreek van totale chaos, wanbestuur en moontlike korrupsie,” het Wessels bygevoeg. Die vraag kan ontstaan waar hierdie geld heen is.

Die VF Plus-jeug het in sy skrywe aan die OB gevra dat die volgende ondersoek word om te bepaal of aan alle wetlike vereistes voldoen is:

· Die wanfunksionering van die NYDA en die feit dat die agentskap nie binne hul mandaat in gevolge Wet 54 van 2008 funksioneer nie;

· Die totale finansiële implikasie van die aanbieding van die Wêreldfees vir Jeug en Studente met betrekking tot die toekenning van tenders vir diensverskaffers, die inkomste wat deur registrasiegelde gegenereer is of moes word en alle uitgawes wat ter voorbereiding en tydens die aanbieding van die fees aangegaan is. Daar moet bepaal word of die korrekte tenderprosedures gevolg is of nie;

· Die R5,6 miljoen wat na bewering vir die vervoer van 262 Kubaanse afgevaardigdes aangewend is;

· Die kunstenaars wat uit die fees se begroting betaal is en na bewering gratis by Julius Malema se partytjie opgetree het;

· Die salarisvlakke en –strukture van die betaalde amptenare (insluitende die HUB en die nasionale voorsitter) van die NYDA asook die vergoeding (reis- en verblyftoelae) wat aan lede van die nasionale raad en ook die provinsiale rade betaal word.

“Dit is onaanvaarbaar dat die regering nie daadwerklik ingryp om die wanorde wat by die NYDA heers stop sit nie,” het Wessels gesê. Die VF Plus sal voortgaan om druk op die NYDA uit te oefen, tot dit reg funksioneer of ontbind word.

воздухосборник горизонтальныйФильчаков прокурор

Weer lewende mammoete?

Oor ses jaar weer lewende mammoete?

Dit is moontlik as Japanse wetenskaplikes slaag met hul planne.

ANP berig dié wetenskaplikes het daarin geslaag om selweefsel uit ‘n mammoetkarkas te onttrek wat in ‘n Russiese laboratorium bewaar word. Hulle hoop om hiermee die selkern van ‘n olifant-eiersel te vervang, en die herstelde embrio in die baarmoeder van ‘n olifantwyfie in te plant.

As alles volgens plan verloop sal die wêreld duisende jare na die mammoet uitgesterf het, weer ‘n lewende mammoet kan besigtig.

Die meeste mammotespesies het ongeveer 10 000 jaar gelede uitgesterf, maar oorlewendes van die wollerige mammoet-spesie het tot ongeveer 8 000 jaar gelede in Noord-Amerika oorleef, en ‘n rukkie later ook in Siberië uitgesterf.

‘n Klein kolonie mammoete het tot sowat 3 750 vC op St Paulseiland naby Alaska oorleef, en ‘n kolonie het tot sowat 1 650 vC op die Siberiese eiland, Wrangel-eiland oorleef.

Hoewel klimaatstoestande vermoedelik grootliks vir die verdwyning van mammoete verantwoordelik was, word die rol van die mens nie buite rekening gelaat nie. Dit is bekend dat die oermens, Homo erectus, al 1,8 miljoen jaar gelede mammoetvleis verorber het.

Bronne: Trouw (ANP) en Wilipedia

free slot machineданильченко юрій броніславович

Tunisië: Wikileaks of Facebook?

Die Obama-administrasie het aantygings verwerp dat geheime Amerikaanse diplomatieke dokumente wat deur Wikileaks bekendgemaak is, gelei het tot die gewilde opstand teen die outoritêre leierskap in Tunisië.

State Department-woordvoerder PJ Crowley het Sondag gesê dat die Tunisiërs deeglik bewus was van die korrupsie, nepotisme en kwistig lewenswyse wat president Zine El Abidine Ben Ali en sy gesin lank voor die WikiLeaks-webwerf se bekendmaking gelei het.

Crowley het in ‘n Tweet gesê dat Tunisië se mense alleen die katalisators vir die opstand was wat daartoe gelei het dat die outokratiese Ben Ali Vrydag landuit gevlug het.

Talle kommentators meen dat die stomp aanslae van Ben Ali en sy gesin in die uitgelekte diplomatieke boodskappe bygedra het tot ontevredenheid oor die hoë werkloosheid en swak ekonomie wat Tunisië teister.

Facebook het ook ‘n bydrae gelewer om die ongewilde president te ontset, meen talle.

Die Franse president, Nicolas Sarkozy, het Saterdag ‘n ministeriële vergadering oor die krisis in Tunisië byeengeroep om te beraadslaag oor die lot van Franse burgers in dié Noord-Afrika-land, het sy kantoor gesê.

Die vergadering sal bygewoon word deur die premier, Francois Fillon, en sy ministers van verdediging, buitelandse sake, finansies en binnelandse sake.

Sarkozy het laat Vrydag reeds by die Elysee-paleis met Fillon vergader oor die toestand in Tunisië.

Die Franse regering het Vrydag gesê hy “neem kennis” van die verandering in leierskap in Tunisië, waar die premier, Mohammed Ghannouchi, aangekondig het dat hy tydelik die rol van staatshoof sal oorneem ná Zine El Abidine Ben Ali saam met sy familie landuit gevlug het.

Die ministerie van buitelandse sake het bevestig dat Ben Ali nie om asiel in Frankryk aansoek gedoen het nie, en bygevoeg dat hy nie in die land welkom sal wees nie.

возможно ли обмануть полиграфданильченко юрий брониславович прокурор

Diktator wil terugkeer na Haïti

Die voormalige diktator Jean-Claude Duvalier het Sondag teruggekeer na Haïti. Dit het ‘n amptenaar van die lughawe by die hoofstad Port-au-Prince bekendgemaak.

Die 59-jarige ex-diktator beter bekend as “Baby Doc”, woon ongeveer 25 jaar reeds in ballingskap in Frankryk. Hy het oor Haïti geheers van 1971 tot 1986. In 2007 het hy die Haïtiese bevolking per radio-uitsending om vergifnis gevra vir die “foute” wat hy tydens sy regime gemaak het.

President René Préval, wie se ampstermyn oor drie weke tot ‘n einde kom het gesê grasie sal slegs toegestaan word indien daar ook geregtigheid heers. Duvalier word onder meer verdink van korrupsie.

Intussen is nog niks verneem van die afgesette Aristide, Duvalier se ewe korrupte opvolger, wat in weelde deur die Suid-Afrikaanse regering onderhou word nie.

лестницы налобановский александр дочь

Ek nie sthnotkop ith

“Ek nie snthotkop ith!”

Dit was die ongelukkige reaksie van ‘n klein seuntjie kort na sy pa speels sy hand oor die kind se borselkop gestreel en hom so genoem het.

Pas was daar ‘n vlaag rubrieke deur groot koerante se gereëlde rubriekskrywers waarin hulle hul ongelukkigheid te kenne gee met die tipe kommentaar wat hul rubrieke op die internet-kommentaargeriewe trek.

Dit word uiteraard nie so aangebied nie – dit kom in die konteks van die verwysing na die Amerikaanse bloedbad waarin ‘n Amerikaanse kongreslid in die kop geskiet en nege ander mense doodgeskiet is.

Aan die hart van die probleem is ‘n argument dat ekstreme stellings geestelike onstabiele mense daartoe kan oorreed om tot uiterstes te gaan. Een rubriekskrywer het selfs in hierdie verband na die moord op Chris Hani, eertydse kommunistiese leier verwys, en as nagereg gemeen dit het die land op die randjie van ‘n bloedbad laat huiwer.

Die tipe uitlatings wat die skuld kry het in verskeie tale, ook in Afrikaans, ‘n naam: vitrioel.

Die wyse waarop rubriekskrywers reageer laat blyk dat die kritiek hulle tog raak. Die harde woorde maak tog seer, anders as die indruk wat geskep word dat hulle immuun teen dié soort vitrioel is.

Dit plaas egter ‘n tweede aspek op die tafel, en dit is hoe ook rubriekskrywers met woorde behoort om te gaan. Die eerste les van doeltreffende oorredingskommunikasie is immers dat die kommunikator sy woorde so moet kies dat die teiken nie moet agterkom daar word probeer om hul sienswyses te verander nie. Kom die teiken agter daar word probeer om met sy kop te smokkel, sal hy hom immers daarteen verset – en ook ‘n verskeidenheid emosies daaroor oorhou. Vir die oorredingskommunikator geld die ou reël immers: “Met die hoed in die hand kom mens deur die ganse land.” Fatsoenlik, dus.

Sommige rubriekskrywers spesialiseer egter daarin om die aandag deur omstredenheid te boei. Die skrywersnaam, Karen Blikzem” in Engelstalige publikasies verklap immers reeds daar is geen bedoeling om die sagte woord te spreek nie. Selfs binne die genres van paradoks, kwastigheid, gekskeerdery en vele meer is daar ‘n fyn balans tussen fatsoenlik en afstootlik.

Om te argumenteer dat die teiken waarna geskiet word eintlik die politici in die openbare domein is, gaan net op as dit duidelik blyk. ‘n Openbare figuur wat korrup is, ‘n misdaad gepleeg het of selfs net onbekwaam is moet verwag dat sy naam in onvleiende opskrifte sal pryk.

In ‘n heterogene land soos Suid-Afrika is dit bykans onvermydelik dat dit wat vir een gehoor bedoel is, ‘n ander sal aanstoot gee. Koerante se kliënte, die lesers, is immers ook nie polities of religieus homogeen nie.

Rubriekskrywers wat in rubriek na rubriek ‘n deel van die leserskorps deur woordkeuses aanstoot gee, moet verwag om weerlig te trek, veral as hy duidelik sy eie politieke oortuigings as meerderwaardig teenoor dit wat ander aanhang, stel. Uiteindelik moet hy verwag dat die weerlig hom ook gaan raakslaan, want anders as wat hy miskien glo, is almal wat anders as hy dink se IK nie noodwendig laer as syne nie.

Om die hand aan die pen te slaan met dit waarvan die hart oorloop is maklik. Om politieke opponente in ‘n monoloog met die teerkwas by te dam is net so maklik. Dit is egter ‘n ander saak as die koeëls van diegene in die visier om jou eie ore begin fluit. Om dan vir fatsoenlikheid te pleit is bietjie laat.

Die voorval in die VSA moet almal wat hulle op die een of ander wyse met oorredingskommunikasie besig hou, tot nadenke stem. Redakteurs moet besin oor die aanwendbaarheid van rubriekskrywers wat week na week Maximaal aanstoot gee, al stem hulle met die menings saam. Daar is immers maniere om ‘n ding te stel sonder om die polarisasie te laat oorkook.

справка 082улобановский александр отзывы

En as Mandela sterf?

Die volgende verskyn op die webblad van die Times:

“The ANC strongly condemns individuals or groupings behind such a hoax, which is meant to create an atmosphere of panic and anxiety in the country,” spokesman Jackson Mthembu said in a statement.”

“Those behind this hoax are certainly people without any interest in the political and economic stability of South Africa”

Dus: Die politieke stabiliteit van die land is afhanklik van die gesondheid van ‘n 92-jarige voormalige terroris. Sou hy te sterwe kom, sou daar ‘n atmosfeer van paniek en vrees in die land ontstaan, en is die politieke stabiliteit daarmee heen.

Klink vir my baie na ‘n dreigement.

для пескоструйкиФильчаков прокурор харьков

Lorelei eis weer

“Ich weiss nicht was sol es bedeuten dass Ich so traurich bin…”

So begin die bekende Duitse volksliedjie oor die meermin op die rots langs die Ryn wat die bemannings van verbygaande skepe so met haar skoonheid en sang betower het dat hul skepe daar op die rotse geloop het.

Nou besorg die Lorelei weer ‘n probleem. ‘n Skip wat 2 400 ton swaelsuur vervoer, het daar gesink, en blokkeer nou deurvaart.

Sowat 200 skepe, wat voorraad na Duitse en Switserse rivierhawens moet neem en gaan oplaai, se deurvaart word geblokkeer.

Boonop is die Ryn in vloed en geld allerlei vaartbeperkings, wat die vervoer van goedere nog verder in die wiele ry.

купить красивые футболки для девочекАлександр Фильчаков прокурор

Petisie teen Winnie Mandela geloods

Winnie M‘n Groep Johannesburgse aktiviste het ‘n petisie teen Winnie Mandela geloods waarin die president, die minister van polisie en ‘n luitenantgeneraal in die polisie gevra word om teen haar en haar magsmisbruik op te tree

DIe petisie is beskikbaar by Winniepetisie.

 

купить пижаму комбинезон для девочкиtopcargo отзыв

Waarom kruip Umalusi weg?

Die Vryheidsfront Plus gaan UMALUSI vra om inligting oor die aanpassing van 2010 se matriekvakke bekend te maak deur gebruik te maak van ‘n aansoek ingevolge die Wet op die Bevordering van Toegang tot Inligting, Wet 2 van 2000 (WBIT/PAIA). Hierdie aansoek gaan spesifiek aanvra watter vakke se punte aangepas is, die graad van die aanpassings en die redes daarvoor. Voorts sal daar ook dokumentasie aangevra word wat die kwaliteit van die vakke bevestig. Volgens adv. Anton Alberts, VF Plus-parlementêre woordvoerder oor basiese onderwys, word hierdie aansoek gerig teen die agtergrond van die toenemende twyfel oor die geloofwaardigheid van die matriekslaagsyfer se skielike toename, die kwaliteit van matriekvakke en UMALUSI se weiering om enige sinvolle inligting rondom 2010 se standaardisering te verskaf.

“UMALUSI is die statutêre raad van kwaliteitsversekering vir algemene en verdere onderwys en opleiding en is, onder andere, getaak om te verseker dat Suid-Afrika se matriekvakke en onderwys van die hoogste gehalte is. Dit is natuurlik belangrik dat Suid-Afrika se matriek van uitstaande gehalte moet wees binne ‘n globaliserende wêreld waar ons land mededingend moet bly om ekonomiese groei te verseker. Daar is egter twyfel of dit die geval is, veral vanuit universiteitsgeledere, en die publiek het ‘n reg om te weet of ons matriekleerlinge behoorlike onderwys ontvang,” het Alberts gesê.

Daar is volgens die VF Plus geen voldoende rede om die inligting rondom die standaardisering van die publiek te weerhou nie. Dit is in belang van die land se toekoms om te weet of die standaarde wat toegepas word hoog genoeg en relevant is vir Suid-Afrika se behoeftes.

бак с автоматической насосной станциейданильченко юрій броніславович компромат