Die Britse regering is welkom om weg te bly van die beraad tussen die Afrika-unie en die Europese Unie wat in Desember vanjaar plaasvind, meen Kgalema Motlanthe, sekretaris-generaal van die ANC. Hy het dié mening uitgespreek in verlede Vrydag se ANC Today-nuusbrief.
Indien sommige lande besluit om “weg te bly van hierdie krities belangrike dialoog omdat hulle te heilig is, beskik ons seker – hoe jammer dit ook is – oor die reg om soos The Economist te sê ‘so be it’,” aldus Motlanthe.
